--مشروعي الجديد ~~تحديات رياضية~~يلا عدد المشتركين محدود فوت بسرعة--

[حنان16]

السلام عليكم ورحمة الله تعالى وبركاته

اخواني اخواتي انا جاية ومعاية مشروع جديد

من اهم مميزاته

المتعة ،، التشويق والاثارة ،،وكمان استفادة كبيرة ..

فكرته على النحو الاتي >>>>

-هو عبارة عن مجموعة من التمارين المعقدة في مادة الرياضيات

بحيث راح نكون مجموعة من 10 اعضاء هالمجموعة راح نسميها --مجموعة التحدي--

المجموعة هاي راح تعمل على نظام معين هو

انه كل مرة راح يجيب عضو 5 تمارين في مادة الرياضيات

طبعا مو اي تمارين انما تمارين معقدة وتحتاج الى ذكاء ...

شريطة انه يشرح لكل عنصر من المجموعة اي شي ما فهمه رموز رياضية مثلا او اي شي..

وراح يطرحها مشان المجموعة ككل تحاول تجاوب عليهم وطبعا هو لازم يكون عارف الاجابة وما راح يشارك في المرحلة اللي حط فيها هو الاسئلة

وهكذا من عضو لاخر لغاية ما الاعضاء العشرة كلهم يمروا من هاي المرحلة

...

وفي الاخير راح اعمل احصائياتي واللي ححدد من خلالها العضو اللي تالق واعطى اكبر عدد من الاجابات الصحيحة ..

راح نعمل لاله موضوع نهنيه فيه بالتالق وراح نعطيه وسام ..

ونمر للمرحلة الثانية وهي اللي راح نشوف فيها ترتيب الاعضاء في التحدي الخمسة الاولنيين راح يفضلوا في المجموعة والخمسة الاخيرين راح يتركوها ونفتح المجال لتسجيل خمسة آخرين غيرهم

وهيك بنفس العملية..

ومن هون راح تكون في استفادة علمية

وكمان روح تحدي

ومتعة في نفس الوقت..

هيدي فكرتي

كل اللي بدو يشارك يترك اسمه هون

لان باب التسجيل مفتوح من هلا

وللتذكير عدد المشاركين محدود

10 بس هلا وبعد هيك كل مرحلة 5 مشتركين

في انتظاركم

تحيتي ومودتي



:s (43):

[limar]

يعطيكي الف عافية اختي حنان
انشالله يتنشط القسم على ايدك
انا ما راح اشارك ما الي على الرياضيات راح اكون متابعة فقط
وبتمنى انه نشوف مشاركات الجميع
يعطيكي الف عافية اختي

[لمسة حنان]

الفكرة كتير حلوة انشاء الله بنشارك

[حنان16]

الله يخليك اختي ليمار

ولا يهمك بيعين الله ..

واتمنى تشاركينا عما قريب



------------------------------


اكون اول المشتركين

ولو اني مش ولابد في الرياضيات

بس يلا كله على الله

^_^

انا اول المسجلين

[حنان16]

انشاء الله اختي لمسة حنان

بانتظارك

شكرا عمرورك

تحيتي

[ABU-NOUR]

بالتوفيق ان شاء الله :)

[محب الاقصى]

انا حابب اشارك

بس ما في وقت عندي

حتابع المسابقة

لحد اتنين مشاركين


لمسة حنان وابو النور

[حنان16]

طيب اخي محب

مرة اخرى انشاء الله

القائمة لحد الان

-حنان16

-لمسة حنان

-ابو النور

فاضل 7 مشتركين

[حنان16]

خلاص يا جماعة ولا حدا بدو يشارك ولا شو

؟؟

^_^

[أنين]

والله حبيبتي كان بودي اشارك بس يادوب

افوت عـ المنتدى

على العموم موفقه يارب

:s (43):

[.:.!دموع الرحيل!.:.]

مممممم

حبيت اقولكم يعطيكم العافيه ..

بس انا والرياضيات أعداء ع الأخر :s

الله يوفقكم يا رب

[بنت الرملة]

أنــــــــــا بشـــاركـــ..

ويعطيكي العافيه حنان ..

[حنان16]

اختي انين

والله كلنا هيك انا كمان عليا دراسة ووو

بس بحاول

عموما اختي انشاء الله تشاركينا في المراحل المقبلة

^_^

تحيتي وودي غاليتي

[حنان16]

ويوفقك غاليتي نانوش

بس ليش بتكرهي الرياضيات

هو من احلى المواد ..

عموما غاليتي مع الوقت راح اطور مشروعي انشاء الله

ويبقى شامل لمواد اخرى يمكن تكوني بتحبيها

..

احترامي وودي وتحيتي

[حنان16]

الله يعافيك ميمي

تنوري

وتصير القائمة

-حنان

-لمسة حنان

-ابو النور

-بنت الرملة


فاضل 6 اعضاء

[محمد_فلسطين]

رائع حجه

[الحان الحرية]

انا فالحه بالرياضيات اكتر شي
بشارك ^^

[محمد_فلسطين]

رائع

[حنان16]

اخي ميدو شكرا على المرور الرائع ما شاء الله..

اهلا وسهلا فيك الحان تنوري

القائمة تصبح

-حنان

-لمسة حنان

-ابو النور

-بنت الرملة

-الحان الحرية

فاضل 5 اعضاء


يلا بسرعة يا اعضاء مشان نبلش..

[بنيمارو]

فكرة حلوة
ان شالله بشارك
تحياتي

[حنان16]

اهلا وسهلا فيك خيو

وينضاف الى القائمة benimaru

فاضل 4 اعضاء

[ABOoODE]

الفكرة كتير حلوة انشاء الله بنشارك

[حنان16]

اهلا وسهلا اخي عبدو

تنور

فاضل 3 اعضاء بس

ونبلش..

[اسد الكتائب]

مشكورة يا اخت حنان

[حنان16]

طبعا مثل ما بنلاحظ

في كثير من الاعضاء اللي اضافوا اسماءهم

غايبين بل معظمهم

مشان هيك راح نبلش من جديد

في المشروع

ونفتح باب التسجيل مرة اخرى

يلا كل اللي بدوا يشارك يضيف اسمه

على بركة الله

.

.

.

[السيف عدي]

مرحبا خيتو حنان .. بدي اشارك بعد امرك ،،

تسلمي ،،

[حنان16]

اهلين خيي

تنور

ويكون اول المشتركين

السف عدي

فاضل 9 مشتركين

يلا همتكم يا اصحاب العقول

تحيتي

^_^

[]![ زيــنــة ]![]

[ ..

زنوشــــة تنضــم مع فرقـــة حنآن للمشروع الجديـد ^.^

والله ولي التوفيق ..

[بنت فلسطين المجروحة]

انا كمان باذن الله معكم

بس هيكون وقت محدد ينزل فيه اللغز ولا كيف؟

[حنان16]

زينة

بنت فلسطين المجروحة

نورتوني والله

تم التفعيل

وفاضل 7 اعضاء


بالنسبة لسؤالك خيتو

لو اطلعتي منيح عالموضوع

راح تفهمي القصة

ومع بداية التطبيق ان شاء الله

بتفهمي اكثر

تحيتي للجميع

..

[*فارس المستقبل*]

:dead:فكرة كتير حلوة اختي حنان واتمنى اكون من المشتركين:dead:

[حنان16]

تنور خيي


وباقي من الاعضاء 6


..

[بنت الشام ..]

اهئ اهئ اهئ ...

كان نفسي اشارك بحب التحديات ....

بس خسارة انا مسافرة ويمكن ما اقدر افتح كتير من سوريا ...

يلا خيرا بغيرا .....

فكرة كتير حلوة حبيبتي حنان .... يسعدلي ياكي انت يا ام الافكار ...

[حنان16]

تروحي وترجعي بالسلامة اختي


مرة اخرى ان شاء الله


^_^

[الصمـــ رفيق الصحراء ــت]

حلو حنان16

وتحياتي ليكي

[حنان16]

تسلم خيي الصمت رفيق الصحراء

نورت

^_^

[ضوء الشمس]

أنا مشاركة ان شاء الله


فكرة حلوة

[بنت فلسطين المجروحة]

انا راح انشغل بالفترة هاي


بنسحب من المجموعة


^^


باعتذر منكم

[حنان16]

منورة ضو

بنت فلسطين المجروحة

الله يوفقك

وباقي من الاعضاء 6

يلا يا جماعة والله طولنا كثير بدنا التفعيل السريع

وانا قررت انه بكرة ان شاء الله راح نبلش بثاني خطوة

حتى لو ما اكتمل العدد مو مشكلة هالمرة نبتدي بالعدد ناقص

وتحيتي للجميع

[حنان16]

انا كمان بانضاف للقائمة




وياريت المشرفين يقفلوا هالموضوع


لان مهمته خلاص انتهت لحد هون


^_^

[Arabian girl]

فكرة حلوة

وبتمنى اكون ان

[SWEET*GIRL]

فكره حلوه

بس ما رح اشارك

لانني لسه ما وصلت لكتبكم

بعرفش اجاوب ^-^

[حنان16]

فكرة حلوة

وبتمنى اكون ان






خيتو بتنوري

بس المرة الجاية ان شاء الله


لانه للاسف اجل التسجيل هالمرة خلص

باتاسف

وبتنوري كل وقت خيتو

..



فكره حلوه

بس ما رح اشارك

لانني لسه ما وصلت لكتبكم

بعرفش اجاوب ^-^



اوك خيتو

بس اول ما تقدري تشاركي تتفضلي

وربنا يوفقك

..

[حنان16]

بنفتح من جديد باب التسجيل

بس ياريت كل اللي بدوا يشارك

يشاركنا بجدية ويحترم الموضوع

مو يشارك من اجل المشاركة



على بركة الله

اول مشتركة كانت

ارابين جيرل

فاضل 9 اعضاء

..

[بنت فلسطين المجروحة]

انا التانية

^^

[حنان16]

منورة خيتو

تم التفعيل

وانا كمان بانضاف للقائمة ^^


فاضل 7 اعضاء


..