هذه اخرتها ... حماس تطلق مبادرة لعقد هدنة ووقف الصواريخ لمنع الاجتياح

[حنظلة فلسطين]

[COLOR="Blue"][SIZE="5"][CENTER]انباء متزايدة عن تشكيل خلايا استشهادية للقاعدة في قطاع غزة
حماس تطلق مبادرة لعقد هدنة ووقف الصواريخ لمنع الاجتياح

08/12/2007

لندن ـ القدس العربي ـ الناصرة ـ من زهير اندراوس:
علمت القدس العربي ان مسؤولين من حركة المقاومة الاسلامية حماس داخل قطاع غزة وفي دمشق اجروا خلال الايام القليلة الماضية سلسلة من اللقاءات المكثفة مع قيادات ميدانية لحركة الجهاد الاسلامي، ولجان المقاومة الشعبية، وكتائب شهداء الاقصي من اجل الاتفاق علي هدنة ، وايقاف اطلاق الصواريخ علي المستوطنات والمدن الاسرائيلية لتجنب اجتياح اسرائيلي لقطاع غزة.
وقالت مصادر مقربة من حركة الجهاد الاسلامي ان الحركة رحبت بمقترحات مسؤولي حماس في هذا الاطار، واشترطت ان تكون الهدنة متبادلة، اي ان توقف الحكومة الاسرائيلية عمليات الاغتيال والقصف التي تمارسها حاليا وتستهدف نشطاء المقاومة وأدت الي استشهاد حوالي خمسين شخصا في الاسابيع الاربعة الماضية فقط.
واشارت المصادر نفسها الي ان الحكومة المصرية ابدت استعدادها للتوسط لدي الطرف الاسرائيلي والتوصل الي اتفاق ملزم في هذا الصدد.
واكدت ان السيد خالد مشعل رئيس المكتب السياسي لحركة حماس قد التقي الدكتور رمضان عبد الله شلح امين عام حركة الجهاد الاسلامي في الاسبوع الماضي في العاصمة السورية وبحثا مسألة الهدنة مطولا بناء علي رغبة قيادة حركة حماس في قطاع غزة.
وكان الدكتور شلح قد زار العاصمة القطرية الدوحة يوم الاربعاء الماضي علي رأس وفد من الحركة في اطار الجهود التي تبذلها عدة جهات فلسطينية لتوضيح النتائج الكارثية التي يمكن ان تترتب علي اجتياح اسرائيلي موسع لقطاع غزة.
من ناحية اخري كشفت مصادر فلسطينية لـ القدس العربي ان تنظيم القاعدة بدأ ينشط بشكل واسع في قطاع غزة ومناطق في الضفة الغربية، ويكون خلايا تابعة له تضم مجموعة من الشباب المحبط بسبب تراجع وتيرة عمليات المقاومة.
واكدت هذه المصادر ان بعض العناصر الشابة التابعة للجناح العسكري لحركة حماس وخاصة فريق الاستشهاديين انضموا فعلا الي خلايا تتبني فكر ومنهاج عمل تنظيم القاعدة ، ولكن من غير المعروف ما اذا كانت قد اتصلت بقيادة التنظيم ونسقت معها حول هذه الخطوة ام لا. ولم تكشف المصادر عما اذا كانت تخطط لعمليات مستقبلية ولكنها حذرت من حدوث صدامات بين هذه الخلايا وبعض فصائل المقاومة الاخري علي غرار ما حدث في الانبار في العراق.
الي ذلك كشف الجمعة النقاب عن ان جيش الاحتلال الاسرائيلي يجري الاستعدادات والتحضيرات لشن هجوم علي اطراف قطاع غزة لابعاد المقاومة الفلسطينية عن الجدار الذي يفصل بين الدولة العبرية والقطاع، وذلك بعد ان تلقت الاجهزة الامنية الاسرائيلية معلومات مؤكدة مفادها ان المقاومة الفلسطينية بقيادة كتائب عز الدين القسام، الجناح العسكري لحركة المقاومة الاسلامية (حماس) والوية الناصر صلاح الدين، تمكنت من تطوير صواريخ بعيدة المدي باستطاعتها اصابة اهداف حساسة في مدينة عسقلان الواقعة في جنوب الدولة العبرية.
وقال المراسل العسكري للقناة الثانية التجارية في التلفزيون الاسرائيلي روني دانئييل، نقلا عن مصادر رفيعة المستوي في جيش الاحتلال الاسرائيلي، ان هذه المعلومات اضاءت الضوء الاحمر لدي صناع القرار في تل ابيب، الذين منحوا رئيس هيئة الاركان العامة في جيش الاحتلال الاسرائيلي الجنرال غابي اشكنازي، حرية التصرف لدرء هذا الخطر المحدق.
واضاف المراسل الاسرائيلي ان هذا التطور يعتبر دراماتيكيا، لان الفلسطينيين يملكون الآن اسلحة متطورة جدا باستطاعتها ضرب اهداف داخل مدينة عسقلان، وليس في اطرافها، علاوة علي ذلك اكد المراسل ان القصف الصاروخي للمقاومة الفلسطينية سيكون مكثفا.
واضافت المصادر الاسرائيلية قائلة ان وزير الامن ايهود باراك، لم يتحمس لفكرة اجتياح قطاع غزة، بسبب انتهاء مؤتمر انابوليس من ناحية، والتحضيرات للبدء بالمفاوضات مع الفلسطينيين من ناحية اخري، بالاضافة الي ان اجتياح القطاع سيؤدي الي تكبد جيش الاحتلال خسائر كبيرة في الارواح والمعدات.
بناء علي ذلك، زادت المصادر الامنية في تل ابيب قائلة، ان الجنرال اشكنازي اصدر التعليمات لقائد المنطقة الوسطي في جيش الاحتلال الجنرال يواف غالانط، بالاستمرار في العمليات العسكرية التي يقوم بها الاحتلال في هذه الايام علي طول الشريط الحدودي، ومن ثم توسيعها لابعاد المقاومة الفلسطينية عن الحدود، الامر الذي سيمنعها، وفق نفس المصادر، من التمكن من قصف عسقلان بصورة مكثفة. وعبر مسؤولون في الجيش الاسرائيلي عن شكوكهم العميقة في ان تنجح خطة الجيش الاسرائيلي، لافتين الي انه تدور اليوم علي طول الشريط الحدودي حرب بكل ما تحمل هذه الكلمة من معان، مؤكدين علي ان المقاومة الفلسطينية إزدادت اصرارا، بالاضافة الي انها تمكنت من تحسين اسلحتها بصورة مقلقة للغاية، علي حد تعبيرهم. يشار الي ان المراسل الاسرائيلي لم يكشف النقاب عن نوع الاسلحة الجديدة التي حصلت عليها المقاومة الفلسطينية.

[الفتاة المشرقة]

طبعا انا ما بصدق انها حماس رح تعمل هدنة مع الاحتلا قبل ان يزول عن ارض فلسطين كامله
وهذا اكيد مقالات ...
وبتمنى ان يكون الخبر خاطئ لانو احنا مستعدون ان يسقط منا شهدا ولن نتنازل عن الثوابت حتى لو مات الشعب بأكملة قبل ان يزول الاحتلال.
لا لن نعترف بأسرائل

[القلب الطيب]

هههههههههههههههههههههه
هههههههههههههههههههههه
صاير تنكت يللي ألفت الخبر
اليهود لما بدهم يجتاحوا ما بعرفوا هدنة
وحماس لا تؤمن لليهود
طيب في الضفة الغربية ما في صواريخ مقاومة
ليش كل يوم بيجتاحوا مدنها وقراها
الواحد يحسبها في عقله

[.:.!دموع الرحيل!.:.]

حسبنا الله بكل ظالم ومفتري

يعني مجنون يحكي وعاقل يسمـع

الهدنة معروف شو شروطهـا عند حماس

لاحظ انه الله شايفك يا أخ قبل ما تنقل أي خبر

إفتراء على أهل الجهـاد

وطبعا والحمدلله حماس ماضية بمشروع المقاومة

رغم أنوف كل أعداء هذا الدين

:: مع العلم اني عارفه مين حضرتك يا حنظلة فلسطين

بس ساكتة لسبب مـا .. لذلك خفف من المواضيع الكاذبة ^^ ::

[حنظلة فلسطين]

شكرا للردود

بس للعلم
بالشيء ..
ان هذا الخبر وارد في اكثر الجرائدة المؤيدة للمقاومة و التي تدافع عن حماس .. و لكني لا يعني تعصبي لحزب ان اكذب جميع الاخبار ..

الخبر وارد كما هو واضح في الخبر نفسه من جريدة القدس اللندنية و هي معروفة ( بشخص عبد الباري عطوان ) و اظن الكل يعرفه .. بالتالي من السذاجة ربط اي عبر ضد حماس بانه غير صحيح ..

الخبر وارد .. اذا من الحياد ان نقرأ جميع الاخبار المؤيدة و التي تختلف معك .. او عليكم ان تكتبوا انه ممنوع ايراد اي خبر يعترض مع حماس .. و هيك بتريحونا من شاعر انكم في هذا المنتدى ديمقراطيا ..!!

ردود خاصة :
الفتاة المشرقة ..
اظن ان سيدنا و قدونتا قد اقام هدنة مه اليهود .. يعني مش مشكلة الهدنة .. اذا كانت في مصلحة المرحلة .. و لكن المعيب ان ننتقد حالة و ناتي بمثلها .. كما هو الحال الان .


القلب الطيب :
انا ما بنكت .. و اظن انك مش فاهم الخبر .. بس تفهمه علق ..لانه ما بتحدث عن الاجتياحات بل عن الصورايخ ..!!


دموع الرحيل :
اظن الصمت احسن .. مش هيك !!
و شكرا لسكوتك ..
و لكن الخبر وارد في الجريدة و ممكن تقرأيه من المصدر للتاكيدي اني مش بعيب على حماس بل بعيب على سياسة غلط .

[القريني]

شكرا لك اخ حنظله فلسطين
لا اعلم مدى صدق هذا الخبر
لكن اذا كانت حماس وقادتها رأو بان في الهدنه خير لشعبها خاصه اننا على اعتاب عيد الاضحى المبارك فلا عيب بذلك وهذه الهدنه ستكون استراحه مقاتل
ولكن لا اضن ان قياده المقاومه ستقبل بهذه الهدنه خاصه قاده حماس والقسام الذين ضحو بخيره ابنائهم في هذه الفتره القصيره(فتره الحصار على غزة)
الله أعلم بصدق هذا الخبر

[محمد_فلسطين]

مشكوووووووووووووووووور

[نسمة بلادي]

حمـــــــــــــــــــــاس حركة اسلامية مقاومة شريفة

حمـــــــــــــــــــاس لن ولن تتخلى عن المقاومة

حمــــــــــــــــــاس لن تنسى القضية الفلسطينة

حمــــــــــــــــــاس لا تتخلى عن ثوابتها ومبادئها

حمـــــــــــــــــــاس لا تجتمع مع اولمرت وكندليزا رايس يوما بعض يوم

لعقد مفاوضات سلام وهدن او حتى للتخلي عن المقاومة او اطلاق الصواريخ

حمــــــــــــــــــاس لن ولن تبيع الوطن .....

ربي يحمي جميع قادة حماس وشرفاء فلسطين

حسبنا الله ونعم لوكيل على كل ظالم ومفتري

[الفتاة المشرقة]

يا اخي احنا ما بدنا هدنة على ولا اشي وما بنقبل بهيك هدنة ولا عمرنا رح نحط ايدنا بأيد اليهود ولو مهما صار
اما انك تحكي انو الهدنة القائد عمل هدنة اه صحيح بس على شرط الاتفاق ويكون هناك في ايقاف قتل واغتيالات اكيد واي خرق في الهدنة رح تنتهى الهدنة واصلا اليهود من صفاتهم نقض العهد
وبعدين لما يكون في هدنة مش زي ما حكيت انو بعملو الهدنة مع انهم برفضوها لناساخرين
وين الهدن الي بين عباس والمرت عمرها تنفذت واتوقع هذة مو هدنة
وعمر ما كانت حماس
تنهى عن فعل وتأتي بمثلة

[إشراقة أمل]

أظن الخبر صحيح
ولكن لا يعني ان حماس تريد هدنه انها ستتخلى عن المقاومة والثوابت وكونوا واثقين ان قيادتنا الرشيدة لها وجهة نظر في الهدنه وتعلم ان اسرائيل لا تلتزم بالهدنه لان اليهود منذ ان وجدوا على الارض وهم ينقضون العهود..... والايام تثبت صدق الخبر أوكذبه

[عاشق الحور]

كتائب القسام تقصف تجميع جيبات صهيونية قرب ايرز بـ 13 قذيفة هاون

^^

وبعدين احنا لسه الصواريخ ما دخلناها اللعبة ،، ^_*

وبعدين بدي منكم موقف واحد

الصواريخ عبثية ولا لا ؟!!

مشان الواحد يعرف كيف يرد عليكم

[محمد_فلسطين]

جيد جيد

[عاشق الحور]

ما حدا بينقل شي عن القسام

لانو في للقسام شي اسمو ناطق اعلامي

وفي كمان للقسام موقع الكتروني

www.alqassam.ps

ما اظن انو احتاج لأحد تاني

لما يحتاج بابقى احكيلكم ^_*

[عاشقة حماس]

حمـــــــــــــــــــــاس حركة اسلامية مقاومة شريفة

حمـــــــــــــــــــاس لن ولن تتخلى عن المقاومة

حمــــــــــــــــــاس لن تنسى القضية الفلسطينة

حمــــــــــــــــــاس لا تتخلى عن ثوابتها ومبادئها

حمـــــــــــــــــــاس لا تجتمع مع اولمرت وكندليزا رايس يوما بعض يوم

لعقد مفاوضات سلام وهدن او حتى للتخلي عن المقاومة او اطلاق الصواريخ

حمــــــــــــــــــاس لن ولن تبيع الوطن .....

ربي يحمي جميع قادة حماس وشرفاء فلسطين

حسبنا الله ونعم لوكيل على كل ظالم ومفتري

نسمة بلادي

يسلموووووووووووووووووو لي الايدين اللي كتبو هالسطور

الله عليك يا نسووووووووووووووومة

يعطيك الف عافية حبيبتي

[مؤيد]

^^

خبرك بايت ، آخر مرة سمعتو قبل سنة أكتر من مرة ...

يلا بهمش ، ما عندكو شي تحكوه انتو ، صرتو تعيدو نكت زمان ^^ ..

حماس بدها هدنة وبدها توقف الصواريخ ، ههههه ، طيب القسام كل يوم بيحكو انو جاهزين لأي اجتياح ، يعني هذا دليل على انهم مستعدين للاجتياح وما بدهم هدنة ...

وسلملي على جماعتك وقياداتك في رام الله واحكيلهم ليش المقاومة بنظرهم شي حقير ومحظور ، وليش ما بنسمع ولا خبر عن المقاومة بالضفة يا حكومة دايتون فياض عباس ويا حركة فتح ..

احكي احكي والك الحرية بالحكي ^^ ، بس دير بالك في قوانين مثبتة بفضل انك تلتزم فيها .....

[»رُوحٌ عَ ـآنَقـتْ آلْغُـيُومْ .!~]

^^

خبرك بايت ، آخر مرة سمعتو قبل سنة أكتر من مرة ...

يلا بهمش ، ما عندكو شي تحكوه انتو ، صرتو تعيدو نكت زمان ^^ ..

حماس بدها هدنة وبدها توقف الصواريخ ، ههههه ، طيب القسام كل يوم بيحكو انو جاهزين لأي اجتياح ، يعني هذا دليل على انهم مستعدين للاجتياح وما بدهم هدنة ...

وسلملي على جماعتك وقياداتك في رام الله واحكيلهم ليش المقاومة بنظرهم شي حقير ومحظور ، وليش ما بنسمع ولا خبر عن المقاومة بالضفة يا حكومة دايتون فياض عباس ..

احكي احكي والك الحرية بالحكي ^^ ، بس دير بالك في قوانين مثبتة بفضل انك تلتزم فيها .....



ردك قوووووووووووووي اخي مؤيد

يسلمووووووووووو ايديك ويعطيك الف عافية

قال حماس بدها هدنا:b:

ملينا من هالحكايات

صارت قديمة كثير كثير وحنا حفظناها عن ظهر قلب

لازم تدورو لكم على حكايات ثانية تتماشى مع العصر

هههههههههه

قال حماس بدها هدنة قال :showoff:

[مؤيد]

ردك قوووووووووووووي اخي مؤيد

يسلمووووووووووو ايديك ويعطيك الف عافية

قال حماس بدها هدنا:b:

ملينا من هالحكايات

صارت قديمة كثير كثير وحنا حفظناها عن ظهر قلب

لازم تدورو لكم على حكايات ثانية تتماشى مع العصر

هههههههههه

قال حماس بدها هدنة قال :showoff:

يزيدك ألف عافية .......

لأ بس أصلو ملينا نكت قديمة ....

بدنا اشي جديد يعني ^^ ....

وفعلا ً لازم حكايات تتماشى مع العصر .......

يسلمو ايديكِ كمان ..

[.:.!دموع الرحيل!.:.]

الله يسعدك يا حمـاس ،، يا رجال الإسلام عمرك ما خذلتي هالأمـة

اتفضـــــل يا أخ ..

هذا البيـان صادر عن حركة "حماس" اليـوم ..


/



حذّرت من الشائعات التي تستهدف النيل من الحركة

"حماس" تدعو المقاومة إلى مواجهة العدوان وتنفي أنباءاً عن سعيها لعقد هدنة مع الاحتلال

[ 08/12/2007 - 01:11 م ]

http://rooosana.ps/Down.php?d=q3zY

"حماس" تدعو مجاهدي المقاومة للتصعدي لأي عدوان صهيوني في الضفة والقطاع


غزة – المركز الفلسطيني للإعلام



دعت حركة المقاومة الإسلامية "حماس" كافة فصائل المقاومة الفلسطينية إلى الوقوف في الميدان ومواجهة العدوان الصهيوني في الضفة الغربية وقطاع غزة، نافية صحة الأنباء التي تحدثت عن سعيها لعقد هدنة مع قوات الاحتلال الصهيوني، أو طلبها من الفصائل التوقف عن إطلاق الصواريخ باتجاه المواقع الصهيونية.

وأكد الدكتور سامي أبو زهري المتحدث باسم حركة "حماس" في تصريح خاص أدلى به لـ "المركز الفلسطيني للإعلام" أن هذه الأخبار (التي تتحدث عن سعيها لعقد هدنة ) عارية عن الصحة تماماً، مشيراً إلى أن هذه الأنباء "تستهدف تشويش صورة حركة حماس وإظهارها وكأنها تتراجع عن موقفها حيال المقاومة".

وقال: "هذه الادعاءات والتسريبات تتعارض مع الواقع، فعدد شهداء حركة حماس منذ لقاء "أنابوليس" زاد عن 24 شهيداً"، مؤكداً أن حركة "حماس" بكل أبنائها "جاهزة في الميدان لصد أي عدوان".

وتساءل أبو زهري: "إذا كنا نمارس هذا الدور ويشهد الميدان على دور القسام وتشهد دماء الشهداء على مقاومتنا هل يمكن أن نطلب من غيرنا التوقف عنه؟".

وأضاف: "نعلن أمام الجميع أننا ندعو كل فصائل المقاومة والأذرع العسكرية للوقوف في الميدان في مواجهة العدوان الصهيوني".

وبخصوص المزاعم بانشقاق مجموعات من "كتائب الشهيد عز الدين القسام"، والتحاقها بتنظيم "القاعدة"؛ أكد المتحدث باسم حركة "حماس" أن هذا الحديث "يأتي تعزيزاً للشائعات التي تستهدف صورة لحركة وإعطاء انطباعات عن انقسامات داخلية".

وشدد على أن "حركة حماس هي حركة مقاومة وتتصدر المقاومة وأبناؤها ليسوا بحاجة إلى الانتقال إلى تنظيم آخر لممارسة هذا الدور".

وأشار إلى أن بعض وسائل الإعلام كثفت في الآونة الأخيرة من نشر أخبار كاذبة ومغلوطة، ونشر إشاعات عن حركة "حماس" ووحدتها الداخلية، ودورها المقاوم لأغراض مشبوهة ومشكوك فيها".

وتأتي نشر هذه الشائعات وسط معلومات عن قيام فريق متخصص من قبل جهات في حركة "فتح" والمخابرات الصهيونية ببث هذه الإشاعات للنيل من مكانة حركة "حماس" المتعاظمة في نفوس الجماهير الفلسطينية والأمة العربية والإسلامية خاصة غداة الاستعدادات التي تقوم بها كتائب القسام وفصائل المقاومة للتصدي لاجتياح صهيوني محتمل لقطاع غزة.


/


ومــــا عـاش والله ما عاش .. الي بده يتطاول عليكي يا حركتنا الأبية

وعلى كل مقاوم شريف

:showoff:

شايف كيف حبل الكذب قصير :icon11:

عشان هيك انتبه من وين تنقل الأخبار مش من عند الكزابين الحاقدين :showoff:

[بنت الرملة]

مشكوره ناناااااااااااااا ..

وبجد حبل الكزب قصير !! ..

انا بستعجب مش بس من إلي بكتب هيك خبر هبل

من إلي برضو عحالهم يسدقو هيك هبل وينقلو وينشورا لناس ؟؟ ..

[ashrafo]

هلا بحنظلة فلسطين الغالي .!!:s (43):

عفكرة اسمك هذا له طعم خااااص جميل جدا عندي من اجمل الاسماء فعلا ..!!

اول شي تعليقي لك يا اخي العزيز عن حركة حماس ..؟

انا سمعت اخبار عن عقد اجتماعات مصغرة قيادية بين حماس واسرائيل برعاية مصرية واردنية بحته !!

والاعلام لم يكشف عنها ..!!

وبما ان الخبر اللي جبتو يا حنظلة ليس هو من لسانك بل هو من جريدة القدس العربي الشهير ..

فهذا الخبر صحيييح ..!!

وانا عندي مصاادر موثووقة مليوون بالمية انو في اجتماعات بينهم وتتم في تركيا وسوريا ..!!

للاسف انا استغرب من رد الاعضاء بهذه الطريقة ..؟؟

يعني حضرتك يا عزيزي انت ما غلطت بشيء .. ولكن مع احترامي للاعضاء هم اللي غلطوا بمبدأ حب المقاومة وحماس ..!!

يعني الله يعينك .. :b:

لا يكون تأثرت من هيك ردة فعل .. وانشاالله ما ننحرم من مواضيعك الجميلة ..!! :icon31:

:s (43): :s (43): :s (43):

[ashrafo]

تعليقي الثاني هو لكل محب لفلسطين وليس لكل محب لحماس ؟؟!!

اخواني الكرام ،،،

حماس وغيرها من الحركات المقاومة في فلسطين او في غيرها من بلاد تم احتلالها من قبل مغتصب

غريب .. كانت هناك معاهدات واتفاقيات مؤقتة تفيد الطرفين وبعد ذلك ترجع الامور الى ما كانت عليه من

خلافات ؟؟!!

يعني ليش لما حدا يجيب سريت حماس سواء بالخير او بالشر يكون هيك ردة فعلكم ؟؟!

وخصوووصا مع ابناء القضية اللي هم فلسطينييون .. تعاملوهم كأنهم اوغاد عملاء بمجرد انهم حكوا كلمة

حق او كلمة تعبر عن وجهة رأي قد تكون صائبة وفي محلها ..!!

الآن يا الانسان الفلسطيني اما ان تحب حمااس والا فأنت كافر خارج عن ملة المقاومة وحب فلسطين ؟؟!!

هل هذا كلام مقاوم مجاهد متعلم علوم المقاومة وحب الوطن ..!!

هذا شعااار الملعووون الخنزير بوش .. يامعنا ياضدنــا ..!! معقوووووووول

حماس ليست اعضائها هم من الملائكة البررة الطهرة ، ؟؟

ممنوع عليهم يلمسوا ايدين الاسرائيليين ..!!؟؟

الله يرحم اياااامك ياعرفاااااات ؟؟؟

كان الاسرائيلي و العنصر السياسي في حماس كل يوم عقد عمل وجلسات مقايضة مع اسرائيل ؟؟!!

لكن هذا معنااه خيانة ؟؟؟ هل هو خيانة وطن بالنسبة لحماس ؟؟

طبعا لا ليس هو خياانة .. لابد من المعاهدات والمفاوضات السرية والمقايضات لكي يحصل الطرف

الفلسطيني على جزء من الحساب ..!!

لان نحن الطرف الضعيف الحلقة الاضعف . غصب عن ابونا بدنا نعمل مفاوضات واتفاقيات لاننا نحن الملزمون

بها ..!!

ومعلووومة ليس هناك اي حركة في فلسطين الا وكانت لها حركة مباشرة مع العدو الصهيوني ..!!

وحماس عملت معاهدة مع اسرائيل اكثر من 3 مرات ..!!!

المشكلة في هذا الموضوع هو معاهدة مع العدو الصهيووني في وقت حسااس ..!!

ياااااااريت الله يسمع منك يا أخي ياريت اهل غزة يعيدوا ويمشوا بسلااام حتى لو كانت معاهدة مزيفة مؤقتة

زي كل مرة بس هالمرة خليها انشاالله تطووول علينا فترة السلام خلي الشعب يتنفس هواا بحرية ..!!

والله شي بقطع القلب .. انا اليوم كنت في مكة المكرمة وفي حجاج من جماعتنا من حيفا ورام الله .. وفي

عند والدي صديق عزيييز علينا من غزة المحاااصرة المسكين لهلا ما وصل الاراضي المقدسة ويمكن ما

يوصل المسكين .. و عيلتو وصلت من اسبوع وهو معلق محاصر !! :icon9:

يااارب يعملوا هالمعاهدة ويتعلموا منها واعتقد انا شخصيا ان حماس مكاارة وتعجبني وبإذن الله لم تخذل

الشعب ولن تجعل اليهوود يأخذوا منها شي عزيز على قلووووبنا جميعا .!!

ومتل ما حكى اخي العزيز عاشق الحووور حماس ما بدها حدا يحكي عنها بهيك كلام .. حماس ماشاالله

اقوى منناا جميعا في دفاعها عن نفسها ..!

وبالنهاية مو عيب على حماس انها تعمل مفاوضات .. ما فيها شيء ابدا بالعكس الله يوفقها حماس يارب

ويكون لها عون والبصيرة في كل أمر .!!

وبعض الاعضاء الكرام اصبحوا ناطقين عن حركة حماس .!!

حماس ياخواني لما تعمل معاهدة او شي شبيه بهيك شي .. فإن حماس ادرى بمصالحها ومصالح

شعبها ..!!

واذا عملت معاهده مع العدو يعني خلاااااص راح تبيع الارض وراح ترمي السلاااح ؟؟

شو هالحكي المسخــــــــــــــرة .. معقووول هاد حكي واحد فاهم ووااعي للقضية ..!!

ومشكوووووورين يا المحبييييين .. دمتم بعقلية متفتحة للرأي وللوطن الغالي .!.!.!!.!

:s (43): :s (43): :s (43):

[.:.!دموع الرحيل!.:.]

لا يا حج أشرف^^

والله بتعرف تنسق الكلام ..

وتلبس الدور مزبوط .. !!

شو هالكلام الملغوم يا أخي

:)

يعني الأهبل انتبه شو الهدف من ورا كلامك واسلوبك .. !!

أول شغله طبعـا عيب لما حماس تتفاوض مع الاعداء ..

لأنه اليهود معروفين شو هنـي .. ومعروف المفاوضات معهم على أي أساس ..

تــــــاني شي وباختصار شديد

لو طفل صغير من حماس بيقعد مع صهيوني

لكـانـت أسرائيل فضحت أمره بالدنيا كلهـا

وما انتظرتكم لتيجوا تتهموهـا

هني بدهم شو و شو وقالبين الدنيا رأسا على عقب

بس عشان يشوهوا صورة حماس

ومتعبين حالهم كل هالتعب

لو كلامك صحيح .. بصورة وحده .. بتسجيل واحد

بيضربوا حماس بلحظـة :)

لكن والله هيهـات ..

حمـاس أشرف من ذلك بكثير

والحمدلله ..

وأحلى شو ان لأن المصدر من جريدة صاددرة من لنندن يعني خلاص

لازم انصددق ،، فعلا نكتة :icon11:

الله يبعد عن هالأمة شر كل حاقد ..

وبالأخير يا أخي أشرف بحكيلك بجد .. خاف الله في كلامك :)

انا متابعه ردودك .. وملاحظة نوعيـتـهـا وما بقول غير ربنا يجملها بالستر

ويلهمنا كلنا الي فيه الصواب ^^

[مؤيد]

هلا بحنظلة فلسطين الغالي .!!:s (43):

عفكرة اسمك هذا له طعم خااااص جميل جدا عندي من اجمل الاسماء فعلا ..!!


:s (43): :s (43): :s (43):

حنظلة الغالي ...

أها من أجمل الأسماء لديك ...

أما نحن فأجمل الأسماء لدينا محمد رسول الله ، وأبو بكر ، وعمر ، وصلاح الدين ، وعز الدين القسام ، وأحمد ياسين والرنتيسي والشقاقي ........ الحمد لله كل رموزنا إسلامية وبس .....




انا سمعت اخبار عن عقد اجتماعات مصغرة قيادية بين حماس واسرائيل برعاية مصرية واردنية بحته !!

والاعلام لم يكشف عنها ..!!

شكلها الكاميرات عميانة ^^ ...

سبحان الله ، هلأ ولا وكالة أنباء صورت اللقاء التاريخي السري بين حماس واسرائيل ؟؟؟ ^^

الإعلام ما كشف عنها بتحكي ، طيب مين الي كشف ، انت والأخ حنضلة ^^ .... يسلمو هالسواعد ...

وبما ان الخبر اللي جبتو يا حنظلة ليس هو من لسانك بل هو من جريدة القدس العربي الشهير ..

فهذا الخبر صحيييح ..!!

أجللللللللللللل
ويبدو أنه كنص القرآن يجب أن نصدقه تماما ً ...
أي شيء بيعجبو لازم خاوة تصدقوه وتخلو غيركم كمان خاوة يصدقو ...

[COLOR="Blue"][SIZE="5"][CENTER]
لندن ـ القدس العربي ـ الناصرة ـ من زهير اندراوس:
علمت القدس العربي ان مسؤولين من حركة المقاومة الاسلامية حماس .

طيب شوفو هالخبر الفطحل ^^ ...
قال مسؤولين في حركة المقاومة الإسلامية حماس ، طبعا ً التقرير أو النكتة بالأصح مش ذاكر اسماء ولا شي ، دليل على ضعف الخبر وعدم مصداقيته ، ومنذ متى حماس تصرح من قبل أشخاص مجهولي الهوية ؟؟؟


وانا عندي مصاادر موثووقة مليوون بالمية انو في اجتماعات بينهم وتتم في تركيا وسوريا ..!!


حلووووووووووووووووووووو
كتير
الك جائزة نوبل من عيني هاي قبل هاي
بس أتحفنا
وجيبلي دليل لا يقبل الشك على الاجتماع الي بتحكي عنو في تركيا وسوريا ^^
بدي صور فوتو
وصور فيديو
وتسجيل صوتي واضحححححححح
وازا ما بتجيب كل هدول
اسمحلي ، بتكون بتضحك على حالك وعلينا

للاسف انا استغرب من رد الاعضاء بهذه الطريقة ..؟؟

لا تحاول الاستخفاف بالأعضاء ...

متل ما انت واعي ، هم واعيين كمان ، والا شو رأيك ؟

لا يكون تأثرت من هيك ردة فعل .. وانشاالله ما ننحرم من مواضيعك الجميلة ..!! :icon31:

اطراء جميل على نكتة مضحكة ^^..

[مؤيد]

تعليقي الثاني هو لكل محب لفلسطين وليس لكل محب لحماس ؟؟!!

اخواني الكرام ،،،

حماس وغيرها من الحركات المقاومة في فلسطين او في غيرها من بلاد تم احتلالها من قبل مغتصب

غريب .. كانت هناك معاهدات واتفاقيات مؤقتة تفيد الطرفين وبعد ذلك ترجع الامور الى ما كانت عليه من

خلافات ؟؟!!

يعني ليش لما حدا يجيب سريت حماس سواء بالخير او بالشر يكون هيك ردة فعلكم ؟؟!


:s (43): :s (43): :s (43):

انت الي ليش كل ما تسمع خبر سلبي ضد حماس بتروح بتعملو كلام مقدس ولازم نآمن فيه ونصدقه ...

وليش كل خبر يسيء الى حماس بتروح بتمدحو وبتكتب فيه مدائح التقديس والولاء ..؟؟؟



وخصوووصا مع ابناء القضية اللي هم فلسطينييون .. تعاملوهم كأنهم اوغاد عملاء بمجرد انهم حكوا كلمة

حق او كلمة تعبر عن وجهة رأي قد تكون صائبة وفي محلها ..!!

مين هم الفلسطينيون ؟؟؟
يعني بفهم منك حماس وأعضائها وكل انصارها في الشارع الفلسطيني ما بتعتبرهم فلسطينين !!! منيح وصلت لمرحلة من النبوغ العقلي لا مثيل لها ....

طيب شو فكرك ازا حماس واكل نصارها هدول مش فلسطينين ، شو بتعتبرهم انت ؟ اسرائيلين والا جنوب أفارقة ^^ ...

الآن يا الانسان الفلسطيني اما ان تحب حمااس والا فأنت كافر خارج عن ملة المقاومة وحب فلسطين ؟؟!!

هههههههههه

هذا كلامك انت

وازا هادا كلام حماس ، وين دليلك ؟؟؟ بدي واحد من قادة حماس حكى هالكلام ، هنية او الزهار او نزار ريان او عزيز دويك هدول القادة المعروفين .....

هذا شعااار الملعووون الخنزير بوش .. يامعنا ياضدنــا ..!! معقوووووووول

ليش بتستشهد بأقوال بوش الملعون ^^ ...؟؟

حماس ليست اعضائها هم من الملائكة البررة الطهرة ، ؟؟

حماس ما قالت هيك ..

انت الي عم تحكي ..

ممنوع عليهم يلمسوا ايدين الاسرائيليين ..!!؟؟

اها ممنوع طبعا ً والحمد لله ما صار شي من هالنوع متل ما البعض تنجست ايدو من كتر ما سلم وبوس اليهود والأمريكات والسيدات الأمريكيات ^^...

الله يرحم اياااامك ياعرفاااااات ؟؟؟

أيام أوسلو وشلتها ...
شكلك اشتقتلها هديك الأيام ، بس مالو أنابوليس ، مش عاجبك ، بدك أوسلو أحلى صح ؟؟؟ ^^

كان الاسرائيلي و العنصر السياسي في حماس كل يوم عقد عمل وجلسات مقايضة مع اسرائيل ؟؟!!

لكن هذا معنااه خيانة ؟؟؟ هل هو خيانة وطن بالنسبة لحماس ؟؟

خيانة ونص ....


طبعا لا ليس هو خياانة .. لابد من المعاهدات والمفاوضات السرية والمقايضات لكي يحصل الطرف

الفلسطيني على جزء من الحساب ..!!

لا بد من المعاهدات .. هذا قولك وقولهم ...
لكنك لم تسمع قول الله تعالى ، : (( كلما عاهدوا عهدا ً نبذه فريق منهم )) صدق الله العظيم ...
اسمع لكلام ربنا احنسلك من كلامهم وكلامك ....

لان نحن الطرف الضعيف الحلقة الاضعف . غصب عن ابونا بدنا نعمل مفاوضات واتفاقيات لاننا نحن الملزمون

بها ..!!

ههههههه

بدناااااااااااااااااااااااااااااااا اااااش

امنيح هيك ^^

سأكمل بعد قليل الرد ..

[مؤيد]

ومعلووومة ليس هناك اي حركة في فلسطين الا وكانت لها حركة مباشرة مع العدو الصهيوني ..!!

يلا تخوين شغال عن أبو جنب ...



وحماس عملت معاهدة مع اسرائيل اكثر من 3 مرات ..!!!

لأ وانت الصادق 99 ألف وخمسية مرة ^^ ...

بس وين يا ترى ، شكلهم تخبو في المريخ ^^ ...


ياااااااريت الله يسمع منك يا أخي ياريت اهل غزة يعيدوا ويمشوا بسلااام حتى لو كانت معاهدة مزيفة مؤقتة

زي كل مرة بس هالمرة خليها انشاالله تطووول علينا فترة السلام خلي الشعب يتنفس هواا بحرية ..!!



سبحان الله ، تطلبون الحرية من الأعداء اليهود ، ؟؟؟؟؟ ايش هالعقلية هاي ، من وين بتطلع علينا عينات بتحمل هيك أفكار ..

الحرية والعزة لا تكون إلا باتباعنا الإسلام وفكر الإسلام والجهاد في سبيل الله ...

الحرية والعزة لا نأخذها من عدو محتل ...


والله شي بقطع القلب .. انا اليوم كنت في مكة المكرمة وفي حجاج من جماعتنا من حيفا ورام الله .. وفي

عند والدي صديق عزيييز علينا من غزة المحاااصرة المسكين لهلا ما وصل الاراضي المقدسة ويمكن ما

يوصل المسكين .. و عيلتو وصلت من اسبوع وهو معلق محاصر !! :icon9:

أها ...

فكرك حماس حابسة الحجاج وما بدها ياهم يطلعو ؟؟؟ ^^


وبعض الاعضاء الكرام اصبحوا ناطقين عن حركة حماس .!!

مدافعين ليس أكثر ...

لإنها خيارنا الي انتخباه والي بدنا ياه ..

وصوتنا ...

مش عاجبك صوتنا بلاش ..

حماس ياخواني لما تعمل معاهدة او شي شبيه بهيك شي .. فإن حماس ادرى بمصالحها ومصالح

شعبها ..!!

واذا عملت معاهده مع العدو يعني خلاااااص راح تبيع الارض وراح ترمي السلاااح ؟؟

شو هالحكي المسخــــــــــــــرة .. معقووول هاد حكي واحد فاهم ووااعي للقضية ..!!

ومشكوووووورين يا المحبييييين .. دمتم بعقلية متفتحة للرأي وللوطن الغالي .!.!.!!.!

عجيب ..
مرة بتهاجم حماس ومرة بتمدح ومرة بترجع تهجم ... :icon9:

[.:.!دموع الرحيل!.:.]

معلش أخي مؤيد ..

اسمحلـي .. رح ارجع افتح الموضوع

بعد ما انت سكرته ..

لأنـه في ناس فكرت انه خايفين من الرد تاعهم

ولا إنـه قامعين للأراء المناقضة لأرائنـا

لحسن يقولوا حماس بتقمع الحريات بالمنتديات ..

شكلهم مفكرينا ناطقين باسم حماس واحنا مش عارفين :showoff:

على جميع الأحوال .. هي فتحت الموضوع ،، بعد إذنك يا أخ مؤيد

لنشوف الي بده يحكي يتفضل يحكي ..

لأنه صوت الحق يعلوا ولا يعلى عليه

والهم الحق يردوا على كلامنـا ،، عــادي يعني ^^

لأنه متل ما شفت تألفت أخبار غير موثوقة عني . . ونزلي فيني موضوع كامل من لا شي

وانا ما دخلني فيه هههههههه سبحان الله

[العاشقه المعذبه]

قيادتكم الرشيده هادي خربت بيتنا ودمرت فلسطين للاسف

ولسا حنشوف اكتر من هيك

هدولي عالم ما بتهمهم الا الكراسي والمناصب لا ساألين عن وطن ولا شهدا ولا غيرو
وما رايحه الا على الشعب

الله يعينا وينتقم من كل ظالم

[مؤيد]

ولا يهمك اختي دموع الرحيل ..

الي بيحكو حماس وانصارها ما بسمعو لحدا وما عندهم ديموقراطية .....

والي بيحكو عني وعن الأعضاء انو خايفين من ردودهم ^^ ....

أنا بحكيلهم ...

انو ازا كنت خايف من مواضيعكم كان حذفتها عن بكرة أبيها من أول ما بتنزل ..

وكمان كان حذفت ردودكم مع انو كتير منها وصل لحد مخزي ....

بس هيو الموضوع يخزي العين وصل 3 صفحات ورح يوصل اربع صفحات وما انحذف ....

وفي غيره مواضيع كتير بالقسم هذا وبالمنتدى مشاركات بتسب حماس عن أبو جنب ، وما حدا حذفها .....

عشان هيك ما تقولو ما في حرية ، بلاش أغير رأيي وفعلا ً اتعامل بأسلوب تاني ....

[مؤيد]

شوفو ...

مش بكفي انفتح الموضوع ....

عشان تعبروا عن آرائكم المحترمة ....

فوق هذا كلو عم تستغلوا حريتكم للسب والتشهير ....

غيروا أسلوبكم أحسن ما أنا أضطر أستعمل طرق أخرى .......

وهي مثال حي مشاركة :

قيادتكم الرشيده هادي خربت بيتنا ودمرت فلسطين للاسف

ولسا حنشوف اكتر من هيك

هدولي عالم ما بتهمهم الا الكراسي والمناصب لا ساألين عن وطن ولا شهدا ولا غيرو
وما رايحه الا على الشعب

الله يعينا وينتقم من كل ظالم

شكرا ً لكِ ....

نحنا بنقدر نرد عليكِ ، لكن ما بدنا نخاطبك بأسلوبك هذا .....

و نحنا مش خايفين وما رح نحذفلك ردك الحلوووووووووووووووووووووووووووووو ...

وهي وردة الك من حماس :s (43): على كلامك الجميل والمزوء ^^ ...

[مؤيد]

وبحب أحكي شي ....

يمكن كتير منكو ما بيعرف ...

انو أنا بكون الي الشرف اني أحد مناصري حماس من هذا الشعب .....

وسيكون لي الشرف الأكبر في حال أصبحت عضوا ً فيها ........

والي بفكروني عضو في حركة حماس ، فأنا بحكيلكم اني مش عضو ، ومتلي متل أي مواطن عادي .....

ولما اكون عضو في حماس مش رح اتردد لحظة وأحكي ، بكون الشرف الي ...

وأحلى ثبيت للموضوع ^^ ، كرمال تعرفو انو حماس وأنصارها بخافو من الحرية ومن الرأي الآخر ....... ههههه

[بسكوتة]

ياخي ناس عجيبه :icon11:

احضـروا أخبـار منيـح وحكمـوا عقلكـم

الله ينصـر أصحـاب الحـق ويـرفـع راسهـم كمـان وكمـان ..

كلنـا هنيـة :)

لا إله إلا الله ..

[بنت الرملة]

مــؤيد ... دموع الرحــيل..

لما كتبت انو المنـــتدى بفتخــر بأمثــالكم ما غلـــطت ..

الله يسعــدكم يا رب وما يحرمــنا منكــمـ بينـــا..

[عاشق الحور]

كتائب الشهيد عز الدين القسام

تقصف بوابة ناحل عوز بـ 5 قذائف هاون

وتقصف موقع النصب التذكاري بـ 3 قذائف هاون

هذا تأكيد لكاتب الموضوع إنو كلامو صحيح خخخخخخ

[مؤيد]

مــؤيد ... دموع الرحــيل..

لما كتبت انو المنـــتدى بفتخــر بأمثــالكم ما غلـــطت ..

الله يسعــدكم يا رب وما يحرمــنا منكــمـ بينـــا..

:icon6:

^33^ ^33^ ^33^

تسلمي المنتدى ما بيستكمل فخره واعتزازه الا بوجودك .....

كلك زوء بنت الرملة ...


:s (43):

[ashrafo]

بسم الله الرحمن الرحيم ،،،،


اول شي بحكيه الف مبروووووووك لحرية الرأي والمنطق واخييييييييييرا تم رفع الحصار عن الموضوع .!!:showoff:

ومبروك يا حنظلة فلسطين على التثبيت ورفع الموضوع وفتحه ..!!:icon31:


تعليقي الاول ..!!

والله يا دمووع الرحيل ظني فيكي فعلا ما خاااب ..!!

انت عندك نوع من التفاهم والرد عالرأي الآخر ..!! وهذا الشي حلوو .. !!

وكنت متوقع انو حضرتك راح ترجعي الموضوع .. لأنو ما كان في داعي انو يتسكر .!!

بسبب انو احنا كمنتقدين سواء فتح او حماس او غيرهم هذا لا يعني احنا بنكره حماس ومن

شي متل هيك ..!!

انا شخصيا بحب حماس ولكن غير مقتنع في اللي عم بتعملوا هالحركة الجهادية بعملها السياسي ..!!

وهذا الشيء اسمو حرية التعبير والنقد للآخــــــــــر ..!!

بالعكس كلما اختلفت الاراء كلما زاد الثقة والتفاهم فيما بيننا ومعرفة رأينا في شيء معين ..!!

لازم وواجب علينا احنا كأعضاء في هذا المنتدى ان نكون مرتاحين بالحوار والاجابة بكل تفتح وعقلانية

وتأدبا وحبا في القضية ..!!

اغلب التعليقات الي شفتها كلها تدعوا للانقسام والتمييز الحركي ..!!

لماذا اذا احنا بنحب حماس وتعلقنا فيها بكل ايمان وحب فعلي ، فعلينا ان نثبت ان حماس ليس هي

هنية او مجرد اسم رمزي ..!!

لابد ان نثبت ان حماس هية فلسطين ..!!

من متى كان اسم حماس يدعوا الى العنصرية والتفرقة بين ابناء هذا الشعب المقهور ..!!


اخي مؤيد ردك قسما بالله انا ما فهمت شي منو ابدا .. انا بحكييك يمين انت بتجاوبني شماال ..!!:wacko:

وردك زي كأنوا احنا حاقدين عليكم ونكره الحركة والنظام والخ ......

ليش كل هالحكي هاد والاندفاع معقوول ؟؟ والله لو انك عم تحكي واحد يهودي ما حكيت هيك معاه ..!!

لا تفكر حالك انك انت فلسطيني فقط ... في غيرك ملاييين بحبو فلسطين وحماس اكتر منك بالف مرة ..!!

وخسروا اجمل ما يملكوا من اجل كلمة كانت خفيفة النطق ثقيلة المعنى ..!!

رجاء عزيزي مؤيد لا تحكي هيك جمل وعبارات .. وكلنا اهل بلد واحده ..

واذا كانت روحك وحياتك وعمرك هي حماس ...!!

رجائي من بعد الله منك ان تكون قد هذا الحب بعقلانية ..!!

حماس وفتح اخوة من جسد ودم واحد .. تخيل انك تخاصمت انت واخوك هل تكون هيك العلاقة في

بيتكم بهذا الشكل متل ما بصير هون بالمنتدى وبرا المنتدى ؟؟؟؟

حماس ليس هي حركة او هي منطقة محصورة في غزة ؟؟

حماس هي حماس الشعب للوطن حماس موجوده في كل مواطن فلسطيني وفي كل مواطن عربي ..!!

لكن ليست حماس كقيادة ..!!

بدل ما تحكي وتكتب انت وباقي الاعضاء بهذا الاسلوب المقزز ادعوا لهم بالترحيب والتفاهم ..!!

يعني قبل حماس كنا يد واحده وبعد حماس صرنا يد تقاتل الاخرى ؟؟!!!

في النهاية انا ما بدي ارد على الردود من اجل اختصار رأيي ومن اجل عدم الجدال العقيم في شيء لم

نستفيد منه سوى الحيرة والجهل ..!!


انا ارسلت وكتبت موضوع طويل للاخت دموع وعلى كلامها بتحكي انو انا ما بخاف ربي من سبب هيك

كلمات ..

وان والله مو زعلان من هذا الكلام لانها قد تكون معذورة .. لانها ما بتعرف رأيي وقناعتي والاكثر من

هيك انها ما بتعرف انا مين .. اشرف .!!

لكن تعليقي هل كلامي بهذا الشكل وقبله هل هو شيء ويبث العنصرية ..!!؟؟

ام رد بعض الاعضاء بصوووورة شنيعة جدا .. اعتقد انه هذا هوالحرام ..!!؟؟؟

وبالنهاية والختام مؤيد ودموووع وحنظلة فلسطين وكل الاعضاء كلنا حبايب واخوة ومهما

غلطنا على بعض وشدينا مع بعض .. في النهاية لابد ان نلتقي تحت

مقولة واحد كلنا فدا لفسطين الصامدة ..!!!

واذا كنا فعلا بدنا نوصل لحل لازم تكون قلوبنا ارفع من مجرد كلمات ..!!


ادعوا الله ان يجيب الامور على خير .. وادعوا ربنا ان يوحد صفوفنا ويجمعنا تحت قيادة واحدة مو

تحت قيادتين ممزقتين ..!!


ادعوا الله ان يصلح اخواننا في حماس وفتح وان يؤلف قلوبهم ويشد على اياديهم لكي يبقوا

على صف واحد ويجمعوا شمل العقول المهاجرة والعقول المستسلمة الحزينة لهذا الوضع ..!!


فلسطين كانت ارفع واقوى واعلم واشرف من ان كنا نقول حماس وفتح ..!!

لكن يخسارة اصبحت فلسطين عند بعض عقول البشر . هي اثنيــــن ..


فلسطين فتح .. وفلسطين حمــــــــــــاس ..!!


اشوف واتحدى اي انسان بيحكي عن حالو انو بحب فلسطين انو بيقبل بهيك منطق ..!!

والسلاااااااااااااااااام على عباد الله الكرام ...!!


والله يهدينا ويصلح عقوولنا ياااااااااارب اجمعين ..!! ويفك اسر جميع معتقلينا في السجون ...

ويجبر خواااطر امهاتنا ويكفكف دمووع اطفالنا .. ويلطف سواد وطول اليالي على قلوب اراملـنـــــــــــا ،،،،،

ويوحد فلسطين تحت راية اليد الواحد من اجل الوطن والمواطن ..!!

اللهم آآآآآمين ..!!


:s (43): :s (43): :s (43):

[حنظلة فلسطين]

الاخوة و الاخوات ..

الديمقراطية التي انادي بها .. ليست ديمقراطية شعارات ...

فتح الموضوع من جديد .. هو اعتذار يحترام مقدم من المشرفين عن اخطائهم في اغلاقه .. و هذه شجاعة تحترم .. لولا نصوص ( تحميلت الجميلة ) بعد رفع الحصار عن الراي الاخر .. و كان فتح الموضوع هو منحة ..
و نوع من المزايدة تحت شعار الديمقراطية ..

المهم ..
ان المشرفين عرفوا انهم يلي عملوه غلط .. و هذا كافي
وهذا موقف نرفع لهم فيه القبعات ...

و اشكر اشرف على المرافعة الوطنية التي تحترام .. على امل ان تفهم صح ..!!

وعلى امل الاستمرار في احترام الراي الاخر ..

[عاشق الحور]

باشوفكم قلبتو ديمقراطيين !!

وما رديتو على الموضوع نفسو ؟!

ليش ؟

[.:(خالد):.]

من وين انت يا حبيبي


حماس لو بدها تعمل هدنة


لباعت الارض من زمان

مشكور


لكن كلامك خاطئ

ومصدره غير صحيح

[مؤيد]

يا سلام ...

الله أكبر ...

كمان مرة بحكي ، فوق ما فتحنا الموضوع ، واتثبت ، واحترمناكم يا اخ أشرفكو وحنظلة ....

فوق هيك ما احترمتونا ولا شكرتونا ...

بالعكس هذا خلاكم وفتح المجال الكم لتتهمونا بإنو نحنا الغلط وما بنفهم نكون مشرفين ولا أهل و انو كل شي فينا غلط وانتو الصح .....

وان كنت انت بتحكي انو انت بتسأل بالغرب وأنا بجاوب بالشرف ومش قادر تفهم كلامي ، فهذه مشكلتك وقصور عندك في الفهم ، مش مشكلتي أبداً ..

وانا كنت رح أرد على مشاركتك بتفصيل يا أخ اشرفكو ، بس للأسف مشاركتك ظاهرها جميل وما تخفيه عكس ذلك .....

يعني الي بيتهمني وبيتهم الأعضاء بإنو أسلوبهم مقزز ، شو هذا ؟ احكولي :


[COLOR="DarkSlateGray"]
بدل ما تحكي وتكتب انت وباقي الاعضاء بهذا الاسلوب المقزز ادعوا لهم بالترحيب والتفاهم ..!!


طيب يسلمو الك على أسلوبك المحترم هذا .....

فعلاً يخسارة انو نعطيكو مجال تحكو وتسبو علينا بشكل مباشر وغير مباشر وعلى افكارنا ورأينا .....

وأنا مش رح رد عليك انت وحنظلة .....

لإنو ما بدي أنزل مستواي لكلمات متل كلمة مقزز .....

وما تخلوني أضطر أعيد النظر في مساحة الحرية المطلقة الممنوحة الكم في القسم ...

وشكرا الكم وهي الوردة مني الكم :s (43): ....

[أبو نضارة]

بســـــــــــــــم الله الرحمن الرحيم

السلام عليكم ورحمة الله وبركاته

أما بعد ...

إن كان إنتقادك لأجل هذه الهدنة ... فلمَ لم توجه إنتقاداً لما تفعله فتح ..من قمع المقاومة وسحب سلاح

المقاومة بالقوة ..وإحباط عمليات المقاومة.. .وقبل هذا ما بالك بالتنازلات المشينة جالبة العار والخزي من حركة فتح ..وما بالك أيضاً بقمع مسيرة التنديد بأنابوليس؟؟!

بهذا أنا لا أدافع بطريقة الهجوم ...لكن إنما هو دلائل لتعصبك ليس إلا !!

أما عن الهدنة ... فلا أرى فيها تنازلاً عن أي حق من حقوق الفلسطينيين ...بالعكس إنما هو حقن لدماء

شعبنا .. و ربما وراء ذلك مصالح أخرى ... مثااال ( توفير الملاجيء للمدنيين ..أو تقوية بنية المقاومة )

فليس كل هدنة هي إستسلام ... إنما هي وقف للحرب مدة معينة ...وفي هذا مواقف عديدة في التاريخ ..


وفي الختام أقول حديثاً لرسول الله : (( إنما الأعمال بالنيات وإنما لكل إمريء ما نوى ))

[.:.!دموع الرحيل!.:.]

احم احم

نحن هنـا

مش رح أرد على حدا .. لأنـه دق الميّ وهي ميّ

وكلام الحق واحد .. ما في شمال ويمين

والحمدلله الي اكرمنـا بحماس وبكل مجـاهد شريف ..

بس الله يصلح أحوال أبنـاء هالأمـة

[مؤيد]

ختامها مسك أختي دموع الرحيل ...

بس تذكير للأخ أشرفكو الي تهرب من الإجابة على سؤالي وطلبي ، عشان هيك ، بكرر السؤال والطلب منو انو يجيب دليل على صحة كلامو بخصوص انو كما يدعي حماس عملت لقاءات سرية مع صهاينة .....
وتذكر بدي أدلة لا تقبل الشك ، ما بدي مقالات ، بدي صور فوتو وصور فيديو واضح .....

الموضوع مغلق ، بكفي الشتائم الغير مباشرة الي تلقيتها ....... ^^