المساعد الشخصي الرقمي

مشاهدة النسخة كاملة : فلسطينيون يستعجلون صلاة العشاء والتروايح بسبب "باب الحارة"

خيـرَ أُمـة
09-30-2007, 08:21 AM
نجح المسلسل السوري "باب الحارة" في استقطاب المشاهدين في الأراضي الفلسطينية، لدرجة أن بعض المصلين يستعجلون إمام المسجد في الحي الذي يقطنون فيه ويطلبون منه عدم الإطالة في قراءة القرآن لتمكينهم من اللحاق بالمسلسل حتى لا يفوتهم منه شيء بسبب تعلقهم الشديد به.

ويقول المواطن الفلسطيني أبو موسى من ريف نابلس إن طفله قتيبة يتحايل عليه بالبقاء في المنزل وعدم الذهاب معه للصلاة؛ حتى لا تفوته لقطة من لقطات المسلسل ويؤكد تعلقه به، ويضيف "بات المسلسل كالمرض ويدمنه الكل في أسرته بل في الشارع الفلسطيني بشكل عام، وذلك وفقا للتقرير الذي نشرته وكالة أنباء "رامتان" على موقعها الإلكتروني السبت 29-9-2007.


ويرى مواطنون أن الدراما السورية تلامس الكثير من المعاني اليومية والتراثية الفلسطينية، ناهيك عن التشابه الكبير في الألفاظ والمصطلحات وحتى وجبات الطاعم واللباس التراثي العريق.

وحسب الشاب حسن جود الله من مدينة نابلس فإن أهل المدينة يشعرون بالراحة النفسية لمتالعة كل ما هو سوري؛ نظرا للتشابه بين نابلس ودمشق، حتى إنها سميت عبر التاريخ بدمشق الصغرى؛ بل إن الشابين الراغبين بالسفر للنزهة وشهر العسل باتوا يقصدون سورية.

ويتجمع شبان فلسطينيون حول الشاشة الصغيرة في المقاهي لمتابعة الحلقة في ليالي رمضان، وهم يحتسون الشاي والقهوة ويمسكون بالنرجيلة التقليدية.

ويعمد رواد الشبكة العنكبوتية لمحاولة إستباق الحلقات والبحث عنها في الإنترنت ويقومون بمتابعتها باستمرار وتكرار مشاهدتها عبر الشبكة وتخزينها؛ لتكون حلقات على شاشة الكمبيوتر.

وتنتشر ألفاظ وعبارات لشحصيات رئيسة في باب الحارة على ألسن الأطفال والفتية والشبان على حد سواء، ويتندرون في تمثيل لقطات لهم ويقلدونهم في حركاتهم ويطلقون على بعضهم أسماء الشخوص المركزية في المسلسل؛ مثل أبي عصام وأبي شهاب وأبي قاسم وصطيف وآخرين.

ولا يخفي آخرون تعلقهم بالمسلسل كونه يعايش جزءا من الحياة اليومية للثورة الفلسطينية ومشاركتها في ثورات الشام والتعاون الوثيق بين الثوار على مر العصور السابقة؛ لتضفي بعدا وطنيا في سياق الصراع في المنطقة وجزئياته.

ولم يفوت رسام الكاريكاتير الفلسطيني الشاب محمد سباعنة ربط المسلسل الدرامي بالأزمة الفلسطينية الداخلية، وقام بتوظيف اسم الحلقة الدرامية باب الحارة بلوحة فنية نشرت مؤخرا بدت فيها الضفة الغربية وقطاع غزة كحارتين في المنطقة، وكتب معلقا بسخرية لاذعة "حارتان بدون باب".

-------

المصدر العربية نت
http://www.alarabiya.net/articles/2007/09/29/39724.html
خيـرَ أُمـة
09-30-2007, 08:21 AM
الفكرة من نشر الخبر انه احنا مش شغلتنا ننشر روائع الشعب الفلسطيني وفقط .. لكن ممكن ننتقد امور بالمجتمع موجودة وهي خطأ بهدف تصحيحها ودعوة الناس للتصحيح
طبعا من باب الأمر بالمعروف والنهي عن المنكر الي احنا امرنا فيها

أخوكم
نسرينا الفلسطينيه
09-30-2007, 08:27 AM
والله هالمسلسل الكل بتابعو

صرت احسن حالي الوحيدة الي ما تابعتو

ع قد ما بحكو عنو صار عندي فضول اشوفو

بس هاي قلة عقــل

بجري بصلاتو مشان مسلسل!!

ما بنعاد بميت قناة غير وقت الصــلاة

الله يهـدي ....
بنوو بيت لحم ووتة
09-30-2007, 08:57 AM
والله هالمسلسل محطم عقول وقلوب العالم

بس ما بتوصل لدرجة إنو يستعجلو بالصلاة ليلحقو المسلسل ما هو الو أوقات إعادة العصر وبييجي على قنوات تانية

رمضان شهر للعبادة وعلى كل حال الله يصلح الناس ويهديهم ويعطيك العافية على نشر الموضوع فعلً للأهمية

دمتم بـــــود
**بنت نابلس**
09-30-2007, 09:03 AM
والله هالمسلسل الكل بتابعو

صرت احسن حالي الوحيدة الي ما تابعتو

ع قد ما بحكو عنو صار عندي فضول اشوفو



لا مش لحالك ما تخافي :icon15:
وأنا كمان ما بتابعه والكل بيستغرب لما أحكي هيك..!
نونو الحلوة
09-30-2007, 10:45 AM
انا بتابعه بس مش لدرجة إنه أستعجل بالصلاة عشانو

بس هو مسلسل حلو (حاسة الكل راح يضربني بس هالحكي)

الله يعين عقول الناس


يسلمو أخي ahmadix
بسمة فرح
09-30-2007, 11:02 AM
احمد ربي اني ما بحضرو ولا بعرف عن شو بحكي !

وربنا يهديهم يارب ,,
.:.!دموع الرحيل!.:.
10-01-2007, 12:17 AM
ههههههههههه

ولا أنا بحضرو (( بحضر واحد تاني )) خخخخخخخ

الحمدلله الي لاقيت حدا متلي ..

والله مش بس بفلسطين .. يا اخي أحمد

حتى هوون

الناس ما عندها كلام الا فيه !!

وين ما اروح بيحكي عنه

وفعلا بيرجعو ع البيت بكير بيعملولو حساب

غريب والله

الله يجيب الي فيه الخير

منيح الي سوري مش مكسييكي كان مصيبة هههههههه

مشكور أخي احمد

والله يصلح الأحوال

يعطيك العافيه أخي
سامي - الأحمد
10-01-2007, 12:34 AM
مممممممم................أنا ما بتابع المسلسلات البشريه............d:

بس بتابع الأنيمي.....بس حتى لو بتابع.....مش لدرجة إنه الواحد يستعجل بصلاته؟؟ما مثل ما قالت الأخت آخرتهم بعيدوه...وكمان شو بفيدك؟؟إفرض حالك متت وانت في الطريق على البيت....لازم تكون صلاتك لربك مثل ما كان يصلي سيدنا وحبيبنا محمد صلى الله عليه وسلم......


شكراً لطرحك الموضوع.....................!!!!!!! !!!!!!!!!!!!
ashrafo
10-01-2007, 07:53 AM
المشكلة وقمة الجهل والسخااافة عند المسلمين والهبل انهم يعتقدوا انه المسلسل

الفلاني او غيرو ما راح ينعاد بعض رمضــــــــــان ،،،!!!

والله شيء مؤسف وفي خزي كبيير يعني ليس فقط على شعبنا الفلسطيني بل على جميع

الشعوب اللي بتسمي حالها مسلمة ..!!

الكل غلطان وخطاء وللاسف كل رمضان يأتون علينا في مسلسلات وافلام تـفسق الصيام

وتـفسق المسلم وتضيعه عن ذكر الله ..

حول ولا قوة الا بالله ..!!

اصبح رمضان وللاسف والعار هو اهم شهر لبعض المنتجين والمخرجين والممثلين القذرين

لاخراج قذارتهم وعريهم على شاشات عربية فقط لأجل رمضان ..!!

وعندنا في السعوودية اخف بلاء من غيرها .. على ما اتوقع ما اذكر انه هناك مسجد او

غيرو يقصر في التراويح من اجل غرض دنيوي بخس ..!!

والله يصلحهم .. لو يعلموا ما قيمة رمضان والله غير ما يناموا طيلة الشهر من كثر اجرها وقيمته

عن رب العالمين ..!!

الله يصلحنا اجمعين آآمين ..!!

احمديـــكـــــس يسلمو ياعيووووني ..:s (43):
حنين04
10-01-2007, 08:43 AM
هو عالحلو عن جد المسلسل حلو بس مش يعني نضيع الصلاة علشانه أنا ما بتابعه على طول لأنه لما ييجي عنا على سوريه الارضيه الساعه وحده ونص الظهر بكون بالجامعه بتروح علي الا يوم خميس جمعه سبت بكون معطله وبحضرها بس انا برأيي انه الناس بتحضره لانهم بفتقدوا ايام زمان الحلوة يعني امي وأبوي لما يحضروه وحتى نحنا بنتمنى لو عشنا هديك الأيام لما كانت الناس لبعضها
رهينة دمعة
10-01-2007, 11:35 AM
مسلسل باب الحارة من اجمل المسلسلات على الاطلاق بس كمان العجلة بالصلاة منشانه حراااااااااااااااااام
يسلمو
الحان الحرية
10-01-2007, 12:21 PM
والله انا مريحة حالي و ما بتابعو ولا بفكر اتابعو
يسلموو اخي عالطرح
خيـرَ أُمـة
10-01-2007, 01:19 PM
شكرا للجميع على المشاركة .....



مع اختلاف الاراء حول المسلسل .. انا شفت منه حلقة وحدة والحلقة هاي صار فيها طلاقات الدنيا -وشي حلو عليهم- ...

لكن من ملاحظاتي انهم نوعا ما بيحطو السم بالعسل ... يعني من جهة مكارم الأخلاق ومن جهة ثانية فلانة بتحب فلان وفلان بحب فلانة ودايرة .. تا يصير موضوع الحب اشي اساسي ومعنى سامي وجميل لازم يعيشه كل شاب وفتاة ..

غير هيك انا عرفت سبب المشاكل النفسية الي بتعاني منها مجتمعاتنا ... لما نختلق مشكلة ونعيش الناس في هاي المشكلة ونخليهم يتابعوها بشغف على امل حل المشكلة وووو ودايرة !! ...


الله يهونها ...

أخوكم
قسامي غزة
10-01-2007, 01:31 PM
انا قبل يومين رحت زيارة علي دار عمتي
الكل كان منتبه وولا حركة ولا شي
انا استغربت مالكم يا جماعة
قال بيحضروا باب الحارة
هههههههههههههه
رحت انا غظتهم وقعدت بالصالون
مشان ما يحضروا
وانجبروا ييجوا يقعدوا عندي
بس بجد الكل يتابعه حتي عنا في البيت يتابعوه
بس الحمد لله ما بتفرج علي التلفزيون
مريح راسي
:icon11:
أبو نضارة
10-04-2007, 06:54 PM
إن كان لابد من ذلك .....

يشوفو الإعادة تبعتو

حسبي الله ونعم الوكيل

شكراً لك أخي
danilla
10-05-2007, 04:39 PM
وقت الي بيجي هالمسلسل كأنو بيسير حظر تجول في المنطقة

بس والله من ناحية انو حلو بيجنن

تحياتي

danilla
SWEET*GIRL
10-05-2007, 04:44 PM
اخي بكل بساطه

زي ما انا بعمل

ولا بستعجل ولا اشي

بوصل الدار عال8ونص

وهو بيبدا على ال8

ما بكملو

وعالتسعه بحضرو على قناة قطر

ويللي مابلحقو على قطر

بيحضرو على ليبه على الساعه 10

ولو ما بيلحق هالمواعيد

يحضرو تاني يوم عالاعاده الساعه 2

وما يضوعو صلاتهم لانو حرااااااااااااام

تقبل مروري
إئتلاف
10-07-2007, 02:05 PM
السلام عليكم ورحمة الله وبركاته............................ ..
باب الحارة من أحلى و وأشوق المسلسلات إلي تابعتها لأنو عن جد عمل فني رائع ومتعوووب عليه
لكن حتى لو كان مسلسل جميل ورائع لا يفضل على الصلاة وذلك لعدة أسباب

السبب الأول : نحن مسلمون وفي شهر رمضان فمش حلوة بحقنا نترك الصلاة بسبب مسلسل

السبب الثاني : الحلقة تعاد باليومم 3 مرات على قناة ال (mbc ) وثلاث مرات على قنات قطر

السبب الثالث : المسلسل كامل سيعاد خلال شهووور أخرى على نفس القناة وقنوات أخرى

يعني لا توووجد أية أعذار لترك الصلاة من أجلة وشكرا

يسلموووو إديك أخي أحمد على المووووضوع ويعطيك ألف عافية

تقبل تحياتي أنا إئتلاف ......

شكرا
.:(خالد):.
10-08-2007, 04:50 PM
lمش لهدرجة انه الناس تعجل الصلاة مشان مسلسل


بعدين المسلسل حلو وبييجي بعد التراويح
ابو صلاح
10-08-2007, 11:55 PM
يعطيكم العافيه اخواني والله أنكم ما قصرتوا بنوب

بالفعل مش كل الناس يتابعون باب الحاره

ولا أعتقد انه من يتابعه يفضله عن الصلاه والله تعالى أعلم

نقطه ثانيه وقت المسلسل مو وقت الصلاه وان كانت فهناك اعاده للمسلسل

عن طريق عدة محطات فضائيه وشكرا
خيـرَ أُمـة
10-09-2007, 01:09 PM
شكرا للجميع على المشاركة ...

لم اتوقع هذا الاقبال على الموضوع بصراحة ..


نقطه ثانيه وقت المسلسل مو وقت الصلاه وان كانت فهناك اعاده للمسلسل

هو وقت الصلاة وانا تأكدت من ذلك .. لكن يبدو ان المشاهدين يحبون مشاهدة المسلسل من أول عرض .. فرش يعني .. طاااازة ... اما الاعادة فهي بتكون بايتة وباردة ..

الغريب في الأمر يا اخوان انه في قناة اوربت بامكانك مشاهدة الحلقة قبل عرضها على ال mbc لكن ثمن الحلقة 22 دولار على ما اعتقد ...

سلامي للجميع وشكرا على المشاركة ..

أخوكم
فراشة
10-09-2007, 01:24 PM
ول ول ع شووو كل هادا ... اصلا اغلب الناس بشوفو ع3 قنوات في الاعادة افادة .ههه

لا جد كلامك بعترف اني كنت اصلي بالمسجد بس بطلت مو مشان المسلسل مشان بس نصلي بالمسجد بجو يحكو ويسولفو مو يصلو وكتير بشوشو علينا لدرجة اني بطلت اروح اصلي منهم . ما يحترمو المسجد والخطبة والصلاة ...

تحياتي الك احمد ايكس عالموضوع الهادف
احلى رورو
10-13-2007, 12:32 PM
هههههههههه


والله انا شفت هدول الناس بعيني


خصوصا ليله القدددر

صلو كتير 8 ركعاات وراحو يحضرو ورجعو يحيو ليله القدر!!!
ستارموون
10-14-2007, 03:44 AM
شكرا وفعلا المسلسل ناجح وحلو .
خيـرَ أُمـة
10-14-2007, 09:28 AM
والله انا شفت هدول الناس بعيني


خخخخ وشهد شاهد من أهله ...


شكرا وفعلا المسلسل ناجح وحلو .



العفو أختي ... اهم اشي تكوني انبسطت :)
محمود
10-14-2007, 09:45 AM
فعــلا ً كــلام صحيح 100%

مبارح كنــا نحكي بهيكـ موضوع ..


وانو المســاجد عم بتعاني من هالمشكلــــة ،،


.
.
.
.
||
+
*
لولو اليبناوية
10-14-2007, 02:33 PM
والله هية المسلسلات بهالرمضان شي بخووف..

عنجد بتحس الغرب قدرو يعملو الي ببالهم ويلهونا عن العبادة..

مسلل متل باب الحارة كتيييير رائع عنجد بتعيش الاجواء

وكيف بفرجيك بساطة اهل زمان...والعالم شو كان وقتها الناس عندها ومبادئ

بس لو ببنعرض بالايام العادية ^^

تسلم احمديكس
المسلمممه
10-14-2007, 03:16 PM
ههههههههههه

ولا أنا بحضرو (( بحضر واحد تاني )) خخخخخخخ

الحمدلله الي لاقيت حدا متلي ..

والله مش بس بفلسطين .. يا اخي أحمد

حتى هوون

الناس ما عندها كلام الا فيه !!

وين ما اروح بيحكي عنه

وفعلا بيرجعو ع البيت بكير بيعملولو حساب

غريب والله

الله يجيب الي فيه الخير

منيح الي سوري مش مكسييكي كان مصيبة هههههههه

مشكور أخي احمد

والله يصلح الأحوال

يعطيك العافيه أخي



منيح اللي سوري ومش مكسيكي


هههههههه
المسلمممه
10-14-2007, 03:26 PM
لا مو بس انتم بفلسطين ..لتكونون فاكرين بس انتو ...

احنا بحارتنابالمدينه محلات الفول سموا باسم المسلسل ...((فوال باب الحاره)) ههههه ..و((مطبخ باب الحاره))ههههههههههه

صار عندهم جمهور هافوال والمطاعم ..ههههه

ولا اخوي صدع راسنا فيه ولا عيال عمي الصغار .بعد مايخلص المسلسل .يطلعوا برا البيت ويستعرضوا شجاعتهم مع بعض <<<اطفال وخيالهم واسع هههههه

انا صراحه اتابع الاجتياح لانه سياسي وانا تهمني الامور السياسيه مره.<بس زودوها بقصص الحب .هو وبعز الحرب والقصف يكلم حبيبته .<<غير منطقي.

شكرا اخوي احمد عالموضوع المهم .والحمد لله عالسلامه
خيـرَ أُمـة
10-14-2007, 04:33 PM
حياكم الله جميعا ...

بالنسبة لمسلسل الاجتياح الي تكلمت عليه اختنا المسلممممة فهو مسلسل مصيبة ويريتهم ما عملوه ...

يعني عشان تبين بطولة اهلنا في مخيم جنين تروح تضربلي الأخلاق والقيم والدين كمان ...

ناس ضحو بحياتهم لا يمكن يكونو حبيبة ودايرين ورا فلانة وعلنتانة .. ولا يمكن يكونو دايرين ورا الدنيا ...

مثل ما حكينا قبل انه وضع السم على العسل ...

بصراحة فعلا يا ريتهم ما عملو هيك مسلسل ... لانه في نظري يمكن نشرو شوية وعي لكن في المقابل خربو فكر واخلاق و عارضو الدين ..

أخوكم
المسلمممه
10-14-2007, 05:15 PM
صح كلامك اخوي احمد .مثل ماقلت زودوها بقصص لحب شويه ..يعني الجانب الديني الغوه.
خصوصا لمن انطخ مصطفى قال لحبيبته بحبك ..بدال مايقول لااله الا الله..؟؟

هو المسلسل محمس بس صراحه فيه اشياء غير منطقيه كثيره
نور الهدى
10-14-2007, 07:16 PM
الله يهدي الجميع ... والحمد لله ما بحضر مسلسلات ^^

اشكرك على الطرح
المسلمممه
10-14-2007, 07:37 PM
الله يهدي الجميع ... والحمد لله ما بحضر مسلسلات ^^

اشكرك على الطرح

نوووووووووووووووور :36_1_4[1]:36_1_4[1]:36_1_38[1 حبابه نور كيفك شخبارك وكل عام وانت بخير حبابه ..خبريني عنك.....:icon5: