هل بعنا الوطن ؟؟

[خليـــــل]

شباب فلسطين الذين خرجو من الضفة الغربية وقطاع غزة ليعملوا بالخارج خصوصا الخليج وتحديدا الامارات ، يتهمهم

الكتير بانهم يضرون القضية الفلسطينية بخروجهم من ارضهم ففي بقائهم هناك سيكونون عثرة

في وجه اسرائيل ... كلام فيه من المنطق والموضوعية

شو رايكم شباب شو راي كل واحد منا في هذا الموضوع

الواضح انه الشباب الفلسطيني بيجي هنا وفترة بسيطة بيرتب اموره وبيصير عضو فاعل هنا في البلد وشخص مميز

طيب ليش ما يستثمر في بلده ؟؟

اتمنى نتناقش بموضوعية

[جيفارا*نابلس]

الموضوع بحاجه للرجوع الى 50 عام للوراء

[خليـــــل]

جيفارا انا باحكي بالوضع الحالي والحاضر صحيح الماضي اله دوره في كل شي لكن القضية حالية

[جيفارا*نابلس]

القضيه الحاليه لها اساس

كأي شيء

لولا الاحتلال لما اصبحنا هكذا

لا ادري ان كنا اتعس ام افضل

ولكن الاحتلال يظل العامل في كل الاجيال

[basell]

براي السؤال كبير
لكن لو كان السؤال هل تخلينا عن الوطن اجابتي نعم
لكن لو كان السؤال هل تخلينا عن من في الوطن فاجابتي لا
كل الاحترام

[ashrafo]

اخي خليل مرحبا والله يعطيك العافيه ،،،

والله الموضوع حلو ويستحق النقاش لكن كما قال اخي جيفااااارااا الحكيم هو الرجوع الى

الوراااااااااااااااااااء .!!
هو خروجهم من فلسطين فعلا شيء غلط وغير محبذ .. وغير مفيد للقضية ..!!

لكن للضـــرورة احـكـــــــــــام ؟؟؟؟

لماذا انا راح اعطيك موقف صار معي شخصيا من حوالي سنتين ونص انا طبعا عايش في السعودية

وعندي ابن عمتي في رام الله عايش ظروفهم تمام ماشي حالهم لكن كان في بالو يعمل مشرع خاص فيه

ليبدأ حياتو طبعا حكى معي واتفقت انا واولاد عمي انو ندعموا ماليا قد ما نقدر طبعا ..

ولما جاء وقت الجد عشان نحول الكاش مني طبعا الغباء انا حولتو بأسمي .. وممنوع احول مبلغ بأسمي اكثر من 1700 دولار .!

طبعا انا حولت دفعة اولى 6200 دولار وهذا غبــاء مني انا لأني كنت جاهل للاسف ما بعرف بقوانين

السعودية بالحوالات وخاصة الى فلسطين والله لاااااااا يورييييييك شو صااار في ابن عمتي هناك في رام

الله ابن عمتي انحجز اربع ايام وطلع .. وطبعا يااااااااااااويلي من النظام السعودي في التحويل اول شي تسكرت

جميع حساباتنا وحسابي انا بلاك ليست الى يومك هذا ممنوع افتح حساب بأسمي من اجل التحويل للخارج ..

و ماشاالله واتوقفت على ذمة التحقيق لمدة 12 ساعة وفكروا اني بدعم جماعة حماس وغيرها ويوووووه

على اروشه واتهامات والله شوي كنت بدي ابكي هههههههههه ،،،!!!:icon5:

والله يا اخي خليل لولا العلاقات والواسائط القوية اللي عنا في السعودية كان اقل شي قعدت للتحقيق مو اقل

من 5 شهور .!!

صعب الاستثمار في فلسطين الكل بياكل بعض وضع بلد غير معروف اولو من آخرو شعب والله مسكين

شو بدو يستثمر في هيك وضع مخزي حزين وكئيب ..

وكمان الانسان في شعور فطري رباني يعني نفسوا يعيش ويتكاثر ويتزوج ويحسن ظروفه المعيشية

ويعيش بسلام وينام قرير العين .. لكن اخي العزيز خليل احنا الشعب الفلسطيني للاسف ولا عمرنا أخدنا

قرار مصيرنا ولا سألونا الحكام الخون عن وضعنا كيف بدنا نعيش ..!!

ويا ترى هل لو سألتك نفسك تعيش في فلسطين ويكون هنالك سلام بينا وبين اليهود وحتى لوكان هذا السلام

مؤقت مثلا لمدة 15 سنة او اكثر هل توافق ياخليل .!!؟؟

الشعب يريد السلام لانو طفش حروب خداعية تمارس علينا 60 سنة ظلم وبطش وكذب علينا والله عيب .!
واذا اردنا الحرب قالوا ما في اسلحة وعطول يرمونا بوثيقة سلام مزيفة خادعة .!

صح احنا في الخليج عايشين في نعيم وعفوا اخي عالكلمة هاي ، كل سنة سيارات آخر موديل وسفر و

واغلب وقتنا فراغ .. وزي ما بيحكي المثل كثرة مرعى وقلة صنعة .. احنا بنحاول ندعم ونتبرع ونعطي

المحتاجين هناك من اهلنا واخوانا في فلسطين والله شاهد علينا .. لكن حتى هذا الحال مو عاجبنا والله اتمنى

امنية اني ارجع بلدي فلسطين واستغني عن كل شي كان عندي في السعودية بس اهم شي ارجع لبلد مطمئن

مو بلد راح تمزقو الحروب الاهليه مع حماس وفتح وصهاينة ,, كملت هيك والله يعني هاد اللي كان ناقص يصير فينا الفلسطينيين في آخر الزمن ..!!

واخيرا الله يسمع منك ونرجع نستثمر ونعيش في بلدنا العزيزة بأقرب وقت ويطرد منها الصهاينة الاوغاد والخونة العملاء ياااااااااارب آآآآآمين .!!

ودمت بخير اخي خليل ..:s (43):

[~ | Mazaj]

والله انا كنت كتير احكي لابن عمي انو يلي شردو من بلادهم جُبنا واتخلو عن الـوطن ،،

لكن كان يرد عليي ويقولي الظروف ما كانت تسمحلهم ،، ضلهم في اراضيهم على بال ما صارو اليهود يستخدمو معهم ابشع الطرق لحتى قدرو يهجروهم ،،

يعني احنا بسنا هاد ما بنقدر نحكم علي هاجرو لبره ،،

يعني فرقت كتير عن اللاجئين ،،

ما احنا ببلادنا وكإنها مش بلدنا ،،

ناهيك عن الطيارات يلي بعز الامتحانات بتكون تقصف وتزن فوق روسنا ،،

اي انسان حكيم طبيبعي ومن غير ما حدا يناقشو رح يرتك البلد ،، بدو يأمن الحماية لعيلتو

شو ضــل بعد ما حماس وفتح صارت اطخ ببعضها ،،

بطــل في امان لا من عرب ولا من يهود ،،

انا ما بقولك اني مستعدة اهاجر ،، بالعكس انا مبسوطة كتير هون ،، حتى لو كان ع حساب راحتي وامني ،،

بس بعنـــــا الـوطن هادي والله كبيرة ،،

ما حد بيقدر يبيع بلدو وارضو وطنو واهلو ،،

هادا بيكون ما عندو دم

يسلمـو لموضوعك ،،

قلب المواجع وخلاني اشتاق لكل احبابي يلي براااا

[ABU-NOUR]

بعد الي قالوه الاخوة والاخوات فوق ,,

ما في اكتر من هيك حكي ,,

أنا الي 2 أخوة واخت وحدة في الخارج في الامارات العربية المتحدة ,,,

كم مرة بفكرك بشوفهم ؟؟ -_-

بعين الله ...

[فتاة الثقه]

مرحبا اخي خليل

موضوع حلو وبيستحق النقاش





سألت انو ليه ما يبقو الناس بفلسطين ويستثمروا اموالهم هناك

لانو ما بينفع

انت بدك تعمل مشروع لازم يكون متوفر لالك فلوس واشياء


بفلسطين هادي الاشيا مو متوفره واولها السلااام


وبعدين بتقول بدك يعملو مشروع بفلسطين ما اليهود بيجو بيخربو المشروع على راس صاحبه

وهيك بتروح تحويشة عمره على الفاضي

وبيكون طلع من الشغله بلووشي


فأحسنله يطلع برا البلد يبني حياته ويسير معاه شي يقدر يفيد في بلده وعيلته

لما يرجع

وما بكون باع وطنه

وما في حد ببيع وطنه الا ازا كان ما عنده دم



انا مو عايشه بفلسطين ولا بقدر ادخلها

بس نفسي اروحها

يعني مستعده اعمل اي شي واروحها ولو يومين بس

بس ما بقدر

يعني بكون بعت وطني

لا والله اني بحب فلسطين كتير كتير وكلنا في العيله بنحب فلسطين ومعودين على انو فلسطين احسن بلد في العالم

وبعدين بيع الوطن مو بس بأني اسافر منها واروح على بلد تاني اسكن

لا في ناس جوا فلسطين بايعين بلدهم



ربي يحررها ويرجعها لالنا

تسلم اديك اخي على الموضووع

ربي يعطيك الف عافيه

[أبو يقين]

لا أخي ما بعنا الوطن

بس أحنا هاتلي جهة مستثمرة علشان الشباب الي بطلعةا

يستثمروا في الوطن هاد


بس الله بعين أخوي

يعني الحال من حاله

أنا بفض انهميستثمروا في بلاد برة أحسن

أقلك ليش اليوم الواحد يدور على لقمة عيشه وبعدين يلا يلا الواحد لاقي لقمة عيش

وشكرا خي