هل رفض الزواج المبكر هو سبب العنوسة؟

[اسيرة النجوم]

اخواني انا جيت الكم بموضوع جديد
وهو هل رفض الفتاة الزواج المبكر هو سبب عنوستها؟
ام ان هناك اسباب اخرى
وهل تؤيد الزواج المبكر؟ ام انه مجرد انتهاك لحقوق البنت؟
في انتظار ارائكم

[ريمة]

مش ضروري يكون رفض الزواج المبكر هو سبب العنوسة .
وانا ضد انو البنت تتزوج في مرحلة تكون بدري من عمرها يعني المفرض تخلص دراستها وكل شي عندها بعدين تفكر بالزواج

[جيفارا*نابلس]

يعني الزواج المبكر انا بعتبرو هبل وطيش وجنون

ال شو عمرها 15 بتتزوج

طيب هاي شو بدها تعمل وشو بدها تسوي


والرفض ماله علاقه بالعنوسه

الها نصيبها ان كان مبكر وان كان متاخر


لا تستعجلو على الهم

[سيد الظلام]

انا لو بدي اتزوج لو بده يصير عمري 50 سنة الله لا يقدر طبعا لاني نفسي اتزوج هلقيت بس شو اعمل للاهل

بدهم مني اخلص جامعتي

المهم لو صار عمري شو ما صار ما راح اتزوج بنت اكبر من 19 سنة على الاكتر

وانا بفضل سن 18 بمليووووووووووووووووووووون مرة عن اي سن تاني

يا اختي الشاب يحسن الاختيار وصدقيني بتصير زوجته واخته وامه وبنته في وقت واحد وبالعكس العلاقة بتقوى

بس الزواج المبكر انه يزوجها وهي عمرها 14 او 15 لانه هذا اسمه هبل

[نور الهدى]

السلام عليكم و رحمة الله و بركاته

انا ما عم بفهم ليش دايما الاعضاء بيعطوا آرائهم من غير ما يفهموا ليش مقتنعين بوجهة نظرهم ... هذا مش انتقاد لكن هذا اللي لاحظته في اغلب النقاشات ..

المهم

مشكورة اختي اسيرة على الموضوع الجميل

في نظري ... الزواج اله اسس و شروط لا غنى عنها لنجاحه ... كلنا بنعرفها ... و هي التكافؤ و الدين و الرشد للطرفين .

اولا ... يا ريت تحددي اختي في اي سن بيكون الزواج مبكر ؟ 14 ؟ 15 ؟ 16؟

والله في بنات عمرهن 25 سنة بس عقلهن ما بيوزن جناح ذبابة ... بينما في بنات اقل منها سنا 17 او 18 و ما شاء الله عقلها بيوزن بلد .

المشكلة مش بالسن ... بل بالرشد و الوعي .

و مع هذا ... اقول انه رفض الزواج من سن 18 الى 25 لاي سبب كان هو سبب رئيسي للعنوسة ... مش للعنوسة و بس ... بل لانتشار الفساد بين الشباب ... ارحموا شبابنا يا جماعة !

انا اوافق اخونا سيد الظلام ... المهم حسن الاختيار و التعاون ...

بعدين شو هادا الكلام انه الزواج هبل ؟ الزواج سكينة و راحة نفسية و استقرار و اللي يقول غير هيك هو الاهبل ...

انا مع الزواج المبكر لانه تحصين للشباب في زمن الفتن و اللي ما سلم منها الا القلة من شبابنا و بناتنا .

رفض الزواج المبكر هو السبب في انتشار العلاقات الغير شرعية و الانحلال الاخلاقي .

و الاهالي زادوا الطين بلة ... قال شو ... ما نجوز البنت الا لما تخلص دراستها ... و بعد الدراسة بيخلوها تقعد في البيت او تروح تتوظف لتنسى الهم اللي عايشة فيه ...

والله هذا ظلم ...

و المصيبة انه البنات مفكرين انهن سعيدات بعيدا عن الزواج اللي سماه البعض " الهم " ... والله انهن بيضحكوا على حالهن ...

ما نخبي الحقيقة و نكذب على حالنا و نكابر ...بعرف بنات اتزوجوا بدري والله 17 سنة .. و اكملوا الدراسة و عايشين حياة مستقرة ... شو ناقصهم ؟

كل ما في الامر هو حسن الاختيار و اتباع امر النبي صلى الله عليه و سلم ... "يا معشر الشباب من استطاع منكم الباءة فليتزوج "

و السلام ختام

[دمعة قهر]

السلام عليكم اختي
بالنسبة الي طبعا انا ضد زواج 14و15و16و17 اكيد هيدي لسة طفلة بتعرفش اشي بالحياة الزوجيي
اكيد ما في احلى من الزواج بسن مناسب بعد العشرين بتكون الصبيي جاهزة فكريا و جسديا لهيك شي
بيضل زواج نصيب و كل بنت بيجيها نصيبها و و بتمنى من ربي بيكون نصيب كويس و ما تستعجل
و رفض الزواج بصغر السن ابدا مو السبب الزواج نصيب اختي و شو ماكان العمر

[نور الهدى]

اختي انا ما بفهم ليش اي مشكلة بترجعوها ع النصيب ... واحد ما نجح في عمله ... النصيب !

واحد فاشل في دراسته ... النصيب !

واحد اهمل بيته بعدين هدم اسرته ... كمان النصيب

اي عملتوا من النصيب ارهابي

لا يا اختي كل شيء له اسباب و في اشياء احنا مخيرين فيها و على اساسها تبنى اقدارنا ... اي وحدة بترفض اي واحد كويس يتقدم لاسباب تافهة ... بعدين لما تتخلل في بيت ابوها و تعنس شو بيحكوا ... اي والله النصيب !!!

ما قلت يلا نزوج كل البنات في سن 17 فما تحت لا ...

لكن بدي نغير هالنظرة للزواج المبكر ... اذا البنت واعية و راشدة فكريا و جسمانيا ليش نمنعها اذا موافقة و ليش نظرتنا لمثل هذا الزواج دونية ؟

لا و دايما يحكم عليه بالفشل !!!

انا لما بعطي امثلة بكون شفتها في غيري من المقربين الي ... و مش اي زواج مبكر فاشل ... الفشل يكمن في سوء الاختيار و ليس في ذات الزواج ...

و لسه عند رايي انه رفض الزواج من سن 18 الى 25 سبب رئيسي للعنوسة !!

انتوا بس شوفوا الدراسات و رح تتاكدوا

والله يصلح احوالنا و يهدي امة محمد صلى الله عليه و سلم !