أن تكون عميلا .... هي تذكرة الوصول لغزة عبر معبر العوجة !!

[عاشق الحور]

بسم الله الرحمن الرحيم

http://www.files.shabab.ps/vb/imagestore/2/32016.imgcache.jpg

أن تكون عميلا .... هي تذكرة الوصول لغزة عبر معبر العوجة

العائدون الى غزة ( ارشيف معا)

بيت لحم- معا- كشفت ألوية الناصر صلاح الدين, عن محاولات لأجهزة الأمن الاسرائيلية وجهاز الشاباك

تحديداً لتجنيد عملاء من القادمين للقطاع عبر معبر العوجة.

وقالت الالوية "وصلت لنا حالتان ممن عبروا لقطاع غزة تؤكدان سعي رجال أمن اسرائيليين تجنيد عملاء

ومتعاونين مع الاحتلال الإسرائيلي، وذلك أثناء إتاحة عبور هؤلاء إلى قطاع غزة بعد أن أمضوا أكثر من شهر

ينتظرون السماح لهم بالعبور إلى بيوتهم في القطاع".

وبينت الالوية في بيان وصل "معا" نسخة عنه أن الشخصين اللذين توجها للكتائب أدليا باعترافات عن قيام

رجال أمن اسرائيليين بالطلب منهما أن بقوما بجمع معلومات عن المنظمات الفلسطينية الفاعلة في رفح،

وخصوصا عن رجال القوة التنفيذية وألوية الناصر وسرايا القدس.

كما قام رجال الشاباك بالاستفسار منهما عمن يعرفان من رجال المقاومة, وسألوهما حول نشطاء معينين

في فصائل المقاومة تنشط بمناطق مختلفة بالقطاع.

وقال أحدهما (24 عاما) إنهم أوقفوه لمدة ثلاث ساعات حتى وافق على طلبهم التعاون مع الاحتلال,

وأضاف أنهم ذكّروه بأنه على وشك إنهاء تعليمه وأنه بحاجة ماسة إلى المال حيث أن وضعه الاقتصادي صعب.

أما الحالة الثانية (37 عاما) والذي توجه إلى مصر لمعالجة ابنه الذي يعاني مشاكل في الرؤية، فقد أكد

أنهم منعوه من العبور لمدة ست ساعات. وقال إن رجل الأمن الإسرائيلي أعطاه بطاقة لهاتف نقال وأكد له

أنه سيربح الكثير في مقابل المعلومات التي سيحولها إلى مشغّليه, ما اضطره للموافقة لأنه ظل عالقا تحت

السماء والطارق لمدة شهر كامل على الحدود المصرية فيما نقوده نفدت ولم يعد بمقدوره توفير ثمن أكله.

=======================

هذا ما جنيناه من تواطؤ سلام فياض بمعونة ما يسمى محمود عباس

من اجل اغلاق معبر رفح وحصار غزة

حسبنا الله ونعم الوكيل

[عبق الياسمين]

شئ متوقع
فكيف مر هؤلاء بتعاوان سلام فياض دون مقابل
بالطبع اسرائيل بحاجة ماسة الى العملاء في غزة
وبما ان العملاء الكبار متعاونون فهذا ما سهل عليهم
وماذا سنقول غير حسبي الله ونعم الوكيل عليهم
واللهم احمي ابنائنا وثبت ايمانهم علة حماية الوطن والدين
وجزاك الله خيرا على لفت انتباهنا في هذا الموضوع

[الوردة الحانية]

الله ياخدهم ياارب

ويااخد سلام والمنغولي

يسلموو ايديك اخ عاشق الحور

[o0o عاشق الشهادة o0o]

يا سيدي مبروك عليهم

وسام العمالة ورضا امريكا واسرائيل عنهم

طبعا مش الشعب الغلبان

لا بس المنغولي وسلام فياض

حسبنا الله ونعم الوكيل

[غزاويه]

يا الله شو هاد يعني الواحد ازا بدو يدخل بلدو اولا يسير عميل لاسرائيل

والله مصيبه هي ....... يعني الواحد رايح مشتاق لبلدوا واهلو وناسوا

يروح بالاخر عميل يتجسس عليهم .......
اللهم انا مغلوبون فانصرنا

[اسماعيل عادل]

حبيبي انا هيني كمان بالعريش والي شهرين بالضبط بالعريش ولسا ما روحت لحتى الان وماتو قدام عنيا 10 من الزحمة الي كانت لما ركبو الباصات يعني غصب عن كل العالم لازم ندخل انشالله عن طريق البحر المهم نصل على غزة وانا بدي اقول كلمة كل التعب هادا اصلا من حماس انها ليش تعمل انقلاب اصلا هيا بس اطعمي حالها علشان تطعمي الشعب هلا هي مصيرهم وشوفو شو بسير بغزة وانا بحكي لكل الي بيحكي انو مش لازم نعبر عن طريق العوجا بحكيلو روح افتح معبر رفح يا روحي روح ولما كل واحد من فتح ولا حماس يطلع اقتراح على فتح معبر التاني بطلع بعمل شي يفركشو لمتى يعني لمتى لما يموتو كل الناس الي موجودين هين بالعريش وانا بدي اقول كلمة اخيرة ( الي ايدو في المي مش زي الي ايدو في النار )

اسماعيل عادل العمر 16 سنة
ساكن في شارع النصر بغزة بس اوصل بالسلامة الاول
الي بدو اي حاجة يعني هتولي التنفيذية تحبسني هيني حطيت العنوان الي بيوصل هناك يحكي اسماعيل عادل وهوا بوصل لحالو

تحياتي يا حبايبي انتو

ال حماس ال

[الوردة الحانية]

غريبة انو في ناس مستعدة تبيع كرامتها وتذل نفسها

عشان شو عشان كم شيكل

الله يعين والله صرنا نبيع ضمائرنا بكم شيكل

ههههههههههه
ضحكتني
حماس اللي عملت انقلاب
واللي سواها جيش دحلان مش انقلاب

[اهات الاقصى]

صح مصيبه
بس مش معنى هيك كل اللى بيمروا من عالمعبر
عملاء شويه شويه على العالم
وبعدين هدولا العملاء ما تعلموا من اللى صار لقاداتهم وذيول الاحتلال
فعلا اغبياء !!!!
هنيئا"للحتلال بهم
ههههه هههههههههههههههه هههههههههههههه

[القدس الجريح]

يا جماعة مش هيك القصة

أنا بعرف انه اتفاقية معبر رفح ايام ما عملتها السلطة مع الاحتلال ما عجبت حماس ولما كانت السلطة على المعبر اصلا بعد نجاح حماس في الانتخابات كانت ما تقدر على فتح المعبر الا بتنسيق مع الاحتلال لفتح المعبر بضع ساعات في الاسبوع واحيانا أكثر من اسبوع ومساكين الى كانوا يعملوا التنسيق مع الاحتلال لخدمة شعبنا البطل طلعوا خونا في نظر حماس فقط والمنتفعين من وراهم ولما اتفقت السلطة الشرعية سلطة ولى الامر على ادخال الناس الى مرميين اكثر من شهر على المعبر بيموتوا كل يوم الف مرة طلعتوهم عملاء في الاخر .
ليس جديدا على الشعب الفلسطيني انهم يوقفهم المخابرات الاسرائيلية على المعابر ويساومهم على العمالة مقابل فلوس .
بعدين أكم مرة أيام الاحتلال ما كان بغزة طلعت قوافل الحجاج من معبر ايرز وما كان اي اعتراض من قبل لا حماس ولا غيرهم
وهي المعبر قدامكم أفتحوا والله احنا ما بنتشاطر الى على بعض من قتل وتخوين وتكفير الناس والمناظلين
ما لنا الا ان نقول حسبي الله وانت نعم الوكيل

[ah_eng]

حسبنا الله و نعم الوكيل على الظالم كل انسان مات او اسقط فلعمالة فهو في عنق محمود عباس وزمرته الفاسدة
هلقيت صارت حماس سبب اغلاق معبر رفح يعني مش عباس الي مابدو المعبر ينفتح ومتفق مع مصر ما تقوم بأي مبادرة لفتح المعبر والك الادلة يلي ما بتصدق
باعتراف المصريين فصحافتهم انو الي مانع فتح المعبر هو عباس
المالكي الي هو وزير الاعلام(اللاشرعي)لما راح فزيارة للناس المحجوزين علمعبر قلهم ما دامت حماس مسيطرة فغزة ما حينفتح المعبر وحنلاقيلكم حل
وبعدين لما قدمت قطر و اندونيسيا مشروع قرار فمجلس الامن للنظر فأوضاع الغلابى الي على المعبر وقف فوجه القرار 3 فكركم مين ممثل اسرائيل و ممثل امريكا و ممثل الرئيس ابو مازن ووجه لاخير انتقادات للسفير القطري
واحنا مقدرين ظروف الناس على المعبر و انو همهم كبير بس يعرفو مين السبب الحقيقي فاغلاق المعبر
وبعدين يا اسماعيل عادل ان شاء الله بترجع بالسلامة وما بتخاف لا من تنفيذية ولا من غيرهم لانو زمن الزعرنة و العربدة وفرق الموت ولت ما بخاف غير الي عليه قضية اخلاقية او تاع مخدرات او حرامي .....وضواحيها
بس نفسي اسأل ابناء فتح ليش من 3سنين ايام ابو عمار كان ابو مازن خاين وطلعت المسيرات تندد ببيعه اراضي لليهود على الحدود مع مصر وانا من رفح و عارف هلكلام ودحلان كان الخاين الاكبر و العدو اللدود لأبو عمار
صارو هما قادة فتح و اللي بيحكمو و بيؤمروا فيها ولا ليكون هدا المنهج بتاعكم
زي ما كرمتم سميح الملعون الملحد وصار بطل بتتغنو فيه
الله يحشر عباس و دحلان مع اصدقائهم رايس و بوش و شارون ويحشر كل من احبهم معهم ان لم يريدوا لانفسهم الهداية

[o0o عاشق الشهادة o0o]

حبيبي انا هيني كمان بالعريش والي شهرين بالضبط بالعريش ولسا ما روحت لحتى الان وماتو قدام عنيا 10 من الزحمة الي كانت لما ركبو الباصات يعني غصب عن كل العالم لازم ندخل انشالله عن طريق البحر المهم نصل على غزة وانا بدي اقول كلمة كل التعب هادا اصلا من حماس انها ليش تعمل انقلاب اصلا هيا بس اطعمي حالها علشان تطعمي الشعب هلا هي مصيرهم وشوفو شو بسير بغزة وانا بحكي لكل الي بيحكي انو مش لازم نعبر عن طريق العوجا بحكيلو روح افتح معبر رفح يا روحي روح ولما كل واحد من فتح ولا حماس يطلع اقتراح على فتح معبر التاني بطلع بعمل شي يفركشو لمتى يعني لمتى لما يموتو كل الناس الي موجودين هين بالعريش وانا بدي اقول كلمة اخيرة ( الي ايدو في المي مش زي الي ايدو في النار )

اسماعيل عادل العمر 16 سنة
ساكن في شارع النصر بغزة بس اوصل بالسلامة الاول
الي بدو اي حاجة يعني هتولي التنفيذية تحبسني هيني حطيت العنوان الي بيوصل هناك يحكي اسماعيل عادل وهوا بوصل لحالو

تحياتي يا حبايبي انتو

ال حماس ال


اول شي ربنا يخفف عنكم يا رب ويعينكم

ثاني شي يا اخي انت لسة صغير ومش فاهم اشي

عارف لو ما بصير فينا هيك من اليهود المفروض نراجع ايماننا واسلامنا

بتضل كلمة وحدة انه حسبي الله ونعم الوكيل على كل ظالم مفتري وابن حرام

[aBo SaLeeM]

انا قبل يومين مرت خالي اجت من معبر العوجا وما صار شي من هيك معها !!!

ولا دفعت فلوس ولا شي ودخلت هيا وبنتها

[عاشق الحور]

يا بختها خالتك

بس لو انها حماس او ابنها قسامي ،، كان شو صار معها ؟؟


بدي جواب