فلسطيني .............متحكيش

[mardawe]

بسم الله الرحمن الرحيم

قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش



فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

ممنوع تجدد هويه
ممنوع تجدد بسبور

فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور

فلسطيني ممنوع تتظلم
ولا يطلع بجناحك ريش
فلسطيني ممنوع تعيش


فلسطيني بكل المطارات
اسمك بالاحمر مكتوب
وعلى شباك مصلحه الجوازات
كتبوا علي جبينك مطلوب
لازم تتوقف ساعات
مذنب او من دون ذنوب


و يتوجه الك اتهامات

انك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل ازمات الشعوب
و كأنو بسببك مجرم فات

على جنين بلحظه الغروب
و دبح صبيان و بنات
و عجز على امرها مغلوب
مع انو الحقيقه ...
انا الي بالدنيا ضحيه


عملتوني ماده للغنى

و قضية للي ما عندو قضيه
انا الي راسي ما إنحنى
بوجه ال ريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه


و اليوم و بكره و للابد
عنا كلمه وحده هي ..
فلسطينى وافتخر
:s (43):

[mardawe]

السلام عليكم
ان شاءالله تعجب الجميع
مع تمنياتي لكم بالتوفيق
سلااااااااااااااامي للجميع
mardawe
:s (43):

[بنت حمساوية]

يعطيك العافية أخي mardawe

صراحه كلمات حلوه كتير و معانيها أحلى منها

[محمد_فلسطين]

جيد يا مرداوي
أنت من قلقيليه؟
مشكوووووووووووووووووووووووووووووووو ووووووووووووووووووووووووووووووووووو وووووووووووووووووووووووووور
mohdg2006@yahoo.com

[blue-girl]

cool

[جرحٌ بملامح انسان]

حــــــــلو
تسلم مرداوي على الكلمات الروعة

[.:(خالد):.]

موضوع جميل

مشكور اخي

[mardawe]

السلام عليكم
مشكور على هذه الردود الجميلة
مع تمنياتي لكم في التوفيق
mardawe