ايها الفلسطيني ادخل لو سمحت

[حافيه القدمين]

السلام عليكم
اليوم حبيت اطرح عليكن اكمن سوال
بما اننا فلسطينين قابعون تحت الاحتلال
اريد ان اسالكم يا شبابنا الواعد
ما هي الاسباب التي ترغمك وتجعلك ترغب في الحصول ع الجنسيه الاسرائيليه
ارجوكم لا اريد مثاليات البعض يحلم بهذه الجنسيه بسبب الاحتلال
ما هي الاسباب
اريد ان اعرف ما هي اكثر المشاكل التي تواجهوها انتم الشباب الفلسطيني
اريد ايضا ان اسالكم هل بحسب رايكم ان نسبه المتعلمين مننا قلو بسبب الاحتلال ام ماذا؟؟

عده اسئله تتمحور وتتمركز حولكم يا شباب المستقبل
اتمنى ان تجيبوني بكل صراحه وشفافيه
والبعد عن المثاليات
لكم مني كل الود والمحبه
تحياتي

[أنين]

بصراحه موضوع مهم

بس للأسف انا ما بئدر اجاوبك

انشالله البائي يجاوبكي

يعطيكي العافيه حبيبتي

[حافيه القدمين]

بصراحه موضوع مهم

بس للأسف انا ما بئدر اجاوبك

انشالله البائي يجاوبكي

يعطيكي العافيه حبيبتي

اهلا عزيزتي
فعلا كنت اتمنى ان تجاوبيني بكل صراحه
مع اني لا ارة في هذا الموضوع الي شي يدعو الى عدم الاجابه
انه واقع نواجهه
ع كل حال شكرا لمرورك
نورتي غاليتي
تحياتي

[lnosh]

ما هي الاسباب التي ترغمك وتجعلك ترغب في الحصول ع الجنسيه الاسرائيليه

والله بصراحة بحلم فيها ليش لا ..


ما هي الاسباب ؟؟

علشان اعيش بحق و حقيقي مش الهدف منه هو الجنسية بحد ذاتها وانما الحرية والخروج من اسرائيل والسفر كما اريد.


اريد ايضا ان اسالكم هل بحسب رايكم ان نسبه المتعلمين مننا قلو بسبب الاحتلال ام ماذا؟؟

نعم قلوا بسبب الاحتلال ,,

لانهم فكروا فيها لا مستقبل في بلدنا و لا حياة ..
وبعدين اغلب المتعلمين بيسافروا للخارج لانهم يعرفون انه لا عمل في فلسطين و لا مستقبل.

المرة الجاية راح اجاوب اكتر من هيك
علشان انا مستعجلة
موضوع مهم للنقاش تسلمي.

[i was born 2 make you>>>>]

اول شي اخوي طول عمري عايش برى ولا مره فكرت اني اتخلى عن جنسيتي الى لمن اجيت على بلدي لاني عن جد اول ما شفت فلسطين هيك انصدمت يعني لا امن ولا امان حتى والله والله صار حادث قدام عيني خلاني اكره فلسطين واليوم الاجيت فيو هون ( كنت ماشي بالسوق لقيت واحد بيبيع اولادو تخيل علشان لقمت العيش هادا الشي شفتو في عيني ) فيعد هادا الشي بدك اياني ما افكر في الكنسيه الاسرائيليه لانو لو هيدا الشي كان في اسرائيل او في اي دوله تانيه كان اهتمت الجمعيات فيه وكان حوكم هادا الشخص ,,,,,
اما بالنسبه لسؤال المتعلمين ؟؟؟
فاكيد مستوى التعليم تراجع لانو متل ما افاده اختيlnosh انو هون ما في مستقبل ولا شي
وكمان الواحد بطل صار معاه مصاري علشان يدخل الجامعه الواحد صار يحكي انو بدل ما اصرف المصاري على التعليم بجوز ابني وبسترو احسنلي موهيك اخوي ؟؟ عن جد لا تستغرب هادا هو الواقع الي بنعيشو احنا كشعب فلسطيني

والمصبه الكبرى هي هجره المتعلمين يعني الواحد هون بياخد 5000 شيكل ( دكتور ) بره بياخد 25000 فانت لو محلو شو الي رح تختارو ...
واكبر مثال انا ,, انا جاي اتعلم هون واخلص كمن سنه وارجع بره مو مفكر ولا دقيقه اني اضلني هون .
والله اخوي مو انو بنكره فلسطين بالعكس فلسطين تاج راسنا بس هيك الواقع المفروض علينا وهيك الدنيا صعبه
وشكرا شكرا على الموضوع الحلو واتمنى الكل يشارك والكل يعطي رايو لانو عن جد اسئله مهمه ..

[أنين]

اهلا عزيزتي
فعلا كنت اتمنى ان تجاوبيني بكل صراحه
مع اني لا ارة في هذا الموضوع الي شي يدعو الى عدم الاجابه
انه واقع نواجهه
ع كل حال شكرا لمرورك
نورتي غاليتي
تحياتي

لا حبيبتي
فهمتي غلط

^^

انا ئصدي انو انا هاد السؤال مو موجه ئلي

يعني انا مو عايشه بفلسطين

وما بعرف شو مشاعرهم الي بفلسطين

بس

^^

[rita el falstnye]

ما هي الاسباب التي ترغمك وتجعلك ترغب في الحصول ع الجنسيه الاسرائيليه
اول شي انا ما بشرفني اني اجنس جنسية اسرائيلية لو ما ضل حد على وجه الارض غيرها
لانو احنا بنا نخلص من اشي اسمو اسرائيل نروح نجنس منهم !!!
(هاد رائي بس ما بعرف غيري شو بفكر )

اريد ان اعرف ما هي اكثر المشاكل التي تواجهوها انتم الشباب الفلسطيني?

انا لما كنت عايشة بفلسطين الاشي الي بنفتقدو في فلسطين هو الحريةالشخصية و كمان حرية التنقل يعني هاي معدومة
و امن و لاستقرار


هل بحسب رايكم ان نسبه المتعلمين مننا قلو بسبب الاحتلال ام ماذا؟؟


اكيد بسبب الاحتلال اول شي المصاريف
تاني شي الوضع ما بريح يعني الواحد بيجي يدرس و الطخ و القصف فوق راسو
و كمان ازا دارسو و خلصو و ين الشغل ما في و ازا لاقو ما بقبضو
فالسباب الرائيسي هو الاحتلال

يسلمو اختي حافية القدمين

[blue-girl]

والله بصراحه انا في قرارت نفسي ما بدي الا الجنسيه الفلسطنييه وكنت اتخانق مع الفلسطنيه الاردنيه من صحابنا بس هلا انا بتمنااااا انو تكون معي اي جنسيه اخرى الانو كان فوتنا ع البلد من دون لا معبر ولا زفت من دون نطره و قهر شو هاد والله قرف
اسفه ع اي غلط بس الى متلي رح يحكي اكتررر
وشكرا ع الموضو البنرفز
اختك

[غزاويه]

بصراحه وبدون مثاليه .........
انا مابتخلى عن الجنسيه الفلسطينيه لو ايه
اصلا على عدالتها الجنسيه الاسرائيليه......

[.:.!دموع الرحيل!.:.]

بسم الله الرحمن الرحيم

أولاً يا أخــتي رح أحكي من منطلق اني من فلسطينية لبنان

ويمكن يكون وضعنـا بيشبه ولو القليل وضع الفلسطينيه الي داخل وطنــنـا

يعني فلسطيني حاصل على الجنسية الإسرائيليه = نوعا ما حاصل على حقوقو كإنسان

فلسطيني في لبنان حصل على الجنسية اللبنانيه = توطين = حاصل على حقوقو كإنسان

وانتي أكيد بتعرفي مدى معاناة فلسطينيي لبنـان ،،

ومدى القهر والحرمان الي عايشين فيه كحال اي فلسطيني وين ما يروح

بس يمكن بلبنان أزود شوي ^^

بس مع هيك,,

جنسيتي وهويتي الفلسطينيه ما ببدلها بالدنيا كلهــا

ولو على موتي

لو بدي اقعد بدون اكل وابوي بدو يقعد بدون شغل

واخوي ما يلاقي وظيفة

كل هاي الامور ما بتخليني اني مجرد الفظ ولو حتى بالكلام

كلمة اني يا ريت اتجنس !!

موتـي أهون عليي من إني الفظ هيك كلام

قضيتـنا .. جزء كبير من ديننا

ولما بدي احس اني اتخليت عنها ولو شعرة

واني ضعفت ..

معناها في خلل كبير صاب إيماني بربي

والله يبعد عن شر وساوس الشيطان

يوم الي الدنيا وزينتها بدها تدخل وتملا قلبي

وأبديها على قضيتي !!

الموت اشرف الي .

وهون يمكن بسمع كتير

الكل بيقولو بوجي يا ريتك تاخدي واحد لبناني

مشان ولادك يطلعو لبنانيه !!

وبفكروا انهم بيدعولي دعوة غير شكل

واني رح اتشكرهم عليها !!

هاي نصيب طبعا ..!!

أمـا بالنسبة الي ..

غير فلسطيني ما بتمنى أخد

فلسطيني القلب ووالقالب مشان ولادي يكونو فلسطينيه

أزيد فيهم عدد انفار الشعب الفلسطيني

ويكونو كيد وقهر لأعدائنا

ما في حدا بموت من الجوع !!

وربنا ما ببينسى حدا

ومتكفل بكل واحد فينـا

بس قضيتـنـا إذا نحن أصحابها اتخلينا عنها بهالسهولة

مين رح يضل الهـا ..

وليش أصلا لأحرم حالي من شرف كوني فلسطينيه ^^

فلسطينيتي شرف كبير بحمـد عليه ربي بين كل الوقت والوقت

وكل ما عذبوني أكتر لأني فلسطينيه

بحبها أكتر وبتمسك فيها أكتر :)

والله يثبتــنـا ويقر عيننا بوطننـا

وعمرو صاحب الحق ربنا ما بضيعو

وكمان نفس الشي .. اظن اي إنسان عايش جوا فلسطين

ولو شو ما شاف

الي قلبو مليان إيمان برب العالمين وبعدها بصدق قضيتـنـا

ما أظن يحكي غير هالحكي !!

لكن ذخيرتنـا إيمانا بالله تعــالى

<><><>

اريد ان اعرف ما هي اكثر المشاكل التي تواجهوها انتم الشباب الفلسطيني?

ما في أكتر منـهـا هون !!

يعني 75 وظيفه ممنوعه عن الفلسطيني

ان شاء الله يكون دراس 10 سنين طب

بالنهايه ممنوع يفتح عيادة بإسمو

ومجبر يكون نيرس تحت إيد دكتور تاني

يمكن يكون الفلسطيني أشطر منو بمليون بمرة

مع العلم روحي شوفي الجامعات

كلها فلسطينيه ومن المتفوقين وعشاق العلم

لكن كلهم مصير واحد ..

بخلص بس ما في شغل !! >> ممنـــــــوع <<

+ ممنوع يسجل البيت بإسمو

يعني ممنوع يشتري بيت مضطر يعييش بالأجــار كل عمرو

وان اشترى ولا بد

البيت بيتسجل بإسم اي مواطن لبناني مش باسمو هوي

حتى خط التلفون ممنوع ينكتب باسم شخص فلسطيني...

بتكوني مركبة خط تلفون على اسم بيت جيرانك مثلا :)

غير هيك المغص الي بيصيب البعض لما يعرفو انو الي قدامهم فلسطينيه ههههههههههههههه:showoff:

لكن طبعا في ناس فيهم خير .. الدنيا ما بتخلى من ولاد الحلال

وهلم جر من الظلم الي عايش في الشعب الفلسطيني هون ..

وأولهم سكان المخيمات المغلوب على أمرهم

<><><>


هل بحسب رايكم ان نسبه المتعلمين مننا قلو بسبب الاحتلال ام ماذا؟؟

والله بالنسبة لفلسطين ما بعرف !!

لكن من ناحيتي بشوف انو كتر خيرهم

رغم كل الي بصير عندهم ..

وهني بهالشكل عشاق علم ..

يعن بسمع سمعيات والله بترفع الراس

ومعروف بالعالم كلو

عن الشعب الفلسطيني ،، انه شعب بيتلهف للعلم

ومثابر ..

غير عن اوقات كنت أسمع بالمئات من الأسرى

قدمو توجيهي من جوا سجونهم

ونجحو المئات ..

<><><>

يعنــي بالنهايه ..

جنسيتي وشعبي أكبر شرف برفع فيه راسي

بعد ديني وإسلامي

والناس الي جوا وطني الي ما عرفت قيمتو واسائت اله ولقضيتي

ما بيطلع عملهم شي

قدام اخلاص وعظمة

أصغر طفل فيه عرف قيمة وطنـي

وقدم إلـه

أسفـــة كتير ع الإطـــاله

لكن والله لو لسه بدي أحكيلك الي بقلبي

لأملي الصفحات كلهـا

قضيتنـا عظيمة ..

والكلام فيهـا عظيم

وبحاجة لشعب عظيم مثل أغلبية شعبي الحبيب

يعطيكِ الف عافيه حبيبتي

:s (43): :s (43): :s (43): :s (43):

[حافيه القدمين]

اولا اخواني
بدي اتشكركم واحد تلو الاخر
وساعود للرد عليكم واحد واحد
لكن هنا انا قلت في موضوعي
لماذا البعض يرغب في وجود الجنسيه الاسرائيليه معه
دون التنازل عن الفلسطينيه
وشكرا
لانو في ردود ما فهمت هالسوال
لكم كل الود

[دنيا الامل]

اولا

انا فلسطينه وافتخر بكوني فلسطينيه

اما بالنسبة الي ان احصل على الجنسية الاسرائيليه فهذا لايشرفني ابدا

وكيف اكون فلسطينية اسرائيليه

اما الي نسبة المتعلمين في فلسطين في ظل الاحتلال

فانا ارى ان عدد المتعلمين عندنا في زيادة كبيرة دوما

وان هناك اعداد كبير من الاطباء والمهندسين والمحامين وغيرهم

لا يجدون اعمال من كثرتهم


ويؤسفني ان يجيب البعض بمثل ما اجابوا

او ان تطرح مثل هذه الاسئله




تحياتي

وهذه حقيقه علمية خاطئه يبنيها الشاب الفلسطيني في عقله بدون التفكير فيها

[الحان الحرية]

والله انا ما بعرف لاني مش عايشة بفلسطين

[حورية الحريّة]

ما بدي الجنسية الاسرائيلية ولا بحلم فيها حتى لو على جثتي ما بحملها

[basell]

عموما انا مليش دخل في الموضوع لاني ممكن افجر مخي اذا حاول يفكر بالحصول على جنسية دوله غير موجوده لكن اعتقد انه الي بيفكر بهذه الجنسية بفكر اسرائيل دوله قوية

[البنا]

انا مش من فلسطين
ولكن لا اتخيل فلسطيني يطلب الجنسية الاسرائلية

[دمعة فلسطين]

عنجد موضوع حلو وانا اول مرة بييجي على بالي هدا السؤال بس لما فكرت لقيت انه الجنسية الفلسطينية شرف النا مو الاسرائيليه ولما شخص يسالني شو جنسيتك بفتخر اني بحكيله فلسطينية

وسؤال نسبة المتعلمين اكيد قلوا بسبب الاحتلال والحواجز على الطرق وصار الشب يحكي اشتغل برة او ادرس برة احسن من البهدلة على المحاسيم او ما انعلم بالمرة احسن واحسن وهدا السؤال الشباب بيقدروا يجاوبوا عليه اكتر من البنات ويسلووووووووووووووووو على الموضوع الحلو

[المعتصم بالله]

والله يا اختي من ناحية الجنسية

مكن لانها بتعطي امتيازات و حرية اكبر

لكن من وجهة نظري لو على جثتي ما بدي اياها ليذهبو الى الجحيم هم و جنسيتهم
التي سآخذها وانا ذليل

بل اعيش بكرامة و حرية و عزة نفس

[صاحبة القلم الحزين]

مش ممكن فلسطيني مخلص لبلده و بحبها يفكر ولو لثواني بانه يحمل جنسية اسرائيلية

إلا تحت ظروف و ضغوط لا يعلم بها الا الله

بس اكيد لما يكون بكامل قواه العقلية ما بيتمنى الا الجنسية الفلسطينية

بس هون بدنا نحكي عن ناس بيحملو الجنسية الاسرائيلية غصب عنهم

عندكم مثلا فلسطيني الـ 48

كلهم معهم جنسية اسرائيلية

و هادا شي طبيعي لانه منطقة سكنهم محتلة من قِبَل اسرائيل من زماااان

و يعتبروا مواطنين في اسرائيل

بس انا متأكدة انه لو جيت و سألت أي واحد فيهم

راح يقلك انه نفسه تكون جنسيته فلسطينية مش اسرائيليه

بالرغم من كل الامتيازات اللي حاصل عليها بسبب هالجنسية

لانه فلسطين بتضل أغلى من كل شي

****

يسلموو كتير لإثارة الموضوع

^_^

[طوني ابو جوده]

( كنت ماشي بالسوق لقيت واحد بيبيع اولادو تخيل علشان لقمت العيش هادا الشي شفتو في عيني )[/
QUOTE]

كلامك i was born 2 make you لا يمت للحقيقه بصله .. يبدو انك شاهدت احد المتسولين المخادعين !!!
[QUOTE]
ما هي الاسباب التي ترغمك وتجعلك ترغب في الحصول ع الجنسيه الاسرائيليه
ببساطه الجنسيه الاسرائيليه ليست بكل الاحوال وسيله رغم الحالات الكثيره .. ببعض الاحيان يقترن احد الاشخاص بفتاه من فلسطين 48 ويحصل على جنسيه تسهل عليه العمل والحياه بداخل ما يسمى اسرائيل
اما توجه شباب الالفيه 7 للحصول على الجنسيه للهروب من واقع الفلتان والانحراف الامني والاقتصادي المشين لدوله تسعطي رواتبها من بلاد العجم....

اريد ان اعرف ما هي اكثر المشاكل التي تواجهوها انتم الشباب الفلسطيني
الغالبيه الا ما ندر يواجهه صعوبه اقتصاديه وامنيه وفقدان حقوق الحريه بكافة انواع سبلها وتنوعهااا
فهو محروم من التعليم العالي...وحتى ابسط الامور للحياه اليوميه ........

اريد ايضا ان اسالكم هل بحسب رايكم ان نسبه المتعلمين مننا قلو بسبب الاحتلال ام ماذا؟؟
نعم الاحتلال له دور كبير بذلك وكذلك بعض الاهل لا يوجد لديها قوه ماليه للتعليم الجامعي عدى عن المراحل الثانويه.. فهي اسباب متراكمه .. حتى ان بعض الشباب يجد بصداقة سوء ملاذ كبير للاتجار بدراسته من اجل بعض الانانيه الدنيويه حتى يعود نادما على ما فات ...