ممكن ياشباب تتدخلوا وتساعدونى انا واقع بأزمة

[حاتم الكتنانى]

انا شاب عمري 20 سنة احب فتاة تكبرنة سنة وشهور لكننى احبها حب صادق وانا احبها منذ مدة طويلة يعنى عندما كنا نذهب الى المدرسة وعندنا هنا عادة بالشجاعية وخاصة اهلى لا يجب ان تكون البنت اكبر من الشب عند الزواج لكننى احبها ولا اريد ان اتزوج غيرها حد يقلى اعمل ايه pleeeeeeeeeeeeeees

[ashrafo]

والله يا عيووني باختصااار ما فيها شي .. لكن في موضوع اكبر من العمر اللي بينكم ...!!

لكن اعذرني عقلي الآن مش روااااااااااااااااء ..:b:

فيما بعد ممكن تشوف رأيي ..!! :icon31:

الله يوفقك ويكشف حيرتك ويسدد خطاك ...

[نور]

انا براي اخي الكريم تحاول تقنع أهلك
لأنو مش عيب تكون اكبر منك
والرسول الكريم عليه أفضل الصلاة والسلام تزوج خديجة وهي تكبره بكثييييييير
أهم شي اسلوبك في اقناع أهلك ورغبتك الأكيدة بالبنت
وربنا يوفقك

[أبو يقين]

انا براي اخي الكريم تحاول تقنع أهلك
لأنو مش عيب تكون اكبر منك
والرسول الكريم عليه أفضل الصلاة والسلام تزوج خديجة وهي تكبره بكثييييييير
أهم شي اسلوبك في اقناع أهلك ورغبتك الأكيدة بالبنت
وربنا يوفقك

أنا رأيي متل رأي نور خي


:icon9:

[ابو جروح]

عمرك 20 سنه لسه بكير على الجيزه .......
وخذلك هالقاعده هاي (الحياة قسمه ونصيب )
ولي مكتوبلك رح توخذو يعني لو الك نصيب بهاي البنت رح توخذها وتتزوجها غصب عن اهلك والدنيا كلها

تحياتي الك والله يوفقك يا رب



ابو جروح مر من هنا

[S M S]

والله يا سيدي المجتمع هيك بدو شو بدك تعمل !!


وازا في نصيب راح تاخدها غصبن عن الكل

ازا انت مقتنع تماما باللي بتعملو وبتحبها ومخلص لالها وهي نفس الشي بتستاهل التضحية ,,,

افتح الموضوع مع اهلك وناقشهم باسلوب هادىء ورزين

واستخدم العقل بالنقاش مش القلب ,,,,

والله يوفقك يا رب

[**بيسا مشاكل **]

يعني شو ازا اكبر ممنك بسنه :icon8:

هالعادات ئديمه كتير كتير

واليوم بش اكبر واصغر

بتحبها اتزوجها بس اكيد برضى اهلك


وازا علاهل اكيد في وسيلة بتئنعهم اكيد


حاول معهم وشووف الاسلوب المناسب انك تئنعهم

وانا متاكده ما في اهل بوئفو ضد سعادة ابنهم


بالتوفيئ يربي

[نسمة بلادي]

متل ما تكرموا بعض الاخوة حاول اقنع أهلك والزواج من وحدة أكبر منك لا عيب ولا حرام


ولي مكتوبلك رح توخذو يعني لو الك نصيب بهاي البنت رح توخذها وتتزوجها غصب عن اهلك والدنيا كلها

بالزبط

وان شاء الله أخي بتكون من نصيبك

[limar]

ب النسبة لانها اكبر منك مافي مشكله
بس اخي عمرم 20 سنة لسا بكير على الزواج
لسا بدك وقت كبير لحتى تكون حالك
بس عبين ما تكون حالك يا ترى البنت راح تقدر تتناك هاي المدة الطويله
واكبر منك كمان ادي راح يصير عمرها
يعني ممكن تقدملها شاب يكبرها ب السن واوضاعه منيحة ما راح يكون سبب منطقي انها تستنا شاب لسا ما كون حاله واصغر منها كمان
على كل حال اخي ازا الك نصيب راح تكون من نصيبك
استخير اخي والله يجيب الي فيه الخير ان شاء الله

[الأمل بالله]

كل شي قسمه ونصيب

ومافيها اي شي تكون اكبر منك

المهم أخلاقها وتكون مؤدبه
العمر مش مهم

وحاول انه توصل الفكره لأهلك بالتدريج
فوت الهم من ناحيه دينيه

متل ماحكى الأخ
الرسول زوج ستنا خديجه وهي اكبر منه ب20
سنه

وبدعيلك بالتوفيق ياررب

[محمد_فلسطين]

والله اذا انت مقتنع اكيد فيها خلص على خيرة الله
بس تقرر نهائيا اتصل فيي انا بجيب مأذون وباجيلك

[فلسطيني حتى النخاع]

والله انا شايف بوجهة نظري .........انك لازم تبني نفسك بعيدن تفكر بلزواج لانو الزاوج مسؤولية مش
لعبة.....وبنات الناس امانة ...وبعدين اكشف الاوراق امام اهلك واهلها ......وخلي الواقع سيد الموقف ..ودمت اخي
................................... ................................... ................................... ...................

[خيـرَ أُمـة]

في البداية أخي كيف حكمت انك بتحبها :) انا شخصيا بعتقد انه الحب القيقي لا يمكن يكون بمجرد النظر او الكلام وانما في اشياء اخرى هي الي بتصنع الحب والي بدايتها الزواج ... لما في ه من مودة ورحمة والفة ربنا بيزرعها في الطرفين غير انه ربنا وصف العلاقة الزوجية بانها ميثاق غليظ !! .. و وصف قطع هاي العلاقة بانها أبغض الحلال ... لكنه سمح بقطعها .. فما بالنا بعلاقة للان ما تبلورت .. اعتبرها مثل اختك ولا تربطها أكيد انت بترفض انه حدى يربط اختك سنين طويلة ...

لكن وركز على كلمة لكن ... اذا انت قادر تفتح بيت ومن عائلة مقتدرة فمش غلط توكل على الله واطلبها وان شاء الله ربنا يبارك فيك وفيها :)

غير هيك الحب -ان كان حب أصلا- ممكن تتعالجه بحب أعظم منه والي هوي حب الله ...
لكن انا شخصيا بتصور انك معجب فيها وانها المسألة لا تتعدى الاعجاب ..

ربنا يوفقك ويهديك اخي واعذرني على ردي السريع لكن لو حبيت انفصل ونتناقش ما عني مانع

موفق يا رب ..

أخوك

[سيف الاسلام]

انا شاب عمري 20 سنة احب فتاة تكبرنة سنة وشهور لكننى احبها حب صادق وانا احبها منذ مدة طويلة يعنى عندما كنا نذهب الى المدرسة وعندنا هنا عادة بالشجاعية وخاصة اهلى لا يجب ان تكون البنت اكبر من الشب عند الزواج لكننى احبها ولا اريد ان اتزوج غيرها حد يقلى اعمل اي

استشير أولياء الامور ..انا لم يكن الوالدين مقتنعين ...فهنالك العم والخال ..والباقون

ولكل قلب مفتاح .... ومفتاح الزواج الناجح رضى الوالدين... أقنعهم .. او مفاتيحهم تقنعهم ..ولا تتاخر فهي تنتظرك حتى لو كنت بسن 20
فإن الزواج هو أنجع الوسائل المساعدة على العفة وتحصين الفرج وغض البصر

وفقك الله عز وجل ...................ززز

[نسرينا الفلسطينيه]

ممممم

الله يعينك اخي

فيك تلجأ لاحد من اقرابك بتشوفو ممكن يأثر ع اهلك ويقنعهم

متل اعمامك او خوالك او احد الاصدقاء

والنقاش بهدوء بهيك مواضيع افضل من العصبيه والتوترات بينك وبين الاهل

وبهيك شوي شوي بتقدر تقنعهم بكل زوء واحترام الهم..

وما في اهل بكرهو لولادهم السعاده..بس نظرة المجتمع بضل مترسخه بهيك مبادئ

وانت بشطارتك بتقدر تقنعهم

ومتل ما قالو

ازا في نصيب راح تاخدها غصبن عن الكل

وان شاء الله تكون من نصيبك^^

[زهراء المغرب]

لك يا اخي رضى الله في رضى الوالدين
اقنع الماما والبابا
بطريقة صحيحة
وانا ما اظن انو في مشكل البنت مش كبيرة اوي
يعني مانو عائق امامك
بس حاول تستخدم العقل في اقناع الوالدين
اخي هايدي حياتك
لو ما قدرتش تبتدي
ما راح تقدر تعيش
الحل
اقناع الماما والبابا بطريقة يولفقو بيها ونفسو الوقت ما تعصيهم
ولا تضيع حياتك انت
بتحبها يبقى اتجوزها
عايد يعني
اتمنى ليك التوفيق وربنا يلهمك القرار الصحيح
لك رغم انك طلبت شباب بس لكن اهو دحلنا نساعد اتمنى مشكلتك تتحل رغم انها مانها مشكلة
بالعقل ينحل كل شي
ويعدين انصحك نصيحه لله
20 سنة مو كافي تقول انا محب وعاوز اتجوز
دي وجهة نظري انا
ادي الماما والبابا مثلا بخير الناس الرسول عليه الف صلاة وسلام اتجوز الي اصغر منو والي اكبر منو

[جرحٌ بملامح انسان]

حـــاول مع أهلك وأنا متأكد ما رح يقفوا بوجهك
بس أهم شي تكون عنجد انت مقتنع بالبنت والبنت نفس الشي ومتأكد من نفسك
ومتل ما قال الاعضاء اللي قبلي شغل عقلك مش قلبك
وربنا يوفقك ويقف معك يا رب

[احلى رورو]

اسمع خيووو

بصراحة ما حدا بياخد اللي بدو اياه

وازا من نصصيبك راح تتزوجو

وازا مش من نصيبك ولا مرا راح يسير النصيب

[blue-girl]

انا من ناحيتي ما بايد انو اخد واحد اصغر مني او احب حتى
بس يعني انا اختي ماخده واحد اصغر منها في سنه فعادي الموضوع مو كبير

[إبنة فلسطين]

والله كل واحد اله نصيبه في الدنيا اذا الله كاتبلك اياها رغم كل الناس ضدك راح تتزوجها والله يقدم الي فيه الخير

[مارلين برلو]

هاى مو مشكلة حتى لو كانت اكبر منك بسنة مو كتير

كتير فى ناس متزوجين وبتكون مرتو اكبر منو بسنين مو سنة ولا سنتين وعايشين احلى عيشة

والى بدو يلاحق كلام الناس بيتعب

وكل شى بالهدنيا قسمة ونصيب ادا الك نصيب فيها راح تاخدها

وربنا يوفقك

[حنان16]

راح احكي مجموعة من النقط في ما يخص مشكلتك اخي

اولا انا ما راح احكيلك كون نفسك الاول او انه بعدك صغير على الزواج ...اواواو

لانك ما استفسرتنا عن هيك شي والمشكلة اللي طرحتها واضحة..

باستثناء نصيحة بدي اقدمهالك اعتبرها من اختك الصغيرة

ما تنظر تحت رجليك اخي انما وسع نظرتك للمستقبل

ولو مقتنع بانه بدك تتزوج فعلا هالبنت وبتحبها بجد

على بركة الله اول خطوة وكل امرك لربنا واعرف انه مافي هروب من القضاء والقدر

واللي ما بيملك مفاتحهما الا الباري جل وعلا

وثاني خطوة تحاول تقنع اهلك وحط في بالك انه ما في زواج من هالبنت غير برضاهم وموافقتهم

والاشي الاهم ما تظل حاطط قدامك الفكرة السلبية هاي انهم ما راح يوافقه مشان التقاليد والعادات وهيك شي

لا اخي تفاءل ومثل ما حكتلك من قبل وكل امرك لربنا وهو ييسرلك خطاك

ونقطة اخيرة لما تكون بتحكي مع اهلك في الموضوع حاول تناقشهم بطريقة عقلانية وذكية

واكيد لو من نصيبك هالبنت فربنا رحيم بعباده وراح يوفقك

تحيتي ^_^