برايكم هاي مشكله ولا لا

[limar]

احدى صديقاتي صارحتني بمشاعر حلوة كتير حبيت اطرح الموضوع ب المنتدا وبدي اعرف ارائكم

الي سمعته منها كالتالي
بحب اهلي كتير
ما بتخيل انه ممكن يجي يوم وابعد عنهم ماما وبابا واخواني

دائما بتيجيلي افكار انه ممكن افقد حدا منهم لسبب او لاخر
لا سمح الله حدا يصرله اشي او يبعد لسبب معين والي بصير اني بعيش الحاله وبصير ابكي كمان
ارتباطي كتير فيهم لدرجة اني برفض حتى الزواج حتى ما ابعد عنهم

الموت علينا حق بس ازا اجا اليوم الي راح افقد امي او ابوي فيه راح تكون نهاية الدنيا ب النسبة الي

اختي راح تتزوج عن قريب وانا بوضع جدا كئيب لانها راح تبعد




اعتئد انها مشاعر رائعة بس يا ترى هل من الممكن تسبب مشكله

[سووما]

اكيد مشكله كتير كبيره من جهه لالها ومن جهه تانيه لاهلها فلازم تحاول بالتدريج انه رايح يجي اليوم وتبعد يوم عنهم

[ضوء الشمس]

كل من عليها فان

بس الواحد بتأثر

لازم الواحد يكون ايمانوا قوي

شكرا على الموضوع

[برنسيسة2009]

اولا شكر لموضعك تانيا هذه حال الدنيا يجب ان نصبر ونحتسب الاجر فكم من غالي قد فقدنا0

[قسامي غزة]

مشكورة اختي علي طرح الموضوع
انا راح احكيلك شي
انا كنت متصور زي صحبيتك هيك الدنيا
يعني انا كنت ما بقدر ما اشوف امي يوم كامل
كنت ما اعرف اقعد بالبيت وهية مش موجودة
ناقصني شي اكون
بس ياا ختي الي صار
انوا امي توفت ربنا يرحمها
في لحظة ما سمعت انوا امي توفت حست حالي بدي اوقع من طولي
يا الله كيف بدي اكمل حياتي بدونها
وصارت تيجي علي بالي اسئلة ما الاقي الها حل
ومشت الايام والحمد لله
اكيد يااختي ما بحكي الك اني بلحظة بنسي امي
وبنسي احلي لحظات معها واسترجع
شريط الذكريات الي عندي
بس ياا اختي لاشك انوا الامر صعب بس الحمد لله
هيني كملت حياتي ومشت الدنيا
يعني الدنيا مش هتوقف عندي ولا عندك ولا عند صحبيتك
ولا عند اي حدا فينا ولازم نستمر في حياتنا
والحمد لله علي كل حال
وهيني تقدمت بحياتي ومشيت فيها
والحمد لله علي كل حال
واكيد كلنا اخريتنا الموت
والحياة هاد بدها تستمر بدوني او بدونك او بدون اي شخص
ومشكورة اختي علي طرح الموضوع

[limar]

تسلم اخ قسامي
رحمة الله على والدتك وعلى جميع اموات المسلمين

[@واثق الخطوة@]

اختي
المشاعر جدا حلوة
ولكن رائي انا بكل صراحه انو لو نحنا دائما كل اشي مشناه بكيفنا ما رح تمشي الحياة صدقوني يا جماعه
اختي صراحه صحبيتك بحسدها ما شاء الله على مشاعرها ولكن هي لازم تستسلم للواقع والدنيا مو كلها حلوة لازم يكون فيها شويه مرارة
والله بعين
والله يوفقكم يا رب ويسعدكم ويححميكم
اخوكي
@واثق الخطوة@

[قسامي غزة]

تسلم اخ قسامي
رحمة الله على والدتك وعلى جميع اموات المسلمين



الله يسلمك يارب
وربنا يرحمها
ويرحم جميع اموات المسلمين

[شمس العروبة]

عارفة يا اختى

نفس المشاعر الحلوة اللى بتحكيها وبتحس بيها صديقتك

انا باحس بيها مع الناس المقربين لية من اهلى

بس براى انها مشكلة ومشكلة مؤرقة

فراق الاحبة صعب جدا

يسلمووا الايادى علىالطرح

[limar]

تسلموا شكرا على المرور

[&نسيم الروح&]

يمكن هي عندها حب هستيري

وهاي المشكله

انا ما بقدر احكيلك شو الشعور الي ممكن ينتاب اي انسان

ببعده عن اهله او اي خساره حد فيها

[limar]

ما بعتقد انه ممكن نسميه حب هستيري
انا بصراحة لما سمعتها خطرلي انها شفافة كتير وحساسة كتير كمان
تسلمي اختي على المرور

[قسامي رفح]

والله يا اختي ما ضل
كلاااااااااااااااااااااااااااام اكتر من اللي حكاه
قسامي غزة غير الا الصبر والاحتساب
والله معاااااااااااااااااااااااااااااااكي

[مارلين برلو]

هاى مشاعر كتير حلوة بس بنفس الوقت مشكلة كبيرة

لانو هاى سنة الحياة ولازم نعيشها والموت علينا حق ولازم نعرف انو المكتوب بسير (قل لا يصينا الا ما كتب الله لنا)يعنى هاى صحبتك الى خايفة تفقد حدا من اهلها لازم تعرف انو كلنا هيك نهايتنا بس ناس بتسبق ناس 0000 والله يوفقها يا رب ويسعدها

مشكورة حبيبتى على موضوعك

تحياتى الك

[احمد زايد]

بصراحة لا اعتقد

[نسرينا الفلسطينيه]

نفس مشكلتي والله

انا كتير بخاف من هالشي

والشعور دايما موجود عندي اني افقد حدن من اهلي او اي حدن بعزو

مثلا بتلاقيني ازا اخوي غاب كتير عن البيت بقلق والشيطان يلعب براسي انو ممكن صارلو شي


قلبي ضعيف كتير بهيك مواقف..


اكيد الواحد لازم يؤمن بقضاء الله وقدره ويقوي ايمانه اكتر

كلام قسامي غزه رائع:)

[جبل ما يهزه ريح]

اكييييييييييييييد الاهل شي مهم بالحياة:icon26:
وانا شخصيا كتير متعلقة باهلي وبالاخص بماما وباختي الاصغر مني
(امون حبيبة قلبي ) وما بتخيل حياتي من دونهم
بس هاد ما بيمنع اني كمان متعلقة بباقي عيلتي
لكن هاي حياه وبدها تمشي وبدنا نعيش سنة الحياة:b:
ومشكووورة كتير عالموضوع الحلو فعلا:s (43):

[limar]

شكرا على المرور

[NIGHT QUEEN]

يعني في مرات انا ما بعرف اتعامل بهيك مواقف

بضل اضحك ههههههههه


ولكن مش لهالدرجة التعلق لازم يكون

مع انو لطيف وحلوووو

ولكن اعتقد انو مبالغ فيه


مشكوووووووووورة اختي على الطرح