الـى جميـع اعضاء المنتدى فتحـاوي وحمسـاوي .!!

[ashrafo]

رحمة الله على عقولنا الميتة المتسلطة للرأي ..!!

الســـــــــــــلام عليكــــم ،،،

اول شيء اتمنى من المسؤول او المدير على المنتدى ان يراقب بعض الردود

السخيفة العمياء المتطرفة التي تتهم بعض اعضاء وابناء هذا الشعب

بالعمالة لاسرائيل وبالنفاق ..

هذا الكلام عيب يطلع على اخوك وابن بلدك ،،

هل هذا الزعل كله من سبب حماس وفتح .!!

سبحان الله الآن اصبحت حماس وفتح هم الذين يقرروا إنو نحب بعضنا وا انهم يحددوا متى راح نحب

بعض .!!

الشعب الفلسطني اكبر واكبر واكبر من حماس وغيرها .!

ياجماعة عيب والله هيك كلام وقسما بالله شي بيمغص البطن ،،

والواحد لما يشوف هيك ردوود او مواضيع يصاب الغثيان ..

الواحد حر بدو يعلق على موضوع او منظمة او فصيلة من فصائل المقاومة الفلسطينية خليه براحته ياأخي

يعلق ..

هذا من ابسط حقوقه للمواطن الفلسطيني سواء كان في الداخل او الخارج .!

حتى الكلام ممنوع ؟؟ مستحيل يعني

كلنا اخوان لا فتح ولا حماس ولا بطيخ ..

قضيتنا اعمق وابقى من هؤلاء الفصائل .. ياناس رحمة الله على هذه الفصائل ..!!

احنا جيل جديد المفروض والصواب ان نعتبر من انفسنا شوف اجدادك والناس اللي قبلنا ما عملوا للقضية

بشيئ
لازم احنا نتطور ونرتقي لمستوى الحوار والنقد البناء خلاااص كفايه جهل وتشرد

وتزمت احنا في ابهى القرون في حلتها والعالم يتقدم وينمو بكل المعايير

واحنا لسه بنحكي فتح وحماس وهذا عميل وهذا فاسق وهذا ووووووو الخ ...

والله هذا الكلام هو الغزو لنا والدمار لنا والقتل لهمتنا الوطنية ونظرتنا للمقاومة والحرية

هذا هو الغزو الذي تغزونا فيه اسرائيل وامريكا الاعداء على امتنا ..

هذا سلاح هو الوحيد الذي نجح وسوف ينجح اذا بقينا على تخلفنا وعنادنا لبعض ..!!

الرجاء اوقفوا هذه المهزلة واوقفوا ان كنتم تتمنوا الخير للوطن

والخير الى ابنك وبنتك وامك وابوك وللشعب جميعا ..!!

للاسف في شهرين فقط والله مهزلة التاريخ عمرها ماصارت لفلسطين على مر العصور ..

اول مرة تكون القضية القضاء على فتح من حماس وفتح همها القضاء على حماس ..!!

ابن الحرام اولمرت قاعد ومستانس وبتفرج علينا وريح جنوده من حرب معنا

وخلانا نشتبك مع بعض ياااااللعااااااار ..

واحمد نجاد وبشار الاسد كل واحد حاط رجل على رجل .. ايران انتصرت على امريكا في العراق ..

وبوش انتصر على ايران في فلسطين لدعمه فتح وضد حماس وقلب الامور هناك ..!!

وهذا هو التحدي فيما بينهم .؟! واحنا ايش استفدنا الا خراب الديار والفتنة ؟!

واهم شي ارجوا انكم تنبهوا لنقطة مهمة .!

السبب وراء كل المشاكل وزعزة الاستقرار في فلسطين خاصة وباقي الدول الاسلامية عامة هي ايرااان

وسوريا .. وخاصة ايران ..

ايران قاعده تصفي حسابات كانت موجود قبل ما ننخلق جميعا من كل اعضاء المنتدى تخفى عليكم

لكن راجعوا التاريخ راح تعرفوا ايش هي الخفايا .

دول الخليج السنية وامريكا والشيعة بين قوسين ايران ،، تتصارع من اجل وصالح اسرائيل فقط ؟!

الخلاف الامريكي الايراني معروف من زمااان ؟

ليش ما يروحوا يصفوا حساباتهم في ايران ؟؟؟

او في سوريا ؟؟ او في امريكا او انشاالله في جهنم ليش عنا الله يلعنهم ؟؟

لكن فقط عشان تعرفوا ان دائما المظلوم المسكين هو الشعب الفلسطيني ..!!

ابن الحرام الظالم المنافق اذا ارد النجاح ووصل الى السلطة اول ما بيطلع الى سدة الحكم والقرار على طول

بيحكي واا قدسااه واا فلسطينااه ..!!

الله يحرقكم بنار جهنم مخلدين انشاالله ..!!

مسكينة فلسطين عصاية جحا صايرة في هالايام ..!!

لا تصدقوا الخزعبلات ولكن للاسف لو صحينا نحن الفسطينيون على هذه النقطة لكان تغيرت امور

كثيرة .. لكن للاسف لسه ما في يقظة للمخططات التي ترسم علينا ؟.!

حماس دعمها المطلق من سوريا وايران واذا اتفق الاثنان مع امريكا واسرائيل والله حماس وغير حماس

راح يصيروا في الهوا سوا ..

متل ماصار في منظمة التحرير وتصفيتهم للابطال الاشاوس في تونس وغيرها .!

الرجاء لا حماس ولا فتح ..!!

احنا فلسطينيين مسلم ومسيحي كلنا بيد واحده ..!!

اتركوا السياسة وكلامها الوقح الغير مهذب المدسوس الى اهلها .!

تكلموا بلغة الاخوان وبلغة الوطن وبلغة القرآن لا بلغة الحاقدين الاستعماريين الانذال

الذين يريدون الفتنة بيننا ..!

ياهوووالله هذه قمة الفتنة الجبارة يا إنها تخسفنا وتخسف وتمحي مبادئ المقاومة

او الله يعطينا قوة الفراسة والبصيرة والايمان لكي نكشفها وتزيدنا وحدة وقوة وثبات بإذن الله ..

اتقوا الله والله غير تحاسبوا جميعا على هذه المواقف ..!!

ايش راح تفيدكم صلاتكم وايمانكم وصدقاتكم وقراة القرآن وانتم تتلمزون بشعارات غير بنائة ومحرضة

للفتنة على هذا الدين ..!!

واذا كنت فلسطيني تنتمي اليها بكل قلب وايمان راسخ ..؟

اياك ان تحمل اي شعار او علم يخص فلان او يخص حركات جهادية .

.حركاتنا الجهادية الشريفة لا تحمل الا علم فلسطين اما العالم اجمع ..!!

فقط علم فلسطين .!!


لكم الاجابة واتقوا الله في عقولكم .!!

واكثروا من الدعاء وصلاة القيام في ثلث الليل واخشعوا وادعوا بأشد المواقف قوة لكم

لكي يخفف عن هذا الشعب المقهور وان يهدي وان يسكن ويطفي نار وغضب العقول فيما بينهم .!

الله يجمعنا على كلمة واحده وصف واحد ,, ويهدينا الى الصواب بإذنه تعالى .!

:s (43): :s (43): :s (43):

[ashrafo]

ياحضرة المشرف على المنتدى العام بليز لو تكرمت نقل الموضوع على النقاشات الجاده .

عفوا لأنه بالخطأ وجد هنا في العام ..!!

تحياتي لك .. وعفوا عالازعاج .!:s (43):

[طوني ابو جوده]

يسلمو يا اخ اشرفو على هذا الموضوع النابع حقيقه من حرص حقيقي عن تلامس اراء

بس قصة العماله لاسرائيل لم اشاهد اي موضوع او رد كما توصف

[ashrafo]

والله يابو جوده انا ما حبيت اكتب اسم العضو من اجل ما اعمل بلبلة ويمكن الواحد يكون معصب

ومتضايق من الاحداث يعني اكيد راح تكون زلة لسان ..

الله يعينهم اهل غزة آآمين ..!!

وهذا رابط الموضوع اللي فعلا يقزز من اغلب الردوود ..!!

http://www.shabab.ps/vb/showthread.php?t=44073

وتحياتي ،،:s (43):

[نسرينا الفلسطينيه]

معك حق بكل كلمه حكيتها

هاي متل ما قلت مهزله من مهازل التاريخ ومضحكه الاعداء وشماتتهم فينا الي رح تتسجل لشعب الفلسطيني الي طول عمرو بنضرب فيه المثل بالوحده الوطنيه..

طول عمرها اسرائيل وامريكا بتحاول تعمل حروب اهليه بينا

بس كل مره بنوقف صف واحد ضد اي مؤامره..

نسينا انو عنا عدو مغتصب ارضنا وانسينا انو فلسطين هيي قضيتنا الاساسيه..

وللاسف عم بشوف شبابنا مخدوعين بأنو هاي الحرب لصالح فلسطين..

بحب أحيي كل فلسطيني شريف بحب وطنه

وكل فتحاوي وحمساوي وقفو ضد هاي الحرب الاهليه البشعه بحق فلسطين الحبيبة

انا شفت كتير وبعرف حمساوين وفتحاوين متعصبين..

تركو كل انتماء بنتموه لهالحركتين،،وقفو صف واحد وحكو فلسطين أولى من كل شي ومن كل مصالح ومن كل شي بتخبيو فيه باسم الدين والاسلام

والاسلام بريء من كل الي عم بصير..عمره ما كان الاسلام بالقوه والبطش وهالهمجيه..

الواحد حاسس حالو بأيام الجاهليه وايام قريش..والدنيا سايبه وكل واحد باخد حقو بسلاحو كانو ما في قانون بهالدنيا..

انا بحكي هالكلام وقلبي بنعصر ع الشباب الي بطلو يشغلو مخهم ونجرو ورا شعارات كل حركه بترفعها..

احنا اكبر من هيك والفلسطينين طول عمرهم اكبر من انو نمشي ورا شعار حطتو حركه من الحركتين..

فلسطين هيي الاساس عنا ..عمرها ما كانت حماس ولا فتح الاهم..

فلسطين

فلسطين

فلسطين

قضيتنا فلسطين الي طول عمرها فتح وحماس بتحارب مشانها

وتأسسو مشانها ودماءها واروحها لفلسطين وبس..

بالاول والاخر كل الدنيا بتغلط وكل حركه فيهم عندها غلطها وما في حدا منزل بهالدنيا

يعني ما منقدر نحكي انو حماس كل الي فيها محترمين ولا فتح كمان..

بس مش هاد الاسلوب ولا الحل الي نحل فيه مشاكلنا الداخليه..

مش القتل والسرقه والقرف الي عم بصير..

مع احترامي للحركتين..طول عمري بحترم حماس وفتح وبحبهم كتير لانو كان توجهم واهدافهم موحده ضد اسرائيل..بس هلا :b:

لا لفتح ولا لحماس التي لأجلها تضيع كرامة الوطن^^


وشكرا..

[.:.!دموع الرحيل!.:.]

والله يا أخي كلامــك في منــه

بقصة إيران وسوريــا والخ ..

بس انا قبل ما اكون حمــاس وفتح

انا مسلـــمـة فلسطينية !!

بوقف بوجه كل شي بيغضب ربنــا

لما المساجد تدنس وصاحب اللحيه متبع لسنة سيدنا رسول الله يقتل

أو يحرق جسده بالكامل

حرام عليي اذا ما بوقف بوجه الي بعمل فيه هيك !!

يعنــي القصة ما عادت مسألة لا فتح ولا حمــاس

المسألة مسالة حق وباطــل

وان نحن امتنعنــا عن رفع رايــة حركة معيــنه والهتف الها او ضدهــا

حرام علينا نكون شياطين خرس

نسكت على الباطل !!

بعدين انا نفسي اعرف

بتحكو هالحكي ؟؟

انتو أكيد مـا كنتو بتشوفو

شو الي خلى القسام يعمل هيك

يعني يا سيدي افرض ايران الله يجحمهــا

الها إيد ولو انهــا أكتر من مسألة دعم مالي مافي الها

بس لنفرض

يعنـي وين الغلط الي ارتكبتو حمــاس

الي صار هو رد مش تهجم بعد صبر دام طويلا

يا سيدي انسو انه اسمها حمــاس

رجال إسلام بطهرو البلاد من كل عدو للإسلام

من وين بدها تتحرر البلاد

وهنـي الخونة واقفين بوجه كل عمليه

قاتليين كل مجــاهد

يعني انتو بتقولو نحن فلسطينيه قبل ما نكون فتح وحماس

لا بدي اقولك

نحن مسلمين قبل ما نكون فلسطينيه

وبنوقف بوجه كل باطل

وضد كل حاقد على ديننا وعدو إله

بغض النظر كــان فلسطيني ولا مش فلسطيني

فلسطين بريئة من كل عدو للدين

سيدنا أبو بكر رضي الله عنه

حارب الي امتنعو عن الزكاة

فما بالكم بالي كان صاير

الي صار تطهــــــير

للبلاد من الفســاد

وهالشي واجب على كل مسلم كان موجود هونيك انو يقوم فيــه

لا فتح ولا حماس

الإسلام أولا وفلسطين ثانيــه

ويا نسرينا اذا كانــت قنوات الاعلام الصهيوامريكيه

فرجتكم انكم بعصر قريش والهمجيه

فإنتو بالحقيقة بعصر ما يقارب

صلاح الدين الجديد ومعركة القصرين

الي تم فيها القضاء على كل عميل وخائن

ومرحلة ما قبل التحرير بإذن الله

لكن لسه المشوار مطول

لأنه الفســاد لسه متعشش بكتير من ارجاء الوطــن

وللتوضيح ما في سرقه بس حسبنا الله بالإعلام

وما في قتل فيه اقتصاص والعين بالعين والبادي اظلم

الله يطهر بلادنـــا من كل عدو للإسلام

وينصر الإسلام وترتفع رايته

الله يكون بالعون

وهلا بنقل الموضوع أخي اشرف ولا يهمك

الله يعطيك العافيه

[لولو اليبناوية]

الله الله اختي دموع الرحيل.......ابدعتييييييييييييييييي ي

100 %

هلأ الاعلام كلو معولم...

ما تقولولي جزيرة ولا بطيخة..

كلو الاما يتأثر من برا ....

وللاسف الجهلة بتأثرو فيه...

ما بيوعو للي بصير وراه ...

او بحاولو يتحرو الحقيقة....

وصرنا نشوف عدم السكوت عن الطغيان والفساد..

هوا تخلف..ولا حضارية ...

اكيد ما راح نوقف بشكل سلبي ونطلع عالغلط واحنا مكتفين ايدينا..

تشكيل الحركات على النهج الاسلامي

هوي من اعظم الوسائل الي بتم فيها توحد الافراد..وتكوين قوى

مدام الرئساء مش سائلين على دين ولا حرية ولا غيره....

( الو : بابا ابو مازن........لا ابو عبيدة هيييير ) :icon11: :icon11: :icon11:

وشكرا

[ashrafo]

اول شي اخت دموع الرحيل شكرا عالنقل ومنورة الموضوع ..!!

والله انا مع الجميع ومع مواقف الجميع فقط اذا كانت لمصلحة الشعب وتكون بطريقة مباشرة ..!!

يعني ليست في امور لم يفهمها الشعب ويفهمها السياسيون فقط .!

يعني لو اخوكي مد ايدو عليكي ..هل راح تنسي هالموقف ..!

واذا نسيتيه وتصالحتوا الا يكون في أثر على نفسيتك لهذا الموقف ..!!

لكن بأختصار انا لما سمعت امس تصريح ابوهلالة التابع والمسؤول في فتح الصراحة ارتحت ومو شرط

انا ارتاح المهم في اشخاص معنيون هم مصيرنا بيدهم ..

وقال انه الحرب ليست ضد فتح بل ضد عملاء يشوهون صورة فتح وفتح

تحترم القرار التي اتخذته حماس ؟!!

والله شي حلو ..! اذا كانت هيك المواقف .!؟

وانا ابدا ما حكيت عن حماس وا حركة اسلامية بالعكس الله ينصر حماس وغيرها وكل حركة او شخص

ينصر الاسلام ..!!

لكن متل ما حكت نسرينا فكرتنا بأيام قريش ..!!؟

هو الصراحة في فساد واستغلال للسلطة !! ومن الطرفين .!

يعني المفروض يكون طريقة الحركة اقوى من ناحية سياسية فقط .!!

وبالآخر واخيرا احنا مسلمين وعرب واهم شي نحن ابناء فلسطين واحنا عبيد لفلسطين

راح ندافع عنها مهما كان الثمن .!

وليس إذا انا او غيري تطرقوا لموضوع حماس انها غلطت يعني انا راح اكون فاسد او

عميل او ناقص الدين والوطنية ,,!

لابالعكس قد تكون في وجهات نظر مفيدة لنا جميعا ..!!

وفي النهاية فلسطين لن تتحرر بحركة حماس وحدها .!

سوف تتحرر بلم شمل الجميع ابيضنا واسودنا ومسلمنا ومسيحنا جميعا لا تفريق ..!!

حماس هي فتح وفتح هي حماس اذا كانا الاثنان طريقهما للتحرير ..!!

وانشاالله يكون هاد عصر صلاح الدين الله يسمع منك .!

ومشكورة اخت دموع الرحيل وامنياتي لك بالتوفيق ،،،:s (43):

[بسكوتة]

أنا بصراحة زهقت من كل اللي بصير

يعني كل شي تخربط صارت حرب نفسيه عند كل إنسان فلسطيني

الإعلام من جهة

والأعداء والمؤامرات من جهة تانيه

وفلسطين رايحة بين الرجلين

حسبي الله

القضيه هلأ بطلت فتح وحماس

القضيه صارت حق وباطل

وأنا برجع وبحكي أنا مع الحق

مع الحق اللي برجعني أرضي بخير وسلامه

وبطهر أرض فلسطين من دناسة الأعداء والصهاينه

وكل خائن مكار باع نفسو مقابل الدنيا

بالمناسبه أنا بكره السياسه كتير وما بعرف أتعامل معها

لإنها دوامه بس الحق الواضح دايما ببين من دون شي من دون إعلام ولا شي

بالنهايه كلنا فلسطينيين ومسلمين والحمدلله يا رب

وأملنا كلنا تتحرر فلسطين من أيدي الصهاينه وأيدي الأعداء

ع أيدي أبطال فلسطين اللي تربوا ع نهج الرسول عليه الصلاة والسلام

وشكرا ^_^

[اهات الاقصى]

السلام عليكم
تسلم,, ’كلامك سليم واحنا بحاجه للوحده لانا تعبنا بنكيل التهمات لبعضنا
والله لا الحمساوي ولا الفتحاوى مبسوط وراضى على بصير فينا وبالعكس بيتألمو كتير
والحق مبين والباطل مبين ولازم يوضح اكتر
طب ليش الجدال القبيح
ولكن من ناحيه اخري قال الرسول الكريم صلى الله عليه وسلم
من رأى من المنكر فليغيره بيده فإن لميستطع فبلسانه فإن لم يستطع فبقلبه وذلك اضعف الايمان
وشكرااااااا

[ريماوية]

يسلمو ايدك