×÷×ظاهرة تتمنى زوالها من مجتمعنا×÷×

[نسرينا الفلسطينيه]

السلام عليكم ورحمة الله وبركاته ....

لايـخـلــوا مجـتـمــع بشــري في الدنـيــا مــن ظواهــر اجتماعـيـــه سلبـيــه ..
ولكــن لا أحــد منــا يقـبـــل بالســـيء مــــن تلــك الظــواهــر ..
المصارحــه في هذا الموضوع هو الطريــق الآمـــــن لتفاديها ..
.
.
.
((إن الله لايـغـيــــــر مابـقــــــوم حتى يغــيـــروا مابأنــفــســهــــم ...... ))

في مجـتـمـعــاتـنــــــا عــدة ظــواهــر سلبـيـــــه تشوه صورتنا كمسلمين ,, ولكن ماهي ...؟؟؟
.
.
شاركـــــِ برأيـك واكـتـبـِ عـن ظاهـــرة سلبـيـه تتمنى زوالها من مجتمعك .. وماهو الحل لزوال هذه الظاهرة ..؟؟


:s (43):

[رنا الوردة]

بصراحة احنا بمجتمعنا ظاهرة السلاح عاملة مشكلة كبيرة
السلاح بايد الشباب كل ما تصير اي مشكله بسيطة بروح الشب بنادي صحابو المسلحين وبصير مشكله كبيرة وبروح فيها ضحايا وشباب ما الهم ذنب
ما بعرف شو الطريقه لتزول هاي الظاهرة الخطيرة بس ان شاء الله تزول
وشكرا كتير على الموضوع المهم اللي طرحتيه اختي

[Banbon]

ظاهرة الحكي و القال و القيل ....... شيء مخزي و مقرف و حرام و عيب

كل الناس عم بتضيع و قتها و حسناتها و قيمتها بسبب الحكي اللي بلا داعي و عالفاضي ..
يعني كله حشرية و نميمة = ذنوب + مضيعة وقت+ كراهية الناس
نفسي افهم شو الفايده ؟؟؟....... يعني شو هيه فضاوه ؟؟؟!!!!

الحل انه كل واحد يحط عقله براسه قبل ما يحكي اي كلمه عالناس
و يضل بحاله ...و يستر عغيره .....

في طريقه علمتنا اياها مدرسة العربي ... و هيه انه قبل ما تفتح تمك عشان تحكي ....
فكر .... الكلمه االي بدك تقولها ...الها فايده ولا لا ...و رح تضر حدا ولا لا
تذكر و تخيل ....يوم القيامه... غمسة في النار تذيب جسدك ...
فهل كلمتك هاي تستحق كل هالشي ؟؟؟؟!!
و في الدنيا الأيااااام دوااااره

[نسرينا الفلسطينيه]

نورتو بمشاركاتكم حبايبي

[محمود]

السلام عليكم ورحمة الله وبركاته

Banbon 100%

والله كلامك على عيني وراسي وجذبني كلامك وحابب احكي فيه

لانو بجد مجتمعنا ما بخلي حدا من شره ، والأصعب

من هيك انو بتحول هالكــلام لحقد وكره من الشخص الي

بحكي وعم بنم لأنه الشطيان طغى على عقله وقلبه

وما عاد للخير فيهمـ ،، انا نفسي أفهم شغلة وحدة ..

ليش الناس ما بتذكر محاسن الأمور وبتنظر فيها ؟؟

وليش لما تذكر شخص ما بتذكره الا بالعـــــاطل ؟؟

غير هيك ليش لما حدا يحكي عن حدا انو منيح بتلاقي ناس بتصير تخبص على انو مش منيح

وهيي ما بتعرفه ! ، كيف عرفته الله يعلم !! ،

والأحلــى من هذا كله انو بكون ببطن الك الشر وقدامك كلام والعسل (^_^)

مشكلتي شوفت من هالناس كثير وعم بعاني منهم كثير ، بس ما بتفرق كثير لأنه بجد طالما الواحد واثق

من حاله يطنشهم ، وكمان انا مش فاضيلهم ما بنقول الا ربي ع الظالم كبير ..

بس الي بدري بدري والي ما بدري بقول كف عدس ^^

يعني بتمنى انو الواحد مثل ما حكت بنبون انو لما يحكي كلمة يفكر فيها ، ويكون صادق فيها

ما يخلق كلام من توقعات و أوهام ما في حدا بعرف عن الي جوات قلب انسان ، والكلمة الحسنة

بتجيب القرش الحسن ، والي بده يخصص حاله لوجع الراس أول واحد بنوجع راسه هو ,,


وآخر شي الحمد لله رب العالمين ..


شكرا لك كثير اختي نسرينا ،، موضوعك جبار الله يحفظك ..

[***< the best >***]

انا مع بنبون بكلامها وفلا القال والقيل .. هاد الشي حرام وياريت الكل يبطلو

وتاني شي شغله الكذب والمكابره والتفاخر بشي مش موجود .. والناس الي بعملو حالهم شي كبير وهمي ولا شي او انو يعملو حالهم مساكين وهمي بدهم سكاكين .. ههههههههههههههه
شكرا عالموضوع