عندي سؤال

[Palestinian Rose]

مرحبا

أنا عندي سؤال ، و بتمنى إنو أي حد عندو أي خبرة يساعدني !

أنا بصراحة مش كتير بحب الكمبيوتر ، بس سبحان الله قدري اني تخصصت (Computer Science) لأنو ما في التخصص اللي أنا بحبو في جامعتي اللي هو (هندسة معماري ) !!!

المهم ، انا ما إلي كتير داخلة في هاد التخصص (علوم الكمبيوتر) ، و عندي شوي معلومات عنو و هيك ، بس هلأ بفكر أحول لتخصص (IT) بعد ما نصحوني بعض الأصدقاء ! بس المشكلة انو أنا ما عندي خبرة عن هاد التخصص ، يعني نفسي أعرف أكتر عنو و أعرف شو مجال شغلو و هيك لحتى أقتنع و أحول لهاد التخصص !

فسؤالي هو : شو هو ال (IT ) ؟ و هل في فرق بينو و بين ال (IST) ؟؟ و شو ممكن يكون مجالو أحسن في الشغل ، ال (IT) ولا ال (CS) ؟؟

sorry إذا كنت أزعجتكم بأسئلتي !! :wacko:
bye

:s (43):

[ameerelarab]

الموضوع شرحه بيطول ممكن نعمل مقارنه واجهز الك الموضوع

اعطيني وقت ماشي واذا بدك بسرعه بحاول

تحياتي

[ameerelarab]

او شوفي الرابط هاد ممكن يفيدك

اضغطي هون (http://uobtimes.com/lofiversion/index.php/t20740.html)

[ABU-NOUR]

بالتوفيق ان شاء الله ^^

تسلم ايديك امير العرب على المساعدة للاخت ^^

[Palestinian Rose]

شكرًا أخي أمير

يعطيك ألف عافيه على هالمعلومات

و آسفه على الرد المتأخر !! بس و الله مشغولة بالدراسة و الامتحانات !!! :b:


تحياتي


:s (43):

[lala]

والله نا بعاني من نفس المشكله .. وبالاخير حولت من CS ل IST ولقيته احسن من الكمبيوتر سينس على الاقل مافي برجمة ووجع راس ... المهم الفرق بين IT و IST تقريبا نفس الشي

موفقة حبيبي .. الله يكتبلك الخير :icon11:

[striker]

Palestinian Rose الفرق ما ين ال cs& it في حالة الجامعة الاسلامية فقط كوني بادرس فيها

الit نفس المواد البرمجية والحاسوب اضافة اليها مواد ادارة اعمال

اما على صعيد ال cs تختلف عن ال it بوجود مواد رياضيات والمفضل في الدراسة هوال it

مع تحياتي للجميع

[Palestinian Rose]

شكرًا للجميع على المساعدة

بس ما بعرف ليش أنا خايفة شوي من مواد البزنس اللي في الIT !! لأنو اليوم كان عندي امتحان MIS و مش حاسة اني عملت منيح أو اني حبيت المادة :icon5: !!! فهل بتتوقعوا انو الMIS إلو علاقة بالIT ؟؟؟ أو انو مواد البزنس اللي في الIT إلها علاقة بالMIS ؟؟؟

غلبتكم معي !!




:s (43):

[محمود]

اسمها Bis أعتقد مش Mis

علوم الحاسوب التجارية

فش اشي صعب يا اختي وكلي امرك لربك وبس ^ ^

[Palestinian Rose]

لأ ، ما هو أنا مختارة الMinor تبعي Business Adminstration ، و الMIS200 هي مادة من مواد الminor !!
فالMIS هي أول مادة Business آخدها ، و بصراحة ما حبتها ، خصوصًا بعد الامتحان اللي أخدتو اليوم !! :b:
فأنا كان سؤالي إذا كانو مواد الBusiness إللي في الIST نفس نمط الMIS يعني !؟ على هيك بتكون يمكن البرمجة أهون من مواد البزنس!!!


:s (43):

[محمود]

هههههههههههههههه

ياريت كل شي مثل البرمجة

وتكون الرياضيات برمجة

وسواقة السيارات برمجة

وكتابة الشعر برمجة

والمشي برمجة

بكون شي روووعة <--

[Palestinian Rose]

أوووووف !! لهالدرجة بتعشق البرمجة ؟!؟!؟!؟ يعني تخصصك CS صح ؟!!

أنا بصراحة لحد هلأ أخدت بس مادة وحدة من مواد البرمجة إللي هي C++ !
صح أنا أخدت فيها B+ :icon15: ، بس بصراحة مش كتير فاهميتها :wacko: !!
و لسه الcourse الجاي رح آخد Object Oriented و Data structure و باقي المواد اللي مشتركة مابين الCS و الIT !!!
لأني لهلأ محتارة ما بينهم !! :wacko:

[محمود]

هلا ،، هندسة برمجيات ..

الداتا ستركشر مادة ممتازة وكثير سلسة ..

بس اهم شي يكون الي بشرحها فاههمها لانها بتعتمد على منطق الحاسوب ..

و الأبوجكت كمان ..

انا الي مش فاهمه ليش يعني متعقدة من هالقصة ^_^

[Palestinian Rose]

ههههههههههههههههه
بصراحة عن جد مش عارفة أنا شو بدي !!! :icon15:
يعني ما في إلي ميول لتخصص معين في هالجامعة!!
أنا كنت حابة هندسة ديكور أو معماري ، بس لهلأ ما فتحوهم بجامعتي لأنها لسه جديدة !!
فهلأ أنا بس بدي أدرس أي شي و أخلص ! :b:
بس برضو ما بدي أتخرج بأي معدل ! :icon15:
يلا ، أنا ما إلي إلا أصلي صلاة استخاة !! و ان شاء الله بتتيسر !

Thanx 4 everybody

:s (43):

[anos]

بس حاابب احكي شغلة

انو الــ IT مش تخصص
الــ IT كليـــة متل اي كلة تاانية ( الهندسة متلا)
فيهاا عدة تخصصات

من تخصصات الـ IT

CS علوم الحاسوب
CIS أنظمة المعلومات المحوسبة
MIS أنظمة المعلومات الادارية

طبعاا اللي بدو يدرس اي تخصص من هدول التخصصات
لازم يدرس اول سنة بشكل عاام وتاني سنة بيتخصص وبيكمل
متــــــــل اي كليــــــــة تاانية وحسب نظاام الجاامعة اللي هو فيها

التخصص اللي ما فيه برمجة هو MIS
وهادا التخصص كتـــير حلو والو مجاال كبير في ا لحياة

وبحكـي لاي وااحد بدو يدرس بكليـــة الــ IT
يبعد عن CS لانو ماار ااح يفيدو كتير مقاارنة بالتخصصات التاانية

انا رااح ادرس IT
وتخصص CIS
وبالنسبة الي احلــــى تخصص وهو سهل وما فيه شي



كــــــــــل الود ..

[محمود]

والله انك عسل يا أنوس

[anos]

انتـــــــا العــــسل يـــــا لزيـــز ;)

[Palestinian Rose]

شكرًا أخوي anos
يعني هلأ أنا تقريبًا اقتنعت و يمكن خلص أحول IT :smile:
إن شاء الله خلص رح أدرس IT ، بس .. إذا فتحوا هندسة في جامعتنا السنة الجاي.. عاد يمكن أحول !! :icon15:
لا بمزح :icon15: خلص توكلت على الله ، ان شا الله IT

شكرًا للجميع


:s (43):