ماهو شعور الفتاة عندما يراها الخاطب ثم يقول انها لاتعجبني...!!!

[المعتصم بالله]

موضوع للحوار والنقاش واتمنى من الله ان يعجبكم

ادعوا فيه الجميع

اتمنى ان تشاركو بكل صراحه وبكل وضوح .

(( ماهو شعور الفتاة عندما يراها الخاطب ثم يقول انها لاتعجبني...!!! ))

إن من حكمة الله جل في علاه أن شرع النظرة الشرعية بين الرجل والمرأة

عند الخطبة وتكون برؤية الرجل للفتاة وهي مظهرة لما يظهر منها غالبًا



المهم : ما شعور الفتاة التي يتقدم عريس لخطبتها

ثم يراها ، وبعد يومين تتصل أم العريس لتخبر أم الفتاة بأن

ابنها لم يوافق على الزواج من ابنتها وكل شيء قسمة ونصيب..!!

أريد آراء صريحة ومواقف واقعية ونقاش رائع كما هو المعتاد .؟

مع تمنياتي لكم بالتوفيق والسداد

تحياتي...

>> يا ريت ما تحط هيك صور مرة تانية أخي <<

[صرخة أنثى]

عادي الدنيا قسمة ونصيب ويمكن هو شخصيتي ماعجبتو اما غيرو رح تعجبو شخصيتي وبعدين يتصل ويعتذر احسن مايوافق وهو مو مقتنع وتكون عيشتي معو جحيم


يسلمو عمو ع الموضوع

[أحلى مايا]

شي عادي لانو هوي اجا بس ليدرس الشخصية او يشوفها يعني قرارو يا اه يا لا عليها ومش ضروري كل شب ييجي يشوفني لازم اعجبو شي طبيعي وعادي يعني ^^

يسلمو الك

[لولو اليبناوية]

عادي...

لانو لكل شخص مقياس معين بالجمال..

وحدة بتعجب واحد..والتاني ما بتعجبو..

بعدين احيانا خلص ما بكون فيه نصيب...

بش الشغلة اسباب...

وممكن شخصيتها للبينت ما عجبتو..

[sallmars]

طبعا حتضايق شوية

برضوا اكيد عندها دم يعنى

دة رايى

و فى الاخر هتقنع نفسها ان دة اسمة و نصيب

[@واثق الخطوة@]

د.معتصم طرح اكبر من رائع
ولكن
مساله انو ما عجبتو بتصير كتير ولكن
ما عجبتو بطريقة نحنا عنا الفلسطنية اللي بصير الام بتشوف العروس وبتنقل صورتها لابنها ان عجبتو تفضل وشافها
تفضل وشافها وما عجبتو من ناحية اخلاقية انو يحكي لامو انو ما ارتاح مو ما عجبتو ويكسر بخاطر البنت
والام بدورها بتحكي الشب استخار وما ارتاح وهيك الشغله بتكون قسمة ونصيب عنجد مو شغله كسر خواطر
والله لا يجيب الامور هاي على حبايبنا وخواتنا من كسر الخواطر

تقبلو تحياتي
@واثق الخطوة@

[حورية الحريّة]

معروف يعني انو النبت حسااااااااااااااسة لشكلها
يعني من امها عادي او اخواتها او تقريبا صحباتها ......بس يجي التعليق من شاب.......لا عنجد مؤلم
انا بالنسبة الي اذا واحد رفضني لشكلي عنجد عنجد عنجد اني بزعللللللللللل موووووت..........بقدر احكيلك اني بطنش ولا بتفرق عندي لاني واثقة من نفسي و شكلي....و الحمد لله على نعمتو انا مش من النوع الي بيتمنى يسير اجمل و اجمل...بس لو كنت ملكة الجمال او كنت ابشع بنت على وجه الكون.........انو تيجي الشغلة من شاب بقلبها الشغلة نكد عنجد
بتعرف لو انو شخصيتي ما عجبتو.....بحكي طيب عادي ...مش كل الشخصيات بتتلاقى و هاض اشي معرفو و ما بيزعل ممكن هو عصبي و انا هادية ممكن العكس عادي هاي طبيعتي....و ممكن مع الزمن اصحح الاغلاط في شخصيتي.....انا الشكل الي ما دخلني فيه.....ولي والله تعبت من التفكير في الشغلة

[lnosh]

(( ماهو شعور الفتاة عندما يراها الخاطب ثم يقول انها لاتعجبني...!!! ))

موضوع حلووووو كتير للنقاش

انا برأي:: انو اصلا الطريقة هادي تبعت الزواج سخيفة و بدائية احنا هلقيت في 2007

ليش الواحد يعرض نفسه للمهزلة من أصل ..

ايش هي الواحده منا بضاعة عجباني و مو عجباني..

وبعدين لو ما عجبته هاد حيسبب مشكلة مع البنت و مع ثقتها في نفسها

وراح تعتبر نفسها انها مش مرغوبة دايما ..

[صاحبة القلم الحزين]

أكيد شعور قاسي نوعا ما على البنت

و خصوصا لو كانت حساسة

بس بالآخر

الانسان المؤمن

بيعرف انه كل شي قسمة و نصيب

و المفروض ما تزعل

بس يمكن هالشي يخليها ترجع تفكر بنفسها شوي و شو ناقصها و ليش ما رجع العريس و من هالحكي

و يمكن كمان تحمد ربنا انه ما رجع

^_*

[alaa_sabbah]

طيب مهو بالاصل قليل ما بتصير هاد الشغلة
يعني النت بتضل تنتظر تييجيها صاحب الحظ السعيد
و غير هيك بكون عرف الشب عنها انها متلا مش حلوة او متلا مش كويسة او شافها و ما عجبتو بس مو لهالدرجة ياثر في البنت لانو الشباب ما شاء الله كتار
و البنت اهم شيء تكون متوكلة على الله في هالحياة و مآمنة بالنصيب
و الله بيجيب اللي في النصيب
و المكتوب حيصير باذن الله
و ما في داعي اصلا للحزن و الاحباط اذا الشب ترك البنت و ما رجع

قبل كل شيء البنت الها رب هو اللي خلقها

بيكفي تكون مع الله لانو الشب عبارة عن بني آدم بسيط مش شيء غريب او نادر
بعدين شباب هالايام ما بيستاهلو اذا بدك الصحيح
لانو الشب بعد ما بيتزوج بروح يصيع في الشوارع و يعاكس و يبحث عن متعة
و انا بقول نسبة كبيرة من الشباب بلاش يزعلو علينا
هاض المزبوط
بتركو زوجاتهم في البيت و بروحو مع اصحابهم قال لشو بحجة انهم رايحين يصيدو سمك او رايحين يحضرو مباراه على قناة مشفرة عن صديق الهم او معزوم عن واحد المهم في حجة

يعني انا بقول يمكن تكون البنت عند ابوها مرتاحة اكتر من انو تكون عند زوجها بهالايام

لانو احنا صرنا بزمن الفسق و الخداع و الله على ما اقول شهيد
يعني اللي مش مصدقني ينزل المدينة و يتفرج

حتى شباب القرى اللي بنقول عنهم فلاحين و اوادم و ما الهم بالزعرنة و الصياعة صارو يعملو العمايل

الله يهدي الجميع

و بنظري شيء طبيعي اذا الشب ما عجبتو البنت اللي رايح يخطبها
اصلا الله لا يردو هو جاهل ما بيعرف شخصية البنت بس اطلع على شكلها من برا

و اللي هيك جزاءو بنت حلوة بتجنن بس شو لعوبة و ضحوكة للكل و بلفونها مليان ارقام شباب يستاهل خليه يطارد وراها و يراقب و تعم الشكوك البيت الله يخرب بيتو

هههههههههههههه
يسلمو عالموضوع

[المعتصم بالله]

و الله الردود مختلفة
من بينها انه امر عادي

و منكم من قال الدنيا قسمة و نصيب

لكن انا اؤمن انه على الشاب ان يرى الفتاة و يعرف على الاقل شيئا من حياتها

و الجمال ليس مقياسا للزواج
واشكركم جزيلا على المرور

[**بنت نابلس**]

لا عندي سؤال أحلى.. :matrix:
شو رأيكم لما يقول..
...
...

البنت مميزة وبتفهم زيادة عن اللزوم..
بديش :wacko:

شخصياً.. صدق اللي قال..
شر البلية ما يضحك..!


أما بالنسبة لسؤالك..
لا والله بفضل يحكيها مدام ما عجبته..
"إذا نظر إليها سرته".. أحد الشروط المهمة بالزواج..
مش لازم ملكة جمال.. نعم.. بس المهم هو يكون راضي وعاجبته..
لو مش راضي الله يسهل عليه.. ويعوضني..
يسلموا عموضوعك الحلو.. :)

[يافا الفلسطينية]

شو يعني الباب اللي يودي مش شايفة انه فيه مشكلة

[المعتصم بالله]

مشكورات كتير على الردود

والله المراة ان لم تكن على درجة من الجمال والرجل يحبها فتعتبر الحياة صعبة

مشكورين

[**بنت نابلس**]

أي درجة جمال؟
قلنا سرته.. هو.. بمنظوره الخاص..
وعفكرة.. المحبة بتحلي الواحد يشوف العادية ملكة جمال..
ومرات كمان الشنعة حلوة..
والعكس كمان..
لو ما إلك نفس فيها..
حتى لو بتسطل ما رح تقدر تتطلع بوجهها..

أهم شي قبل ما تنقوا زوجاتكم عشان يكونوا بس زوجاتكم..
انتبهوا إنه هدول هم يلي رح يربوا ولادكم..
ومن حقهم عليكم حسن الاختيار قبل كل شي.. :)

معلش ما قدرت أسكت عن هالمداخلة..
سلامز

[المعتصم بالله]

طيب والله فاهم بس لازم يكون في تفاهم في الموضوع
لازم تكون حلوة
و بنت ناس و متدينة

هاي الصفات وبعدين تكون حلوة

[عاشق المستحيل]

عادي اخي كل شي قسمة و نصيب

وكلو واحد الي مكتوب الو راح يسير


مشكوووووووووووووور

[المعتصم بالله]

هلا صديقي ومشكور على الرد

[alaa_sabbah]

يا جماعة هدو اللعب


يعني شو فيها

الشب ما عجبتو شو يعمل

هيك عقلو قللو

و شو شعور البنت يعني

يعني هو الشب شكلو فارس الاحلام


متل ما الشب ما عجبتو البنت كمان البنت يمكن يكون ما عجبها الشب و ترفضو

يعني برضو شو شعور الشب اللي رفضتو بنت ملكة جمال بالنسبة الو


يا شباب لازم انشوف عالبدري جمعية الدفاع عن حقوق الرجل

ههههههههه

[طوني ابو جوده]

(( ماهو شعور الفتاة عندما يراها الخاطب ثم يقول انها لاتعجبني...!!! ))

موضوع حلووووو كتير للنقاش

انا برأي:: انو اصلا الطريقة هادي تبعت الزواج سخيفة و بدائية احنا هلقيت في 2007

ليش الواحد يعرض نفسه للمهزلة من أصل ..

ايش هي الواحده منا بضاعة عجباني و مو عجباني..

وبعدين لو ما عجبته هاد حيسبب مشكلة مع البنت و مع ثقتها في نفسها

وراح تعتبر نفسها انها مش مرغوبة دايما ..


يسلمو المعتصم ....
عجبني رأي لنوش كثير...

صحيح يعني مش قادر يختلس نظره شرعيه بدون هالاحراج... اذا كانت القضيه جمال....
بس اذا كانت تصرفات عادي كل شي قسمه ونصيب ... اصلا بعطيها حافز تصلح خطاهاا...
ومن اول الطريق ولا نصهااا... المساله مسالة حياه مش يوم ويلا..
................................... .
رح يقول واحد مهيه لابسه أشار....يعني منديل... دبر حالك ههههههههههههههههههه طبعاا بقصد شريف

[الاماني الفلسطنية]

(( ماهو شعور الفتاة عندما يراها الخاطب ثم يقول انها لاتعجبني...!!! ))

طيب شو رايكو لما الشب يتئدم للبنت والبنت ترفضو هل انو رح يزعل او يتدايئ ؟؟ لا طبعا لانو في غيرها كتاار ..

والبنت كمان نفس الشي ,, بس يمكن تئل ثقتها بحالها وكذا ,, وانا برايي انو هالعادات ايام زمان( يعني تغيرنا

هالايام ) يسلمو اخي المعتصم ,, موضوع حلوو ^ ^

[حافيه القدمين]

صراحه
انا لا احب ان اضع نفسي بمواقف شبيهه لتلك
واعارض هذه الطرق من الزواج
اما اذا صار هيك موقف
بالناقص.. من نيتو ع حالو
هوي الخسران مش انا
الف شكر الك ع الموضوع
تحياتي

[المعتصم بالله]

و انا اشكركم على الردود الحلوة

[عيون لامعة]

انا من رايي ان الادواق تختلف يعني زي معجبتش دا ممكن تعجب واحد تاني
وكمان مفيش بنت وحشة في الدنيا كل بنت وعندها جانب حلو فيها
وكمان في نقطة مهمة جدا العريس دا اللي جاي مهتم بالشكل ميلزمش اصلا
لان ممكن يحصل اعجابو للشكل في الاول وبعدين لما يحصل جواز يعجب بشكل تاني لبنت تانية
فهنا حتصل مشكلة لدلك اظن ان شكل الانسان اخر شيء ممكن يفكر فيها الانسان المهم القبول والمودة
الروحية بين الطرفين