هل من الممكن أن تحب شخصا دون أن تراه و تتزوجه

[المعتصم بالله]

السلام عليكم ...
أطل عليكم اليوم بموضوع حساس قليلا ولكن يجب ان يطرح
بالله عليكم لا تسيئو فهمي ...ولكن الموضوع رأيته في أحد المنتديات وأحببت ان انقله لكم ..
الموضوع عن الحب ...ولكن انا اقول هنا ان الموضوع عن الزواج


فهل من الممكن ان تحب شخصا عمرك ما شفته في حياتك ....!!! ثم تتزوجه
لربما عرفته من خلال شبكة الانترنت .. في احد المنتديات او كلمته مسنجر او في شات ...
اوتحدثت معه من خلال الهاتف..!!
هل من الممكن ان تكون المحادثات المسنجرية او الشاتية او الهاتفية كافية كي تعرف وتحب شخص معين..!
ام انك ضد هذا النوع من الحب..
لانك تعتبره تسلية وقضاء وقت وتعبئة فراغ فقط ..
وهنااااك الكثيرين ممن يلعبون بمشاعر الاخرين...!!
:
:
وهي الروح..
هي الروح من تحب ...
هي تتآلف مع روح اخرى تعرفت عليها فوجدت عندها الحب..
والامان والطمأنينة والسلام...
وكانت اقرب من روحها اليها..
:
:
لا داعي ان تتلاقي الاجساد والعيون..
كي نحب ..
لا داعي ان نكون قريبين من بعضنا البعض كي نحب..
فالحدود والمسافات لا تمنع قرب القلوب والارواح من بعضها البعض..
فالمشاعر والاحاسيس الجميلة الطيبة..
تلغي المسافات والحدود والابعاد الزمانية والمكانية..
وتلغي الوجود..
واننا نحبهم رغما عنا...
ودون سابق انذار منا..
ونتعلق بهم..
ونتعود عليهم..
فنلتصق بارواحهم..
التصاق الروح بالروح..
وتكون ارواحهم لارواحنا قرار..
:
:
:
اخي واختي ..
هل تؤيد او لا تؤيد هذا النوع من الحب..!!
وهل احببت شخصا لم تعرفه ولم تراه ابدا في حياتك...!!هل يمكن ان تنتهي لا نريد ان نطلق عليها علاقة لو كان شئا من ذلك ادا صح التعبير تعارف

لانه الحب ممنوع

أجبني بصراحة شديدة

و أنا بانتظار آرائكم

[ملكة الإحساس]

اخي واختي ..
هل تؤيد او لا تؤيد هذا النوع من الحب..!!
وهل احببت شخصا لم تعرفه ولم تراه ابدا في حياتك...!!هل يمكن ان تنتهي لا نريد ان نطلق عليها علاقة لو كان شئا من ذلك ادا صح التعبير تعارف

لانه الحب ممنوع

أجبني بصراحة شديدة



لا .. أكيد ما بأيد


لا طبعا .. شو انضربت بعقلي .. ولا جنيت لحتى آمن بهيك شي .. مستحيل .. والله يكفينا شرها


والموضوع اللي متل هيك .. فاشل من اساسو .. لأنو ما في حدا ممكن يقتنع بهيك علاقة .. حتى لو كان شو مكان .. الا ادا هو ما عندو دين .. وما عندو عقل ..
فهدا بكون مشبع من الدنيا ومعمي وما بشوف غير هواه ..

وشكرا اخي

[المعتصم بالله]

مشكورة على الرد الحلو

[lnosh]

فهل من الممكن ان تحب شخصا عمرك ما شفته في حياتك ....!!! ثم تتزوجه

ممكن اه , وممكن لا ,,, علي حسب هاد الشخص الي بتحبه ممكن ,,,
يكون بتلاعب في مشاعرك او بتسلي ..
وبعدين ما بتفرق هادي الطريقة عن زواج هالايام ,,,
كله نفس الشي ,,,
الشب بيروح يطلب ايد البنت بناء علي رغبة امه وهو ما بيكون بيعرفها ,,,
بس مجرد علي الوصف ..

هل من الممكن ان تكون المحادثات المسنجرية او الشاتية او الهاتفية كافية كي تعرف وتحب شخص معين..!

لا طبعا ,,,
لانو ممكن شخص يكون صديق العمر و بتعرفه من سنين ,,,
و في لحظة تكتشف انك ما بتعرفه بالمرة ,,,
فما بالك في شخص بتعرفه علي النت مجرد محادثات ..


ام انك ضد هذا النوع من الحب..

لا طبعا لست ضده ,,,
ربما يكون اصدق من اي حب اخر لشخص تعرفه و تراه ..

وهي الروح..
هي الروح من تحب ...
هي تتآلف مع روح اخرى تعرفت عليها فوجدت عندها الحب..
والامان والطمأنينة والسلام...
وكانت اقرب من روحها اليها..

لا داعي ان نكون قريبين من بعضنا البعض كي نحب..
فالحدود والمسافات لا تمنع قرب القلوب والارواح من بعضها البعض


هل تؤيد او لا تؤيد هذا النوع من الحب..!!

نعم اوافق الحب من هذا النوع ..

وهل احببت شخصا لم تعرفه ولم تراه ابدا في حياتك...!!
ممكن ان احب شخص لا اعرفه ,, وممكن لا ..


لانه الحب ممنوع

أجبني بصراحة شديدة :b:

غير صحيح ,,,
انا لا اوافقك علي هذا الرأي ,,,
اذا.. لماذا وضع الله الحب في قلوبنا !!؟:icon9:
مادام حراااام ,,,
وليش الحب للاجانب و للمسلمين مرفوض

يعطيك العافية اخي علي الموضوع المشوق

[lnosh]

لا .. أكيد ما بأيد


لا طبعا .. شو انضربت بعقلي .. ولا جنيت لحتى آمن بهيك شي .. مستحيل .. والله يكفينا شرها


والموضوع اللي متل هيك .. فاشل من اساسو .. لأنو ما في حدا ممكن يقتنع بهيك علاقة .. حتى لو كان شو مكان .. الا ادا هو ما عندو دين .. وما عندو عقل ..
فهدا بكون مشبع من الدنيا ومعمي وما بشوف غير هواه ..




ليش ما بتأيدي ,,, طيب شو بتفرق عنها عن الحب العادي كله واحد برأي
الله يكفينا شره بجد
بس ممكن هاد الحب يكون صادق اكتر من الحب العادي لكن مش اكيد ممكن
بس طبعا لكل شي حدود و لكل علاقة نهاية

[المعتصم بالله]

هم م م م م م
أسلوبك حلو في الرد يسلموا إيديك على الرد أختي

[princess soso]

انا اكيد لآ وما بأيد هالشي أبدااا .. لانو أصلا الحب تبادل نظرات وهيك يعني .. ويسلموا معتصم عالموضوع الرااااائع ..

[المعتصم بالله]

طيب
الرد حلو
و شكرا على الكلمات الحلوة

[دمع العيون]

الله يعطيك العافية

[فتاة الحريه]

الحب اخي ربنا ما حرموا . والحب ممكن يصير ويكون بدون ما تشوفو بعض وصارت لانو كانت البنت بتعرف ربها وحدودها في الكلام وبتحب وطنها وهو حب البنت لاجل تصرفاتها وكلامها وطريقه حكيها. وصارت وانا متاكده انو حب حقيقي.

[المعتصم بالله]

عفوا يا جماعة
و يسلموا الايادي إلي كتبت الردود الحلوة
و أشكر لكم تفاعلكم مع الموضوع
و أقول أن الحب هو الحب

[منيره الكون]

الصراحه في ناس بتلاقيهم طيبين ما بيتلاعبوا صارت قصص حب ع النت وتجوزو بس بعضهم لا بيطلعو كزابين والله يعين الجميع

اختكم في الله منيره الكون

[اسلام]

انا لا أؤمن بهذه الخرافات الكاذبة التي تبعد الانسان عن دينه وربه وعن شعوره براقبة الله
وايضا هي من العوامل التي تؤدي لخراب البيوت

انا رح احكي بس تحملوني لانه الكلام حيكون طويل شوي

الشاب الذي يقول احبك هو يوهمالفتاة ويكذب عليها انما هو يريد اللعب بمشاعرها والضحك عليها
ولا تقولو لي انه يريد فتاة يتزوجها لان ذلك مستحيل ......

لانه مستحيل واحد يقبل في بنت زوجه له تكون تكلم شباب صح
اكيد


اخي اختي

الزواج عبر النت فاشل ثم فاشل ثم فاشل ثم فاشل

لان الشخص عندما يريد ان يتزوج يجب ان يختار كما طلب الاسلام ان تكون على خلق ودين
طيب نجي لهالنقطة
البنت الي على خلق ودين بتكلم شباب؟؟؟؟!!!
ما بجوز لانه حراااااااااااام لا يجوز ان تكلم الفتاة شابا حتى لو كان يوهمها بانه يحبها ( وطبعا مافي اساس للحب الكاذب هاد )
ممكن الانسان يحب وحدة ويتجوزها لكن بطريقة ليست كهذه الطريقة

ممكن واحد يحب وحدة متدينة ويكون يشوفها بعمله او باي مكان ويحبها لخلقها ودينها ثم يطلب الزواج منها وهنا طرق الباب بطريقة شرعية دون اللجوء للشات والهاتف وغيره
اخواتي اياكن ان تقعن في هذا الخطأ
يبدأ اولا انا كأخوك في الله ثم ...... حتى لا تقدرين ان تفارقيه لانك تعتقدين انه سيتزوجك وحتى يتركك


الله يجزيك الخير يااخي وبارك الله فيك
لموضوعك الرائع

[***< the best >***]

ممكن اه وممكن لأ

ازا اه .. اهم شي بالحب التفاهم بس الشكل مش اول شي الواحد بطلع عليه لانو في شغلات كتير قبل الشكل
والي بحب بجد بشوف حبيبو احلى الناس حتى لو كان ابشع الخلق .. الانسان بداخلو مش بظاهرو .. اما ازا حكينا لأ
فممكن الشخص الي بنحبو مش واعي كتير او افكارنا غير عن بعض فبكون الشكل عامل مساعد على الحب مش اكتر ....

نصيحه للجميع قبل ما تحبو اختارو الانسان الي رح تحبوه بعقلكم وبقلبكم وما تحطو الشكل اهم شي لانو الاخلاق والدين وجوهر الانسان اهم من اي شي بالدنيا


تحيااااااااااااااااتي للجميع ويسلموعالموضوع الحلو

[Abu Shadi]

كل اشي جايز حتى جيزة العجايز وهي القصة حصلت فعلا
ولكن احد الطرفين اخلف وعودو دون قصد او بقصد ففشلت
ولكن بردو البنأدم لازم يكون حذر وما يثق بحدا

[بنت الرملة]

اخي اختي

الزواج عبر النت فاشل ثم فاشل ثم فاشل ثم فاشل

لان الشخص عندما يريد ان يتزوج يجب ان يختار كما طلب الاسلام ان تكون على خلق ودين
طيب نجي لهالنقطة
البنت الي على خلق ودين بتكلم شباب؟؟؟؟!!!
ما بجوز لانه حراااااااااااام لا يجوز ان تكلم الفتاة شابا حتى لو كان يوهمها بانه يحبها ( وطبعا مافي اساس للحب الكاذب هاد )
ممكن الانسان يحب وحدة ويتجوزها لكن بطريقة ليست كهذه الطريقة

100% ...

[لولو اليبناوية]

شوف اخي....

هاد الموضوع مش بسيط ابدا...

لانو كتيييييير بصير فيه خدعة او تخيلات كاذبة

النت او التلفون مش كافي ابدا ابدا لانو يظهر الشخصية

ممكن يبينلك اطباعه و تصرفاته وبعض الامور عنو...بس مش بشكل كافي

يعني اقعد احكي مع حدن عالنت وصير احكي معو كل يوم سنة كاملة بدون ما تشوفه...

وتعال قابله بعد هالسنة الكاملة من الحكي معو عالنت

راح تلاقي فرق كبييييييير بين لما كان بحكي معك عالنت...وبين لما كان بحكي عالحقيقة

حتى لو كان نفس الكلام الي كان بحكيه بالنت...

تعبير الملامح.....الاسلوب.....النبرة..... حركاته.....نغمة صوته....حركة عيونه.........نظافة قلبو (الي هية اهم شي)

و بالاخير روحو

هاي اهم التفاصيل الي بتوضح شخصية الي قدامك

هاي كلها مش موجودة بالنت....

يسلمو الك اخي المعتصم بالله

موضوع رااائع :s (43):

[عسولة الأقصى]

طبعا لأ..

لأنو هاد النوع من الحب بيكون قائم على المجاملات و التظاهر و مبني عليهم..

فازا صار و اتزوجو.. ما راح يكونو سعداء.. لانو كل واحد رح ينصدم بالتاني..

و يكتشفو انهم كانو يمتلو على بعض.. و بتصير الزلة مصيبة.. لأنهم كانو شايفين بعض ملائكة..

و بالتالي بيتمنو لو انو اللي صار ما كان..

هاد رأيي..


يسلمو معتصم ..

[سيد الظلام]

شوف انا تعلمت شغلة واحدة مفيش حاجة اسمها حب عن طريق النت

يعني بالعربي انت عايش بغزة تروح تحب واحدة من مصر وتصير تحبها و و و هذا كله وهم

ممكن اذا تعرفت عليها وشفتها وقابلتها يصير نصيب

بس غير هيك يستحيل

[نور اليقين]

شوف انا تعلمت شغلة واحدة مفيش حاجة اسمها حب عن طريق النت

يعني بالعربي انت عايش بغزة تروح تحب واحدة من مصر وتصير تحبها و و و هذا كله وهم

ممكن اذا تعرفت عليها وشفتها وقابلتها يصير نصيب

بس غير هيك يستحيل

من مصر اوكي
مختلفناش
بس من الضفة متلا
برضو رأيك هيفضل هو هو ؟

[~ | Mazaj]

اكيـد دموع الحيـارى ،،

اصـلا يلي بغـزة ما بيقدرو يفوتو الضفة :(

حب بين شب وبنت طبعـا اعترض ،،

ومتل ما وضحوا الاخوة والاخوات ..

يسلمـو ايديك ع الطـرح

[المعتصم بالله]

مشكورين يا جماعة
و انا كمان طرحت الموضوع لانو كتير بنات و شباب بحبو بعض على النت و هاد شي غلط أكيد
تقبلوا تحياتي

[لا للاستعمار]

اسمعتم بالمثل القائل "بعيد عن العين قريب من القلب" أو "الاذن تعشق قبل العين احيانا" ومع ذلك
فأنا لا أؤمن بالحب يلي مو على ارض الواقع الحب الغير مباشر لانه غير مضمون ونتائجه غير مضمونة
يعني قد يكون الشخص المقابل لك يتميز بحلاوة اللسان وبالعبارات الساحرة الاخاذة ولكن انت لا تعرف عنه شيئا
لا تعرف عن شخصيته شيئا
كل ما تعرفه وتسمعه منه هذه العبارات
"والله انا بحبك وبدي ياكي" , "والله انا غير كل الشباب وجدي وما بحب التسلاية , "والله انتي عجبتيني" مع العلم انه هذه المرة الاولى التي يكلمك بها عندما تتواجد مثل هذه النوعيات من البشر التفاهه تستطيع ان تؤمن بشيء دون ان تراه أو تتحقق منه ؟
فالكلام سهل والوعود سهلة ولكن اناس ذوي ضمائر وعقول صعب جدا ان تجد بالحياة !!! اتجدهم بالنت؟ هههههههههههه صعب
هذا رأيي
وتقبل مروري اخي

[يارا نابلس]

مرحبا مع اني جديده هون بس رايحه اكون جريئه
وائول انه الحب حب
وبصراحه ما في احلى من الحب بكل الدنيا
وانا بامن كتير بانك تحب حدن بدون ما تلمحه حتى
حتى هاد الحب بكون اطهر واصفى
بكون حب سادئ
حب لزاتك
مش لجمال عيونك ولا لشكلك
بكون حب لروحك لاحساسك لحنيتك
سدئوني بتسير كتير
اعزروني لجراتي
بس كل واحد ورايه

[نور اليقين]

الانسان بعيد كل البعــد عن المثاليــة
و اللـــي بتقولـــوه حضارتكــم هنـــا
كلام عقلانـــي ميــة الميــة
بهنيكم عليه
بس نسيتو ان اللي بيحب قلبنــا
و يا ريتو عقلنـــا
و بالتالـــي
محدش ضامـــــــن

[المعتصم بالله]

و الله الآراء كثيرة و لكل وجهة نظره و قد اعجبتني ردودكم و تقبلوا مروري و تحياتي لكم على الردود الرائعة
اخوكم
معتصم

[بائعة الخبز]

بسم الله الرحمن الرحيم


اولا بحب اشكر الاخ الي وضع هيك موضوع لانو موضوع حلو ومميز...

وبحب اعرض رايي مثل باقي الآخرين..

اولا بهاد الزمن الي نحنا عايشيين فيه قليل الحب بيكون ناجح او بكون الحب للذات فقط..

اليوم الحب بكون كلمة سهلة استعمالها سهل... او ممكن تكون عدة طرق لاشياء مخفية ... وبتكون وسيلة من وراء الستار.

طبعا هاد الوضع مزري كثير...

الي بحب اقولو بما انو ما في حب صادق بريء بهاد الزمن ... بس بردو بقول انو الحب الحقيقي هو لما بتكون نهايتو محزنة وبفراق...لانو الانسان ما بعرف قيمة الشيء الا بعد ما يفقدو ..

بالنهاية الحب العذري هو اصدق واطهر حب موجود ان كان على النت او بالحقيقة الطبيعية...

الحب بكون سلبي وغير نضيف لما احنا بايدينا وبالسنتنا وبعيونا منستعملو غلط لانو عمرو ما كان الحب سلبي او مش كويس بالعكس نحنا الي منخليه هيك باعمالنا وافعالنا ...

وان شاء الله ربنا بستر على الكل ويهديهم...


بائعة الخبز...

[اهات الاقصى]

السلام عليكم
موضوع مهم جدا لان الحب الحقيقى هو الحب الطاهر
وهو الحب الذى ياتى بعد العشرة الزوجيه المبنيه على الحقيقه
وبعيد عن الغش لكسب ود الفتاه او الرجل لاسباب كثير ومنحطه
يسلمو على الرد يا فتاة الحريه

[المعتصم بالله]

مشكورين يا جماعة على الردود الحلوة

[الفتاة المشرقة]

السلام علسكم ورحم الله وبركاتة
والله الموضوع في بالي بس انو الحب عن طريق الانترنت والتلفون فاشل واكيد لانو يبقى هدفة التسلي فقط وزي ما حكو الاخوان والاخوات الي قبلي انو الشب مستحيل يتزوجها لانها بيتحي مع شب بجوز تحبة بس ما بيحصل زواج ولو حصل رح يفشل وصار هيك كتير طيب انا عندي طريقة تانية عن الحب ممكن لا على التلفون ولا الانترنت وممكن ما تحكي معاة ولا بعرفه يعني هي بتحبة بس لانها شافتة على التلفاز مثلا وهاي مشكلة غزة والضفة انا اتعبت منها وبدي اروح على غززززززززززززززززززززززززززة نفسي ولو ليوم واحد

[حور الجنة]

في راي انه الحب عبر النت ممكن و لكن
انت عندما تحب شخصا عبر النت تحب اسلوبه مثلا في الحديث او طريقه رده او طلته عبر المنتدي او الماسنجر وغيرها ولكن هل هذا الحب يدفعك لان تختاره شريكا لحياتك
هذا لااااااااااااااااااااااا
لا يمكن ان تثق بانسان لا تعرفه الا من النت ليش لانك لا تعرف شكله لانه الكاميرا حلت الموضوع و لكن لانك لا تعرف ما في داخله و العين بالعين تكشف المستور و يقولوا " بص بعيني بعرف اللي جواك " فكيف شأكشف صدقه من كذبه و كيف سأقتنع بانه سيكون خالصا لي و ليس لغيري " شيمه الفتيات الغيرة " و كيف سأختار شخصا ليكون شريك حياة و اب لابنائي و انا لا اعرفه حق المعرفة
نحن نرى بان بعض المشاكل تختلق في البيت و بين الزوجين لان كل واحد لا يفهم التاني و لا يستطيع ان يستوعبه فهل انا افهم هذا الشخص اذا تعرفته على النت .........و بالأخص لو كان من غير بلدي اي مختلف بالعادات و التقاليد و الأفكار و غيرها ...........

[المعتصم بالله]

مشكور على الرد الحلو