تسجيل الدخول

مشاهدة النسخة كاملة : تتجوزيني !!!!!!!!!!!!!!!!!!!!!!!!!

القلب النابض
08-15-2007, 10:12 AM
تتجوزيني ؟ -
ـ أفندم ؟
ـ بقولك تتجوزيني ؟
ـ ؟؟؟
ـ تتجوزيني ؟
ـ لأ
ـ ليه ؟
ـ بصراحة كدة شكلك مش عاجبني
ـ إزاي يعني ؟
ـ يعني .. أصل أنا ليا مواصفات معينة لفارس أحلامي
ـ مواصفات معينة ؟ .. هو انتي هتتجوزي عربية؟
ـ لأ ! .. بصراحة كده .. إنت مش فارس أحلامي اللي باتمناه
***********************************
ـ تتجوزيني ؟
ـ إيه ده ؟ شكلك اتغير
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة
ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
ـ مين عباس كيج ده ؟
ـ عباس ؟!! ياي .. إيه عباس دي ؟ اسمه نيكولاس
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي
***********************************
ـ تتجوزيني ؟
ـ انت لسه ليك عين تكلمني ؟
ـ أيوة .. أنا عرفت مين بنكرياس كيج ده
ـ أولاً : اسمه نيكولاس كيج
ـ أيوة أيوة .. كنت هاقول اسمه صح .. بس اختصرته .. ده ممثل
ـ ممثل إيه ؟
ـ ممثل أمريكاوي
ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي
ـ دونكي دي تبقى شتيمة ؟
ـ أوف كورس
***********************************
ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟
***********************************
ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟
***********************************
ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ما بيشتغلش ؟
ـ لا
ـ يعني مش هتتجوزيني ؟
ـ لا
ـ كدة أنا أزعل
ـ ما تزعلش يا بابا .. خليك فريش
ـ ماشي .. ماشي .. بس قوليلي
ـ إيه ؟
ـ فريش دي تبقى شتيمة ؟
***********************************
ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت
ـ وإيه هو ؟
ـ سواق تاكسي
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس
ـ شرف ؟ جتك القرف
***********************************
ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جداً
ـ قد إيه يعني ؟
ـ ألف جنيه
ـ نعم ؟!!! .. ألف جنيه دول تروح تسرح بيهم ببطاطا
ـ يعني موافقة ؟
ـ روح اتنيّل
***********************************
ـ تتجوزيني ؟
ـ عندك شقة ؟
ـ طبعًا .. أوضة على السطوح
ـ نعم ؟
ـ إيه المشكلة ؟! .. أحسن ما ننام في الشارع
ـ في الشارع ؟! .. إيه الألفاظ السوقية دي ؟ ياي ! .. لازم يا بابا
تجيب شقة
ـ طيب .. كلها كام سنة وأجيبلك أحسن شقة في الدنيا
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع
***********************************
( بعد سنوات)
:
ـ تتجوزيني ؟
ـ جبت الشقة ؟
ـ أيوة .. الحكومة بتبني شقق للشباب وأنا خدت شقة .. صحيح
إنها اتأخرت لسبع سنوات .. لكن المهم إنها جات
ـ فانتاستيك
ـ بس الشقة ناقصة حاجة
ـ إيه هي ؟
ـ مفيهاش حمام
ـ امشي من قدامي ! .. مش طايقاك
***********************************
ـ تتجوزيني ؟
ـ إنت تاني ؟
ـ جبتلك حمّام إنما إيه
ـ خليه ينفعك
ـ ليه بس ؟ .. ده ينفع لينا احنا الاتنين
ـ وأنا مالي ؟
ـ مش عاجبك .. مش مشكلة .. أكتبه باسمك
***********************************
(بعد سنين)
..
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل
ـ أصل إيه ؟
ـ أصل أنا بحُبك
(بضم الحاء)
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين
خليك روش وقول
I love you
ـ ماشي .. بس قوليلي
ـ نعم ؟
ـ روش دي تبقى شتيمة ؟
***********************************
ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان
ـ إيه ؟
ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة
ـ رقيقة ؟! .. ده انت بدأتي تقشفي
ـ فشر
ـ فوقي لنفسك .. العمر بيجري
ـ أنا مصرة على رأيي
ـ يعني إيه ؟
ـ يعني اقطع معايا
ـ بعد كل السنين دي ؟! .. بعد كل الحب ده ؟
بلاش تراجيديا من فضلك -
ـ ماشي .. بس قبل ما أمشي عاوز أسألك سؤال واحد بس
ـ إيه هو ؟
ـ تراجيديا دي تبقى شتيمة ؟
***********************************
( بعد سنوات )
..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني
ـ طيب شاعدني عشان ألاقي النضارة
ـ آهي على الترابيزة قدامك
ـ فين ؟
ـ لا دي نظارتي أنا
ـ أيوة لقيتها
ـ البشيها بقة
ـ ططييبب
ـ ع****ي فوق شوية .. ده بقك
ـ طيب لبشهالي إنت
ـ عقبال ما البشك الدبلة
ـ ما تكشفنيش .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟
ـ دي شتيمة ؟
ـ لاااااء .. بقولك تتجوشيني ؟
ـ آه !! .. أجوشك
ـ بالضااااابط .. هاه ؟
ـ شيبني أفكر
ـ أشيبك تفكري ؟! .. ده انت هتموتي خلاش
ـ لا .. شيبني أفكر بش
ـ ربنا يوفقك
ـ إيه ؟
ـ ربنا يوفقك
ـ بتقول إيه ؟
ـ ربنا ياخدك
***********************************
(على فراش الموت)
:
ـ تـ … كوح .. كوح .. تتـ .. كوح كاح كيح .. تتكو .. كوح .. كوح
تتكوشـ .. كوح كوح .. يني ؟
ـ مش شامعة
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح
تتجوشيـ .. ؟ كوح .. كوح
ـ أجوش مين ؟
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ
ش .. كوح كوح كيح .. ميـ .. كوح .. مين ؟
ـ إيه ؟
ـ لا .. كوح .. أبدًا .. كوح .. كنت … كح كح .. بأكح
ـ كنت بتكح ؟!!!! .. شلامتك .. ما قلتليش ليه ؟
ـ هو .. كوح .. إنتي .. لشة .. عارفـ .. ـة .. كوح كوح
ـ بتقول إيه ؟
ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو
شيـ .. كوح كوح كوح كوح .. نـي ؟
ـ أجوشك ؟!! .. طب بش خد الدوا الأول
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
ـ أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !! .. كوح كوح -
كدة أموت .. كوح كوح .. وأنا .. كوح .. مطمئن ومرتاح .. الودااا ..
كوح ..ع ع ع ع
ـ يا حاج .. يا حاج
لااااااااااااااااااااااااااااا

منقول
رولا فداء
08-15-2007, 11:36 AM
هههههههههههههههههههههههههههه
اذا هيك انا بعمري ما رح أتجوز خخخخخخخخخخخ
مشكوووور اخي.............
sallmars
08-15-2007, 09:11 PM
هااااااااااهااااااااااااااااهاااااا اااااااااااااااااااا

يماما جاهل بطريقة فظييييييييييييعة

مرسى القلب النابض على على الحوار المفرفش

و الله يوفقك اخى:s (43)::s (43)::s (43):
صمت السنين
08-15-2007, 09:59 PM
هههههههههههههههههههههههههه
حلوه اوى
بس الاتنين اغبى من بعض
اللى عايز يتجوز غبى والتانيه برضو غبيه عشان بترد عليه
الوردة الحانية
08-15-2007, 10:06 PM
هههههههههههههه


حلوووة يسلمو حبيبتي القلب النابض

تحياتي ^^
ندى الورد
08-15-2007, 10:27 PM
ههههههههههههه

روووووووعة

ولا احلى من هيك

يسلمو اختي القلب النابض
AnGeLa
08-15-2007, 10:39 PM
مغصــــــــــــــــة تجيــهم هني الاتنين ^^

يســلمو ايـديك اخي القلب النابض
~ | Mazaj
08-15-2007, 11:04 PM
مغصــــــــــــــــة تجيــهم هني الاتنين ^^

يســلمو ايـديك اخي القلب النابض

Exactly :icon11:
حنووو اليبناوية
08-16-2007, 04:32 AM
يقطع شرهم الاتنين

عالعموم الله يرحمهم برحمته

شكرا عالموضوع اللي مش كاين يخلص
سوسو بس والباقي هووووس
08-17-2007, 06:42 PM
ههههههههههههههههههههه
شو هادووووول مساطيل
يسلمووووووووو كتير على الموضوع
rita el falstnye
08-17-2007, 06:54 PM
ههههههههه
طلعت روحي وانا اقرا
شوو هاد بقرفش ههههههه
يسلموو
لمسة وردة
08-17-2007, 07:03 PM
ههههههههههههههههههههههههههههههههههه هههههههههههههههههه

كتير حلوة


يسلمو
القلب النابض
08-17-2007, 11:19 PM
هلا بالجميع منوريين والله دمت بصحة وعافية وشكرا على تعليقاتكم
*ريحانة القلب*
08-18-2007, 12:52 AM
عنجد انهم بجلطو

شو هاد

مشكورة القلب النابض
القلب النابض
08-18-2007, 11:22 PM
هلا حبيبتي ريحانة القلب منورة مشكورة للمرور
اميرة العرب
08-19-2007, 04:27 PM
يسلمو
NIGHT QUEEN
08-19-2007, 08:59 PM
يا لهوي

شو لسه بدري عليهم هههههههههه

فروني هما الاتنين

هههههههههههههه

مشكوووووور

مع التحية
الحان الحرية
08-22-2007, 12:11 AM
هههههههههههههههههههههههه
هاها هوهو هيهي
مشكور اخي القلب النابض
السفيرة
08-22-2007, 12:56 AM
هههههههههههههههههههههههههه كتير حلوة يسلمو يعطيك العافية