المساعد الشخصي الرقمي

مشاهدة النسخة كاملة : ايهما اهم بحياتك كرامتك ام قلبك؟؟

هيفاء فلسطين
10-01-2007, 10:57 AM
السلام عليكم ورحمة الله وبركاته



أيهما أهـــم بحياااتك كرامتك أم قلبك؟



هل من المعقول ان نستغنى عن قلوبنا

للاحتفاظ بكرامتنا في سبيل ذلك

لماذا يبيع الصديق صديقه والحبيب حبيبته والعاشق وغيرهم (؟)

وكل شخص اكيد صار له موقف من الحياة سواء مع صديق

او حبيب او زوج .... هذه هي الحياة ؟

لم اجد سبب لذلك ..!

صحيح انه لابد ان تكون كرامة النفس فوق كل اعتبار

ولكن لماذا ولدت التضحيه اذا كانت كرامة النفس هي المنتصره

غالبا ؟؟

ام هي مجرد كلمات نؤيد مضمونها ولكن بدون العمل بها ....

لنقف لحظة على بعض الجمل

هي موجوده في حياتنا ودائما نرددها في موقف معين

لا

وانما في حدث ،،،،



خداع

خيانة

كراهية

كذب

ضعف

هزيمة



قالوا :


( من باعنا بعناه )


( اللي يهواك اهواه..واللي ينساك انساه )


( الذي لا يعتبرك ربحا لا تعتبره خسارة )


( الصديق وقت الضيق )


فكـــر قليلاً ...


هل نستطيع حقا تطبيق ذلك !!


فعندما نلتقي بصديق مثلا ..نثق به..ونبوح له بمشاكلنا

ثم

مع مرور الايام نكتشف انه لا يحبنا...ولا يعتبرنا الا خيال


في غيابه نسئل عنه ...وان غبنا لا يسئل عنا

هل حقا نتخلى عنه

لا ادري !!!


وهسه أنتم بعد ما قريتوا الموضوع هل

راح تكونون صريحين

ولا هتسكو وراح تتسائلون وتقولون ما عارفين !!!!!!

ويبقى سوالنا الحائر والمحتاج الى اجابه ......

أيهما أهـــم بحياااتك كرامتك أم قلبك؟
صديقتكم هيفاء فلسطين:-Rosi-::-Rosi-::-Rosi-:
رهينة دمعة
10-01-2007, 11:42 AM
بالنسبة لألي انا كرامتي فوق اي اعتبار
و هادا الشي بسببلي مشاكل كتيرة لدرجة اني انفصلت من المدرسة اسبوع لاني
رديت جواب بوجه المديرة و المعلمة مع اني من المتفوقات
و اللي عنده كرامة بئدر ياخد حئه و اللي ما عنده الناس (بتسطوتي حيطه)
و بصير أهبل
شكرا
هيفاء فلسطين
10-01-2007, 11:53 AM
ممكن أقول كرامتي بس في بعض الأحيان يكون صعب نختار بين الكرامه والقلب

فالصعوبه تحتاج لتأمل وتفكير وبنفس الوقت الشيء يحتاج لتنازل

مثلا ممكن أتنازل عن كرامتي لأشياء ما أقدر أحددها

بس المهم تستاهل

وفي أشياء تستاهل إني أقتل قلبي علشان كرامتي

يعتمد ع حسب المواقف ..
شكرا حبيبتي على الرد
البيساني
10-01-2007, 03:40 PM
أدوس على قلبي من أجل حبي ,, وأدوس على حبي من أجل كرامتي

مشكوووووورة هيفا
الحان الحرية
10-01-2007, 04:44 PM
على حسب الموقف اللي يتمري فيه
بس عن نفسي
صعب جدا اتنازل عن كرامتي
كرامتي فوق كل شئ
و هذا مش يعني انه مافي عفو و سماح
بس لو الانسان تخلى عن حقة مرة بيصير ضعيف بعيون الكل
و بيصير اي حدا يتجرئ عليه
و يسلموو ايديكي هيفاؤوو
! مـــلاكـ !
10-02-2007, 08:54 AM
الكرامة فوق كل شي
شو بيفيد الحب بدون كرامة ؟
شو بتفيد الثقة بدون كرامة ؟
شو بيفيد العلم من غير كرامة ؟
شو بيفيد المال من غير كرامة ؟

أصعب شي بالحياة الذل .،
الذل وسمة عار ..

يعني وحده اتجوزت واحد كل يوم اهانة لإلها ويقلل من قدرها وشأنها
وهي متمسكة فيه .. والسبب شو قال بتحبه !

شو هالكذب والنفاق هاد ، معقول هاد يكون حب؟!
الحب بحد ذاته كرامة ، لما الحب بيتجرد من الإحترام والكرامة ما بيكون حب أساساً
في ناس ما بتهمها كرامتها وبتضعف لأجل مشاعرها المزيفة
وفي ناس بيصمدوا ويخلوا الكل ما يقلل من قيمتهم لأنهم عندهم كرامة والكرامة أخلاق..

في مفتي مصر حكالي أبوي إنه زمان راح على حفلة كان مدعو فيها لـ حسني مبارك
وكانوا جايبين رقص واغاني والخ !!
وهالمفتي العالم بالدين كان بهالحفلة ، شو أفاده علمه من غير كرامته ؟
وين هي كرامته يلي بيحط نفسه بهيك أماكن وهو مثال عن العلم بالدين الإسلامي ..

عشان هيك أهم شي بالحياة الكرامة ، لما يكون واحد فقير وعنده كرامة بيعيش بعز وثقة
ولما واحد غني ما عنده كرامة ، حياته كلها مال ومصاري وبكرا هالمصاري
بدل ما تكون نعمة عليه بتصير نقمة ..

اسفه ع الإطالة ( نسيت حالي وانا أرد :icon29: )

يسلموو ع الطرح الحلو :s (43):
هيفاء فلسطين
10-02-2007, 09:08 AM
يسلمو ايديكم
بس انا بحكي احيانا
بين الحبيب والحبيبه
بكون شوية تنازل
صح
.:.!دموع الرحيل!.:.
10-02-2007, 10:21 AM
كـنـت قبل أقول كرامتي فقط لا غير ..

اما مع الوقت .. ومن هالدنيـا

صار جوابي وباختصار نفس جواب هيفاء

ممكن أقول كرامتي بس في بعض الأحيان يكون صعب نختار بين الكرامه والقلب

فالصعوبه تحتاج لتأمل وتفكير وبنفس الوقت الشيء يحتاج لتنازل

مثلا ممكن أتنازل عن كرامتي لأشياء ما أقدر أحددها

بس المهم تستاهل

وفي أشياء تستاهل إني أقتل قلبي علشان كرامتي

يعتمد ع حسب المواقف ..


يسلمو يا عسل عالموضوع
هيفاء فلسطين
10-02-2007, 10:26 AM
هيك الحياه بدها حبيبتي
rita el falstnye
10-02-2007, 10:39 AM
كرامتي فوق كل اشي شو يعني حب من غير كرامة او الصداقة هيك بيصير الشغلة فيها زل ازا ما كانت الكرامة موجودة
يسلموو هيفا ^^
هيفاء فلسطين
10-02-2007, 11:35 AM
شكرا حبيبتي
بس في اشي اسمو
تضحيه تنازل
صمت الذكريات
10-03-2007, 04:04 PM
بصراحة انا شفت الاغلب بقول كرامته
لكن انا بصراحة ضدكم ححكيلكم ليش
لانه لو حد غلط بحقك حتقول غلط بحقي
ولازم آخد حقي ومن الحكي الفاضي طيب اخدت حقك وبعدين
شو صار صار انك اثبتت لليقدامك انك غير متسامح و غير عفوي
يا جماعة يلي بوخد حقه من حده بكون غلطان لانه بكون ناسي
انه في حد فوقه واعلى منه واقوى منه هو ربه لو كنت مظلوم
راح توخد حقك ولو شو ما يكون عمرها الكرامة ما بتفيد بشي
غير انها تخلي قلوب الناس قاسية ومتحجرة بالنسبة لنظرة الاسلام
لهيك شغلة انه لو حد هانك وضليت ساكت تعتبر قوي قدامه وهو بذل حاله
ممكن ما بتفوت براسكم هالشغلة لكن انا اقتنعت فيها لانها صارت معي
وحده فكرت اني حكيت عنها واجت تشتمني وتسب علي وقالتلي انت الكزب
بجري بدمك والكلب أوفى منك وكلام أكتر من هيك والله كل يلي عملته كنت واقفة
بطلع فيها وببتسم وهي بتحرق دمها على الفاضي واخد ربي حقي منها بانه الادارة
عرفت بالمشكلة وانفصلت البنت يعني جد حسيت انه في مين يوخد حقي لو صبرتي
لكن القلب صعب كتير انه ينجرح او حد يضره لانه القلب هو اساس المشاعر والاحاسيس
والمتحكم فيك وبتعاملك مع غيرك لكن الكرامة لا هاد رايي
&نسيم الروح&
10-03-2007, 10:56 PM
انا بخنار كرامتي بموراقف لازم تكون الكرامه فيها هي الاعتبار

واحيانا بختار قلبي

هاد زمان بس هلا كرامتى فوق كل اشي لانه القلب لحد مش ممكن يجرحني

اما الي بيجي على كرامتي باجي عليه

وميرسي الك على الموضوع
مارلين برلو
10-04-2007, 12:57 PM
اكييييييييد كرامتى فوق كل شى

يعنى ممكن ادوس على قلبى علشان كرامتى ما تنهان وما تنداس

والى ما عندو كرامة الناس راح تستوطى حيطو وبعدين الله يعينو شو ممكن يسيرلو فلهيك الانسان لازم يقوى شخصيتو لحتى يمشى حالو بهالدنيا

مشكورة حبيبتى ملاك على الموضوع الروووووووعة
اماني الفلسطينية
10-05-2007, 10:42 AM
الانين اهم من بعضهم

تقبلي مروري
sallmars
10-05-2007, 11:29 AM
خير الامور الوسط

وحسب الموقف نفسة

تسلم ايدك هيفاء على الموضوع

والله يوفقك اختى:s (43):
الرمشـ الحساسـ
10-05-2007, 11:40 AM
ممممم الاتنين اهم من بعض...
وحسب الموئف الي صار........:b:
ما بعرف صراحة..:wacko::wacko:
تقبليـ مروريـ........:icon26:
تسلميليـ حبيبتيـ هيفا......:icon26::icon26: