المساعد الشخصي الرقمي

مشاهدة النسخة كاملة : ايش رايكم مين بيصنع التاني؟؟؟؟؟؟؟؟


ameera
07-17-2007, 02:00 PM
السلاااااااااام عليكم :


ياجماااااااعة ياااااااااريت الكل يحاول يعطي رايو واالي بيدخل ومابيكتب رايو بدي انتفو

يلاااااا

ايش رايكم هل المرا ةتصنع الرجل او الرجل يصنع المراة ( الاجابة يااريت تكون متل مابتفكر ):icon9:

سلااااااامز:matrix:

قبل انا رايي انو المراة تصنع الرجل فوراء كل رجل عظيييييييم امراة:showoff:

ملكة الإحساس
07-17-2007, 02:23 PM
انا من رأي انوا الاتنين بيصنعوا بعض ..

يعني المرأة في كتيير احيان بتكون سبب لنجاح الرجل ..
ونفس الشي الرجل بيكون سبب لنجاح المرأة
..
مادام التفاهم موجود .. والحب موجود ..

أكيد الاتنين راح يصنعوا بعض .. ويساندوا بعض ..
ويسلموا حبيبتي ..

يافا الفلسطينية
07-17-2007, 02:23 PM
طبعا المرأة بتصنع الرجل احنا الاساس من كل اشي

الاماني الفلسطنية
07-17-2007, 02:27 PM
ممممم انا برايي كلاهما يصنع الاخر فوراء كل رجل عظيم امراة ووراء كل امرة عظيمة رجل ,,

الي رجعة ^ ^

ameera
07-17-2007, 03:22 PM
اهلا وسهلا بالجمييييييييع

lnosh
07-17-2007, 04:15 PM
الاتنين بيصنعوا بعض

فوراء كل رجل عظيم امرأة عظيمة

و وراء كل امرأة عظيمة رجل عظيم

اهات الاقصى
07-17-2007, 04:18 PM
النساء شقائق الرجل كلا منهما يكمل الاخر

أبو نضارة
07-17-2007, 04:38 PM
طبعا المرأة بتصنع الرجل احنا الاساس من كل اشي

مش فاهم ليش البنات شايفين حالهم كتيييير.....

أنا أقسم بالله وأنا متأكد من كلامي إنو المرأة أبداً ما بتقدر تعيش بدون الرجل....وإنو الرجل بيقدر يعيش من غير المرأة.......

بس طبعاً مش حتفهموا ولا حتصدقوا أو الفكرة مش حتدخل رؤوسكم ...طبعاً عشنكم ناقصات عقل....وأنا وااثق إنو مش حتصدقوا ...مع إنها الحقيقة!!

أما رأيي عن الموضوع ....فطبعاً مرات المرأة هي إللي بتصنع الرجل(( إللي ما عندو شخصية ))......

ومرات الرجل إللي بيصنع المرأة....

ameera
07-17-2007, 04:53 PM
شكرا اهاااات الاقصى

ابو نضاااااارة هاد بضل راااااايك لازم نحترموووووووشكرا الك

يافا الفلسطينية
07-18-2007, 07:14 PM
وااااااااااااااااااااااااااااا ااال ابو نضارة انتو ما بتعجبكم الحقيقة هاي حقيقة مش غرور
وبعدين بيلئلنا الغرور ولا شو يا بنات؟؟؟؟؟؟؟؟؟؟؟؟؟

&نسيم الروح&
07-18-2007, 09:58 PM
انا من راي الي قال انه التنين بصنعوا بعض

ماشطة
07-18-2007, 10:05 PM
والله أخي ابو نضارة شكلك ماخد بحالك مقلب

اذا فعلا انت واثق مما قلته,فنحن بحاجة للادلة والبراهين...خلينا نتعرف على المعلومات الجديدة يا كامل العقل.

جواك الله خيرا اختي,باعتقادي ان الله هو خالق وصانع كل شيء في هذا الكون,ولكن لربما,قد يكون رجلا عونا في تقدم امرأة,او امرأة لها عون في تقدم رجل.

sallmars
07-19-2007, 07:44 AM
الاتنين بيكملو بعضيهم

علشان كدة ربنا خلق ادم و حوا

و تسلمى اميرة كتييييييييييييير على الموضوع

و الله يوفقك اختى

ameera
07-19-2007, 10:02 AM
الله يسلمكم اخواااااااني وشكرا عالرد والمرور

عاشق المستحيل
07-19-2007, 10:06 AM
اكييييييييييييييييييييييييييييد وراء كل رجل عظيم امراة

يعني بالعقل انتي لولا امك كان كنتي موجودة
اكييييييييد لا

والمراة هي التي تربي الاجيال بصمام فؤدها

فكيف سوف يصنع رجل امراة !!!!!!!!!!!!!!!!!!!!!!!!!!!!!

يافا الفلسطينية
07-19-2007, 12:28 PM
هاي الناس اللي بتفهم يا عمي ايون كتر يسلملي تمك

فلسطيني كح
07-19-2007, 12:33 PM
لا لإيش نتفينا من مستاهلة الشغلة

بصراحة التنين بصنعوو بعض

بس برأيي الرجل يسهم أكثر في صناعة المرأة

<<<< ليش هي بكيت شوكالاته عشان تنصنع ههه

و شكرا على الموضوع

ameera
07-19-2007, 12:42 PM
عاااااااااد هههههههه شكرا للكل

بنت فلسطين المجروحة
07-19-2007, 10:57 PM
مش فاهم ليش البنات شايفين حالهم كتيييير.....

أنا أقسم بالله وأنا متأكد من كلامي إنو المرأة أبداً ما بتقدر تعيش بدون الرجل....وإنو الرجل بيقدر يعيش من غير المرأة.......

بس طبعاً مش حتفهموا ولا حتصدقوا أو الفكرة مش حتدخل رؤوسكم ...طبعاً عشنكم ناقصات عقل....وأنا وااثق إنو مش حتصدقوا ...مع إنها الحقيقة!!

أما رأيي عن الموضوع ....فطبعاً مرات المرأة هي إللي بتصنع الرجل(( إللي ما عندو شخصية ))......

ومرات الرجل إللي بيصنع المرأة....

السلام عليكم

الرسول حكى علينا ناقصات عقل عشان النساء بتغلبهم العاطفة في اتخاذ قراراتهم مو لأنو استيعابهم اقل أو انهم بفهمو بصعوبة،،،حبيت اوضحها

وانا بشوف الاتنين بكملوا بعض

وفي رجل ممكن يعيش بدون مراة

ومراة تعيش بدون رجل

والسلام عليكم

شكرا اختي عالموضوع

alaa_sabbah
07-19-2007, 11:06 PM
معك انا بهاد المرأة تصنع الرجل

المهم ابعدينا عن التنتيف

الحان الحرية
07-20-2007, 10:47 AM
كلاهما يصنع الاخر
هاد رأيي

محمود
07-20-2007, 11:00 AM
أحكيلك بصراحــة

مش بكل الأحوال انو يكون الرجل بصنع المرأة ..

ممكن يكون الرجل بدمر المرأة بأفعاله وسطيرته

لأنه مش كل النساء واحد ..

والعكس تماما ً أنو ممكن المرأة هيي الي تدمر الرجل ...

وبذلك الصناعــة في البداية من يصنع الإنسان هو حسن خلقه

وتربيته الصالــحة ولا ضير في ذلك .. وان كان هذا الأساس سليم

كان المصنع أيضا ً سليم بشكل كبير جدا ً ،،

بالتالي الي بحكيــه أنو مش مممكن أي شخص يصنع الثاني ..

لأنو الصناعة بتم في وقت الصغر وحسب التربية والأخلاق ..

لكن الي بصير انو ممكن يكمل الثاني وفي هذه الحالة الجميع بكمل بعض

في حاله التفاهم ، أو بهدموا بعض في حاله العصيان والتقصير ..

لكن ممكن هالإنسان يقدر يقيم الآخر ويغير من مسالكه ،، وبهيك

بكون عمل عملية فلترة لشذوذ وعملية اصـــــلاح فقطـ ..

لذلك ما حدا بصنع حدا ، لكن الي بصير عملية تأهيل و إصلاح أو هدم واعطاب من قبل الطرفين

وكلاهما المسئول ..

ameera
07-20-2007, 10:46 PM
شكرااااااا للجميييييييع عالرد والمرور

حورية الحريّة
07-21-2007, 03:23 AM
وراء كل رجل عظيم امرأة..........لهيك الرجال بيخافو يطلعو خلفهم
ههههههه

http://www.files.shabab.ps/vb/imagestore/2/30089.imgcache.gif

المعتصم بالله
07-21-2007, 11:19 AM
شوفو يا جماعة

وراء كل دمار وحرب امرأة
فمثلا طروادة حرب سببها امراة

و مش عارف وين امراة
وين ما تشوف مصيبة وراها امرأة

يعني من الآخر المرأة محلها البيت بس
لانو المشاكل هي سببها
مع احترامي لكل النساء

لكن المرأة تحكمها عاطفتها

loly
07-21-2007, 01:48 PM
أنا برأي ان التنين بصنعو بعض ..

وبالتفاؤول والإحترم والحب كل شي بكون بيناتهم ممتاز كتيير

يسلمووو أميره

تقبلي مني باقه ورد عطره

دمتي بكل ود

loly

rita el falstnye
07-21-2007, 02:09 PM
التنين بصنعو بعض

صاحبة القلم الحزين
07-21-2007, 11:08 PM
لو كان واحد منهم بيصنع التاني

كان ربنا خلق رجال فقط او نساء فقط

بس بما أنه ربنا خلقنا رجالاً و نساءً

معناها كلاهما يكمل الآخر

و لا يصنعه

لانه متل ما قال اخونا محمود

الصنع يكون بالتربية اللي بيشتركوا فيها الرجل و المرأة

يعني باختصار شديد

الرجل و المرأة كلاهما يكمل الآخر

^_^

بسكوتة
07-21-2007, 11:25 PM
كلاهما يصنــع الآخــر

والدنيــا مشـاركـه ^^


شكرا عالموضوع أميـرة ،،،،،،

الواد الامور
08-29-2007, 10:13 AM
وراء كل رجل عظيييييييم امراة:]

وانا بقول العكس وبقول وراء كل مشكلة كبير مراة


والرجل طبعا اكيدهوا يلي بيصنع المراة

ameera
08-29-2007, 10:49 AM
اهاا مشكورين للجميع

رأفت
08-29-2007, 07:43 PM
انا في تصوري ان المراة لها دور و دور كبير في نجاح الرجل

لا يمكن انكار هذه الحقيقة ...

و لكن دورها ينحصر بالتشجيع و الوقوف الى جانبه و مساعدته على الازمات

ليس شرطا ان تكون لها دراية بطبيعة عمله ...

و لها ايضا دور كبير بسقوط الرجل ...

و لكن دور المراة بصنع الرجل .... اكثر من دور الاخير بصنع المراة

هذا رايي .. و العملية ليست تحيز انما حقيقة

تحياتي

روعة وطن
08-29-2007, 09:32 PM
ما بعرف بشكل محدد
لكن رأيي:
ان كل امرأة صنعت رجلا كان قد صنعها رجلا اخرى يوما ما من قبل والعكس ايضا
وهناك رجال يصنعهم رجال اخرون ..ابوه ...صديقه ...جده ... والى اخره كما هو الحال عند بعض النساء

اشكرك على الموضوع الجميل

اختك روعة وطن

ميموري كارد
08-29-2007, 10:24 PM
غريب !!!!!!!!!!!!!!!!! لم يذكر أحد المرأة كونها أم !!!

الأم هي المرأة لها الفضل الأول على الانسان

المرأة الأم هي المصنع هي المدرسة هي الأساس

مااظن شخص راح يخالفني الرأي

al.qassam
08-30-2007, 10:39 AM
مشكوررررررررر على الموضوع الرائع .

بارك الله فيك .

سيد الظلام
08-30-2007, 01:52 PM
المراة نصف المجتمع وهي التي تربي النصف الاخر على قولة دكتور علوم القران بجامعتنا :)

ameera
08-30-2007, 02:11 PM
شكرا للجميع عالرد والمرور فعلا المراة تصنع الرجال

مارلين برلو
09-03-2007, 07:26 PM
انا براى انو الاتنين بكملو بعض

وبعتئد انو مش ممكن المراة تستغنى عن الرجل وبنفس الوئت الرجل

ما بيئدر يستغنى عن المراة

بس اكيد انو وراء كل رجل عظيم امراة يعنى ممكن تكون المراة اهم شوى

لانو ئد منوصف بالمراة مش راح نئدر نعطيها حئها

تحياتى مارلين برلو:s (43)::s (43):

سامي - الأحمد
09-04-2007, 12:27 AM
برأيي الثنين بكملوا بعض....بس ممكن أسأل سؤال؟؟؟؟؟؟؟مع احترامي للكل....المواضيع اللي ما إلها فائده وجودها مثل عدمه...مثل (لو صرت بنت شو بتعمل) ومثل أول موضوع مثبت......والله بصراحه أنا بحبش هاي المواضيع...بس إنت حكيتي إنه اللي ما برد بنتفي ريشه صح ؟ D: متأسف كثير....ويعطيكي العافيه عالموضوع

نوران
09-04-2007, 08:01 AM
اعتقد ان الرجل والمرأة كل منهم مكمل للاخر ,, فلو تخيلت المرأة حياتها بدون الرجل لشعرت بتعاسة كبيرة والرجل نفس الشيء فلا يمكن لاحدهما الاستمرار دون الاخر وكل منهما مؤثر بشخصية الاخر ولك ما الاحظه اكثر هو ان المرأة تهتم بأن يصل الرجل الى درجات عالية في حياته وتقوم بدعمه بكافة الاشكال وقد يعزى ذلك الى ان المرأة تشعر بالامان اكثر عندما يكون زوجها بمرتبة عالية في حياته سواء المهنية او الاجتماعية اما الرجل لا يقدم الكثير للمرأة لتصل لتلك الدرجات لانه لا يشعر بالتأثير المباشر لذلك على حياته الخاصة او قد لا يكون وصول المرأة الى درجات عالية في حياتها مهم له بالصورة التي تراها المراة فلذلك الدعم هنا مختلف .,,, واعتقد ايضا انه لا يوجد قاعدة معينة تقول من يصنع الاخر لان هذا شيء غير واقعي الرجل والمرأة مكملين كل منهم للاخر

ارجو تقبل مروري

أبـ ـو أسـ ـا مـ ـة
09-08-2007, 11:55 PM
والله كلامك سليم اخوي سامي الواحد خايف اذا ما كتب انه ينتف واذا كتب يزعلو هههههه

والله لو عرفتوا وحكيتوا وطلعت بالاخير المراه شو حتستفيدوا .. ولا طلع الراجل شو استفدتوا ..

ولا اغلب البنت بتكتب اكيد المراه وهي مش عارفه شو القصه قرت راجل ولا مراه قالت لا مراه اكيد

والشباب برضو نفس الشي .. كانه الشغله عناد ولا حيستفيدوا اشي ..

انا رديت عشان ما انتف ^^

تحيه طيبه

نور الهدى
09-09-2007, 01:08 AM
مممممم

والله لو اخذنا الموضوع من اساسه ... و لو نظرنا الى الوراء بعيدا

سنجد ان اصل حواء هو آدم ... خلقت من ضلعه

ربما على هذا الاساس يقول البعض ان الرجل يصنع المرأة

ثم لانه يحميها و لا تستغني المرأة عنه ابدا ... فمن غيره لا تستطيع الحياة ... فهو اصلها

لكن من جهة اخرى ... نجد ان المرأة تقوم بثلاث مهمات لا يقوم بها احد سواها

الحمل

الولادة

و الرضاعة

و هذا الامر لا يستغني عنه اي طفل

اذن بما انها هي من وضعته ... فأصله منها ! و لولاها - بعد الله - لم يكن موجودا على الارض

طيب و الرجل ايضا له دور في وجود هذا الانسان

هل نجحد دوره ؟

طبعا و اكيد لا

اذن في موضوع امكانية وجود الانسان ... فالاثنان يشتركان فيه

و كلاهما مكمل للآخر

طيب

اذا من الاساس الاثنين الهم دور

فكيف بالتنشئة و التربية ؟

جماعة الخير

المثل الذي يقول - وراء كل رجل عظيم امرأة - غلط ولا اساس له من الصحة ...

بل في زمننا هذا يجدر بنا ان نقول .. وراء كل رجل عظيم اسرة عظيمة متوازنة

الاسرة و الوالدان هم الذين يصنعون الرجال

و قبل ذلك

ديننا صنع اعظم رجال و نساء ... فقط تجولوا في بساتين تاريخنا الاسلامي ... و سترون ان الاسلام هو من صنع العظماء

نقاشنا هذا ... ان استمرينا بالتحدث فيه بدافع انتمائنا لجنس دون آخر ... عقيم

فلن نصل لاجابة !

و الاجدر بنا ان نغير عنوان الموضوع من - مين بيصنع التاني - الى - كيف نصنع العظماء -

حتى لا تكون رؤيتنا محدودة ... و لا نهدر الحديث فيما لا ينفع

هذا رأيي باختصار ^^

و مشكورة على الطرح

وردة حماه
09-09-2007, 08:01 AM
كلاهما بيصنع الأخر ... و الإتنين بكملوا بعض ..

SWEET*GIRL
09-09-2007, 09:06 AM
زي رايك

يسلمو

القلب النابض
07-06-2011, 11:14 PM
الحياة فيهم التنين فلولا حزم الرجل وامراة صالحة لما خرجت بذرة جيدة والمراة لولا تشجيعها ما كان الرجل عظيما ولو شدة الرجل على المراة والبنت ما كان جيل صالح

^^

سلامي

انس 1988
07-22-2011, 02:36 PM
انا رأي انو الاثنين بكملو بعض ...وكل واحد بصنع نفسه لوحده
بس الرجل يحتاج المراة كما هي تحتاج الرجل
والاثنين بساندو بعض وبساعدو بعض
ولا غنى لاي منهما عن الاخر

وانا ضذ انو وراء كل رجل عظيم امراة
اعظم الرجال سيدنا محمد (ص) ...هل سبب ذلك امرأة ..ما اعتقد ..بس اكيد في لهن نصيب بمساندة الرسول وانجاح الدعوة
برضو بزماننا الحالي .. صدام حسين ...هل سبب عظمته امراة ...ام فكره واصراره وشجاعته
خالد بن الوليد ابو بكر عمر الصحابة ..نجاحههم كان نابع من ايمانهم والتزامهم وشجاعتهم واكيد في دور لنسائهم ..ستالين ولينين ...هتلر .. كل الرجال العظماء سبب نجاحهم قوة ارادتهم وتضحياتهم

وطبعا اكيد في حياة كل رجل عظيم هناك امراة تساعده وقد تكون جزء من عظمته بس مو السبب الوحيد

شهيد
07-22-2011, 02:38 PM
كل منهم يصنع الأخر ، لساتني قريها قبل يومين :biggrin:

مقال طويل عريض عن هالموضوع :D