المساعد الشخصي الرقمي

مشاهدة النسخة كاملة : سؤال واحد ينتظر الرد من الجميع..هام

اسيرة النجوم
10-02-2007, 02:55 PM
كتير مننا بيحكي كلام قاسي
بيظلمــ ناس ما كان الها الايد غير في سعادتو
ناس ما بتدور غير على الخير لالنا
وبعد كل هاد ضيعناهم من ايدنا بكلمة قاسيه
وحكي بيصدم
وبعدين اكيد بنندم وبيصير بدنا نرجع
ولكن اخواني

هل كلمة " آسف " تداوي الجراح ؟
بنت فلسطين المجروحة
10-02-2007, 03:48 PM
حسب الكلام الجارح

وحسب قوة علاقتنا بهذا الشخص

وفي غالب الأحيان لأ
نور اليقين
10-02-2007, 05:21 PM
no

:)
زهــــ فلسطين ــــرة
10-02-2007, 05:25 PM
حسب النية ..

بس على الاغلب نووووووووووووووووووووووووووو

مشكوورة

:s (43):
.:: 23 ::.
10-02-2007, 05:30 PM
كلمة آسف مش دايماً بتلاقيها بتأدي دورها بهاي الحالات ...

ممكن يكون الجرح كبير وتكون كلمة آسف ما بتعني اشي ...

وشكراً ع الموضوع :)
قسامي غزة
10-02-2007, 06:50 PM
احيانا كلمة اسف بتادي الغرض
لكن مش دايما
احيانا الزعل بيكون اعمق من انك تحكي كلمة اسف
مارلين برلو
10-02-2007, 07:31 PM
الاسف مو دايما ومو بكل المواقف بينقبل لانو عنجد فى مواقف صعب الواحد ينساها
NIGHT QUEEN
10-02-2007, 10:58 PM
مش دائما الاسف بيكون حل وعلاج

لان معظم الاوقات بيكون الاسف بعد فوات الاوان

مشكووورة اختي الحبيبة على الموضوع
أحلى مايا
10-02-2007, 11:22 PM
للاسف لاا مش دايما
نسرينا الفلسطينيه
10-03-2007, 08:00 AM
ازا كان الجرح كبير

الآسف ما بداوي شي

يعني بسامح االي قبالي ازا حكى اسف..وارجع عادي معو

بس الجرح بضل زي ما هوي:)

بدو وقت ليداوى
صمت الذكريات
10-03-2007, 03:49 PM
لو كان الزعل بسيط ممكن كلمة آسف تلغي كل شي صار
وخاصة لو كان شخص عزيز عليك حتحس انه اهتم لزعلك
وراضاك بكلمة لكن لو كان الزعل سبب جرح كبير فمستحيل
هالكلمة تضيع الجرح ولكن ممكن لو كان الشخص اللمجروح شايل
بقلبه حققد على الشخص اللي ضره راح ينسى هالحقد لكن
الجرح ممكن مع الايام يلتئم مش دايما آسف بتكفي
لكن في ناس قلبهم طيب لدرجة حتى لو كان الجرح كبير آسف
بتكفي انها تنسيهم الزعل والجرح
قسامي رفح
10-03-2007, 03:49 PM
ان كان قلبه ملئ بالايمان
ممكن يداوي ولكن ان كان بلي
فممكن لا ولكن العفو عند المقدرة
تحياتــــــــــــــــــــــــــــــ ـــــــــــــــي
&نسيم الروح&
10-03-2007, 11:25 PM
لا

عمرها ما كانت بتداوي جراح
لولو اليبناوية
10-04-2007, 02:20 AM
كتير مننا بيحكي كلام قاسي
بيظلمــ ناس ما كان الها الايد غير في سعادتو
ناس ما بتدور غير على الخير لالنا
وبعد كل هاد ضيعناهم من ايدنا بكلمة قاسيه
وحكي بيصدم
وبعدين اكيد بنندم وبيصير بدنا نرجع
ولكن اخواني

هل كلمة " آسف " تداوي الجراح ؟


كلمة اسف..بتعالج الموقف...وبترجع الامور لطبيعتها

واكيد بتخلينا نغفر لصاحبها

يعني راح اسامحو بمجرد انو نطقها وندم عللي سواه...

ولو ما سامحتو عشانو..لازم اسامحو عشان الله...

بس احيانا بكون صعب او بطيئ التئام الجرح

..
فراشة
10-04-2007, 01:03 PM
انا بعتبر بتأثر بس حسب الشخص يلي بنتعامل معو ازا منيح وبتقبل معناها بيسامح وازا مخو صعب ما بيتقبل .. بس انا من النوع اللي بيسامح بسرعة ... تسلمي عالموضوع الروعة
الرمشـ الحساسـ
10-04-2007, 01:11 PM
مممممممممم:icon9:
انت لو اصدكـ اسف بالكلمة طبعا مو دايما بتكفي>>>رأيي مع الأعضاء..
و ازا كان أصدكـ طرق تانية للتأسف كمان مو دايما.....
لأنو عن جد الجرح الكبييييييييير ما عمرو بنتسى.....:showoff:
يسلموووووووو على طرحكـ للموضوع..:icon26::icon26:
تقبلـ مروريـ..:icon26::icon26:
أبو نضارة
10-04-2007, 05:59 PM
قد لا تكفي كلمة آسف ...... لكنها تفي بالغرض بعض الأحيان ........وهذا يكون على حسب الجرح إللي سببته !!
سامي - الأحمد
10-05-2007, 12:12 AM
برأيي....كلمة آسف أعتبرها مجامله....لذا..على الواحد إنه يثبت بطرق عمليه
صاحبة القلم الحزين
10-06-2007, 01:55 PM
والله حسب الموقف و حسب الشخص

يعني ممكن الشخص يقلك اسف بعد ما يخرب كل حياتك

يجي يقلك اسف بكل سهولة

و لما تطلع بعيونه تحس انه بيحكيها هيك لانه مجبر او مضطر

بس ابدا ما في ندم بعيونه




و ممكن بنفس الوقت

انسان يجرحك بكلام قاسي

و يكون هالانسان عزييييز عليك

و بتحس انه دمرك اكتر لانه انسان عنجد بيعنيلك شي

بيجي يقلك انا اسف

بس لما تطلع بعيونه

بتحس انه ندماااااان و انه منكسر

و انه مستجمع كل قوته عشان يجي يعتذر

بتحس انه بيقلك انا اسف

لانه مش لاقي و لا كلمة تانيه تعبر عته غيرها

بس بقلبو بكون اكتر من كلمة اسف






انا هادا رأيي

يسلمو حبيبتي على طرح الموضوع

المهم و المؤثر بنفس الوقت

:icon26:
ضوء الشمس
10-07-2007, 03:38 AM
مو دايما في حالات بس الناس صارت تعمل العملة وتقول آسف
بنت الياسين
10-07-2007, 07:07 PM
اه صح مش دايما الاسف بتئدي الغرض مرات ما بتسكر الجرح