تسجيل الدخول

مشاهدة النسخة كاملة : ممكن سبب مقنع ياشباب

اسلام
06-12-2007, 11:11 AM
بسم الله الرحمن الرحيم
السلام عليكم ورحمة الله وبركاته
ممكن سبب مقنع

ياجماعة الخير انا عندي موضوع كتير حابة ناقشه وخصوصا الشباب

ياريت الكل يشارك ويحكي شو رايه

الشباب يلي بيركبو بسيارات وبيشعلو المسجل على العالي وبلفو بنص الليل في الشوارع

كتير بتزعجني هالقضية واكيد كتير كمان بتزعجع كتير ناس
من وجهة نظري
اول شي هاد العمل غلط من ساسو لراسو

لانه في 1 ازعاج للناس وهي نايمة بنص الليل وخصوصا ازا عندهم اطفال او مرضى

2 تضيع الوقت وهدره وبطريقة لامبالية فيها

3 بدي اسال انت يلي بتعمل هالعمل بتترك اهلك وبدور بالشواع ما بتفكر انو والديك واسرتك رح يكونو قلقانين عليك وخايفين وانت ولا على بالك


4 وبعضهم بيعمل هالشغلة بالنهار كمان بيزعج الاخرين يعني الغناء محرم وانت ماشي ومعلي المسجل ع نانسي ولا مابعرف مين بتاخد سيئات عنك وعن الي سمع لانه ممكن تضل الاغنية ببالو ويضل يرددها


انا بدي اسمع منكم يا شباب ليش هالعمل كتير بيكون اكيد مش الكل بيعملو لكن في نسبة

اتمنى الكل يشارك
ABU-NOUR
06-12-2007, 11:21 AM
انا ما عندي اي كلام ,,

لاني ما بعمل هالاعمال هذه ,,

--------------- Good Luck -------------
اسلام
06-12-2007, 11:24 AM
مشكور اخي ابو النور لمرورك
بس انا حابة كمان تعطو رايكم ليش الشباب بقومو بهالعمل
عاشق الحور
06-12-2007, 11:27 AM
لانو متل ما في العاقل في الجاهل

ولا من قليل اللي بنشوفو في غزة !!
اسلام
06-12-2007, 11:32 AM
لانو متل ما في العاقل في الجاهل

ولا من قليل اللي بنشوفو في غزة !!


ههههههههههههههههههههههههههههههههههه ه
صحيح زي مافي العاقل في الجاهل

بس بصراحة عنا وخصوصا بشارعنا كتير وبشكل مش طبيعي وغير هيك
في سيارة شباب كانت تيجي كل يوم قبل الفجر وضل تطخطخ بالشارع وبعدين تروح يوميا على نفس الحالة بينزلو الشباب وبيقعدو يطخطخو ومش عارفين مين عرب مش عرب يهود الله اعلم ماحد بيسترجي ينزل بس هلا الحمد لله انقلعو الهم فترة مابيجو
gold_quest
06-12-2007, 11:35 AM
الله يهديهم ويهدينا

من باب الفاضي بيعمل حالو قاضي

المشكله في اهله الي تاركينو في الشارع

والله يهدي الجميع ان شاء الله
SWEET*GIRL
06-12-2007, 11:38 AM
انا مش شاب بس حبيت اشاركك بهالموضوع

كلامك صحح 100%

لانو هدا ازعاج كتير كبير

وبردو سؤالك يللي حكيتي صح (3)

ونورتينا

يعطيكــ العافيهــ فعلا على هالنقاش

ولتوعية الشباب(يللي بيعملو هييك)
اسلام
06-12-2007, 11:41 AM
الله يهديهم ويهدينا

من باب الفاضي بيعمل حالو قاضي

المشكله في اهله الي تاركينو في الشارع

والله يهدي الجميع ان شاء الله


الله يبارك فيك يااخي
امين الله يهدي الجميع يارب

اذا كان المشكلة في اهله بركي هو بيتقاوى عليهم حاكم شباب هالايام بيرفعو صوتهم ع اهاليهم واحيانا بيضربوهم وغير هيك من عصي الوالدين او ممكن يخرج من دون ما يدرو كتير قصص من هيك عم بتسير هالايام
اسلام
06-12-2007, 11:42 AM
انا مش شاب بس حبيت اشاركك بهالموضوع

كلامك صحح 100%

لانو هدا ازعاج كتير كبير

وبردو سؤالك يللي حكيتي صح (3)

ونورتينا

يعطيكــ العافيهــ فعلا على هالنقاش

ولتوعية الشباب(يللي بيعملو هييك)

هلا اختي منورة

الله يعافيكي يارب
مادعانني لذلك حقيقة هو مايحدث في شارعنا من مصائب
بس الله يهديهم لسا في بيعملو افظع من هيك
lnosh
06-12-2007, 11:45 AM
معك حق الظاهرة هادي منتشرة كتير هالايام

و بذات علي ابواب مدارس البنات والجامعات

بيكون الواحد ماشي في سيارته و معلي المسجل زي الاطرش و ما بيعمل حساب لحد

بيكون ما عنده ذوق ولا احساس في شعور الاخرين
اسلام
06-12-2007, 11:48 AM
معك حق الظاهرة هادي منتشرة كتير هالايام

و بذات علي ابواب مدارس البنات والجامعات

بيكون الواحد ماشي في سيارته و معلي المسجل زي الاطرش و ما بيعمل حساب لحد

بيكون ما عنده ذوق ولا احساس في شعور الاخرين


اهلين اختي لنوش

هاي دوما ع بواب المدارس والجامعات سارت بدمهم ما بيقدرو
عنجد همه مابينزعجوا معلين المسجل على الاخر ؟؟!!
الله يهديهم
شكرا حبيبتي للمرور الرائع
لولو اليبناوية
06-12-2007, 12:18 PM
اه اه فعلا اسلام...

شي كتير مؤزي...

يعين انا لما كنت اروح من المدرسة...

الشارع كلو شباب بلفلفو...

عنجد شي غريب...

يعني سايب جامعتك ولا شغلك...

وطالع بعز دين الحر.....

عشووو عشووو....مش عارفة...؟!!!

بكونو يا حرام مراهقة متأخرة :icon11: :icon11: :icon11:
سارة
06-12-2007, 12:36 PM
والله انا الجامعه تاعتي بنص الصحراء ما في غير رمل حولينا لهيك ما في هيك ظاهره
ABU-NOUR
06-12-2007, 12:43 PM
ههههههههههههه ,,

حرام مساكين ,, الله يعينكم

بس ولا بد

هؤلاء اشخاص قليلين الحياء والزوق ..

واشخاص مش محترمين ,,
Banbon
06-12-2007, 02:56 PM
مممممم بيعملوا هيك

فاضيين ... و تغيير جو ((( قااال يعني )))) .....
و اهم شي استعراض مظاهر ((( عأساس انهم رح يكونوا واااو يعيون الناس و مبسوطين )))) .....

بدبي البنات بيعملوا هيك ... مو بس الشباب ...
للأسف ...مره كنت مع بنات صحابنا بحديقه مع العيله
و هيك عملوا .... اخدوا السيارات و انطلقوا عالهبل
يعني اذا البنات عملوها ...كيف الشباب ؟؟؟!!!!

يعني عنجد قلة عقل ....
المعتصم بالله
06-12-2007, 03:19 PM
و الله بصفتي شاب متهور استطيع أن أقول أن هذه الاعمال تصدر من شباب يريدون إظهار أنفسهم بشكل أو بآخر أو أنهم يعانون من مشكلة نفسية و يعتبرون في الازعاج رجولة و تفريغ للطاقات طبعا هذا الرأي علمي بحت و نحن نسميه في الطب علم السايكاتريك أي علم النفس و هذه الحالات تسمى ب schozefrenea أي التععددية و الظهور بالنفس
تقبلي تحياتي
اسلام
06-12-2007, 03:27 PM
اه اه فعلا اسلام...

شي كتير مؤزي...

يعين انا لما كنت اروح من المدرسة...

الشارع كلو شباب بلفلفو...

عنجد شي غريب...

يعني سايب جامعتك ولا شغلك...

وطالع بعز دين الحر.....

عشووو عشووو....مش عارفة...؟!!!

بكونو يا حرام مراهقة متأخرة :icon11: :icon11: :icon11:

هلا اختي لولو البيناوية

بعين الله
ماوراهم شغلة غير يتقسو ع البنات
شو نعمل الله يهديهم يارب ويعينا عليهم
مفكرين حالهم لما يعملو هيك الناس ببتحبهم
لكن العكس الناس بتحتقرهم

ههههه
مراهقة متأخرة حلوة هاي
اسلام
06-12-2007, 03:29 PM
والله انا الجامعه تاعتي بنص الصحراء ما في غير رمل حولينا لهيك ما في هيك ظاهره


اريحلك يااختي سارة والله
اسلام
06-12-2007, 03:31 PM
ههههههههههههه ,,

حرام مساكين ,, الله يعينكم

بس ولا بد

هؤلاء اشخاص قليلين الحياء والزوق ..

واشخاص مش محترمين ,,



شايف ياخي شايف الله يعينا عليهم

الله يهديهم يا رب يمكن عندهم شي نفسي او مكبوتين
هههههههههخ
اسلام
06-12-2007, 03:32 PM
مممممم بيعملوا هيك

فاضيين ... و تغيير جو ((( قااال يعني )))) .....
و اهم شي استعراض مظاهر ((( عأساس انهم رح يكونوا واااو يعيون الناس و مبسوطين )))) .....

بدبي البنات بيعملوا هيك ... مو بس الشباب ...
للأسف ...مره كنت مع بنات صحابنا بحديقه مع العيله
و هيك عملوا .... اخدوا السيارات و انطلقوا عالهبل
يعني اذا البنات عملوها ...كيف الشباب ؟؟؟!!!!

يعني عنجد قلة عقل ....

ياعيني هاي موضة اخر زمن
تطور هي في كمان بنات اخر زمن
حلو
لاحول ولاقوة الا بالله العلي العظيم
مش خالصين من الشباب بيجولنا البنات
اسلام
06-12-2007, 03:34 PM
و الله بصفتي شاب متهور استطيع أن أقول أن هذه الاعمال تصدر من شباب يريدون إظهار أنفسهم بشكل أو بآخر أو أنهم يعانون من مشكلة نفسية و يعتبرون في الازعاج رجولة و تفريغ للطاقات طبعا هذا الرأي علمي بحت و نحن نسميه في الطب علم السايكاتريك أي علم النفس و هذه الحالات تسمى ب schozefrenea أي التععددية و الظهور بالنفس
تقبلي تحياتي



اجينا للفيلسوف الدكتور

اهلين وسهلين منور والله يااخي

اه والله طلعت محلل نفسي وانا مش عارفة :icon9: :icon9: :icon9: :icon9:

مشكور لمرورك الكريم
المعتصم بالله
06-12-2007, 03:42 PM
عفوا يا ستي بعدبن مو فيلسوف أنا فليسوف من جماعة أرسطو طاليس و بارزو لنادو
و لاكو زاشو
هدول جماعتي
يا شطورة
اسلام
06-12-2007, 03:52 PM
ههههههههههههههههههههههههههههههخخخخخ خخخخخخخخخخخخ
ضحكتني والله يادكتور فيلسوف

نكتة الموسم هاي
الله يخليك لجماعتك الفلاسفة
المعتصم بالله
06-12-2007, 04:05 PM
إسمعي أصلا العلم من هدول الجماعة بعدين مين اكتشف الذرة و و و و و و و و و شو بدي اعد
المهم أني بحب الاكل
عفوا قصدي العلم
العلم
مش الاكل
اسلام
06-12-2007, 04:09 PM
هههههههههههههههههههههههههخخخخخ خخ
خليك بالمطبخ والاكل احسلك
او احسلك افتح مطعم
منيره الكون
06-12-2007, 04:13 PM
على ما بعتقد انو هدول الشباب الي بيعمولو هاي الحركات بسياره ما بيشتغلو واهاليهم عاطينهم كل الحريه مو شرط الاهالي من دون علم الاهالي بس شو نقول الـــــــــــــــــــــــــــــــــ ـــــــــــــــله يهديهم
بشكرك اخي اسلام ع الموضوع الرائع

اختكم في الله منيره الكون
المعتصم بالله
06-12-2007, 04:17 PM
طيب طيب طيب بدي أمسك أعصابي اعصاب هو ضل أعصاب
ما انتي جننتيني حرااااااااااااااااام
أنا بستسلم
بعدين عنا مطعم
على دوار الحسين
اسلام
06-12-2007, 04:23 PM
على ما بعتقد انو هدول الشباب الي بيعمولو هاي الحركات بسياره ما بيشتغلو واهاليهم عاطينهم كل الحريه مو شرط الاهالي من دون علم الاهالي بس شو نقول الـــــــــــــــــــــــــــــــــ ـــــــــــــــله يهديهم
بشكرك اخي اسلام ع الموضوع الرائع

اختكم في الله منيره الكون


مشكورة اختي لمرورك الرائع

امين الله يهديهم يارب

العفو اختي ولو
اسلام
06-12-2007, 04:25 PM
طيب طيب طيب بدي أمسك أعصابي اعصاب هو ضل أعصاب
ما انتي جننتيني حرااااااااااااااااام
أنا بستسلم
بعدين عنا مطعم
على دوار الحسين


:icon28: :icon28: :icon28: :icon28: ياحرام له له
كل هاد جوعان

الله يعينك
:icon5: :icon5: :icon5: حزنتني
فتاة الحريه
06-12-2007, 08:20 PM
اخي فعلا معك حق هاي الظاهره كثير منتشره وهاد اشي بشع وبدل على قله ادب وسوء ترباي. يعني اسا اللي بيعملو هيك شو هدفهن من ورا هاي الشغله والجريء يجاوبني ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!
اسلام
06-12-2007, 08:27 PM
فتاة الحرية مشكورة لردك

ولكن انا بنت مش ولد
king_of_love
06-12-2007, 11:23 PM
مرحبا ومشكوووور على الموضوع الرائع ...

وهاي الظاهرة موجودة كتيير هاي الأيام بكثر ....
وهاي الظاهرة أنا بشوفها ضعف وإحساس بالضعف لأنو بهاي العملة كأنو بيحكي لغيروا إني هون شوفني وهاد ضعف شخصية .... هاد برأيي....

وأكيد هوا إزعاج للناس بالليل والنهار كمان ........

بس في شغلة بدي أحكيها .... هيا إنو في كتيير ناس بيعملوا هيك لأنو بيكون في عندهم فرحة وزي هيك بس ما بيعملو هيك بنصاص الليالي ....

وفي ناس بيكونو مدايقين زهقانين وبدهم ينبسطوا وينسوا فبيسمعوا أغاني بس بصوت عالي بس إلها حدود ...
هاد من رأيي ...

وأنا بعتبر إلي بيعمل هيك بس عشان يزعج الناس ويفرجيهم إنو بيسمع أغاني إنو أهلو ما عرفوا يربوا ولازن نحافظ على نفسنا من هاي الظاهرة
ومشكورييييييين على الموضوع الرائع
اسلام
06-13-2007, 09:42 AM
مرحبا ومشكوووور على الموضوع الرائع ...

وهاي الظاهرة موجودة كتيير هاي الأيام بكثر ....
وهاي الظاهرة أنا بشوفها ضعف وإحساس بالضعف لأنو بهاي العملة كأنو بيحكي لغيروا إني هون شوفني وهاد ضعف شخصية .... هاد برأيي....

وأكيد هوا إزعاج للناس بالليل والنهار كمان ........

بس في شغلة بدي أحكيها .... هيا إنو في كتيير ناس بيعملوا هيك لأنو بيكون في عندهم فرحة وزي هيك بس ما بيعملو هيك بنصاص الليالي ....

وفي ناس بيكونو مدايقين زهقانين وبدهم ينبسطوا وينسوا فبيسمعوا أغاني بس بصوت عالي بس إلها حدود ...
هاد من رأيي ...

وأنا بعتبر إلي بيعمل هيك بس عشان يزعج الناس ويفرجيهم إنو بيسمع أغاني إنو أهلو ما عرفوا يربوا ولازن نحافظ على نفسنا من هاي الظاهرة
ومشكورييييييين على الموضوع الرائع

مشكور اخي لمرورك الرائع وتعليقك

بارك الله فيك

اكيد ضعف شخصية للانو الي واثق من نفسه بكون مهما عمل واثق من نفسه اما هالنوع من الشباب هداهم الله بدهم يخلو الناس تلتفتلهم كحب اظهار للشخصية
عسولة الأقصى
06-14-2007, 01:05 AM
لسه انتو ماشفتو آخر موضة عندنا بالامارات...

الشباب الاماراتيين صارو يحطو اغاني شعبية فلسطينية و اردنية..
يعني من بلدياتنا.. مش عارفة من وين بيجيبوها..:icon11:

بس والله عنجد انهم فاضيين.. قال بيحطلك أغنية من بلدياتك و بقعد يحوم و يخمس حواليك..:b:

الله يهديهم..
يسلمو اسلام..
Abu Shadi
06-14-2007, 01:29 AM
الله يهديهم هي موضه قديمة هههههههه صار اشي حديث حاليا اطخطخ في الهوا هههههههه
تسلمي خيتي ربنا يهدي الشباب الى الاسلام
اسلام
06-14-2007, 11:12 AM
ههههههههههههههههههههههههههههههههههه هههههههههه

لاحول ولا قوة الا بالله العلي العظيم
واللهيااخي ابن فلسطين كلامك مية بالمية
الطخطخة هالايام سايرة موضوة
لاحول ولا قوة الا بالله العلي العظيم
الله يهديهم يارب

ياهلا اختي عسولة منورة حياك الله بالموضوع نورتينا
شو بدنا نعمل الله يستر الايام الجاي شو يعملو
الله يهديهم يارب
خليها على الله
***< the best >***
06-14-2007, 07:33 PM
مرحبااا .. براي الشباب الي بعملو هيك م اكتر من سبب
ممكن نعطي للموضوع
اول شي ممكن في شباب عندهم نوع من حب الظهور بدهم يعملو اي شي مشان الناس تحكي شفتو فلان او لما يمرق الكل ياشر ويعرف انو هاد فلان
تاني شي الي بعملو هك عندهم نوع من النقص في الشخصيه وبعملو اي شي مشان يعوضو النقص ممكن بالصوت العالي او بالزينه عالسياره او شغلات زي هيك
واخر شي في شباب بعملو هيك بس يجارو الشباب اصحابهم ...
وطبعا كل الاسباب بدل على انو الشخص الي بعملها غلطان .. الله يعينهم على حالهم ....
وشكرا يا اخي اسلاااااام
اسلام
06-15-2007, 03:14 PM
مرحبااا .. براي الشباب الي بعملو هيك م اكتر من سبب
ممكن نعطي للموضوع
اول شي ممكن في شباب عندهم نوع من حب الظهور بدهم يعملو اي شي مشان الناس تحكي شفتو فلان او لما يمرق الكل ياشر ويعرف انو هاد فلان
تاني شي الي بعملو هك عندهم نوع من النقص في الشخصيه وبعملو اي شي مشان يعوضو النقص ممكن بالصوت العالي او بالزينه عالسياره او شغلات زي هيك
واخر شي في شباب بعملو هيك بس يجارو الشباب اصحابهم ...
وطبعا كل الاسباب بدل على انو الشخص الي بعملها غلطان .. الله يعينهم على حالهم ....
وشكرا يا اخي اسلاااااام

مشكور يااخي لمرورك الرائع
كلامك مية بالمية
***< the best >***
06-16-2007, 05:53 PM
عفوا اسلام بس انا مش شب والله
اسلام
06-16-2007, 06:21 PM
متاسفة حبيبتي كتير اسفة
غلطة مطبعية

هههههههههه
بتصير باحسن العائلات
فلسطينية رغم الحصار!!
06-16-2007, 06:22 PM
مزبوط كلامك الكل بتدايق من هاي الحركات وهية موجودة أكتر شي بشوارع دول الخليج عنا
وحديثا انتقلت إلى بعض شوارع دول الشام
الله يهديهم !!!!!
اسلام
06-16-2007, 07:03 PM
مشكورة اختي
الله يبارك فيكي
والله نحنا ارض فلسطين الطاهرة فيها يمكن اكتر شي فساد
بعين الله الله يهديهم
تلين
06-17-2007, 09:24 PM
هاي وحدة من الظواهر السلبية بالمجتمع
وعلى رأيك

ليل ونهار ما بتوقف

يعني مش بس بالسيارات

كمان الجيران ما بترحم بعضها

بهيك شغلات

احنا بيتنا على الشارع الرئيسي

اختي بتعاني من الفوضى ومن هاي الظاهرة كتير

هي وكل جيرانا

لانه في بالحارة حوالي 6 او 7 طلاب توجيهي

وبحكي للشاب الي بعمل هيك

انه فكر قبل ما تعمل هيك

انه لو امك مريضة او اختك توجيهي او انت تعبان وبدك ترتاح او....

وقتها بتشعر بقدي الناس بتنزعج

وبتخجل من تصرفك

واصلا كل هاد التصرف مش مرجلة
عمر الرجولة ما كانت بعرض العضلات والتصرفات الفوضوية

وبكفي انها بتعمل للشاب سمعة انه صايع بين الناس
اسلام
06-17-2007, 09:26 PM
لاحول ولا قوة الا بالله العلي العظيم
بعين الله يااختي تلين
الله يحفظك
مشكورة لمرورك الرائع
princess soso
06-18-2007, 11:16 PM
والله يااسلام انا بعرف انو الشباب لما يعملو هيك بيعلو المسجل بس عشان يلفتو نظر الناس وخصوصا البنات ... واكيد هاي شغلات مو حلوة ... بيحسبو انو رح يلفتو نظر الاخرين .. بس انا الي بيغظيني بالشب وبيقهرني لما اشوف شاب معلي الاغاني عالاخير وماسك سكارة بايدو ومطلع ايدو .. هاي شو بتستفزني .. طول عليكي . بس ياخسارة بدال ماناخد من الغرب عادات ومظاهر نظيفة ونيحة بناخد منهم الشغلات السيئة واللي بقرف .. عالعموم يعطيكي ألف عافية عالموضوع الي بيستحق النقاش فيه ...


اختك سارة ..
حنووو اليبناوية
06-19-2007, 01:53 AM
والله حبيت موضوعك كتييييير

انا وانا رااايحة عالمدرسة الصبح الله لايوركي بمرو بسيااراتهم بصير احكي خلاااص اعرفنا انو عندك سياااره

بحكي بمخي يا فتاااح يا عليم على هالصبح (اياام ما كنت بالمدرسة)^^

طبعا هاااي شغلة غلط

ومتل ما حكيتي اهلو بيكونو قلقانين علييه وو مش على بااالو

الله يهديييهم شباب اليوم مفكرين انو الحياااة سيااارات واغاني وفياااعه

يعطيكي العافيةاسلاااااام^^
رولا فداء
06-19-2007, 05:39 PM
والله معك حق يا اسلام والموضوع هادا كان لازم نناقشو من زمان
أنا متلك نفسي أعرف ليش هيك الشباب بعملو
هل هيي رجولة ولا بدو يورجينا أنو عندو سيارة
ومسجلة.......ولا عشان يلفت الانتباه ويتباهى
عنجد عنجد قليل ما تلاقي هالأيام شباب مش تافهين
وكل يوم بطلعو بفنة جديدة وتفاهة جديدة...............مشكورة اسلام
نبض الأقصى
06-19-2007, 09:41 PM
بسم الله الرحمن الرحيم

موضوع فعلاً مزعج ويحتاج إلى أجابة ممن يفعل ذلك
انا بستغرب من الشباب بكونوا عند الجامعة .وكأن هذه مهنة يجب القيام بها على اكمل وجه
الله يهدي الشباب
اسلام
06-20-2007, 03:06 PM
الله يخليكم يارب لمروركم الرائع وكلامك الجميل
سوسو ياهلا بالقمر كلو منورة الموضوع شكرا لردك الرائع
نبض الاقصى مشكور اخي لمرورك الكريم

رورو فلسطين مشكورة كتير لمرورك الروعة كتير
حنونو الله يخليكي شو فهمانة والله تسلميلي يارب


الله يهديهم يارب
صمت السنين
06-20-2007, 06:07 PM
كلامك صح
فعلا ده ازعاج
واللى بيعمل كده ناقص عقل ودين
وزى ما الشباب بتعمل كده فى بنات برود بتعلم نفس الحكايه

ربنا يهدى الجميع
وشكرا اختى على موضوعك
اسلام
06-20-2007, 06:15 PM
مشكور اخي وهم اسمه الحب لمرورك الكريم
والله بنات هالايام الله يهديهم صايرين تحفة الله يهدي الجميع