~||~ الزواج المبكر ما بين سلبيات وايجابيات ~||~

[*ريحانة القلب*]

موضوع يستحق النقاش

عجبني فنقلته لكم .... :s (43):


-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

ها أنا اليوم من خلال قلمي أطل عليكم بموضوع شبابي

يلامس فكر وتطلع شبابنا في الوقت الراهن والحاضر,

والذي دفعني أن اسطر لكم هذا الموضوع هو أريد أن أتعمق أكثر في فكر وتطلع شبابنا وبناتنا

من خلال هذه المواضيع التي نلتف حولها ونحاول

أن نستدرك فكر وطموح وتطلع شبابنا اليوم حول هذه القضية إلا وهو الزواج المبكر ,


نعم أنها قضية من احدي القضايا الشائكة والذي وقع فيها بعض شبابنا ,

وكثيراً ما سمعنا عن فشل هذا الزواج

لعدم تكافل الفكر الصحيح والعقلية الناضجة لبناء أسرة متكاملة يمكن لها أن تتجاوز حدوث أي مشكلة

قد تلم بهم في أثناء فترة الزواج ويكون الطرفين على قدر المسؤولية في تريبه أبناء و جيل جديد ,

ولقد أصبح الزواج المبكر لا يتناغم مع فكر وتطلع هذا الجيل وخصوصاً هذا الجيل الذي اتسع له آفاق كبيرة ,


ومن أهمها هي إكمال المرحلة الجامعية

ومن ثم بعد ذلك يبدأ التفكير في اتخاذ قرار أن يكون أسرة تكون قادرة على أن تتكيف مع هذا الواقع

أو بمعني اصح داخل مجتمعنا وما يحدث فيه من متغيرات معيشية وظروف متقلبة ,

ومن جهة أخرى قد يلجأ بعض الشباب عندما يفشل في المرحلة الدراسية

يكون أول تفكير هو في اتخاذ أمر بالقدوم على الزواج ,

أنا لا أحاول أن أقول بطرحي على هذا الموضوع إنني معترض أو موافق على أمر الزواج المبكر

ولكن الحقيقة الذي هي في حد ذاتها تكمن

في أمور لها آثراها في مدي نجاح وفشل هذا الزواج بكل المقاييس.

هذا ما كان يبدو لي واضحاً في هذا الأفق ,



وحول هذا الموضوع والآن

أريد أن اطرح عليكم أسئلة لعلنا نجد في فكر هذا الشباب...

رأي جديد وما هو ميوله وتفكيره في هذه القضية .




1- برأيكم ما هو السن المناسب لزواج من خلال تطلعك في اتخاذ قرار الزواج ؟؟

2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

3- هل أنت...... أنتِ ضد الزواج المكبر أم أنت من المؤدين له ولماذا ؟؟




لقد وضعت بين أيديكم قضية تلامس عقولكم الفذة

وثقافتكم العالية وطموحكم الشبابي

في هذه الطرح لعلي أجد التفاعل الجاد في هذا الموضوع

واجد أراء سديدة حول هذه القضية .

أخوكم فالله فرج بربخ

-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=







فــ شو رأيــكم يــا شبــاب فلســطيــن ؟؟





دمتم بود


|*|

[.:.!دموع الرحيل!.:.]

1- برأيكم ما هو السن المناسب لزواج من خلال تطلعك في اتخاذ قرار الزواج ؟؟

طبعـا أنـا رح أحكـي عـن البـنـات بس

من عمـر الـ 20 سنــة مش قبــل ..

بكون النضج الفكري عنـد البنت بلش يكتمل ..

وتصير أدد المسؤوليه وتحملهـا ،،



2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

طبعـا ..

التقارب بالعمر ،،

بشرط التنين يكونوا واعيين

والنضوج الفكري والمعنوي عند الطرفين

ضروري جدا ،، لنجـاح الزواج !!

3- هل أنت...... أنتِ ضد الزواج المكبر أم أنت من المؤدين له ولماذا ؟؟

طبـعـاً ضـد ،،

لأنه متل ما حكيت فـوق ..

انه البنت قبل الـ 20 سنـة

بيكون لسه ما كوّنت نظرة صحيحة وكاملة للحيـاة ومتاعبـهـا

وواجبــاتــهـا ..

وخير النـاس من شرهم ..

والخ ،،

مع العلم انه البنت من عمر الـ 18 >> 22

بتكبر كل 12 شهر بدل السنة 5 سنين ..

وبتتعلم بهالعمر اشيا كتير ،،

يا بتكسب بتجاربهـا بالحيـاة وبتعرف تستغلهـا ..

يا العكس !!

لذلك هاي المرحلة بحاجة انه البنت تكملهـا .. قبل ما تخوض تجربة الزواج

لأنهـا مش مجرد تسليـه

هي مسؤوليـة ..

وكبيرة كتير ..

ونفس الكلام بالنسبة للشبــاب ..

بس الفارق بيكون بالعمـر ...

البنت بتركز قبل الشاب :icon11:

وبــس ..

تسلميلي يا عسل ريحــانــتي ..

الله يعطيك ِ ألف ألف عافيه

:s (43)::s (43):

[حنان16]

1- برأيكم ما هو السن المناسب لزواج من خلال تطلعك في اتخاذ قرار الزواج ؟؟



انا كمان بشوف ان السن المناسب للزواج بالنسبة للبنت هو 20 سنة..

2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟




نعم ما ذكرتيه اختي من اهم الركائز التي يعتمد عليها نجاح العلاقة الزوجية..




3- هل أنت...... أنتِ ضد الزواج المكبر أم أنت من المؤدين له ولماذا ؟؟





انا ضد الزواج المبكر الا اذا كانت هناك اسباب تحتم ذلك..


شكرا ريحانة على طرحك الرائع ^^

تحيتي

[احلا فوفو]

.




1- برأيكم ما هو السن المناسب لزواج من خلال تطلعك في اتخاذ قرار الزواج ؟؟

انا برأيي وعني بعد الـ 22
2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

ما دخل انا برأيي التقارب بين الئلوب هو اهم اسباب نجاح الزواج مع انو العمر بيفرئ احيانا

3- هل أنت...... أنتِ ضد الزواج المكبر أم أنت من المؤدين له ولماذا ؟؟

اكيد ضدو
لانو لحئانين عالهم هع هع
اتخيلي تعيشي حياة اكتر من 20 سنة نفس الروتين
والله بنجلط خخخخخخخخخخخ

يثلموو حبيبة البي ^^

[**بيسا مشاكل **]

- برأيكم ما هو السن المناسب لزواج من خلال تطلعك في اتخاذ قرار الزواج ؟؟

يعني انسب سن للصبيه من 20 وفووئ اما الشب بفضل يكون من 27..2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

ممممممممم انو الزلمه يكوون اكبر بشي معئوول يعني لو 8 سنين اكبر من الصبيه بكون منيح 3- هل أنت...... أنتِ ضد الزواج المكبر أم أنت من المؤدين له ولماذا ؟؟

انا الصراحه ما بتفرئ معي بس كل واحد والو سلبياتو واجابيتاتو
يعتيكي العافيه عالموضوع

[خيـرَ أُمـة]

انا شخصيا مع الاعتدال ..

يعني مفهوم مبكر كم ...؟؟!!

انا شخصيا لو بايدي وزارة الشباب او وزارة معنية بامور الشباب ما بخلي شب او بنت يتجاوز ال 22 الا وبجوزهم هههه

بغض النظر عن بعض السلبيات الي بالموضوع والي سهل تجاوزها .. لكنها حتحل كثير مشاكل للشباب والبنات !!

والله أعلم

لكن على الوضع الى احنا فيه الان وكوني مش وزير فانا بشوف الشب الي بتجاوز ال 25 بدون ما يتجوز انه غلطان في حق نفسه والمجتمع -طبعا ان كان التأخير من نفسه وليس لاسبب او ظروف قهرية- ...

عموما انا خلال الأشهر القادمة رح أخطب... وبالصيف الجاي فرحي -ان شاء الله - والكل معزوم :)

[**بيسا مشاكل **]

عموما انا خلال الأشهر القادمة رح أخطب... وبالصيف الجاي فرحي -ان شاء الله - والكل معزوم :)الف الف مبرووك احمد وعئباال الفرحه التامه يربي
بتمنالك حياة زوجيه موفئه وسعيده
وفترة خطوبه حلوه
موفئ :s (43):

[limar]

- برأيكم ما هو السن المناسب لزواج من خلال تطلعك في اتخاذ قرار الزواج ؟؟

بعتئد فوق سن ال 20 وحتى ايامنا هاي ممكن اكتر من هيك لانه في بنات لهلا ما عم يكون عندهم النضوج الكافي غير هيك تطور الحياة وتقدم المجتمع فكريا
من ناحية انه البنت بتدرس وبدها تخلص دراستها
واكيد دراستها راح توعيها اكتر وكمان عند دخولها مجتمع الجامعة واختلاطها ب المجتمع الجامعي راح تستفيد منه بتقويه شخصيتها
هادا ازا كانت عارفة كيف تتم الاستفادة لانه بهلوقت اصبح اغلب المجتمع الجامعي بنظر البعض مجتمع فاسد
بس اكيد لا تنطبق على الجميع


اما الشب ممكن عند سن ال 25 بكون امن حياته وبكون قادر على تحمل المسؤولية وبكون انهى مرحله المراهقة كمان




- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟
شي اكيد
لانه بكون في تفاهم اكتر
الحياة الزوجية المفروض انها تنبنى على التفاهم والتعاون المشترك باخد القارارات وانه كل واحد يعتمد على اقناع الاخر براية والمفروض انه تطابق وجهات النظر بين الزوجين
ازا ما كان في تفاهم راح يكون من الصعب اقناع الاخر بوجهات الانظر المختلفة
وهادا راح يخلق دائما جو من التوتر مو ضروري هادا التوتر انه يؤدي للطلاق
بس اكيد راح يكون كافي بعدم الاحساس ب الراحة والامان وباسر كمان اكيد على الاطفال بدرجة كبيرة






3- هل أنت...... أنتِ ضد الزواج المكبر أم أنت من المؤدين له ولماذا ؟؟


اكيد انا ضده
في مضار كتيرة للزواج المبكر
بس باختصار انا بشوف انه فيها ظلم للبنت كتير من ناحية انها تحملت مسؤولية على بكير وانه كان من المفروض انها تعيش كل مرحلة بحياتها مو تختصر مراحل حياتها
تعيش طفولتها تعيش شبابها كمان
واكيد كل مرحلة الها جمالها الخاص فيها
غير هيك ما راح يكون في اي نوع من التفاهم وهادا راح يخلق جو من التوتر الدائم بين الزوجين

انا لا اقصد انه كل زواج مبكر فاشل بس شي اكيد راح يكون ناقص من الناحية الاجتماعية والنفسية

شكرا على الموضوع

[*ريحانة القلب*]

طبعـا أنـا رح أحكـي عـن البـنـات بس

من عمـر الـ 20 سنــة مش قبــل ..

بكون النضج الفكري عنـد البنت بلش يكتمل ..

وتصير أدد المسؤوليه وتحملهـا ،،



مية بالمية ...






طبعـا ..

التقارب بالعمر ،،

بشرط التنين يكونوا واعيين

والنضوج الفكري والمعنوي عند الطرفين

ضروري جدا ،، لنجـاح الزواج !!



مش دايما ..

في كتير من الاحيان بكون التقارب في العمر سببا للطلاق !

لأنو متل ما قلتي بعد هيك (البنت بتكبير قبل الشب )

هاد بالنسبة للعمر

اما النضوج الفكري والمعنوي طبعا لازم يتقارب . واكيد ضروري







طبـعـاً ضـد ،،

لأنه متل ما حكيت فـوق ..

انه البنت قبل الـ 20 سنـة

بيكون لسه ما كوّنت نظرة صحيحة وكاملة للحيـاة ومتاعبـهـا

وواجبــاتــهـا ..

وخير النـاس من شرهم ..

والخ ،،

مع العلم انه البنت من عمر الـ 18 >> 22

بتكبر كل 12 شهر بدل السنة 5 سنين ..

وبتتعلم بهالعمر اشيا كتير ،،

يا بتكسب بتجاربهـا بالحيـاة وبتعرف تستغلهـا ..

يا العكس !!

لذلك هاي المرحلة بحاجة انه البنت تكملهـا .. قبل ما تخوض تجربة الزواج

لأنهـا مش مجرد تسليـه

هي مسؤوليـة ..

وكبيرة كتير ..

ونفس الكلام بالنسبة للشبــاب ..

بس الفارق بيكون بالعمـر ...

البنت بتركز قبل الشاب :icon11:

وبــس ..



والله عين العقل ,, وفي بنات صغار اتزوجوا خربوا البيوت العامرة

بس طبعا مو الكل ,, في بالمقابل عاشوا احلى حياة

مع انهم صغار الا انو عقلهم عن ستين وحدة كبيرة .. واكبر مثال امهاتنا ^^





تسلميلي يا عسل ريحــانــتي ..

الله يعطيك ِ ألف ألف عافيه

:s (43)::s (43):


ربي يسلمكـ يا حبيبة قلبي انتي

وبعافــيـــكـِ يـــــاحق


شكرا ع احلــى مرور


منورة


:s (43):

[*ريحانة القلب*]

انا كمان بشوف ان السن المناسب للزواج بالنسبة للبنت هو 20 سنة..



نعم ما ذكرتيه اختي من اهم الركائز التي يعتمد عليها نجاح العلاقة الزوجية..





انا ضد الزواج المبكر الا اذا كانت هناك اسباب تحتم ذلك..


شكرا ريحانة على طرحك الرائع ^^

تحيتي



وأنـــا اشكرك يا غالية

على الرأي السديد ..


وحضوركـ المميز ..


نورتي


:s (43):

[*ريحانة القلب*]

.




1- برأيكم ما هو السن المناسب لزواج من خلال تطلعك في اتخاذ قرار الزواج ؟؟

انا برأيي وعني بعد الـ 22
2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

ما دخل انا برأيي التقارب بين الئلوب هو اهم اسباب نجاح الزواج مع انو العمر بيفرئ احيانا

3- هل أنت...... أنتِ ضد الزواج المكبر أم أنت من المؤدين له ولماذا ؟؟

اكيد ضدو
لانو لحئانين عالهم هع هع
اتخيلي تعيشي حياة اكتر من 20 سنة نفس الروتين
والله بنجلط خخخخخخخخخخخ

يثلموو حبيبة البي ^^



صحيح انو تقارب القلوب مطلوب لكنو مو كل شي

والدليل انو باجراء دراسات وجد ان فقط 1% حالات زواج عن حب ناجحة

تخيلي .. يعني القلوب تقاربها بيجي عاجلا او اجلا بس الفكر والنضوج والعمر عمرو ما بتغيروا




سلااااااااااااااااااااااامة قلبك من الجلط يا عمري

لالا اوعكـ تتزوجي ترى كلو ولا تنجلطي ههههههههه



منورة يا سكرة


:s (43):

[*ريحانة القلب*]

- برأيكم ما هو السن المناسب لزواج من خلال تطلعك في اتخاذ قرار الزواج ؟؟

يعني انسب سن للصبيه من 20 وفووئ اما الشب بفضل يكون من 27..2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

ممممممممم انو الزلمه يكوون اكبر بشي معئوول يعني لو 8 سنين اكبر من الصبيه بكون منيح 3- هل أنت...... أنتِ ضد الزواج المكبر أم أنت من المؤدين له ولماذا ؟؟

انا الصراحه ما بتفرئ معي بس كل واحد والو سلبياتو واجابيتاتو
يعتيكي العافيه عالموضوع



بيسا احترامي لرأيك عزيزتي

وبالفعل امر الزواج يختلف من شخص لأخر

لذلك قمت بطرح القضية عليكم .. حتى استمع لأرائكم


حياك الله




نورتي بيسا



:s (43):

[*ريحانة القلب*]

انا شخصيا مع الاعتدال ..

اكيييد .. خير الامور اوسطها ... الاعتدال احسن اشي



يعني مفهوم مبكر كم ...؟؟!!

انا شخصيا لو بايدي وزارة الشباب او وزارة معنية بامور الشباب ما بخلي شب او بنت يتجاوز ال 22 الا وبجوزهم هههه

بغض النظر عن بعض السلبيات الي بالموضوع والي سهل تجاوزها .. لكنها حتحل كثير مشاكل للشباب والبنات !!

والله أعلم



هههههه الله ما يوقع حدا تحت ايدك !!

مفهوم مبكر بيختلف من بيئة لبيئة ومن مجتمع لمجتمع ومن انسان لأنسان

يعني متلا اجدادنا زمان كانت البنت لو وصلت سن الـ 18 وهي مش متزوجة يعتبروها عنست !!

وما في امل فيها !!!

بوقتنا الحالي صارت البنت توصل التلاتين والمجتمع لسه بعتبرها صبية ,, وما حدا بفتح تمو بكلمة


انا معك انو لازم في وقتنا الحاضر يكون الشب والبنت قبل الـ22 متزوجين

خاصة مع القنوات والمواقع الاباحية الي صارت متاحة لمين ماكان فحفاظا عليهم هالحكي مزبوط

بس لو تيجي للواقع المعيش رح تلاقي وضعنا الاقتصادي متل العمى .. الشب بوصل 39 وياااااادوب

مجمع حق مهر ... لهيك اتاخر سن الزواج .. أما الي بقدر فليش لأ .. أخوي شخصيا اتزوج ع 20 ..

وطبعا هون دور الصبايا .. والاهل .. لازم يبطلو يطلبوا مهر عااالي .. وييسروا الامور .. مو يعقدوها !





لكن على الوضع الى احنا فيه الان وكوني مش وزير فانا بشوف الشب الي بتجاوز ال 25 بدون ما يتجوز انه غلطان في حق نفسه والمجتمع -طبعا ان كان التأخير من نفسه وليس لاسبب او ظروف قهرية- ...


أكيد ازا كان قادر بكون غلطاااان ..... والبنت الي بتيجيها فرصة وبتضيعها كمان غلطانة ... !

لأنو متل ما قلت ابواب الفساد كتيييييرة !!

وبزكر هون حديث الحبيب عليه صلوات الله .. " إذا جائكم من ترضون دينه وخلقه فزوجوه الا تفعلوا تكن فتنة في الارض وفساد كبير "

وركز على "فتنة في الارض وفساد كبير"

يعني متخيلين اديش الضرر كبيييير
عموما انا خلال الأشهر القادمة رح أخطب... وبالصيف الجاي فرحي -ان شاء الله - والكل معزوم :)

والله ياريتوا الف الف الف مبــــارك مقدماااً

وان شاء الله التمام ع خـــير




اخي احمد نورت الموضوع


حياك الله



|*|

[*ريحانة القلب*]

بعتئد فوق سن ال 20 وحتى ايامنا هاي ممكن اكتر من هيك لانه في بنات لهلا ما عم يكون عندهم النضوج الكافي غير هيك تطور الحياة وتقدم المجتمع فكريا
من ناحية انه البنت بتدرس وبدها تخلص دراستها
واكيد دراستها راح توعيها اكتر وكمان عند دخولها مجتمع الجامعة واختلاطها ب المجتمع الجامعي راح تستفيد منه بتقويه شخصيتها
هادا ازا كانت عارفة كيف تتم الاستفادة لانه بهلوقت اصبح اغلب المجتمع الجامعي بنظر البعض مجتمع فاسد
بس اكيد لا تنطبق على الجميع


اما الشب ممكن عند سن ال 25 بكون امن حياته وبكون قادر على تحمل المسؤولية وبكون انهى مرحله المراهقة كمان

00000000


شي اكيد
لانه بكون في تفاهم اكتر
الحياة الزوجية المفروض انها تنبنى على التفاهم والتعاون المشترك باخد القارارات وانه كل واحد يعتمد على اقناع الاخر براية والمفروض انه تطابق وجهات النظر بين الزوجين
ازا ما كان في تفاهم راح يكون من الصعب اقناع الاخر بوجهات الانظر المختلفة
وهادا راح يخلق دائما جو من التوتر مو ضروري هادا التوتر انه يؤدي للطلاق
بس اكيد راح يكون كافي بعدم الاحساس ب الراحة والامان وباسر كمان اكيد على الاطفال بدرجة كبيرة


مية بالمية ,,

التوافق الفكري مطلوب

والعمر الظروف بتحددوا .. متل الظروف الاقتصادية



اكيد انا ضده
في مضار كتيرة للزواج المبكر
بس باختصار انا بشوف انه فيها ظلم للبنت كتير من ناحية انها تحملت مسؤولية على بكير وانه كان من المفروض انها تعيش كل مرحلة بحياتها مو تختصر مراحل حياتها
تعيش طفولتها تعيش شبابها كمان
واكيد كل مرحلة الها جمالها الخاص فيها
غير هيك ما راح يكون في اي نوع من التفاهم وهادا راح يخلق جو من التوتر الدائم بين الزوجين

انا لا اقصد انه كل زواج مبكر فاشل بس شي اكيد راح يكون ناقص من الناحية الاجتماعية والنفسية

شكرا على الموضوع


بهـــاي انا بخــالفـكـ

لأنو لو فعــلا كان ناقص كان امي وستي وامك وستك ما نجحوا

بتربية ابائنا ...

بالعــكــس الزواج المبكر الو كتير ايجابيات

انا ما بنكـــر إنو إلو سلبيات اكيــد .. بس بـالمـقـابـل في ايجــابيــات

من ناحيـة ظلم البنت .. فـ بحب احكيلك انو البنت هي الي بتختار .. وفي بنات حياتهم ببيوت ازواجهم

احسـن من حياتهم في بيوت ابائهم ,, متلا في بنات بكملوا ماجســتير ودكتوراه ,, يعني بتستمر بتعليمها

وهي عند زوجها ,,, ابــدا في زمنّا هاد الزواج المبكر مو ظلم

ممكن الو سلبيات وممكن يفشل .. بس هاد باختيار الزوج والزوجة ..



منورة ليمار




|*|

[خيـرَ أُمـة]

مفهوم مبكر بيختلف من بيئة لبيئة ومن مجتمع لمجتمع ومن انسان لأنسان


كان سؤال استنكاري !!
وقصدنت فيها انه مبكر يعني ايا ساعة .. الساعة 3 الفجر مثلا هيك بنعتبره مبكر :)

بس موضوع الثلاثين مبالغ فيه ... يعني هي في النهاية قسمة ونصيب

لكن الفكرة الي حكيتها عن تزويج الشباب هي ما كانت ابتداع مني او نما حصلت في زمن الخليفة الراشط الخامس عمر ابن عبد العزيز رحمة الله عليه .. وكانت تجربة ناجحة لما كان يجوز كل الشباب من بيت مال المسلمين ..

لكن للأسف مشكلة أصحاب القرار انهم سذج لا ينظرون الا تحت أقدامهم وما ببدرسه غير التجارب الغربية ومتاسيين انه احنا كمسلمين عنا تجارب ناجحة قُدنا وسُدنا فيها العالم !!


والله ياريتوا الف الف الف مبــــارك مقدماااً

وان شاء الله التمام ع خـــير


الله يبارك فيكي .. بس خليها لما انلاقي بنت الحلال ههه ... --لاحظو انها قالت مبارك مش مبروك .. الفرق كبير يا جماعة :) ديرو بالكو مبارك دعوة الي .. مبروك دعوة علي --

لكن ان شاء الله قريبا مش حتأخر لانه من استطاع منكم الباءة فاليتزوج ..

غير هيك احنا كمسلمين في دينا ينقطع عمل المرء الا من ثلاث .. واحدة منهم ولد صالح يدعو له .. وهاي في نظري مهمة .


شكرا على تعقيبك الي أسعدني فعلا ...

[limar]

مية بالمية ,,

التوافق الفكري مطلوب

والعمر الظروف بتحددوا .. متل الظروف الاقتصادية




بهـــاي انا بخــالفـكـ

لأنو لو فعــلا كان ناقص كان امي وستي وامك وستك ما نجحوا

بتربية ابائنا ...

بالعــكــس الزواج المبكر الو كتير ايجابيات

انا ما بنكـــر إنو إلو سلبيات اكيــد .. بس بـالمـقـابـل في ايجــابيــات

من ناحيـة ظلم البنت .. فـ بحب احكيلك انو البنت هي الي بتختار .. وفي بنات حياتهم ببيوت ازواجهم

احسـن من حياتهم في بيوت ابائهم ,, متلا في بنات بكملوا ماجســتير ودكتوراه ,, يعني بتستمر بتعليمها

وهي عند زوجها ,,, ابــدا في زمنّا هاد الزواج المبكر مو ظلم

ممكن الو سلبيات وممكن يفشل .. بس هاد باختيار الزوج والزوجة ..



منورة ليمار




|*|



تسلمي اختي
انا ما حكيت انه راح يفشل
ممكن يكمل بس بسلبيات اكتر من الايجابيات
اكيد راح يكون برضى الزوجة بس ما بعتئد انه بنت عمرها 14 سنة والمفروض انها بعدها طفله راح يكون قرارها صائب بهيك موضوع
يعني خيار راح يجي يوم وتندم عليه
انا ما عم بحكي عن زمن اجدادنا لانه هداك الزمن راح وخياراتهم غير خياراتنا هلا
عم بحكي عن زمنا هلا
انه ازا بهلزمن بنت بهلعمر اتزوجت بكير راح يي يوم وتندم او تلوم حالها وراح يكون اللوم على اهلها اكتر لانهم كان من المفرو انهم ينصحوها
مشكورة اختي على الرد والموضوع يعطيكي الف عافية

[خيـرَ أُمـة]

ما اعتقد أختي انه في حدا قصد بكلمة صغيرة انه 14 .. لانه بطبيعة الحال 14 تعتبر طفلة وليست صغيره !

احنا لما نحكي صغيرة بنقصد 17 لل 20 ويمكن نحكي 16 حسب طبيعة البنت ..

اما 14 و 15 فهاي طفله ...

[*ريحانة القلب*]

كان سؤال استنكاري !!
وقصدنت فيها انه مبكر يعني ايا ساعة .. الساعة 3 الفجر مثلا هيك بنعتبره مبكر :)

بس موضوع الثلاثين مبالغ فيه ... يعني هي في النهاية قسمة ونصيب

لكن الفكرة الي حكيتها عن تزويج الشباب هي ما كانت ابتداع مني او نما حصلت في زمن الخليفة الراشط الخامس عمر ابن عبد العزيز رحمة الله عليه .. وكانت تجربة ناجحة لما كان يجوز كل الشباب من بيت مال المسلمين ..

لكن للأسف مشكلة أصحاب القرار انهم سذج لا ينظرون الا تحت أقدامهم وما ببدرسه غير التجارب الغربية ومتاسيين انه احنا كمسلمين عنا تجارب ناجحة قُدنا وسُدنا فيها العالم !!




الله يبارك فيكي .. بس خليها لما انلاقي بنت الحلال ههه ... --لاحظو انها قالت مبارك مش مبروك .. الفرق كبير يا جماعة :) ديرو بالكو مبارك دعوة الي .. مبروك دعوة علي --

لكن ان شاء الله قريبا مش حتأخر لانه من استطاع منكم الباءة فاليتزوج ..

غير هيك احنا كمسلمين في دينا ينقطع عمل المرء الا من ثلاث .. واحدة منهم ولد صالح يدعو له .. وهاي في نظري مهمة .


شكرا على تعقيبك الي أسعدني فعلا ...



حلوة اي ساعة هاي :))

موضوع التلاتين مبالغ فيه نظريا انما عمليا فهو للاسف موجود

انا عم بشوف بنات في المجتمع وصلوا سن التلاتين وما اجتهم الفرصة المناسبة !!!

طبعا بالآخر كل اشي قسمة ونصيب ... ولو بإيدي امرهم طبعا كان زوجتهم .. لأنو للتلاتين بعصرنا مأساة!!



اه بعرف هاي الفكرة , هي فعلا ناجحة ..

بس لمتى احنا رح نضل ماخدين الغرب قدوة مش عارفة !




طبعا في فرق كبير بين مبارك ومبروك

ان شاء الله بتلاقي بنت الحلال الي بتتمناها ... وربنا بباركلك


ومش غلط كل الي بقدر يتزوج يتزوج.. حتى لو عمرو اقل من 25 ..


اكيد الولد الصالح مهم جداااا ...



الله يجعل ذرياتنا من الصالحين ...






حيــاكـ الله اخي احمد


نورت الموضوع مرة تانية ,,,


وكذلك اسعدتني متابعتك للموضوع ... ^^





م ... ::

(( بالمناسبة يا جماعة الخير النقاش مو تعطي رأيك وتمشي ,,, ياريت ترجع وتقرا راي غيرك وتناقش
لنكون حققنا معنى كلمة نقاش الحقيقي )))

[limar]

ما اعتقد أختي انه في حدا قصد بكلمة صغيرة انه 14 .. لانه بطبيعة الحال 14 تعتبر طفلة وليست صغيره !

احنا لما نحكي صغيرة بنقصد 17 لل 20 ويمكن نحكي 16 حسب طبيعة البنت ..

اما 14 و 15 فهاي طفله ...

يا اخي والله انه في ناس لهلا بزوجا بناتهم بهلعمر هادا
ولو فرضنا انه كان عمرها 17 او 18 والله انها كمان بتكون طفله
ناخد مثال انسان مثقف وواعي لما يحكي مع بنت عمرها 17 سنة راح يحس انه بيحكي مع طفله والله
البنت هلا ازا ما كملت ال 20 ودرست ما راح تنضج ب الشكل الكافي الي بخليها تكون مسؤوله عن بيت
يمكن زمان ممكن لانه ما كان موجود الي موجود هلا
كانوا من همة وصغار يتحملوا مسؤولية وكان في احترام وهيبة اكتر
بس هلا لا الزمن تغير
هاي كانت الفكرة اخير

[*ريحانة القلب*]

يا اخي والله انه في ناس لهلا بزوجا بناتهم بهلعمر هادا
ولو فرضنا انه كان عمرها 17 او 18 والله انها كمان بتكون طفله
ناخد مثال انسان مثقف وواعي لما يحكي مع بنت عمرها 17 سنة راح يحس انه بيحكي مع طفله والله
البنت هلا ازا ما كملت ال 20 ودرست ما راح تنضج ب الشكل الكافي الي بخليها تكون مسؤوله عن بيت
يمكن زمان ممكن لانه ما كان موجود الي موجود هلا
كانوا من همة وصغار يتحملوا مسؤولية وكان في احترام وهيبة اكتر
بس هلا لا الزمن تغير
هاي كانت الفكرة اخير


اكيد يفضل انها تكون واعية ومتفتحة


بس اطمني ليمار لا تخافي ع بنات هالايام

البنت بكون عمرها 14 وبتفهم اكتر من الي عمرها 30

نحنا بزمن فتح ورودنا الصغار قبل أوانهم

فمن ناحية النضج الفكري لا تخافي عليهم بفتحوا بيوت واحسن من الي اكبر منهم

بالعكس ممكن يتحكموا بازواجهم كمااان هههههه


منورة مرة تانية وتالتة يا ليماار


واحترامي لرأيك يا غالية


|*|

[حنين04]

أنا يمكن أخالفكم بالرأي لأنه بصراحه الناس تغيرت كتير هالايام فساد أخلاقي مش طبيعي كل يوم عن يوم بزيد
لذلك انا مع الزواج المبكر
حتى لو البنت بدها تكمل دراسه وجامعه مش مفروض تتاخر بالزواج يعني البنات بالجامعات بصراحه بعجبوا ولو كانوا متزوجات كان هه يمكن انضبو شوي
وبعدين انا ضد أنه نحكي عن اللي عمره 16 أو 18 سنه طفل أو طفله ما دامهم محاسبين على أفعالهم عند ربنا فهم مش أطفال وهدول اللي بنحكي عنهم اطفال بتصدر عنهم شغلات ما بنقدر نحكي عنها عمايل ولاد صغار يعني لما يكون الولد أو البنت بصف سادس وسابع وصاروا بحبوا وببعتوا رسائل حب فكيف بنحكي عنهم صغار؟؟؟؟؟
أنا هدا رأيي
شكرا عالموضوع

[.:(خالد):.]

على هوا رغبة المتزوجين


الزواج قبول الطرفين

[&نسيم الروح&]

1- برأيكم ما هو السن المناسب لزواج من خلال تطلعك في اتخاذ قرار الزواج ؟؟


من 18 وفوق للبنت اما الشب طبعا بس يامن حاله ويكون فاهم الدنيا يعني عاقل

2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟


من رايي بعد تجربه احسن يكون في تقارب بالعمر لانه بيكون في تقارب بالافكار والاراء
بكون اقل اختلاف


3- هل أنت...... أنتِ ضد الزواج المكبر أم أنت من المؤدين له ولماذا ؟؟


كمان مع التجربه ازا البنت والشب عندهم القدره على انشاء اسره متماسكه
اما ازا كانوا ماخدين الموضوع لعب وولدنه فلا لانه الاسره تبعهم رح تكون مفككه ومش سويه

بعدين الاسلام بحث على الزواج بعتبره نصف الدين بغض النظر عن العمر


وطبعا ميرسي الك لطرح الموضوع المهم

[*ريحانة القلب*]

أنا يمكن أخالفكم بالرأي لأنه بصراحه الناس تغيرت كتير هالايام فساد أخلاقي مش طبيعي كل يوم عن يوم بزيد
لذلك انا مع الزواج المبكر
حتى لو البنت بدها تكمل دراسه وجامعه مش مفروض تتاخر بالزواج يعني البنات بالجامعات بصراحه بعجبوا ولو كانوا متزوجات كان هه يمكن انضبو شوي
وبعدين انا ضد أنه نحكي عن اللي عمره 16 أو 18 سنه طفل أو طفله ما دامهم محاسبين على أفعالهم عند ربنا فهم مش أطفال وهدول اللي بنحكي عنهم اطفال بتصدر عنهم شغلات ما بنقدر نحكي عنها عمايل ولاد صغار يعني لما يكون الولد أو البنت بصف سادس وسابع وصاروا بحبوا وببعتوا رسائل حب فكيف بنحكي عنهم صغار؟؟؟؟؟
أنا هدا رأيي
شكرا عالموضوع




وكلامكـ في وجهــة نظر


احترامي لرأيكـ حنين


نورتينا



:s (43):

[*ريحانة القلب*]

على هوا رغبة المتزوجين


الزواج قبول الطرفين




بردو وجهة نظر


احترامي لرأيكـ


حياكـ الله اخي




!!

[*ريحانة القلب*]

من 18 وفوق للبنت اما الشب طبعا بس يامن حاله ويكون فاهم الدنيا يعني عاقل



من رايي بعد تجربه احسن يكون في تقارب بالعمر لانه بيكون في تقارب بالافكار والاراء
بكون اقل اختلاف



كمان مع التجربه ازا البنت والشب عندهم القدره على انشاء اسره متماسكه
اما ازا كانوا ماخدين الموضوع لعب وولدنه فلا لانه الاسره تبعهم رح تكون مفككه ومش سويه

بعدين الاسلام بحث على الزواج بعتبره نصف الدين بغض النظر عن العمر


وطبعا ميرسي الك لطرح الموضوع المهم




الشكر الك لأبداء رأيكـ


حياك الله نسيم


نورتينا



:s (43):

[جرحٌ بملامح انسان]

مش مع
ولا ضـد
^ ^

[*ريحانة القلب*]

مش مع
ولا ضـد
^ ^



احترامي لرايكـ


:)


حيــاكـ الله


نورت

[ابنة القسام]

انا ضد الموضوع
لأنو في سلسبيات وايجابيات
بس اجاوب على الاسئلة:::
- برأيكم ما هو السن المناسب لزواج من خلال تطلعك في اتخاذ قرار الزواج ؟؟
ولكن من سن 20 فما فوق


2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟
احيانا حسب والله هون ما عندي فكرة



3- هل أنت...... أنتِ ضد الزواج المكبر أم أنت من المؤدين له ولماذا ؟؟
اها ضدو لأنو اولا
1. عدم اتخاذ قرارات البنت الي بدها تتزوج
2. حرما نها من اكمال تعليمها
3. حرمانها من عاطفة وحنان العائلة
4.صحتها هي واطفالها لأنها صغيرة في السن بتكوووون
5.يؤدي الى ضعف شخصيتها وعدم سيطرتها على الاسرة
6.عدم قدرتها على تحمل التغيرات المحاحبة للحمل
بكفي هدوووووول بس لسا في كمان....................
وكمان في عوامل من اجل صحة الاسرة قبل الجزواج:::
1.الفحوصات الطبية
2.سن الزوجين عند الزواج
3.المستو التعليمي للزوجين
4.قدرتهم على اتخاذ القرارات لتنظيم حياتها وفق اسس صحيحة.
وبكفي كلام والله يعطيكي العافية

[live ur life]

1- برأيكم ما هو السن المناسب لزواج من خلال تطلعك في اتخاذ قرار الزواج ؟؟

انا براي انسب سن للزواج هو 23 للبنت لانها بتكون واعية وفاهمة لمرحلة الزواج وواجباتها



2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

اكيد التقارب في العمر بلعب دور كبير لانو الطرفين بكون في بين الطرفين اهتمامات مشتركة اما لما يكون بينهم عشر سنين مثلا بتكون البنت بعدها حيوية بينما الرجل بكون قطع هاي المرحلة وصار يشوف تصرفات مرتو طايشة.

3- هل أنت...... أنتِ ضد الزواج المكبر أم أنت من المؤدين له ولماذا ؟؟

اكيد ضد الزواج المبكر والمسؤولية تقع على الاهل مش عالاولاد
لانهم حتى لو حابين الزواج مابكونوا عارفين شو المسؤليات الي بتنتظرهم. بس اكيد في النهاية كل شخص حر في اختياره لمصيره وحياتو

[*ريحانة القلب*]

انا ضد الموضوع
لأنو في سلسبيات وايجابيات
بس اجاوب على الاسئلة:::
- برأيكم ما هو السن المناسب لزواج من خلال تطلعك في اتخاذ قرار الزواج ؟؟
ولكن من سن 20 فما فوق





اولا اهلا فيكي

نورتي الموضوع

تانيا في بنات بتزوجو وبارادتهم وهم اقل من عشرين

يعني ما بنقدر نحدد عمر معين








2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟
احيانا حسب والله هون ما عندي فكرة

3- هل أنت...... أنتِ ضد الزواج المكبر أم أنت من المؤدين له ولماذا ؟؟
اها ضدو لأنو اولا
1. عدم اتخاذ قرارات البنت الي بدها تتزوج
2. حرما نها من اكمال تعليمها
3. حرمانها من عاطفة وحنان العائلة
4.صحتها هي واطفالها لأنها صغيرة في السن بتكوووون
5.يؤدي الى ضعف شخصيتها وعدم سيطرتها على الاسرة
6.عدم قدرتها على تحمل التغيرات المحاحبة للحمل
بكفي هدوووووول بس لسا في كمان....................
وكمان في عوامل من اجل صحة الاسرة قبل الجزواج:::
1.الفحوصات الطبية
2.سن الزوجين عند الزواج
3.المستو التعليمي للزوجين
4.قدرتهم على اتخاذ القرارات لتنظيم حياتها وفق اسس صحيحة.
وبكفي كلام والله يعطيكي العافية


كل الي ذكرتيه ممكن يصير

بس في بنات هلأ بكونو بعمر صغير بس كلامهم وتصرفاتهم اكبر منهم

النت والتلفزيون ما خلى حد صغير

وفي متزوجات زصغار وقادرين يمشو حياتهم احسن من الكبار


بس بردو بضل في بكلامك وجه نظر حسب نوعية البنت




نورتي ابنة القسام


:)

[*ريحانة القلب*]

1- برأيكم ما هو السن المناسب لزواج من خلال تطلعك في اتخاذ قرار الزواج ؟؟

انا براي انسب سن للزواج هو 23 للبنت لانها بتكون واعية وفاهمة لمرحلة الزواج وواجباتها



2- هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

اكيد التقارب في العمر بلعب دور كبير لانو الطرفين بكون في بين الطرفين اهتمامات مشتركة اما لما يكون بينهم عشر سنين مثلا بتكون البنت بعدها حيوية بينما الرجل بكون قطع هاي المرحلة وصار يشوف تصرفات مرتو طايشة.

3- هل أنت...... أنتِ ضد الزواج المكبر أم أنت من المؤدين له ولماذا ؟؟

اكيد ضد الزواج المبكر والمسؤولية تقع على الاهل مش عالاولاد
لانهم حتى لو حابين الزواج مابكونوا عارفين شو المسؤليات الي بتنتظرهم. بس اكيد في النهاية كل شخص حر في اختياره لمصيره وحياتو


احترامي لرأيك

نورت

[محمد_فلسطين]

انا برأيي انها البنات قبل سن 20 خطأ تتزوج طبعا لكل فاعدة شوااذ
اما الشباب انا برأيي قبل 25 الزواج الهم غلط كبير.ولكل قاعده شوااذ
شكرا على الموضوع المفيد

[طا111رق]

انا تزوجت وعمري تقريبا 21 سنه ويمكن اقل شوي كمان بس بصراحه الاستعجال بالزواج مسئوليه كبيره والله يا اخوان بيت وزوجه واطفال والله مسئوليه كبيره

يعني باختصار له ايجابياته وله سلبياته وشكراااااااااااااااااااااااا

[نبض الأقصى]

ما هو السن المناسب لزواج من خلال تطلعك في اتخاذ قرار الزواج ؟؟

السن المناسب للزواج بالنسبة لي بحكي أنه الواحد لازم يخلص الجامعة ساو شباب او بنات


هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

التقارب يلعب دور كبير وأهم شيء في نجاح الزواح الاحترام المتبادل بغض الننظر عن فارق العمر ،والنضوج أيضاً مهم جداً.

3- هل أنت...... أنتِ ضد الزواج المكبر أم أنت من المؤدين له ولماذا ؟؟

مشكلة الزواج المبكر نسبية وكل واحد يراه من جهته إما مشكلة أو لا ،وأنا بقول لازم كل من الزوج والزوجة يكونوا واعيين لهذه الخطوة المهمة.






مشكورة خيتو

[*ريحانة القلب*]

انا برأيي انها البنات قبل سن 20 خطأ تتزوج طبعا لكل فاعدة شوااذ
اما الشباب انا برأيي قبل 25 الزواج الهم غلط كبير.ولكل قاعده شوااذ
شكرا على الموضوع المفيد


العفو خيي

واحترامي لرايك


نورت

[*ريحانة القلب*]

انا تزوجت وعمري تقريبا 21 سنه ويمكن اقل شوي كمان بس بصراحه الاستعجال بالزواج مسئوليه كبيره والله يا اخوان بيت وزوجه واطفال والله مسئوليه كبيره

يعني باختصار له ايجابياته وله سلبياته وشكراااااااااااااااااااااااا


العفو خيي

أكيد ايجابيات وسلبيات ..


نورت

[*ريحانة القلب*]

ما هو السن المناسب لزواج من خلال تطلعك في اتخاذ قرار الزواج ؟؟

السن المناسب للزواج بالنسبة لي بحكي أنه الواحد لازم يخلص الجامعة ساو شباب او بنات


هل التقارب في العمر بين الطرفين والنضوج الفكري والمعنوي هو سر نجاح هذا الزواج ؟؟

التقارب يلعب دور كبير وأهم شيء في نجاح الزواح الاحترام المتبادل بغض الننظر عن فارق العمر ،والنضوج أيضاً مهم جداً.

3- هل أنت...... أنتِ ضد الزواج المكبر أم أنت من المؤدين له ولماذا ؟؟

مشكلة الزواج المبكر نسبية وكل واحد يراه من جهته إما مشكلة أو لا ،وأنا بقول لازم كل من الزوج والزوجة يكونوا واعيين لهذه الخطوة المهمة.






مشكورة خيتو



هلا نبض الاقصى
احترامي لرأيك عزيزتي


نورتي

:s (43):