ليش صرنا احنا هيك كرمال شو ؟؟؟

[blue-girl]

مرررحبا
انا جيت اكتب هاد الموضوع بعد ما سوت بحث ع النت
كنت بدور ع اغنية علي الكوفيه كرمال انزلها وما لقتها
بس شفت كتتتير منتديات كاتبه عنها
ولفتني انو في اكتر من منتدى لقيت انو بيحكو عن من كتب او جاب سيرة هل االغنيه حكو
((((فتحاوي)))
هلا الكوفيه معناتها حطة ابو عمار
ليش صارة فتحويه
ليش كل شي بصير هلا فتح وحماس
بصراحه كل ما كنو يشوفو حدا الو دقن اولحيه يحكو حمساوي ؟؟
مو الحيه من السنة الرسول عليه الصلاه والسلام !!!!!!!!!!!!!!!!!
ولما احكي انا فلسطنيه
اتسال عطول
حمساويه ولا فتحاويه؟؟
شو مافي فلسطني ساده !!!!!!!!!!!!
من دون احزاب



حبت انو اشوف وجة نظركوم متلي ولا لا
وموضوع بيستحق انو نحكي في

مشكوره
تقبلو تحياتي
اختكوم
blue girl .....

[لمن يجرؤ]

لا تعليق

[نزف المشاعر]

اكيد بيستحق انو نحكي فيه لكن مهما حكينا مين راح يسمعنا اذا قدوتنا والكبار عندهم هاي التفرقة


ليش وصلنا لهالمرحلة مو كلنا فلسطينيين مو كلنا من بلد واحد مو كلنا من ارض وحده مو كلنا مشتركين بنفس المأساة والوضع وبدال مانتحد ونحرر بلدنا بنسوي احزاب وبنفترق عن بعض


بجد نحنا السبب فالوضع اللي نحنا فيه لو كنا متحدين ومتعاونين ماكان صار اللي بيصير هلأ


بس الله يعين


تسلمي اختي ع الموضوع

ولو ماقدرنا نغير فكر اللي بالخارج عالاقل نغير فكر الموجودين فالمنتدى

[خيـرَ أُمـة]

أختي الكريمة ..

طبيعة الانسان ان هيربط بين الأحداث وبين أمور مادية .. مثل اللبس وغيره ...

يعني مثلا ريحة عطر معين ممكن تذكرني بشخص .. ومقهى معين ممكن يذكرني بأصدقاء .. غير هيك اللبس ممكن يذكرني بجماعة معينين ويخليني اشعر انه اللبس صار ملك الهم ..

بتصور هاي طبيعة الانسان .. وبعلم النفس بسموها "روابط ذهنية" ...

شكرا على الموضوع ..

[روزي]

بصراحة لما بشوف الوضع الي وصلنا الو كتير بتعب نفسيا وبحكي متا راح نبطل هيك حزبية وتشدد لدرجة مش عارفين لوين راح نوصل في اخر هالنفق يارب نرجع زي زمان ونبطل هاكلام الي بوجع القلب وشكرا الك اختي على اثارة الموضوع هاد ويارب نلاقي بصيص امل في هالنفق المظلم

[حمساوي وافتخر]

كلام حلوووو

الصراحة كل واحد تمسك في شيء ومع الزمن والمدة اصبح هذا الشيء كانه جزء منه مثل الكوفية واللحية ...

[حمساوي وافتخر]

على فكرة انتي ما قلتي انو اذا كان اله شنب فتحاوي ههههههههههه

[SWEET*GIRL]

نو تعليق((:

[blue-girl]

مشكوره ع الرددود بس انا من الناس الي عايشه برا ولما جيت ع غزه صدمت في الواقع و تفكير الناس وعادتهم و الشغلات الي ماشين ع هواها
تقبلو تحياتي

[ابن الحرية]

ليس كل من قال انا فلسطيني يعني حمساوي او فتحاوي مثل انا من يسئلني من انت عربي فلسطيني خليلي ههههههههههههههههههههههههههههههه

[عبق الياسمين]

لا حول ولا قوة الا بالله
اللهم وحد شملنا يا الله

[بسمة فرح]

متدقيش كتير يا بلو جيرل وخليكي ريلاكس :icon11:

[رفيق من جديد]

رفيقتي ..blue-girl

تحية هذا الوطن الذي يسكننا و لا نسكنه !!!

في البداية احب ان اوضح ان التمييز بين الشعب هو جريمة وطنية تسحتق القتل .. لان تفرقة الاخ و اخوه .. عمل منحرف وطنية ..

بخصوص فتح و حماس ..
لا فتح كاملة و لا حماس كاملة .. كلهم اخطاء ...
و كل الاحزاب الفلسطينية خطائه ..

و لكن في نفس الوقت يجب ان لا نلغي اهمية وجود تنظيمات تبقي فلسطين في الاذهان ..
شكرا للموضوع

ربما طبيعة الحياة في فلسطين و المعجونة بالسياسة تجعل من الصعب وجود شخص لا يملك ميلو سياسي و يجد تنيظم يعبر عنه و عن افكاره ..
ليس من الخطاء بشيء الانتماء السياسي و لكن الخطاء كل الخطاء هو التعصب الغير مبرر للفكرة ..


وتصبحون على وطن

[مارلين برلو]

الله يكون بعونا يارب ما بعرف شو الى صارلنا نحنا الفسطينية يعنى هالاحزاب كتير تعبولنا نفسيتنا

يعنى صار لما تشوف اى شخص قبل كل شى بيسال انت فتحاوى ولا حمساوى بجد شو هالمصيبة هاى

حتى انو لدرجة ادا تقدم لوحدة عريس بيسالوه ادا فتحاوى ولا حمساوى بالله هاى مهى مصيبة

ونفسى اشوف واحد بيقول عن حالو فلسطينى بدون لا حمساوى ولا فتحاوى

والله يعينا على هالحياة

مشكورة حبيبتى على موضوعك
تحياتى الك

مارلين برلو:s (43)::s (43):

[blue-girl]

المفروض الاحزاب و السياسه تكون بس في داخل المقراتهم فقط لا غير ولا نحدد شخصيه الشخص على حسبها
ولا نتسمي فيها بدك تتسمي باسماء غير شكل ما حدا متلك اتسمى باسم عائلتك
و مشكوره للردود

[Abu Shadi]

بعين الله خيتووو

اصلا الشعب الفلسطيني

صار الف قسم

والرسول قال اللهم صلي وسلم على سيدنا محمد

المسلمون بضع وسبعون شعبة لا يدخل الجنة منهم غير شعبة واحده


الله يجيب الي فيه الخير اختي

تحيتي الك

[ابن الحرية]

تحية ماركسية حمراااااااااااااااااااااااا
تردون ان تعرفو لماذا نحن هكذا حسنن
اخبركم وارجو من الاعضاء عدم الزعل واخذ الموضوع على اساس حزبي او على اسا س عدواني
اولا نحن شعب ينتهك عرضة وشرفة ولا احد يستطيع القول ما هاذا من حكام او بمعنا اخر من الكلاب الحكام العرب
ثانيا _ لننا شعب لا يسير الى بضرب النعال فوق راسة مع اسفي
ثالثا _ من اتا بحماس على كرسي العرش التي حرمتة في الف وتسعمة وخمس وتسعون
اين كانت فتح في هاذا الوقت التى يجب ان توحد الصفوف
كانت في ملاهي الرقص والاهتمام السرقة والنهب من لحم كل فلسطيني
بعد تول انتضار ريت حماس على عرش الحكم
وماذا تفعل يا ريتني لم اراها تقتل كل من قال انا ابن فتح وابنا فتح نايمون ليس لسبب فقط لينها انتهت او يحكمهم انسان خاين (..م......) وماذا فعلو بشعب يذبح على طريق الرحمة والتحرر
رابعا _
التخلف الذي وصل الى معقل دارنا الهتمام بمضهر الشعب وما لا يعرفو ان الشعب لييس له منضر اهتمو باموال التي تاتي للشعب ونس الشعب الجائع
ليتني لم اعش لارا ابنا فتح وابنا حماس وكما قال الدين الاسلامي ليس انا من يقول انهم اخوة وابنا شعب واحد اين انتم الها الشرفاء من ابنا فتح وحماس استنجدكم ان ترحمو هاذا الشعب لا اريد ان اطول عليكم واتحدا ان ياتي انسان
بننا خير امة اخرجت للناس وسلام عليكم

[blue-girl]

هلا انا اسرخ ولا شو اسو بطلوووووووووووووووووووووووووووووووو وووووووووووووووووووووووووووووووووو
تحكو فتح حماس فتح حماس
ولكو فكونا ريحونا الله يقطع هيك ناس ما بتفكر الا بلاحزاب انا بحكيلكم احنا على الاقل في المنتدى بدنا نبطل نحكي بل احزاب جننتوني هبلتوني الله يعن الفلسطني ع كل حزب بدو يضل يرمي اخطئو ع الحزب التاني احنا اخوااان بعض احنا ولاد عم انا بدي الكل يحكي انا فلسطني سدودي او خليلي او غزاوي او او او مو فتحوي ولا حمساوي

وسلام

[&نسيم الروح&]

ما بعرف انا عايشه بكندا وقبلها كنت بالاردن

ما عمري رحت على فلسطين بس الي كان ماشي بالاردن قبل ما اسافر

انه الفلسطيني يا هيك يا هيك

اما فلسطيني ساده ما في

وبكندا في عربي مسلم ومسيحي وفي مو عربي

ما بهمهم فلسطيني ولا مصري ولا حتى سوري ولا اي شي تاني

[الحان الحرية]

ياااااااااااااااالله امتى بدكو تخلصونا من فتح و حماس

المسلمون بضع وسبعون شعبة لا يدخل الجنة منهم غير شعبة واحده

تفسير الحديث لا يدل على انه عالاحزاب السياسية بل عالاحزاب الدينية مثل الشيعه و العلويين و البهائيين و ما الى ذلك
من مخرجي البدع و الفتن

و الله يجيب اللي فيه خير

يسلمو بلو جيرل

ارق تحية

الحان الحرية

[blue-girl]

و عكل حال احناااااااااااااااااااااااااااااااا ااااااا فلس طنيه
يعني احنا فلس طنيه
افهمو احنا ما بدنا نكون منفصلين هيك بدنا نكون كلمه وشعب واحد
فلســــــــــــــــــــــــــــــــ ـــــــــــــــــــــــــــــــــــ ــــــطينيه
وشكرا للردود
حبايبي
اختكم

[rita el falstnye]

صحيح انا صارت معي انا بلبس الكوفية الفلسطينية السودة و البيضة هسا احنا بالعيلة اكتريتنا جبهاوية وصارو يحكولي شو قالبة فتحاوية انا قولتلهم هاي كوفيةفلسطينية مش لحزب معين انا كتير بنقهر من هالشغلة
ومش عارف ايمتا بنا نتوحد ونصير ايد وحدة

[فليسطينية 100%]

حسبيا الله على سيعة الي افترقنا فيها وبس

دون تعليق

[فليسطينية 100%]

ويسلمو بلو جيلر

وبالنسبة لالي انا فلسطينية 100%

[blue-girl]

مششششكوره ع الردود
يا اخوانيي