هل الطيبة عيب او ميزة

[زهــــ فلسطين ــــرة]

,,نسمع من زمان اذا فيه شاب يتقدم للزواج(على سبيل المثال)..يقولون عنه

هذا رجل طيب ..وحبوب ...فيسعد اهل العروس به و يزوجونه ابنتهم... لكن

في زماننا الحاضر اختلفت معايير كثيرة ..فمثلا قد تسمع بشاب يريد الزواج عيبه

انه طيب وعلى نياته ....(اي على سجيته ) وهذا يعتبر عيب فيه !!!...

حين تتحدت مع الاخر بطيبة و حسن نية و يسئ فهمك و يفهم كلامك كما يحلو له .... حين ترضي الاخرين و تعملهم الف حساااب احتراما لهم ....هل حين تعطيلهم من وقتك الكتير مجاملة او تقديرا ... هل انت طيب ... هل تكون بدلك غبيا و مغفلا


بصراحه انا شخصيا اعتبر الطيبة ميزة ..وبدون تصنع ..
لكن في وقتنا الحالي الكتير من الناس فاهمين الطيبه خطأ .. فيه فرق بين الطيبه والسذاجه ... المؤمن من أخلاقه يكون طيب ومسالم لكن أيضا يكون فطن ومنتبه... أما الآن
فالمعنى الأول اختلط بالثاني .. فأصبح الساذج الضعيف يقولون عنه مسيكين طيب .. على نياته ... و انا اقول ليس كل طيب ساذج

الطيبه لم تكن يوما عيبا أو صفه تنقص بقدر الإنسان لكن ساء مفهوم الطيبه بالنسبه للكثيرين ..

قد نسمع من يقول أنا غلطتي أني طيب أنا لو ماكنت طيبا وعلى نياتي كان مايحصل لي اللي حصلي مع الناس ... و انا اقول له لا ... غلطتك ليس أنك طيب غلطتك أنك أسأت فهمك للطيبه ...

الطيبه ليس ان تصبح جدارا قصير ...أي أحد يجي ينط فوقك...






هده من امثلة الطيبة التي نراها في التعامل بين الناس في وقتنا الحالي

سؤالي للجميع ...

ماذا تعني لك الطيبـــة ... هل تعدها عيب أو ميــــزة ... و لمادا ...

[حنووو اليبناوية]

تسلمي والله زهرة فلسطين على موضوعك

بالنسبة للطيبة في ناس بيشوها صفة منيحة

وبعض ناس بيكرهو انهم يسمعوووها وبيكرهو حدا يوصفهم بهاااي الصفه

بس انا عن نفسي بحب الناس تحكي عني اني طيبة وعلى نياتي وغلبااانة^^

ما بعرف ليييش بس اجمااالا هي صفة حلوة وخصوصا للرجال لما يتقدمو للزواااج

تسلمي حبيبتي عالموضوع الحلو متلك^^

[بسكوتة]

أنا قصتي مع الطيبه قصه هههههههههه
طبعا بعتبرها ميزه لإنها بتحبب الناس فيه
وبكون تعامله مع الناس صافي وأبيض
بس هاي الأيام الطيبه بتنفهم غير كتير للأسف
يعني بعتبروه ضعيف الشخصيه أو ما بيعرف شي بالدنيا
بس طبعا مهما اختلف تفكير هاي العقول
بتضل الطيبه أحلى صفة بالإنسان
وأنا طيبه كتيييييييييير وبحب الناس اللي متلي
يعني الواحد شو ماخد معاه غير عمله الصالح
اعمل خير و كب بالبحر ^_^
وهاي الصفه زي ما حكيتي مهمه بالشب يعني العريس
لإنه بتحبب أهل العروس فيه والعروس طبعا صاحبة الشأن :D

شكرا كتيييييير زهرة فلسطين موضوعك مميز ويعطيكي العافيه يا رب ^_^

[sallmars]

اشكرك زهرة فلسطين على هذا الموضوع المهم

و انا فى مثل رايك طبعا و انا طيبة لاكن ان تصل للسذاجة لا فبقلب على طول على الوجة الثانى و احب الطيبة لانها تجعل الناس على شفافيتهم و الطيبة من اجمل الصفات و فى هذا الزمن الطيب ملوش نصيب يا خصارة

شكرا اختى و الله يوفقك

[زهــــ فلسطين ــــرة]

يسلموووو يا طيبين

احترم اراكم...

واتمنى ان ارى اراء العضاء الاخرى ايضاً

ودمـتم طيبين

[Abu Shadi]

والله يا اختي الطيبة في زمانا عيب وخاصه في فلسطين وخاصه قطاع غزة

لانو لو ورجيتي الناس طيبتك بستهبلوكي ومش بس هيك ممكن يغدرو فيكي
الي ناوي يعيش فعلا قوي الشخصية وصاحب شأن
يتلائم ويكون لئيم

وربنا يوفقك اختي وتسلمي لموضوعك الرائع
تحيتي الك

[نبض الأقصى]

بسم الله الرحم الرحيم

الطيبة صفة لا بد أن تكون موجودة لكن الزمن
أصبح غير الزمن
والناس أختلفت أفكارهم ونظرتهم للأمور وهذا الشيء في حد ذاته
خطأ
الطيبة ميزة
لكن لا يجب أن تكون في زيادة عن حدها ..حتى لا تفسر بالمعنى الخاطىء
وجزاكِ الله كل خير

[زهــــ فلسطين ــــرة]

ابن فلسطين

نبض الأقصى


شكراا كتير احترم رايكم


دمــتم بــود

[بنت الرملة]

والله الطيبـة عبيـــب هيه كانت ميزه بس مع الناس

بهالزمن صارت عيب وعيب كتير ..

لأنو إلي بعيش الحين لازم ما يكون طيب ولا يعمل لأي واحد قيمة عحساب طيبتو ..

لأنو الدنيا تغــــيرت وإن لما تكن ذئبا اكلتك الذئاب وياريت الواحد بقدر يتخلص من طيبتو ..

بس بضل طبع بالواحد وصعب يغيرها:( ..

بس بجد بتتعب الواحد كتيييير كتيييييير ..

لأنو بشوف الكل متلو وبتعامل مع الناس أنهم متلو شفافين وطيبين وقلوبهم بيضه بس للأسف

اخر اشي بنطب عراسو..

مشـــكورة حبيبتي موضوع حلو كتير ..

[زهــــ فلسطين ــــرة]

معك حق اختي ...


يسلموو على المرور^^

[ابن الريف]

الطيبه عيب في هذا الزمن الردئ
الكبير كبير والصغير صغير
فالكواكب تدور حول الشمس
والصغير يدور حول الكبير

[نور اليقين]

http://www.rooosana.ps/Down.php?d=CWP5


اللهم ألهمنا و ألهم أهل زهرة فلسطيـــن الصبر و السلوان

اللهم وسع مدخلها واغسلها بالماء والثلج والبرد
ونقها من الذنوب والخطايا كما بنقى الثوب الابيض من الدنس
اللهم جازها بالأحسان احسانا وبالسيئات عفواَ وغفرانا
اللهم اجعلها في القبر مطمئنه وعند لقاء وجهك امنا ومستقره

اللهم هون على اهلها من الحزن والبلاء اللهم اجعلها لهم اخر الاحزان
اللهم ارحم موتانا وموت المسلمين

لا حول ولا قوه إلا بالله



http://www.rooosana.ps/Down.php?d=qXmZ

http://rooosana.ps/uploading/52f8973965.gif

[الوردة الحانية]

الله يرحمك ياازهورة عمري

[جبل ما يهزه ريح]

صدقيني اختي انه الطيب بهالايام بيفكرو انسان اهبل وعبيط وعلى نياته
وما اظن اصلا ضل حد طيب بهالزمن والوضع الي احنا بنعيش فيه
والي بتفكريه موسى بيطلع فرعون ويا ما تحت السواهي دواهي
الزمن هاد ما بده الطيب عنجد بده الي يكون اقوى منه
ومشكوووورة:s (43):

[احمد زايد]

مشكورة على الموضوع