تخيل..فلسطين من دون احتلال..ضروري تدخلو!!

[SWEET*GIRL]

السلام عليكم ورحمة الله وبركاته

كيفكم؟؟

انشاءالله كلكم بخير

زي ما منعرف احنا حياتنا يمكن غير عن حياة كل العالم لان محتلين من قبل ثالث اقوى دوله بالاسلحه وما اسلحه

ععشان هيك حطيت هدا الموضوع عشان كلنا نتخيل فلسطين كيف كانت رح تكون من دون احتلال

وايش كنا رح نعمل يعني انت كيف كانت رح تكون حياتك الشخصيه

وهيك (لانو اكيد اكيد رح يكون في اختلاف بين حياتنا هلا وحياتنا من دون احتلال)

فيا ريت كل واحد ما يبخل على فلسطين ويكتب كيف رح تكون فلسطين انشاءالله قريبا من دون احتلال لانو فلسطين بلدنا اللحبيب بستاهل انك تتعب حالك وتكتب عنها وعن الموضوع

وانشاءالله كل كتاباتكم تتحقق يللي هي انو نعيش بسلام وبحريه

ومعكم قد ما بدكم صفحات تعبرو عن الموضوع

مع تحياتي

تخيييييييييييييييييل

[ABU-NOUR]

تخيلي ^^

[SWEET*GIRL]

انت يللي تخيييييييل

ههههههههههههه

ما كتبت اشي طيب^×^

[عاشق الحور]

فلسطين أحلى وأطهر بقعة على وجه الأرض

أحبها حبـا يفوق شذاه إبداع المعاني

أتنسم ريح عبيرها شوقا لأقبل تراب مسجدها العتيق

ياااااااااااااااااااه لو سرحت شوي بس

فلسطين من غير احتلال .. راح نكون في كروم العنب نمشي ..

وتحت شجر الخوخ والمشمش بنقطف

وفي موسم الزيتون بنحصد .

أقل ما فيها راح يكون قلبنـا على بعض

ومستحيل نلاقي ناس عملاء .. لانهم ما راح يلاقوا حدا يساعدوه

اللهم طهر أرضنا يارب العالمين

[SWEET*GIRL]

ياااااا رب

مت تمك لباب السماء

كلام رائع اخي

شكرا على المرور الاروع من رائع عنجد

[ABU-NOUR]

مهو بس اجمع افكاري بتخيل ^^

[المعتصم بالله]

هم هم
أتخيلهاخضراء جميلة
مليئة بالامن و الامان
و الحياة الجميلة
يييييه
يا ريت

[حنووو اليبناوية]

بكل بساطة كنت حنولد ببلدي

وكنت حكون ببلدي^^

تسلمي حبيبتي وانشالله بتتحرر بلادنا

[.:.!دموع الرحيل!.:.]

موضوع بقمة الروعه

لــي عودة ان شاء الله

[SWEET*GIRL]

نورتو كلكم

[إسراء الفلسطينية]

يا الله

والله اسعد يوم بحياتي يوم ما تتحرر ارضنا فلسطين

عشان نرجعلها باقرب وقت و نتمتع باراضيها الحلوة

فلسطين من اجمل البلدان

لكن الاحتلال ما خلى حدا يتمتع بهل جمال

لو ما كانت محتله اراضينا

كنا هلا كلنا عايشين في بلدنا

و كلنا مع بعض و ايد وحده

و قلوبنا على بعض

وووووو....

اخخخخخ بس

الله يطهر اراضينا من الاعداء يا رب العالمين

شكرا كتير على الموضوع الحلو

يعطيكي الف عافيه

[صدى الصمت]

امممممممممممم

يا وردييييي لو مفش احتلال

لكان تركت البحرين

والدراسة

والجامعة

والغراب البين كلـــــــو

ورحت ركييييظ على فلسطين

بس كل شي كوم ،، وتخيــــــــــــــل كوم ثانــــــي

الله يوعدنا بوشفة بلادنا واراضينا واهلنـــــــا

والله يحرم اليهود من اللي انحرمنا منو طول هالسنين

ويسلمو للموضوع كمرة ^^

بدي اصيح يا جماعة !!

[SWEET*GIRL]

نورتي اسرا

كلام رائع

وانتي بردو صدى الصمت

نورتي

وبردو كلامك رائع

وانشاءالله ترجعو شي يوم على بلدكم الحبيب

فلسطـــــــــــــــــــــــــــــــ ــــــــــــــــين

وتطهر اراضينا يااااااااااااااربـــــــــــــ ـ

[جيفارا*نابلس]

الاحلام لا تتحقق مجانا

[جيفارا*نابلس]

والخيال لا ياتي من فراغ

[ابن الريف]

مش قادر اتخيل
أصل الاحتلال ما بسمحلي احلم واتخيل
قتل كل الخيال والاحلام بقلبي

[ابن الريف]

مش قادر اتخيل
لانو مش بس الاحتلال الى مشكلنا
عندنا مشاكل لا تعد ولا تحصى

[~ | Mazaj]

تخيـــــلو

رح اعيط مجرد التخيل والله ..

اشياء كتير رح تكون ..

رح انظم افكاري وارجع ^^

يسلمـو ايديكِ ..

[سنا القمر]

لو كانت بدون احتلال كان كنت انا فيها

اصلا شو بدكم اخلى من انو سنا تنورها هههههههههههههه بمزح والله

بتخيلها حرة .. رافعة راسها .. خضرا .. واسعة

الناس رح يكونوا مبسوطين ..

وبيارتنا رح تضل النا ..

والعنب .. اه

شكرا اختي عالموضوع الاكتر من روووعة

^^

[SWEET*GIRL]

تسلمو على المرور

ليش ما رجعتي يا فجرررررر

[أبو نضارة]

إن شـــــــــــــــــاء الله ستتحرر فلسطيــــــــــن
وستكـــون آخر علامات الساعة الصغرى ظهوراً

بس يارب أكون عايش ....
يا رب قدر لي أن أموت في فلسطيـــن
آميــــــــــــــــــــــــــــــــ ــــــــــــــــــــــــــــــ ـن
(تأثرت والله)

[أبو نضارة]

إذا تحررت فلسطين
ستعود كما كانت سابقاً
منبعاً للعلم و العلماء (( العلم الحديث والعلوم الدينية)) والشيـــوخ ((لوجود المسجد الأقصى المبارك))

متــــــــى يأتي اليوم الــــــــــــــذي ســـأمرغ فيه قدمي في تراب أرضي ..........ويطرد المحتل ذليلاً خائباً

[مغرمة فلسطين]

بمجرد قراءة الردود و الموضوع

و تخيلات الاعضاء والله بكيت

أتخيل يالله من هالكلمة

كيف بدي اتخيل ياريت اللي بنتخيلو بتحقق

بتخيل هأكون فيها بين اهلي و ناسي و احبابي يالله

بجد موضوع مؤثر

يسلمووو

ولي رجعة اذا الله أراد

[SWEET*GIRL]

تسلمو كلكم

وفعلا يا ليت الخيال والاحلام تحقق

نورتوني بمروركم

[المعتصم بالله]

و الله انتي الي منور الموضوع بمومضوعك الحلو
تحياتي
د.معتصم

[SWEET*GIRL]

تسلم اخي

[لولو اليبناوية]

الاحلام لا تتحقق مجانا *** والخيال لا يأتي من فراغ....اروع الحكم

يااااااالله

كتييييييييييير بتخيلها بدون يهود...

حتكون احلى مكان بالدنيا...

بجد...

وراح اكون بالمكان الي نبت فيه سيدي وستي..

اكتير بتمنى اني اكون عايشة بهالوقت......

بس امنية بحسها مش بس مستحيلة..........

يعني حتى بعد موتي ما بتخيلها راح تتحرر...

ولو اتحررت راح تقوم على طول بعديها الساعة..

ما تحكو عني كتير متشائمة.....بس ما بعرف :(

يالله ان شالله الله بعوضنا وطن بالجنة....

لانا من اهل الابتلاء..

موضوع روووووعة

يسلمو ايديكي

[بسكوتة]

لووو كـانت فلسطين متحررة
يــا سـلااااام ،،،،،،،،

كـان انولدت فيها وعشت فيها كل أيامي وحياتي
من طفوله ودراسه وهداوه وراحة بال مع كل أهلي وناسي
وكانت رح تكون أرض خضرا ونعيم ومليانه خيرات


لووووووو :(((((

[SWEET*GIRL]

كلامك صحيح بسكوته

وانشاءالله يا رب الله يعوضنا بالجنه كوطن

فكلامك ايضا صحيح اختي لولو

نورتو انتو التنتين

وتفاؤلو خيرا جميعكم

فالله قادر على كل شىء

ولا تنسو

ان الله يمهل ولا يهمل

[~ | Mazaj]

ممممممم

اول شييييييييييييييي

رح زور القدس .. وكل مناطق فلسطيييييييين الحللللللللوة

كلها حلوة .. يعني رح زورهاااااااااااااا كلهااااااا

ورح كون ببلدي " كوكبااااااااااااااااااا " يالله

نفسييييييي اشوفها

بس اشوفها من بعيد حتى

ورح كون بين كل العيلة والعيلات الكوكبية ..

وعنا الطيماوية رح تكون من جيرانا " صدى الصمت "

ورح اشوف ميمي ولولو وحنو ونسرين وكلهم

يارب تتحررررررر

[SWEET*GIRL]

يا رب

ليش انتي من فين يا فجر؟؟

شكرا على المرور

نورتي

[bnt_palestine]

شكرا اكتير sweet girl على هالموضوع الرائع
اما فلسطين من غير احتلال فانا بتخيلها اولاد وبنات بيلعبوا وهمي حسين بامان
منروح ومنيجي ومنزور الاماكن والقرى اللي منعنا الاحتلال انزورها
بكون في حب بين ابناء الشعب الفلسطيني
وما في عملا زي ما قال اخي عاشق الحور
وبس وانشاء الله يتحقق
مشكورة

[نسرينا الفلسطينيه]

مممممم

يـااااي

ياريت والله

بس اتخيل رح ارجع احكيلكم شو اتخيلت:D

[مخيم طولكرم]

الله اعلم ولكن ما اختاره لنا الله سبحانه وتعال هو افضل الامور اخي الحبيب

[7olm]

مرحبا للجميع...

اما انا ... فلما بتخيل انو اتحررنا وانو كل اشي طبيعي.. فاول اشي بيجي على بالي.. قريتي... انا بنت لاجئة ومن انا وصغيرة اوان بسمع عن قريتي وانو انا لاجئة وبالاصل من قرية اصغيرة اخدوها اليهود...
فبتخيل انو انا بقريتي بزورها وعايشة فيها... وبنكدر انروح وين ما بدنا على الساحل والشما والنقب...

وما في مخيمات... وما في بيوت صغيرة وعيشة زي العما... وما في مطلوبين.. ولا اجتياحات ... ولا اسرى ..

يا الله...دنيا غير .. وعيشة احلا وحسن... بكفي شعور الحررية ...

موضوع رائع ...SWEET*GIRL


اما جيفارة نابلس

... اكيد الاحلام لا تتحقق مجانا..بس محاول رائعة من SWEET*GIRL للتخيل .. والتحليق في احلامنا .. وامالنا...ومن هيك جملتك التانية ... رائعة انو " الخيال لا يأتي من فراغ..." وكل واحد كتب واتخيل هاد دليل على الأمل .. والانتماء لهذا الوطن .. بارغم من كل المصاعب.. والاوضاع المؤسفة .....

مع كل الاحترام

[ameerelarab]

**************************


بدموع عيناي احيها

بلادي اعشق سماها

فيكون احساسي حرا

وشعوري بالقدس واقصاها

لا اتخيل نفسي حرا

الا بعد ان تجلي عن ارضي الاعادي

لا اسمح لنفسي بالحيد

عن ابداع عقلي ونسيان دماء ابنائي

فبلادي ليس بها خيال

احلى من رباط وصمودي

****************************

ومع هيك مشكووره عالموضوع الحلو

تقبلي مروري

[SWEET*GIRL]

نورتي bnt_paliseine

وينك يا نسرينا الفلسطينيه

ما شفتك رجعتي

بدنا نعرف شو اتخيلتي

واخي طولكرم تفاؤل شوي يعني

صح انو الله اختار انو نكون محتلين

بس شو عرفك

يمكن اختارلنا انو نتحرر

نورت اخي

اختي 7olm شكرا كتير على كلامك الرائع

وانشاءالله ترجعي لقريتك وبلدك

وشكرا على ملاحظاتك لجيفارا

نورتي اختي عنجد

واخير

اخي امير العرب

مشكور كتير على الشعر الجميل بل الرائع وعلى تعبيرك

وليش ما بتتخيل حالك حر؟؟

حاول طيب

مع هيك

شكرا اخي

ويا ليت الخيال يصبح حقيقه

وتفاؤلو خيررر

مع تحياتي

[طيف القمر]

و الله الموضوع اعجبني :icon9:
في نوع من التفاؤل بالخير :matrix:
و هاد مش غلط :b:

بس و الله بنخاف انا ننسى حالنا
و نعيش بالخيال :s (43):

بعدين ننصدم بالواقع :icon28:


الله بيعين و حلو التفاؤل
:s (43): :s (43):
شكرا عالموضوع اختي

[أم ريان]

أقل ما فيها راح يكون قلبنـا على بعض كلام رائعمنك يا عاشق الحور
من جهتي انا انو مش حلاقي شي ابحص عليه ولا يشغل بالي علشان هيك حكون مفروسه ومنغاظهع المستور الاجتماعي او ع المستور الدولي اقل شي في دول حتحرمنا وتكون معنا مو متل هالا الفالح الي بدو يطاوع امريكا مشكوره عيوني

[SWEET*GIRL]

نورت طيف القمر

تفاؤل منيح

وعاشقة الشهاده

شكرا على الكلام العسل

ويا ريت يسيرو يحترمونا هالدول وقلوبنا على بعض

ولا خايفين وعلى عم نبحص...الخ الخ الخ

مع تحياتي