المساعد الشخصي الرقمي

مشاهدة النسخة كاملة : ما هو فلم الكرتون العالق في ذاكرتك؟

هيفاء فلسطين
10-02-2007, 12:03 PM
لا شك أن الطفولة تظل مرحلة من أروع وأجمل مراحل الحياة ، ولا شك ان لدى الكثير منا

ذكريات عديدة من طفولته مازالت تداعبه بين الحين والآخر .

ومؤكد أن من بين أكثر الذكريات إلحاحاً علينا هي شخصيات كرتونية وأفلام كان لها أثر كبير

لدينا ذلك الوقت ، وكنا نتفاعل معها ونحزن لحزنها ونفرح لفرحها ، وكنا حين نشاهد هذه

الأفلام الكرتونية نخرج من واقعنا ونجعل من أنفسنا شخصيات داخل تلك القصص التي كنا

نتابعها ، ونشارك في الأحداث حتى إذا إنتهت الحلقة ذهبنا وبدانا حلقات إخرى في خيالنا

إمتداداً لما شاهدناه ، وبدأنا بخيالنا نكمل ما رأيناه ناقصا في التلفزيون ونعوض النقص الذي

يعتري ابطال قصتنا في خيالنا ، والكثير والكثير كنا نفعله من وحي هذه الافلام والإعجاب

بأبطالها.

ولكن الآن بعدما كبرنا ، هل بقي من تلك الذكريات شيئاً ؟
أحلى مايا
10-02-2007, 01:30 PM
مممممممممم انا كتيير بائي بزاكرتي

سالي - ليدي - سمييد - الفتى النبيل - ماااروووكوووووو احلى شي ولهلا بحب اضل اتابعو وغييرهم كمان

ونفسي هلا افتح على شي قنااه من الرسوم والائي رسوم حلوةة

يسسسلمو الك كتيير
rita el falstnye
10-02-2007, 01:31 PM
اه انا كنت و ما زلت احب ريمي وسالي هدول بحبهم و مؤسرات يعني من هبلي كنت اعيط مرات عليهم عشان كنت اندمج كتير
يسلمو هيفا^^
مملكة القلوب
10-02-2007, 02:32 PM
انا كنت بحب عدنان ولينا وسندريلا وتوم وجيري بس لما كنت صغيييييييييرة
شكرا على الموضع
.:: 23 ::.
10-02-2007, 02:45 PM
توم آند جيري ... مازنجر ... أكتر تنين هدول

شكراً على الموضوع هيفاء :)
بنت فلسطين المجروحة
10-02-2007, 03:55 PM
سالي -ليدي -صاحب الظل الطويل -سميد، وكل رسوم أيام زمان اللي كان الها طعم ومعنى :)


يسلمو عالموضوع
سيد الظلام
10-02-2007, 04:18 PM
المحقق كونان اكيد :)
الحان الحرية
10-02-2007, 06:43 PM
:icon5::icon5::icon5:ذكرتيني بايام زمان ايام الهبل
انا كنت بحب اشوف صاحب الظل الطويل
و حضرته اكتر من 5 مرات و ما شفت الحلقة الاخيرة دايما بتفوتني:icon5::icon5::icon5:
و كنت احب سالي
و السيدة ملعقة
و سندريلا
و عدنان و لينا
:icon5::icon5::icon5::icon5:
ما احلا زمان لما كنت فاضية طول النهار عالرسوم المتحركة
بس طبعا كنت اكره الرسوم التاليه
:icon7::icon7:
كونان
باتمان
سوبر مان
و هاي الشغلات اللي اخوي كان يحبها
تسلميلي هيفاؤؤؤؤؤؤؤؤؤؤؤؤؤؤؤؤؤؤؤؤؤ
يا عسولة:icon11:
blue-girl
10-02-2007, 07:41 PM
طبعا طبعا سييييمبا احلى فيلم الجزء الاول
بمووووت في
سامي - الأحمد
10-02-2007, 10:57 PM
شكراً لطرحك الموضوع...أنا بصراحه بحب الرسوم المتحره كثير...وأيام زمان كنت بتابع كثير...وبتذكر سهم الفضااااااااء....وكمان رنين(سفينة الأصدقاء) ومدينة النخيل...وسميد...وكثير كثير......شكراً لك...بس أكثر شي راسخ بمخي (القناصHunter X Hunter) أنيمي حلو...نزل سنة ال92..وأنا تابعته من زمان....شكراً عالموضوع
&نسيم الروح&
10-03-2007, 11:31 PM
صاحب الضل الطويل بحبه كتير

سالي_ ليدي ليدي

واهم واحد الفتى النبيل
اسيرة النجوم
10-04-2007, 12:43 AM
انا كنت بحب سالي
مايا
موكا موكا
ماروكوووووو
سنبل
وكتير اشيا بحبهم
بس ماني لاقيتهم هلا
بتمنى اتفرج عليهم من تاني في هاد العمر
:b:
اسيرة النجوم
10-04-2007, 12:45 AM
اه نسيت جودي اي صاحب الظل الطويل
وكمان لحن الحياة جميل جدا هالمسلسل الكرتوني

اما حاليا فكتير بحب حلقات كونان المحقق
مارلين برلو
10-04-2007, 12:43 PM
انا كتيييييي كنت احب سالى00 وبيل وسبستيان 00و الحديقة السرية 00 وماروكو 00 وفلة ولاقزام 00 وسنبل 00 وكتير كتير كنت احظر شغلات حلووووة

يييييييييييييييييي ماحلاها ايام الطفولة عنجد كانت ايام كتير حلوة ومستحيل الواحد ينساها

مشكورة حبيبتى هيفا على موضوعك الى زكرنا بطفولتنا
عاشقة ارض فلسطين
10-04-2007, 12:55 PM
انا بحب مارووكو ..المحقق كونان ... لحن الحياة ..عهد لاصدقاء

شكرا عالموضوع ...
نور الهدى
10-04-2007, 06:06 PM
ممممممم

اولا كنت كتير بحب فلة و سندريلا و ماروكو .... و تقريبا كل افلام الكرتون البناتية خخخ

و كمان كنت بحب داي الشجاع و المحقق كونان و و و و ....

باختصار

كنت اي فلم كرتون ع التلفزيون بتابعه هههه

يسلموا ع الموضوع
B a s i m a
10-04-2007, 07:08 PM
أكتر شي كنت أحبه و أعيشه لحظة بلحظة هو بيل و سباستيان...

http://files.shabab.ps/vb/images_cash/uploads/071004170904XKrc.jpg

إن كنت في خطر دائم...

يأتي بيل حالاً إليك...

ينقذك و يدور حولك...

إنه يخشى عليك...

غنوووووووووا معناااااا....اهتفووووووا معناااااااا...

يحيا يحيا الصاديقان...بيل و سباستيان...

يليه مغامرات توم سوير...بموت فيها...

http://files.shabab.ps/vb/images_cash/uploads/071004170905sSzQ.jpg


بعدين صاحب الظل الطويل...و جودي يلي شعرها واقف على الجوانب...كنت دايماً أستغرب من شعرها..و أسأل حالي كيف بتعمله هيك...

http://files.shabab.ps/vb/images_cash/uploads/071004170906c8WO.jpg


ماروكو بحبها كتير...

http://files.shabab.ps/vb/images_cash/uploads/071004170908yNV5.jpg

صديقنا سنبل..سنبل..سنبل...سنبل يعود من جديد...يروي لنا الحكايا عن عالم فريد...

http://files.shabab.ps/vb/images_cash/uploads/071004170910IVNC.jpg

كلميغو...هده كانت تيجي على قناة اسرائيل الله ياخدها...ما بعرف شو كانوا يحكوا عنها بالعربي...كانت تيجي بالعبري...حتى صور مش لائية إلها...

هلأ... على كبر يعني...بتابع تيمون و بومبا...

http://files.shabab.ps/vb/images_cash/uploads/071004170910UrEn.jpg
انين القلب
10-04-2007, 07:39 PM
انا كنت بعشق صاحب الضل الطويل شو كنت لهلا بتمنى يتعرض عشان احضرو في كمان رسوم بحبها كتير كان اسمها جورجي.
سامي - الأحمد
10-04-2007, 11:01 PM
ممكن سؤال؟؟؟؟ليش بتحكوا (كنت أحبه)؟؟مش (بحبه)؟؟
نور الهدى
10-05-2007, 07:23 AM
ممكن سؤال؟؟؟؟

اي طبعا ^^

ليش بتحكوا (كنت أحبه)؟؟مش (بحبه)؟؟

لأنه كان - فعل ماضي ناقص - ... يعني في الماضي كنا بنتابع هالافلام بشغف

اما هلأ فالوضع مختلف ... يعني تفرجنا عليه او لا ... مش مهم ^^
صاحبة القلم الحزين
10-06-2007, 02:09 PM
صاحب الظل الطويل

رووووووووووعة

و ليدي ليدي كمان

و كل الافلام اللي فيهم بنات امامير
الحان الحرية
10-06-2007, 06:06 PM
و نسيت اقلك كمان السنافر
و السيده ملعقة
و قرية التوت
هدول كل يوم كنت اشوفهم
ههههههه