من المسؤل عن زواج البنت ؟؟؟؟

[طوني ابو جوده]

واتمنى من الجميع النقاش فيه

من المسؤول عن زواج البنت؟؟؟؟؟؟

هل للاهل حق التدخل في زواج البنت؟؟؟؟؟؟؟؟

هل تستطيع البنت ان تختار شريك حياتها بنفسها؟؟؟؟؟؟؟

ياما شفت بنات تزوجو تحت ظغط الاهل فللاسف زواج فاشل

و ياما شفت بنات اتبعو قلبهم دون استشارة العقل و للاسف زواج فاشل

فمن المسؤول عن زواج البنت؟ الاهل ام البنت بنفسها؟

[Iemy]

السلام عليكم
يعني موضوعك فيه أسأله داخله في بعضها كتير
بتسأل مين مسوؤل يعني مين بإيده القرار ولا مين مسوؤل عن تبعيات فشل هالزواج؟


ياما شفت بنات تزوجو تحت ظغط الاهل فللاسف زواج فاشل

و ياما شفت بنات اتبعو قلبهم دون استشارة العقل و للاسف زواج فاشل
في هالسطرين مواضيع كتيرة ممكن الواحد يحكي عنها :

يعني ضغط الأهل على البنت هاد أول سبب لخراب بيت البنت مستقبلا لأنها راح تاخد شخص مش متقبلاه ومش مرتحاله بيحكولها مع العشرة بتحبيه وبتتقبلية اكتر ... لكن لا بالعكس
مع العشرة راح يكون الرحمه لكن الموة باردة وتكاد تكون معدومة {وجعل بينكم مودة ورحمة } يعني انتفى الجزء الأول وبيقي الثاني صحيح مع مرور الزمن وانجاب الأبناء راح يتولد حب العشرة بينهم لكن مهما كان ماراح يكون زواج ناجح وسعيد من بدايته أكيد راح تتخلل حياتهم الحواجز والتصادم والمجاملات من أجل المركب يسير والتنازل والتحمل من أجل الأبناء وهلم جرا .
غير هيك بيكون الوضع حساس بتصير الوحده تحاور نفسها وتحكي : يعني مش كفاية جوزونيا بالعافيه كمان بدي اتحمل اهله , مش يحمد ربه رضيت فيه , فوق مني مابحبه بدوياني اعمل كزا وكزا ..." وغير هيك كتير من رفض اله ولكل شيء بيمتله بصلة
هاد طبعا از ماطلعت البنت فيها حقها وطلبت الطلاق من أولها .


و ياما شفت بنات اتبعو قلبهم دون استشارة العقل و للاسف زواج فاشل
يا أخي أي زواج بيتدخل فيه العقل وحسابات العقل أنا بنظري بعتبره فاشل
الزواج مش حسابات وأرقام وتكهنات للمستقبل وقياس الأمور من عدة زوايا ومابعرف شو
لا طبعا
لو فكرت بعقلي لمليون سنه جايه مش راح أعرف هالإنسان مناسبني ولا لأ
صح ولا أنا غلطانه
الراحة وحدها هي اللي بتحسم الأمر في الخطبة والزواج
يعني لما أنا أختار شريك حياتي كيف بدي أختاره ؟
مثلا شخص بحبه وتقدملي أكيد راح أوافق لأني راح أتحمل أي شي يجيني منه " ضريبة الحب"
شخص مابعرفه وأول مره أسمع عنه راح أستخير وأسأل عنه وأشاور أهلي و بعد هيك أنا أرتحت للشخص ولا لا أرتحتله على خيرة الله ماأرتحتله مع السلامه .



هل للاهل حق التدخل في زواج البنت؟؟؟؟؟؟؟؟
ليش لا
لو واحد نيلة تقدملي أكيد راح يحكو لا من البداية قبل مأشوفه يعني وعادي مش ارح أزعل إزا أهلي ماوقفو معي ودلوني و وجهوني مين بده يساعدني بهيك موضوع حساس
بس يعني يضلهم يحكو لا عالطالع والنازل بطق ههههه

هل تستطيع البنت ان تختار شريك حياتها بنفسها؟؟؟؟؟؟؟
برضو ليش لا
يعني لما أهلي يستنو بموافقتي والموضوع مش راح يمشي إلا بموافقة مني هيك بكون أنا اللي اخترته
بس مابعرف انت بتعني البنت اللي بتزوج حالها لحالها من واحد بتعرفه واهلها مش راضين عنه ولا أنا شطحت بتفكيري لبعيد عن مقصدك ؟؟؟:icon9:

ياريت توضح أكتر وتعطينا رايك كمان بالموضوع

[طوني ابو جوده]

يسلمو ايمي على المرور وعلى الاسهاب بالكتابه
الموضوع باختصار
فمن المسؤول عن زواج البنت؟ الاهل ام البنت بنفسها؟

اي القرار النهائي بيكون من البنت الموافقه او الرفض ام من الاهل تحت ضغوط معينه ..هيه وجهات نظر قد يقول احد الاشخاص الاهل لهم القرار النهائي باختيار شريك الحياه للفتاه وقد يختلف البعض بان يوقل البنت نفسها هي صاحبة القرار فهي مسالة حياه شخصيه ... ويسلمو مره اخرى ايمي على المشاركه الوافيه والمكامله

[صاحبة القلم الحزين]

والله انا رأيي انه هالقرار

لازم تتخذه البنت و أهلها

أكيد رأيها بيجي في قمة الهرم

بس رأي أهلها مهم كتير كمان

لانهم اول شي أكبر منها و عندهم خبرة اكتر منها بالناس

و تاني شي لأنها بنتهم و بتهمهم مصلحتها اكيد

بس هادا الشي و لا مرة يعني انه يغصبوها على شي

و لا يعني بنفس الوقت انها تتحداهم و تفرض رأيها عليهم

يعني باختصار شديد

بالتفاهم و النقاش و الحوار

بين البنت و أهلها

بيتوصلوا للقرار الصائب

^_^

[جيفارا*نابلس]

لا تنسى اننا نعيش بمجتمع

رايته العليا ومرجوعه الاساسي العادات والتقاليد

يعين ان خرجت بيقولو جاحد

وان مشيت بيحكو مطاوع

افضل شي

لاتتبع قلبك واتبع عقلك

للطرفين

البنت والاهل

[نور الهدى]

لاتتبع قلبك واتبع عقلك

اسمحلي في هذه النقطة انا اختلف معاك

صحيح لازم نحكم العقل ... لكن دون تعطيل القلب ...

يعني نحكم بالعقل اولا بعدين القلب ...

يمكن مثلا الشب يكون كويس و كل شي ... لكن البنت ما ترتاحله ابدا ... و العكس يمكن الشب ما يرتاح لهالبنت مع انها كويسة من كل النواحي.

هل للاهل الحق في اجبار اي واحد ع التاني ؟ اكيد لا ...

المسالة مسالة تفاهم بين الاهل و البنت او الشب

للاسف كتير اهالي ما يقدروا راي البنت و يغصبوها على واحد ما بدها اياه . و هالزواج دايما فاشل ...

و كمان في بنات يتحدوا اهاليهم و يفرضوا رايهم دون تفاهم مع الاهل ... و كمان هالزواج فاشل لانه من غير رضى الوالدين ...

انا بشوف انه انعدام التفاهم بين الاهل و الشباب هو الي يعقد المشكلة ... صعبوا الحلال فانتشر الحرام و الزواج من غير رضى الاهالي

بجد مشكلة كبيرة ...

انا بقول انه الدور علينا احنا ... انه ننشئ جيل مبني على التفاهم و الوعي ... و ما نكرر نفس الاخطاء مع اولادنا باذن الله ...

املي يكون تغيير المجتمع الاسلامي للافضل على اايدينا ^^ ليش لا ...

و شكرا كتير على الموضوع

[طوني ابو جوده]

والله انا رأيي انه هالقرار

لازم تتخذه البنت و أهلها

أكيد رأيها بيجي في قمة الهرم
يسلمو المرور صاحبة القلم اذا كانت هيه على علاقه جامعيه بشاب مثالي وبقناعه الفتاه و يرفضه اهلها فما الحل برايك هل تتخذ قرار ام تتبنى فكر الاهل ويسلمو المرور مره اخرى


لا تنسى اننا نعيش بمجتمع
رايته العليا ومرجوعه الاساسي العادات والتقاليد
يعين ان خرجت بيقولو جاحد
وان مشيت بيحكو مطاوع
افضل شي
لاتتبع قلبك واتبع عقلك
للطرفين
البنت والاهل
يسلمو جيفارا المرور ولكن المساله مسالة حياة و عمر للفتاه ليس قرار بسيط قرار ارتباط بعقد اما الفشل او النجاح هل يترك المجتمع والعادات تتمتع لهذا الحد بقضية بالغة الحساسيه ..



المسالة مسالة تفاهم بين الاهل و البنت او الشب
للاسف كتير اهالي ما يقدروا راي البنت و يغصبوها على واحد ما بدها اياه . و هالزواج دايما فاشل ...
و كمان في بنات يتحدوا اهاليهم و يفرضوا رايهم دون تفاهم مع الاهل ... و كمان هالزواج فاشل لانه من غير رضى الوالدين ...

يسلمو مرورك نور... في حالة عدم التوافق على ماذا تتقدم الفتاه هل تتحدي الاهل ام الانصياع للاملاءات ورفض قناعاتها ...

[صاحبة القلم الحزين]

يسلمو المرور صاحبة القلم اذا كانت هيه على علاقه جامعيه بشاب مثالي وبقناعه الفتاه و يرفضه اهلها فما الحل برايك هل تتخذ قرار ام تتبنى فكر الاهل ويسلمو المرور مره اخرى

شوف يا اخي انا راح اجاوب عن نفسي

بالنسبة الي

انت كاتب في كلامك انها تكون على علاقة بشب في الجامعه

و هادا الشي بالنسبة مستحيل 1000000000%

لاني مش مستعده احكي و لا حرف مع اي شب في الجامعه بأي موضوع خارج حدود العلم

او موضوع ضروري للدراسة أو أمر دعوي بحت

يعني قصة انه اكون على علاقة بشب و لا مرة

بس اذا كان قصدك انه يكون في مشاعر معينة تجاه انسان معين

بس بدون علاقة و بدون اي حكي بينا

و طبعا هذا الشي مش بايدي

و انه يتقدم لي هذا الشب و اهلي ما يقبلوا فيه

ساعتها راح يكون الموقف صعب علي

راح اسمع وجهة نظر أهلي

و يا بقنعهم يا بيقنعوني

بس و لا مرة اخالفهم

يعني بالنهاية ممكن أدعس على قلبي

عشان اهلي

لانه اهلي فوق كل شي

و ما بقدر اخرب علاقتي فيهم من بعد كل تعبهم علي و تربايتهم الي

عشان انسان تاني لو مين ما كان يكون

و في النهاية انا هيك بتوقع انه يكون موقفي

بس ان شاء الله ما بنحط في هالموقف و لا عمري

بس كمان ملاحظه

انت قلت " شب مثالي "

بس بحب أأكدلك انه ما في شب مثالي

^_^

[طوني ابو جوده]

و طبعا هذا الشي مش بايدي

و انه يتقدم لي هذا الشب و اهلي ما يقبلوا فيه

ساعتها راح يكون الموقف صعب علي

راح اسمع وجهة نظر أهلي

و يا بقنعهم يا بيقنعوني

بس و لا مرة اخالفهم

يعني بالنهاية ممكن أدعس على قلبي

عشان اهلي

لانه اهلي فوق كل شي


اكيد كلامك ومشاركتك رائعه ... صاحبة القلم
اصبح القصه انك بدك تضحي بمشاعرك تجاه ارضاء اهلك ولا بأس بذلك
يسلمووووووو المرور من جديد

[الريم]

مرحبا اخ طوني حسب رايي البنت لما اتقرر توخذ الشب الي بتحبو اكيد لازم توخذ ابرأي الاهل لانو الوالدين بضل رأيهم على العين والراس بس في الاخير القرار الها كل واحد ادرا ابمصلحتو في الاخير اذا فكر ابعقل مع انو صعب شوي

[طوني ابو جوده]

مرحبا اخ طوني حسب رايي البنت لما اتقرر توخذ الشب الي بتحبو اكيد لازم توخذ ابرأي الاهل لانو الوالدين بضل رأيهم على العين والراس بس في الاخير القرار الها كل واحد ادرا ابمصلحتو في الاخير اذا فكر ابعقل مع انو صعب شوي

يسلمو الريم هذا ما اردت الوصول اليه تمامااااا هو قدرة اتخاذ الفتاه لقرار مستقبلهااا وبجريه مطلقه دون الضغوط المحيطه والموثره فالقصه ليست حياة الاهل وانماا قصه شخصيه لحياة الفتاه فانا اقول يجب ان يكون القرار النهائي بعد مشاوره الاهل للفتاه ودمتم بوود

[لا للاستعمار]

السؤال الرئيسي : من الطرف الرئيسي في القضية ؟
طبعا البنت... فاذا هي يلي راح تتزوج مو اهلها طبعا ما بننكر انه اهلها جيل واعي واكبر منها ومروا بتجارب وغير هيك الهن فضل عليها لانهم ربوها وتعبوا عليها ولكن هذا ما بيعني انه القرار الرئيسي الهن ... من المفروض انه يبدو رأيهن ولكن الجواب الاخير قطعا عند البنت لانه حياتها الشخصية .
مشكور طوني
اختك بالله