عندي سؤال ياريت تجاوبوني عليه

[بنت الشط]

:icon9: :icon9: :icon9:
انا طالبة في الجامعة وعنا منتشرة فكرة سيئة عن الفلسطينية وهيه انهم عنصريين برأيكم شو الحل لهاي الظاهرة

[ريمة]

مع اني انا فلسطينية بس يا خسارة فعلا هاي الشغلة كتييييير منتشرة ومعروفة وان شالله يا رب نئدر نتخلص منها

[محمود]

عليكم السلام ورحمة الله وبركاته

اختي الكريمة

الجواب في كلمتان ..

حب الفلسطيني لبلده وتمسكه بأرضه ومطالبته بحقه

حب ينتقصه الجميع لعدم احساسهم بالتهويد وعدم شعورهم بالعدوان ..

ولو شعروا بها لأسقطت عنا الكلمة اما الآن بسبب اعتقادهم الخاطئ ان التمسك بالحق عنصرية ..


شكرا لسؤالكـ اختي .وبارك الله فيك

[فلسطيني كح]

غريبة أول مرة أسمع فيها

أنا بعرف الكل بعتز بوطنه

و الفلسطيني أكثر واحد بعتز بوطنه

بعدين اشرحليلي كيف عنصري الفلسطيني؟؟

يعني لو حكيتي أنو احنا اللي منتعرض للعنصرية كنت صدقتك

[نور الهدى]

اول مرة اسمع هالحكي !

[فلسطيني وحداتي]

يا اخوان انتوا ما بتسمعوا
هالحكي لانكم مش في الاردن

اما الي في الاردن بسمع هالحكي
بس للعلم ليس الفلسطينية هم العنصريين
بل الفيصلوية و بعض الاردنية وليس الكل
لانه في منهم الكثير محترمين

[جيفارا*نابلس]

ممكن احنا متكتمين على الحقيقه

انا بنظري احنا بنعاني من العنصريه

اظن الجميع عايش بفلسطين


ليش الهروب من الواقع

بينم بأمكاننا انا نعالجه

اختي انتي طنشي والله بفرجها

[lnosh]

احنا مش عنصرين بس متمسكين في وطنا كتير

من شده حبنا فيه ... فهو غالي علينا كتير

فاحنا بنعتز فيه كتير

[سيد الظلام]

من ناحية شو عنصريين

يعني شايفين حالهم فوق الدنيا

اذا هيك من حقهم لانهم فعلا هما فوق الدنيا

[هنا]

شو هيدا مو معئول ها الحكي حبيبتي

بس اللة يفرجها عليهم


تحياتي

[حورية الحريّة]

الصراحة انا مثلا بشوف حالي اني فلسطينية لاسباب منها اني من ارض الرباط و الجهاد
و تاني اشي لأنو الشعب الفلسطيني الصراحة حاليا هو اكتر شعب مشغول بقضية سامية بعكس الشعوب التانية
بس انو توصل لدرجة العنصرية غلط........ما حدا احسن من حدا
المقياس التقوى
و انتي دورك تورجيهم انك طبيعي مع كل الناس

[صاحبة القلم الحزين]

عنجد غريبة!

ولا مرة سمعت بهالشي

أصلا بالعكس

الفلسطينية بيتعرضوا للعنصرية بكل مكان في العالم

في المخيمات في الدول العربية

و حتى داخل فلسطين

يعني اللي بعرفه انه العنصرية دائما بتكون ضدنا

مش نحنا العنصريين!!

[ابنة الشتات]

انا مرة صاحبتي قلتلي انتي كتير عنصرية ...

قلتلها أنا لما أوقف قدام العالم كله بحكي انا مسلمة
ولما قدام الغرب أنا عربية
ولما قدام العرب انا فلسطنية
وبفلسطين انا من نابلس
وهيك ضليت أصغر الدائرة

أختي هدول الناس أنا بظن انو عندهم اختلال بين مفهون الإنتماء والعنصرية ...
هلأ اني فلسطينية مش معناه اني بكره الوطن العربي
واني نابلسية مش يعني أحس من الباقي
لأ كتير كتير كتير ناس أحسن
مش موضوع عنصرية
موضوع انتماء
وعشق لأرض ووطن

ولو هالاشخاص كان عندهم انتماء لقضية الأ قصى لما حكو هالكلام

الله يهديهم يارب

..........................
شكراً

[عاشقة الصمت]

يمكن هاد الكلام من جديد صار لانو فعلا عنا حركة عنصرية جدا ظهرت عالساحة
الله يهديهم

[.:.!دموع الرحيل!.:.]

عنجد غريبة!

ولا مرة سمعت بهالشي

أصلا بالعكس

الفلسطينية بيتعرضوا للعنصرية بكل مكان في العالم

في المخيمات في الدول العربية

و حتى داخل فلسطين

يعني اللي بعرفه انه العنصرية دائما بتكون ضدنا

مش نحنا العنصريين!!

100%

يا حسرة علينا !!

من وين طلعلنا هالحكي

&

ولو هالاشخاص كان عندهم انتماء لقضية الأ قصى لما حكو هالكلام

الله يهديهم يارب

100% كمــان

الله ينصر الحق يا رب

[Banbon]

مو لما يشوفوا حالهم شو بيحكوا و شو بيعملوا !!!

لا عنصريه و لا شي ....
كل انسان بحب و طنه و بعتز فيه ...
فكيف لو كان قلبه محروق عليه و عاللي بصير فيه ....

طول عمرهم بينقهروا من عزة نفس الفلسطيني و كبريائه ....
وين ما كان بضل عالي ... و كرامته أهم شي عنده

خلييييييييييهم .... ^_^ احنا هيك مبسوطين

بس اذا عنصريه بموضوع تاني ...هاد غير

[قسامي غزة]

الفلسطينيين عنصريين
شو هالخبرية هاد
انا اول مرة اسمع
بس ممكن شوية توضيح من كلتب الموضوع
حتي افهم شو قصده

[VIP.]

يمكن المقصود انو

بالفصائل و الاحزاب (حماس.فتح.جبه......)

او بالعراق و الاصل (غزاوي .ضفاوي .مهاجر .مقيم .بدوي......)

ونا عنجد بلاحظ هاد الشي موجود عنصريه

اما عن الحل والله ما بعرف شو احكيلك

ربنا يصلح الحال

[الريم]

والله اول مره بسمع انو احنا الفلسطينيين عنصريين بعدين اذا احنا ابنتحدا الظلم ما بيقول انا شعب عنصري