موضوع جديد للنقاش ::هام جدا في رأيي::

[anos]

السلام عليكم

أود ان اطرح بين يديكم موضوع هام لمناقشته بيننا

الموضوع هو انه لو قام عضو بالتسجيل في هذا المنتدى الرائع وبعد فترة من الزمن طبعا بعد احتكاكه معنا عرفنا انه فلسطيني مسيحي وكون هذا المنتدى يميل الى الاسلام اكثر من غيره فسأطرح بعض الاسئلة لمناقشتها:-

1- ماذا سيكون موقف الاعضاء من هذا العضو؟
2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟
3- ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟
4- هل سنجد ان هذا العضو وحيدا في المنتدى ام انه مثله مثل الاعضاء الاخرين؟
5- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟

تقبلو فائق تقديري واحترامي واتمنى من الجميع سرد رأيه هنا بواقعية

أخوكم أنس :icon4:

[عذراء فلسطين]

1- ماذا سيكون موقف الاعضاء من هذا العضو؟ انا بالنبي الي عادي كلنا النا الله واحد ومنعبد الله واحد وبالعكي بكون اخو وصديق عزيز
2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟هادا الشي انا ما بعرفة بس من المفروض يتقبلو كأي عضو وما يكون في عنصرية
3- ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟كل واحد الو حرية الديانه واذا كتب شي ما بمس الاسلام فهذا شي عادي وما منقدر نقولة ممنوع تكتب او تعترف انك مسيحي لاننا اسلام
4- هل سنجد ان هذا العضو وحيدا في المنتدى ام انه مثله مثل الاعضاء الاخرين؟انا بالنسبة الي راح يكون متله متل باقي الاعضاء لاني ما بفرق بين مسلم ومسيحي
5- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟بالعكس احنا لازم نعتبره واحد منا حتى لو كان مسيحي لانو يكفي انو فلسطيني ومن وطنا وفلسطينيته كأي مسلم بعدين الدين المسيحي من عند الله تعالى فليش لنكون عنصريين

هادا من وجهة نظري
يعطيك العافية انووسي

[اسلام]

اخي انوس انا براي اول شي انو اكيد بتتقبلوا الادارة
ولو بدو يكتب يمكن يطلب المنتدى او المشرف انو ماينزل والا بينحذف
وانا براي انو احنا واثقن ومتمسكين بدينا ومافي اي شي رح يقدر يأثر علينا
ونحن نعلم بكثير من المعجزات التي حصلت والدلائل على ديننا
ولاتنسى اننا متربيون في بيوت دين .....
يمكن مش كل بيت يكون افراده متمسكين كتير بالدين بس ببقى في روح الاسلام بقلوبهم وفي شي بربطهم بالدين
وبعدين الشي بالعقل بيتاخد ....
بالنسبة للعضو رح يشعر نفسه غريب ويمكن نحنا نشعر انو غريب وواجبنا انا نشرحلوا ونفصلوا عن الدين
ونحببه فيه....ونورجيه انو منحترم ديانته
وهو فلسطيني لو شو ماصار
انا متاسفة لطول الحديث
شكرا لك اخي انوس

[~ | Mazaj]

يسلمــو اخــي انــوس لطرح هادا الموضوع ..

وبالفعل حساس جدا ومهم ..

1- ماذا سيكون موقف الاعضاء من هذا العضو؟
انا بالنسبة اللي مش رح يكون احتكاك كبير بيني وبينو .. واحتمال اتقبلو كعضــو طبيعي بحسب اراؤه

2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟

اكــد الادارة رح تقبلو .. احنا بنحترم الديانات الاخرى ..
بس بيرجع الامر للادارة بالاخيــر ..

3- ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟
يمنع انو ينشر مواضيع للمسيحية .. لانو هناك ضعاف القلوب ..
فاذا ما حولو دياناتهم من اسلام الى مسيحي فنحن نحمل اثمه لاننا اخوته ونعطيه الاراء .. وباعتبار المنتدى البيت الثاني الذي نشكوه الامنا ونعبر فيه عن مشاعرنا ..

في كمان ملاحظة .. لو نرجع لايام الرسول .. كانو اهل الذمة غير المسلمين يمنعوا من نشر دياناتهم ومن ينشرها يقتل ..


4- هل سنجد ان هذا العضو وحيدا في المنتدى ام انه مثله مثل الاعضاء الاخرين؟

بقناعتي .. رح احسو غريب وشاذ عننا .. وهوا نفسه رح يشعر بهادا الشعور ورح يترك المنتدى ..

5- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟

بصــراحــة ما بعرف شو بدو يكون موقفي ساعتها ..

واسفة لمطولة الحديث

[لولا]

1- ماذا سيكون موقف الاعضاء من هذا العضو؟
حيكون متلو متل الباقي عادي

2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟
و ليس ما تقبلو

3- ماذا لو قبلنا العضو بيننا وصارشكر ا الك اخي انوس يكتب مواضيع عن الدين المسيحي حسب معتقداته ماذا سيكون موقفنا؟
يكتب شو يعني واحنا بنكتب عن الدين الاسلا مي وبيعرفنا عن دينو و بنعرفو عن دينا

4- هل سنجد ان هذا العضو وحيدا في المنتدى ام انه مثله مثل الاعضاء الاخرين؟
بالنسبة الي لا عادي رح يكون متلو متل الاخرين

5- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟
طبعا متلو متلنا مافي فرق انشاالله
شكر ا الك اخي انوس

[رفعت]

يسلمــو اخــي انــوس لطرح هادا الموضوع ..

وبالفعل حساس جدا ومهم ..






1- ماذا سيكون موقف الاعضاء من هذا العضو؟




انا بالنسبة اللي مش رح يكون احتكاك كبير بيني وبينو .. واحتمال اتقبلو كعضــو طبيعي بحسب اراؤه





2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟





اكــد الادارة رح تقبلو .. احنا بنحترم الديانات الاخرى ..
بس بيرجع الامر للادارة بالاخيــر ..





3- ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟




يمنع انو ينشر مواضيع للمسيحية .. لانو هناك ضعاف القلوب ..
فاذا ما حولو دياناتهم من اسلام الى مسيحي فنحن نحمل اثمه لاننا اخوته ونعطيه الاراء .. وباعتبار المنتدى البيت الثاني الذي نشكوه الامنا ونعبر فيه عن مشاعرنا ..

في كمان ملاحظة .. لو نرجع لايام الرسول .. كانو اهل الذمة غير المسلمين يمنعوا من نشر دياناتهم ومن ينشرها يقتل ..
وبنفس الوقت كانوا اهل الذمة بيعيشوا ببلاد المسلمين على قوانين الدين الاسلامي واللي بيخالف بيتعاقب مثله مثل المسلم مثلا امرأة مسيحية طلعت بشعرها تعاقب مثل المسلمة وهكذا






هل سنجد ان هذا العضو وحيدا في المنتدى ام انه مثله مثل الاعضاء الاخرين؟



بقناعتي .. رح احسو غريب وشاذ عننا .. وهوا نفسه رح يشعر بهادا الشعور ورح يترك المنتدى ..





5- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟





الانتماء للوطن بيختلف عن الانتماء للدين انا ممكن اشترك معاه بالوطنية ما في مشكلة لكن عن الدين ما في بينه وبيني اي شي وهاي معلومة بحب اوضحها يمكن ما حد بيصدقها قادة القسام مثل الشيخ صلاح شحادة والقيادة السياسية مثل الدكتور الزهار والدكتور نزار ريان والشيخ اسماعيل لما كانت تشتد عليهم الازمات ويكونو مهددين بالقصف كانو المسيحية وقادة الكنائس بغزة هم اللي يحركوهم بسياراتهم لانه ما حدا رح يشك انه الدكتور الزهار مثلا طالع مع راهب او قسيس معبد

وشكرا انوس على طرح الموضوع

[اسير حب فلسطين]

1- ماذا سيكون موقف الاعضاء من هذا العضو؟

من وجهة نظري انا شخصيا سأحاول ان اهتم به ..واعامله بأحسن المعاملة ...لان ديننا هو دين المعاملة فربما كانت هدايته على على يد احدة الاعضاء او من خلال طريقتنا في التعامل معه
فنذكر النبي صلى الله عليه وسلم حينما امر اصحابه بربط امامة بن اثال وهو كافر في احد جدران المسجد وهذا الشي اثر كثيرا في حياه امامة لما رأى من حسن المعاملة بين المسلمين وحسن تصرفهم

2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟
حرية الادارة حق لهم ... والله اعلم

3- ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟

اكيد سنطلب من الادارة طرده لان منتدانا اسلامي بنشر فكر اسلامي ولا يؤمن بالمعتقدات الدينيه الاخرى التي وكما نعلم هي تحريف لديننا وضرب من الكفر والله اعلم

4- هل سنجد ان هذا العضو وحيدا في المنتدى ام انه مثله مثل الاعضاء الاخرين؟

بل سيكون وحيدا حتما....لان علاقتنا مبنية على الاخوة بالله وتحت راية الاسلام...فمثل هذا العضو لا تربطه علاقة فديانتهم لا تهتم الا بان تكون المصلحة والفائدة لهم اكبر من غيرهم

- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟


اخي انوس
القضيه لا تكون في الجنسية ...فهناك اعضاء غير فلسطينين ولكن ..ولانهم مسلمين يعرفون ان القضيه هي قضية عقائدية قبل ان تكون قضيه ارض
فالنزاع في فلسطين حدرده لا تقتصر على مشكلة الارض ..بل هو نزاع عقائدي كما ذكره الله عز وجل في القران
فجنسية الانسان لا تظهر نفسيته...فأنا وانت نعلم ان هناك الكثير من الفلسطينين انفسهم لا يهتمون بقضيه فلسطين اي بلدهم
ولكن تجد اخواننا عرب من جنسيات مختلفة يهتمون بالقضيه كأهتمامهم بأنفسهم واكثر.........لماذا؟

لانهم مســـــــلمون



جزاك الله خيرا يا انوس
موضوع قيم جدا

اخوك اسير حب فلسطين

[وتبقى دمعتي غامضة]

السلام عليكم ورحمة الله وبركاتة
أخي أورنس بما أني أعد نفسي منكم وفيكم..سأطرح وجهة نظري المتواضعة
أولا الحمد لله وصلوات ربي على الرسول المهداة نبي الرحمة محمد ابن عبد الله..
قال الله تعالى في محكم التنزيل ( ولن ترضى عنك اليهود ولا النصارى
حتى تتبع ملتهم )الأية
هذا هو مغزى كل مسيحي وكل يهودي لن يرتاح ولن يهدى له بال حتى يخرجونا من ملتنا..كما جاء في الأية
أما من ناحيتي في قبول العضوى أو لا ..
فقد نص ديننا الحنيف في الولاء والبراء وعلمنا ما ينبغي فعلة
أتعلم يا أخي ما هو الولاء والبراء دعني أسوقة عليك..
الولاء هو حب الله ورسوله والصحابة والمؤمنين الموحدين ونصرتهم.
والبراء هو بغض من خالف الله ورسوله والصحابة والمؤمنين الموحدين، من الكافرين والمشركين والمنافقين والمبتدعين والفساق.


فكل مؤمن موحد ملتزم للأوامر والنواهي الشرعية، تجب محبته وموالاته ونصرته. وكل من كان خلاف ذلك وجب التقرب إلى الله تعالى ببغضه ومعاداته وجهاده بالقلب واللسان بحسب القدرة والإمكان، قال تعالى: وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاء بَعْضٍ [التوبة:71].

والولاء والبراء أوثق عرى الإيمان وهو من أعمال القلوب لكن تظهر مقتضياته على اللسان والجوارح، قال عليه الصلاة والسلام في الحديث الصحيح: { من أحب لله وأبغض لله، وأعطى لله ومنع لله، فقد استكمل الإيمان } [أخرجه أبو دا ود].

ومنزلة عقيدة الولاء والبراء من الشرع عظيمة ومنها:

* أنها جزء من معنى الشهادة وهي قول: "لا إله" من "لا إله إلا الله" فإن معناها البراء من كل ما يعبد من دون الله.

*أنها شرط في الإيمان كما قال تعالى: تَرَى كَثِيراً مِّنْهُمْ يَتَوَلَّوْنَ الَّذِينَ كَفَرُواْ لَبِئْسَ مَا قَدَّمَتْ لَهُمْ أَنفُسُهُمْ أَن سَخِطَ اللّهُ عَلَيْهِمْ وَفِي الْعَذَابِ هُمْ خَالِدُونَ، وَلَوْ كَانُوا يُؤْمِنُونَ بِالله والنَّبِيِّ وَمَا أُنزِلَ إِلَيْهِ مَا اتَّخَذُوهُمْ أَوْلِيَاء وَلَـكِنَّ كَثِيراً مِّنْهُمْ فَاسِقُونَ [المائدة:80-81].

* أن هذه العقيدة أوثق عرى الإيمان، لما روى أحمد في مسنده عن البراء بن عازب قال: قال رسول الله : { أوثق عرى الإيمان الحب في الله والبغض في الله }.

*أنها الصلة التي يقوم على أساسها المجتمع المسلم إِنَّمَا الْمُؤْمِنُونَ إِخْوَةٌ [الحجرات:10].

*أنه بتحقيق هذه العقيدة تنال ولاية الله، لما روى ابن عباس رضي الله عنهما قال: من أحب في الله وأبغض في الله، ووالى في الله وعادى في الله فإنما، تنال ولاية الله بذلك

* أن عدم تحقيق هذه العقيدة قد يدخل في الكفر، قال تعالى: وَمَن يَتَوَلَّهُم مِّنكُمْ فَإِنَّهُ مِنْهُمْ [المائدة:51].
وما ذكرة يا أخي الفاضل أنس ليس فية تردد..
إما أنة يدخل في دين الإسلام العظيم.أول لا يشارك البتة
هذا ما علمنا ديننا ..الحنيف
سبحانك اللهم وبحمدك أشهد أن لا إلة إلا أنت أستغفرك وأتوب إليك
ما كتب أعلاة من إجتهادي فمن وجد من إخواني أي ملاحظة فيسرني تقبلها.
تقبل إحترامي..وتقديري
وتبقى دمعتي غامضة
كان هنا ثم رحـــل..

[احلام]

شكرا انوس على الموضوع المهم
بالنسبة لي فان اي شخص يحق له الدخول في المنتدى والمشاركه فيه لكن دون التعرض لديننا الاسلامي
باي شكل من الاشكال ولو حتى بالتلميح .........ممكن بمتابعته لمواضيعنا يعجبه ديننا ونكون سببا في تحريك
مشاعره لمعرفة المزيد عن الاسلام وعندما يرانا يدا واحدة في ظل الاسلام.....يتشجع للقراءة عنه
ويكون لنا الفضل في ذلك
اما ان يقوم هو بالكتابة عن دينه حسب هواه فهذا غير مقبول ............

[anos]

شكرا لطرح ردودكم

بس كان لي تعليق بسيط على أماني ولولا

بالنسبة لاماني

بعدين الدين المسيحي من عند الله تعالى فليش لنكون عنصريين


طبعا الدين المسيحي من عند الله لكن لا يوجد ديانة بعد الاسلام فبنزول الاسلام لا داعي لديانات اخرى وايضا لا تنسي ان الدين المسيحي قد حرفوه كليا.

اما لولا


ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟
يكتب شو يعني واحنا بنكتب عن الدين الاسلا مي وبيعرفنا عن دينو و بنعرفو عن دينا


لو تمعنتي في السؤال لوجدتي فيه كلمة حسب معتقداته وما بظن انه يوجد مسيحي له معتقدات مسيحية كزمن سيدنا عيسى عليه السلام واعيد واكرر انه يوجد ديانة بعد دين الاسلام فلماذا نتعرف على ديانته وهي بالكامل محرفة


تقبلوا فائق تقديري واحترامي

[Abu Shadi]

مشكووووووووور اخي انوااااااااس
اخي انواس بصفتي اني بحب الصداقه
بعرف اصدقاء من كل الانواع
بحب اخبرك انو المسيحي بشبه المسلم في كل اشي سو الديانه
عنا احنا التحفظ علي بناتنا عندهم نفس الاشي
صحيح انهم بمشو علي حال شعرهم لكن خلي حدا يسترجي يحكي عليهم وشوف شو بيصير
اخي بحب احكيلك علي قلبي احلي من العسل لو دخل مسيحي هووووون ولو دخل مسيحي بيتي كماااااان حتي اريحك اكثر
هلقيت راح ارد علي اسئلتك

1- ماذا سيكون موقف الاعضاء من هذا العضو؟
تماااااااااام وراح ارحب فيه اكثر من المسلمين الي بدخلو لانو راح يكون زي الغريب ويخجل

2- هل ستتقبله الادارة او بالأحرى هل من سياسة الادارة قبول المسحيين في هذا المنتدى؟
اه مش غلط وان ما قبلة بكون الاداره ما الها لازمه ولا بتعرف اتدير اي موقع

3- ماذا لو قبلنا العضو بيننا وصار يكتب مواضيع عن الدين المسيحي حسب معتقداته ماذا سيكون موقفنا؟
سأرد عليها بكل وضوح حتي اقنعه بيها مش غلط برضووو زي ما النا حرية التعبير الهم حرية التعبير
وان بدك تهدي واحد اهديه بالعقل مش بالعنصريه وبالتعصبن

4- هل سنجد ان هذا العضو وحيدا في المنتدى ام انه مثله مثل الاعضاء الاخرين؟
مثل اي عضووو ويمكن يصير من اعز اصدقائي عشانووو وحيد

5- هو فلسطيني وهذا الذي يجمعه بيننا فما سيكون موقفنا من فلسطينيته هل نعتبره واحد منا كونه فلسطيني مثله مثلنا ام عكس ذلك؟
حعتبرووو اكثر من فلسطيني راح اعتبروو ابن حارتي وابن مكاني
وبمناسبه بحب اخبرك انو المسيحيه كانو يشتغلو في المقاومه بكل ضمير وبشجاعه مثل شجاعة المسلمين


بتمنا انك ما تزعل مني اخي انواس
مشكوووور مره تانيه علي هالموووضوع

[anos]

ليش ازعل شي عادي

بس بحب احكيلك انو انا ما بكره المسيحية ولا بشك ولو شك بسيط بوطنيتهم

شكرا لردك

[عذراء فلسطين]

اوك انوس حرفوه طيب بس كمان لو دخل واحد مسيحي بينا المفروض انو نعامله باحترام واهم شي انو ما يمس الدين الاسلامي هادا برأيي بعدين كونه انسان متلنا لازم نعامله باحترام وما نفرق بينه وبين واحد مسيحي

[anos]

اوك ما في مشكلة

وانا هادا اللي بحكيه

بس ما يكتب مواضيع عن الدين المسيحي ومعتقداته

[samra]

اخي انوس
موضوعك هام للنقاش
وهالعضو المسيحي انا مع اني جديدة هون بس برحب فيه جدا
ليش؟؟؟
دولة الاسلام قبلت انه الكفار يعيشوا بين المسلمين بداعي انهم يشوفوا الفرق بين الاسلام ودينهم ايا كان وبالتالي بسمحاحة الاسلام وباذن الله بيقتنعوا بدينا وبيسلم من هداه ربي
هون بالمنتدى غلط انه نترك هالعضو وحيد
الرسول عليه الصلاة والسلام قال فيما معناه
نحن لا نكره الكفار ولكن نكره الكفر فيهم

واذا هالعضو حط مواضيع عن دينه المسيحي خليه نحنا مسلمين وراح نناقشه بمواضيعة لحتى نثبتله انه افكارهم ودينهم غلط

وانا اول وحده برحب فيه وراح اناقشه بمواضيعه
بس انت احكيلي مين هو؟؟:s (59):

[anos]

ولا واحد انا طرحت الموضوع وافترضت انو مسيحي سجل ( كلها شغلة افتراض)
الحمد لله كلنا مسلمين هون

يسلموووو لرأيك ومرورك

[عقرب فلسطين]

اخوي انس..انا لسا جديد هون وبتمنى اكون صديق إلكم..

عجبني الموضووع كتير..

انا من جهتي ما بقدر احكي اشي..رح يكون واحد من المنتدى ورح اكون معاه صاحب ولو طلب مني طلب ما رح اقصر معو زيو زي أي عضو اخر..بس بمكن ما اكون صريح معو زي باقي الاعضاء..
وانا ما عندي مانع انو يشترك معنا واحد مسيحي..
واذا كتب مواضيع عن المسيحيه ممكن نحكي معو ونطلب بطريقه مأديه انو ما بصير يكتب..وممكن نشاركه افكاره ونحاول نصلح فيه ونشرحه الاسلام..

وشكرا لك على السؤال..

[Abu Shadi]

اخي ابو فادي انشاء الله راح يكونو عندك مسيحيه هههههههههههههههههههه

[sas]

اعتقد ان الادارة اذا ارادت انجاح هذا المنتدى عليها ان تتوجه التوجه الديمقراطي
فلا اساس للعرق او الدين او الجنس بين الاعضاء
اذا كان توجه المنتدى اسلامي فهذا يعني ان المنتدى مغلق على نفسه ولا يتقبل الاخر ولا يستطع نقاشه
اذا كانت افكاركم الاسلامية جيدة وقوية وانتم اهل لمناقشة الغير ليس بينكم خيارات سوى اعتماد التعددية الفكرية


ولي انا سؤال
ماذا عن عضو لاديني مثلي :icon11:

[أبو فادي]

السلام عليكم و رحمة الله و بركاته

صراحة موضوع حساس وفرضية صعبة شوية

بالنسبة لانضمام مسيحي النا ما فيها اي مشكلة و حنرحب فيه اخ بينا وما فيه اي تفريق
وانا اللي اصدقاء مسيحية و علاقتنا جيدة مع بعض

وشباب فلسطين يشمل كل الشباب في كل فلسطين و أهلا وسهلا بكل فلسطيني و كل عربي

بالنسبة لنشر معلومات عن الدين المسيحي فهذا لا استطيع البث فيه اطلاقا لحتى وقوع الحدث و عندها حنطلب رأي كافة أعضاء الادارة واذا لزم كافة الأعضاء

الا اذا كان الموضوع فيه تعرض لدينا الاسلامي فهذا موضوع اخر...

واحنا في الاول و في الاخير مع اجماع الأعضاء ....

وفقكم الله لكل خير

[anos]

شكرا لمروركم



ولي انا سؤال
ماذا عن عضو لاديني مثلي :icon11:

كل واحد عقلو في راسو بيعرف خلاصو حبيب قلبي

[شوق القلوب]

بسم الله الرحمن الرحيم
والله الدين الاسلامي ادى كل انسان حريه الديانة فبرأيي انه شي عادي في نطاق الاحترام والتقدير وبدون الاساءة لأحد الطرفين

تحياتي
شوق القلوب

[Abu Shadi]

ربنا يوفقكم للخير يا اخواني
وبالنسبه للمسيحيه انا ما في اعتراض عليهم بالعكس عادي عندي
زيهم زي اي انسان اخر وحتي لو يهودي دخل راح احترمو طول ما هو محترمنا
ولكن لن تكون اي ثقه بيني وبينو

[anos]

يسلمووو لمروركم