بدي رأيكو .. اللي بعملو صح ولا غلط ؟؟

[بنت صفوري]

سلام شباب وصبايا

بدي رأيكو هل اللي بعملو صح ولا غلط ؟؟؟

كل انسان أكيد بداخلو في حلم مستحيل انو يتحقق

وبالنسبة لإلي أنا لسه بعيش بهالحلم هاد و أنا متأكدة انو مستحييييل بس عم بضحك ع حالي و بخدع نفسي انو ممكن يصير ويتحقق اللي بدي اياه وبنفس الوقت متأكدة مليون بالمية انو ما حيتحقق وعم بتعب والله كل ما أفكر فيه بس حابي أعيش فيووو رغم انو مستحيل


فهل هاد الشي اللي عم بعملو صح ولا غلط ؟؟؟

جد بدي آراءكو بصراحة ..


ويعطيكو ربي 1000 عاااافية



بنت صفوري

[محمود]

غلط ونص :)

اختي هذا اسمــــــــــــه كابوس وهم ^^

ما تعيشي في خيال غيرك وخصوصا ً يا أختي

لما الواحد يعلق آماله و أحلامة على شخص ثاني بوعود ما الها

من الصحة شي ،، انتبهي لنفسك وابعدي عن الاحلام واخطي خطى الصلاح في نفسك

وبيتك ،، واقطعي الطريق نهائيا ً عن كابوسك ، لأنو الحلم حلو ، لكن هنا بدايته ونهايته يأس وتحطيم

نفوس ،،

اقصدي طريق النجاح أفضل الك ،، واتحدي المستحيل في شي محرز ^^

[صدى الصمت]

اختــي

بقــولو ،، (( ليــس كل ما يتمنـــاه المرء يدركــــه ))

وبقولــو كمـــان ،، ( لا حياة مع اليــأس ،، ولا يــــأس مع الحيــاة ))

مخك في راسك ،، بتعرفي خلاصك

^_^

[لمن يجرؤ]

شو في اختي بنت صفوري كل واحد منا اكيد اكيد عندو حلم وكل واحد منا حلمو او

هدفو بختلف عن التاني في واحد حلموووووو كبييييييييييييير كببببببببببير وفي واحد حلمو علي قدو

وفي واحد بحاول ويسعي انو يحقق هل الحلم وفي واحد بيحلم وهو قاعد بدو حلمو يتحقق وهو قاعد


وانتي لا تقعدي وتستسلمي وتحكي نفسي هل الحلم يتحقق ......مهماكان الحلم كبير لازم نجرب ونحاول

فشلنا بالمره الاولي بنحاول مرتين وثلاثه واربعه وبعدين ما في اشي اسموووووو كبير ربنا الي كبير وبس



وانشاء الله الي في بالك بتحقق


تحياااااااااااتي الك

[بو هبه]

بالعكس انتي ما بتخدعي نفسك ولا شيء


انتي اطلعي ع اطراف الحلم ....اه بحكي جد


اطلعي ع اطراف الحلم


اطلعي ع الاشياء البسيطه الي فييه


الي بتقدري توصليلها


ومنها بتعرفي اذا الحلم هذا مستحيل او لأ


وانتي بتقولي مستحييل


وانا بقول مستحييل

وغيري بقول مستحييل


طيب احنا ليش عايشين دام انو ما بدنا نخوض تجارب الحياه


حتى لو ما وصلتي للحلم المهم انك حاولتي


لأن الدنيا عكس المدرسه امتحانها مفاجئ وبعدين بنتعلم

مش زس المدرس بنتعلم عشان منتحن



وزي ما قال اخي محمود .,...,..,.. واتحدي المستحيل في شي محرز ^^


دمتي


سلامي

[سيد الظلام]

طالما انك شايفة انه مستحيل يتحقق شو بتستني قاعدة ؟؟؟؟

[يافا الفلسطينية]

بالعكس خلي الانسان يحلم ويتخيل في احلى من الاحلام لا غلط ولا اشي

[بنت صفوري]

يعطيكو العافية شباب وصبايا
و أنا شفت هلئ انو في مؤيدين و في معارضين و أنا بحترم رأي كل شخص فيكو

و ع راسي والله الكل

وناطرة آراء باقي الأعضاء لانو جد بهمني كتير رأيكو

بنت صفوري

[يــارا]

احسن شي انك انت من داخلك واثقة ومتاكدة انك بتضحكي على حالك ,,
مادام عارفة انك بتضحكي على حالك ,, ليه بتخلي الحلم يكبر جواك؟؟!!,,,
شيلي هالحلم من راسك لتقدري تعيشي,,
تحياتي ,, يارا..

[سيد الظلام]

بالعكس خلي الانسان يحلم ويتخيل في احلى من الاحلام لا غلط ولا اشي


الحلم له حدود يافا

يعني شو رايك احط رجل على رجل واحلم اني خلصت جامعة وتوظفت وتزوجت (يارب)

واضل احلم ما هو حلو الحلم

شوفي يافا الحلم مش اني احط براسي واقعد انام وكان الله بالسر عليم

لا الحلم لازم كمان في حدود الواقع اتعب له احاول اوصله يكون موجود

يعني بالنسبة لبنت صفوري ما تاخذني اعتقد انها عايشة حالة حب لكن مع انسان اعتقد انه من عالم

تاني اذا ما كنت غلطان طبعا

[بنت صفوري]

شكرا يارا حبيبتي ع رأيك ..
و ع مرورك الحلو

وبالنسبة للأخ .. سيد الظلام ..
أنا بشكر اهتمامك بالموضوع هاي أولا
و ثانيا أنا ما عندي مانع اني أحكي عن مشكلتي اللي بعاني منها لهلئ .. أنا فعلا بحب شخص و هو كمان بحبني .. بس سمعة أهلو مو منيحة و هو بالعكس شب ما في منو أبدا أخلاق و دين وهاد أهم شي .. بس المشكلة بأهلو و سمعتهن .. وأهلي مو مستعدين يجازفو فيني مع شب أهلو مو مناح ( هاد رأيي الأهل طبعا ) .. وبالعكس هو عمل المستحيل لحتى يصير النصيب ولسه عم بحاول و ما يأس أبدا... بس شو بدنا نعمل ؟؟؟ و أنا الصراحة مقتنعة فيو مليووون بالمية و صار هالحب بالنسبة إلي من سابع المستحيلات انو يتوج بالزواج .. وصرت أعيش بالحلم و الحلم صار يعيش فيني لا إراديا والله و مو قادرة أنسى ...........!!


تحياتي

بنت صفوري

[محمود]

نعود من جديد ,,

لما الواحد يعلق آماله و أحلامة على شخص ثاني بوعود ما الها

من الصحة شي ،، انتبهي لنفسك وابعدي عن الاحلام واخطي خطى الصلاح في نفسك

انا لمحت الك انو قصتك بتتعلق بشخص وقصة فيها حب ، لكن ما حبيت أوضح خوفا ً من الإحراج ،،

اختي الكريمة ،، السمعة السيئة ستلحق بك و بأهلك و بأبنائك مستقبلا ً هالشي لازم تفهميه منيح ..

نصيحتي الك تبعدي عن طريق هالشخص ،، لكن اذا كان الشخص صاحب خلق ودين وبعيد عن السمعة

السيئة الي راح تلاحقه طول حياته ممكن تجازفي بكل شي مشانه بس وقتها ممكن تكوني ظلمتي

نفسك واهلك واخواتك وأولادك ،

فكري تفكير منطقي بعيدا ً عن وهم اسمه الحب ،،

دمت بخير ..

[بنت صفوري]

لك الله يخليلي اياك يا محمود شو انك زوووء والله.. عادي أخوي ما فيها احراج ولا شي ولو نحن اخوة و مو بيناتنا أبدا

و الصراحة كلامك هاد كتير قالولي اياه خاصة اختي .. بس كنت حابي أسمعو من أكتر من جهة .. و الصراحة أخوي محمود والله انك صبت ع الجرح ..وبتشكر اهتمامك بالموضوع ..

وبعدين أنا والله متأكدة مليون بالمية من أخلاقو لاني صرلي معو شي 5 سنين .. يعني صرت فاهمتو منيح وعارفة أطباعو و أخلاقو .. ولو شفت منو شي غلط لا سمح الله مستحيل أتمسك فيو

والله مو عارفي كيف أتصرف ... بس أملي بربنا كبير و الله كريم ..


بنت صفوري

[محمود]

5 سنوات مش كفاية :)

احكيلي شو الـ 5 سنوات عمل فيهم شي يشرف أهله والناس فيه ،،

ويبعد عنهم السمعة العاطلة ؟! يعني شو غير في أهلو ؟ ولا كان هامو نفسه فقط !

اختي ما تحكمي ع الأمور بالمدة ، اكيد بتعرفيه على الإنترنت او في الشارع !!

وأنا آسف لو بدخل بهيك قصة ، بس لو اختي وتقدم الها واحد سمعة قرايبو

مش اهلو كمان فيها شئ معيب ما بقبل الزواج ،، بعدين ازا أهلك مو موافقين !!

برايك شو الحل ؟ تتركي أهلك مشان مين ؟ وافرضي احساسك خانك لمين راح ترجعي ؟؟

أهلك ما رح يكونو معك !! الأمر صعب جدا ً لهيك لازم تحسمي الموضوع لصالحك ، وبغض النظر

عن صلاح هالإنسان ، بس البنت هيي الجانب المظلوم دايما ً في قصص الارتباط ..

احسن شي استخيري ربك وادعيه انو يهديك للطريق الصواب ، وانا بحكيلك بكل صراحة

اسمعي كلام أهلك أحسن لك ..

[دمعة فلسطين]

خيتو ازا الموضوع بيستحق انك تحاولي وفي امل ولو واحد بالميه لنه يتحقق اللي بدك ايه فحاولي وازا كانت النتيجة ايجابية كملي اما ازا كانت سبية فانسي احسن الك لانك ازا ما نسيتي رح تكوني انت الخسرانه الوحيدة وبتمنى انك تلاقي الصح وتعملي

[بنت صفوري]

تسلمي soso bar ع رأيك حبيبتي و ع مرورك اللي شرفني والله و ع راسي كل الكلام اللي قلتيه ..

وبالنسبة للأخ محمود .. فأنا مو عارفي كيف بدي أتشكرك كتير ع اهتمامك خيووو ..
وبالعكس ما تتأسف لانك ادخلت بهالقصة بالعكس أنا بدي مين يدخل فيها و ينصحني ...
و صراحة كلامك كلو صحيح .. و أكيد أنا ما فيني أتخلى عن أهلي عشان أي شب مين ما كان يكون .. ولا فيني أعصيلهن كلمة شو ما كانت ... ولا كان عملت هيك من زمان وخلصت .. بس أنا ما حاسي إلا بتأنيب ضمير تجاه الشخص اللي حبني بكل اخلاص ... وحاسي اني لسه مقيدة و لانو ما بإيدي شي أبدا أعملو عشان هيك قررت اني أعيش بأحلى حلم مر بحياتي .. لانو ما بإيدي شي والله


و بتشكرك من كل قلبي أخ محمود .....


بنت صفوري

[بنت صفوري]

بانتظار آراء باقي الأعضاء للأهمية



بنت صفوري

[lnosh]

هاد كله اسمه و هم لازم تنسيه ما دام مستحيل

ما تعلقي احلامك علي اشخاص تانين

ما دام انك متاكده انه مستحيل فانسيه

و ما تعيشي في الوهم و الحلم المستحيل

خليكي واقعة افضل بكتييير

ما تعيشي بحلم و فجاة تفيقي منه تلاقي حالك في الهاوية

[بنت صفوري]

تسلمي حبيبتي ع مرورك و ع رأيك اللي بحترمو أكيد ..

وانتو بس ادعولي و الله كريم ...



نورتي الصفحة ياعسل


بنت صفوري

[احلى رورو]

غلط ومليون غلط


حبيبتي الاحلام بددمر الواحد


ازا ما كانت ملائمة للواقع

[بنت صفوري]

والله من جهة بدمر الواحد فهي فعلا بدمر الواحد .........!

والغريب ... بعرف هالشي بس بعاند و بكمل ...؟!


تحياتي حبيبتي إلك و شكرا ع رأيك ...



بنت صفوري

[رأفت]

من منا لا يحلم بالمستحيل ؟

ان الله قادر على كل شي ...

يمكن ان يتحول هذا المستحيل ... من المستحيل الى الصعوبة ..

و بقوة الارادة و التصميم يكون هذا الصعب سهلا ...باذن الله ...

انا لا اؤمن بالمستحيل ... الا ما كان مستحيلا .... و نحن نعرف ما هي المستحيلات ...

اما الصعوبة.. فهي درجات .. فهناك ما هو صعب و هناك ايضا ما هو صعب جدا ...

فامام الارادة القوية تتكسر كل الجواجز و الصعوبات ....

ثقي ان ما تفكرين به ليس بالمستحيل الا اذا كنتي تريدين ان ترجعي الزمان الى الوراء ..

او تعيدين ميتا الى الحياة ... او تشفين مريضا لا يمكن شفاؤه ... فهذه الشؤون الربانية هي المستحيلات

فقط...

اما ما هو غير ذلك فقد يكون صعبا او صعبا جدا ... و لكن يمكن ان يتحقق ...

تحياتي لكي ...

[VIP.]

اختي

الحلم ماعمرو كان غلط بالعكس

انك تحلمي بشي هاد لحالو شي مميز وما يهمك اذا كان حلمك صعب انو يتحقق بس انتي عليكي انو تجربي و تحاولي و لكل مجتهد نصيب

و ما تيئسي ابدا لانو الي بدو يحقق شي ببالو لازم يثابر عليه ما بننكر كلياتنا عنا احلام صعب انو نحققها ولاكن لازم كلياتنا نجرب

و نحاول و نستمر بالمحاوله مو مره ولا تنتين ولا 100 نضل نجرب و نكرر

انتي شو شعورك بكون لمن تحققي حلم صغير ؟؟

اكيد بالطيري من الفرح و ما بترفي شو تعملي بحالك منكتر ما انتي فرحانه هاااااد كلياتو والحلم كان صغير

فكيف لو كان كبير و تحقق شو حتعملي ^_^

و ربنا يوفقك و يحقق الي ببالك و ببالنا كمان

تحياتي الك و شكرا على الموضوع

حلوه منك

[بنت صفوري]

شكرا لك أخ رأفت ع الدعم هاد ... جد بتشكرك من كل قلبي .. والله كريم

وبالنسبة للاخ vip
شكرا كتير خيووووووو ع رفع المعنويات هاي اللي حسيت فيها لما قريت ردك انت و الأخ رأفت ...


وما بقول إلا .. انو الله يهديني للطريق الصواب



تحياتي إلكو اخواني ...



بنت صفوري

[almhnad 22]

لازم الواحد فينا بيسعى لتحقيق احلامه حتى لو كانت مستحلة مثل ماقال اخي بو هبه حاولي
(( ليس الفرصة بابا يفتح أمامك ’’’ إنها خطوة جريئة تقوم بها ))
تقبلوا مروري مع فائق تحياتي

[بنت صفوري]

تسلم خيووو ع مرورك و ع دعمك كمان ..


نورت الصفحة والله



بنت صفوري

[بنت الرملة]

اكيد غــلط ..

انا إنســـانه من الأول ما بعــلق حــاليي بشــغله إزا كــانت نهايتها مستحيله ..

احــنا لازم نفكــر بالنهـــــايه قبل ما نبــــدأ ..

ومدام صرتي متعلقــة ومتعــلقة بهالحلــــــم انا بقلك انســــــــي احســــــن ..

لأنو الحــــــل واحد هوا إنـــــو تنتــــــظري معجــــــزة عشان يصير ^ *

ومدامـــــــك انتي بنفسكــ عارفه انو مستحـــــيل يتحــقق فلا تعـــــبي حالك خلـــــص ..

فكري بإشـــــي تاني تفيدي فـــــــيه نفســك وينفــــعك ..

[فلسطيني كح]

آسف على التأخير في الرد

لكن ححكيلك رأيي بصراحة

انتي لما تتعرفي على انسان

وحدة من الثنين حتصير

يا حتضل علاقتكم و تتزوجوا مثلا و هاض طبعا مستحيل يصير

يا إنك حتنفصلي عنو و هاض اللي حيصير و اللي بصير

عشان هيك ما تخلي أي واحد يتمكن من مشاعرك

و هاض رأيي

سلملم

[أبـ ـو أسـ ـا مـ ـة]

انا بقلك اشي سهل كتير ..

صلي استخااااره والله يجيبلك الي فيه الخير ..

واذا ما بتعرفي بقلك الطريقه مش عيب برضو ..

وادعي والله بيبنلك وين الخير ويين الشر ..

تحيه طيبه .

[السفيرة]

اكيد هادا غلط لانو الحلم فترة مؤقتة بنحلم في بس انتي الحلم اللي بتحلمي في حلم دايم وعمرو مارح يتحقق واذا تحقق رح يكون معجزة ليس كل مايتمناه المرء يدركه هاد اولا تانيا انتي قلتيها بعظمة لسانك انو حلم ومستحيل يتحقق رح تضلي عايشة على هالحلم لا عيشي الواقع لو الحلم رح يتحقق كان كل الناس ضلو يحلمو عشان هيمك انتي انسى الحلم وعيشي الواقع اللي انتي في واللي رح تحققي انتي وصاحية ومش انتي وقاعدة بتحلمي عمرك شفتي حد بينجح من دون مايدرس عمرك شفتي بناية بتنبنى من غير مايحطو الاساس اذا ماحطو رح توقع وصاحب البناية مارح يقعد يحلم انو بنى بناية فعشان هيك بدا باللي رح يثبت البناية وهوي الاعمدة والاساس تبعها فبطلي عايشة الحلم وعيشي الواقع وانا هاد رايي وسامحيني عالازعاج والله ويفقك ويطلعم من حلمك

[فراشة القمر]

السلام عليكم
طبيعة فينا بنجب وبنتمسك بحبنا هدا وبنصل لمرحلة نقول مش قادرة استغنى وبس نلمس الحقيقة كل شي بيظهر وبنتسال وين كان عقلي؟؟؟ من كبر الصدمة اللى ادركناها مؤخرا.
الحلم حلو بس ما تصلي فيه لمرحلة الوهم لانو الوهم مرض .
لازم يفكر بعقل هالانسان و يكون عنده نظرة مستقبلية ,موضوع مستحيل واسبابو واضحة ومنطق وعقل واهل اكبر منا سنا وخبرة اعترضو, بلا منو و خليه يكون دافع للامام وخبرة للمستقبل القادم ,لا وقت للعناد هنا, ابعدي و بيكون باولها التعب يومين تلاتة ...... وبعدها حتقدري تنسي وتخطي للامام وان شاء الله حتنجحى وتتوفقي وبعدها هتحلمي وتحققي حلمك وربنا يكون معك .
تحياتي لك وتقبلي مرورى

[السيد الفلسطيني]

مشكوووووووووووورة اختي على الموضوووووووع الجميل

يسلمووووووا ايديكي الله يعطيك العافية

تقبلي مروري
تحياتي السيد الفلسطيني؟؟؟

[بنت صفوري]

شكرا اخواني وخواتي ...

شكرا لمروركو الكريم و آراءكو اللي بحترمها بلا شك ..


يعطيكو ربي 1000 عافية و ما قصرتو ..


بنت صفوري

[بنت صفوري]

أنا بشكر الجميييييييييييييع ع مروركو و ع آراءكووو و ع وقفتكو معي


يعطيكو 1000 عااافية و ما قصرتو والله



بنت صفوري