هل أنت واثق من نفسك ؟؟!

[خيـرَ أُمـة]

السلام عليكم

بسم الله الرحمن الرحيم


هل أنت واثق من نفسك ؟؟

سؤال قد يكون غريبا على البعض ... وقد أكون أول من طرح مثل هذا التسائل في المنتديات لكن لا بأس ... فالابداع هو ان نأتي بالغير معهود والغير متوقع ..

وهذا يعني انني مبدع وهذه صفة يجب ان تشهدو لي بها :icon11:


كل واحد منا اخوتي الكرام في شريط حياته مرت عليه لحظات ومواقف سلبية .. البعض منا تجاوزها فكانت أثرا بعد ذكر .. لكن في المقابل البعض الاخر ما زالت هذه الاشارات والتجارب السلبية تنغص عليه صفو حياته وربما تكون عائقا له في تحقيق نجاحاته المستحقة.. وطموحاته التي ينظر اليها ويسمو لها.

قامت احدى الجامعات الغربية بعمل دراسة أفادت بأننا بين سن ال 2 الى سن الى 18 سنة نتلقى 180 ألف اشارة سلبية .. في المقابل 4 الاف اشارة ايجابية ... وهذا الرقم غير عادي ويكفي لتدمير أي انسان ..

أنا شخصيا مرت علي تجربة سلبية نغصت علي حياتي فصرت كلما تذكرتها أحس بالمعاناة وبالألم يعتصرني لما حصل .. أضف الى ذلك انها كانت رابطا سيئا لفترة من الزمن في حياتي .. وقدعطل علي الكثير من النجاحات التي كنت أنظر لها ..

عندما كنت في الصف الرابع الابتدائي سأل مدرس العلوم سؤالا بسيطا جدا فرفعت يدي متحمسا "انا يا استاذ انااااااا" .. لكن للأسف صديقكم الذي هو أنا فهم السؤال بالخطأ !! فكانت اجابتي على السؤال غبية جدا مما اثار المعلم وطلاب الصف فصار الكل يضحك لدرجة اني شعرت بأن الكراسي والطاولات أيضاً كانت تضحك .. حتى صار كل واحد منهم يضرب رأسي بكلمة من هنا او هناك .. فهذا يقول "يا غبي" والاخر ينعتني بالأحمق وغيره من الكلما التي تعتبر مؤشرات سلبية التي أثرت علي ...

في المحصلة النهائية اخواني الكرام كان نتيجة هذه التجربة السلبية على بساطتها انني بقيت لسنوات لا أرفع يدي لأجيب حتى لو كنت أعرف الاجابة الصحيحة .. طبعاً الا اذا طلب مني المعلم .. اذا في المحصلة فقدت الثقة بنفسي !!

الى ان وفقني الله بالانتقال الى مدرسة اخرى وتجاوزت تلك المشكلة التي عطلت علي الكثير والكثير من الاستحقاقات التي كنت انظر لها ..

السؤال هنا اخوتي هل هناك تجارب سيئة لكم بمثل ما حصل معي جعلتكم تفقدون الثقة بأنفسكم ... في ظني جميعنا مررنا بتجارب سلبية بعضنا تجاوزها والبعض الاخر ما زال يعاني منها .. لكن باذن الله سنحلها هنا في هذه الصفحة المباركة..

في انتظار تجاربكم وتعليقاتكم ..

أخوكم

[عاشق البندقية]

فصار الكل يضحك لدرجة اني شعرت بأن الكراسي والطاولات أيضاً كانت تضح

ههههههههههههههههههه
انا كمان ضحك خخخخخخ

هاد اولا ..

تانيا ..

زمان عنك يا إرد ليش ما بتفوت المنتدى.

تالتا ..

بردو انا مريت بتجربه من 7 سنوات وللاسف للان مش عم ترح عن فكري .

كان هاد يوم 13/6/2000 يوم وفاة جدي "والد والدي الله يرمو ..

يومها صلينا عليه بالجامع ،، ويومها ما غابت عيني عن ابوي .

كنت احكي بنفسي "انا ابنه ولازم اضل معاه واسانده وين ما كان .

المهم لما طلعو بدهم يدفنو ،، اجيت بدي الحقهم ...... ابصر انو ابن !❊#❊!#$ داحشلي الكندره تحت ستاند الكنادر

ويمكن قعدت نص ساعة ادور ولما لقيتها،،

كانو دفنو وخلصو ،، كان نظرات ابوي لالي مكش حلوة بالمره ..

وهاي القصه للاسف مش قادر انساها . لحد الان .

:)

هاي هي قصتي.

حبيبي ابو حميد ما تحرمنا هالطلة.

اخوكم .

[خيـرَ أُمـة]

حياك الله عاشق البندقية .. انا قلت حرجع حلقاك عاشك الكلاشن او ال ار بي جي ... خخخ

عموما أهم اشي ما يأثر عليك الموضوع كل ما قربت من ستاند الكناد -الله يكرمك- لأنه مثل هيك مواقف للأسف بتضلها عالقة باذهانا مثل ما صار معي بالمدرسة ..

عموما في حلول لهيك مشاكل وحنحكي فيها ان شاء الله .. لكن خلينا نعطي فرصة لغيرنا يشارك بتجارب شخصية ..

يبدو انه منتدى النقاش الجاد ما اله رواد للأسف .. !!

الله يجيب الي فيه الخير ..

شكرا على مرورك يا حج والموضوع ما زال تحت النقاش ..

أخوك

[فليسطينية 100%]

بتعرف اخي يمكن انا اكثر وحدة معدومة عندها الثقة بنفس من كثير مواقف واولها عندي العربي مكسر شوي وكل ما احكي بصيرو يضحكو علي وكمان مرة في درس رياضيات شرحت المسالة بشكل موسع وكان صح واستاذ عملي محاضرة على انو شرحي غلط ومن يومها بخاف اشارك او اجاوب غلط والله يومها شوي واغمى علي ......

وفي كمان كثير مواقف مرت بحياتي اثرت علي كثير وسببتلي عدم الثقة بنفس ........

يسلمو الك اخي على الموضوع الرائع ويعطيك الف عافية :)

دمت بخير :)

[الاماني الفلسطنية]

سعات بنحس بالاحباط بسبب موقف تعرضنا الو بحياتنا وبأثر علينا ,,

ومن خلال هادا الموقف ممكن ثقتنا بنفسنا تقل او تهتز ..

مثلا عندي صديقة عزيزة عليي وعدتني بانها تزورني , وانا عاد انتظرت زيارتها بفارغ الصبر ,,

وبعدين اتفاجأ انها ما اجت ولا حتى اعتزرت هيك بحس انها ما عادت تحبني ولا بترغب بزيارتي وهادا اسمو

احباط واحيانا الاحباط الى انعدام الثقة بالنفس ...

وانا برأيي بتوقع أكثر سبب يولد انعدام الثقة بالنفس هو النقد الهدام و التوبيخ أمام الناسالذي يلجأ له البعض


فيؤدي إلى زرع ضعف في النفس تكبر رويدا رويدا الا ان تصبح عقدة الشعور بالنقص


فيشك الانسان بقدراته و بالتالي تضعف ثقته بنفسه...

شكرا الك اخي احمد ايكس على الموضوع الي بستحئ النقاش ^^

[احلى رورو]

مشكوور احمد عالموضوع الحلو والغريب شويتين ^ ^

بس انا حابه اعطي تعليق بسيط

انو انا ما بعرف في اشي بنظراتي للناس

يعني انا لما اطلع على اي حدا بمشي بحسو بتلبك وبطل عارف يمشي

لما اطلع على حدا بحكي ببطل عارف الحد يحكي بسير يتقتق

بحس حالي بأثر عالناس يعني كاني بفقدهم ثقتهم بحالهم لفتره قصيرة

مثلا على ايام المدرسة المعلمة بتكون تشرح لما اسير اطلع بالمعلملة وتجي عيني بعينها


بتبطل عارفة تحكي هههههههههههههههههه

بتسير معي هاي القصة كتير كتير

يسلمو احمد عالموضوع كمان مرا والي عودة ان شاء الله

[ابنة الشتات]

طبعا كلنا بنعرف انو الدراسة بكل الدنيا 12 سنة من اول لتوجيهي
بس بكل بلد غير شكل النظام المهم هون بالبحرين 6 سنين ابتدائي و3 اعدادي السنة الأخيرة منهم مترك و امتحانات وزارية وطبعا 3 سنين ثانوي ويعتبروا هدول 3 سنين كلهم توجيهي لأن المعدل تراكمي بكل فصل من ال6 فصول خلال التلت سنين

هلأ انا طول عمري بجيب 94 او 92 مرة 98 هيك أشياء بس لما دخلت 3 اعدادي الي هو المترك جبت الفصل الأول 86 والفصل التاني حوالي ال95 فالمعدل النهائي الي صار 89.5 تقريبا هلأ لما جبت الفصل الأول السته وتمنين متير نصدمت وبكيت والي آخره ولما صار المعدل النهائي 89.5 كمان بكيت لأن بضوا ما دخل معدلي نطاق ال90 والناس اتصلت ع أساس تبارك والله في ناس عمرهم ما اتصلوا اتصلو ع الأغلب شماته

قلنا سنه وبتعدي المهم الثانوي.... دخلنا الفصل الأول من الثانوي وجبنا بضوا 89.5 وبرضوا بكين بابا قالي انتي معلقة عهالنص هاي احسن مواسه بوقتها كانت الي وطبعا الفصل التاني بصير تكريم للي بجيب ب 90 وما حضرنا التكريم وبكينا وكل شي خصوصا انو صاحباتي كلهم كانو مع اني بحبهم وباركتلهم ومبسوطة الهم كتير أكيد بس بضوا عزت علي نفسي كتير مو شوي اجا الفصل التاني وجبت فيه 92 بس التراكمي تبعي صار 90.7 قلنا الحمد لله هيو ارتفع فرحت وقتها وهيك بس ما كانم في حفل تكريم يا حسرة علي ....

دخلنا التاني ثانوي الزفت وعمروا ما كان عندي امل وثقة متل ما كان عندي هداك الوقت كلن املي اجيب ال 96 وكنت كتير متحمسة قبلها قرأت كتاب من احلى الكتب الي قرأتها بحياتي ايمه يمكنك ان تفعلها لكاتب اسمه بول حنا خلص الفصل وجبت فيه 84.5 :icon6: والتراكمي طبعا 88.1 بس الفرق انو الفصل التاني وقت الحفلة كنت كتير قوية عمري ما كنت هيك مع انو قبلها بيوم كنت قاتله حالي من البكى
واجى الفصل الي بعده وجبت فيه 85.5 والتراكمي صار 87.8 بس لما أخدت الشهاده ما بكيت وكنت كتير عادي بجوز بعدها ب3 تيام اتزكرت اتامل فيها

هلأ المشكلة بالموضوع انا لحد 3 اعدادي الفصل الأول من الثانوي كنت ابين اني متدايقة من الوضوع هاد وهيك بعدها لأ وبشده حتى كل الناس الي حولي بفكروا انو هاد الموضوع ما عاد يفرق معي بالمرة مرات بنبسط انو هيك بس كتير انا مقهورة لأ ما بحب الناس تكون مفكرة عني شي وانا شي يعني صح انا كبرت عجرحي لفتره بس صعب علي انو ما احكي لحدا حتى هاد الموضوع ما بحب احكي فيه لما آجي احكي بيرتبط لساني الله وكيلك


هلأ انا 3 ثانوي متل ما بيحكوا توجيهي انا بعرف انو معدلي مش رح يصير بالتسعين لأنو لازم اجيب بكل من الفصلين 95 وانا ما بجيبها ... بكره كلمة توجيهي مع اني بحكيها كتير الناس مع انو مكلهم بيعرفوا انو النظام عنا ع 3 سنين وانو هاي مو سنه حاسمة ولا شي زيها زي الي قبلها بضلوا يحكوا توجيهي توجيهي
توجيهي توجيهي ........ والله والله كل سنه بنزل ع الأردن بيحكولي انتي بأي صف السنة بس انزلت قبل مرحبا بيححكوا شدي حيلك عليكي توجيهي يا سبحان الله جد هاد الموضوع كتير عم يوترلي اعصابي
حتى بلاش اجيب بالزفت 90 بس نفسي تكون عندي حماسة متل قبل عندي كتاب لنفس الكاتب تبع يمكنك ان تفعلها صلو 4 شهور مرمي بخلقتي بجوز الي قراتها بس المقدمة وكنت متزاورة وانا بقرا فيها بس بمسكة بفتحة وبضبه نفسي الناس ما تسالني عن التوجيهي كتير عم تتوتر اعصابي لأنو موشوي يعني حلوا عني بعدها السنه ما بلشت وانوا شدي حيلك وديري بالك والسنة غير ما بعرف شو يعني كتير هيك والله حتى لول الي نفس ادرس ببطل والمشكلة انو مو بس من هلأ من العام باعتبار انو اخوي كان توجيهي كل ما يحكوا شي عنوا انتي السننة الجاي متل هالوقت بتعملي هيك ييي علينا حلوا عنيد ما كنت داخلة وقتها توجيهي ... المشكلة الناس بتحيك هيك من العشم وانا والله بساير وبرد وبحيك ولا كانو صاير شي بس ما بيشبعوا من الحكي

هلأ انا بعرفش الي حكيتو كلو هاد الو دخل بالموضوع بس انا كن كنت اعتبر حالي من اكتر الناس الي عندهم ثقة وحماس بس هلأ أبصر كيف
آسفة ع الاطالة بس كتير نفسي افضفض كان بدي نكشة احكي

شكرا كتير عنجد عالموضوع
(من فرج كربة عن اخيه فرح الله عنه كرب يوم القيامة )

[sallmars]

موضوع حلو اوى و عجبنى

و انا بقى حكايتى حكاية

انا بخاف من اى كائن حى غير الانسان

بجد و الله لوقرب منى اى نملة او اى حاجة صغيرة

ببكى و اصوت و بتجيلى حالة غريبة

و ليا مواقف كتيييييييير اوى بسبب خوفى دة

بخاف من كل الحيوانات بلا استسناء

و الغريبة بقى انى عمرى ما خفت من اى شىء مرعب

او اى فلم رعب الاقى الكل بيخاف من الفلم الا انا عاااااادى خالص

و حتى بيقولولى الى يشوفك دلوقتى ميشفكيش ادام نملة:icon6:

و الله الكلمة دى بضايق منها

بس اعمل اية انا بترعب من اى كائن حى غير الانسان

و مش عارفة السبب اية:b:

و مش فاكرة الموقف الى خلانى اخاف بدرجة دى من الحشرات

و كل الحيوانات

سورى طولت عليكم:b:

مرسى اخى مرة تانية على الموضوع:showoff:

و الله يوفقك:s (43)::s (43)::s (43):

[نور الهدى]

طيب

انا بصراحة مشكلتي مع الثقة بالنفس بلشت من يوم اقمت في فرنسا ...

في الجزائر كنت دائما متفوقة على مستوى مقاطعتنا ... و كنت واثقة من حالي ثقة مش طبيعية

فجأة ... تحطم كل شيء لما دخلت المدرسة الفرنسية

و اول صدمة الي كانت مع مدرّسة اللغة الفرنسية

كانت تكرهني بشكل غير طبيعي ... و حاقدة علي بصورة خيالية

مع اني يا حرام ما عملتلها شي

كان اول يوم الي في المدرسة ممل ... و الكل مفكرين اني ما بعرف احكي فرنسي ... فما حد يحكي معي

مع اني كنت احكي بطلاقة ... بس شو نعمل ... ذنبي اني عربية

بتذكر اني دخلت بعد شهر من بداية الفصل

عشان هيك كان لازم علي اكتب كل الدروس ... و معلمة الفرنسي اعطتني كتاب و طلبت مني اقراه في يومين :wacko:

المهم مع كل الدروس في المواد التانية اللي كنت لازم اكتبها ما قدرت اخلصه في يومين ...

و لما عرفت ... :icon28:

انبتني بشدة و قالت اني وحدة كسولة و و و ....

و من هداك اليوم و انا معي عقدة في مادة الفرنسي

زد على ذلك انه منهاجهم في هالمادة وسخ ... و مواضيعه تافهة ...

فانا بكره الفرنسي

و ما اقرا ابدا كتب بالفرنسية ... كفاية انه دراستي كلها بالفرنسي ...

بعدين الي عقدة تانية ... و هي من المدرسة ... انا بكره المدارس الفرنسية ... و لما اشوفها ينقبض صدري

لاني انطردت منها بسبب الحجاب ... فمشكلتي مع المدرسة مشكلة كبيرة ...

هاي عقدي باختصار هههههههه

و يا رب يحملني من هالبلاد و اروح لاي بلاد عربية تانية ... المهم ما تكون بلاد غربية ... زهقت من هالعيشة يا نااااس

[خيـرَ أُمـة]

بتعرف اخي يمكن انا اكثر وحدة معدومة عندها الثقة بنفس من كثير مواقف واولها عندي العربي مكسر شوي وكل ما احكي بصيرو يضحكو علي وكمان مرة في درس رياضيات شرحت المسالة بشكل موسع وكان صح واستاذ عملي محاضرة على انو شرحي غلط ومن يومها بخاف اشارك او اجاوب غلط والله يومها شوي واغمى علي ......

وفي كمان كثير مواقف مرت بحياتي اثرت علي كثير وسببتلي عدم الثقة بنفس ........

يسلمو الك اخي على الموضوع الرائع ويعطيك الف عافية :)

دمت بخير :)

أختي فلسطينية 100% ..

اول اشي انا بهنيكي على ثقتك بنفسك الي لولاها ما كان شاركتي بالموضوع هنا ...

وانا بأكد لكل الاخوة والأخوات الذين شاركو هنا بانهم يملكون ثقة بالنفس .. لكن المشكلة انها "مهزوزة" بعض الشيء وان شاء الله موضوع الاهتزاز بنحل :showoff:

أول اشي اختي بالنسبة للعربي المكسر .. اللغة العربية ممكن اكتسابها بالتعلم وانت أكيد قادرة انك تتعلمي العربي .. غير هيك من قال بان تقييم الأشخاص يكون على أساس نطق الحروف ,.. غير هيك وهيك انظري للموضوع على انه ميزة بتميزك عن غيرك : )

اما بالنسبة لمدرس الرياضيات .. للأسف المدرسين عندهم اسلوب غير عادي في افقاد الطلاب ثقتهم في انفسهم .. وللأسف الكلام هذا موجود أيضا في الجامعة .. أذكر فيما أذكر انني عندما كنت بالجامعة رسبت في مادة بسبب معاندتي لمدرس في مسألة انا واثق من خطأ المدرس فيها ..
لذلك بحكيلك اختي ما تنظري للموضوع على انه مسألة شخصية ولكن هوي مشكلة عامة في الوطن العربي وبنا نعيش معها ونحاول نحلها لكن بدون ما تأثر علينا سلبيا ..

كاني سمعتك بتتكلمي عن الطول :icon15: .. اختي الكريمة الطول ميزة افتخري بيها وما تخليها سلبية تأثر عليكي .. انت بتمتلكي ميزة الطول الي كثير من البنات والشباب فاقدينها ... انا شخصيا كان نفسي أكون 180 لكن الظروف ما سمحت غير ب 176 .. يالله الحمد لله نعمة كريم :icon11:

[وردة حماه]

الثقة عندي معدومة بأمور و موجودة بأمور و وسط بأمور ...بمجال الدراسة شبه معدومة عندي بأمور العمل و الإعتماد عالنفس عندي كل الثقة بنفسي و بعلاقاتي مع صديقاتي بين بين ...

شكرا الك اختي ع الموضوع الحلو ...

[خيـرَ أُمـة]

سعات بنحس بالاحباط بسبب موقف تعرضنا الو بحياتنا وبأثر علينا ,,

ومن خلال هادا الموقف ممكن ثقتنا بنفسنا تقل او تهتز ..

مثلا عندي صديقة عزيزة عليي وعدتني بانها تزورني , وانا عاد انتظرت زيارتها بفارغ الصبر ,,

وبعدين اتفاجأ انها ما اجت ولا حتى اعتزرت هيك بحس انها ما عادت تحبني ولا بترغب بزيارتي وهادا اسمو

احباط واحيانا الاحباط الى انعدام الثقة بالنفس ...

وانا برأيي بتوقع أكثر سبب يولد انعدام الثقة بالنفس هو النقد الهدام و التوبيخ أمام الناسالذي يلجأ له البعض


فيؤدي إلى زرع ضعف في النفس تكبر رويدا رويدا الا ان تصبح عقدة الشعور بالنقص


فيشك الانسان بقدراته و بالتالي تضعف ثقته بنفسه...

شكرا الك اخي احمد ايكس على الموضوع الي بستحئ النقاش ^^

كلامك صحيح اختي الكريمة ...

عدم الثقة بالنفس لا يحصل بين يوم وليلة وانما يحصل من خلال سلسلة تجارب فاشلة وانتقادات هدامة .. تتراكم ثم تتراكم .. تا تصير جبل وحملثقيل على صاحبه .. طبعا هذا ان نظر لها على انها سلبيات ..

لكن السؤال الي بيطرح نفسه ما هو الأصل؟؟! .. الأصل فينا الثقة بالنفس او انعدامها ؟؟!
انا حجاوب بناء على دراسة قراتها تقول بان الأصل في الانسان انه واثق من نفسه واننا ولدنا ونحن نكتسب الثقة بانفسنا .. لكن الاحداث التي تحيط بنا هي الكفيلة ان نفقد الثقة بانفسنا ..

انا ما بعرف حد فيكم أول ما انولد لكن كلي ثقة اننا جميعا أول ما ولدنا عبرنا عن شعورنا بالبكاء والصراخ .. وهذا يدل اننا كنا واثقين من انفسنا .. لذلك عبرنا عن شعورنا بالطريقة التي كنا نعرفها في ذلك الوقت وهي البكاء :icon11:

بالنسبة لصاحبتك .. فانا بنصحك عن تجربة ان لا تتعلقي بأحد خلي علاقتك محبة واخوة مع الجميع لكن ما تخلي اي علاقة تأثر عليكي بشكل سلبي واتذكري انه ربنا بقول ((وعسى ان تكرهوا شيئا وهو خيرٌ لكم))

عموما مافي مشكلة ما الها حل .. حتى عدم الثقة بالنفس اله حل وان شاء الله بنهاية الموضوع كلنا حنتكلم عن الحلول .. وكيف انطبقها مع بعض ..

[خيـرَ أُمـة]

مشكوور احمد عالموضوع الحلو والغريب شويتين ^ ^

بس انا حابه اعطي تعليق بسيط

انو انا ما بعرف في اشي بنظراتي للناس

يعني انا لما اطلع على اي حدا بمشي بحسو بتلبك وبطل عارف يمشي

لما اطلع على حدا بحكي ببطل عارف الحد يحكي بسير يتقتق

بحس حالي بأثر عالناس يعني كاني بفقدهم ثقتهم بحالهم لفتره قصيرة

مثلا على ايام المدرسة المعلمة بتكون تشرح لما اسير اطلع بالمعلملة وتجي عيني بعينها


بتبطل عارفة تحكي هههههههههههههههههه

بتسير معي هاي القصة كتير كتير

يسلمو احمد عالموضوع كمان مرا والي عودة ان شاء الله


انا بقترح تخففي من حدة نظراتك للناس ...

ليكون بتحسدي يا بنتي :icon11::icon11::icon11: .. طبعا بمزح ..

لكن مهم جدا انا نمنح الثقة للي حولينا عشان في المقابل همي يمنحونا الثقة .. اذا كانت نظراتك بشكل لا ارادي بتأثر على غيرك استعملي اسلوب ثاني بانك تعيدي الثقة للي بحكي معك .. مثلا انك تتواصلي بهز الراس والابتسامة وغيره من الاشياء الي ممكن من خلالها نرسل للطرف الاخر اشارات ايجابية تكسبو الثقة بنفسه ..

شكرا على تلبية الدعوة والمشاركة بالموضوع أحلى رورو ..

[خيـرَ أُمـة]

مششكوووره ع الموضوع الروعه حبيبتي

هههه

انا شب اختي الكريمة :icon11:

عموما.. شكرا على المرور اللطيف ..

[احلى رورو]

انا بقترح تخففي من حدة نظراتك للناس ...

ليكون بتحسدي يا بنتي .. طبعا بمزح ..

لكن مهم جدا انا نمنح الثقة للي حولينا عشان في المقابل همي يمنحونا الثقة .. اذا كانت نظراتك بشكل لا ارادي بتأثر على غيرك استعملي اسلوب ثاني بانك تعيدي الثقة للي بحكي معك .. مثلا انك تتواصلي بهز الراس والابتسامة وغيره من الاشياء الي ممكن من خلالها نرسل للطرف الاخر اشارات ايجابية تكسبو الثقة بنفسه ..

شكرا على تلبية الدعوة والمشاركة بالموضوع أحلى رورو ..



يييييييه

انا طبيعتي هيك

بعدين النظرة بتكون مع ضحكة يعني اوعى تفكر ^ ^

بس ابسر ليش هيك :b::b::b:

بس انا بحب حالي هيك :icon31:

[خيـرَ أُمـة]

هلأ انا بعرفش الي حكيتو كلو هاد الو دخل بالموضوع بس انا كن كنت اعتبر حالي من اكتر الناس الي عندهم ثقة وحماس بس هلأ أبصر كيف


اختي ابنة الشتات .. أيا مشكلة بتفقد الواحد فينا الثقة بالنفس هي أكيد من ضمن موضوعنا ..

اما عن كونك فاقدة الثقة فهذا اشي مش صحيح بدليل انك شاركتي معنا هنا واتكلمتي عن مشكلة المدرسة الي عندك وانت واثقة من نفسك انه في مشكلة وانها بدها حل ..

قبل ما أبدأ بالكلام عن مشكلة التعليم الي هي حقيقة موجودة بالعالم العربي خلوني أبين دراسة حصلت في جامعة غربية ..
أكيد كلنا بنتذكر في بداية الموضوع لما تكلمت عن 180 الف اشارة سلبية مقابل 4 ألاف اشارة ايجابية بنتلقاها من العالم المحيط فينا خلال 16 سنة والتي هي بين عمر ال 2 وحتى عمر ال 18 ... لكن الي أخبرتكو فيه بأنه في دراسة اخرى عن الاشارات السلبية التي يرسلها الانسان لنفسه .. كل واحد فينا باليوم الواحد يحدث نفسه تقريبا خمسة الاف كلمة يوميا .. الدراسة تقول بأن 80% من هذه الكلمات سلبية (تخويف, تشائم, قلق, تردد و تحزين .... الى اخره) ... طيب لو حولنا ال 80% الى أفكار ايجابية .. تخيلو كيف حياتنا حتكون .. طبعا حنكون بسعادة ..


نرجع لموضوعنا ..

أختي ابنة الشتات كلنا بنعرف وبندرك انه النظام التعليمي العربي نظام فاشل !! مع العلم ان دولة البحرين أقلها فشلا لكن في المحصلة تعتبر جميعها فاشلة ..
يعني لازم اجيب في كل المواد علامات ممتازة لكي أدخل الكلية الفلانية .. ولازم أكون مبدع بالرياضيات لكي ادخل طبي وأن أكون مبدع في مواد الأحياء لكي اكون مهندسا .. ويجب ان أكون اتقن لغات البرمجة لكي أكون صيدلي ناجح !!!
طبعا هذا المفهوم خاطئ لكن للأسف هذا الحاصل في قطاع التعليم في الوطن العربي ..

أضف الى ذلك ان المعدل هو الذي يحدد التخصص لا ميول الطالب .. يعني لو فرضنا انه ابنة الشتات مبدعة بمادة الرياضيات والفيزياء فهذا لا يكفي لكي تدخل كلية الهندسة مثلا .. لازم تكوني مبدعة في كل المواد !!

النظام التعليمي العربي واقع لا خيال ولازم نتعامل معاه ..

لكن اختي الكريمة هل هذا يعني ان نستسلم لأي مطب ممكن نقع فيه .. أكيد لأ .. وتأكدي أختي ان الأحداث الغير متوقعة تحدث في اي وقت وانها قد تؤثر علينا ...

اختي انت اعملي الي عليكي وادرسي .. خلينا نوخذ بأسباب التفوق والنجاح واتركي الباقي على الله .. الانسان فينا لما يتذكر بانه له رب لن يضيعه ويتذكر ان الله قدر لنا كل شيء تهون عليه مصيبته حتى لو كانت في الدراسة .. يعني اختي انت من قبل ما تختبري علامتك كانت جاهزة : ) لكن انت وظيفتك توخدي بالأسباب وتدرسي وتعملي الي عليكي وتجتهدي ..
واتذكري اختي انه ((قل لن يصيبنا الا ما كتب الله لنا)) صدق الله العظيم
واتذكري اختي انه الرسول صلى الله عليه وسلم "عجبا لأمر المؤمن كل أمره خير ان أصابته سراء شكر فكان خيرا له .. وان أصابته ضراء صبر فكان خيرا له" صدق رسول الله

لذلك اختي انا بقترح توخدي بأسباب النجاح وما تخلي الناس الي حوليكي يأثرو عليكي .. واقنعي نفسك انك انسانة ناجحة والترمي بالقاعدة الي بتقول *رأي الناس فيك .. لا يدل عليك* .. يعني مش كل ما حكو اشي توخدي بشكل جدي انه فعلا حاصل فيكي .. استفيدي من النقد لكن اعتبري نقد ايجابي حيساعدك على تطور نفسك : )

الكل بسأل عن التوجيهي وفعلا أحيانا بصير ضغط على الطالب لكن انت انظري للموضوع لى انه حب واهتمام من الاخرين الك .. خصوصا انهم مش مستفيدين من شهادتك ولا من علامتك .. لذلك انظري للموضوع على انه تودد وتقرب منك بدون مقابل وبدون مصالح من حد .. وهذا شعور نبيل حيكون ايجابي الك ..

بالنسبة للكتب انا بنصحك تقرئي كتب المؤلفين العرب والي صدقيني انهم تفوقو على الغربين في مجال التنمية البشرية .. انا بنصحك بكتب الدكتور طارق سويدان و الدكتور صلاح الراشد والدكتور ابراهيم الفقي و الدكتور نجيب الرفاعي وغيرهم الكثير الكثير ممن ألف في موضوع التنمية البشرية والنجاح وتحقيق الأهداف ..

شغلة أخيرة اختي الكريمة .. ما تخلي التوجيهي يحدد مصيرك .. انت حددي هدفك والتخصص الي حابة تدخلي والان الجامعات الخاصة منتشرة وان كانت الامكانيات المادية متوفرة وما حصلت الي بدك اياه ادخلي جامعة خاصة .. يعني حققي هدفك غصبن عن الجميع وبالذات وزارة التربية والتعليم : )

انا عند وعدي ان شاء الله بنهاية الموضوع حنكتب شوية حلول لتدعيم الثقة بالنفس

واذا كان هناك أي اقتراح كلي اذانٌ صاغية

موفقين يا رب


أخوكم

[فراشة]

انا الحمد لله كل الثقة لاني هلا بموقف يدعوني اني اثق بنفسي خصوصا لما جيت عبلد جديد ما بروحو غير شهر كل 3 سنوات ولئيت حالي وحدي مع اني كنت كل اعتمادي عامي وشلت مسؤولية كبيرة علي وعأختي ..زمان لما كنت اشوف اهلي والناس كلهم بعرفو بعض والعيلة كبيرة وكتير منهم ما بعرفهم كنت كتير اتدايئ واشعر بالوحدة واني مو منهم لدرجة اني اروح عالغرفة لوحدي ابكي بس كنت الائي فيها توين بتبكي ^^ بس الحمد لله بعدين صرت كل ميجي حدا اتطلع واتعرف وادخل بنقاشات وصرت كتير اجتماعية لاني بعتبر حالي بالامارات ما كنت اشوف كتير ئرايب وناس طول الوئت بالبيت ازا بس طلعنا عالحدائق او عالسنتر مع امي وابي وكمان شي تاني كنت ما اثق بنفسي كتير فيه لما امشي بالشارع احس انو كل الناس بتراقبني واخجل كتير وتوين تحكيلي ما بعرف كيف بدك تصيري تروحي عالجامعة لوحدك اما هلا تعودت وصرت اعلم ئريباتي الجدد عالطريئ بس لهلا بحط سكينة بشنتتي ( بخاف ) والحمد لله هون بنضرب فينا المثل بأخلائنا وصفاتنا وبعتبر انو فعلا رفعنا راس اهلنا فينا ...تحياتي الك احمد ايكس وشكرا عالموضوع الحلوو

[خيـرَ أُمـة]

موضوع حلو اوى و عجبنى

و انا بقى حكايتى حكاية

انا بخاف من اى كائن حى غير الانسان

بجد و الله لوقرب منى اى نملة او اى حاجة صغيرة

ببكى و اصوت و بتجيلى حالة غريبة

و ليا مواقف كتيييييييير اوى بسبب خوفى دة

بخاف من كل الحيوانات بلا استسناء

و الغريبة بقى انى عمرى ما خفت من اى شىء مرعب

او اى فلم رعب الاقى الكل بيخاف من الفلم الا انا عاااااادى خالص

و حتى بيقولولى الى يشوفك دلوقتى ميشفكيش ادام نملة:icon6:

و الله الكلمة دى بضايق منها

بس اعمل اية انا بترعب من اى كائن حى غير الانسان

و مش عارفة السبب اية:b:

و مش فاكرة الموقف الى خلانى اخاف بدرجة دى من الحشرات

و كل الحيوانات

سورى طولت عليكم:b:

مرسى اخى مرة تانية على الموضوع:showoff:

و الله يوفقك:s (43)::s (43)::s (43):


اختي الكريمة

أكيد في موقف صار معاكي يمكن من طفولتك وانت ناسيا وهوي سبب خوفك ..

للأسف مرات الأهل بطريق غير مقصود ميزرعوا الخوف في أبنائهم .. يعني مثلا ممكن الأهل عشان يمنعو طفلهم ابن الثلاث أو أربع سنوات من دخول غرفة معينة انهم يفهمو انه في حيوان أو حشرة داخل الغرفة وانها ممكن تعضة او توكله أو أو أو .. المهم طريقة للتخويف لكن مع صغر الطفل وعدم وعيه تبقى هذه المسألة لاصقة في عقله الباطن ... وبكبر وهوي مستغرب ليش انا بخاف من الحشرة الفلانية أو من الحيوان الفلاني .. أو ليش بخاف من ركوب الطيارة أو من الأماكن المرتفعة مثلا ..

بالنسبة لموضوع الطيارة قبل فترة حصلت معي قصة مضحكة بالطيارة .. وهي انه سبحان الله ربنا ابتلاني بالكرسي الي بجانبي بفتاة اتضح انها تخاف من الطيران .. طبعا أول ما طلعت الطيارة كان الوضع طبيعي .. لكن لما بدات الطيارة ترتفع وترتفع وترتفع .. الوضع تغير وانا شخصيا حسيت لكن عملت حالي عادي وانه شيء طبيعي -بحاول اعطيها ثقة :icon11:- ..طبعا مر الوقت بطيئا جدا جدا .. ثم جاء وقت الطعام وكما تعلمون =- في الطعام يكرم المرء أو يهان-= لسا يدوب بحكي بسم الله بدي اكل الا بتفاجأ بسؤال الأخت "الطيارة مش ممكن توقع" ... طبعا انا اتفاجأت بالسؤال -انصدت نفسي ههه- لكن اتداركت الموقف وحاولت اشرحلها انها هاي الطيارات بعملولها صيانة أول بأول وانها طيارات امنه وما في منها خوف وانه يوميا بتصير عشرات الرحلات الدولية بدون مشاكل .. في النهاية الحمد لله اقتنعت ...
طبعا جاء دور المطبات الهوائية خصوصا انه للأسف الرحلة كانت بالنهار ومع كل مطب صارت اختنا تتوتر وتحاول اشغال نفسها بالقراءة تارة وبمشاهدة التلفاز تارة .. واخر اشي استسلمت وحكتلي "انا خااااااااااايفة" .. حكستلها اختي خدي نفس حميق واستريحي ..
بعديها خطرت في بالي فكرة وقلت أجربها مع اختنا .. ان نجحت نجت وان لم تنجح يكون لي شرف المحاولة والثواب باذن الله ..
هي طريقة قراتها في أحد الكتب .. الطريقة تقول ... ما أفضل شيء ممكن أن يحصل وما أسوء شيء ممكن أن يحصل ؟؟

سألتها .. ايش أسوء شيء ممكن يحصل .. فكان الرد "انها الطيارة تتعطل" طبكا تداركت الاجابة وفهمتها انه لو تعطلت الطيارة حيهبط فينا بايا مطار الى ان يتم تصليح الطائرة .. يعني ممكن ينزل فينا بالبحرين ونكون ضيوف عند اختنا بنت الشتات خخخ

المهم في المقابل سألتها ايش أفضل شيء ممكن يصير .. فكان ردها "اني اوصل لأهلي وخلال ساعتين الى ثلاثة حكون بينهم ووووو"

الشاهد من القصة اختي سلمى .. انت لما تشوفي نملة مثلا اسألي نفسك ايش اسوء شيء ممكن تعملك اياه النملة .. حتلاقي لا شيء .. أكيد النملة مش حتوكلك لانه انت الأقوى :showoff:
ركزي اختي على الاستفادة من الحشرات والحيوانات الي بتخافي منها .. وصدقيني احنا بنتعلم الكثير من الكائنات الحية الاخرى ..
ركزي في الموضوع حتلاقي انه مافي شيء بخوف وانه بالعكس همي الي بخافه منك ...

ان شاء الله خلال ايام حنسمع انك بطلتي تخافي وانك صرتي تربي تماسيح عندك في البيت -مش لهاي الدرجة :icon11:-

عموما لما تشوفي حشرة المرة الجاي جربي وقربي منها وحاربي الخوف الي جواكي ..

أخوك

[احلى رورو]

ابعتتتتتتتتتلنا الحلووووول ^ ^


احمد

[خيـرَ أُمـة]

ابعتتتتتتتتتلنا الحلووووول ^ ^


احمد


انا اعطيتك طرف خيط ولازم تكملي لحالك ...

أهم اشي يكون البحث عن منحنى التاريخ .. بلكن اذا صار فرصة نتكلم عنه فترة رمضان ان شاء الله ..

لكن اعتمدي على نفسك .. ؟؟!

[خيـرَ أُمـة]

و اول صدمة الي كانت مع مدرّسة اللغة الفرنسية

كانت تكرهني بشكل غير طبيعي ... و حاقدة علي بصورة خيالية

بتكون من المتطرفين .. عرفتهم

عشان هيك
انت لازم نمنحك الجواز الفلسطيني بسبب اتقانك اللهجة ...

انبتني بشدة و قالت اني وحدة كسولة و و و ....
حطي هاي الجملة ببالك اختي نور **رأي الناس فيك .. لا يدل عليك**


اجمالا انت فكرتي بطريقة سلبية .. لكن الصح انك تفكري بطريقة ثانية وهي انك بتعرفي عربي وفرنسي وانجليزي .. اما الطلاب والمدرسة الي انبتك فهمي بعرفو فرنسي ويمكن شوية انجليزي : ) اذا انت أقدر منهم على التواصل مع العالم .. غير هيك اختي نور همي الي مساكين والي المفروض ننظر الهم نظرة شفقة لانهم ما بعرفو اللغة العربي والي هي لغة القران ولغة خاتم الأنبياء ..

اما بالنسبة لموضوع الحجاب فهذا نصرة لدينك غير هيك لا تكرهوا امرا عله خير لكم .. وصدقيني الخير بانك تركتي المدرسة والي هي معقل وبؤرة فساد في فرنسا .. غير هيك اختي خلي ا لموضوع محفز الك انه انا البنت المحجبة حوصل وحصير احسن من البنات السافرات الي الدولة اتاحتلهم الدراسة بسهولة ..
=- الطريق الصعب لأرجل العظماء-= ... واتذكري يا نور انه الضربة التي لا تقصم ظهري تقويه .. وانت الان أقوى من انهم يأثرو فيكي ويهزو ثقتك بنفسك والي انت ماخداها من ثقتك بربنا الي مش حيضيعك لانك نصرتي بموضوع الحجاب .. ((ان تنصروا الله ينصركم ويثبت اقدامكم)) صدق الله العظيم ..

[رزان]

هاي يا جماعه
انا الحمد الله عندي صقه بنفسي كتير كبيره بعدين الكل بمر في تجارب كتيره بس الشطاره انك تادها تجربه وما تخليها تأثر كتير على حياتك لانو الكل بغلط ما في حد ملاك فيناااااااا

ملاحظة....... للي بيحكو انهم ما عندهم صقه في نفسهم انا حابه اقولهم انو مجرد انكو تحكو عن حالكو انكو ما بتملكو هاي الصقه فانتو واثقين من حالكو لانو مش اي حد بيحكي هيك عن حالو ولا شو اخت فلسطينيه

[sallmars]

الشاهد من القصة اختي سلمى .. انت لما تشوفي نملة مثلا اسألي نفسك ايش اسوء شيء ممكن تعملك اياه النملة .. حتلاقي لا شيء .. أكيد النملة مش حتوكلك لانه انت الأقوى :showoff:

احم انا مش هلحق اسأل نفسى على شان ببكى و بصوت و بجد حاجة غريبة انى مبخفش من اى شىء الا الحيوانات و الحشرات

ركزي اختي على الاستفادة من الحشرات والحيوانات الي بتخافي منها .. وصدقيني احنا بنتعلم الكثير من الكائنات الحية الاخرى ..
ركزي في الموضوع حتلاقي انه مافي شيء بخوف وانه بالعكس همي الي بخافه منك ...

انا بموت فى حاجة اسمها علوم و احياء اصلا و بحب ادرس الكائنات الحية و على فكرة قبل كدة مسكت اشياء كتير محنطة فى المعمل و منها سمكة قرش و مبخفش يعنى اصحابى كانو خيفين من الحجات المحنطة الا انا مكنتش خايفة و كنت بمسكهم عادى:showoff:

ان شاء الله خلال ايام حنسمع انك بطلتي تخافي وانك صرتي تربي تماسيح عندك في البيت -مش لهاي الدرجة :icon11:-

ههههههه محنطة اكيد :icon11:

عموما لما تشوفي حشرة المرة الجاي جربي وقربي منها وحاربي الخوف الي جواكي ..

ان شاء الله بس مااظنش:b:

و على فكرة انت طلعت عندك حكمة من الموقف الى عملتو فى الطيارة

بجد تصرف حكيم:matrix:

و مرسى اخى تعبتك معايا:showoff:

[خيـرَ أُمـة]

انا الحمد لله كل الثقة لاني هلا بموقف يدعوني اني اثق بنفسي خصوصا لما جيت عبلد جديد ما بروحو غير شهر كل 3 سنوات ولئيت حالي وحدي مع اني كنت كل اعتمادي عامي وشلت مسؤولية كبيرة علي وعأختي ..زمان لما كنت اشوف اهلي والناس كلهم بعرفو بعض والعيلة كبيرة وكتير منهم ما بعرفهم كنت كتير اتدايئ واشعر بالوحدة واني مو منهم لدرجة اني اروح عالغرفة لوحدي ابكي بس كنت الائي فيها توين بتبكي ^^ بس الحمد لله بعدين صرت كل ميجي حدا اتطلع واتعرف وادخل بنقاشات وصرت كتير اجتماعية لاني بعتبر حالي بالامارات ما كنت اشوف كتير ئرايب وناس طول الوئت بالبيت ازا بس طلعنا عالحدائق او عالسنتر مع امي وابي وكمان شي تاني كنت ما اثق بنفسي كتير فيه لما امشي بالشارع احس انو كل الناس بتراقبني واخجل كتير وتوين تحكيلي ما بعرف كيف بدك تصيري تروحي عالجامعة لوحدك اما هلا تعودت وصرت اعلم ئريباتي الجدد عالطريئ بس لهلا بحط سكينة بشنتتي ( بخاف ) والحمد لله هون بنضرب فينا المثل بأخلائنا وصفاتنا وبعتبر انو فعلا رفعنا راس اهلنا فينا ...تحياتي الك احمد ايكس وشكرا عالموضوع الحلوو

الصعوبات بتصنع انسان ناجح .. والغربة عن الأهل تعتبر من الصعوبات ..

الصعوبات خلت انسان مبنوذ عن المجتمع مثل نيوتن يعمل الي عمله .. وهي الي خلت اديسون يخترع الكهرباء بعد 1000 محاولة فاشلة والي بسببها احنا بننعم بالكهرباء .. وهي الي خلت سجن الشيخ ابن تيمية يخلي يكتب كل الكتب الي ألفها والي للأن تطبع وتباع .. وهي نفس المحفز الي خلى السيد قطب ينتشر تفسيره للعالم كله .. ةغيرة وغيرة ..

الصعوبات بتصنع انسان ناجح ..

سبحان الله الواحد فينا لما تصيبو مشكلة بتكدر وبزعل ومثل ما بنحكيها بالعامية -بحط العقدة بالجرة- مع العلم انها المشاكل والصعوبات هي أكبر داعم للواحد فينا على انه ينجح ...

الي بتغربه عن أهلهم مثل توين وفراشة ومثلي انا كمان على فكرة :icon11: واحد من اثنين يا اما بصير عندهم ثقة واعتماد على النفس او بفشلو وبرجعو لأهاليهم وهمي بيجرو الفشل معاهم :wacko:

عموما من وقت ما سافرتي انت واختك كان عندي ثقة فيكن انكن حتكونن قادرات على مواجهة الحياة مع صعوبتها في المنطقة الي رحتوها .. لكن دايما حطن في بالك انه الطريق الصعب لأرجل العظماء :showoff:

ربنا يوفقك انت وتوين يا رب ..

[فراشة]

ياالله والله كلامك كتير مشجع وصحيح كلو كأنك شايف وعارف لانو عندي وحدة ئريبتي طلعت وسافرت معنا وتركت اهلها وئعدت عند دار عمها بس الفرء انوو نحنا صبرنا والحمدلله اتأقلمنا يالله اديش بسرعة خصوصا بالجامعة مع اني ما صاحبت ولا بنت لسة وخايفة اصاحب او بالاحرى ما حد اجى عهواي من البيت للجامعة والعكس حتى بيطلبو مني زميلاتي اضل شوي بعد مأخلص المحاضرات والله غز عالبيت .. بس يجو اهلي عندي ببئى اروح واستنى اما هلا بفضل اني اضل شوي شايلة مسأولية ومو كفاية دار خالي شايلين مسؤوليتنا كمان نضل نتفطفط هون وهوناك ؟؟ المهم بس ئريبتي ما ضلت بس شهر وروحت عالامارات لوحدها حجزت وسافرت عالمعبر مع ناس غرب ئابلتهم عالمعبر يعني شف الجرأة لوين ورجعت لاهلها وهياها ئاعدة بالدار وضيعت الجامعة عليها والطريئ مئفلة حتى الرجعة ما بتأدر ترجعها ...

تسلم احمدايكس عالموضوع الرائع والله يعينك عغربتك اما انا فبين اهلي ^^

[لولو اليبناوية]

مممممممممممم

مش عارفة بأشياء واشياء بتلاقيني مرة بالمرة بالمرة ما عندي ثقة..

وبشغلات تانية لأ...

ما بعرف كيف

يعني لما حدا يقرب علي يطلع في..لما اتكلم من حدا...

كتير بنحرج..وما بحكي بثقة

لما اسوق السيارة بكون خايفة...

ما بحب اسوق لحالي ما برتاح الا لما اخد حدا معي

بخاف من الزحمة ^^

ما بحب اروح اماكن عامة لحالي ومستشفى

بحب دايما يكون حدا معي يمسك اغراضي...

واروح اختم من هون ولا اسافر لحالي

برتعب.... مش من شي معين.....

بس ما بثق بحالي بهيك شغلات

بهاي الشغلات كتير بتدايق من حالي

لقيت عمري صار 20 وانا لسة زي ما انا

كل مرة بحكي بكرة يا لولو بتكبري وبتقوي...وانا زي ما انا :(

وبنفس الوقت..وقت ما بتمشكل ما حدا...

واكون مصرة عشي معين...بتلاقيني واثقة من حالي..

لو من حاول يكسرني ما بحطو ببالي...

وبكون واثقة من مبدئي...وبالاغلب بلاقي حالي انا الصح

بس بشكل عام بلاقي ثقتي بنفسي منيحة :b:

وما بتزكر موقف انكسرت فيه كتييير

وعقولتك موضوع مبتكر جد

يسلمو ايديك احمديكس :s (43):
يسلمو ايديك

[SWEET*GIRL]

ييييييييي

انا بالاختبارات بتكون قصتي قصه

بكون متذكره كلشي وزي العبقري

بجي بدي ابدي اجاوب

الا انا ناسيه كلشي

وبفقع زي البوب كورن

هههههههههههههه

وبردو بموت خوف من اي نوع من الحيوانات

لا تسالو يعني

اذا لقيت نمله بموت بيغمى علي بتلاقوني بالمستشفى^^

والموضوع روووووووووووووووعه

يسلمو

[خيـرَ أُمـة]

مممممممممممم

مش عارفة بأشياء واشياء بتلاقيني مرة بالمرة بالمرة ما عندي ثقة..

وبشغلات تانية لأ...

ما بعرف كيف

يعني لما حدا يقرب علي يطلع في..لما اتكلم من حدا...

كتير بنحرج..وما بحكي بثقة

لما اسوق السيارة بكون خايفة...

ما بحب اسوق لحالي ما برتاح الا لما اخد حدا معي

بخاف من الزحمة ^^

ما بحب اروح اماكن عامة لحالي ومستشفى

بحب دايما يكون حدا معي يمسك اغراضي...

واروح اختم من هون ولا اسافر لحالي

برتعب.... مش من شي معين.....

بس ما بثق بحالي بهيك شغلات

بهاي الشغلات كتير بتدايق من حالي

لقيت عمري صار 20 وانا لسة زي ما انا

كل مرة بحكي بكرة يا لولو بتكبري وبتقوي...وانا زي ما انا :(

وبنفس الوقت..وقت ما بتمشكل ما حدا...

واكون مصرة عشي معين...بتلاقيني واثقة من حالي..

لو من حاول يكسرني ما بحطو ببالي...

وبكون واثقة من مبدئي...وبالاغلب بلاقي حالي انا الصح

بس بشكل عام بلاقي ثقتي بنفسي منيحة :b:

وما بتزكر موقف انكسرت فيه كتييير

وعقولتك موضوع مبتكر جد

يسلمو ايديك احمديكس :s (43):
يسلمو ايديك


اختي لولو ..

للأسف عدم الثقة بالنفس كثير مرات بكون بسبب الخوف ..

لكن انت فكري بالموضوع من جهة ثانية .. وانه الشخص الي امامك انسان مثلك انولد وطلع من بطن امه اكيد لم يخرج من الأنف أو الاذن .. يعني باختصار انسان مثلي ومثلك ومثل اي شخص ..
تصوري انك خرجتي من بطن امك وانت بتبكي وهوي كمان خرج بيبكي وكلنا خرجنا واحنا بنبكي .. عبرنا عن شعورنا بالبكاء وكنا واثقين من نفسنا ما خجلنا !!

غير هيك اختي دايما فكري بعظمة ربنا حتلاقي الناس لا شيء ومش حتخافي من مواجهة حد حتى لو كان ملك أو حتى لو كان امبراطور :icon11: وحنحكي عنها بنهاية الموضوع ان شاء الله ...


اما موضوع سواقة السيارة فكلنا هيك بدينا لكن الخوف راح مع الوقت ... والموضوع محتاج القليل من الجرئة - الجرئة وليس التهور-

اما موضوع الزحمة فانت ما تحكي انا بخاف من الزحمة لكن احكي انا بكره الزحمة ... هذا الصح
وانا شخصيا بكره الزحمة أكثر منك :b:

عموما حنحكي عن حلول تخلينا ندعم ثقتنا بنفسنا ...
وبتصور كلنا محتاجين الحلول لانه مافي حد فينا كامل الثقة .. في الي ثقته ناقصة وفي الي معدومة وفي الي بالنسبة .. يعني واحد ثقته 20% وفي الي 50% وفي الي 70% .. وان شاء الله بعد ما نطرح الحلول بالايام القادمة كلنا تزيد ثقتنا وتصير على الأقل 90%

[لولو اليبناوية]

فعلا احمديكس..100%

[فليسطينية 100%]

أختي فلسطينية 100% ..

اول اشي انا بهنيكي على ثقتك بنفسك الي لولاها ما كان شاركتي بالموضوع هنا ...

وانا بأكد لكل الاخوة والأخوات الذين شاركو هنا بانهم يملكون ثقة بالنفس .. لكن المشكلة انها "مهزوزة" بعض الشيء وان شاء الله موضوع الاهتزاز بنحل :showoff:

أول اشي اختي بالنسبة للعربي المكسر .. اللغة العربية ممكن اكتسابها بالتعلم وانت أكيد قادرة انك تتعلمي العربي .. غير هيك من قال بان تقييم الأشخاص يكون على أساس نطق الحروف ,.. غير هيك وهيك انظري للموضوع على انه ميزة بتميزك عن غيرك : )

اما بالنسبة لمدرس الرياضيات .. للأسف المدرسين عندهم اسلوب غير عادي في افقاد الطلاب ثقتهم في انفسهم .. وللأسف الكلام هذا موجود أيضا في الجامعة .. أذكر فيما أذكر انني عندما كنت بالجامعة رسبت في مادة بسبب معاندتي لمدرس في مسألة انا واثق من خطأ المدرس فيها ..
لذلك بحكيلك اختي ما تنظري للموضوع على انه مسألة شخصية ولكن هوي مشكلة عامة في الوطن العربي وبنا نعيش معها ونحاول نحلها لكن بدون ما تأثر علينا سلبيا ..

كاني سمعتك بتتكلمي عن الطول :icon15: .. اختي الكريمة الطول ميزة افتخري بيها وما تخليها سلبية تأثر عليكي .. انت بتمتلكي ميزة الطول الي كثير من البنات والشباب فاقدينها ... انا شخصيا كان نفسي أكون 180 لكن الظروف ما سمحت غير ب 176 .. يالله الحمد لله نعمة كريم :icon11:

يسلمو اخي عنجد انك بترفع معنويات الواحد وثقتو

اما بالنسبة لطول صحيح وللاسف هلا صرت 182 وحمد لله ولكن

ولا واحد يسترجي ان يقف الا جانبي والمقصود الصبايا وحتى ابي واخوتي

يخافون الوقوف لجانبي ويسمونني بالشبح الطويل شايف العبارة الشبح الطويل

امبارح بنت صفي بتقولي انت ليش هيك طويلة وكل يوم بتخبطي بالباب ما عرفت شو ارد عليها غير هاد

خلقة ربي والاساتذة الكرام كل يوم انا الي بمسح اللوح او اجيب شي من مكان عالي او بقيسو حالهم اذا

طولو ولا متل ما هم وكذلك الامر صبايا الي بتحس انها طولت اول شي بتفكر فيو هي انا تقيس طولها عندي

وهاد شي باثر على نفسيتي بس ما حكيتو

عنجد انك ذكي عرفت السبب الرئيسي لعدم ثقتي بنفسي

يسلمو اخي عنجد انك مبدع بمواضيع وحلوة ورائعة :b::icon15::matrix:

[خيـرَ أُمـة]

ييييييييي

انا بالاختبارات بتكون قصتي قصه

بكون متذكره كلشي وزي العبقري

بجي بدي ابدي اجاوب

الا انا ناسيه كلشي

وبفقع زي البوب كورن

هههههههههههههه

وبردو بموت خوف من اي نوع من الحيوانات

لا تسالو يعني

اذا لقيت نمله بموت بيغمى علي بتلاقوني بالمستشفى^^

والموضوع روووووووووووووووعه

يسلمو

يمكن من رهبة الامتحان ...


لكن عموما حطي ببالك قناعة انك عندك ذاكرة حديدية .. وضلي كلمي نفسك على هذا الأساس ..

90% من الصفات الشيئة فينا ناتجة عن اعتقاد مع العلم انها فعليا مش حقيقة .. كل واحد فينا عنده براسه من 100 الى 150 مليار خلية عصبية .. يعني الهارد ديسك الي عندك والي عندي والي عند معظم أعضاء المنتدى نفس الحجم ههه ...

اما اذا كان عندك شوية ضعف فالسبب انشغال البال وتشتيت التفكير .. وهاد بنحل لتنظيم الوقت ..
وانا بنصحك اختي تقراي قران وتكثري منه لانه مع كونه عبادة الى انه ايضا بيقوي الذاكرة وبينشط عضلات المخ ...

وحتى خوفك من الحشرات اقنعي نفسك بالعكس لانه الشغلة اعتقاد مثل ما حكينا من قبل ...

موفقة يا رب :icon31:

[خيـرَ أُمـة]

يسلمو اخي عنجد انك بترفع معنويات الواحد وثقتو

اما بالنسبة لطول صحيح وللاسف هلا صرت 182 وحمد لله ولكن

ولا واحد يسترجي ان يقف الا جانبي والمقصود الصبايا وحتى ابي واخوتي

يخافون الوقوف لجانبي ويسمونني بالشبح الطويل شايف العبارة الشبح الطويل

امبارح بنت صفي بتقولي انت ليش هيك طويلة وكل يوم بتخبطي بالباب ما عرفت شو ارد عليها غير هاد

خلقة ربي والاساتذة الكرام كل يوم انا الي بمسح اللوح او اجيب شي من مكان عالي او بقيسو حالهم اذا

طولو ولا متل ما هم وكذلك الامر صبايا الي بتحس انها طولت اول شي بتفكر فيو هي انا تقيس طولها عندي

وهاد شي باثر على نفسيتي بس ما حكيتو

عنجد انك ذكي عرفت السبب الرئيسي لعدم ثقتي بنفسي

يسلمو اخي عنجد انك مبدع بمواضيع وحلوة ورائعة :b::icon15::matrix:

ههههههه

روقي وطولي بالك ..

انا عارف انه المجتمع والناس الي حولينا بعملولنا احباط وبخلونا نفقد الثقة بنفسنا عن غير قصد منهم ..

وطبعا صعب نتحكم بالناس الي حوليني ونمشيهم على كيفنا لكن الي بايدنا انا نحول الاشارات السلبية الي برسلوها النا لاشارات ايجابية ..

يعين الي بحكيلك انت طويلة .. ردي عليه بان هالطول عز !! هيك بتكوني حولتي الاشارة السلبية لاشارة ايجابية وهنا الفرق بين الانسان السلبي والانسان الايجابي ..
الايجابي بينظر للجزء المليان من الكوب بعكس السلبي الي بحط حاله بداشرة اسمها دائرة المشكلات :b:

انا بفترة من الفترات كنت نشيط بشكل غير عادي في القضايا الاجتماعية .. لكن في السنة الأخيرة خف نشاطي فأحد أصدقائي علق مرة على هذا الموضوع وحكالي "أحمد انت نشاطك خف .. شكلك فقدت الأمل بالمجتمع" فكان ردي "هذا الهدوء الذي يسبق العاصفة" ... حولت الاشارة السلبية الي ممكن تعمل احباط عندي لاشارة ايجابية ...

اديسون الي اخترع الكهرباء الي انا فعلا مش متخيل حياتنا بدونها :icon6:
فشل 999 مرة .. ومرة بجلسة مع مجموعة شباب صارو يتمسخرو عليه وحكولو انت انسان فاااااااااشل انت فشلت 999 مرة بالاختراع الي بتحلم فيه ... فكان رده "انا ما فشلت لكني تعلمت طريقة جديدة ممكن أصنع من خلالها الكهرباء" .. وفعلا صنع الكهرباء .. ومنيح انه ما سمع كلامهم وانه كان انسان ايجابي ..

كل الناجحين بحياتهم ايجابيين .. وعلى رأسهم الأنبياء والمرسلين والعظماء الي أسمائهم مخلدة بذاكرتنا للان مثل الشيخ أحمد ياسن الذي للان ابتسامته ما بتفارق خيالي ...

بالنسبة لموضوع الحروف المكسرة .. وانا اسف اني حرجعلها ..
بس بدي احكيلك معلومة القليل بعرفوها عن الشاعر المعروف أحمد شوقي والي لقب بأمير الشعراء ..
أحمد شوقي ما كان يلقي القصائد الي كتبها لانه اسلوبه سيء في الالقاء وفي نطق الحروف لذلك كان معروف بانه ان يستعين بأشخاص للالقاء في المحافل وفي المنتديات الشعرية !!!
تصوري أمير الشعراء على ينة ورمح مثل ما بيقولو كانت الحروف عنده ضاربة وكان سيء في الالقاء ..


اسف على الاطالة

[لولو اليبناوية]

بتعرف احمديكس..

انا بالكلاس لما اجي اجاوب...

بسخن وبحمر وبعرق وقلبي بضل يدق هههههههه

ما بعرف ليش

تخيل هاي السنة التالتة الي بالجامعة..

وعنفس الموال الله وكيلك... :(

اخ والله بضلي اقنع حالي انو ليش هيك انا..

ما بعرف..والله بكون وقتها مجاوبة جواب لسؤال مش بالكتاب

و الكل ما عرفو وانا الي عرفتو...

بس ما بعرف ليش هيك بسير معي..

وبسير هيك معي بحالة لما اجي اجاوب جواب قوي يعني مش جواب عادي

انو لما يكون جواب عادي احيانا عادي ممكن ما اتوتر كتير

طبعا لما ( امرأة ) تكون بتدرسني..ما بصير هيك فيه بالمرّة

[Abu Shadi]

بتعرف احمديكس..

انا بالكلاس لما اجي اجاوب...

بسخن وبحمر وبعرق وقلبي بضل يدق هههههههه

ما بعرف ليش

تخيل هاي السنة التالتة الي بالجامعة..

وعنفس الموال الله وكيلك... :(

اخ والله بضلي اقنع حالي انو ليش هيك انا..

ما بعرف..والله بكون وقتها مجاوبة جواب لسؤال مش بالكتاب

و الكل ما عرفو وانا الي عرفتو...

بس ما بعرف ليش هيك بسير معي..

وبسير هيك معي بحالة لما اجي اجاوب جواب قوي يعني مش جواب عادي

انو لما يكون جواب عادي احيانا عادي ممكن ما اتوتر كتير

طبعا لما ( امرأة ) تكون بتدرسني..ما بصير هيك فيه بالمرّة





ادلك على شغلة تعمليها

عمرك ما تخجلي زي هيك لمن تجاوبي

ولا اقلك بلاش احسن لتروحي تعملي شلة بعدين

وتصيري تحملي مواس بعدها هههههههههههههه

[خيـرَ أُمـة]

بتعرف احمديكس..

انا بالكلاس لما اجي اجاوب...

بسخن وبحمر وبعرق وقلبي بضل يدق هههههههه

ما بعرف ليش

تخيل هاي السنة التالتة الي بالجامعة..

وعنفس الموال الله وكيلك... :(

اخ والله بضلي اقنع حالي انو ليش هيك انا..

ما بعرف..والله بكون وقتها مجاوبة جواب لسؤال مش بالكتاب

و الكل ما عرفو وانا الي عرفتو...

بس ما بعرف ليش هيك بسير معي..

وبسير هيك معي بحالة لما اجي اجاوب جواب قوي يعني مش جواب عادي

انو لما يكون جواب عادي احيانا عادي ممكن ما اتوتر كتير

طبعا لما ( امرأة ) تكون بتدرسني..ما بصير هيك فيه بالمرّة




هاي المشكلة اختي لولو..
لما نفقد الثقة بمكان معين ... بكون في خسائر ..

عموما المشكلة مع المدرسين الي من غير النساء .. يعني الموضوع واحد من اثنين .. اما خجل .. أو خوف

اذا خجل .. انظري للمحاضر على انه اخ كبير أو أب ... وتعاملي معاه على هذا الأساس داخل الصف .. واقنعي نفسك بهذا الشيء .. وشيلي من بالك فكرة انك فاقدة الثقة وحطي ببالك انك مليانة ثقة ..

اما لو كانت خوف .. فانظري اله على انه انسان مثلي ومثلك .. عاش في بطن امه 9 شهور -يمكن 7 حسب التسهيل :icon15:- وانه مر بكل مراحلة الطفولة الي انت مريتي فيها .. وفكري بانه انسان عادي مثلك مثله .. ويمكن انت بكرة تصيري اعلى منه .. وعلى فكرة يمكن في يوم من الايام يشتغل تحت ايدك .. مين عارف ..

الخوووووف بخسرنا كثير أشياء يمكن نندم عليها فيما بعد ...

بتعرفي اختي لولو .. في اشي بعلم النفس بسمو "رابط ذهني" يعني مثلا ريحة عطر بتذكرني بصديق معين .. هيك صار العطر رابط ذهني بذكرني بهداك الصديق ... هذا مثال ..
انا مثلا عامل لنفسي رابط ذهني في حال كنت باجتماع في مدراء كبار .. اني أسكر قبضة ايدي الشمال وأشد عليها بس بشويش طبعا خخخ بدون ما أعورها ...

تيجي نعملك هذا الرابط ...

خدي نفس عمييييييييق ... سكري ايدك الشمال .. وقولي انا واثقة من نفسييييييي انا لولو الفرفووووووووووشة الوااااااااثقة من نفسهااااااا كرريها كذا مرة .. انا لولو الواثقة من نفسها ظبعا خدي نفس عميييق بعشر ثواني واكتمي عشر ثواني .. وطلعي بعشر ثواني .. وقولي انا واثقة من نفسي انا مليانة ثقةةةةةة

خلص عملنا رابط ذهني خخخ ..

هلا بمجرد ما تسكري ايدك حتلاقي صوت داخلي بقولك انا واثقة من نفسي ..

يعني الان بأيا موقف او ايا سؤال من ايا مدرس وانت عندك جواب .. سكري ايدك وحتلاقي الصوت الداخلي بحكيكلك وبعبرلك عن الثقة الي جواكي ... وعلى فكرة بشكل لا ارادي حتلاقي نفسك بتتنفسي نفس عميق ..

على فكرة كل الي قلنا علم .. ما تنسي اتطبقي وتحكيلنا النتيجة خلال هذا الويك ... ويد يعني اسبوع ..

السلام عليكم

[لولو اليبناوية]

بتعرفي اختي لولو .. في اشي بعلم النفس بسمو "رابط ذهني" يعني مثلا ريحة عطر بتذكرني بصديق معين .. هيك صار العطر رابط ذهني بذكرني بهداك الصديق ... هذا مثال ..
انا مثلا عامل لنفسي رابط ذهني في حال كنت باجتماع في مدراء كبار .. اني أسكر قبضة ايدي الشمال وأشد عليها بس بشويش طبعا خخخ بدون ما أعورها ...

خدي نفس عمييييييييق ... سكري ايدك الشمال .. وقولي انا واثقة من نفسييييييي انا لولو الفرفووووووووووشة الوااااااااثقة من نفسهااااااا كرريها كذا مرة .. انا لولو الواثقة من نفسها ظبعا خدي نفس عميييق بعشر ثواني واكتمي عشر ثواني .. وطلعي بعشر ثواني .. وقولي انا واثقة من نفسي انا مليانة ثقةةةةةة

خلص عملنا رابط ذهني خخخ ..

هلا بمجرد ما تسكري ايدك حتلاقي صوت داخلي بقولك انا واثقة من نفسي ..

يعني الان بأيا موقف او ايا سؤال من ايا مدرس وانت عندك جواب .. سكري ايدك وحتلاقي الصوت الداخلي بحكيكلك وبعبرلك عن الثقة الي جواكي ... وعلى فكرة بشكل لا ارادي حتلاقي نفسك بتتنفسي نفس عميق ..

على فكرة كل الي قلنا علم ..

ما تنسي اتطبقي وتحكيلنا النتيجة خلال هذا الويك ... ويد يعني اسبوع ..

السلام عليكم



كلام رائع احمد

عنجد انا درستها لهاي الرابط لذهني ( الاستجابة الشرطية )

بس ما فكرت اعملها لحالي

عنجد حل رائع...يمكن يغير فيي كتييير

هههههههههههههههههههههههه وعجبتني انا لولو الفرفوشة

ههههههههههههههههه والله ههههههههه

راح اعملو جد...

عنجد اعطيتني امل بهالعمر الكويل

غير بالمدرسة ( حدث ولا حرج )

بسلمووو كتيييير الك احمد فرفوش :s (43):

[بسكوتة]

ههههههههههههههههههههههههه

يسعدلي الفرفـوش :icon26:

بتصيــر معي بس مش كتيــر إزا رح أجـاوب على سـؤال بـس متــردده

بس كتيــر إلـها تأثيـر إيجـابي إنو الواحـد يقنـع حالـو مجـرد إقنــاع ^^

وبتنجــح بالأخيــر ^^

كلام أحمد صحيح 100%

[! مـلـطـوش بـمـخـو !]

انا بالثقة

اوووواوووووووووووو

متسألش يا اخي...

انا بخافش من ايشي ولا بخجل...

حتى احيانا بقول لنفسي

بكفي غرور يا عبد بكفييي...

انما هيك بطبعي مغرور....

يعني فش ايشي بعجبني

ولو عجبني مش اي ايشي بعجبني...

انا هيك بطبعي...والوالد من واحنا اصغار

بقلنا انتو مش اي ناس يابا.....

انا بصراحة بحس حالي انسان موهوب ومييز...

ومن حقي اشوف حالي...وفي ناس مش من حقهم يشوفو حالهم

هيك الدنيا يا اخي...فيها الكبير وفيها الصغييير

الدنيا بتعلم والله...

شكرا

[blue-girl]

هههه

انا شب اختي الكريمة :icon11:

عموما.. شكرا على المرور اللطيف ..

هههههههههههههه
ليك خيو انا رديت ع الموضوع قبل هيكي بس ما كان في شي براسي احكي
بس بقيت افكر
لحد ما عرفت

اوك
انـــا اصغر البنات في البيت
دايما ما بيخدوني على محمل الجد
فكرمال هيكي كبرت وانا كل حياتي
دحك و مزح من دون جد

و من ناحيت الثقه انا واثقه اها
بس في انتكسات كتيره في حياتي
و منها
انو كنت في المدرسه ما فيها فلسطنيه كانو دايما يدحكو على كلامى و احيانا على عاداتي
عمرو ما كان الي صحبات
لحد هلاء ما بعرف ليش
بس انا ما عندي صحبات بنات
كرمال هكي حكيت بلا البنات و فعلا هلاء كل اصحابي شباب
من الاقارب و الناوادي الرياضيه
وكمان هيني تخرجت من التوجيهي
الي قاعده في البيت لسنه التانيه
بتعرف ليش ؟؟
لانو امي شايفاني صغيره و ما بعتمد على حالي
مو قادره تبعتني عبلاد ادرس لحالي
ولا هون مسموح نفوت جامعات
انو هاي السنه التنيه من بعد التوجيهي وانا بزن ع اهلي
بس امي مو مقتنعه
البنات الاصغر مني رحو درسو و الي قدي راحو درسو
بضل حاسه حالي اقل منهم هلاء
لانهو همه طلعو و شافو و عملو و ساوى
و انا عند امي الدلوعه
حاولت اعتمد ع نفسي قدام ماما و بابا و شفوني بس مو مقتنعين
مع العلم انو انا جبت اعلى معدل في خواتي
و خواتي كلهم طلعو و درسو في بلاد برا
الا انا امي رح تخلنني
:icon5::icon5:

اف حكيت كتير انا عارفه
يمكن طلعت عن الموضوع شوي
بس انا اول مره القى مكان جد احكي و افضفض في
بحيااااتي ما حكيت لحد عن الجواتي
يلا بكفي
تسلم
جد انا فضفة
ستلم حج
^ ^
حجـــ زرقا ــه

[جروح الأيام]

موضوع مشوق


مشكور احمد


والله وبكل فخر وصراحه
انا من الناس الي ماعندهم ثقه بحالهم 1 %

لكتير مواقف صارت بحياتي

*_*
وهاد بسبب خجلي
يعني بالمدرسه كنت اخجل اشارك وأجاوب واكون خايفه يكون غلط وأنحرج

وأمشي بالشارع لحالـــي بخاف كتيــــر
بس هلاء حاولت أكسر هالشي فيني وأكون أجرء وأخلي عندي ثقه بحالي

والحمد لله هلاء في ثقه بالنفس بس مو لدرجه الي لازم تكون موجود

[احلى مودي]

الحمد لله الثقة موجودة ^ ^

[خيـرَ أُمـة]

انا بالثقة

اوووواوووووووووووو

متسألش يا اخي...

انا بخافش من ايشي ولا بخجل...

حتى احيانا بقول لنفسي

بكفي غرور يا عبد بكفييي...

انما هيك بطبعي مغرور....

يعني فش ايشي بعجبني

ولو عجبني مش اي ايشي بعجبني...

انا هيك بطبعي...والوالد من واحنا اصغار

بقلنا انتو مش اي ناس يابا.....

انا بصراحة بحس حالي انسان موهوب ومييز...

ومن حقي اشوف حالي...وفي ناس مش من حقهم يشوفو حالهم

هيك الدنيا يا اخي...فيها الكبير وفيها الصغييير

الدنيا بتعلم والله...

شكرا

اهلا أخي الملطوش بمخو ..

الثقة مطلوبة لكن الغرور مرفوض ... الغرور نوع من انواع الكِبر ...
"الكبر ردائي والعزة إزاري فمن نازعني واحدا منهما ألقيته في النار" .. صدق رسول الله ..

لذلك أخي الكريم اترك الكبر لانه الكبر مصيبة .. ما تنسى انها جعلت أكثر العابدين لله من اهل النار والي هو ابليس لما تكبر ورفض يسجد لسيدنا ادم عليه السلام.

رب أشعث أغبر لو أقسم على الله لأبره ... يعني ممكن واحد نشوفه بالنسبة النا لا شيء بالمقاييس الاجتماعية الحالية لكن عند ربنا يكون أحسن مني ومنك ومن كثير ناس :)

ان شاء الله تكون الفكرة وصلت.

[لولو اليبناوية]

احمديكس ممكن افهم ليش انت شخص ارهابي...

هههههه توقيعك بخوّف والله

ومن كتر ما بخوف...بصير نفسي اشوف صورة العضو احمديكس..

انو هل هوا شكلو الحقيقي فعلا بخوف عأد ما توقيعو بخوف ولا لأ ...

تحياتي..^^

[خيـرَ أُمـة]

احمديكس ممكن افهم ليش انت شخص ارهابي...

هههههه توقيعك بخوّف والله

ومن كتر ما بخوف...بصير نفسي اشوف صورة العضو احمديكس..

انو هل هوا شكلو الحقيقي فعلا بخوف عأد ما توقيعو بخوف ولا لأ ...

تحياتي..^^

فعل االتوقيع مرعب :wacko:

عملي اياه ابو النور بالزمنات وما حبيت اشيله تقديرا اله :icon31:

[خيـرَ أُمـة]

اوك
انـــا اصغر البنات في البيت
دايما ما بيخدوني على محمل الجد
فكرمال هيكي كبرت وانا كل حياتي
دحك و مزح من دون جد

و من ناحيت الثقه انا واثقه اها
بس في انتكسات كتيره في حياتي
و منها

شوفي اختي

احنا مش ضد الضحك والمزح .. لكن ... لكل مقام مقال ..
واذا انت ناوية تصيري جادة بطرحك او حديثك عن أي موضوع جاد فثقي تماما انك رح تصيري مثل ما بدك .. هاي الصفات بامكان الانساسن اكتسابها بدليل قول الرسول صلة الله عليه وسلم "انما العلم بالتعلم والحلم بالتحلم" ... يعني ممكن نقيس عليها الحديث :)

اما بالنسبة للانتكاسات ... كلنا بنمر بهيك تجارب ومافي حدا فينا مشيت معاه الأمور بشكل سلس .. لكن كل هاي الأمور لازم ننظرلها على انها محفزات مش مهبطات ...
الضربة التي لا تقسم ظهرك تقويك !!
وأكيد التجارب السلبية الي مرت معك ما بتكسر الظهر ...

كرمال هكي حكيت بلا البنات و فعلا هلاء كل اصحابي شباب
من الاقارب و الناوادي الرياضيه



بلا بنات !!
غلطانة اختي ... وأكيد حتلاقي بنات صالحات تتفقي معهن .. وبالنسبة لصحبة الشباب الي عليها تحفظات !!


وكمان هيني تخرجت من التوجيهي
الي قاعده في البيت لسنه التانيه
بتعرف ليش ؟؟
لانو امي شايفاني صغيره و ما بعتمد على حالي
مو قادره تبعتني عبلاد ادرس لحالي
ولا هون مسموح نفوت جامعات
انو هاي السنه التنيه من بعد التوجيهي وانا بزن ع اهلي
بس امي مو مقتنعه
البنات الاصغر مني رحو درسو و الي قدي راحو درسو
بضل حاسه حالي اقل منهم هلاء
لانهو همه طلعو و شافو و عملو و ساوى
و انا عند امي الدلوعه
حاولت اعتمد ع نفسي قدام ماما و بابا و شفوني بس مو مقتنعين
مع العلم انو انا جبت اعلى معدل في خواتي
و خواتي كلهم طلعو و درسو في بلاد برا
الا انا امي رح تخلنني

بالنسبة للدراسة انا معك انها امك غلطانة ويمكن خوفها المبالغ فيه غير مبرر !! لكن شو بدنا نحكي ... قلب الأم :)
لكن اكيد في عندك حلول جديدة انت ممكن تتعلمي وتوخدي دورات بمجالات معينة وتتقوي فيها ...
دوري على ميزة فيكي ممكن تبدعي من خلالها واشتغلي عليها وطوريها ... ما تحطي العقدة بالجرة وتقولي خلاااص مافيش فايدة راحت علينا ...


اف حكيت كتير انا عارفه
يمكن طلعت عن الموضوع شوي
بس انا اول مره القى مكان جد احكي و افضفض في
بحيااااتي ما حكيت لحد عن الجواتي
يلا بكفي
تسلم
جد انا فضفة
ستلم حج
^ ^
حجـــ زرقا ــه

خدي راحتك اختي ... واتأكدي انه في كثير انجزو بحياتهم بدون ما يكون معهم شهادات .. انا شخصيا وظفت عندي ناس ما معهم شهادات بسبب الظروف لكنهم مبدعين ... ومش معقول نهملهم :)
لذلك مثل ما حكيتلك دوري في داخلك على أكثر اشي انت ممكن تتميزي وتبدعي فيه واشتغلي على تطوير هاي الكيزة ... واتذكري انه ربنا ما بضيع تعبك ..

أخوك

[احلى رورو]

رجعت للموضوع ....

بس لهلاء غريبة ما في حلول الا من خلال الاقتباسات ...

طيب انا هلاء صرت بالجامعة وبدي احكي عن ثقتي بحالي في المحاضرات

انا بحب اناقش الاساتزة وانا قاعدة بمحلي عالكرسي

اما انا بتوقع انو بغمى علي ازا بقولي الاستاز قومي اشرحي للكل ....

وصارت معي مرا وقلت للاستاز ما بدي اقووم وضل يزن يززن عشان اقوم

بالاخر قلتلو انا بدي اطلع من المحاضرة ضروري هههههههه

:: بالعربي في مواقف ببين اني واثقة من حالي ومواقف انو الثقة زيرو

وشكراً

[جروح الأيام]

وكمان هيني تخرجت من التوجيهي
الي قاعده في البيت لسنه التانيه
بتعرف ليش ؟؟
لانو امي شايفاني صغيره و ما بعتمد على حالي
مو قادره تبعتني عبلاد ادرس لحالي
ولا هون مسموح نفوت جامعات
انو هاي السنه التنيه من بعد التوجيهي وانا بزن ع اهلي
بس امي مو مقتنعه
البنات الاصغر مني رحو درسو و الي قدي راحو درسو
بضل حاسه حالي اقل منهم هلاء
لانهو همه طلعو و شافو و عملو و ساوى
و انا عند امي الدلوعه
حاولت اعتمد ع نفسي قدام ماما و بابا و شفوني بس مو مقتنعين
مع العلم انو انا جبت اعلى معدل في خواتي
و خواتي كلهم طلعو و درسو في بلاد برا
الا انا امي رح تخلنني
حجة زرقا
________________________

أنا كمان نفس مشكلتك بعاني منها هلاء
وتركت الجامعة لأني مو ملائية حالي بتخصص مابدي ياه
وبدي تخصص تاني
بس أمي مو راضية وخايفه عليه
ومابعرف كيف الوضع حاليا كتير متوتر
ورسبت بالفاينل حتى أطلع من الجامعة
وأخدت صفر أكاديمي بالمواد
ومش عارفة كيف أقنعها
حاولت كتير بس على الفاضي
مابعرف هو عدم ثقة فيني
أو أنه لأني انا كتير بخاف وأي شي بأثر بنفسيتي
بدي حل أقنعهااااااااااااااااا
^_*
هاتولي حل

[خيـرَ أُمـة]

أنا كمان نفس مشكلتك بعاني منها هلاء
وتركت الجامعة لأني مو ملائية حالي بتخصص مابدي ياه
وبدي تخصص تاني
بس أمي مو راضية وخايفه عليه
ومابعرف كيف الوضع حاليا كتير متوتر
ورسبت بالفاينل حتى أطلع من الجامعة
وأخدت صفر أكاديمي بالمواد
ومش عارفة كيف أقنعها
حاولت كتير بس على الفاضي
مابعرف هو عدم ثقة فيني
أو أنه لأني انا كتير بخاف وأي شي بأثر بنفسيتي
بدي حل أقنعهااااااااااااااااا
^_*
هاتولي حل


في البداية اختي الكريمة انا عندي قناعة تامة انه الانسان ممكن ينجح باي مجال ممكن يدخل فيه اذا كان مُصر واذا كان فيه ارادة ..

يعني التخصص لاي ما حبتيه ممكن تحبيه ... انما العلم بالتعلم والحلم بالتحلم :)
يعني بامكان الواحد فينا اكتساب هاي الصفة ...
صحيح انه الي بيدخل تخصص ما بحبه ما بيبدع في هذا التخصص لكن ممكن ينجح ... والناجح في مجال مش شرط يكون مبدع !!

لذلك اختي لا اتضيعي وقت واذا ما اقنعتي اهلك بالتخصص الجديد استمري بالتخصص الي كنت فيه مع اصرار وارادة على التغيير واقنعي نفسك بانك بتحبيه ..

أخوك

[جروح الأيام]

*_*

شكرا ألك

[خيـرَ أُمـة]

*_*

شكرا ألك

العفو أخي .. اسفع لى تأخر الرد ...