هل صحيح أن الفتيات أصبحن صيداً سهلاً في المنتديات ؟؟؟؟

[نور اليقين]

http://www.rooosana.ps/Down.php?d=CWP5


بسم الله الرحمن الرحيم


ظاهرة اصطياد الفتيات في المنتديات

ظاهرة انتشرت في كثير من المنتديات لذا طرحت هذا الموضوع المهم وارجو من الجميع مشاركتي في الموضوع :

تعددت طرق اصطيادها وهذه الطرق لاتزال في أستمرار وتطور ,

ومن طرق اصطياد الفتيات:ـــ


الأســـــــــتعــطاف:

أحدهم تجده أول مايسجل في المنتدى ، يبدء يختار أحد الفتيات ثم
يبدء في متابعتها ويرد على مواضيعها ، ثم يأتي أحد الردود يكون
قاسياً نوعاً ما ، ثم مايلبث أن يرسل رسالة خاصة يقول فيها
أنا آسف على الرد القاسي بصراحة أنا غلطان ، وردي هذا كان
بسبب حالتي النفسية هالأيام هذي ، فياليت تقبلين عذري وإن شاء
الله ماراح أرد ولا على موضوع لكِ لأني بصراحة ماعاد لي وجه أرد
على مواضيعك " طبعاً هنا يريد أن يستعطف الفتاة ، ثم ينتظر الرد .
وإذا لم تنتجح الخطة توجه لفتاة أخرى وهكذا ، حتى يجد من هي
ضعيفة نفس ثم يحدث مالا يحمد عقباه ..






التهـــــــــــــــديــــد:

والبعض منهم تجده جريء جرأة غير عادية " فتجده مباشرة يرسل رسالة لأحد العضوات في المنتدى ويبدء يهددها بأنه سوف يدخل
على جهازها ويدمر كل مافيه ويفضحها إذا لم تضيفه في المسنجر
" لا تستغربون فوالله لقد حدثت " . ثم ينتظر الرد ، وإذا لم تفلح الطريقة توجه لغيرها






أظهـــار الأعجــــــاب بما تطــــرح:

أو تجد بعضهم يرسل رسالة لأحد العضوات يقول لها " أنت بصراحة كتاباتك رائعة وأنا من المتابعين لكتاباتك ويشرفني أن أكون أحد
الأعضاء الذين يردون على كتاباتك " ومن هالكلام .
وهذا النوع في الغالب يكون باله طويل ويمكن ينتظر أشهر لكِ تأتي طريقته بنتائج إجابية وتجده مرسل كذا
رسالة في المنتدى وبنفس الطريقة لكذا عضوة . ثم لا يتورع في إرسال رسالة أخرى ثانية وثالثة ورابعة وعاشرة.




هـــل أصبحت الفتــــــاة صيـــدا سهــلا في المنتديــــات؟؟؟؟

وهل أصبح

الأستعطاف
و
التهديد
و
أظهار الأعجــاب

وغيــــــــــرها من الطرق والوســـائل صيــدا سهلا للفتــــــــــــاة؟؟؟؟؟

أتمنى ان أسمع ردودكم لكي يكون الموضوع في محور النقاش الجاد


http://www.rooosana.ps/Down.php?d=qXmZ

http://rooosana.ps/uploading/52f8973965.gif

[خيـرَ أُمـة]

ههه

الله علي هيك طرح ..

بس بتعرفي اختي نور

انا شخصيا ضد اخذ الموضوع بالحساسية الي كثير من الاخوة والأخوات بوخذو فيها الموضوع ..

يعني وصلتك رسالة خذيها بصفاء نية وانتهى الموضوع ..

انا مثلا بتوصلني رسائل خاصة من منتديات اخرى وحتى من قبل في شباب فلسطيي وما كنت اخذ الموضوع بالحساسية ... رسالة و وصلت وانتهى الأمر ..

نصيحتي للجميع الشباب والصبايا انه ما ننشغل بمثل هيك امور لانه في ورانا شغلات أهم بكثير والي من الأولى نهتم فيها ..


لكن رجاء ما يتاخذ كلامي على انه تأييد !! ... الفكرة بس انه ما ننشغل بهيكك امور وانطنننننش ... عادي

البنت معرضة للمعاكسة في الشارع وفي المقهى وحتى وهي في بيتها عن طريق التلفون بعاكسوها ... فما بالنا ما نتوقع يكون في هيك بالمنتديات !!

خلونا نتعامل مع الجميع كاخوة مهما كانت تصرفاتهم .. في كثير اتغيرو من ورا المنتديات وصارو احسن .. بدخل بلا أخلاق وبطلع باعلى الأخلاق .. من الشباب والبنات ..

أخوكم

[نور اليقين]

http://www.rooosana.ps/Down.php?d=CWP5

معاك حـــــق

حياة البنت لا تخلو من المعاكسات , و في اي مكان تروحلو
بس لو عاكسها حد في الشارع ة يبقى لانو شافها و شاف حاجة سمحتو يعاكسها
لو عاكسها في التيليفون لانو سمع نبرة صوتها و سمع اسلوب سمحلو يعاكسها
بس النت
لا صورة و لا صوت
يعاكسو ليه ؟
هنا المعاكسة تبقى لمجرد المعاكسة و خلاص
ده حتى في احتمال ان البنت دي تطع شاب
يعني شاب بيعاكس شاب
مفيش اي مبرر
مفيش اي دافع
الا لو كان مرضي
بس مش ده موضوعنا
موضوعي ليه بقيت بتلاقي المعاكسات عالنت اكتر من الشارع
الشباب استسهلوها
يعني لا هلف ورى البنت في الشوارع و المحلات
و لا هغلب عشان اجيب نمرة موبايلها
و لا هينشف ريقي و انا بستضهر عليها اللي انا حفضو عن ضهر قلب
كلو من مكاني
قاعد عمكتبي
فات كدا منتدى
حاطط بعيني كدا ضحية
مع كباية شاي و دسك موسيقى و مشغلو
و يلا
يا ارض اهتزي محدش ادي
ده سؤالي
لدرجة دي بنات النت سهلات
و لا فيه سبب تاني ؟



http://www.rooosana.ps/Down.php?d=qXmZ

http://rooosana.ps/uploading/52f8973965.gif

[فليسطينية 100%]

اختي نور
مو بس بالمنتديات كمان وهي طالعة ع جامعة او اي محل

او على تلفون وكثير اشياء

وما النا غير نقول الله يهدي الجميع ويبعد عنا ولاد الحرام عنا وعن كل المسلمات

شكرا لطرحك الموضوع

دمت بحفظ الرحمن

[صمت الذكريات]

شكرا يا نور على الموضوع كتييير حلو وبستاهل النقاش
لكن متل ما قال احمد انه البنت معرضة للمعاكسات وين محل
فلو وحده صار هالموقف الها تفهم هالشغلة وتطنش صاحب الرد
وانتهى الموضوع وحتى لو وصلتك رسالة طنشيها لانه الناس متل هدول
فاضيين ومو واراهم شي غير اللعب والمسخرة والتسلاية فمتل ما بقولو
طنش تعش اشرب بيبسي وانتعش :icon11:
تقبلي مروري
اختك دانة

[المقدسيه]

البنت معرضة للمعاكسات مزبوط
بس هي السبب باي شي ممكن انو يصير معها
حتى لو اجاها رسائل بالايميل او على المنتديات
كل راس مالها اطنش الموضوع وما تعطي الاهميه بزهك وبروح لحالو بس في بنات بفكروها لعبه وبالآخر بيندمو

[حكيم فلسطين]

الموضوع مش هيك فقط
الموضوع على الطرفين ايضا
فايضا يقع الشباب ضحية للبنات

[.:: 23 ::.]

عنجد ... انت ليش معامله كل البنات على انهم ضحايا يعني

مش يمكن يكون العكس ؟؟؟

ع العموم شكراً على الموضوع :)

[الحان الحرية]

والله مش بس بالمنتديات
بكل مكان
و هاد بيعتمد على شخصية البنت
و احسن شي هو التطنيش
يسلموو نور
ارق التحايا

[بنت الياسين]

يا امي خوفتيني
خلص غير هالمنتدى ما ني مسجل
شكرا على التحذير

[خيـرَ أُمـة]

ردود جميلة وبتدل على وعي الاخوة ..

تعليق صغير على توقيع الأخت بنت الياسين ...

اختي توقيعك في نوع من العنصرية والي الرسول وصفها انها جاهلية غير هيك حنا مش قضيتنا ندعس على أكبر راس ولا انا انطنش كل الناس احنا شعب فينا السيء وفينا الجيد مثل أي شعب واذا ربنا أكرمنا بنعمة الجهاد فهذا لا يعني انا نحكي مثل هيك .. فيريت تغيري التوقيع أختي ..

أخوك

[أحلى مايا]

البنت وين ما بتروح وين ما بتيجي معرضة لهيك اشياء لو وين ماكانت والله ممكن تتعرض وهي وائفي مع اهلها والشطارة بتكون على البنت انو طنش وما تهتم لهيك اشياء


يسسلمو الك كتيير

[فراشة]

نصيحتي للجميع الشباب والصبايا انه ما ننشغل بمثل هيك امور لانه في ورانا شغلات أهم بكثير والي من الأولى نهتم فيها ..
خلونا نتعامل مع الجميع كاخوة مهما كانت تصرفاتهم .. في كثير اتغيرو من ورا المنتديات وصارو احسن .. بدخل بلا أخلاق وبطلع باعلى الأخلاق .. من الشباب والبنات ..



وربي داخليه هيك بدي احكي:showoff:


اوكي هوه اتبع اي اسلوب بدو ياه .. اصلا البنت لليش تسمع لهيك شغلات .. داخله المنتديات مشان نستفيد ونتثقف مش مشان نسمع لهيك تفاهات والي بدها هيك شغلات اكيد رح تكووون سهله لحتى تلائيها ..

عنجد انا من ساعه ماشاركت بالمنتديات صار عندي كتير معلومات وحاجات كتير ماكنت اعرفها ،


يسلمووو موضوعك كتير بيجنن

[قسامي غزة]

هههههههههه
بجد طرحك يضحك يا نور
وهاد الاساليب صراحة موجودة
بس يااختي انتي بطرحك هاد
اثبتي انوا البنت ضحية وما اعطيتي الها اي قرار
يعني انتي صورتي البنت ما الها تفكير
وانها عاطفية بس وممكن اي واحد يضحك عليها
يعني انتي ليش ما ذكرتي انوا البنت تكون نفسها
بدها تحكي مع الشب هاد
يعني مش دايما البنت تكون الضحية
وشو نقول بالبنات الي يبعتوا رسايل للشباب
بدهم يحكوا معهم
يعني ياا ختي كل بنت لازم يكون الها شخصية
ما تكون عندها طيابة زيادة عن اللزوم
وتكون قادرة تعرف الصح من الغلط

يعني مش دايما الحق يقع علي الشب كلوا
ايضا البنت بيكون الها نصيب من الغلط هاد
ومشكورة علي الموضوع

[نور الهدى]

والله زي ما قال بعض الاخوة

مش دائما البنت هي اللي تكون الضحية ... و انه البنت تتلقى رسالة خاصة من اخوها في الله في احد المنتديات مش معناتو انه بعاكسها

لو البنت ما تفسرها و تأولها بسلبية ... يعني تاخدها بروح رياضية و تقول انه مجرد تشجيع لا غير :icon11:

طبعا حسب الشخص المرسل ... ان كانت ريحة قلة الادب و المعاكسة تفوح من الرسالة تطنش و ما ترد ... او تشتكي لإدارة المنتدى اللي هي فيه ...

بعدين بلا مؤاخذة كتير بنات بيعجبهم الوضع لما شب يعاكسها او يطلب منها الايميل ... فتتبع خطوات الشيطان لحد ما توقع فيما لا يحمد عقباه

في كمان بنات همي اللي بيبعتو رسايل للشباب ... و يستدرجوهم لحد ما يوقعوهم ... يعني تبدأ القصة باستلطاف و و و ... درجات يعني

و في البنات و الشباب على السواء نفوس ضعيفة

فالواحد يتمسك بالحدود و الشرع و ما رح يصيرله الا الخير ^^

شكرا ع الطرح

[*ريحانة القلب*]

موضوعك شائع كتير

ومتل ما قالو الاخوة
البنت بتقدر تحط حدود ,, وتصد ,,

أما لو كانت بدها هالاشي ,, وبتدور عليه
فالحق هون عليها


وبالنهاية البنت بتقدر تصون حالها من هيك امور
سواء ع النت في الشارع او باي مكان ,,


وبحب ازكركم
بأنو المرأءة كلما خرجت من بيتها رافقها الشيطان
وجمّلها ,, فارجو من الفتيات ان يتقوا الله
في لبسهم وطريقه حديثهم وباسلوبهم وبكل شي ,,
لأنها فتنة !



اشكرك نور على اسلوبك المميز
بالطرح ,,


واحترامي لأراء الجميع





سلام

[سامي - الأحمد]

سلمات نور...شكراً عالطرح الحلو...ز

بس برأيي إنه فعلاً مش دائماً الشب هو اللي بوقع البنت,,,,,والمعاكسات موجوده في كل مكان....وكمان ليش بنفهم الرساله (مثلاً) عن سوء نيه؟؟إن بعض الظن إثم,,,,وبعدين بتقدر البنت نفسها تطنش اللي أرسللها اياه.....!!

وشكراً للموضوع كمان مره أختي وجزاكي الله كل خير

[لوليتا*]

شكرا نور على الموضوع الحلو والله نبهتينى لكتييييييير اشياء
والله يعطيك العافيه
وتحياتى لالك
لوليتـــــــــــــــــا*

[the_last_man]

مرحبا
صراحة الموضوع جدا رائع ويستحق الوقوف والتفكير فيه
لو اخذنا الموقف او الموضوع كله من جانب آخر
الفراغ العاطفي إلي بخلي البنت او الشب يتعلق بأي حد على النت
سواء بأي طريقة من الطرق كلمة حلوة
او اعجاب بالكتابات
لو لاحظنا كيف بنعامل البنات بشكل خاص
سواء زوجة او بنت
اسلوب الازدراء الشرقي للمرأة
تهميش دورها على عظمته
وضعها على الرف بالنسبة لأوليات الحياة
لا نلومها لو إنجرفت لكلمة حلوة ودفئ قلب حتى لو كان زائف
واكيد هذا مش مبرر لازم الوحدة لما تفت على النت تكون على قد حالها
كثير راح تسمع بلاوي وكلام وتشوف اشياء غريبة صالحة وطالحة
ومش كل بنات حواء سوى

ومرة ثانية شكرا على الموضوع


the_last_man