الا تقدسوا أشخاصاً .. بل افهموا فكره

[هادي]

في تاريخ فلسطين المعاصر ونضال المقاومة الفلسطينة تتالت الأجيال المنظمة والمنتمية لذاك التيار أو هذه الحركة، ومن يتتبع تتطور البناء - الإيجابي والسلبي- لها لا ينفي وجود أخطاء جوهرية في هيكلة تلك الفصائل، التي كانت نقاط ضعف استطاع العدو توجيه ضرباته من خلالها واهم تلك الأخطاء:
بُعد قيادة التنظم عن قاعدته - العناصر-، حيث اصبح تنظيماً طبقياً، بقيادة مركزية لا تُحاسب ولا تنافس، ولا تتابع عناصر تنظيمها بشكل من الأشكال.
وجود أغلب قيادات التنظيمات الفلسطينية، داخل دول عربية، جعل منها بصورةٍ أو بأخرى أوراق ضغط، أو تابعيين لنظام ما، أو موالين له، وبالتالي تشيكل قيادتين لتنظيم واحد داخليه وخارجيه. ( وفي الغالب فإن القيادة الخارجية بلا أدنى شك تخضع لضغوط مباشرة أو غير مباشرة).
لجوء الفصائل للدعاية المضادة على الفصائل الأخرى، كوسيلة للحفاظ على تكتل عناصرها، مما شكل حالة من التعصب الفصائلي، والتنظير بالطعن والتشيكيك.
التنافس على الدور السياسي، الذي صنع حالة من إهدار للإمكانيات التي كانت موظفة للنهوض بالشعب الفلسطيني ومقاومته.
واخيرا المصيبة العُظمى وهي تقديس القيادات، التي أصبحت تشكل تفرداً مباشراً في القيادة، بعد ركونها لحالة التبعية العمياء لدى العناصر، لماذا لا تحاسبوا قياداتكم؟؟؟؟ من أراد بناء مؤسسة للتحرير والمقاومة عليه إزالة الشك والغموض من سبيله، قبل الثورة على العدو يجب أن نثور على التعصب الأعمى، وعلى السواد الداكن في نفوسنا. حتى نستطيع فهم الآخر ويفهما هو الآخر، لنشكل سياجاً منيعاً لمقامة صلبة.

[نسرينا الفلسطينيه]

ممممم

شعبنا مسكين مش عارف شو الي متخبيلو

الله يبعد عنا شر التعصبات مشان نقدر نفهم بعضنا دايما

مشكور اخي

[.:: 23 ::.]

بدك الصراحه أخي ..

والله اليهود لعبوها صح ...

عرفوا كيف يوقعوا بين الأحزاب في كل مكان ...

وبدل ما يكونوا ايد وحده تضرب اليهود .. صاروا ايدين ويضربوا ببعض ...

حسبنا الله ونعم الوكيل ..

[نسرينا الفلسطينيه]

بدك الصراحه أخي ..

والله اليهود لعبوها صح ...

عرفوا كيف يوقعوا بين الأحزاب في كل مكان ...

وبدل ما يكونوا ايد وحده تضرب اليهود .. صاروا ايدين ويضربوا ببعض ...

حسبنا الله ونعم الوكيل ..


:s (43):

[احمد زايد]

بدك الصراحه أخي ..

والله اليهود لعبوها صح ...

عرفوا كيف يوقعوا بين الأحزاب في كل مكان ...

وبدل ما يكونوا ايد وحده تضرب اليهود .. صاروا ايدين ويضربوا ببعض ...

حسبنا الله ونعم الوكيل

[B a s i m a]

يعني إجمالاً

الموضوع يتلخص في نقطتين

الأولى
اليهود لعبوها صح...و صح الصح كمان

التانية
إنه شعبنا أصابه الارتباك أمام كل هدا الزخم
من كتر ما مرينا بحاجات...مؤتمرات...معاهدات...مواثيق .. لجان و ما بعرف شو ..و كلها طبعاً ما قدمت بل أخرت...ما عاد نعرف مين ولا مين نسدق... و النتيجة عم نتعلق بأي شي ممكن نحس إنه فيه مجرد أمل...

[أحلى مايا]

متل ما ئال الاخ 23

بس نحنا للاسف متل الي مش عارفين شو بصير فينا والله مساكين

حسبنا الله ونعم الوكيل


يسسلمو الك كتيير

[مؤيد]

مش الكل بقدس وبتعصب لقادته ....

مثلا ً عند الإسلاميين ما بنلاقي انهم بقدسوا قادتهم لدرجة كبيرة ، تقديسهم بكون لدينهم ونبيهم ، لإنو الإسلاميين همهم رسالتهم ، مش زعمائهم ، لإنو مهما راح منهم زعماء ، رسالتهم الإسلامية هي الشي المهم .....

أنا مثلا ً ما عندي تعصب وتقديس لحدا ، حتى متلا ً الي بحبهم متل هنية ومشعل ، بحبهم كتير صحيح ، بس مش لدرجة التعصب والتشدد والتقديس، يعني ما بوقف معهم ازا شفتهم بغلطوا أو على باطل أو على نهج غير اسلامي ، فرضا ً في حال مثلا ً انو هنية بلش يغلط ويبيع ويتنازل صحيح رح أتدايق وأزعل بس أكيد رح أتخلى عن حبي وتأيدي الو ، حتى حماس كذلك ، فأنا حبي لحماس مش لأجل انها حماس ، بل لإنها حركة اسلامية كبيرة وهي قدمت اكتر شي لفلسطين عن غيرها من الفصائل الإسلامية الأخرى ...

بس لو تجي لناس تانيين ، بتلاقي انهم مقدسين زعماؤهم حتى وهم أموات ، لدرجة انو بتمنى وبتغنو انو يجي من القبر ويطلع عشان يعيشو تحت ايديه ، وهذا غلط لإنو ازا بدنا نعلق حياتنا على اموات ما بعمرنا رح نمشي لقدام ، والأصل في الإنسان انو يطلب العون والنصرة من الله ، مش من حدا عايش او حدا مات ....

[.:.!دموع الرحيل!.:.]

تعلقي بقضيتي ..

وبديني ..

ووطنــــــي ..

تلقائيـا بقودنـي لأني أتعلق وأتمسك

بكل شخص .. مقدم حيـاته في سبيلهم ..

مين مـا كــان يكون

ويكون اله النصيب الأكبر من دعـائي

وتأييدي ..

إذا انا مش طالع بإيدي أخدم قضيتي بشكل كبير

فعليي بالدعـاء .. ومساندة كل مين قائم بهالمهمّة

وأحطو على راســي ..

وأفضلو على أمي وابوي والدنيـا كلهـا

طول ما هو على حق .. ومحافظ عن قضيـة وطنـي وديني ..

ولكن إن أخطـأ وباع المبادئ

فعندهـا .. بكون فقد الصفـات الي خلتني أتمسك فيـه ..

لذلك من يقدس الأشخاص

هم الذين يؤيدونهم وإن أخطأو وإن باعوا القضية

وإن تخلوا عن المبادئ الإسلامية ..

والي صاير اليوم ..

بسبب تخلي الكثير عن هالمبادئ وبيع القضيـة

وفعلا اليهود إلهـا دور بالي حاصل ..

والعتب عالي منفذ أوامر اليهود

مش الي بحاربهم ..

حسبنـــــا الله ونعم الوكيل

ربنـــا يطهر هالأرض من كل خاين .. وقليل دين

ويبارك بكل مسلم مجاهد شريف ..

[خيـرَ أُمـة]

اعتقد ان التعلق بالاشخاص مصيبة من المصائب التي يقع بها الشباب هذه الأيام !!

لان اي شخص ممكن ان يقع منه الخطأ .. لا أحد معصوم بعد وفاة الرسول عليه الصلاة والسلام ..
والمواقف تتغير وتتبدل ..

يا مثبت القلوب ثبت قلبي على دينك

للأسف الكثير من الشباب عند تعلقه بشخصية معينة يصل به الحال ان يرى اخطائه حسنات يستحق الشكر والثناء عليها ... وهذا حاصل وبكثرة للأسف.

بتصور انه الشباب لازم يكونو أكثر عقلانية.


ملاحظة: عندما أقول شباب أقصد بها الجنسين المذكر والمؤنث.

أخوكم

[limar]

التعلق بهاي الطريقة خاطئ

بتقولوا اليهود لعبوا صح طيب الحق على مين اكيد علينا لانه لو ما كان في تفرق وجحود وحب الذات من الاول بينا ما كان صار الي صار

الشعب تفرق عشان قادة وزعماء حتى لو كان الزعيم على خطأ
ما بعرف سبب التعلق بهاي الطريقة عند بعض الناس

تركوا المثال الاعلى وركدوا ورى سبب التفرقه وعنصرية كمان

خلي حب الله والرسول فوق كل الناس واتبع نهج الرسول صلى الله عليه وسلم
هيك راح يكون نهج الامه واحد وما منتفرق
دائما كان الشعب الفلسطيني مثال للجهاد والكبرياء
ما لازم تتغير الصورة


لازم نصلح حالنا لو ما تركنا فراغ بانفسنا وبينا ما كان اليهود عرفوا يلعبوها

شكرا اخي على الموضوع

[هادي]

الموضوع تفرع!! بس مش مشكله ( كل الطرق تؤدي إلى روما):
أكيد اليهود لعبوها صح! مش بس بفلسطين، حتى في العراق مدو القبائل بالسلاح، وصنوا حكومة عميله ركمان أعطوها سلاح، في لبنان مسلسل الإغتيالات السياسية، وتقسيم الكعكة اللبنانية، حتى في السودان الطيران الأمريكي بيتدخل في الوقت المناسب حتى يحافظ على وتيرة القتال ...
❊❊❊❊❊❊❊❊❊❊❊❊
هلأ المصيبة إنو كلنا فاهمين هاد الكلام .. يعني المضوع صار فوق السيطرة!!؟؟؟؟
ولا احنا صارت مش فارقه معنا؟؟؟؟؟؟!!!
الأخ مؤيد: كلنا بنحب القيادات الوطنية المقاومة والاسلامية خاصة ، ومع ذلك لا شك أن ما أكبر الأخطاء تقديس القيادات، يعني باختصار إذا كانت الحركة لا ينتهي اسمها ب ( الإسلامية) لا يعني أنهم خارجين عن الملة، كلنا نشهد ب لا إله إلا الله وأن محمداً رسول الله .. حتى لو كان هناك فصيل فلسطيني شيوعي، فلا مبرر لقتاله، قال تعالى:( وقاتلوهم حتى لا تكون فتنه ...) وقتالهم هنا هو الفتنة بعينها ( والفتنة أشد من القتل) ، عمر بن الخطاب رمز القوة الإسلامية عبر التاريخ هو القائل:( إن رأيتم فيّ إعوجاجاً فقوموني بحد سيوفكم) .. وما حصل في فلسطين بمنتهى الواقعية: أنه تداعى سائر الجسد بالسهر والحُمى..
❊❊❊❊❊❊❊❊❊❊❊❊❊❊❊
مؤتمر أنا بوليس:
طبعاً مش لازم نعلق عليه الآمال، في البداية مطالبة الصهاينة بالإعتراف بالدولة اليهودية يعني اسقاط حق العودة، والاعتراف بالحق التاريخي لليهود في أرض فلسطين. لا ولسه: الكنيست صوت على القدس الموحدة ( الشرقية قبل الغربية) عاصمة أبدية للكيان الصهيوني.
والأمر الذي لا يعرفه الكتيرون:
أن حق العودة في قاموس التفاوض يعني: أن كل فلسطيني خرج من أرضه يحق له العوده لها. ( أي أن من خرج يعود) إن بقي على قيد الحياة ، أما أولاده الذين ولدوا في الشتات والأجيال التي تلت اللجوء لا يحق لها العودة ( العودة حق للمستفيد الأول فقط)!!!! ذلك يعني أن حق العودة لا يشمل إلا نسبة عشرون بالمئة من اجمالي عدد اللاجئنين..
والمهين أكثر:
أن هؤلاء الذين يشملهم ( حق العودة) لا يعودون لديارهم أو أرضهم التي خرجوا منها، بل يعودن لمدنية خاصة بهم سيتم إنشاؤها في الضفة الغربية!!!
والخلاصة هنا قالها أحمد مطر:
الثور فر من حظيرة البقر.. فثارت العجول في الحظيرة تبكي فرار قائد المسيرة، فشُكلت على الأثر محكمةٌ ومؤتمر.. فقائلٌ قال: قضاءٌ وقدر، وقائلٌ قال: لقد كفر، وقائلٌ قال: إلى سقر!! وبعضهم قال:: اعطوه فرصةً أخيره عله يعود إلى الحظيرة!!!
وفي نهاية المؤتمر: تقاسموا مربطه، وجمدوا شعيره...
وبعد عام حدث حادثةٌ مثيرة..
لم يرجع الثور.. بل فرت وراءه الحظيره...

[هادي]

نسيت أحكي إنو كل هاد الكلام مش دافع لليأس أو الخنوع .. بالعكس هوه دافه للصمود والتحدي ، قال تعالى: ( أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله؟ ألا إن نصر الله قريب) ..
فكما أن زول إسرائيل - المسخ- حتمية قرآنية، كذلك عودة الكيان السياسي الإسلامي حتمية قرآنية.

[القلب الطيب]

مش الكل بقدس وبتعصب لقادته ....

مثلا ً عند الإسلاميين ما بنلاقي انهم بقدسوا قادتهم لدرجة كبيرة ، تقديسهم بكون لدينهم ونبيهم ، لإنو الإسلاميين همهم رسالتهم ، مش زعمائهم ، لإنو مهما راح منهم زعماء ، رسالتهم الإسلامية هي الشي المهم .....

أنا مثلا ً ما عندي تعصب وتقديس لحدا ، حتى متلا ً الي بحبهم متل هنية ومشعل ، بحبهم كتير صحيح ، بس مش لدرجة التعصب والتشدد والتقديس، يعني ما بوقف معهم ازا شفتهم بغلطوا أو على باطل أو على نهج غير اسلامي ، فرضا ً في حال مثلا ً انو هنية بلش يغلط ويبيع ويتنازل صحيح رح أتدايق وأزعل بس أكيد رح أتخلى عن حبي وتأيدي الو ، حتى حماس كذلك ، فأنا حبي لحماس مش لأجل انها حماس ، بل لإنها حركة اسلامية كبيرة وهي قدمت اكتر شي لفلسطين عن غيرها من الفصائل الإسلامية الأخرى ...

بس لو تجي لناس تانيين ، بتلاقي انهم مقدسين زعماؤهم حتى وهم أموات ، لدرجة انو بتمنى وبتغنو انو يجي من القبر ويطلع عشان يعيشو تحت ايديه ، وهذا غلط لإنو ازا بدنا نعلق حياتنا على اموات ما بعمرنا رح نمشي لقدام ، والأصل في الإنسان انو يطلب العون والنصرة من الله ، مش من حدا عايش او حدا مات ....

تمام التمام

[هادي]

مافي أي خلاف .. صحيح