لمــــاذا الحزن في الأســمـــــاء المستعارة ؟؟؟

[نور اليقين]

http://www.rooosana.ps/Down.php?d=CWP5

ســـــؤال من مده طويلة أوي بيدور في عقلي

حاولت الاقيلو جواب ملقتش

من يوم ما سجلت في المنتدى

و كل ساعة بكتشف أٍامي مستعارة جديدة

فيه الروش

فيه الكول

بس الأغلـــب

بتكوت أِامي وحيدة

حزيوة

كئيبة

أو حتى مجروحة

بتحكم عالشخص انطلاقا من اسمو

وهم اسمه الحـــب

و تبقى دمعتي غامضة

أمير الأحزان

وليف الدمعة

الطائر المجروح

صدى الصمت

دموع الرحيل

صمت الذكريات

أنين

دمعة عين

دمعة فلسطين

أٍير الاحباط

و غيرو و غيرو
بس الاذكرة خانتني

فسؤالي هو ؟

ليه مسجلين بأٍامي حزينة كده ؟

يا ترى عايزين الناس تعرف انهم بيعانو و ان فيه حاجة بتنغص عيشتهم ؟ من غير ميقولو ؟

و لا عايزين يحطو قصاد عينهم على طول سبب حزنهم عشان مينسوهوش ؟

و لا الاكتئاب وصل معاهم لدرجة انهم مبقوش شايفين لحياتهم قيمة من غير الحزن ده

من غير النقص ده ؟

ليـــــه ؟

ده سؤالي

و بستنى جوابكم





http://www.rooosana.ps/Down.php?d=qXmZ

http://rooosana.ps/uploading/52f8973965.gif

[blue-girl]

ليك هلا ما في حدا ما عندو حزن في حياتو
بس انا من ناحيتي بحب الفرح و الهبل و كل شي بنسني الحزن
وانا كمان بدي اعرف ليششش؟؟
الحزن !!
تسلم خيو

[.:: 23 ::.]

الله يبعد عني وعنكم الحزن يا ربي ...

ممكن يكون من الواقع الي بيعيشوا فيه الناس ...

يعني ما عمالنا نسمع غير عن ضحايا وحروب و...

شكراً لاهتمامك الحلو بالأعضاء وسؤالك عنهم :)

[.:.!دموع الرحيل!.:.]

مممم

بالنسبـة إلي ..

دموع الرحيـل

هو اسـم اخترتـه بسبب أكبر حزن ممكن يرافقني بحيــاتي

الي هوي البعد عن وطنــي

صحيح انا ما عشــت اللحظـة الي عاشوها اجدادي

وتركت فلسطين .. وبكيت وانا بنطرد منـهـا فعليـاً

بس انا بعيشـهـا معنويـاً بكل لحظة ..

بتمر عليي !!

بكل لحظة .. بحس اني بأمس الحاجة لوطــني يحتضنــي

وبذرف الدموع

لذلك كل لحظة بتمر عليي

عليي لحظة رحيـل من فلسطيـن

وكل لحظة رحيل من وطــنـي

بينبكى عليها دموع الدم مش الدموع العاديه ..

لذلك انا دموع الرحيــل :)

ووعد بس أرجع ع فلسـطيـن

رح أغير إسمي .. من دموع الرحيـل

لإسم مش رح احكيه هلأ لأنه يمكن بوقـتـهـا طريقة النصر والعودة

تخلق الي اسم معين ..

بس رح يكون اسـمي قريب لدموع الفرحة بالنصر .. او العودة ..

او اي شي .. :)

بإذن الله ^^

غير هيـك .. دموع الرحيـل إسم لقصيدة لشاعر فلسطيني ..

استوحيتهـا منـه كمـان

ببقى بنزل القصيدة بإذن الله

الله يفرج همنــا ..

وتتحول كلـنـا الآمنـا لأفراح بظل رضى ربـنـا

يعطيكِ العافيه نوراتي :s (43)::s (43):

[سامي - الأحمد]

مممم......بصراحه ... عن جد إنه سؤالك في محله...أنا بعرفش إسمي لا حزين ولا إشي,,,,,أما إسمك يا دموع الرحيل حلو لقصدك....وإن شاء الله يصير دموع الفرحه.......

شكراً لكم جميعاً

[خيـرَ أُمـة]

على فكرة موضوع الاسم بيأثر على شخصية الشاب أو الفتاة ..

يعني لو حطينا شخص في مكان ;كله غنم لمدة 21 يوم -مش أقل ههه- وضلينا نقنعه بانه غنمة ... في اليوم ال 22 سيقول ماء ماء ماااااااء ...

الي حابب يكون سعيد ومرتاح البال يستعمل اسماء تدل على السعادة والفرح والابتهاج .. واذا عشان البلاد .. فابلادما لن يعيدها التعساء -الي حاطين العقدة بالجرة- بلادنا لا يعيدها الا السعداء المتفائلون ..

الرسول صلى الله عليه وسلم كان يقول "تفائلوا بالخير تجدوه" ... تصوروا اخواني العلم الجديد اكتشف هذا الشيء مؤخرا وسماه "قانون الانجذاب" بحكوله The law of attraction
ملخص القانون بقول "أي شيء تفكر به سوف ينجذب إليك ومن نفس النوع" ... يعني الي مسمي حاله اسم حزين معناها بفكر بالحزن معناها حيضل غصبن عن عينه حزين وتعيس -العقدة بالجرة- :)

الحكي بطووول في هذا الموضوع ...

ولولا الظروف كان طولنا خصوصا انه في ناس صحبتهم جنة ...

أخوكم

[بسمة فرح]

اكيد كل واحد بختار اسمو ليعبر عن شي جواته:wacko:

واكيد كل واحد جواته حزن وانا وحده من الناس ^^

لكن ما بحب ابين حزني ودايما بحاول انسى..

ودايما بندعي الله يبعد عنا الحزن ويخفف من همومنا...

عشان هيك انا سميت حالي

بسمة فرح

موضوعك حلو يا عسل ,,,,,, :icon11:


:s (43): :s (43):

[قسامي غزة]

فعلا اختي كلامك صحيح
انا كنت اسال نفسي دائما ليش هيك يسمواانفسهم
بس الي اكتشفته
انوا البنات بشكل عام يحبوا يسموا الاسماء الي فيها حزن
يمكن مشانهم حساسين زيادة شوية
او الواقع الي يفرض عليهم الحزن
بس يعني الشب والبنت عايشين بهالحياة
الشباب ما بميلوا للاسماء هاد _في الغالب_

وربنا ما يجيب حزن
ويجعل كل حياتنا سعادة

مشكورة نور علي طرحك الجميل

[نور اليقين]

http://www.rooosana.ps/Down.php?d=CWP5


حلوة ردودكم

يعني الكل من رأيي

طب ايه رايكم لو ضفت سؤال تاني

او ملاحضة تانية

فيه ناس اساميها حزينة

و بيبان عليها حزنها من ردودها و طبيعة مواضيعها

فيه ناس اساميها حزينة

بس هي قمة في النشاط و خفة الدم

ليه التناقض ده ؟

حتى مصداقية هزار العضوية دي

بتبقى في نضري زيرو
ليه ؟

عشان اسمو حزين

يبقى اكيد بينافق علينا و بيكذب علينا و بيزهمنا انو بيهزر معاا في وقت هو غير كده

عشان اسمو حزين

معايا في النقطة دي و لا انا بس اللي فاضية احلل الشخصيات ؟

هههههههههههههههههههههههههه


http://www.rooosana.ps/Down.php?d=qXmZ

http://rooosana.ps/uploading/52f8973965.gif

[صمت الذكريات]

والله وجبتيها يا نور اليقين شكلك عم بتفكري ليل نهار بالشخصيات
وبتحلليهم ( كإنك فاضية) هههههههههههههههههههه
بمزح معك لكن مو انت لحالك بتحللي الشخصيات
يعني انا لو بحكي مع حد مرة وحده بحلل شخصيته كلهاا ومواصفاته
مو هاد موضوعنا الموضوع ليش بنختار اسماء حزينة
انا ححكي عن حالي ( صمت الذكريات)
لما كنت صغيرة كنا ايما بننزل على غزة والي هناك ذكريات ما الها
اول ولا اخر للحين براسي وبس كبرت ما عاد ننزل ومرت 7 سنوات تقريبا
او اكتر وما شفت تراب بلدي فاخترت هالاسم بسبب انه ذكرياتي بتمر
علي كعابر سبيل وبحس بزيادة الشوق لفلسطين
والحين انا فرحانة كتير لانه بعد كم شهر بس اخلص 3 ثانوي حنزل على فلسطين
عشان ادرس بجامعة فلسطين ووقتها لكا حادث حديث

[.:.!دموع الرحيل!.:.]

شووووف :icon6:

هههههههههههه

كـنــت جـاي احكي لأحمد أنه هاي انا صحي اسمي دموع الرحيل

ونانج عن حزن متجزر .. بداخلي ..

بس أكتر من التفاؤل الي عندي والحمدلله لسه ما صار

وبضحك .. وكل شي

مش ساكنة بالحزن أبدا

بالعكـس سبب حزنــي هو نفسو سبب نشـاطي

هالكم من الجروح الي بادخلي .. بتولد عندي طاقة من الأمل غريبة

لدرجة انه كتير بيتمسخروا من التفاوءل الي عنـدي

يعني مش حاطة الحزن بالجرن وقاعدة بالعكـس !!


المهم هاي الكلام كنت جايي أحكي لأحمد

ولا لقيت الدبه نور كاتبة كلامهـا ههههههههههههههههه

يعني انا دموع الرحيل ودايما بضحك ونشيطة الحمدلله

بكون بنافق عليكيييييييييي :icon28:

ههههههههههههههه

بس لو انك مش حاطة تصميمي اليوم كان موتك :icon15:

لا والله بمزح

معكن حق تفكروا وتسألو نفسكم هالأسئلة

او حتى أخي أحمد

يمكن هاي تحليل منطقي ..

بس مش عارفه .. دايما الفلسطينية حالهم

غير عن كل القواعد المنطقية

نحن الفلسطينية .. بنصنع القوواعد بنفسنـا

ومنقلب كل المعاييير

وع فكرة .. مش بس انا ..

هون رفقـاتي (( بالواقع يعني )) أكثرهم ألماً على وضعنـا وعلى بعدنـا عن وطننا

أكثرهم أملاً وتفائلا ونشاطا والله ..

واليقين عندهم أكتر بكتير من الي مش مكترثين بالقضية

والعكس صحيح بتلاقي الفلسطيني هون الي مش حاطط القضية قدام عيونو

أكثرنا حزناً واقل أملاً

لذلك دايما المعايير عند هالشعب الفلسطيني مقلوبة ..

وانا دموع الرحيل .. وكـل ما كترت دموعي

زاد إصراري بتمسكي بالقضية ..

والدفاع عنهـا والتعريف بها قدام اي حد ممكن التقي فيه

وكل ما زادت دموعي .. زاد أملي ..

و آسفــــة ع الإطـــاله

وأخ ســامي أحمد .. تسلم يا رب

الله يسمع منك

وتسلموا كلكم


:s (43)::s (43):

[بنت الياسين]

انا بقلك في وحدة صاحبيتي مسجلي بهيدا المنتدى باسم محزن
بس مش لاي شي بس لانو اسم حلو

[&نسيم الروح&]

ما بعرف

بس كل شخص بعبر عن الي جواته

باختيار اسم حسب نفسيته بالوقت الي سجل في

انا هيك بحس

يعني في حدا مره سجل مش انا لانه باللحضه الي سجل فيها كان مدايق

من حالو

بس ما بعرف شو كمان

[VIP.]

هالدنيا دنيا حزن
وعصرنا الحالي
ما تارك حدا فرحان
وحتى الفرحان بيكون خايف ليجي يوم ويكون فيه حزين
يعني مشان هيك كل واحد حط اسم لالو حزين
حسب مشاعرو
وحسب المشاعر الطاغيه عليه

يسلمو نور اليقين موضوع حلو كتير

حلوه منك

[خيـرَ أُمـة]

لكل قاعدة شواذ !!

اختيار اسم حبا فيه بيختلف تماما عن اختيار اسم هو مؤمن به ...

وصعب ندخل قلوب الأعضاء ونعرف اذا كان اختيار الاسم ايمانا به او لمجرد الاعجاب ...

قبل فترة في منتدى لبنامج تابع للدكتور سلمان العودة علقت فتاة كانت تسمي نفسها "ماكلة تبن" ... طبعا التبن هو علف الحيوانات على ما أعتقد .. الدكتور علق مستغربا على الاسم الي اختارته انه ما بيتطابق مع طريقة كلامها الي كانت مميزة ... والي بتدل أكيد انها ما اختارت الاسم ايمانا وانما لاعتبارات اخرى ...

انا مثلا مسمي نفسي ahmadix لاني مؤمن بنظام تشغيل واسمي مرتبط بهذا النظام ... وفي منتديات اخرى مسمي نفسي "خير امة" لاني مؤمن ان امة الاسلام خير امة وحترجع مثل ما كانت طبعا لو تحققت الشروط ...

اختنا دموع في ظني ما اختارت الاسم ايمانا واعتقادا وانما اختارتو للتعبير عن مرحلة معينة ... وانتهت

لكن مثل ما قلت صعب نكشف عن الصدور ونعرف شو جوا القلوب ... والقاعدة العامة بتقول .. "لكل امرء من اسمه نصيب" وما في قاعدة بلا شواذ ...

سلام يا حلوين .. وكل عام وانتم بخير..

أخوكم

[! مـــلاكـ !]

في ناس يلي بتحب تعبّر عن شخصيتها بلقب معيّن
يلي هي ذاتها بتعيشه ..
وفي ناس بيعجبها اللقب وبتوهبه لنفسها لأنها بتلاقي
جزء منه بتلاميه بشخصيتها ..

أكيد كل شخص بيطلق على نفسه لقب حزين
الا ما يكون بيعاني من شي مؤلم بحياته وبيحب يعبّر عنه بهالطريقة ..

كل إنسان بحياته مر بلحظة حزن أو ألم .. وهاللحظات هاي بتنتج عنا ذكريات
مؤلمه وحلوه بنفس الوقت .. لأنه لولا الحزن كان ما منشعر بالغير
ولولا الألم ما منتعلم من الحياة ..


يسلموو ع الطرح الحلو

[أنين]

له له أطلعنا بلأخر منافقين ^^


شوفي حبيبتي أسمـ أنين أنا ما اخترته على شانه حزين

أنا اخترته لأنو كان لـ أغلى أنسانه على قلبي ,, هي شاعره اكبيره

بسـ بعدين تركت الشعر وكل شي

وانا اتعلقت بهل الاسم ,, هاد شي والشي التاني

أنا بعترف وبحكي أنو فعلأً بقلبي أنين أكبير أكتير وما بوسع الدنيا كلها

وزي ما أنتي كاتبه :: ماكــل مــن ضحــك معــ النــاس فرحان ياكثــر من يضحــك ونفســه حزينــه ::

thats it