هل يكمن ان يخفق القلب لعضو في المنتدى؟

[المعتصم بالله]

عندما نتابع موضوع لشخص ما ويعجبنا طرحه وفكره

عندما نرى فكره واتجاهه من خلال كتابته ..عندما تتبين لنا اخلاقه من مواضيعه وردوده ...

اشخاص لانعرفهم ..

لم نراهم ..

ولم نسمع اصواتهم ..

لم نحاورهم الا امام الملأ..

لم نشاكسهم

قرأنا حروفهم ..فلامست فينا حقيقه لم نكن ندركها ..

ننتظر اقلامهم بشغف كي نرد عليها بشفافيه

لسنا ضعفاء ولكن قلوبنا لامست قلما فأنجذب له

حينها فقط يصبح القلم سلاح يغزو حياه الطرف الاخر

حين يخفق القلب لقلم شخص ....
حين ينبض القلب بحب قلم

هل ممكن ان نميل للقلم ؟

وهل من الممكن نميل للشخص بسبب قلمه ؟

هل من الممكن أن نصل إلى درجة الافتتان بالفكر او الأسلوب ؟

وهل يتحول الاحترام والاعجاب الى انجذاب؟؟

متى تخرج المشاعر عن السيطرة ؟

ما السبب في ذلك ؟؟

وهل هذا خطأ ؟؟

اتمنى منكم التفااعل الهادف

فما رأيكم يا أخوتي
المحب
د.معتصم

[هيفاء فلسطين]

انا من ناحيتي اقول انه يمكن ان يخفق قلبي لعضو
من اسلوبه وطريقه كتابته
لكن لا يسمى حب
اسئل مجرب

[المعتصم بالله]

طيب ماشي
يعني شكرا على الرد و اتمنى لك التوفيق من كل قلبي

[هيفاء فلسطين]

بس مش حب ممكن اعجاب
مش كل شخص بتامنلو

[اسلام]

ممكن نحترم اشخاص او نعتبرهم اخوة في المنتدى مش اكثر

مشكور خيووو
الله يجزيك الخير

[ameera]

احترااااااااااام اكيد مو اكتر
شكرا

[مخيم طولكرم]

يجوز نعم ويجوز لا الله اعلم

[loaloa]

أنا من رأيي أخوة مش أكتر

[وردة حماه]

بشوف هيك نماذج و حتى بمنتدانا بتصير ...بس اعجاب مو اكتر لو الموضوع لإلي لانو ما بقدر انجذب لشخص من وراء شاشة و غالبا ما تكون مزيفة المعالم و الشخصيات ...


شكرا ع الموضوع ...

[dody]

ليش لا بصير

شكراا

[أحلى مايا]

ممكن ينعجب فيه مش انو يوصل لدرجة الحب

يسلمو الك

[لولو اليبناوية]

بشوف هيك نماذج و حتى بمنتدانا بتصير ...بس اعجاب مو اكتر لو الموضوع لإلي لانو ما بقدر انجذب لشخص من وراء شاشة و غالبا ما تكون مزيفة المعالم و الشخصيات ...


شكرا ع الموضوع ...


100%

[بسكوتة]

احتــرام وعشــره مش أكتــر ^^

لإنـو الحب إزا وجه لوجه مستحيل تصير يعني نادر الحب الصادق هالأيـام
كيف وقدام الشاشه وبعـاد عن بعض ؟؟؟

يمكن الاحترام والعشره اللي بتصيــر تتحــول لإعجــاب بس ،،،

[المعتصم بالله]

والله الكلام مئة بالمئة
بالضبط يكون اعجابا لا أكثر
مشكورين على الردود الحلوة و المميزة

[هيفاء فلسطين]

معتصم الاعجاب
بوصل للحب

[المعتصم بالله]

و الله لا أعتقد ذلك مش عارف

[هيفاء فلسطين]

وشو رليك
انو بكون اطهر حب بالدنيا

[المعتصم بالله]

يا بنت الناس مش هيك بس مل شي في الحياة بصير
زي ما الصوص بطلع من البيضة

[هيفاء فلسطين]

ما فهمت قصدك
وضحلى اكتر
مشاكس البنات

[المعتصم بالله]

طيب ماشي الحال
انا بعرف انو الاعجاب زي ما حكيتي بوصل للحب لكن كيف تحبي انسان عمرك ما شفتي مثلا يعني
شايفة علي و بعدين ما بعرف الواحد شكله او شو هو
او اصله و اهله
يعني الامور تحتاج الى تمحيص جيد لأن الحب صعب
فأنا ان وقعت في الحب اخلص من كل قلبي
فهمنتي قصدي
يا مشاكسة2

[هيفاء فلسطين]

افهمت يا مشاكس البنات
بس بضل عند رأي بوصل لحب

[المعتصم بالله]

طيب ماشي الحال
بس كيف ممكن الواحد يحب عن طريق المنتدى
فهميني وحبة حبة يا علام
يا اختي

[حنين04]

عالممكن كل شي ممكن بالدنيا لكن من ناحيتي أنا يمكن يكون في أعضاء بالمنتدى كتير معجبه فيهم لما اقرأ مشاركاتهم بتأثر فيها وكتير بتعجبني بصيروا يعزوا علي حتى لو ما بعرفهم ولا عمري شفتهم يعني في أعضاء بنحب نتابع كل مشاركاتهم وهالاشي أكيد مش حب بالمعنى اللي بتقصده لأنه يمكن أنا أكون معجبه بعضوة مش شرط عضو
بس كل شي ممكن

[المعتصم بالله]

مشكورة حنين على الرأي الحلو

[منيره الكون]

متل ما قالت حنين احيانا في ناس بنعجب بمواضعيهم فقط مش كتر بس في ناس يمكن يحبو بعضهم لاننو يمكن من كلامه او اقتراحه تعجب بشخصيته و وردت فعله ومشكور ع الموضوع

[لمسة وردة]

الكل رد عني

ما حد قصر بالردود

وانا من راي وردة حماه

[هيفاء فلسطين]

طيب صديقي المشاكس
كل شي بصير بالدنيا
دنيا غداره

[المعتصم بالله]

على العكس ما في احلى من ردودك الله يرضى عليكي
وكل شي بصير في هالدنيا
صديقتي الرائعة

[هيفاء فلسطين]

ويرضى عليك ويوفقك

[يافا الفلسطينية]

ممكن كل اشي ممكن حب كمان

[أنين]

بتسير بأحسن العلائات

هههههههههههههههههه

بمزح

انا بالبنسبه ئلي
مستحيل

لانو شخص ما بعرفوا

يمكن يكون احتراام

مو اكتر ولا اقل

^^

[بسمة فرح]

ممكن الواحد يعجب بشخص من خلال اسلوبه وطريقة تفكيره وطرحه لبعض المواضيع اللى ممكن انها تكون ملفته وذو فايده بنفس الوقت..

ولكن لا يصل الى درجة الحب.. لأن مساوئ الشخص لا تظهر عبر المنتديات.. وهذا ما يجب اخذه بعين الاعتبار..

تسلم خيو لموضوعك ..

[المعتصم بالله]

طيب ماشي الحال مشكورين على الردود الحلوة

[فلسطيني كح]

يمكن تكوون اعجاب لا أكثر

مش حب..

لإن العلاقة على النت نادرا ما تنجح

و شكرا على الموضوع

[المعتصم بالله]

مشكور صديقي على الرد الحلو

[ameerelarab]

انا بعتقد انه ممكن يصير

لأنه بنظري الحب اول شي احساس وممكن يجي الاحساس من الكلمات المواقف

طريقة الكتابه وهيك

بس ما بيكون حب الا بعد تكامل باقي العناصر


موضوعك حلو اخي بس المشكله مين اله قلب يحب هالايام

الواحد انتهى


اسمع انا بكتب شعر مرات وممكن اكتب شغلات كتيره عن الحب

بس بالنهايه الحب هو شيء انت بتلمسه وبتشوفه وبتعرف انه حب او لا

بنظري نفس الشخص بحكم

اخي تقبل مروري

وحياك الله

وانا مني وعلي ومن غير زعل بحبك


سلالالالالالالالالام

[يافا الفلسطينية]

صح ممكن الحب على النت يسلم تمك اسألني انا الحب يصنع المعجزات

[المعتصم بالله]

مشكورين على الآراء الحلوة
والمرور أخوتي الاحبة
و تقبلوا تحياتي

[زهرة سلهووب]

مممممممممممممممم اول شي موضوع مهم تاني شي
وانا بقرا في الموضوع حسيت حالي بقرأ بخاطرة جميلة
بالنسبة لانه ننشد لشخص معين اكيد فبعض الاشخاص لهم اسلوب مميز ننتظر تعليقاتهم ومرورهم بكل حب
وهذا يدل على اعجابنا بطريقة كتابته وكلماته وقد يؤدي الاعجاب للحب وقد يؤدي للعكس فكم من امريء تمنى ان يرى الشخص الاخر الذي اعجبه اسلوبه وعندما يراه يتمنى لو انه بقي على حلم اللقاء فينصدم بواقع مرير
هذه الحياة كل ممنوع مرغوب ونحن نحب الغموض ونركض وراءه وكل شخص فينا يحب التميز يعني اكيد انت محبوب من كل البنات والشباب اللي هون هههههههههههه تحيتي لك وللموضوع الشيق

[انا بنت اختها لخالتي]

لا اكيد ما بحب يمكن تعجبني طريقة تفكيرو وشخصيتو بس هاد مو معناتو حــــــب الحب كتير غير يسلمو على الموضوع الحلو

[اهات الاقصى]

السلام عليكم
مستحيل بل جنون إنو تحب واحد فى المنتدى
يمكن أذا حبيت يكون حب وهم ومخادع
وفى الاخير يقع الواحد على راسووووووووووووو
وبعدين الله لايرده
واحد فاضى وقلبه رخيص وهايف علشان يبيعه لانسان مجهول
وبعدين على أي اساس تحبى أو تحب
تسلم عى الموضوع أخى معيصم

[lnosh]

هل ممكن ان نميل للقلم ؟

ممكن بنميل لطريقة اسلوب الكاتب


وهل من الممكن نميل للشخص بسبب قلمه ؟

ممكن بنميل لطريقة اسلوب الكاتب و رأيه و طريقة طرحه للمواضيع مش أكتر


هل من الممكن أن نصل إلى درجة الافتتان بالفكر او الأسلوب ؟

اه ممكن

وهل يتحول الاحترام والاعجاب الى انجذاب؟؟

اوووف هيك كتير ^ لا طبعا و هل من المعقول ان تحب شخص لا تعرفه فهذه مجرد اراء يكتبها الاعضاء صح هي

بتعبر نوعا ما عن شخصياتهم بس مش لدرجة الانجذاب ^


متى تخرج المشاعر عن السيطرة ؟

عندما تثق بحب شخص ^ حب حقيقي مش حب قلمي ^


ما السبب في ذلك ؟؟

الردود القلبية


وهل هذا خطأ ؟؟

والله ما بعرف ممكن يكون خطا و ممكن لا


صارت معي هادي القصة في هاد المنتدي احد الاعضاء اعطاني لينك لمنتدي اشترك فيه ,,

و بالطبع سجلت في المنتدي ,,,

و في يوم من الايام لقيته ماخد ايميلي من المنتدي و ضافني عنده ,,

لانو طلع المنتدي لصاحبه و بذلك اخد الايميل ,,

قال معجبي في قالها في احد ردوده في المنتدي ,, انا بصراحة استغربت كتير ,,

قلت عنه كذاب اي اعجاب هاد الي بيقول عليه ,,

اي ما كنت بطيقه ..

والله بيكون اعجاب بالاراء و افكار بعضنا بس مش لدرجة الحب بس مجرد اعجاب لا اكتر

و في الاخر بقول :::

.::. و لا تعجبن لما تراه فنحن في زمن العجائب .::.

[~ | Mazaj]

السلام عليكم ورحمة الله ..
اعتقد انو ممكن يكون اعجاب بس ..
يعني الواحد لازم يتزكر انو النت اشكال والوان ..
ما بتعرف مع مين بتحكي ..
مجرد اسماء مستعارة ^_^
حتى لو صار ووصلت لدرجة الحب بعد الاعجاب ,,
بنظري حب اخوي ..
زي ما بحب اخوي بحبو هالشخص ..
بكلا الجنسين .. ذكر او انثى ^^
يسلمو اخي المعتصم بالله ..
تم تعديل رد ..
وحذف الردود يلي خارج نطاق الموضوع
دمتـ

[المعتصم بالله]

مشكورة على المرور الحلو

و الجميع تقبلوا تحياتي