هل تتزوج هذه البنت ( المشاركة لرجال والنساء) للنقاش

[غزاويه]

السلام عليكم ورحمة الله وبركاته


موضوع للنقاش نقلته لكم


بصراحة موضوع أذهلني جداً

ما كنت أعرف إن كتابة البنت في المنتديات

حتى لو كانت كتاباتها محترمة ومفيدة

جريمة يعاقب عليها المجتمع

لا أريد أن أطيل عليكم

هذه قضية رأيتها في أحد المواقع واستغربت كثيراً عندما قراتها

وأحببت اسمع آرائكم حول هذه القضية



جاءت إليها أمها ووجها يتهلل فرحا وقالت :

بنيتي لقد جاء فلان وابنه لخطبتك

ألجم الفرح الفتاة أخرس لسانها ونطقت عيناها ببريق السرور والأمل :

الآن سيتحقق حلمي أبني بيتا من السعادة وأربي جيلاً يكون قطعة ً مني

أربيه على ناظري يكون عونا لي في الدنيا وذخرا لي في الآخرة

لم تنم تلك الليلة فهي لاتحتاج النوم بعد أن تحولت أحلام نومها

الى حقائق تداعب يقضتها.........................

وافق ابوها على الخطبة وتمت الرؤيه الشرعية

سُرّ بها العريس وسرت به

وابتدأ الجميع يوزعون رقاع الدعوة ليلة الفرح الموعودة

ذهب العريس إلى عمله أخبر بعض أصحابه بأنه سيتزوج ابنة فلان

بارك له الجميع

وفي اليوم التالي قابلهُ أحد زملائه وقال له :

الله الله أنت إذن ستتزوج الكاتبة الفلانيه

التي تكتب في المنتدى الفلاني نظر العريس إلى زميله متعجباً

عن من تتحدث وماهذا الكلام؟؟؟؟؟؟؟

قال : زميله خطيبتك كاتبه في المنتدى الفلاني بالاسم الفلاني ؟

قال : وما أدراك ومن أعلمك ؟

قال : أختي تعرفها وأسرت لها بذلك ؟

وهي تكتب باسم مستعار (( .............))

أتريد أن ندخل الى المنتدى لنشاهد مواضيع خطيبتك ؟

قال : العريس وهو يتصبب عرقاً ولما لا ؟

فتح الزميل المنتدى استخرج بالبحث جميع مواضيعها

ثم بدأ الاثنان في التصفح

فها هي ترد على فلان وتشكر فلان وتتناقش مع فلان

وتضحك من طرفة فلان

وهذا فلان يمدح ما تكتب ويثني على ماتقدم

وهي ترد عليه بالثناء والشكر

احمرَّ وجه الخطيب وخرج من المكتب

واتصل ببيت خطيبته

وقال لامها :

هل تسمحين لي أن أكلم خطيبتي قالت : امها لامانع

أخذت البنت الهاتف

وقلبها يخفق ويداها ترتجفان تخشى من سماع الكلام المعسول

أو أن لاتملك القدرة على الرد وهو يحدثها عن بيت المستقبل؟

لكنه فاجاءها بسؤال واحد :

هل أنتِ الكاتبة الفلانية في المنتدى الفلاني ؟؟؟؟؟؟؟

قالت : نعم أنا هي

قاطع حديثها وقال آسف أنا لا أتزوج فتاة انتر نت

وسكر السماعة


هل تقبل الزواج من فتاة تكتب بالمنتديات...؟؟؟





هل الانترنت حكرا على الرجال فقط دون النساء ؟؟؟؟

ارجوا من الجميع المشاركه والاجابه على السؤال حسب رايك الشخصي ,,,

[جريحة فلسطين]

يا الله موضوع وقصه بغايه الاهميه للنقاش ,,

يعني هو حكى انو شاف شو بتكتب بالمنتدى ,,

بتشكر فلان وبتمدح فلان وفلان بيشكرها ,,,,

طيب ما دام كل هادا بنطاق الادب والاحترم وين الغلط بالموضو ع,,,,

وبعدين يعني ليش بيحق للرجل استخدام الاتنرنت عادي ولا يحق ذلك للنساااااااء ؟؟؟؟؟؟؟؟؟

والله انا برأيي انو هادا الشب ,, شب متخلق عقلياااااا ,,

ومشكورة حبيبتي على طرحك الموضوع ,,

*_^

[همس الوطن]

موضوع مهم جدا اولا العريس مخه متحجر لان الامور لا تاخذ بهذه الطريقه ومن زاويه اخرى عنده وجة نظر ... لانو اولاد الحرام ما خلو لاولاد الحلال اشي ... هناك بض الناس اخدو فكره على ان البنت اذا استخدمت النت فانها بنت غير مؤدبه .... بسبب بعض الفصول المؤذيه من اولاد الحرام ويجب على كل فتاة تاخد الحذر والحق على صاحبتها الي ابتحكي عنها لاخوها والله اعلم شو نيته او هدفو اخو صاحبتها... وامنيح انو عرفت عريسها وهم على البر.

[.:.!دموع الرحيل!.:.]

هيـك كتــير !!

إلا إذا كـان ما عنـده خبره بمجــال النت ..

ومـكوّن صورة بمخيلتــه .. أنـه النت = فلـتـان

صــار شـي تــاني ..

مـع إنـه .. رح بكون بخوّف

لأنـه معنـاهـا عقله رح يكون متحجر على أمور ثانيـة

وبالنسبـة إلـي .. بشوف هيك شخـص ،، صـعب الواحـد يتعايش معـه ..

بإمـكـانه يستفـسر منهـا كـان ..

مش عارف حـاله شو مـاخد من الأول ؟؟

وبلحظة انقلبت كل الفكـرة .. ؟

خصوصي لو إنهـا مشـتركة بمنتدى محترم ..

ومـا كانت تشارك إلا بكل إحترام ..

يعنـي لو كاينة مشتركة بمنتدى مش منيح ..

وردودهـا مش منيـحـة

حقه يزعل ويتدايق ..

بـس يكون المنتدى محترم وهي بتشـارك فيه بكل احترام ويعمل كل هالطوشة

والله عقول شبه متحجرة .. !!

الله يهديـنـا كلنـا

مشــكورة حبيــبــتــي . .

يعطيك ِ العـافيه

:s (43):

[limar]

اعتقد هادا قمة في التخلف
لا تعليق

[الأمل بالله]

قمة التخلف هاد اسمو
مكشوره اختي

[غزاويه]

صحيح والله...

لو البنت كانت بتشارك بادب واحتراام شو فيا....

يسلمواا على المروور الراائع...

الله يحفظكم....

منووورين...

[أحلى مايا]

يعني هو قرا الي بتكتبو لشو هالتخلف يعني


والله شكلو مش عارف شي بهالدنيا


يسسلمو الك كتيير

[ألــــــ البعد ــــــم]

بالفعل موضوع حلو للنقاش ... فتاه النت هاد المصطلح الي كتيررررررررر
بسمع شباب بستخدمو وهاد المصطلح في قدر كبير من الاهانه لانه استخدامه
بعني هيك مش لفظه .... ما بعتقد انه عيب او حرام انه البنت تدخل شبكه النت
الي سبب اختراعها كان العلم والبحث والتطور وتسجل بمنتديات بهدف العلم والاطلاع
والثقافه العامه وتشارك مجتمع افتراضي بأرائه وكلامه ووجهات نظره وتناقش بمواضيع
بتخلي ذهنها واطلاعها بالحياه واسع يعني بالنهايه انا بعتبره احدى اساليب توعيه المرأه
والي ما بحب انه زوجته تكون انسانه واعيه فهمانه بظن انه بفكر بهاد المستوى انه انا ما بتزوج
بنت بتدخل نت مع انه النت متل الي وسيله بالحياه متل الموبايل والتلفزيون في من الحلو للمر
والشاطر الي بعرف شو يختار وشو بناسب اخلاقه ودينه وتريبته ... يعني بالنهايه انا من وجهة نظري
اي شب بفكر بهاد المستوى اكيد انسان ما بفهم مع احترامي للكل وبالنهايه الي بتدخل منتدى محترم
مش متل الي بتدخل مواقع اعوذ بالله منها يعني هو عرف البنت هاي وين وشو بتكتب وتصرفه بدل ع عدم وعيه وانه انسان ما بستاهلها اصلا وكمان هي كانت صريحه معه وما نكرت اسمها ودخولها للنت يعني البنت اعطته الثقه والامان لانها واثقه من نفسها وانه الي بتعمله مش غلط وما في عيب بالنهايه العيب
برجع بالشب وكيف بفكر مش بالبنت ........

تحياتي موضوع حلو كتير
الم البعد

[هادي]

... حظها حلو كتيير .. علشان حكالها هيك .. لأنو تافه .. بالعكس البنت المثقفة تزيد جالها جمالا .. المشكلة مش في البنت المشكلة في الشب.... عندو شوية عقد ..

[سيف الاسلام]

انااا شخصياا ما بتجوزهااا ... بس بتجوز كل عيلتهااا..... هههههههههههههههههههههههه
الان الجد....
لا شك انو اقبل الزواج منهااا فالانترنت ليست حكرا على احد ا .. بس شخصية العريس الي بموضوع النقاش من العصر الحجري...

وهي صورتو وهوه يحجر ههههههههههههه

http://files.shabab.ps/vb/images_cash/uploads/071129144642fXaI.gif

[بنيمارو]

السلام عليكم

بس حبيت احجز رد

تحياتي

[حنان16]

لا تعليق

غير

موضوع رائع اختي غزاوية

^_^

تحيتي

[القريني]

السلام عليكم
والله هاد قمه التخلف
يعني ما دام انها بترد بكل ادب واحترام اش فيها الظاهر انو خطيب هاي البنت متخلف
الله يعينو على عقلو
والبنت تحمد ربها انها عرفته وهم ع البر وما تزوجو

[غزاويه]

هلا فيكم كلكم ....

والله منوررين..

وزي ما قلتواا قمة التخلف ...

وعلى قولة ..

خيي طوني الاسمر...


من العصر الحجري...

هههه


http://files.shabab.ps/vb/images_cash/uploads/071129144642fXaI.gif


يسلموواا على المرور الرائع........

[NIGHT QUEEN]

وانا كمان مع رأي الاغلبية

وين العيب يعني

الانترنت نعمة من نعم الحياة

ولا يعيب من يستخدمه

يسلمووو كتير على الموضووع

[&نسيم الروح&]

ازا كانت بنت محترمه وبتكتب باحترام وبتدخل مكان محترم

وما عندها حركات فهو شخص متخلف

لانه المواضيع ما ببتاخد هيك في اشي اسمه مناقشه واخد بالاسباب

بعدين ازا هو ما بده ياها تدخل النت فبقلها وهي بتقرر بناسبها او لا

[! مـلـطـوش بـمـخـو !]

لا طبعا ما فيها ايشي

[بسكوتة]

... حظها حلو كتيير .. علشان حكالها هيك .. لأنو تافه .. بالعكس البنت المثقفة تزيد جالها جمالا .. المشكلة مش في البنت المشكلة في الشب.... عندو شوية عقد ..

بالزبـط ^^

هيي الربحـانـه ،،

[غزاويه]

منووورين ...

100 هلا...

انرتـــــــــــــــــم الصفحه....

الله يسعدكم...

[VIP.]

والله انو انسان غبي و تافه
ياربي شو هالعقليه الي حاملها
اول شي كل الحكي بكون بنطاق الاحترا و بالحدود
و الشكر مافي شي عيب او حرام عادي
و انا بعارض الحكي النت للكل و ماحكر على الشباب بس
انسان معقد و عقلو متحجر
اصلا منيح الي هيك صار لانو ربنا مابدو اياها تقع معو و تتزوجه يمكن يكون انسان مغفل
و الخيره في ماختاره الله

ربنا يصلح عقول الي متلو

تحياتي و شكرا على الموضوع

[رولا فداء]

لا تعلييييييييق.......

متل ما قالت ليمار تخللللللف......

[الحلم المستحيل]

صراحة انا لو مكانه كنت سأفعل نفس الشئ لان البنت لابد لها ان تكون مهذبة وليست بالطريفة هذه

[ناي]

السلام عليكم
انا بحكب انو كل انسان بستخدم النت حسب قناعاته
ونوع المنتدى بكون مبين وازا كان المنتدى اللي بتشارك فيه ما في اي شي يسىء للبنت واخلاقها فبرأيي انو ما فيها اي شي
وبالعكس لازم البت ( العروسه) تفرح انو الله خلصها منو قبل الزواج
يعني متل ما بحكوها اجت منو مش منا
تحيت الك على الموضوع الرائع

[blue-girl]

تخلف
و لا تعليق
حجه زرقا

[قسامي غزة]

شو هاد
هاد الشب متخلف
مدام البنت موجودة في منتدي باحترامها
وتحترم حالها والجميه
وين هية المشكلة في هيك
بس هاد شكلوا ملطوش
مشكورة غزاوية علي موضوع النقاش

[غزاويه]

هلا فيك قسامي..

منوور...

[انا العاقلة فيكو]

اناا بقبل اتزوج واحد بيقعد على النت

بس لما اتزوجوا ما بدى اياه يقعد على النت

يفضى الى24 ساعة

:showoff::showoff::showoff:

[@واثق الخطوة@]

اول شي مشكورة على النقل الرائع موضوع جدا رائع والاروع ناقله


اول شي انا اهلي ما رح يخطبولي بنت من النوع اللي انقصد في الموضوع هاد اول شي
وبعدين شو فيها اذا البنت كانت مشاركة بمنتدى هو حرام للبنات وحلال للرجال وغير هيك يعني ما صار اشي لو ردت على حد عادي جدا يعني الا اذا كان الرد وقح هاد شي تاني
وبعيد وبكرر انه اهلي ما رح يخطبولي او يدخلو بيت مش عارفين مين فيو
تقبلي مروري
وعذا على الاطاله

@واثق الخطوة@

[february angel]

أنا برأيي انو هو معقد

[ريما فاهوم]

بصراحه لما سمعت ايش كتبتي وئف شعر رأسي ايش فيها لو البنت

شاركت بمنتدى محترم واعضائه محترمين ما بظن انو هلشيى بيسبب مشاكل كبيري وهادا الشب

بالفعل عندو عقده من شيى وهادا صاحبه بدي اطبشو بالفعل الي سواه شرير بمعنى الكلمه والحمدلله

انها ماكذبت عليه لانها كانت واثقه انها ليست بمخطئه من عملها(متل ما قال احد الاعضاء)وانا لو كنت

مكانها لرحت عندو وبستفسر ايش الي خلاه يلغي الخطوبه وبالفعل هدا قمه في التخلف وصاحبه اكتر منو

على العموم مشكوره على فتحك لهدا الموضوع النقاشي المهم والخطير بحد ذاته,شكرا مجددا

[ابو جروح]

بس برضو الشب بيحب خطيبتو تكون الو وحده مش لاعضاء المنتدى .....
لانو حتى لو وفق وتزوج بكره رح تولع فيهن نار الغيره واذا صار في غيره وطبعا رح تزيد عن حدها هاي الغيره
رح تتحول للشك وبعد الشك سلامتك بينهار كل شي بينهار سقف البيت والحب العظيم

وكل واحد اخذ القضيه بوجهة نظر بتختلف عن الاخر

شكرا على الموضوع الرائع


ابو جروح مر من هنا

[DaRk FlOwEr]

بصراحه هاد العريس مغفل

لأنو البت يلي بتكتب بمنتدى مابصير يسميها بنت انترنت
لانو بيستخدم اللفظ لناس استخدمو النت في اشيا غلط

اما انها تشكر او تضحك اوتحكي فبلنهايه كلو عبارة عن كتابه
ومافي حد بيعرف مين هاي ولابنت مين ولا بعمرو شافها او سمع صوتها
عشان هيك رأي انو يلي بيحكم هيك متل هلعريس فهو عبارة عن مغفل
وبصراحه الله رحمها من العيشه من مغفل

تسلمي على الموضوع

[وردة بين الأشواك]

ما بصدق في حد بهالتخلف

[ريمة]

شو هالعئلية القديمة هاي والله احنا عايشين بزمن الحمدلله تساوت فيه المرأة مع الرجل يعني وازا كانت البنت تعت نت صح في بنات بكونو تعون نت وقليلات ادب بس ازا الوحدة كانت بتستخدم النت بطريئة صح ما بتتعاتب . بس هاد الموضوع عنجد استغربت منو معؤووول في ناس لهلأ هيك بتفكر؟؟

[بنت المقدس]

هادا واحد متخلف عقليا والظاهر انه هو مش محترم لأنه الي بيعمل الغلط بيفكر الناس كلها بتعمل الشي الغلط يمكن هو كاين مشترك في منتدى ومستخدم المنتدى بشي غلط او بيكون ما بيشترك إلا بالمنتديات الي مو محترم لهيك بيفكر كل المنتديات مو محترمة:icon28::icon28:

والله بيحبها البنت لرتاحت من هيك عريس معقد ومتخلف عقليا كمان
الله يثبت علينا العقل والدين يارب

:s (43)::s (43)::s (43):

[بنت المقدس]

الرد هادا مو على الموضوع بس على رد ابو الجروح مع احترامي الك لرأيك
متل ما الشب بده خطيبتو اله لحالو كمان البنت بدها خطيبها الها لوحدها وما بعتقد انه المننتدى بياخد حد من حد مدام هي محترمة وهو محترم يعني وكمان الغيرة بتكون لما تكون البنت كاينة تشوف اأشخاص وكمان الغيرة مو بس للشب لا كمان البنت بتغار يعني ما في شي للشباب بس فقط كل شي في الدنيا مشترك البنت متل الشب وما في حد أحسن من حد

[نغم 1990]

ههههههههههههه يا حبيبي كملة ::icon9:


بس حلوا هاك بطلوا البنات بس هن عقلهم ناقص :wacko:

الشباب:showoff:ههههههه اسم الله النقاصه استحوذت عليهم :36_1_2[1]

انا ما دخلني هاااااااااااااااااااا

[الرمشـ الحساسـ]

يييييييييييي شو هالغباااااااء..!!
تخلففف..
بالعكس المفروض ينبسط انها مثقفة وبتحكي وبتعمل..!!
والله لو الناس كلها متل هالرجال كان ما حدا تزوج خخخ..
يسلمووو حبيبتي..
وانا من رأيي انو مافيها شي ابداااااااا.........باختصار يعني.
مشكوووووورة حبوبة..:icon26:

[جرحٌ بملامح انسان]

بصراحة أحيانا بيتحول موضوع المنتديات الى شات بين الاعضاء
لكن اذا كانت الردود عادية وشكر وثناء ورد عادي فهو انسان متخلف
تسلمي على الموضوع