falasteene
01-09-2006, 02:40 AM
يبدأ اليوم كالعادة الساعة 7 ونص بالمشي لموقف الميكروباص ومافيش مانع في السكة تعدي عربية بتاع عيل من دور عيالك راجع من سهرة انس ويقوم مطرطش على هدومك، وطبعا لا هو هيعتذر ولا انت هتتنفس احسن يقولك القول المأثور "انت مش عارف انا ابن مين"،
المهم هتمشي جنب الحيط عشان تلحق الشغل، هتروح موقف الميكروباصات وتلحق مكان بس البيه السواق لازم يفطر ويشرب الشاي وحجرين المعسل تفاح ولو اتكلمت هيقولك القول المأثور "اللى مستعجل ياخد تاكسي" ،
هتتضطر تسكت عشان تلحق الشغل وكمان لان الزحمة في الميكروباصات والاوتوبيسات أكبر دليل على تلاحم قوى الشعب العاملة ، المهم هتوصل الشغل متأخر خمس دقايق هتلاقى موظف مالوش لزمة كل وظيفته انه يمسك دفتر الحضور والانصراف يكلمك كلمتين مالهومش لزمة، هتسمعهم عشان اليوم مايضيعش،
بعد شوية هيجيلك المدير الحرامي يزعقلك ويتهمك بالتقصير والاهمال والجهل ، مع انه حاصل على الابتدائية وانت معاك بكالوريوس وكنت ناوي تحضر ماجستير لحد ما عرفت ان مرتبك هيزيد 7 جنيه بس، ولان الأقدمية فى مصر اهم من الكفاءة فى جميع المصالح الحكومية من أول رئاسة الجمهورية لعمودية كفر البطيخ فانت مضطر تستحمل، وخصوصا بعد ماعرفت انه بيشرب بانجو كل ليلة مع ابن خالة رئيس مجلس الادارة وممكن يبهدلك،
وطبعا هتعمل بالقول المأثور"على قد فلوسهم" ومش هتشتغل كويس زي كل الموظفين المصريين اللي بيشتغلوا 15 ساعة فى الاسبوع حسب الاحصائيات، وهتقضى أغلب الوقت تتكلم مع أم وائل الموظفة اللى معاك فى مواضيع جنسية مثيرة للغثيان، لان انتو الاتنين ملحقتوش الجامعات المصرية في عزها، حيث أصبحت هناك ضرورة ملحة لوضع عناصر من مباحث الاداب فى المدرجات ووضع كاميرات مراقبة على دورات المياه وحيث يضطر الحرس فى كل جامعات مصر لابد أن يقوم بالتفتيش الدقيق للتأكد من انصراف الطلبة بعد انتهاء المحاضرات ،
الساعة بقت 1 هتروح تصلى عشان تضيعلك ساعة الا ربع مع انك ممكن تستنى لحد وقت الانصراف وبعدين تصلى،
الساعة دلوقتى 2 الا ربع وبما ان موظف الحضور والانصراف مشي الساعة 11 عشان يقف فى السوبر ماركت اللى شغال فيه فانت كمان هتمشي ، وعشان احنا فى اغسطس والجو حار هتسيبك من حكاية التلاحم دي - تلاحم قوى الشعب العاملة - وهتستعوض ربنا وتاخد تاكسي ،
وبما ان شكلك لا يوحي انك احد الاخوه السائحين الاجانب فسواقين التاكسى هيبصولك بقرف ومش هيقفو، لحد ما واحد التاكسي بتاعه شكله غير صالح للاستخدام الآدمي هيشخط فيك ويقولك اركب، ولما توصل وتقوله عايز كام هيقولك زي الشحاتين "اللى تجيبه يا بيه"،
هتوصل البيت تتغدى بس هتفتكر انك مركبتش الميكروباص وانت راجع فلازم تأيل مع المدام شوية وبعد 5 دقايق هتخرج وانت بتنفخ وبتدعي على الحكومة لانها استوردت مبيدات مسرطنه، مش هتقدر تبص فى وش مراتك فهتفتح التليفزيون هتلاقى مجلس الشعب بيناقش اتفاقية للتبادل الثقافى مع منغوليا
هيقف عضو بيفهم يقول ان الاتفاقية دي مالهاش اي عائد وهتكلف الدولة فلوس على اللجان والندوات والكلام الفاضي ده هتبص تلاقى واحد فاميلي سايز يقف ويقول اقترح قفل باب المناقشة والموافقة على الاتفاقية وبما ان 50% من اعضاء المجلس عمال وفلاحين مبيعرفوش يكتبوا اساميهم فهيرفعوا ايديهم، ولكن العضو اللبط هيقف ويطلب استجواب لان المجلس ماوافقش على اتفاقية الكويز حسب الدستور
هيحتار رئيس المجلس لحد ما يلحقه العضو الموقر ويقول ان اتفاقية الكويز مش اتفاقية دى بروتوكول عشان كدة ماتعرضتش على المجلس، هتضحك لان ممعكش فلوس تشتري دش فمافيش ادامك غير ابو ريادة -التليفزيون المصري- هتقلب القناه عشان تشوف مسلسل سخيف مالوش علاقة بالواقع المر، هتستنى لحد الساعة 10 لحد مرات جارك ما تنام وتنزل عند جارك المرتشي اللى خد دش رشوة عشان تتفرج معاه على القمر الأوروبي عشان تنسى كل البلاوي اللى بتنزل على دماغك كل يوم من 24 سنة. والساعة 1 تروح تنام عشان لازم تصحى 7 ونص.
مرة كنت بستقبل واحد صاحبي فى المطار لقيت راجل مسافر عمال يقول منه لله اللى كان السبب وعياله بيعيطوا حوليه ومراته عمالة تقوله اسكت بقى احسن حد يسمعك، قلت فى سري معاه منه لله اللى كان السبب!
المهم هتمشي جنب الحيط عشان تلحق الشغل، هتروح موقف الميكروباصات وتلحق مكان بس البيه السواق لازم يفطر ويشرب الشاي وحجرين المعسل تفاح ولو اتكلمت هيقولك القول المأثور "اللى مستعجل ياخد تاكسي" ،
هتتضطر تسكت عشان تلحق الشغل وكمان لان الزحمة في الميكروباصات والاوتوبيسات أكبر دليل على تلاحم قوى الشعب العاملة ، المهم هتوصل الشغل متأخر خمس دقايق هتلاقى موظف مالوش لزمة كل وظيفته انه يمسك دفتر الحضور والانصراف يكلمك كلمتين مالهومش لزمة، هتسمعهم عشان اليوم مايضيعش،
بعد شوية هيجيلك المدير الحرامي يزعقلك ويتهمك بالتقصير والاهمال والجهل ، مع انه حاصل على الابتدائية وانت معاك بكالوريوس وكنت ناوي تحضر ماجستير لحد ما عرفت ان مرتبك هيزيد 7 جنيه بس، ولان الأقدمية فى مصر اهم من الكفاءة فى جميع المصالح الحكومية من أول رئاسة الجمهورية لعمودية كفر البطيخ فانت مضطر تستحمل، وخصوصا بعد ماعرفت انه بيشرب بانجو كل ليلة مع ابن خالة رئيس مجلس الادارة وممكن يبهدلك،
وطبعا هتعمل بالقول المأثور"على قد فلوسهم" ومش هتشتغل كويس زي كل الموظفين المصريين اللي بيشتغلوا 15 ساعة فى الاسبوع حسب الاحصائيات، وهتقضى أغلب الوقت تتكلم مع أم وائل الموظفة اللى معاك فى مواضيع جنسية مثيرة للغثيان، لان انتو الاتنين ملحقتوش الجامعات المصرية في عزها، حيث أصبحت هناك ضرورة ملحة لوضع عناصر من مباحث الاداب فى المدرجات ووضع كاميرات مراقبة على دورات المياه وحيث يضطر الحرس فى كل جامعات مصر لابد أن يقوم بالتفتيش الدقيق للتأكد من انصراف الطلبة بعد انتهاء المحاضرات ،
الساعة بقت 1 هتروح تصلى عشان تضيعلك ساعة الا ربع مع انك ممكن تستنى لحد وقت الانصراف وبعدين تصلى،
الساعة دلوقتى 2 الا ربع وبما ان موظف الحضور والانصراف مشي الساعة 11 عشان يقف فى السوبر ماركت اللى شغال فيه فانت كمان هتمشي ، وعشان احنا فى اغسطس والجو حار هتسيبك من حكاية التلاحم دي - تلاحم قوى الشعب العاملة - وهتستعوض ربنا وتاخد تاكسي ،
وبما ان شكلك لا يوحي انك احد الاخوه السائحين الاجانب فسواقين التاكسى هيبصولك بقرف ومش هيقفو، لحد ما واحد التاكسي بتاعه شكله غير صالح للاستخدام الآدمي هيشخط فيك ويقولك اركب، ولما توصل وتقوله عايز كام هيقولك زي الشحاتين "اللى تجيبه يا بيه"،
هتوصل البيت تتغدى بس هتفتكر انك مركبتش الميكروباص وانت راجع فلازم تأيل مع المدام شوية وبعد 5 دقايق هتخرج وانت بتنفخ وبتدعي على الحكومة لانها استوردت مبيدات مسرطنه، مش هتقدر تبص فى وش مراتك فهتفتح التليفزيون هتلاقى مجلس الشعب بيناقش اتفاقية للتبادل الثقافى مع منغوليا
هيقف عضو بيفهم يقول ان الاتفاقية دي مالهاش اي عائد وهتكلف الدولة فلوس على اللجان والندوات والكلام الفاضي ده هتبص تلاقى واحد فاميلي سايز يقف ويقول اقترح قفل باب المناقشة والموافقة على الاتفاقية وبما ان 50% من اعضاء المجلس عمال وفلاحين مبيعرفوش يكتبوا اساميهم فهيرفعوا ايديهم، ولكن العضو اللبط هيقف ويطلب استجواب لان المجلس ماوافقش على اتفاقية الكويز حسب الدستور
هيحتار رئيس المجلس لحد ما يلحقه العضو الموقر ويقول ان اتفاقية الكويز مش اتفاقية دى بروتوكول عشان كدة ماتعرضتش على المجلس، هتضحك لان ممعكش فلوس تشتري دش فمافيش ادامك غير ابو ريادة -التليفزيون المصري- هتقلب القناه عشان تشوف مسلسل سخيف مالوش علاقة بالواقع المر، هتستنى لحد الساعة 10 لحد مرات جارك ما تنام وتنزل عند جارك المرتشي اللى خد دش رشوة عشان تتفرج معاه على القمر الأوروبي عشان تنسى كل البلاوي اللى بتنزل على دماغك كل يوم من 24 سنة. والساعة 1 تروح تنام عشان لازم تصحى 7 ونص.
مرة كنت بستقبل واحد صاحبي فى المطار لقيت راجل مسافر عمال يقول منه لله اللى كان السبب وعياله بيعيطوا حوليه ومراته عمالة تقوله اسكت بقى احسن حد يسمعك، قلت فى سري معاه منه لله اللى كان السبب!