الشبيبة الفتحاوية تشتم زوجة الشهيد القائد جمال منصور بألفاظ سوقية حقيرة

[مؤيد]

"حماس" تستنكر بشدة تهجّم شبيبة "فتح" على النائبة منصور وترى بذلك انحطاط فكري وأخلاقي


http://files.shabab.ps/vb/images_cash/uploads/071028213637tHs0.jpg
شبيبة فتح


http://files.shabab.ps/vb/images_cash/uploads/071028213638TLz7.jpg
النائب منى منصور زوجة الشهيد القائد القسامي جمال منصور


نابلس- فلسطين الآن - استنكرت حركة المقاومة الاسلامية حماس التعرض للنائب منى منصور من قبل شبيبة فتح بجامعة النجاح الوطنية وايذائها لها بكلمات نابية.


http://files.shabab.ps/vb/images_cash/uploads/071028213639jX9o.jpg
الشهيد القائد جمال منصور

وقالت الحركة في بيان لها وصل "فلسطين الآن" نسخة منه: "إننا في حركة المقاومة الإسلامية حماس وتعقيباً على بيانٍ هابطٍ وزعته فتح وشبيبتها في جامعة النجاح الوطنية يوم أمس تعرضت فيه للنائب منى منصور ووصفتها بأقذع الأوصاف التي لا تليق إلا بمن كتبها ووافق على توزيعها، لمُجرد أنّها فضحت ممارسة مُشينة حدثت في أروقة الجامعة التي ليست مؤسسة لفتح كما تظن وتأمل، بل هي لفلسطين كلها".

واضافت الحركة في بيانها "يبدو أنّ الذي درج على وصف المقاومة بالعبثية بعد أن أسقطها رسمياً من مواثيقه بات يُطبقها تماماً على شعبه ومؤسساته فلا يقبل أن يعترض المواطن أو المواطنة على شرٍ يقع أو حرمة تُنتهك، لأنّ المقاومة كلمة ممنوعة أسقطها دايتون من ثقافتنا فعلينا الإلتزام، وهذه كارثة فكرية كبيرة تنبئ عن مرحلة جديدة بدأت فعلاً بقمعٍ الحريات وبفرضٍ لمنطق الرأي الواحد وبالتعرض والطعن لمن يرفع صوته عاليا ضدّ خطأ حصل، حتى لو كان ذلك الشخص نائباً وزوجاً لشهيدٍ قائدٍ مزقته صواريخ دايتون وجنوده وعملائه".

واكدت الحركة في بيانها إنً الذي حدث في جامعة النجاح شيءٌ كان يُلزم الجميع بالتحرك حتى توضع الحدود لأولئك الذين لم يراعوا حرمة المصليات والأعراضً، والحقيقة أنّ طالبات الجامعة قالوا كلمتهم ورفعوا صوتهم عالياً أن" لا لمسَّ لمصلياتنا" وهذا حقهم، وواجبنا نحن المساندة وتوصيل الصورة.

واوضحت الحركة الى انه وبدلاً من أن تقوم الشبيبة ومن وراءها بالوقوف ضدّ إقتحام مصليات الطالبات، وصل الحدّ أن تقوم بالتعرض لمسيرتهن الإحتجاجية ورشقها بالحجارة وسلات القمامة (وهذا ما شاهده جميع طلبة النجاح بأعينهم)، وهو فعلٌ يناقض حقيقةً غابت عن القوم وهي أنّ اللواتي يرتدن هذه المصليات هنّ بنات الشعب الفلسطيني وبنات فتح وحماس والجهاد والشعبية قبل كل شيء فأين الغيرة والحرقة؟؟؟ يا شبيبة النجاح.

وشددت الحركة على إنّ النائب منى منصور رفعت صوتها عالياً ضدّ هذه الممارسات وهذا واجبها وهي أهلٌ له، وتصريحها الصحفيّ أخفى كثيرا من الحقائق المؤلمة والمرّة حرصاّ على تهدئة الأجواء، وذلك بالرغم من كل ما يصلها من تهديدات بالقتل والمسّ من مسلحي فتح ومرتزقتها الذين يختبئون خلف أسماءٍ وهميةٍ لا تظهر إلا بالفتن والفضائح ولصالح المحتل طبعاً.

وبين البيان إنّ هذا الإنحطاط الفكريّ والأخلاقي الذي وصل إليه كاتبو هذه البيانات والذي وصل حدّ التعرض للنساء ولزوجات الشهداء والقادة ناهيك عن كونها نائبا منتخباً (رغم أنف الخاسرين) يتمتع بكامل الحصانة التي تلزم النيابة والأجهزة الأمنية بملاحقة من يتعرض لها، "لكنّ؟ الذي جعل البعض يرشق مسيرة لطالبات إعترضن على إقتحام مصلياتهن تضامنا مع المُقتحم يجعلنا ندرك القيمة الفارغة من مضمونها لكثير من المُسميات".

وطالبت الحركة إدارة النجاح بوضع حدٍ أولا لمن أخطأ واقتحم المصليات عنوة، ثم لمن تعرض للنائب منى منصور ثانيا وتقديمه للجان الضبط المختصة؟ مع ضرورة أن ينال العقاب اللازم، لا أن يُسكت عنه لأنّ السكوت من المسئول يعني الموافقة في هذه الأيام التي بدأت فيها فتح تدشين شعارها للمرحلة وهو "من ليس فتحاوياً فهو عدوٌ " يتوجب ملاحقته وتهديده والتعرض له قتلاً أو اعتقالا.

وتابعت الحركة قائلة: "إنّ جامعة النجاح وبالرغم من كل ما يمارس داخل أسوارها من قمع للحريات وتعرض للكتلة الإسلامية وطلبتها فإننا نعتبر ذلك فعلا طارئا غير أصيل، وهي تبقى جامعتنا الفلسطينية ومؤسستنا الوطنية والمحضن الدافئ الذي قدمت له وفيه حماس وكتلتها كلّ نماذج البذل والعطاء والتميّز، ناهيك عن كونها القلعة الفلسطينية التي خرج منها قادة الشعب ورموزه وعلى رأسهم الدكتور عزيز دويك وأخوانه، وقبلهم وبعدهم عشرات الشهداء ومئات الأسرى الذين أفنوا أعمارهم وسنوات دراستهم خدمة في الجامعة وطلبتها".

واكدت الحركة ان الكتلة الإسلامية هي الكتلة الأكبر في الجامعة وهي من قادت العمل الطلابي عشرات السنوات فلا يمكن تجاوزها أو إقصاؤها، داعية رئيس الجامعة أن يحذو حذو رؤساء بيرزيت والخليل والبولتكنك وجامعات غزة في إعادة الحريات والأنشطة للجامعا، فهذا هو المخرج الوحيد من الأزمة ومن يحلم بغير ذلك فهو واهمٌ لا يملؤ خياله إلا أضغاث خيالات تنفيها حقائق الماضي والحاضر والمستقبل.

[مؤيد]

للاطلاع على المزيد من المعلومات والصور عن النائبة منى منصور ، يرجى مشاهدة الرابط التالي :

http://www.aljazeeratalk.net/portal/content/view/832/50/

[Abu Shadi]

فكرت عنا بغزة كنت مجهزلك رد كبير هههههههههههههههه
لانو ما حصل بغزة

بس قلت بعيد عن غزة

فما الي علم

تحيتي الك

[S M S]

والله يا سيدي ما بقدر اعلق عالموضوع


اللي صاير بفلسطين هلأ شي خطير


وهاد كلو مخططلو من قبل اليهود



والله أعلم




شكرا لك

[مؤيد]

فكرت عنا بغزة كنت مجهزلك رد كبير هههههههههههههههه
لانو ما حصل بغزة

بس قلت بعيد عن غزة

فما الي علم

تحيتي الك

يا هلا فيكِ ابن فلسطين ....
منور يا طيب .....

بصراحة يا ابن فلسطين أنا مش حابب احط هيك مواضيع ، وانت ملاحظ علي قليل لأحط مواضيع متل هيك ، بس المشكلة انو الواحد ما بيقدر يسكت على كل شي بصير .......

بس هذا الي بصير اليوم في الضفة وفي الجامعات بالضفة الغربية ، وانا كنت طالب بالجامعة وكنت أشوف تجاوزات كتيرة بتحصل ....

وان شاء الله ربنا بينعم علينا بزمن ما تصير في هيك مشاكل لحتى ما ننزل هيك مواضيع اصلا ً .....

وشكرا ً ولمرورك المحترم الي دائما ً تعودناه منك أخي ابن فلسطين .......

[مؤيد]

والله يا سيدي ما بقدر اعلق عالموضوع


اللي صاير بفلسطين هلأ شي خطير


وهاد كلو مخططلو من قبل اليهود



والله أعلم




شكرا لك

كلامك صحيح وهو أفضل من ألف رد ......

فعلا ً كل شيء مخطط له مسبقا ً .. ....

شرفني مرورك وردك أخي S M S .......

أهلا ً بك وكل الاحترام الك .....

[نسرينا الفلسطينيه]

والله يا سيدي ما بقدر اعلق عالموضوع


اللي صاير بفلسطين هلأ شي خطير


وهاد كلو مخططلو من قبل اليهود



والله أعلم




شكرا لك

:s (43):

[Abu Shadi]

بس يا اخي ان انتا ما بدك تسكت

شو بدك تقول عن التنفيذية الي مانعه بناء جامعة للازهر على ارض المغراقة

يعني لازم الواحد يسكت عشان ما تصير مشاكل

[نسرينا الفلسطينيه]

يعني مو كل شي بصير بتحطوه بفتح

ازا فيه اعمال فرديه لناس..بتصير كل فتح الي عملاها!!!

فتح فيها العاطل والمنيح متل حماس فيها عاطل ومنيح

وما حدا يسوق الشرف ع التاني بكون احسن..!

زي ما حماس اكتر من مره بتعمل مصايب وبتصير تحكي اعمال فرديه من بعض افرادهم وهمي ما دخلهم

فتح رح تصير تحكي هيك..

يعني بدي اعرف

مين الغلطان بالزبط

فسيبكم من هالقصص الفارغه

خلي عقولنا اوعى من هيك الله يخليكم

لانو هاي فتنه كبيره بالبد عم بتصير


ومش رح نخلص كل واحد بححكي لتاني انت عملت وانت سويت

والبلد بضيع..

ومنعيد ومنزيد بالكلام هاد

وما حدا راضي يفهم

بدهم يضلو يجرو ورا شعارات كزابه

[أبو نضارة]

وهل ذلك بكبير عليهم ...ياخي لما يدعوا لليهود إنهم ينتصروا على حماس بيكون إشي عادي !!

شكراً لك

[.:: 23 ::.]

حسبنا الله ونعم الوكيل ...

اختي نسرينا ... بنظرك فتح زي حماس ؟؟؟؟؟

تعالي ع الجامعه عنا وشوفي شباب فتح وشوفي شباب حماس ...

للأسف هاي السنه المجلس مع الشبيبه ...

صدقيني يا اختي برمضان الي مضى كنا نشوف شباب المجلس بياكلوا جوا المجلس ...

وفي أشياء كتير وكتير بس الواحد شو بدو يحكي ليحكي ....

ما تحكيلنا فتح متل حماس ... في فرق كبير ...

مش عارف اخي مؤيد أشكرك على الخبر ولا شو :(

عموماً شكراً الك ...

[نسرينا الفلسطينيه]

خيي 23

فتح ولا حماس ما بهموني بالمره الجهتين^^

وانا ما وقفت مع واحد ضد التاني

كلامي واضح

انت عم تحكي عن هدول الي باكلو برمضان


صارت فتح كلها بتفطر برمضان!!

هاد كلام مو منطقي

فتح حركه مناضله ومعروفه من يوم يومها

مش رح يجي كم واحد يخرب سمعتها

وسمعت شرفاء كتير فيها

انا ما بحب التعميم

وحماس نفس الشي

ازا غلطتت بتصير تحكي هاي اعمال فرديه وهي بريئه منها


انا من الناس المحايده بهيك قصص

لاني عندي فلسطين اهم من كل الحزبين

شي مؤذي لما تشوف الطريفين عم يغلطو ببعض ونسيو قضيتهم

الله يهديهم..

[.:: 23 ::.]

انتي بتقولي انه الجهتين نفس الاشي ...

مثلاً ليش ما شفنا شباب من حماس بياكلوا برمضان ؟؟؟

هلأ حماس أقرب للدين من فتح بالأقوال والأفعال وكل شي .. هاي ما بدها تنين يحكوا فيها ...

والنصر راح يجي من عند ربنا ... يبقى مع مين نكون ؟؟؟

[نسرينا الفلسطينيه]

كلامك اكبر دليل ع تقسم الشعب الفلسطيني

يعني لما تحكي شباب فتح اكلو برمضان بس شباب حماس هما الصايمين

هلا صار الشعب الفلسطيني الي طول عمرنا منفتخر فيه بوحدتهم

عباره عن احزاب!!

يا خيي انا مو ضد حدن

بس شي محزن الكلام الي عم بصير هلا...

بالنسبه انو حماس حركه اسلاميه اكتر من فتح هاي ما بختلف معك فيها لاني طول عمري بشوفها هيك

فتح بضم كل اطياف الشعب سواء مسلم او مسيحي ولا غيره وهدول فلسطينين ما مننكرهم ااكيد..

بس الي عم بصير هلا بره الاسلام كلو

لما اشوف دم الفلسطيني للفلسطيني مباح

رح احكي فيه ناس مندسين بين هالشعب

ليخربو بينهم وبين حبهم لبعض.. وكان اقرب طريق الهم حركه فتح وحماس ليشبو النار بينهم

لانهم اكبر حركتين بالمنطقه..

طول عمرهم مع بعض هالحركتين ما سمعت هالكلام الي صاير الا جديد..

منظمه التحرير الفلسطينيه - فتح

وحركه المقاومه الاسلاميه حماس

تحرير ومقاومه هاي اسماءهم..وع هيك اتأسسو^_^..وقدمو شهدا كتير مشان فلسطين

مشان هيك لازم نوقف ضد اي فتنه من هيك ناس مندسين..ومانعطيهم مجال ليفرقونا..

هاد شتم ولا اكل ولا قتل كلهم افراد عم بشوهو صوره الشعب الفلسطيني مش بس حزب من احزابنا

المهم

مش رح نختلف كتير خيي 23

لانو هالموضوع طويل كتير وشائك ^^

سامحنا..

[.:.!دموع الرحيل!.:.]

حسبــنـا الله ونعم الوكيل :(

ما في جنس الاحترام والله

الله يطهر بلدنـا من كل مين

بيسعى لضياع قضيــتــنـا ..

وخارب الدنيـا .. علينا وعالمقاومة

والله يكون بعون أهلنــا بفلسطين ويصبرهم ويلهمهم الرشاد

مشكور يا مؤيد ،، يعطيك العافيه ^^

[مؤيد]

السلام عليكم ورحمة الله وبركاته .......

أختي نسرينا الفلسطينية ....
يسعدني أن أرى مشاركاتك وتفاعلك مع موضوعي السابق الذي جاء بعنوان " الشبيبة الفتحاوية تشتم زوجة الشهيد القائد جمال منصور بألفاظ سوقية حقيرة " .......

واسمحي لي باقتباس من مشاركاتك ، وسأرد عليها .......

يعني مو كل شي بصير بتحطوه بفتح

ازا فيه اعمال فرديه لناس..بتصير كل فتح الي عملاها!!!

فتح فيها العاطل والمنيح متل حماس فيها عاطل ومنيح

وما حدا يسوق الشرف ع التاني بكون احسن..!

زي ما حماس اكتر من مره بتعمل مصايب وبتصير تحكي اعمال فرديه من بعض افرادهم وهمي ما دخلهم

فتح رح تصير تحكي هيك..



أولا ً ....... بالنسبة للأعمال الفردية والفرق بينها وبين الأعمال الحركية المنظمة الهادفة لأمر ما ........

أقول لكِ بثقة تامة أن ما تقوم به فتح ليس هو أخطاء فردية ، لماذا ؟ ... لأن ما تقوم به حركة فتح هو ما ينطق به قادتها ورؤساؤها ، فعندما نسمع ليل نهار قادة فتح ورؤسائهم يأمرون بمحاربة حماس والقضاء عليها ، تصبح المسألة هنا ليست مسألة أخطاء فردية ، بل تصبح مؤامرة مقصودة ونهج وسياسة وهدف .....

فمثلا ً لو سمعنا السيد اسماعيل هنية يأمر بقتل أبناء فتح ، حينها لا نسمي ما يحدث أخطاء فردية ، بل تكون أمرا ً مقصودا ً ، لكن أتحدى أن يأتني أحد بدليل أن اسماعيل هنية أو احد قادة حماس قد أمر بقتل كل فتحاوي ........
إذا ً فكل ما يجري من أخطاء من قبل حماس هي تبقى في نطاق الأخطاء الفردية ، لماذا ، لأن الأوامر بالقتل لم تأتي من قادة الحركة الكبار ، بل أتت من بعض الجهلاء الصغار ، أما أن يأتي أحد قادة فتح كأبو مازن ويأمر بقتل كل مقاوم ، فهذا يخرج عن اطار الأخطاء الفردية ، وعندما يأمر دحلان ويهدد ويقول لا نتحدث بالسياسة فلا مكان لها اليوم ، يقصد أنه لا حوار مع حماس وقد انتهى ، وأتى عصر السلاح ليتكلم ....

فما يأمر به القائد وينفذه ابن الحركة ، لا يسمى ذلك خطأ فردي ...
وما لا يأمر به القائد وينفذه ابن الحركة ، يسمى ذلك خطأ فردي وخروج ومخالفة عن أمر القائد والحركة ....
والفرق أعتقد أصبح واضحا ً لديكِ ........

وهنا مثال ، كيف يأمر أبو مازن بقتل مطلقي الصواريخ على المستوطنات الصهيونية :

http://www.youtube.com/watch?v=RVZ-uY5Y1uE
أو

http://www.youtube.com/watch?v=byRSq11-wag

فما تقوم به فتح هذا نهج ومخطط وسياسة ، وليس مجرد أخطاء فردية .....

وكمان " بالفيديو: عباس يطالب مسئول تنفيذية فتح بذبح أبناء حماس " :

http://www.paltimes.ps/arabic/upload/edbah.wmv

وهون " فيديو اعترافات عناصر فتح وتورطهم بتفجيرات غزة الأخيرة " يعني تنفيذ لأوامر قادتهم ، وليست أخطاء فردية عابرة ، بل نهج وسياسة :

http://www.paltimes.net/arabic/upload/vid/video1.rmvb


يعني بدي اعرف

مين الغلطان بالزبط

فسيبكم من هالقصص الفارغه

خلي عقولنا اوعى من هيك الله يخليكم

لانو هاي فتنه كبيره بالبد عم بتصير


ومش رح نخلص كل واحد بححكي لتاني انت عملت وانت سويت

والبلد بضيع..

ومنعيد ومنزيد بالكلام هاد

وما حدا راضي يفهم

بدهم يضلو يجرو ورا شعارات كزابه

بتسأليني مين الغلطان .؟؟؟
صراحة الجواب على سؤالك كتير سهل وأسهل من السهل .....
يعني مين الغلطان برأيك ؟؟؟؟
- الي كل يوم والتاني رايح يحج على بابا أولمرت وبقعد يتبادل معاه القبلات العلنية والسرية ؟
مين الغلط برأيك ؟؟
- الي بعد مجزرة أسرة هدى غالية بأيام راح لأولمرت واجتمع معو ولا كإنو في شي ولا أدنى اعتبار ولا خجل ولا حياء من شعبو ولا أي اعتبار لدماء أسرة هدى غالية التي ما كانت لسه نشفت دماؤهم ....
مين الغلط برأيك ؟؟
-الي اعترف بإسرائيل منذ عشرات السنين وأعطى اليهود الحق في أن تكون فلسطين هي أرض لهم وليست لنا ؟؟
مين الغلط برأيك ؟؟
- الي تنكر لدماء الشهداء ونسيهم وتنكر لكل الي قدمته فتح ورح باع فلسطين ووقع أوسلو وكامب ديفد وطابا و واي ريفر ؟؟

والبلد مش عم يضيع ، البلد ضاع من زمان ، بتعرفي مين ضيعو ؟؟؟؟ .. نحنا الفلسطينية الي ضيعنا هالبلد ، لإنو شفنا الخونة متل أبو مازن ببيعو بالوطن وضلينا ساكتين ، شفنا الخونة بتآمروا علينا وضلينا ساكيتن ، لازم من الأول ما سكتنا ، ويا ريتنا ما سكتنا من أول ، لإنو كان ممكن فلسطين ما يجي خائن ويبيعها ..... بس للأسف نحنا مبسوطين على حالنا وما بدنا نقتل الوسخين الي فينا كشعب ، عشان خلص كإنو الخائن والجاسوس الو حصانة من القتل واللوم عشان بس اسمو فلسطيني من دمي ولحمي ، هيك نحنا بس بناخد الأمور من منطلق عاطفي وقومي مش أكتر ...

وحماس ما بترفع شعارات فاضية ، من شعاراتها لا اعتراف بإسرائيل وفعلا ً ما اعترفت بإسرائيل وعشان ما اعترفت بإسرائيل لهلأ اسرائيل بتحاصر غزة وبعتبر غزة كيان معادي وقاطعة عنو الكهرباء والوقود وكل شي ، ولو اعترفت حماس بإسرائيل كان رفعوا الحصار عن غزة ودخلوا الأموال وكل شي .... بس حماس ما بترفع شعارات هيك .......
بس الي برفع شعارات كزابة هم الي بحكو انهم حماة المشروع الوطني وبروحو بسلمو سلاحهم لليهود وكل يوم والتاني في احضان اسرائيل واولمرت وليفني بتحالفو ضد أبناء شعبهم .....



فتح ولا حماس ما بهموني بالمره الجهتين^^

وانا ما وقفت مع واحد ضد التاني

..

وقفي مع الصح وبس ، ما في اشي اسمو حياد بين الصح والغلط ، يا صح ، يا غلط ، فش اشي اسمو وسط أو نص غلط أو نص صح .......


كلامي واضح

انت عم تحكي عن هدول الي باكلو برمضان


صارت فتح كلها بتفطر برمضان!!

هاد كلام مو منطقي



القصة ما بتنحكا بهذه الطريقة .....

لازم نعرف ليش هدول الجماعة متلا ً بتفطر ؟ ... أكيد قلة دين ، لإنهم ما بركزوا على الدين بحياتهم أو نهجهم السياسي ..... هيك هم وطريقة تنشأتهم لأبنائهم .....

حماس متلا ً ليش ما بنشوف أعضائها مفطرين ، لإنو حماس بتركز في تنشأة أبنائها على الدين .....

فيعني مستحيل ما يكون في فرق بين الي بتربى على الدين والي بتربى بعيد عن الدين .... في فرق أكيد في السلوك والتصرف ، والي برتكب حرام ، وبستصغر الحرام ، مستعد يرتكب اكتر من حرام ....



فتح حركه مناضله ومعروفه من يوم يومها

مش رح يجي كم واحد يخرب سمعتها

وسمعت شرفاء كتير فيها

انا ما بحب التعميم

وحماس نفس الشي

ازا غلطتت بتصير تحكي هاي اعمال فرديه وهي بريئه منها

انا من الناس المحايده بهيك قصص

لاني عندي فلسطين اهم من كل الحزبين

شي مؤذي لما تشوف الطريفين عم يغلطو ببعض ونسيو قضيتهم

الله يهديهم

فتح كانت حركة مناضلة ....
وللأسف أسلوبها النضالي باء بالفشل ....
وفتح تغيرت كتير عن أول وهلأ تنكرت لدماء شهدائها ونسيتهم وراحت شبكت ايديها بإيد الصهاينة وبوستهم ...وعملت اتفاقيات السلام والصلحة مع اسرائيل ، واعتربت اليهود شركاء سلام وليس أعداء ...
وبعدين نحنا ما بدنا نضل نحكي كنا وكان ابونا ، نحنا بدنا هلأ شو عملنا وشو وصلنا .....
اما انو نضل نتغنى بالماضي وبالأمجاد ونحكي ، هادا كلام فاضي مش حيفيدنا .....

وما بعرف قصة الحياد هاي بصراحة مش دقيقة .......
وما في 2 صح ، او 2 غلط ، يا اما واحد صح ، يا اما واحد غلط ..... هيك الدنيا يا ظالم يا مظلوم ، يا قاتل يا مقتول ، إما ظلام أو نور .......
لكن بتمنى منك تسمعي كلام داعية اسلامي ، لا هو حمساوي ولا فتحاوي ولا الو دخل بحدا ، بس هو رجل فهم الدين ومتفقه فيه وبفهم أكتر منا كلنا ، عشان هيك أي شي بنختلف فيه لازم يكون مرده للدين ، وهي رابط كتير راح يفيدك بحكي عن انو هل حماس وفتح سواء ، أم أن هناك من هو على طريق الصواب ومن هو على الخطأ ، تفضلي هون اسمعي كلام الداعية الاسلامي وجدي غنيم :

http://ds1.fileflyer.com/d/073556c5-fdce-4383-b1c0-cbb7f2b9a07e/0/3.mp3
أو
http://www.fileflyer.com/view/bEA6QC3


كلامك اكبر دليل ع تقسم الشعب الفلسطيني

يعني لما تحكي شباب فتح اكلو برمضان بس شباب حماس هما الصايمين

هلا صار الشعب الفلسطيني الي طول عمرنا منفتخر فيه بوحدتهم

عباره عن احزاب!!

.

صحيح هو شعبنا منقسم ..... بس فيه ناس منحازة للحق ، وناز منحازة للباطل ( أتباع السلام واسرائيل ) ..

وشعبنا مقسم لفئات ، ناس ماشية مع دين الإسلام ، وناس ماشية على دين السلام والاستسلام والتطبيع مع اسرائيل ......

وفي بفتح شرفاء ، بس وينهم ، ازا موجودين سمعونا صوتكم طيب ، ليش ساكتين وراضين تمشو مع قادتكنم الحاليين ؟؟؟

يا خيي انا مو ضد حدن

بس شي محزن الكلام الي عم بصير هلا...

بالنسبه انو حماس حركه اسلاميه اكتر من فتح هاي ما بختلف معك فيها لاني طول عمري بشوفها هيك

فتح بضم كل اطياف الشعب سواء مسلم او مسيحي ولا غيره وهدول فلسطينين ما مننكرهم ااكيد..

.

لازم نبتعد عن شي اسمو قومية ووطنية وعاطفية .......
المقياس عند المسلم هو الإسلام ، مش المقياس انو هادا فلسطيني معناتو خلص هادا شعب الله المختار ... بلا كلام فاضي ، شو يعني فلسطيني ؟؟ يعني خلص مقدس يعني ، بلا فلسطيني بلا اردني بلا مصري بلا كلام فاضي وبلا تقسيمات استعمارية متخلفة قسمتنا .....

نحنا مسلمين وبس هيك المقياس عنا ، والفلسطيني فيهالصالح والطالح وفيه الشريف وفيه الخاين ، ولا نحنا بس ماخدين بحالنا مقلب شعب بطل وما في زيو ........
الي بوحدنا الإسلام بس ، مش الوطنية والقومية والاشتراكية والعلمانية وكل هالعفن الي تمسكنا فيه طول القرن الماضي وانخرب بيتنا من ورا الاشتراكية والقومية والعلمانية والوطنية .......
اتجاهنا لازم يكون اسلامي وبس.... وعلى هيك بكون التمييز ...

بس الي عم بصير هلا بره الاسلام كلو

لما اشوف دم الفلسطيني للفلسطيني مباح

رح احكي فيه ناس مندسين بين هالشعب

ليخربو بينهم وبين حبهم لبعض.. وكان اقرب طريق الهم حركه فتح وحماس ليشبو النار بينهم

لانهم اكبر حركتين بالمنطقه..

طول عمرهم مع بعض هالحركتين ما سمعت هالكلام الي صاير الا جديد..

منظمه التحرير الفلسطينيه - فتح

وحركه المقاومه الاسلاميه حماس

تحرير ومقاومه هاي اسماءهم..وع هيك اتأسسو^_^..وقدمو شهدا كتير مشان فلسطين

مشان هيك لازم نوقف ضد اي فتنه من هيك ناس مندسين..ومانعطيهم مجال ليفرقونا..

هاد شتم ولا اكل ولا قتل كلهم افراد عم بشوهو صوره الشعب الفلسطيني مش بس حزب من احزابنا

المهم

مش رح نختلف كتير خيي 23

لانو هالموضوع طويل كتير وشائك ^^

سامحنا

دم الفلسطيني مش مباح .....
لكن هناك تجار دم ، وساعين للفتنة ، معروفين مين هم ..... بنفذوا أجندات صهيوأمريكية ، معروفين مين هم ......
وبعتقد هلأ صار واضح مين بدو يقاوم ومين بدو يترك المقاومة .....
حماس بتقاوم على كل الميادين ، مقاومة سياسية وعسكرية ، لا اعتراف بإسرائيل ، لا لنبذ المقاومة ، وبعتقد انو سماع الأخبار بأكد انو حماس على درب المقاومة راح تضل ، صحيح انو المقاومة وتيرتها ممكن تخف من فترة لفترة ، لكن هذا شيء طبيعي انو المقاومة تضعف وترجع تقوى .......
وعلى الطرف الآخر في ناس سملت اسلحتها عنا بالضفة ، الي اسمهم كتائب شهداء الأقصى سلمو اسلحتهم لليهود ، وقفوا اطلاق النار ،واختاروا السلام .....

ومفش تشويه لصورة الشعب الفلسطيني ، بالعكس صورتنا اول كانت مشوهة أكتر لما كانت فلسطين تنابع ونضل ساكتين عن الي ببيع فيها وبفرط فيها وبعمل اتفاقيات معها ، بالعكس هلأ صورتنا أحسن لإنو صار ناس في شعبنا بترفض الذل والخضوع والاستسلام لليهود ، وما عرفنا للمقاومة طعم إلا بعد ما اجت حماس واختار الشعب الفلسطيني الي بستحق يتحدث بإسمه ويقاوم ويرفض اتفاقيات الخزي والعار ويرفض السلام المذل .....

الأمور واضحة بعتقد ، وللأسف الإعلام بيلعب بعقولنا وبشوه الحقائق كتير ...

وكل الاحترام والتقدير الك اختي نسرينا الفلسطينية .....
وان شاء الله ما بصير الا كل خير ....
ويا أهلا ً فيك ِ وفي كل وجهات نظرك ....

[مؤيد]

بس يا اخي ان انتا ما بدك تسكت

شو بدك تقول عن التنفيذية الي مانعه بناء جامعة للازهر على ارض المغراقة

يعني لازم الواحد يسكت عشان ما تصير مشاكل

هههههههههههههههه.......

قوية :showoff: .......

من حقهم ياخي ههههههههه ...........

أحلى ابن فلسطين .......

:s (43):

[مؤيد]

وهل ذلك بكبير عليهم ...ياخي لما يدعوا لليهود إنهم ينتصروا على حماس بيكون إشي عادي !!

شكراً لك

حياك الله أخي ........

شو بعرفني يا زلمة ، الأمور واضحة كتير ، بس بعذر الي مش عايش بفلسطين ، لإنو أكيد الصورة مش واصلة كاملة والأمور مش واضحة شوية .....

يا هلا بأبو نضارة .....

[مؤيد]

حسبنا الله ونعم الوكيل ...

اختي نسرينا ... بنظرك فتح زي حماس ؟؟؟؟؟

تعالي ع الجامعه عنا وشوفي شباب فتح وشوفي شباب حماس ...

للأسف هاي السنه المجلس مع الشبيبه ...

صدقيني يا اختي برمضان الي مضى كنا نشوف شباب المجلس بياكلوا جوا المجلس ...

وفي أشياء كتير وكتير بس الواحد شو بدو يحكي ليحكي .... ما تحكيلنا فتح متل حماس ... في فرق كبير ...

مش عارف اخي مؤيد أشكرك على الخبر ولا شو :(



عموماً شكراً الك ...

صدقت ، حسبنا الله ونعم الوكيل على كل ظالم من بني جلدتنا .......

وصدقني نحنا عشنا بالجامعة واختلطنا بشباب فتح وحماس والشعبية وكلهم .....

فعلا ً شتان ، والله الفرق كبير بين الجهتين ، من ناحية الملتزمين بالدين ، ومن ناحية الي مش معطين الدين اهتمام ولا اي اعتبار في حياتهم .......

وأنا بدي اشكرك على كل مشاركاتك الرائعة بموضوعي ...
وبجد ردودك بتسعدني وبتشرفني .......

وكل الاحترام الك أخي 23 ......

[مؤيد]

حسبــنـا الله ونعم الوكيل :(

ما في جنس الاحترام والله

الله يطهر بلدنـا من كل مين

بيسعى لضياع قضيــتــنـا ..

وخارب الدنيـا .. علينا وعالمقاومة

والله يكون بعون أهلنــا بفلسطين ويصبرهم ويلهمهم الرشاد

مشكور يا مؤيد ،، يعطيك العافيه ^^

ربنا يحمينا منهم يا ربي ..... آمين ....

مين الي ضيع اللاجئين وفرط فيهم ؟ مين الي عمل سلطة و سلام وطنش اللاجئين ؟؟ حماس ولا فتح ؟؟ أكيد معروف مين وقع الاتفاقيات الخيانية وفرط باللاجئين ، والي باع فلسطين مش سهل عليه يبيع اللاجئين وما يذكرهم .....

الله يزيدك ألف عافية اختي دموع الرحيل .......

ونورتِ موضوعي ولك مواضيعي .. .....

[نسرينا الفلسطينيه]

يا هلا باخي مؤيد^^

اولاً..

كلامك الي كأنو شايفني عم دافع عن ابومازن وواقفه مع اعمالو وسياستو..

بالنسبه لابومازن او غيره..قلت هالكلام قبل وعم عيده..الشغله واضحه وما بدها تنين يحكو فيها..ابومازن رأس للفساد كبير..

ومن اول ما استلم السلطه قلت الدنيا خربت!!

فما تحدثني ع اساس انو انا وحده من اتباعه:)

كلامي واضح..وكل الي حكيتو وجه نظر من جهة بعيده نسيبياً عن السياسه

فيك تقول جهة عاطفية ومحايده بنفس الوقت..

مو محايده ضعف مني..لأ طبعاً

بس لما انظر بشكل عام للموضوع خلاصه كل الي عم بصير حرب بين الفلسطينيه وفتنه كبيره بتصير بينهم..وفيه دماء بريئه راحت كتير بسبب هالكلام..

هاد الشي الي حكيت فيه..

والي باع فلسطين العرب قبل الفلسطينيه..وكلنا منعرف هالحكي..


وكلنا ضد الاتفاقيات والمؤتمرات الي بتصير..

بالنسبه انكم غلطو انكم سكتو زمان..

في عهد احمد ياسين ما اظن كان سكوته غلط..بالعكس برأي هاي حكمه منو..لانو حافظ على دماء شعبو:)

لانو العنف مش الحل لكل شي.. ولا كل هالحروب الي قايمه ومو قاعده..

لحد ما صرنا فرجه ومضحكه لليهود وبتشمتو فينا..

اسرائيل طول عمرها كانت تحاول تشب نار الفتنه بين الفلسطينيه..لتشغل المقاومه عنها وتاخد راحتها ..بس عمرها ما قدرت..لانو كان فيه قاده واعين لكل الي عم بصير..

ثانيا..

لازم نعرف ليش هدول الجماعة متلا ً بتفطر ؟ ... أكيد قلة دين ، لإنهم ما بركزوا على الدين بحياتهم أو نهجهم السياسي ..... هيك هم وطريقة تنشأتهم لأبنائهم .....

حماس متلا ً ليش ما بنشوف أعضائها مفطرين ، لإنو حماس بتركز في تنشأة أبنائها على الدين .....

فيعني مستحيل ما يكون في فرق بين الي بتربى على الدين والي بتربى بعيد عن الدين .... في فرق أكيد في السلوك والتصرف ، والي برتكب حرام ، وبستصغر الحرام ، مستعد يرتكب اكتر من حرام ....

احنا كلنا مسلمين..

الاسلام ما نزل لحماس بس..

حماس هيي الي اولادها مربين ع الاسلام وغيره مش متربي!

طيب انا مش حمساويه..هلا صرت مش مسلمه وما بعرف في ديني وبفطر برمضان؟

هاد كلام مو منطقي بالمره..

هاي نقطه مهمه لازم تراجع حالك فيها شوي..

هالشغله عندي فيها انتقاد كبير مش الك بس لكل الحمساويه ..

لاحظت كتير من الحمساويه..بكفرو الناس ع الطالع والنازل..يعني الي مش حمساوي هاد كافر

ما بعرف هالمنطق من وين جايبينو..

وازا انتي مش حمساويه..ما النا كلام معك..

وانا بحكيلك من تجربه شخصيه بهيك موضوع..


مع اني من الناس الي بحب اسمع من كل الاطراف واشوف مين الي بعمل صح ومين الي بعمل غلط..والدليل هيني عم بسمعك وبشوف رأيك ومنشوف دلائل..

طبيعتي ما بحب اتحزب لحزب معين..بحب اكون فلسطينيه بس..وبنفس الوقت لما اشوف فتح ولا حماس عملو شي صح بوقف معهم..وازا عملو شي غلط بحكي هاي الحركه عملت غلط..

متل هالخبر الي انت حاطو هلا..اكيد بستنكر هالعمل..بس شو الدليل انو هدول فتحاويه الي عملوه

ليش ما يكونو مندسين وجاين يحط هالتهمه ع فتح..ويشعلو الفتنه بزياده!!


هالمره الواحد معمي عن الصح من الغلط..لانو كلا الجهتين مو مقصرين ببعض

يعني بتفوت منتدى حمساوي ..بتلاقي كل ادله عندهم رهيبه ضد فتح

بتفوت منتدى فتحاوي..بتلاقي ادله عندهم كبيره ع حماس..

واحنا عايشين بره فلسطين..هالشي بضل غامض قدام عيونا

فبطلت اسمع اي طرف من الاطراف..لانو كل واحد عم ينشر غسيل التاني

مشان هيكـ رح ضل محايده^^

الفلسطينيه نسيو فلسطين..صدقاً هالكلام خيي مؤيد..لانو شغلهم الشغال صار فتح وحماس

نقاشاتهم وحواراتهم ومظاهراتهم حتى النك نيمات الي ع المسن بتلاقيها حزبيه..

قليل لتلاقي هلا حدن بحكي بروح بدم نفديك يا فلسطين:)

الكل هلا نموت وتحيا حماس او فتح :)

هالشي بحزني جداً

يعني هلا انتا رح تجيبلي ادله وبراهين وشغلات كتير اكيد

بس ابعد عن هالكلام كلو وتأمل بالجانب الي عم فكر فيه رح تلاقي في تغير كبير بعقول الشعب صار وعم بصير..

اذاً اسرائيل نجحت تشبكنا ع بعض وتنسينا فلسطين :)

فلسطين الي نخلقنا نهتف الها ونفديها بدمنا

هلا منهتف لحزب ومنفديه بدمنا

حتى غــزه صارو بدهم يغيرو اسمها وتصير حمسستان!!

طيب مثال بسيط هلا فوت اي عيله فلسطينيه..بتلاقيهم محاربين بعض..لانو هاد فتحاوي وابن عمو ولا اخوه حمساوي مثلاً!!


وكل عيله فيها الحمساوي والفتحاوي والكل طوشهم واصله اخر الدنيا وصارو يكرهو بعض مشان هالموضوع..

وصلة الرحم وقفوها طبعا مشان فتح وحماس ومشاكلهم..هالشي انا شايفتو كتير صاير واكيد عندكم هيك؟


فما بالك الجيران والاصحاب وغيره كل اتأثر..

اللعبه اكبر من الي عم يتخيلو الكل..

ع العموم

الله يجيب الي فيه الخير لهالشعب..الواحد صار يخاف من الي جاي كتير..والي جاي اكبر ولازم نكون واعين لشغلات كتيره

احترامي الكـ اخي مؤيد

[ضوء الشمس]

لاحول ولاقوة الا بالله

هي ألفاظهم أصلا

[مارلين برلو]

ما عندى اى تعليق احكيه على هيك موضوع لانى كتييير كتييير ازهقت من هالقصص

صارت كل حياتنا حماس وفتح شو هالملل هاد

كل الى بقدر احكيه الله يهدى الجميع

ومشكوراخى على موضوعك

[Abu Shadi]

هههههههههههههههه.......

قوية :showoff: .......

من حقهم ياخي ههههههههه ...........

أحلى ابن فلسطين .......

:s (43):

ههههههههههههه

شو حقهم ولا

ليه من وين نازلين هما

بس بصراحة يا اخي ما تقعد تعم والكل في فتح بفطر

هذا غلط

هيني انا فتحاوي قلي بفطر

بدي اطخك وامزع رقبتك كمان ههههههههههههههههههه

سلام يا دب

وبكفي تعمل مشاكل لانتف شعرك

[مؤيد]

أول شي حابب أقلك انو ما حصلي الشرف لأكون عضو في حماس ........

يعني من اسمي واضح انو مؤيد حماس وليس عضو حماس .....

ولو كنت عضو في حماس ، ما كنت راح استحي احكي ، كنت راح أحكي أكيد ....... ^_*

يا هلا باخي مؤيد^^



هلا فيكِ من جديد ^_^ .......

اولاً..

كلامك الي كأنو شايفني عم دافع عن ابومازن وواقفه مع اعمالو وسياستو..

بالنسبه لابومازن او غيره..قلت هالكلام قبل وعم عيده..الشغله واضحه وما بدها تنين يحكو فيها..ابومازن رأس للفساد كبير..

ومن اول ما استلم السلطه قلت الدنيا خربت!!

فما تحدثني ع اساس انو انا وحده من اتباعه:)

كلامي واضح..وكل الي حكيتو وجه نظر من جهة بعيده نسيبياً عن السياسه

فيك تقول جهة عاطفية ومحايده بنفس الوقت..

مو محايده ضعف مني..لأ طبعاً

بس لما انظر بشكل عام للموضوع خلاصه كل الي عم بصير حرب بين الفلسطينيه وفتنه كبيره بتصير بينهم..وفيه دماء بريئه راحت كتير بسبب هالكلام..

هاد الشي الي حكيت فيه..

والي باع فلسطين العرب قبل الفلسطينيه..وكلنا منعرف هالحكي..


وكلنا ضد الاتفاقيات والمؤتمرات الي بتصير..

لأ أنا ما اتهمتك انو منحازة لأبو مازن أو انك بتدافعي عنو ، أكيد ما بتعمليها ^_* .....

بس أنا قصدت انو أفرجيكِ انو هذا نهجم ومنهجهم وهدفهم كحركة هو القضاء على حماس .... والي بقومو فيه مش أخطاء فردية ، بل مقصودة ومخطط لها ....

وحيادك هو طيبة زايدة عن حدها ، ههههههههه ^_^ ........


بالنسبه انكم غلطو انكم سكتو زمان..

في عهد احمد ياسين ما اظن كان سكوته غلط..بالعكس برأي هاي حكمه منو..لانو حافظ على دماء شعبو:)

لانو العنف مش الحل لكل شي.. ولا كل هالحروب الي قايمه ومو قاعده..

لحد ما صرنا فرجه ومضحكه لليهود وبتشمتو فينا..

اسرائيل طول عمرها كانت تحاول تشب نار الفتنه بين الفلسطينيه..لتشغل المقاومه عنها وتاخد راحتها ..بس عمرها ما قدرت..لانو كان فيه قاده واعين لكل الي عم بصير..

في عهد الشهيد أحمد ياسين ، كان هدفه استكمال بناء حركة حماس واستكمال المقاومة لتحرير ما يمكن تحريره ، وبعتقد انو نهج أحمد ياسين ونهج حماس ما بتغير ، لكن الي تغير هو الظروف والأحداث .....

وبرضو حماس ما راح تضل تقاوم ليوم القيامة ، حماس بتقاوم لهدف ، مش بس مقاومة لأجل المقاومة ، أكيد دائما ً عبر تاريخنا الإسلامي المسلمين قاتلوا وجاهدوا من أجل أهداف وهي اقامة دولة تنقلهم من حياة بعيدة عن الإسلام إلى حياة يحكمها الإسلام ، يعني فيكِ تقولي انو المسلمين جاهدوا لأهداف سياسية دينية ، وأهدافهم السياسية أكيد كانت من أجل الدين الإسلامي وتقوية المسلمين ....

وأكيد حماس صبرت كتير على أذى غيرها وتعذيب غيرها الها ، بس لمتى الصبر يعني ، مش معقول يضلوا ليوم القيامة صابرين وساكتين ويضل الوضع زي ما هو نضل نقاوم ونموت كل يوم ويروح كل يوم والتاني فريق من فتح يعملوا اجتماعات واتفاقيات ويروح دم الشهداء هدر كمان مرة .....

فأكيد كان لازم المقاومة تستمر ، والمقاومة تضررت كتير من قصة التنسيق الأمني مع الاحتلال من قبل الأجهزة الأمنية الفلسطينية ، فكان لابد انو وضع حد لذلك والقضاء على كل من هو عائق أمام المقاومة ، خلي المقاومين ياخدو راحتهم عاد ، بكفي الي صار بالياسين والرنتيسي ،فكرك لولا أبناء التنسيق الأمني والعملاء كان اسرائيل قدرت تخلص عليهم ؟؟

ثانيا..



احنا كلنا مسلمين..

الاسلام ما نزل لحماس بس..

حماس هيي الي اولادها مربين ع الاسلام وغيره مش متربي!

طيب انا مش حمساويه..هلا صرت مش مسلمه وما بعرف في ديني وبفطر برمضان؟

هاد كلام مو منطقي بالمره..

هاي نقطه مهمه لازم تراجع حالك فيها شوي..

هالشغله عندي فيها انتقاد كبير مش الك بس لكل الحمساويه ..

لاحظت كتير من الحمساويه..بكفرو الناس ع الطالع والنازل..يعني الي مش حمساوي هاد كافر

ما بعرف هالمنطق من وين جايبينو..

وازا انتي مش حمساويه..ما النا كلام معك..

وانا بحكيلك من تجربه شخصيه بهيك موضوع..

بصراحة هاي تهمة بنسمعها كل يوم انو حماس بتكفر فتح .......

طيب ليش يعني ، هي حماس بس قلقانة في فتح لتكفرها ، يعني هلأ هادا هو هم حماس بس يمسكو واحد واحد بفتح ويكفروهم ؟؟؟ ..... صدقوني حماس عندها شغلات غير هيك واهم من هيك ....

بعدين ازا كانت حماس بتكفر فتح ، بدي دليل هلأ ما بقبل أي شك ، عمرك سمعتي اسماعيل هنية او مشير المصري او خالد مشعل او الرنتيسي او اي حدا من قادة حماس بيحكي انو فتح كفار ولازم نقتلهم ؟؟..... أنا بتحدى انو حدى يجيب دليل قاطع على هذا .....

فش منو هالحكي بالمرة ، وحماس نهجها نهج وسطي ، نهج الإخوان المسلمين ، مش منهج متشدد ولا منهج التكفيريين السلفيين ....

بس لما نحكي انو حماس عندها دين أكتر من فتح ، هادا مش معناة انو فتح كافرة لأ ، بس هذا شيء واضح يعني لمسناه عن حماس انو عندها التزام بالدين الإسلامي ..... مش ماخدة الدين بس صلاة وصوم وحج بس ، لأ ماخدة الدين كمنهاج حياة يومي وسياسة وكل شي ....

صحيح انو ممكن يكون فيه تقصير مرات ، لا يخلو الأمر ، صحيح ممكن يكون فيه أخطاء ، كلنا بشر وبنخطئ أكيد .....

مع اني من الناس الي بحب اسمع من كل الاطراف واشوف مين الي بعمل صح ومين الي بعمل غلط..والدليل هيني عم بسمعك وبشوف رأيك ومنشوف دلائل..

طبيعتي ما بحب اتحزب لحزب معين..بحب اكون فلسطينيه بس..وبنفس الوقت لما اشوف فتح ولا حماس عملو شي صح بوقف معهم..وازا عملو شي غلط بحكي هاي الحركه عملت غلط..

متل هالخبر الي انت حاطو هلا..اكيد بستنكر هالعمل..بس شو الدليل انو هدول فتحاويه الي عملوه

ليش ما يكونو مندسين وجاين يحط هالتهمه ع فتح..ويشعلو الفتنه بزياده!!

هالمره الواحد معمي عن الصح من الغلط..لانو كلا الجهتين مو مقصرين ببعض


طيب ولا أنا مش متحزب ولا منتمي لأي فصيل ....
أنا كمان مسلم فلسطيني ، بس لازم أوقف مع الصح ، أوقف مع الأتقى ، أوقف مع الأكثر وفاء ً وتضحية لفلسطين ، أوقف مع حركة قدمت أبرز قادتها شهداء ، وقبل كل شيء نهجها وفكرها اسلامي وهذا أهم شي عندي ، دائما ً ازا فيه منيح وأحسن ، ليش ما نختار الأحسن ......

يعني بتفوت منتدى حمساوي ..بتلاقي كل ادله عندهم رهيبه ضد فتح

بتفوت منتدى فتحاوي..بتلاقي ادله عندهم كبيره ع حماس..


بصراحة شتان ما بين أدلة كل من الطرفين .......

الأدلة ونوعيتها ومصداقيتها عند حماس أعلى ........

أما أدلة فتح ضد حماس فهي ضعيفة وواضح انو كتير منها ملفق وغير منطقي ......

واحنا عايشين بره فلسطين..هالشي بضل غامض قدام عيونا

فبطلت اسمع اي طرف من الاطراف..لانو كل واحد عم ينشر غسيل التاني

مشان هيكـ رح ضل محايده^^

أها ، انتو ما بتوصلكم الأخبار كاملة ، ودائما ً الي بعيش بالواقع مش زي الي بيسمع .....

يعني نحنا عايشين هون وشايفين بعيونا وبكل حواسنا مدركين شو الي بصير .....


الفلسطينيه نسيو فلسطين..صدقاً هالكلام خيي مؤيد..لانو شغلهم الشغال صار فتح وحماس

نقاشاتهم وحواراتهم ومظاهراتهم حتى النك نيمات الي ع المسن بتلاقيها حزبيه..

قليل لتلاقي هلا حدن بحكي بروح بدم نفديك يا فلسطين:)

الكل هلا نموت وتحيا حماس او فتح :)

هالشي بحزني جداً

ما نسينا فلسطين .......

أصلا ً ازا جينا للصح ، فلسطين منسية من زمان ، ومبيوعة من زمان ، واتفرط فيها زمان مش هلأ ....كلو عشان الخوف والجبن ، قاعدين بنتطلع على الزعماء كيف ببيعو فلسطين ونحنا قال بنسفق بدنا السلام من اليهود ومن مجلس الأمن والأمم المتحدة .......... يا ريتنا من الأول ما سكتنا ورضينا بالسلام الوهمي ...

بالعكس هلأ لما اجت حماس ، صرنا نسمع اشي اسمو فلسطين التاريخية كلها ، وطبعا ً تحرير فلسطين بكون على مراحل ، وتحرير 67 هو مرحلة ، وليس نهاية المطاف ، تحرير كل فلسطين وأرض فلسطين التاريخية هو هدف حماس وإقامة دولة اسلامية عليها ....
لما اجت حماس صرنا نسمع كلمة لأ للاعتراف بإسرائيل ولا لكل اتفاق هزيل فرط بفلسطين واهدر وضيع حقوقنا .......

فلسطين ما بتنتسى أبدا ً ، وكل هالمرحلة هاي ، هي مجرد مرحلة ورح تمر وتنتهي ان شاء الله ، لإنو دوام الحال من المحال ....


يعني هلا انتا رح تجيبلي ادله وبراهين وشغلات كتير اكيد

بس ابعد عن هالكلام كلو وتأمل بالجانب الي عم فكر فيه رح تلاقي في تغير كبير بعقول الشعب صار وعم بصير..

اذاً اسرائيل نجحت تشبكنا ع بعض وتنسينا فلسطين :)

فلسطين الي نخلقنا نهتف الها ونفديها بدمنا

هلا منهتف لحزب ومنفديه بدمنا

حتى غــزه صارو بدهم يغيرو اسمها وتصير حمسستان!!

طيب مثال بسيط هلا فوت اي عيله فلسطينيه..بتلاقيهم محاربين بعض..لانو هاد فتحاوي وابن عمو ولا اخوه حمساوي مثلاً!!


وكل عيله فيها الحمساوي والفتحاوي والكل طوشهم واصله اخر الدنيا وصارو يكرهو بعض مشان هالموضوع..

وصلة الرحم وقفوها طبعا مشان فتح وحماس ومشاكلهم..هالشي انا شايفتو كتير صاير واكيد عندكم هيك؟


فما بالك الجيران والاصحاب وغيره كل اتأثر..

طول عمرنا بنهتف فلسطين ، جوا فلسطين بختلف شوية لإنو جوا فلسطين ، بس كل فلسطيني بره بهتف فلسطين ..... عاد الهتاف بعمرو ما رح يحرر شي ههههههههه ...

وبعدين قصة غزة واسم حماس ستان ، لو بدها حماس تسميها هيك كان سموها ولأقامو دولة اسلامية هناك ، بس لأ ما بصير ننسى فلسطن ونروح نقيم دويلة اسلامية في غزة ، الدولة الإسلامية رح تقوم على كل فلسطين ان شاء الله ...
اسم حماستان بأكدلك انو مش حماس هي الي اخترعتو ، لأ ......... الإعلام اخترعو حتى يعمل ترهيب وضجة كبيرة .....


اللعبه اكبر من الي عم يتخيلو الكل..

ع العموم

الله يجيب الي فيه الخير لهالشعب..الواحد صار يخاف من الي جاي كتير..والي جاي اكبر ولازم نكون واعين لشغلات كتيره

احترامي الكـ اخي مؤيد

أكيد صح في لعبة بتحاك ضدنا من أعداءنا ... بس مش حاسة انو في ناس فلسطينية قاعدين بنفذوا اللعبة والمخططات هاي ؟ ... يعني اجتماعات عباس اولمرت كل اسبوع والتاني مش لله هاي صح ؟؟ في وراها إن واخواتها وبنات عمها كمان .......

وان شاء الله ربنا بجيب فيه الخير لكل المسلمين ..... ويوحدهم على لا إله الا الله محمد رسول الله ....

وبإذن الله ربنا رح يغير الحال وينصر الحق وجند الحق .......

وكل احترامي كمان الك نسرينا ... ^_^

[مؤيد]

لاحول ولاقوة الا بالله

هي ألفاظهم أصلا

صدقت ِ .......

ألفاظهم وأقوالهم الي مش اول مرة بنسمعها منهم .....

يعني مش عمايل ناس عندهم وطنية أو عندهم احترام لحدا ....

الي بشتم زوجة شهيد هادا شو ؟؟؟ بالله عليكم هادا شو ؟؟؟

تسلمي على الرد اللطيف يا ضوء الشمس .......

[مؤيد]

ما عندى اى تعليق احكيه على هيك موضوع لانى كتييير كتييير ازهقت من هالقصص

صارت كل حياتنا حماس وفتح شو هالملل هاد

كل الى بقدر احكيه الله يهدى الجميع

ومشكوراخى على موضوعك

مش كل حياتنا حماس وفتح .....

كانت حياتنا بالماضي ناس بتبيع بالثوابت .....

صارت حياتنا هلأ ناس محافظة على الثوابت ، وناس بتبيع بالثوابت .......

وغدا ً ان شاء الله بس بكون ناس محافظة على الثوابت ....

وبشرفني مشاركتك بالموضوع مارلين برلو ...

[مؤيد]

[B]ههههههههههههه

شو حقهم ولا

ليه من وين نازلين هما

بس بصراحة يا اخي ما تقعد تعم والكل في فتح بفطر

هذا غلط

هيني انا فتحاوي قلي بفطر

بدي اطخك وامزع رقبتك كمان ههههههههههههههههههه

سلام يا دب

وبكفي تعمل مشاكل لانتف شعرك

ههههههههههههههه ....

خلص يا دب ، قلتلك حقهم ....

وكل الفتحاوية بفطروا رمضان وما بصومو بعد أذان المغرب ..... والحمساوية معهم كمان ، خخخخخخخخخ ....

لأ يا دب اطمئن مش راح اتهمك بفطرة رمضان هههههههه ...

ومين الي بعمل مشاكل أنا ؟؟ الله يسامحك بس ......... بحقلي ههههههه ....

على كلن راح أحكي مع اخوك ابو نور خليه هو يتصرف معاك ..... B]

[Abu Shadi]

[B]

ههههههههههههههه ....

خلص يا دب ، قلتلك حقهم ....

وكل الفتحاوية بفطروا رمضان وما بصومو بعد أذان المغرب ..... والحمساوية معهم كمان ، خخخخخخخخخ ....

لأ يا دب اطمئن مش راح اتهمك بفطرة رمضان هههههههه ...

ومين الي بعمل مشاكل أنا ؟؟ الله يسامحك بس ......... بحقلي ههههههه ....

على كلن راح أحكي مع اخوك ابو نور خليه هو يتصرف معاك ..... B]

ههههههههههههههههههه

دب صحيح

طيب يا دب والله بدك تطريز بطاطا

ههههههههههههههههه

خلص احكي معاه وهو بتصرف على انو يحضر المشنقا لنفسوو

ههههههههههههههههه



تحيتي الك يا دب

[نسرينا الفلسطينيه]

هههههه

عجبتني طيبه زياده عن حدها ههههه

بسيطه اخي

بس بالنسبه قصه الفتحاويه كفار..

ازا قاده حماس ما حكو..بس الحمساويه او مؤيدين حماس بحكو هيك وانا شايفه كتير منو

وهالتفرقه ما بحبها بالمره

انو الحمساويه نهجهم بالدين أقوى..مو شرط بالمره

هاد شي شخصي لكل انسان بهالوجود بينو وبين ربو..ازا دينو قوي ولا لا؟


قصه حمسستان ما جبتها من عندي

هاي دليل عليها..

وبصراحه كل ما اشوف هالمنظر بتنرفز:wacko:

http://rooosana.ps/Down.php?d=K95Q

ع العموم خيي

حصل خير

والله يجيب الي فيه الخير لامه الاسلام..

سامحنا خيي^^

[فلسطيني حتى النخاع]

الصراحة....انا مش عارف كيف الادارة ساكتة على سيد الظلام
شو وين محسب حالو......احنا كلنا وامنا فلسطين.......
يا اخي القيادة العليا في حماس ترفض هذا المسمى(حماستان)
والله يصلح الجميع

[احمد زايد]

هذا كذب اتحده الي كتب هذه الاخبار الكاذبة ان يبث شريط مصور عن هذا الخبر

[الوردة الحانية]

الله يهدي الجميع يااارب

[مؤيد]

ههههههههههههههههههه

دب صحيح

طيب يا دب والله بدك تطريز بطاطا

ههههههههههههههههه

خلص احكي معاه وهو بتصرف على انو يحضر المشنقا لنفسوو

ههههههههههههههههه



تحيتي الك يا دب

ههههههههههههههههه ....

ما حدا دب إلا انت ..... ودب قطبي كمان ..

أنا بدي تطريز بطاطا ؟؟؟؟ :icon28:

ههههههههههه .....

انا أشتم رائحة تهديد على فكرة :showoff: ..... وكأن هناك وقع لطبول الحرب في مسامعي تتداعى السيوف في يداي وأشمر عنها وأستل سيوفي فأضربك ضربا ً بها يا ابن فلسطين ، ههههههههه ، شوفو الشعر ....... من يومي شاعر :showoff: ..........

يا هلا فيكِ ابن فلسطين ....... منور .....

[مؤيد]

هههههه

عجبتني طيبه زياده عن حدها ههههه

بسيطه اخي


أها ما في تفسير الا هيك عندي ههههههههه ... طيبة زايدة عن حدها ........


بس بالنسبه قصه الفتحاويه كفار..

ازا قاده حماس ما حكو..بس الحمساويه او مؤيدين حماس بحكو هيك وانا شايفه كتير منو

وهالتفرقه ما بحبها بالمره

انو الحمساويه نهجهم بالدين أقوى..مو شرط بالمره

هاد شي شخصي لكل انسان بهالوجود بينو وبين ربو..ازا دينو قوي ولا لا؟

ولك مين الي بحكي .......

هذا الي بحكي انو فتح كفار هادا واحد تافه وقليل دين اصلا وما بفهم شي بحماس وبفكرها ، وهادا بدو دبح وحماس بريئة منو .......

وما في منو نهج التكفير في تفكير حماس نهائياً .....

وبالنسبة لأنو الحمساوية نهجهم بالدين أقوى أو مو أقوى ، خلص ولا يهمك فتح نهجها أقوى في الدين ، وحماس علمانية وقليلة دين وما بتعرف مساجد ، امنيح هيك ؟ :icon28: ......... ههههههههههههههه ، آمنت بالله على هالنهار ..... جننتيني :wacko: ....

قصه حمسستان ما جبتها من عندي

هاي دليل عليها..

وبصراحه كل ما اشوف هالمنظر بتنرفز:wacko:

http://rooosana.ps/Down.php?d=K95Q

ههههههههههههههههههههه

شو هادا ؟؟؟؟؟؟؟؟؟؟؟؟؟ هههههههه

هلأ هادا بتسميه دليل على موقف حماس ؟؟؟؟؟؟؟؟

مشاركة من عضو في منتدى صار دليل قاطع ؟؟؟؟

أنا قلت راح تجيبيلي دليل من ميثاق حماس على هالكلام ، رحتي جبتي دليل زي هادا ^_^ .....

قصة حماس ستان شي مش واقعي وما حصل بالمرة بعد استعادة غزة من أيدي دحلان وشلته .......

ع العموم خيي

حصل خير

والله يجيب الي فيه الخير لامه الاسلام..

سامحنا خيي^^

آمين يا ربي يجي كل خير ويبعد عنا كل شر وشرير ........

وعلى شو بتحكي سامحنا ، بالعكس مشاركاتك والحوار معك لا يمل هههههههه .....

يسلمو كتير على نشاطك ، عاملة معارضة بقسم الأخبار .......

يسلمو كتير نسرينا بأي وقت .....

[مؤيد]

الصراحة....انا مش عارف كيف الادارة ساكتة على سيد الظلام
شو وين محسب حالو......احنا كلنا وامنا فلسطين.......
يا اخي القيادة العليا في حماس ترفض هذا المسمى(حماستان)
والله يصلح الجميع

هلا فيك ........

مالو سيد الظلام ؟؟ هههههههههه

يا جماعة صدقوني انو حاطط حماستان مزحة ، هيك هو طبعو .....

ولا تنسى انو فيه ناس بسمو الضفة ( فتح لاند ) ههههههههههه ........

ومعك حق حماس رفضت من اول يوم استعادت فيها غزة انو تسمي غزة بـ حماستان .....

شكرا ً على المرور والمشاركة ، تسلم فلسطيني حتى النخاع ....

[مؤيد]

هذا كذب اتحده الي كتب هذه الاخبار الكاذبة ان يبث شريط مصور عن هذا الخبر

ههههههههههههههه

أه مؤلف عبقري الي كتب الرواية الرومنسية هاي ، مش هيك :showoff: ....... ^_&

بس حابكها مزبوط وكاتبها بطريقة فنية ....... ^_*

شكرا ً الك .....

[مؤيد]

الله يهدي الجميع يااارب

تسلمي على المرور اللطيف والمشاركة بالموضوع ....

نورتي دق التحية قدامك فلسطنية .....

[مؤيد]

يعني عنجد انا مستغرب .......

هلأ يعني تركتو الخبر والعملة الي عملتها الشبيبة الفتحاوية ضد زوجة شهيد ، ورحتو تتهجمو على حماس وتنقدوها أو تنتقدوني عشان نزلت الموضوع ؟؟؟؟؟؟؟؟

يعني حطيتو الحق على حماس ، أما الي عمل هالعملة غضيتو النظر عنو عشانو فتحاوي .....

يعني بجد شفت ردود كتيرة بالموضوع اغلبها عم تنتقد حماس وما بتنتقد فتح ..... مع انو فتح هي الي عملت .......

عجيب أمركم بجد ....

[نسرينا الفلسطينيه]

أها ما في تفسير الا هيك عندي ههههههههه ... طيبة زايدة عن حدها ........
.....

تيب منيح ع هيك

لانو فيه ناس اعتبرو دخولي منتدى الاخبار لؤم وتخليص حق شخصي^_^

ولما عجزو عن الرد صارو يغلطو عليي شخصيا

بالفعل من يوم يومي ما بحب ادخل بشغل الاحزاب ولا بتعني الي..والكل بعرف هالحكي بالمنتدى..!!

وبحترم الكل وعندي اياهم واحد مهمها كانت افكارهم عندي عليها انتقاد..

بس لما تضرر من هالقصه شخصيا بحياتك العاديه..مع انك انسان محايد معهم من يوم يومك

بتسير بدك تدخل وتشوف وتدرس الناس

الله يعينا


ولك مين الي بحكي .......

هذا الي بحكي انو فتح كفار هادا واحد تافه وقليل دين اصلا وما بفهم شي بحماس وبفكرها ، وهادا بدو دبح وحماس بريئة منو .......

وما في منو نهج التكفير في تفكير حماس نهائياً .....

وبالنسبة لأنو الحمساوية نهجهم بالدين أقوى أو مو أقوى ، خلص ولا يهمك فتح نهجها أقوى في الدين ، وحماس علمانية وقليلة دين وما بتعرف مساجد ، امنيح هيك ؟ :icon28: ......... ههههههههههههههه ، آمنت بالله على هالنهار ..... جننتيني :wacko: ....


المهم اني جننتك ههههه..مش ع اساس بتحكي مطلع نص البشر من منتدى الاخبار من مناقشاتك:p


يلا اشتغل دبح فيهم

ما اكترهم الي هيك والله..تعال وتفرج..وانا اول المتضريين منهم متل ما قلتلك قبل






ههههههههههههههههههههه

شو هادا ؟؟؟؟؟؟؟؟؟؟؟؟؟ هههههههه

هلأ هادا بتسميه دليل على موقف حماس ؟؟؟؟؟؟؟؟

مشاركة من عضو في منتدى صار دليل قاطع ؟؟؟؟

أنا قلت راح تجيبيلي دليل من ميثاق حماس على هالكلام ، رحتي جبتي دليل زي هادا ^_^ .....

قصة حماس ستان شي مش واقعي وما حصل بالمرة بعد استعادة غزة من أيدي دحلان وشلته .......

هههههه

هاد مش دليل

انت عم تحكي هاد ما بمثل حماس

بس غيرك من مؤيدين حماس لما انتقد هيك صوره قدامهم

رح يحكو عني من الحاقدين ع حماس^^



آمين يا ربي يجي كل خير ويبعد عنا كل شر وشرير ........

وعلى شو بتحكي سامحنا ، بالعكس مشاركاتك والحوار معك لا يمل هههههههه .....

يسلمو كتير على نشاطك ، عاملة معارضة بقسم الأخبار .......

يسلمو كتير نسرينا بأي وقت .....


انت الوحيد الي اتقبلت المناقشات بروح رياضيه

احترمت هالشي فيك

بس غيرك هيك سار شكلو :icon28:

من اول كلمه حكيت فيها:icon11:

امنيتي نحترم بعض وآراء بعض اكتر من هيك

مهما كانت توجهاتنا..بنضل شعب واحد:s (43):

هاي كانت سبب دخلتي لهالمنتدى

لما يكون شغلك الشاغل بس انك تشتم ع فتح ولا ع حماس هالشي الي شفتو هون وبره

ويحطو بزمتهم ناس ما دخلهم بهالقصص..

مشان هيك حبيت اتكلم ..

بس عندي سؤال اخير

متى بدو يخلص هالنقاش:wacko:

كانو طول كتير :icon11:

خلص اعتبر هاد اخر كلام الي هون ...

لو عدنا وزدنا ما رح نخلص

القصه اكبر من هيك

بس ما تتفائل كتير رح اتابع هالمنتدى اول بأول

وازا شي ما عجبني ..حضرب بالمليان :p

وبـروح وبـدمـ نـفـديـكـ يـا فـلـسـطـيـن :)

ســلام :s (43):

[سالي بنت فلسطين]

خدلك
هدول ميدو ونسرينا عاملينها قصه
بتعرفو شو علمتي الدنيا
ال عمري مليون سنه اكنو
لا بس عنجد تعلمت انو الواحد مينقشش التاني باشياءات زي هايمفروغ منها لانو لو متت الوضع زي مهو مش حيتغير
اااااااخ يلعن ابو اليأس وساعتوه

ميدو الله يخليك لاهلك والله كلامك 100%
من هون لمليون سنه لو بسمع اي كلمه عن اي فتحاوي بصدقها _بديش هالمره يمكن تقولو عني بحب الفرقه والفساد والتفريق والاحزاب_
بس رسمي اي كلمه عن اي فتحاوي بصدقها
اللي شافهم وتعامل معهم ببصملي بالعشره
اااااااااااااااااااااخ اااااخ ناتعين مخاخ اشي من الاخر
يا ويلي عليهم افكار ونكشات
جلطه جلطه
فايعيين بشكل رهيب
ميدو 100% كلامك انا نفس رأيك
يسسلموو

[سالي بنت فلسطين]

هههههههه الله يسهله محمد

كان عليه افكار من الاخر

اخر اشي
قلتلو طيررررر
ناقصني اضل اعمل اعاده تأهيل
الحمد لله اني مسلمه فلسطينيه ورضعت عشق هالارض مع حليب امي بحمد الله ليل نهار
بس ع فكره الصح مبين وواضح والغلط مبين وواضح
واللي محافظ ع الثوابت ومأيد المقاومه وحابب شعبه كلو تحت رايه لا اله الا الله الكل معو مهما تااااااامروا لحتى يخربو عليه ويقلبو الكل ضدو
مهو الشغله واضحه بدهاش زكاء اسطوري مبينه
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه بالاخر مهما اختلفنا الوضع حيضل مكانك سر مش راح يتغير انا مستغربه ليش احنا بنحكي اصلا

[مؤيد]

تيب منيح ع هيك

لانو فيه ناس اعتبرو دخولي منتدى الاخبار لؤم وتخليص حق شخصي^_^

ولما عجزو عن الرد صارو يغلطو عليي شخصيا


:s (43):


:icon6::icon6::icon6:

أهلا وسهلا فيكِ بأي منتدى بمنتديات شباب فلسطين

بالفعل من يوم يومي ما بحب ادخل بشغل الاحزاب ولا بتعني الي..والكل بعرف هالحكي بالمنتدى..!!

وبحترم الكل وعندي اياهم واحد مهمها كانت افكارهم عندي عليها انتقاد..

بس لما تضرر من هالقصه شخصيا بحياتك العاديه..مع انك انسان محايد معهم من يوم يومك

بتسير بدك تدخل وتشوف وتدرس الناس

الله يعينا

طولي بالك .......

خلص القصة حلها عندي :showoff: .......



المهم اني جننتك ههههه..مش ع اساس بتحكي مطلع نص البشر من منتدى الاخبار من مناقشاتك:p

آه ....
عاملة انقلابية في القسم ههههه ...
آه الصراحة أول ما اجيت على المنتدى وقسم الأخبار كان أغلب الأعضاء فتح واغلب المواضيع سب على حماس كلها ، بس طبعاً انا دخلت وضليت وراهم وكان بعض الاعضاء معي زي عاشق الحور وقسامي غزة ....

وصمدت الحمد لله وكان التمكين والنصر الي في هذا القسم واندحروا هم من المنتدى ومن قسم الأخبار هههههههههه .....وشاء القدر وازداد التمكين والنصر بتتويجي مشرف على قسم الأخبار لإنني رفعت راية لا إله إلا الله محمد رسول الله ، هههههههه ......

وحولت قسم الأخبار لحماستان أخرى هههههههههه ......
:showoff::showoff::showoff::showoff ::showoff::showoff:

بجد ضليت وراهم وراهم وياما صارت مشاكل بالقسم ههههههه والإدارة كل يوم والتاني تتدخل ، حتى اسألي محمود عجبنا عليه ههههه ....

وبعد كل هادا وكل هالقصة ، بستغرب انو بالأخير تجي وحدة طول عمرها مسالمة بعرفها بالمنتدى وما دخلها بالسياسة وتصير بعد كل هادا تفوت قسم الأخبار وتناقش بجرأة وتعمل حركة معارضة من جديد ضدي ، بعد ما شافت بعينها كيف طفشت كل الأعضاء المعارضين من القسم وأثبتوا فشلهم وضعف حجتهم ومبدأهم ههههههه ، بعدها ... تجي انتي نسرينا الفلسطينية ^_^ .....
بعرفك مسالمة من اول ما دخلت المنتدى ما كنتي تتدخلي بشي اسمو سياسة ، شو الي خلاكِ تتغيري :icon9: .... ^_^

هههههه

هاد مش دليل

انت عم تحكي هاد ما بمثل حماس

بس غيرك من مؤيدين حماس لما انتقد هيك صوره قدامهم

رح يحكو عني من الحاقدين ع حماس^^

May be...



انت الوحيد الي اتقبلت المناقشات بروح رياضيه

احترمت هالشي فيك

بس غيرك هيك سار شكلو :icon28:

من اول كلمه حكيت فيها:icon11:

احم احم :showoff: ......

تسلمي من زوءك .....

عاد بتعرفي أنا بالموضوع عاد بعترف انو اسلوبي في الرد عليكِ كان اسلوب عصبي ومش ملائم ، مشكلتي مرات بدافع عن وجهة نظري باندفاع وبانفعال زايد عن حدو :wacko: ....

بس خلص المرات الجاي راح يكون في تحسن ^_^ .......


امنيتي نحترم بعض وآراء بعض اكتر من هيك

مهما كانت توجهاتنا..بنضل شعب واحد:s (43):

هاي كانت سبب دخلتي لهالمنتدى

لما يكون شغلك الشاغل بس انك تشتم ع فتح ولا ع حماس هالشي الي شفتو هون وبره

ويحطو بزمتهم ناس ما دخلهم بهالقصص..

مشان هيك حبيت اتكلم ..

صح أكيد لازم الاحترام يكون سيد الموقف وعنوان كل شخص فينا ........


بس عندي سؤال اخير

متى بدو يخلص هالنقاش:wacko:

كانو طول كتير :icon11:

خلص اعتبر هاد اخر كلام الي هون ...

لو عدنا وزدنا ما رح نخلص

القصه اكبر من هيك

وقت ما بدك .....

هههههههه شو بعرفني متى رح يخلص ...

ممكن يخلص هالموضوع ، بس مواضيعي مش راح تخلص ، يعني بدي تحضري حالك للمزيد :showoff: ....

بس ما تتفائل كتير رح اتابع هالمنتدى اول بأول

وازا شي ما عجبني ..حضرب بالمليان :p

يا فرحة ما تمت :icon5: ....

أنا قلت خلص هلأ رحتي المنتدى بلا رجعة :icon5: ........

لأ ولو بمزح معك ، بتشرفي ....

وبـروح وبـدمـ نـفـديـكـ يـا فـلـسـطـيـن :)

ســلام

بالروح والدم نفدي فلسطين ..... والنعم :s (43): .... كل الاحترام ....

شكرا ً كتير الك نسرينا .....

[مؤيد]

خدلك
هدول ميدو ونسرينا عاملينها قصه
بتعرفو شو علمتي الدنيا
ال عمري مليون سنه اكنو
لا بس عنجد تعلمت انو الواحد مينقشش التاني باشياءات زي هايمفروغ منها لانو لو متت الوضع زي مهو مش حيتغير
اااااااخ يلعن ابو اليأس وساعتوه

ميدو الله يخليك لاهلك والله كلامك 100%
من هون لمليون سنه لو بسمع اي كلمه عن اي فتحاوي بصدقها _بديش هالمره يمكن تقولو عني بحب الفرقه والفساد والتفريق والاحزاب_
بس رسمي اي كلمه عن اي فتحاوي بصدقها
اللي شافهم وتعامل معهم ببصملي بالعشره
اااااااااااااااااااااخ اااااخ ناتعين مخاخ اشي من الاخر
يا ويلي عليهم افكار ونكشات
جلطه جلطه
فايعيين بشكل رهيب
ميدو 100% كلامك انا نفس رأيك
يسسلموو

شوفو مين بيحكي ؟؟؟؟ !!!!! :icon6:

من وين جاية انتي ؟!!! :icon9:

ههههههههههه هاتي لنشوف شو علمتك الدنيا يا ام الأربعة والأربيعن سنة هههههههههه ...... مش ام أربعة الأربعين الدودة لأ مش قصدي :showoff: ........

تسلمي على التأييد ،
تسلمي على تأييدك المطلق لمؤيد حماس ، وعلى الثقة الكبيرة ، انتخبيني بكرة نازل انتخابات 2044 .....

هي متلا ً سالي بنت فلسطين طالعة من بيت فتحاوي كح ........ بس هي غير عن أهلها طالعة حمساوية ، وهادا الي مستغرب منو لهلأ ومتعجب ، بس أنا بسجل اعجابي أكيد ..... هادا فخر انو الحقيقة واضحة وضوح الشمس .....

وتسلمي يا سالي على جرأتك في الكلام .....

شرفتني صفحاتي ....

[مؤيد]

هههههههه الله يسهله محمد

كان عليه افكار من الاخر

اخر اشي
قلتلو طيررررر
ناقصني اضل اعمل اعاده تأهيل
الحمد لله اني مسلمه فلسطينيه ورضعت عشق هالارض مع حليب امي بحمد الله ليل نهار
بس ع فكره الصح مبين وواضح والغلط مبين وواضح
واللي محافظ ع الثوابت ومأيد المقاومه وحابب شعبه كلو تحت رايه لا اله الا الله الكل معو مهما تااااااامروا لحتى يخربو عليه ويقلبو الكل ضدو
مهو الشغله واضحه بدهاش زكاء اسطوري مبينه
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه بالاخر مهما اختلفنا الوضع حيضل مكانك سر مش راح يتغير انا مستغربه ليش احنا بنحكي اصلا

مين محمد :icon9: ........

أها الصح مبين ، والغلط مبين ...
أصلا ً شو بدهم الناس اوضح من هيك ....
يعني فريق أوسلو الي ليل نهار مع أولمرت وكان زمان طول نهارو مع شارون هو الصح ؟؟؟ مش معقول يكون هالفريق صح ...
بس في ناس عاطفيين كتير وبعتبرو انو كل شي فلسطيني مقدس ، وخلص ازا الواحد اسمو فلسطيني معناتو هادا ابن بلدي ما بيجوز حدا يطب فيه ، عاد نحنا شعب متل بقية الشعوب فينا مجاهدين وفينا صالحين وفينا خونة وعملاء ، يعني نحنا مش شعب الانبياء والمختارين ، وغلط نقدس كل شي بس عشان اسمو فلسطيني .....

والله يخليكِ سالي على مشاركاتك الحلوة .....
ما ننحرم يا رب .......