هل من العيب ان يقف الرجل او الشاب في المطبخ ليساعد زوجته او امه؟

[NIGHT QUEEN]

السلام عليكم ورحمة الله وبركاته

سؤال واحد

سهل ويمكن صعب !!!

وسريع

السؤال هو .....

هل من العيب ان يقف الرجل او الشاب في المطبخ ليساعد زوجته او امه؟

:icon8:

مع خالص ودي

:s (43)::s (43)::s (43):

[&نسيم الروح&]

بالاصل هو مو عيب

بس في ناس بقولوا انا اوقف بالمطبخ لو شافني فلان ولا عرف علان

فضيييييييييييييييييييييييييحه ههههههههههههههههههههه

بس هي متل ما قلت عاااااااااااادي جدا

[ashrafo]

احلى شي واجمل شي بالنسبة لي الوقوووف بالمطبخ ..!!

لاني بعشق الطبخ والمطبخ ..

انا لسه ما تزوجت ولكن ابدا ما فيها عيب ولا فيها تنقيص من الرجولة ابدا اذا ساعدت زوجتي ..!!

لان المساعده مهما كانت نوعها فهي ليست عيبا ابدا ...!! وخصوصا في مطبخ الزوجة ..!!

وبالنسبة لأمي انا كتير بساعدها وخصوووصا وقت العزايم .. انا المسؤوول على كل شي ..

ويا مراحب بالكبسة والمفاطيح والمثلوثة والستيك أب وغيرها هذه اكلات صعب على المرآة احيانا

انها تسويها ..:icon31:

لازم الفزعة فيها .... :b:

وكل مطاعم العالم يقودها رجال فكيف يمكن لرجل ان يقول عيب لهذه الوقفة ..!!

وعفكرة نساء هذا الزمن ما بيعرفوا والله يطبخوا شي .. صار يخبصوا تخابيص ..:wacko:

احسن شي اني بعرف اطبخ واجيد الطبخ وهذا وراثة من ابي لجدي لجد جدي كمان ..!!

وبالنهاية حسب ونـــوع مـــخ الرجاااااااااااااااال .. يشوفها عيب ولا لأ .!!! :icon9:

مشكووووووووورة كوييييييييين .. :s (43):

[بياع ترمس]

الزلمات عليكم جميعا



طبعا لما يساعد الراجل مرته بيكون عشان بيحبها وما بدو يتاعبها

و**** اصلي اللي بيقول انو هاد خطأ وعيب:matrix:

[جريحة فلسطين]

هههههههههههههههههههههه



طبعا مش عيب لما الرجل يوقف بالمطبخ يساعد مرتو ,, او امو ,,

وهادا اكيد راح يكون احلى شي بحياتو الي بساعد امو او مرتو ,,

يسلمو حبيبتي على الموضوع ,,

[سيف الاسلام]

... المهم

يسلمو نايت كوين يلي فجرتي موضوع يصعب على أدم حتى النقاش فيه بوضوح...
انااا ارغب ان اقول مساعدة المراه في المطبخ سيف ذو حدين ومفهومين.......
اذا كان عن قناعه وبظروف تكون هي فعلا بحاجه لمساعده فلا بأس
امااا اذا كانت امر واقع .. بعد عودته من العمل والله اعلم شو بيشتغل حداد مهندس الخ الخ
يبدأ بمساعدتهاا بامور لا تليق بالرجل مشكله....

طبعاا ايضااا هنالك امور صحيح يمكن لادم ان يتقدم ويساعد فيهااا ولا اتصور بياع الترمس ,..بليلا بليلا يقف على المجلا ومقشمر عن ذراعو وبجلي .. او عامل مثل نانسي ..مبلش غسيل بالطشت..او اديه بلجن العجين وعرقو بزرب... فاذن هنالك المعقول والا معقول .... اكتفي بهذااا الرد

http://files.shabab.ps/vb/images_cash/uploads/071201190406XixE.gif


[/B]

[NIGHT QUEEN]

فعلا متل ما حكت نسيم الروح في كتير ناس بيخافو من الفضيحة ازا حد عرف

لانو نظرة زمان لساتها موجودة

وكما قال اخي ashrafo

في مرات لازم ان الرجل يساعد امو او زوجتو في كتير اكلات صعبة وما بتعرف المرأة تعملها

لوحدها او في العزايم كمان ( عيب عليه لو ما ساعدها )

وجريحة فلسطين (انا رأيي من رأيك ) الدنيا تغيرت وما في مشكلة لو ساعدها

واخي بياع ترمس انا كمان بقول ان المساعدة بتكون دليل على حب الرجل لزوجتو في كتير من الاحيان


واخي طوني الاسمر انااا كمان بحكي مساعدة المراه في المطبخ سيف ذو حدين

بمزاجو اكيد مش غصب ولكن مش عيب لو ساعدها مرة او مرتين في الجلي او في متل هيك

اشياء وطبعا بيكون كنوع من المساعدة مش شي مفروض عليه

واشكركم جميعا على مروركم الغالي

اخوتي

انرتم صفحتي

واجملتم النقاش

مع اجمل تحية للجميع

[ameera]

ابدا مو عيب وهاد دليل على تقديرووو وحبو الها من وجه المساعدة

شكرا الك

[الرمشـ الحساسـ]

طبعا ما فيها شي.....شو يعني لو ساعد الرجال..!!
شو العيب بالموضوع..؟؟.....
ياشباب ازا في حد بخالف الرأي لو سمحت توضح شو السبب من بعد اذنكـ حبيبتي نايت كوين..
يسلمو حبوبة....:icon26::icon26:

[NIGHT QUEEN]

اكييييييييييييييد

انا مؤيدة للمساعدة

وما فيها شي من وجهة نظري واي سبب للرفض

يجب انو يكون مبرر

يسلمووو على مروركم اميرة والرمش الحساس

منورات يا قمرات

[ناي]

السلام عليكم
انا بشوف انو في رجال متسلطين يعني لو كان زوجتو بدها تموت لازم تروح تعملو اكل
وانو هي دورها بالبيت وشغل البيت عليها هي بس
بس ازا كانت الزوجه بحاجه للمساعده ما فيها اي حرج لو ساعدها لشو هالنظره يا رجاااااااااااااال
تحيتي الك

[قسامي غزة]

مشكورة اختي نايت كوين
سؤالك حلو كتير
وانا بالنسبة لرايي في الموضوع هاد
اري انه لا عيب ان يساعد الرجل زوجته وامه في البيت
لان رسولنا الكريم عليه افضل الصلاة والتسليم
كان يساعد زوجاته في اعمال البيت
فهذا يدل علي المحبة بين الزوجين
وصحيح في ناس معارضين لهذه الفكرة
بس انا رايي ما فيها شي لما الشب يساعد زوجته او امه
لان الزوجة مش الة او معدن ما بتتعب
هية تتعب والله يعينها طول اليوم تعمل بالبيت
يعني ما فيها شي بس يكون من باب المساعدة
لاني بعرف رجالة زوجاتهم تكون قاعدة في البيت
وهما الي يشتغلوا ويطبخوا
وطبعا انا هاد الي برفضه جدا
اما هذه المساعدة فلا باس فيها
وكمان مرة مشكورة اختي علي السؤال

[أحلى مايا]

بصراحة هبل الي بئول هيك مش عيب ولا شي انو الواحد يوئف بالمطبخ ويساعد مرتو بالعكس بدل على محبتو لمرتو ومحبة مساعدتها


يسسلمو الك كتيير

[أبو نضارة]

أبداً مش عيب ...

بالعكس ... انا بستمتع بالعمل في المطبخ ,, ( إلا الجلي .. أخس إشي عندي )

[محمد_فلسطين]

هذا كلام فاضي بعدين لما الواحد بدوا يساعد خلص
الناس اصلا ما وراهم غير بعضهم بس
اللي بدو يطلع على كلام الناس شو هاذ حكا وشو هاذ ما حكاش ما عمروا بعيش

[شمس العروبة]

انا شايفة انة عادى يعنى ودة حاجة بتحصل وكتير كمان

ومافيهاش اى احراج للراجل الا اذا كان تعبان فى عقلة

اصلا الحياة تعاون فى كل الشؤون بين الراجل والست

حتى فى شغل البيت


يسلمووا اختى على اثارة الموضوع

[amazing angel]

والله أنا أعارض بشدّة وبحدّة وإصرار وإلحاح إنو الرجّال يساعد مرتو بشغل المطبخ في 10000000000000 سبب بيدعمو رأيي

بس انتو أعطوني فايدة وحدة أو شي نتيجة إيجابية وحدة تقنعوني فيها

يعني شكلكم عن جد ما فكرتو بالموضوع بكل جوانبه

[amazing angel]

يعني ما حدا علّق ع كلامي

بفهم عاجبكو الحكي؟؟؟

اوكي ماشي

[**بيسا مشاكل **]

ههههههههههههههههههه لاء ليش يعني عيب
بعدين في كتير شباب من هواياتهم يوئفو بالمطبخ
بس اااااخ بس الشب يفوت عالمطبخ
لا بخلي تنجره ولا صحن ولا اشي جوات الخزانه اسالوني انا :b:
اكره اشي عليه ابويه يعملنا اكله
صح بتطلع طئع من الاخر
بس الجلي بتكوم عراسي وراس امي :icon5:
ومنصير نردح بس يفوت المطبخ ههههههههههههههههههه
لاء مش عيب وكتير منشوف برامج تلفزيونيه
اغلبها طبخ وطبيخ وطباخين :showoff:
مشكوره البو عالموضوع
تحياتي:s (43):

[حنين04]

يا الله هدا السؤال شو بسأله لأمي دايما لأنه أخواني المحترمين بحكوا احنا شباب وما بصير نشتغل شغل البنات حتى أمي بتحكي نفس حكيهم المشكله أني انا الوحيده هسه ما الي غير اخت وحده متزوجه وبالضفه وكل يوم عندي دوام للخمسه بالجامعه بس هم ما وراهم أشي
اللي بجلط بالموضوع انهم بحكوا ممكن يساعدوا زوجاتهم بالمستقبل أما اختهم هسه فمليون لأ

أنا بحكي مش عيب الشغل يعني أخواني بحكوا لو أنا مش موجوده كان بشتغلوا مع أمي يعني أنا هسه بشتغل عنهم ال8
والله فتحتولي جروحاتي بهالموضوع
يسلموا

[amazing angel]

له له له يا أخت حنونة

والله أطّعتي ألبي

بتشتغلي عنهم ال8 لحالك
طيب حاولي نفذي الخطوات التالية وبنشوف شو بطلع معك:

1- ازا في واحد من اخوتك بيسمع كلامك قوليلو : البنات لما يفكرو بزوج المستقبل مش بس التعليم بهمهم برضو بدورو عالشب اللي يساعد بشغل البيت

2- خبري اخوتك يتصرفو وكأنك مش موجودة ليوم واحد بالاسبوع عشان يساعدو امك بشغل البيت

3- كوني حلقة وصل بين اخوتك وابوكي: يعني ازا بدهم شي من البابا كوني انت الوسيط وهيك بتخليهم يساعدو شوي( بس مش تستغلي الوضع!!!)

انت بس جربي الخطوات السابقة وحدة وحدة وخبريني عن النتيجة

سلام

[لولو اليبناوية]

لأ طبعا مش عيب

لانو الرسول كان يساعد زوجاته في اعمال البيت

ومن العقل الله طلب من الرجل الرحمة في المرأة

مش غلط يعني..

بعدين انا بنظري الرجل الي فعلا فيه رجولة

بكون فاهم معناها منيح وواثق من نفسو

وانو هيك اشياء ما بتعيبه ...بل بالعكس..

[NIGHT QUEEN]

اخي قسامي غزة
هو هادة التفكير الصح

ديما ردودك بتسعدني اخي

الله يديمك عز لهالمنتدى :s (43):

اختي بيسا مشاكل
يسلملي مرورك الحلو يا عسل :s (43):

الرأي واحد اختي

اختي حنين
انا كمان لما اختي تزوجت صرت اعاني من هالمشكلة هادي :b:

الله يعينا اختي يا قمر :s (43): منورة

[NIGHT QUEEN]

اخي ابو نضارة

الله يسعدك يا رب

بتنور النقاش اخي

:s (43):

اخي ميدو دير بالك كمان انا بحكي مش مهم كلام الناس

لانو الواحد شو مقتنع لازم عمل ولا مش راح يخلص

منور الموضووع اخي

:s (43):

اختي احلى مايا و ناااااااي تسلمولي ويسلملي رأيكم يا قمرات

بتنورو اي صفحة بتكونو فيها وفعلا انا كمان بحكي رأينا واحد

منورات

:s (43):

اخي

amazing angel

لو ممكن تعطيني سبب مقنع يخلي هناك سبب للمعارضة

انا شايفة انو اي نوع من المساعدة بيكون مقبول

وليش يكون هناك رفض ؟؟

منور اخي

:s (43):

[NIGHT QUEEN]

تسلميلي شمس العروبة على ردك يا قمر

و تسلميلي لولو اليبناوية على ردك الحلوو

دايما بتنورو مواضيعي بآرائكم وردودكم

كل الحب يا صبايا

:s (43)::s (43)::s (43):

[amazing angel]

هلا اختي "night queen"
يعني بالله عليكي انتو بتسمحو للرجال يدخلو المطبخ ؟من كل عقلكم بتحكو؟

صدقيني لما الرجل بيدخل المطبخ النتيجة تكون:

1-أكل مش عارف شو طعمو

2-جلي أكوام ويحتاج الى أعتى أنواع المنظفات بسبب ما أصابه من بقع

3-كل شي بالمطبخ بصير بدو إعادة تأهيل أو رمي

وفوق كل هاد بصير الرجل مفكر حالو عندو خبرة بالطبيخ والجلي والتنظيف فبيدّخل بكل كبيرة وصغيرة

وبصير يقول هاد هيك لازم ينطبخ ..... وهاد مش ضروري تشتريه...... وهاد أنا بعملو أحسن ....وليش كل هالصرف ع إشي فاضي.....

وبالتالي الملاذ الوحيد (يعني البيت أو المطبخ ) اللي بتكون الزوجة فيه حرة وتتصرف على ما يحلو لها وكيف هي بدها يصبح مقيداً بآراء أخينا الشف (الطباخ) زوجها

صدقوني ازا توقف الأمر عند المساعدة كويس بس المشكلة انو الزلمة ما بسمع حكي مرتو وبحبش حدا يقولو "اعمل هيك وسوي هيك" أو "لأ انت غلطان"

ولا شو راي الصبايا والشباب بالمنتدى؟؟؟؟؟؟؟

[.:(خالد):.]

عادي بيقوي المحبة بين الجميع بسبب التعاون

[NIGHT QUEEN]

هلا اختي "night queen"
يعني بالله عليكي انتو بتسمحو للرجال يدخلو المطبخ ؟من كل عقلكم بتحكو؟

صدقيني لما الرجل بيدخل المطبخ النتيجة تكون:

1-أكل مش عارف شو طعمو

2-جلي أكوام ويحتاج الى أعتى أنواع المنظفات بسبب ما أصابه من بقع

3-كل شي بالمطبخ بصير بدو إعادة تأهيل أو رمي

وفوق كل هاد بصير الرجل مفكر حالو عندو خبرة بالطبيخ والجلي والتنظيف فبيدّخل بكل كبيرة وصغيرة

وبصير يقول هاد هيك لازم ينطبخ ..... وهاد مش ضروري تشتريه...... وهاد أنا بعملو أحسن ....وليش كل هالصرف ع إشي فاضي.....

وبالتالي الملاذ الوحيد (يعني البيت أو المطبخ ) اللي بتكون الزوجة فيه حرة وتتصرف على ما يحلو لها وكيف هي بدها يصبح مقيداً بآراء أخينا الشف (الطباخ) زوجها

صدقوني ازا توقف الأمر عند المساعدة كويس بس المشكلة انو الزلمة ما بسمع حكي مرتو وبحبش حدا يقولو "اعمل هيك وسوي هيك" أو "لأ انت غلطان"

ولا شو راي الصبايا والشباب بالمنتدى؟؟؟؟؟؟؟

ههههههههههههههههه

كلام جميل

الرجل فوضوي يعني

بس السؤال هنا عن المساعدة

وانا بسأل عن وجهة نظرك انت

بس في منو الحكي

يسلمووووووووو على ردك الحلووو اخي

منور دااااااائما

:s (43):

[NIGHT QUEEN]

عادي بيقوي المحبة بين الجميع بسبب التعاون

تماااااااااااااام

:icon31:

هو ده

:icon15:

[الفتاة المشرقة]

السلام عليكم
من جهة عيب فهذا اسي مش عيب
بس من جهت انو يكون تمرد من المرأة على الرجل او السيطرة علية فهذا بيكون عيب على الرجل ان يسمح لها بالتمادي بذلك الوضع
اما ان كانت المرأة بسبب مرض او تعب او ظروف خاصة فهذا بالعكس بيكون رجل محترم وبحب زوجتة وبخاف عليها
بس برضو مش على الطالع وانازل بالمطبخ مثلا لما يكون راجع من عملة بدو يساعد مرتة هاي يمكن ما بتحصل لانوا اصلا هو بيكون تعبان وبدو حدا يساعدوا
ومشكورة اختي على طرحك هذا الموضوع المهم

[@واثق الخطوة@]

اختي ملكة الليل

موضوع جدا رائع
وبكل صراحه مو عيبه
انا من النوع اللي بساعد امي وخواتي واهلي كلهم بالمطبخ واشي عادي جدا
وفي اظن حديث او قصه حدثت عن النبي والله العليم من صحتها
انه اتاخر على اجتماع مسلمين او صلاة بسبب كان يعجن العجين لاهل بيته فبالمرة مافيها شي اذا الواحد ساعد اهلو وناسو بالمطبخ او حتى شغل البيت
ولكن للاسف نحنا بمجتمعنا هاد شي غلط وعيب ولا كمان بوصل للحرام
معلش على اطالتي بالموضوع ولكن موضوع عجبني كتير
تقبلي مروري اختي ملكة الليل
وتحياتي


@واثق الخطوة@

[NIGHT QUEEN]

اختي الفتاة المشرقة

اخي واثق الخطوة

شكرااااااااااا جزيلا على ردودكم

وشكراااا جزيلا على مشاركتكم

ردود جميلة جدا

وتعبر عن شخصياتكم الطيبة

منورييييييييييين

[احلا فوفو]

عيب!!!!
مين الزكي ياللي حكي عيب
اصلا انا بشوف انو من العيب انو الزوجة تساعد جوزا بالمطبخ
لك والله لاخليه يمسح ويجلي ويكنس
واللله
خخخخخخخخخخخ
يثلموو حبيبة البي :showoff:

[NIGHT QUEEN]

عيب!!!!
مين الزكي ياللي حكي عيب
اصلا انا بشوف انو من العيب انو الزوجة تساعد جوزا بالمطبخ
لك والله لاخليه يمسح ويجلي ويكنس
واللله
خخخخخخخخخخخ
يثلموو حبيبة البي :showoff:

ههههههههههههههههههههه


قمر قمر

يسلمووو على الرد الحلوووو

:s (43):

[بسمة فرح]

لا مو عيب بالمره
مع انو ف بلاقوها تقليل من قيمتهم لكن هادا برجع لتفكير الرجل نفسه !!
بالعكس ببقى جو البيت حلو لما يبقى في تعاون..
وما بننسى انه رسولنا الكريم كان يساعد زوجاته,,
شكرا نايت كوين سؤالك,,

[شهد الحياة]

طبعــا لا

[الصمـــ رفيق الصحراء ــت]

السلام عليكم ورحمة الله وبركاته

سؤال واحد

سهل ويمكن صعب !!!

وسريع

السؤال هو .....

هل من العيب ان يقف الرجل او الشاب في المطبخ ليساعد زوجته او امه؟

:icon8:

مع خالص ودي

:s (43)::s (43)::s (43):




اهااااااااااااااااااا موضوع روعه بستحق الرد عليه
المهم وقوف الرجل بالمطبخ مو عيب
نفرض الرجل والمراه لحالهم بالبيت ومسافرين ومابعرفوا حد
بالمنطقه
والمراااه حامل ههههههه
مين بدوا يطبخالها ولا مين بدوك يشطف البيت ولا مين بدوا يعمل كاست نسكافيــه يشربوها
يعني مو عيب بالمره
وانا واحد من الناس بقف بالمطبخ
بس موووووووووو متزوج واحيانا بطبخ ههههههههههه

[NIGHT QUEEN]

اختي بسمة فرح
ردك كتير حلووووووو على الموضوووووع

والرسول الكريم عليه افضل الصلاة واتم التسليم خير دليل

وخير مرشد

وقدوة لنا في جميع التصرفات

منورة حبيبتي :s (43)::s (43):

اختي شهد الحيااااة :s (43): لا طبعا :s (43):

اخي الصمت رفيق الصحراااء مثال حلو كتير :showoff:

ردك في غاية الروعة اخي

اكيد رأي جميل ومقنع

منور اخي

:s (43)::s (43):

[*ريحانة القلب*]

برأي المساعدة مش غلط

لأنو بكتير احيان بتكون المرأة بحاجة فيها لهاي المساعدة


وما بتنقص من قيمة الرجال لو كان متعاون ,, واكيد المرآة هاي الايام بتساعد زوجها ببعض الاحيان

بمصروف البيت , يبقى هو كمان يساعدها بشغل البيت ,,


وايد ع ايد رحمة



بالتعاون بتمشي الحياة ^_^





يسلمو حبيبتي نايت ع النقاش الهادف



بانتظار جديدكـ المميز دومااا


:s (43):

[حاتم الكتنانى]

مش عيب والى بيقول عيب يقول ليش لانه امهاتنا تعبه فينا واحنا صغاااااار لازم نتعب ونريحهم لمن يكبره واذا انت بتتكبر وما بدك تقف هادي بتعود الك

[ألــــــ البعد ــــــم]

بنظري نهائيا مش عيب او انتقاص من كرامته او رجولته
كتير شباب ما الهم خوات بنات فاتحين بيوت اهليهم وقايمين
بكل شغل البيت عن امهم وفي كتير شباب عزبيه بدرسو او
بشتغلو قايمين بكل اشي بحالهم وين العيب
اما بالنسبه للمتزوجين ما فيها اشي لو ساعد مرته لو كانت
مريضه وبحاجه انه يساعدها ويخفف عنها شوي بمرضها وتعبها
ع العكس الشرع بحث ع هيك شي يعني ما فيها اشي عيب
ع العكس بزيد من كرامته واحترامه عند اهل بيته لما يكون همه
علي شريكة حياته وبيته وانه يضل بخير وما يصيرله شي ..
موضوع حلو كتير ... يسلمو

تحياتي
الم البعد

[أبو يقين]

اصلا مين هاد الى قال انوا الطبخ والمطبخ بس للنسوان

هناك طباخين أمهر من النساء في الطبخ


طيب لو امك انت مريضة متلا (الله لا يفدر)

وانت جوعان كتير مروح على سبيل المتال من مطش


بدك تخلي امك المريضة التعباتنة تقوم تعملك أكل انت وبطبيعتك رح تقوم تعمل أكل

وهذا ليس عيبا ولا فضيحة ولا شي اي والله انا بعرف ازلام شايلين الدار شيل والله


وشكرا............

[NIGHT QUEEN]

حبيبتي ريحانة القلب

ما في كلام بعد كلامك

:s (43):

اخي حاتم الكتناني

كلام سليم 100%

:s (43):

حبيبتي الم البعد

في قمة الروووووووووووعة رأيك يا عسل

:s (43):

اخي ابو يقين

بارك الله فيك

رأي ومثال راااااائعين اخي

منورين جميعا اخوتي

:s (43)::s (43)::s (43)::s (43):

[DaRk FlOwEr]

بحس انو مو حلو بس مو عيب

يعني ازا بساعد بشغلات عاديه او يؤف يسليها مو مشكله بس يطبخ

كتير بحسها مو حلوة

[وردة بين الأشواك]

ما فيها شي ابدا بالعكس شي حلو يساعد بالمطبخ

في زماننا هاد لسه غير الستات اللي قاعدين بالبيت هلاء البنت صارت عم تشتغل

لازم يكون في تعاون بين الرجل والمرأة والله يهدي كل رجل شرقي

يسلمو شكرا على الموضوع

[ريمة]

بالعكــــــــــــــــــــــــــــــ ــــس هاد احلى شي بالشب او الزوج يعني انا بعجب كتيير بالزوج الي متل هيك ويااااااااااريت كل رجالنا بساعدو نسوانهم وكل شبابنا بساعدو خواتهم

[NIGHT QUEEN]

اخواااتي العزيزااات

سررت جدااا بردووودكم

الف تحية لكم

^_^