هل نحن جيل فاشل؟

[haya]

:السلام عليكم ورحمة الله



كثير مانسمع هذة الايام الناس يقولون عنا:


شباب هذه الأيام مفهمش خير .. الزمان تغير ومش مثل الاول


يا ليت أيام زمان ترجع ... كانوا الناس إخوان ... وكل شي كان له طعم


هذا الكلام كثيرما نسمعه في مجالس الكبار


دائما يرون أن هذا الجيل لا يصلح لتحمل المسؤولية


وأن زماننا في كل أطرافه زمان لا يصلح للمعيشة


وانه زمن الاتكال على الغير ..


نسمعهم يتحسرون على أيامهم الماضية


ويصفوننا ويصفون زماننا بأمور غريبة


فهل نظرتهم صحيحة أم أنها جائرة ؟؟


وهل هم دوما محقين فيما يذهبون إليه ؟


وهل يخلو عصرنا من كل شيء جميل لهذه الدرجة التي يرونها ؟؟؟


اريد ان اسمع ارائكم بعقلانيه دون تعصب لزماننا


هل فعلا نحن جيل فاشــــــــــل ؟!!!

الصراحة منقووول

[جيفارا*نابلس]

اغلبنا جيل فاشل

وان كان ناجح بتلاقي بيبحث عن شغلات بتوديه للفشل

والله البعد عن الدين وقلة الثقافه

وحياه الوجبات السريعه

سبب فشلنا

[اسيرة النجوم]

هي بصراحه جيلنا جيل فاشل
لانو عن جد شباب هاليومين
ما بيهمهم غير اوقع البت ده واهوس ده
واعمل شعري كويس
والبس اخر موضه طلعت
ومعرفشي ايه
ولا حتى بيفكروا بالمستقبل
يعني افطر هاليوم واتغدى واتعشى وما بيهمني بكرة
عن جد احنا جيل فاشل
بس ما بعمم انا
فيه اكتير شباب متحضرين ومتقفين وكتير عاقلين
وفيه شباب روعه عملو اللي ما يعملو الجيل القديم
وفيه شباب ما بتهمهم الدنيا وبيفكروا بوطنهم اكتر متل شباب فلسطين
مشكورة حبيبتي هيا على الموضوع الروعه
ما ننحرم منك يارب

[النسر الذهبي]

والله انا بتفق معك اختي اسيرة النجوم
وفي شباب كتير مثقفين
وفاهمين الدنيا
مع خالص تحياتي

[ramzi_90]

هههههههههههههههههه
الصراحة كلمة فاشل قليلة على هادا الجيل

[haya]

يسلموو على تفااعلك مع المووضوع
بس طبعا في نسبة ولو انها قليله جدا من هالجيل قاادره على تحمل المسئوليه والاعبااء والنجاح بحياتها الله يزيدهم يا رب
وللاسف انو الاغلبيه العظمى من هالجيل ما بصلحوا لتحمل المسؤلية واعباء الحياة
واكيد برجع للثقافة الغربيه الي سارت تحتل جزء كبير من اهتمامات الشباب
شكرا الكم مره تاانيه
هيـــــــــــــــا

[حماة الأقصى]

يعني بصراحة ومش من كلامي

كل زمن أفضل من الزمن الي بعده

وهذا من كلام الرسول :( خير القرون قرني ثم الذين يلونهم ثم الذين يلونهم ) وهكذا

ولكن أيضاً أخبر الرسول أن ( الخير في وفي أمتي إلى قيام الساعة )

فلابد أن الخير موجود في كل زمان ومكان

ولكن نسبة الخير هي التي تتفاوت

وفي زماننا أصبح الفساد أكثر والشر أكثر ونسأل الله العافية

قال الرسول :( سيأتي على الناس زمان المتمسك بدينة كالقابض على الجمر ) صدق رسول الله

[فراشة]

كل شعب فيه المنيح والعاطل ..

هادا تعميم ساذج .. انوووو تحكمووو على جيل بحالووو انو فاشل مشان اقليه ...

يعطيك العافيه ع الموضوع الحلوووو

[قسامي غزة]

اختي الكريمة
لاشك ان زماننا يختلف عن من سبقونا يعني اجدادنا
بس يا اختي ايام زمان ما كان في فساد مثل هالايام والتلفزيون القنوات الهابطة
التي تغير من عقلية الشباب المريضة لما تبثه من سموم في الاغاني وسوبر ستار ومش عارف ايش
بس يا اختي ما معني كلامي اني بقول انوا ما فيهم خير
انظري يا اختب الي الشباب المجاهد في فلسطين
الي الشباب الذين باعوا الدنيا واختاروا طريق الجهاد والاستشهاد
اختي علي قدر ما في فساد
في اصلاح والحمد لله والشباب في توعية دائمة
نسال الله ان يرحمنا برحمته وينقذ شبابنا من سموم الغرب
مشكورة اخيتي علي طرحك الموضوع

[صاحبة القلم الحزين]

اختي الكريمة
لاشك ان زماننا يختلف عن من سبقونا يعني اجدادنا
بس يا اختي ايام زمان ما كان في فساد مثل هالايام والتلفزيون القنوات الهابطة
التي تغير من عقلية الشباب المريضة لما تبثه من سموم في الاغاني وسوبر ستار ومش عارف ايش
بس يا اختي ما معني كلامي اني بقول انوا ما فيهم خير
انظري يا اختب الي الشباب المجاهد في فلسطين
الي الشباب الذين باعوا الدنيا واختاروا طريق الجهاد والاستشهاد
اختي علي قدر ما في فساد
في اصلاح والحمد لله والشباب في توعية دائمة
نسال الله ان يرحمنا برحمته وينقذ شبابنا من سموم الغرب
مشكورة اخيتي علي طرحك الموضوع

والله هالكلام 100%

و الله يهدي هالجيل يا رب

[سيد الظلام]

بس بقول لك كلمة واحدة حكاها لنا دكتور واحنا بمحاضرة

المهم كنت بمحاضرة كيمياء سالنا سؤال وما شاء الله الشباب صم بكم عميوَ

ولا واحد عرف يجاوب

قالنا شباب بدي احكي لكم هالحاجة انتم اكثر جيل من اول ما احتلت فلسطين تعذب

الله يعينكم ونصيحتي لكم تبروا ولادكم خير وحاولوا ما تخلوهم يتعذبوا مثلكم لانه هذا الجيل فعلا

فقد كثير من شبابه

شو رايكم بكلامه ؟

[نور الهدى]

السلام عليكم

والله في نظري من الظلم نعمم و نقول انه هذا الجيل فاشل ...

هو مش فاشل لكن تائه لانه ما لقى مين ياخد بايده ...

و مع احترامي للجيل السابق ... اقول انه لو هما اخدوا بايدين هذا الجيل ما كان وصل لهذه الحالة من " الفشل " و لو اني بشوف انه الخير كثير في شبابنا ...

بدل ما نيئس شباب هاليومين و بدل ما نلقي عليهم كل اللوم ... خلينا نشوف كيف ربوا هذا الجيل !!!

اذا قلنا انه فاشل فهذا اكيد لعدة اسباب !! و اهمها التربية ! صح ولا انا غلطانة ؟

انا ما بحكي انه الشباب بريء لكن ارى انه في هذا الوصف مبالغة ... و الخير موجود ^^

بل و ارى انه نهضة الامة حتكون على ايادي هذا الجيل !!!

تفاءلوا بالخير ... تجدوه !

اخي سيد الظلام ارى انه كلام الدكتور فيه شيء من الصحة

لانه جيلنا هو اكثر واحد يقدر يفهم متغيرات هذا العصر و حيكون اكثر تفهما لاولاده

عشان هيك بقول انه التغيير حيكون باذن الله على ايادي جيلنا ^^ :showoff:

[جيفارا*نابلس]

السلام عليكم

والله في نظري من الظلم نعمم و نقول انه هذا الجيل فاشل ...

هو مش فاشل لكن تائه لانه ما لقى مين ياخد بايده ...

و مع احترامي للجيل السابق ... اقول انه لو هما اخدوا بايدين هذا الجيل ما كان وصل لهذه الحالة من " الفشل " و لو اني بشوف انه الخير كثير في شبابنا ...

بدل ما نيئس شباب هاليومين و بدل ما نلقي عليهم كل اللوم ... خلينا نشوف كيف ربوا هذا الجيل !!!

اذا قلنا انه فاشل فهذا اكيد لعدة اسباب !! و اهمها التربية ! صح ولا انا غلطانة ؟

انا ما بحكي انه الشباب بريء لكن ارى انه في هذا الوصف مبالغة ... و الخير موجود ^^

بل و ارى انه نهضة الامة حتكون على ايادي هذا الجيل !!!

تفاءلوا بالخير ... تجدوه !

اخي سيد الظلام ارى انه كلام الدكتور فيه شيء من الصحة

لانه جيلنا هو اكثر واحد يقدر يفهم متغيرات هذا العصر و حيكون اكثر تفهما لاولاده

عشان هيك بقول انه التغيير حيكون باذن الله على ايادي جيلنا ^^ :showoff:



اذا حضر الماء بطل التيمم

واظن بيلزمنا انسانه تعطي الموضوع حقه مثل نور

شكرا الك نور

[عاشقة فلسطين]

كلمة فشل كلمة كبيرة كثير

احنا هاي الجيل مش فاشلين قد ما احنا مستهترين و مش مهتمين باشي

انا بشوف حرام انه نظلم جيل بحالو و نتهمه بالفشل، و انا مع الكبار لمى يقولو بانه الجيل هاي غير عن الجيل السابق لانه احنى انفسنا بنلاحظ هاي الاشي في الجيل الاصغر منا.

موضوع في غاية الاهمية
طرح موفق
مشكورة

[نور الهدى]

اذا حضر الماء بطل التيمم

واظن بيلزمنا انسانه تعطي الموضوع حقه مثل نور

شكرا الك نور


العفو اخي الشكر الك على الاطراء اللي ما بستحقه صراحة لاني رديت بسرعة و عالماشي :b:

بارك الله فيك

بس يا ترى غيرت رايك ولا لسه متشائم من جيلنا :icon9:

[جيفارا*نابلس]

والله يانور

حسب ما بشوف بحكي

يعني الجيل الي بناظري اليوم

ما بقدر انكر انه فاشل

يعني همه الوحيد

الموبايل

والبنت والسياره

والفلوس


شو بدك اكثر من هيك فشل

[نور الهدى]

يا اخي في كل جيل في صالح و طالح والله ... من الظلم نعمم

احنا الشي الي خلانا عاجزين هو تشاؤمنا والله شبابنا فيه الخير

المشكلة هي انه في الورقة البيضاء اللي عندنا ما بنشوف الا النقطة السوداء الصغيرة و ما نعطي اهتمام بكل المساحة البيضاء النقية الموجودة ..

والله بكفي تشاؤم يا جماعة ...

[haya]

يعني بصراحة ومش من كلامي

كل زمن أفضل من الزمن الي بعده

وهذا من كلام الرسول :( خير القرون قرني ثم الذين يلونهم ثم الذين يلونهم ) وهكذا

ولكن أيضاً أخبر الرسول أن ( الخير في وفي أمتي إلى قيام الساعة )

فلابد أن الخير موجود في كل زمان ومكان

ولكن نسبة الخير هي التي تتفاوت

وفي زماننا أصبح الفساد أكثر والشر أكثر ونسأل الله العافية

قال الرسول :( سيأتي على الناس زمان المتمسك بدينة كالقابض على الجمر ) صدق رسول الله

يسلمو عالرد اكييد في خير في جيلنا بس كل الي بنتمنا انو الصلاح يفووق الفساد لانو فعلا براامج التلفزيون الهاابطه وانتشار ااغاني افسدت كتيير ويا رب الهدااية شكرا كتيير على ردك:s (43):

[haya]

كل شعب فيه المنيح والعاطل ..

هادا تعميم ساذج .. انوووو تحكمووو على جيل بحالووو انو فاشل مشان اقليه ...

يعطيك العافيه ع الموضوع الحلوووو

نورتي فراشة الموضوع

[haya]

اختي الكريمة
لاشك ان زماننا يختلف عن من سبقونا يعني اجدادنا
بس يا اختي ايام زمان ما كان في فساد مثل هالايام والتلفزيون القنوات الهابطة
التي تغير من عقلية الشباب المريضة لما تبثه من سموم في الاغاني وسوبر ستار ومش عارف ايش
بس يا اختي ما معني كلامي اني بقول انوا ما فيهم خير
انظري يا اختب الي الشباب المجاهد في فلسطين
الي الشباب الذين باعوا الدنيا واختاروا طريق الجهاد والاستشهاد
اختي علي قدر ما في فساد
في اصلاح والحمد لله والشباب في توعية دائمة
نسال الله ان يرحمنا برحمته وينقذ شبابنا من سموم الغرب
مشكورة اخيتي علي طرحك الموضوع

اهلا اخي قساامي غزة انا رأي من رأيك بس انا ليه حسااك معصب :b:
بس انا الي عاايزه احكي انو بجد الفساد كتيير منتشر والبعد عن الدين زاد وانا عاارفه اسبااب واكييد الكل عاارفها
بس انا حسب الي بشوفوا والي بسمعوا نسبة الفسااد اكبر من نسبة الصلااح هل فعلا هذا الكلام صح ؟؟
وليه هادا الظهور الكبير للناس الفااسده بينما الناس الكويسه قليل النااس الي بتعرفهم وقليل ما يظهروا والله شي بغيز كتيير
اوك مواافقه كل كلامك وفي نااس كتيير كويسه بس للاسف مش ظاهره متل النااس التاافة
يا ريت اكون وصلت الفكره
بس بدوون عصبية اخي:icon28:

[haya]

بس بقول لك كلمة واحدة حكاها لنا دكتور واحنا بمحاضرة

المهم كنت بمحاضرة كيمياء سالنا سؤال وما شاء الله الشباب صم بكم عميوَ

ولا واحد عرف يجاوب

قالنا شباب بدي احكي لكم هالحاجة انتم اكثر جيل من اول ما احتلت فلسطين تعذب

الله يعينكم ونصيحتي لكم تبروا ولادكم خير وحاولوا ما تخلوهم يتعذبوا مثلكم لانه هذا الجيل فعلا

فقد كثير من شبابه

شو رايكم بكلامه ؟


يسلمو سيد الظلاام على الرد
طبعا صح كلامو 100% وانا بأيدوو بس يمكن بخص شباب فلسطين على الاغلب بالتعذيب الي احنا بنقاابلو كل يوم بحيااتنا

[احلى رورو]

طبعا لااااء

^ ^

كل واحد بعرف حالووو

وبعرف الحدود والاهداف اللي حابب يوصلها

وانا برأي العكس ابدا مش فااشل

[السفيرة]

انا برايي انو جيلنا مو فاشل ابدا بس في منهم نسبة ضئيلة فاشلة بالعكس نحن مو فاشلين بس يمكن حركات بنات وشباب هالايام خربو علينا وكمان لانو زمان ماكان عندهم هيك اشي بس ما اظني انو اذا تغير المجتمع رح يتغيرو الناس مع انهم قاعدين بتغيرو بس اذا خليت خربت وانا باكد انو نحن ابدا مو فاشلين بس هيي ازمة ورح تعدي وانا من جهتي رح اثبت للكل انو نحن جيل مش فاشل نحن جيل ناجح ورح يحقق كتير اشياء وبثبت للي كل اللي كان يحكي هيك انو نحن فاشلين

الموضوع حلو يسلمو كتيير

[VIP.]

انا رايي المتواضع انو جيلنا مو فاشل صحيح لكبار هيك بحكو بس مو كل كلامهم صح

يعني مع احترامي للجميع الكبار

بس هم ما بيقيسو الوضع تبعنا بوضعهم يعني احنا عنا بهاد العصر الي بدو يصيع او يخرب نفسه ما عليه الا يحكي انا بدي وهو على طول رح ينحرف في المفاسد

بس ايامهم ماكانت هاي الاشياء متاحه لهاي الدرجه او يمكن ابدا ما كانت

و برضو هاد الشي مو تبرئه النا لانو لازم كل جيل يكون قد العصر تبعه و يقدر يكيف نفسه فيه

بالنسبه الي انا الحمد لله واثق من نفسي

و الله اعلم بالغير

تحياتي

[وردة حماه]

و لما يجي جيل بعدنا رح نصير نحنا نحكي عنو شو هالجيل الفاشل و هكذا .....

يسلموا دياتك ع الموضوع ...و ان اجيتي للحقيقة نحنا فاشلين و انا اولكم

[الجازي السعوديه]

:showoff: انا ايدهم في الراي صحيح وبدون زعل ان التعاون قل في النيا وكل واحد يقول فيهم اللهم نفسي

ويش دخلني في الناس كل واحد يحل مشكلته بحاله

[القوة التنفيذية]

يعني بصراحة ومش من كلامي

كل زمن أفضل من الزمن الي بعده

وهذا من كلام الرسول :( خير القرون قرني ثم الذين يلونهم ثم الذين يلونهم ) وهكذا

ولكن أيضاً أخبر الرسول أن ( الخير في وفي أمتي إلى قيام الساعة )

فلابد أن الخير موجود في كل زمان ومكان

ولكن نسبة الخير هي التي تتفاوت

وفي زماننا أصبح الفساد أكثر والشر أكثر ونسأل الله العافية

قال الرسول :( سيأتي على الناس زمان المتمسك بدينة كالقابض على الجمر ) صدق رسول الله

وحابب أضيف انو كل واحد بشوف هاد الجيل من زاويتو او الجماعة الي محيطة فيه وعلى هيك بيقيس
لكن تعال انشوف جيلنا ايش عمل
احنا اول جيل من عدة اجيال قدرنا بفضل الله نسترجع ارض وانحررها بالكامل وبالقوة أو بالجهاد
الحمد لله قدمنا من الشهداء جنود وقادة ما يعلمه الله من خير كثير
قدمنا من المتفوقين على مستوى الوطن العربي كثيرين وقد رفعو اسم فلسطين في مختلف المحافل ونخص بالذكر الجامة الاسلامية طلابا ومعلمين ومنهاج
الان هناك صحوة في بعض الاوساط في جيلنا علمية وثقافية ودينية واخلاقية اكثر من اي وقت تاني
لكن المصيبة العظمى الان هي اتساع الهوة بين الخير والشر فهناك جيل الان مضمحل في عالم الرذيلة يأتي من منكرات الاقوال والافعال مالم يأتي به من هم قبله والمصيبة انهم لم يجدو من ينكر عملهم عليه او من ينهاهم
ونجد من ضياع القيم الجميلة والمبادئ التي كانت تميز مجتمعنا الفلسطيني كحقوق الجيرة والصداقة الخالصة وعلاقة الابن بوالديه ومساعدة بعضنا البعض تكاد هذه القيم الدينية الاجتماعية تختفي بعضها وتضعف بعضها
هذا ونسأل الله الهداية والسداد

[المعتصم بالله]

و الله الكبار لهم آرائهم و لكن لكل زمان عيوب فهل يا ترى لم يكن الكبار في زمانهم يقولون عنهم أنهم جيل فاشل لم لا
لأن لكل زمان شيئا غير عن الذي قبله لذا ليراجعوا أنفسهم ثم ليقولوا عنا وقتها من نحن ؟؟؟؟؟؟؟؟؟؟؟؟؟

[haya]

يسلموو على المشااركه لكل الي شارك بالمووضوع
والله يهدينا يا رب