حينما تختلف المفاهيم ويبدأ النظر للحب بأنه عار وجب اقتلاعه...

[Iemy]

لم أكن أريد كتابة موضوع من هذا النوع أو حتى الدخول في نقاشات وأراء الأعضاء
لكن
بعد مروري على موضوع قديم جدا من سنة 2005
ذهلت لردود بعض الأعضاء والذين كنت أتوسم بهم كل معرفة بالدين وبالرسول وبخلقتنا وخالقنا وتكويننا وبشريتنا
كان موضوع يطرح قضية " حب الأخت لشاب معين وماذا بدورك أنت فاعل لو علمت بذلك "
كنت سأكتب ردي لكن
ترددت أولا الموضوع قديم جدا ولم يعد به تفاعل ثانيا وهو الأهم والسبب الذي دعاني لكتابة هذه السطور أنني لاحظت تباينا شاسعا في مفهوم الأمور لدي ولدى الأعضاء
كل ما أعرفه وما أعيه وأدركه وماتعلمته من رسول أمة غرقت في جهل المشاعر الإنسانية
أن الحب هو ما خُلقنا لأجله ومن أجله نتعامل ونتعايش في دنيتنا الحقيرة تلك
خُلقنا لحب الله وحب الرسول صلى الله عليه وسلم
لحب الأم والأب لحب الأخوة
لحب الأصدقاء
لحب الزوج
لحب الناس
ومن الحب تنبع مصداقية تعاملنا مع هؤلاء الناس
وحسن الخلق الذي بُعث الرسول صلى الله عليه وسلم ليتممه لم يوجد إلا لنشر الحب والود بيننا
....
إن الحب الذي يبدأ من القلب لم يكن ليبدأ من العقل لأنه لن يعد حباً إنما حسابات وأرقام ذلك الحب الذي يبدأ من القلب وينبض به حياة تحي قلوب ماتت لست أنا ولا أنتي ولا أنت ولا هو من يتحكم به
قد نستطيع التغلب على كل شيء إلا ميل القلب الذي عجز الرسول صلى الله عليه وسلم عن التحكم به واعتذر لربه بذلك بقوله "اللهم لا تؤاخذني بما تملك ولا أملك "
....
إن تكوينك كرجل هو كتكويني ك امرأة من جانب المشاعر والروح والداخل تكوينك كبشر هو كتكويني كبشر بعيدا عن الاختلافات البيولوجية والفسيولوجية للجسم
....
مفهوم الحب قد يدخل فيه عند البعض مفهوم العرض والشرف ومن هنا يبدأ التصادم الفكري في كيفية تقبل الأمر

أعضاء المنتدى ما أردت قوله
بأن لا ذنب للحب إن أسأنا نحن استخدامه
لا ذنب للحب إن لطخنا طهارته بقبائح أفعالنا
لا ذنب للحب إن عجزنا عن التفريق بين حلال وحرام ضمن علاقة قد أوجدها الله تعالى في نفوسنا
لا ذنب للحب إن شوه الإعلام الغبي غربي كان أو عربي معنى ومفهوم الحب بمشاهد مخلة للأدب


نحن نساء ورجال نمتلك قلوبا تنبض بحياة تنبض بجمال بدفئ
قد يأتي يوم ويلتقي قلبان على حب
فماذا نحن فاعلون
هل نقتل أنفسنا لنتخلص من عار اسمه الحب ؟!!!
أم نتبرأ من أنفسنا لنرتقي بها عن شبهة الحب؟!!!

أريد نقاشاً واضحاً وصريحاً منكم
ماذا يعني لو أحببت شاباً وذهبت لأخي لأخبره بذلك ؟
علماً بأن الفتاة لن تصرح بذلك إلا لو كانت بحاجة لمساعدة أو احتاجت لوقوف أحد بجانبها أو لنصح ما
فهل يعمل هذا الأخ بقول الشاعر :
يسعى إلى الماء من يغص بلقمة...... إلى أين يسعى من يغص بماء
أم يسعى لجمعهم بالحلال؟
فإن دواء المحبين في كمال الوصال الذي أباحه رب العالمين
لما لا يكون معيناً بالحلال بدل أن يكون سبباً في الحرام دون إدراك منه
إن أردتم سردت لكم الكثير من قصص الصحابة والتابعين رضي الله عنهم في رحمة المحبين والشفاعة لهم إلى أحبابهم في الوصال الذي يُبيحه الدين
وشكرا

[ashrafo]

مرحبا اخت ايمي ..،،،
ماشااالله موضووعك وخاااصــة ردك الجميل والله انو من احلى الردوود الي قرأتها في جميع المنتديات .. فعلا مشكوووووووورة على اسلوووبك الجميل الواعي المتفهم ،،
الصراحة من بعد حكيك مافي تعليق لكن في شي بسيط اضيفو لردك ،،
انو الله عز وجل خلق كل شي بالفطرة والفطرة موجوده في كل شي في كل شي حي وجماد .. والفطرة هي الحب ،، الكواكب تدور والافلاك والاجرام تسبح في الكون ليس من قوة او خوف من خالقها ولكن من حبها الفطري لخالقها الله عزوجل ومن الحب يولد الاحترام والتوافق والخوف المحمود ... فما بالك احنا كبشر ..!!
للاسف ديننا لا يمنع الحب ولا يقيد الحب ،، لكن للاسف بعض رجال الدين عندنا شوه وحرف اسما مواقف الحب العظيمة في الاسلام .. وهذا ماشاالله من كتر الجهل الي عندهم ..!
جعلو منا ناس لا نملك احق شيء لنا وهو الانساانيه سرقوها من داخل قلوبنا وشوهوها في داخل عقولنا ..
وإذا نحن لم نتحترم تقلب القلوب ونرحمها ونتفهمها في ابسط امورها فالنقرأ على الدنيا السلام ..
لكن الله المستعااان في كل الامور .


أريد نقاشاً واضحاً وصريحاً منكم
ماذا يعني لو أحببت شاباً وذهبت لأخي لأخبره بذلك ؟
علماً بأن الفتاة لن تصرح بذلك إلا لو كانت بحاجة لمساعدة أو احتاجت لوقوف أحد بجانبها أو لنصح ما
فهل يعمل هذا الأخ بقول الشاعر :
يسعى إلى الماء من يغص بلقمة...... إلى أين يسعى من يغص بماء
أم يسعى لجمعهم بالحلال؟

انا الصراحة لي صديق من اعز اصدقائي من 9 سنين وتزوج اختي واختي اعترفت لي طبعا وانا كشفتهم من زمان هيك احساااسي كنت عاارف ههههههههه ،، لكن اختي اعترفتلي بالنهايه وانا اول من وقف بجانبها رغم رفض اكاابر الرجال في العيلتين للموضووع وعملت المستحيل حتى جمعناهم مع بعض والحمد الله..!!

لكن بالنهاايه حسب عقلية وتسامح وتفكير وتواضع الشخص لهذا الموضووع ،،
هو للاسف يعني نفسي اعرف ليش عندنا بيفهمو الحب انو عااار وعيب وضيااع شرف و مصيبة كمااااااان ؟؟؟؟؟؟؟!
ويسلمو كتييير إلك ايمـــــــــــــي ،،،!
وفي الختام اللهم يامقلب القلوب ثبت قلوبنا على دينك وايمانك ,, آمين

[Banbon]

بحييكم انتو التنين عالكلمات و الأفكار الرائعه ,....

و يسلمو ايديكي .. ايمي مشاركتك أكتر من حلوه ^_^
أحلى سلام الك ...

و آسفه اني ما اعطيت رأيي .... بس ماشالله ..كلامك بكفي

[Iemy]

مرحب فيك خيو وبتفاعلك مع الموضوع



انو الله عز وجل خلق كل شي بالفطرة والفطرة موجوده في كل شي في كل شي حي وجماد .. والفطرة هي الحب ،، الكواكب تدور والافلاك والاجرام تسبح في الكون ليس من قوة او خوف من خالقها ولكن من حبها الفطري لخالقها الله عزوجل ومن الحب يولد الاحترام والتوافق والخوف المحمود ... فما بالك احنا كبشر ..!!

بل خوفاً من الله وحبا لله تعالى وهذا هو حب جميع المخلوقات لله الذي لا يماثله حب .



للاسف ديننا لا يمنع الحب ولا يقيد الحب ،، لكن للاسف بعض رجال الدين عندنا شوه وحرف اسما مواقف الحب العظيمة في الاسلام .. وهذا ماشاالله من كتر الجهل الي عندهم ..!


الشيوخ إن كنت تقصدهم بقولك رجال الدين -فكلنا للدين رجال - ليس هم من شوهوا الحب بل نحن ومجتمع لايحسن سوى اللوك بأعراض الآخرين



انا الصراحة لي صديق من اعز اصدقائي من 9 سنين وتزوج اختي واختي اعترفت لي طبعا وانا كشفتهم من زمان هيك احساااسي كنت عاارف ههههههههه ،، لكن اختي اعترفتلي بالنهايه وانا اول من وقف بجانبها رغم رفض اكاابر الرجال في العيلتين للموضووع وعملت المستحيل حتى جمعناهم مع بعض والحمد الله..!!


هذا أنسب حل وأنسب دواء لداء الحب الزواج جمعهم بالحلال لدرء الحرام وسد طرق الحرام ومافعلت هو الصواب (ويابخت مين وفق بين راسين بالحلال ) :showoff: و يارب يعطيك اللي تسعدك :icon31:




لكن بالنهاايه حسب عقلية وتسامح وتفكير وتواضع الشخص لهذا الموضووع ،،
هو للاسف يعني نفسي اعرف ليش عندنا بيفهمو الحب انو عااار وعيب وضيااع شرف و مصيبة كمااااااان ؟؟؟؟؟؟؟!


بالفعل حسب عقلية وتفكير والخلفية الثقافية للشخص
مفهوم حب البنت مختلط بمفهوم العرض والشرف وذلك بسبب سوء استخدامنا للحب واستغلاله للوصول للحرام باسم الحب .

ويسلمو كتييير إلك ايمـــــــــــــي ،،،!
وفي الختام اللهم يامقلب القلوب ثبت قلوبنا على دينك وايمانك ,, آمين

ربي يسلمك خيو وتسلم عالمرور الطيب ورأيك الصريح
واللهم آميـــن
شكرا

[Iemy]

بحييكم انتو التنين عالكلمات و الأفكار الرائعه ,....

و يسلمو ايديكي .. ايمي مشاركتك أكتر من حلوه ^_^
أحلى سلام الك ...

و آسفه اني ما اعطيت رأيي .... بس ماشالله ..كلامك بكفي

تسلم خيو عالمرور الخفيف والطيب كنت بجد حابه أسمع رايك

[Iemy]

مرحب فيك جنان
الله يهديكي حولتيني وأنا بحاول أقرأ بالخط الصغير :wacko: هههه
المهم ندخل في الموضوع



لانو احنا مجتمع عربي صارم في هيك شغلات



فعلا صارم بهيك شغلات وما بآمن إلا بالطرق السهله والقصيره اللي مابتأدي للتعب وشغلة البال لأنا أكسل منا مافي حتى بهيك أمور وبأصغر أمور حياتنا بنحاول نسلك أقصر وأيمن الطرق لحتى نريح راسنا
ماشيين على مثل "الباب اللي يجيك منه ريح سده واستريح "
يعني لما تنوجد مشكلة ما , بندور على أسهل الطرق وأسرعها لحلها وهو طبعا الصرامه الشديده والتخويف والترهيب والقمع وفشة الغل
وهي سياسة البلاد العربيه بأكملها " ولساتنا بنحكي على الحكام والسلاطين"



يعني الواحد تربى ع انو البنت اضل محبوسه لحد ما يجي ابن الحلال الي يتقدم الها

وحب وما حب هاد كلام مرفوض تماما..

وانا مع هالكلام

لانو البنت لو اخدت حريتها التامه في انها ادور ع الحب

رح تتعرض لمشاكل كبيره ..

يعني الشب يطلع مش منيح او يستغلها و الخ


هاد كلام مش واقعي أبدا
أنتي أدرى مني أن البنت حالياً لا عادت محبوسه ولا شي

ولا البنت ولا الشب بيدوروا عالحب ماحدا عمره بيدور عالحب أو بيحب فلان بخاطره
هيك من غير مقدمات وقعت بحب فلان شو بكون هيك أخدت كامل حريتي؟! بالعكس إلا ورطت نفسي هههه
لو روحي اللي بتهوى إلها حريتها كان ماخليتها تحب ولا تفكر تهوى شب على هالأرض ....

صحيح هي راح تتعرض لمشاكل كبيره كتير لو مالقت حدا معها يوعيها ويقف جنبها ويدلها عالطريق الآمن بحياتها
مش ذنبها إن حبت لكن ذنبها لو غلطت
و ياما سمعنا قصص ومآسي كان سبب بدايتها استغلال خوف البنت من أهلها
وطبيعي راح تخاف لما تسمع زي هالعبارات " بنطخها , والله بموتها , شو هالحكي الفاضي بلا حب بلا مسخره , بنات آخر زمن.... وعندك من ده كتيييير
وبدك الصراحه أنا مابحب الحال المايل والدلع والحرية المطلقه سواء للبنت أو الشاب لكن شيء خارج عن مقدرتي لابإيدي ولا بإيدك شو بدنا نعمل فيه شو أحكيلها طلعي قلبك حبيبتي واحرقيه عشان ماتعبينا معك وتفضحينا !!!!!




بس رح احكي هون من منطلق ازا صار ما صار والبنت وقعت وحبت شخص بأي ظرف من الظروف..

لانو احنا بعصر كل شي سهل وممكن..

شو الخطوه الصح الي لازم تصير؟!

البنت لازم تصارح اهلها..<<هاي الخطوه الصحيحه الي رح توصلها لبر الامان

بس للأسف في مجتمعاتنا البنت بتخاف تحكي لاهلها

لانهم رح يبهدلوها ويضربوها..

حتى ما رح يفكرو يشوفو هالشب ويسألو عنو..

مشان هيك رح تخبي البنت هالشي..

وهيك ممكن توصل لمشاكل اكبر واكبر رح توقع فيها الينت والشب

الحب شي قوي كتير والكل ضعاف قدامو

وما حدا بكون بأيدو ولا زنبو لما يوقع فيه..

بس لما نوقع فيه لازم نكون تفكيرنا اكبر من كل شي

ونقدر نوصل لحل يرضي الله والجميع..

الحب لا حرام ولا عيب

هاد شي نخلق فينا وما منقدر تستغنى عنو


صحيح كلامك وهاي فكرتي كمان
يعني لازم نفرق بين شيء بعمله بمزاجي وشيء غصب عني
بين حلال وبين حرام
بين حق إلي وحق علي




وشكرا الك كتير لهالطرح الحلو

يسلمك ربي لحوارك الجميل
وتسلمي كتييير عرأيك
شكرا

[ashrafo]

كلك زووء يا ايمي ،،

لكن انا واستغفر الله يعني لم اتطاول على رموز الدين لانو فعلا كلنا رجال دين
انا عايش في السعوديه وخالي رئيس تحرير اكبر صحيفة في السعودية وكان في موضووع جدا حساس عن الربا وفوائد البنوك ومشاكل اجتماعيه عميقة ومتشابكة وعملت عنا زوبعة كتير كبيرة من هاد الموضوع ،،

والمهم ومن هادي المواضيع الي ناقشوها العنوسة في السعوديه وبعد بوسة ايد واترجى في خالي اني اكتب

رد مقال على اكبر شيوخ الشورى في المملكة الحقيقة تبين لي شخصيا انو فعلا نحن ناس نركض وراء ما يقوله ويفعله مشايخنا فقط لتحقيق مصالح الدولة والحكم لا اكثر .؟

اذا حكى حرام وهو حلال واذا حلل ما هو حرام على عطول نركض وراء فتواهم ونحملهم الاثم وتوابعه .. يعني استغفر الله معقوول الله مو شايفنا ..!

لكن في قاعده في الدين تقول استفتي قلبك ،، والحرام بين والحلال بين ..
ومن بعض اللي كتبتو للشيخ المحترم وعملت كتيير استفهامات حولها طبعا في مواضيع كتير .. لكن الاهم آية قرآنية في سورة البقرة رقم 235

( ولا جناح عليكم فيما عرضتم به من خطبة النساء او اكننتم في انفسكم علم الله انكم ستذكرونهن ولكن لا تواعدوهن سرا الا ان تقولوا قولا معروفا ولا تعزموا عقدة النكاح حتى يبلغ الكتب اجله واعلموا ان الله يعلم ما في انفسكم فاحذروه واعلموا ان الله غفور رحيم )).. صدق الله العظيم ..

طبعا حكى تلفون مع رئيس التحرير وحكالوا آخر مرة يتم كتابة هيك موضوع يعني تهديد مبطن لانو انحرج ما عرف يرد على هادي الاية ابدا ..!!
لو يعرفوا الناس ايش المقصود من هادي الآية كان في اشياء كتيير تغيرت وتعدلت وريحتنا لا ابعد الحدود وقضت على جميع مشاكلنا في هذا الخصووص..

انا عندي اخبار والله لو تعرفيها غير شعرك يشيب لكن من حبي للدين وايماني فيه راح اكتمها في قلبي الى يوم الدين لكن ما بحكي الا حسبي الله ونعم الوكيل فقط ..

وطبعا من يومها انا غسلت ايدي من هيك عالم .. ولكن ياما تحت السواهي دواهي ..!!

احنا المسلمين في هاد الزمن ما جعلنا متخلفين ومستهترين وجاهلين ولا نفقه شي الا اعتمادنا على رجال غير قوامين للاسف ..!!
والدليل الامور والاحداث اللي بتصير امااامك وامام اعين الي بسموا حالهم تابعين للصحابة رضوان الله عليهم وللرسول صلى الله عليه وسلم .. !
والله ولي التوفيق ..!!
وشكرا الك..

[Iemy]

مرحب ashrafo
(لا تتحسس من ردي )
كل ماذكرته أننا كلنا رجال دين لأن الدين لم يُحصر يوما على رجال بعينهم ولم يكن حكراً على أحد دون آخر ... فقط.
لكن النقاش الجميل أخدنا لمواضيع أخرى بعيدة عن الموضوع الأساسي
أنا حابة أحكي في هالموضوع برضو لأني عايشه في السعودية كمان وشايفه كيف الشيوخ أو بالأحرى شيوخ السياسة والفتاوي اللي لا الله ولا رسوله بيرضاها , فياريت تنزل موضوع مستقل نتناقش فيه مع الأعضاء بخصوصه عشان صار عندي فضول قاتل أعرف ايش مخبي:icon11: ومابدك تحكيه وحابه كمان أعرف قصدك بالآية وشو حكايتها لأني مافهمت بالزبط الموضوع اللي بتحكي عنه .
أنتظر الموضوع ؟ ولا أكمل ردي هنا وخلاص؟

[نور اليقين]

حبيبتي

احنا بشر
اتخلقنا و اتخلقت جوانا بدرة الحب دي
يعني دي فطرة انسانية
و مش عيب ان احنا نشعر بيها
و لا ان احنا نبينها لغيرنا
العيب اننا نسيئ استعمالها
و بدل ما يكون شعور نبيل في قمة العفاف و البراءة
نبوزو و نشوهو و نخلي ناس كتيرة يمكن مجربتوش , تخاف منو , و يمكن جربتو و فشلت فيه
تقوم تحملو حمل فشلها
المشكلة مش فيه
المشكلة فينا
بصراحة معنديش اضافه اضيفها
عشان الموضوع يا ما نوقش
و مع كل نقاش
الحب هو اللي كان بيخرج خسران
و السبب
انو مجرد نطق الكلمة دي بقى عيب
و بصراحة
ناس كتيرة و منهم انا
بتخجل انها تنطقو على لسانها
مخافه تنفهم غلط
عشان 80 بالمية بتنفهم غلط
من كتر ما شفنا افلام
و سمعنا اغاني
قرينا مقالات
و حكينا حكاوي عنو
بوزنالو مفهومو
مبقاش الاحساس البريئ المتبادل بين كل مخلوقات الله اللي عاييشين تحت ضل الرحمن
بقا شيطان بيوسوس لاي اتنين
هنا العتب اولا على وسائل الاعلام اللي اتخدتو مادة سلسة لكل فقراتها
و العتب عالناس اللي صدقو اي حاجة بتنقال في الموضوع ده
لدرجة خلوه يدخل خانة الكلمات المحرمة
و الاحاسيس الشيطانية
و اللي بسبب تحريمها ده
خلت شباب كتير
بحكم انعدام تقافتو عندهم
يحيو يجربوه
و طبعا
بطريقتهم
بطريقه الحكاوي الي بتنسمع
مش بالطريقه الصح
اللي كان واجب عالأباء يفهموها لاولادهم
اقلو كانو فهموه صح
و مبوزوهش اكتر ما هو بايز

بعتقد كلامي غير مفهوم
عشان نعسانة
بس مقدرتش ماكتبش رد
و مشكورة كتيير حبيبتي
عشان رديتي لطاولة النقاش
موضوع شائك زي ده

[ashrafo]

مرحبا ايمي ،،
لا بالعكس يا اخت ايمي والله مو متحسس من ردك ولا شي .. انت ماحكيتي شي بالعكس ما صدر منك الا كل خير ا .. مافي شي بزعل ،،
وانا بحترم اي رد مهما يكون درجة الاساءة او المدح فيه ..

الاختلاف في الرأي لا يفسد للود قضية

بس انا كنت شبه زعلان يعني مو مرووووق يمكن كان باين على ردي للموضووع :icon11: ..

وبالنسبة للمواضيع اللي مخبيها الحقيقة مو مخبيها هادي المواضيع موجوده وتقريبا من 5 شهور نزلنا احنا جروب

الشباب تبعنا موضوع في منتدى قصيمي نت عن مواضيع التي تحصل وتدار داخل مجلس الشورى السعوودي ..

وعلى مستوى منتدى صار ضرب وخناق وتكفير لبعض الاشخاص وتسكر المنتدى يومين من هيك موضوع .!

وكتير مواضيع منها اذا افتكرتيها موضوع سواقة الحريم في السعودية وانواع الزواجات الجديدة اللي نزلت عنا المسيار والفرند والدم والوشم والعرفي والف نوع كمان ..!!

وآآخرها الاسهم وهاواامير السوق والبوورصــة الملعوونه اللي هلكت الناس عنا ..!

ومنها تبرعات الجمعيات الخيرية داخل المملكة وليش وقفوها للتبرعات وناس كتير انسجنت وتوقفت حساباتها الي هذا اليوم ،،
وموضوع الصحوة داخل الحركات الدينية والسياسية في المجتمع السعودي والخليجي ..!!

هاا شوو يـــا ايمي لسه بدك كماان مواضيع .. :wacko: ..!

والشباب السعودي المجاهد في افغانستان قبل حرب الخليج التانيه ولما رجعو المجاهدون من افغانستان بعد حرب الخليج الحالية وماذا فعلت فيهم السعودية من غدر وقتل وتهجير ..

آآآآه يا ايمي لا تخليني افتح هيك مواضييع لأنو راح ادوخك معي :wacko: ..!!

ومع احترامي لكل اعضاء هذا المنتدى لكن يمكن خلفيتهم على هيك مواضيع تكون قليلة او شبه معدومة فهمتي شو القصد من عدم طرحها في هاد المنتدى ..!!

وبالنسبة للموضوع الاية القرآنية في سورة البقرة ..
هاد الشيخ المحترم بيحكي انو الاسلام ما عندو حب وحكي فاضي ولا يجوز مقابلة الشاب للبنت في مرحلة الخطووبة انهم يتقابلوا حتى في مكان عاام الا بوجود محرم .. واذا عصت هذه الاوامر هيك بتكون البنت ارتكبت كبيرة من الكبائر ..

لكن الخلاف الشديد اللي صار بين رجال الدين المتشددين والمتساهلين على هاي الآية هو الآتي:

انو يجوز للرجل المواعدة سرا للمرأة اللي بدو يتجوزها بمعنى آخر الخلوة بها لكن من غير ما يعمل شي فقط لمجرد المقابلة والكلام لا اكثر..

يعني القرآن شرع المواعده شرا لكن بضوابط معينة والحذر من الخطأ .. وحتى اذا وقع الخطأ فإن الله كما في الاية غفوور رحيم..

والامر التاني: في مرحلة الخطوبة فقط والوقوع في الحرام بعد المواعدة سرا ما هي اجراء الاحكام الشرعية عليها ؟؟
وفي كماان اشياء كتيير على هاي الايه لكن مو مفتكرها انا .. لكن انشاالله احاول ادور عليها بالارشيف و بعطيكي خبر عليها ..!

طبعا ما احد رد على هااد الموضووع ليش انا نفسي اعرف ؟؟!!

وفي الختام الله يكفينا شر انفسنا آمين ..
و شكرا إلك ودمتي بخير ،،،

[Iemy]

بعتقد كلامي غير مفهوم
عشان نعسانة
بس مقدرتش ماكتبش رد
و مشكورة كتيير حبيبتي
عشان رديتي لطاولة النقاش
موضوع شائك زي ده


لا والله فهمت كلامك و وصل المقصود
وتسلمي لمرورك حتى وإنتي نعسانه هههههه
مواضيع الحب مابتخلص لكن كان قصدي أعرف مفهومه عند الناس وشو الحرام فيه وشو الحلال فيه
مش أكتر
وشكرا الك مرة تانيه
:s (43):

[Iemy]

مرحبا من جديد ashrafo



والفرند والدم والوشم



المسيار والعرفي بعرفه بس هدول ماعرفتهم ؟!!!



هاا شوو يـــا ايمي لسه بدك كماان مواضيع .. :wacko: ..!



لا خيو هيك وكفاية أنت طلعت القديم والجديد ماخليت شي من فساد حاصل إلا وشاغل حالك فيه ههههه
بس برافو عليك والله :icon31:



وبالنسبة للموضوع الاية القرآنية في سورة البقرة ..


هادي إلي رجعه عشانها لأنه حاسه في شوية لخبطة بفهم الآية

وشكرا

[صاحبة القلم الحزين]

يسلموو حبيبتي على هالموضوع

أنا برأيي انه رب العالمين خلقنا على فطرة معينة

و الحب طبيعة بين البشر و شي مش بايدي و لا بايدك

بس دوري و دورك بيجي هون كيف بدنا نتعامل مع مشاعرنا

و كيف بدنا نتحكم بتصرفاتنا بحيث انه هالمشاعر ما تأثر على التصرفات

يعني مش معقول انه الاسلام يحرم شي الله فطرنا عليه

و نحنا مش محاسبين على مشاعرنا

نحنا محاسبين على اعمالنا و أخطائنا اذا اخطأنا بسبب هالمشاعر

بس شو هالجملة

انو يجوز للرجل المواعدة سرا للمرأة اللي بدو يتجوزها بمعنى آخر الخلوة بها لكن من غير ما يعمل شي فقط لمجرد المقابلة والكلام لا اكثر..

يعني القرآن شرع المواعده شرا لكن بضوابط معينة والحذر من الخطأ .. وحتى اذا وقع الخطأ فإن الله كما في الاية غفوور رحيم..



مين قال انه يجوز

يا ريت يا اخي تجيبلنا دليل على حكيك

و شكرا

[ashrafo]

مسا الخير ايمـــــي ،، مسا الخيـــر صاحبة القلم الحزيـــــن ،،،

والله معك حق انا شاغل حالي في هيك مشاكل كتير لكن غصب عني انا بحب اناقش واجادل لحد اللي بتحاور معي يا خليني اقتنع او اقنعو انا .. غير هيك مافي..!!
وكمان عندي اصدقاء بيدرسوا وبيشتغلوا في دوائر حكومية اجتماعية حساسه عشان هيك عندي ما يكفي من مواضيع ومشاكل المجتمع البشري..
المهم عنا في الدول العربية انا قرأت تقرير صادر من مؤسسة على ما اعتقد مؤسسة الازهر للبحث والتحري الارشادي وفي هاد التقرير موجود فيه انواع التخبيصاااات في كل ما يتعلق بجوانب الحياة كل الطوائف اللي عايشة تقريبا في مصر ..
وطبعا بالنسبة للزواج وانواعه في هاي الانواع اللي انا قرأتها وهي:
الفرند : هو حسب ما بفتكر وانشالله راح انزلوا موضعو خاص عالمنتدى ،، وهو يكتمل فيه اهم شرط وركن للزواج وهو في شهود من اولياء امور الطرفين وهو كامل لكن تسقط فيه حق النفقة ، وهاد الزواج بيكثر فيه الشباب والطلاب اللي بعيشوا خارج اوطانهم الاسلامية العربيه .
طبعا خوف من وقوع المحظور الديني ،،ويشمل انهم بعيشوا اذا اتفقوا ما بعد الجامعه انهم يسكنوا في احد منازل الابوين حتى كل واحد يوئمن وظيفة وراتب صالح للحياة وبعد هيك بيسكنوا في بيت يجمعهم خاص فيهم ..
وهاد تقريبا موافق عليه لكن تحتو اكتر من خط .!
والتاني: زواج الدم : وهاد انا مستغرب منو وبضحك كمان ،، بحيث يأتي الرجل والمرأة كل واحد يجيب اصبعه الابهام ويجيب معاه مشرط ويجرح اصبعو واصبعها ويخلطو الدم وبكون هيك متجوزين على سنة الله ورسووله شي غرييب ..!
والتالت: زواج الكاسيت طبعا كمان بيجي الرجل والبنت وكل واحد بيحكي بصوتوا اني زوجتك نفسي امام الله وووالخ.....
وهيك بيتم الزواج ..!!
والرابع : زواج الوشم ، كمان بروحوا عند واحد وشام بيوشم على ما اعتقد على كتفهم الايمن او عند جهة القلب على ما افتكر اسم كل واحد فيهم وهيك ايضا بتم الزوااج .!! مع بعض الكلمات المعتمدة للزواج .!
وكماان في نوع على نوع الطيور اذا جمعوهم مع بعض يعني هيك عقدوا عقد الزواج ولكن هاد مو منتشر عندنا ابدا ..! وفي انواع مو مفتكرها مزبووط ..

هلا دوور صاحبة القلم الحزين ..!:icon9:

والله ياختي العزيزة هااد الكلام مو كلاامي انا شخصيا ابدا انا زيك كمان مستغرب من تفسيرات هادي الآية الكل عم بيفتي شكل ،، مرة الازهر بيفتي بطريقة غير مفهومة وبيرجع عن قرار الفتوة اللي اصدرها ،، وعنا في السعوودية المذهب الوهابي و الحنبلي تفسيرهم كتووم كتير ومو مفهوم وقيسي على ذلك كل المذاهب في وطنا ..!!
انا سألت دكتور الشريعة عنا في الجامعة وهو انسان كتييير حبوووب ومتفهم بعد ابتساامة عريضة مالها داااعي هههههههه .. حكالي اسألك بالله انك ما تسألني هذا السؤال ,, وفعلا ما سألتوا ولا سألت غيروا ، لكن ولا يهمك كلها ايام وراح اجيب تفسيرها المزبووط فعلا مدعم بالأدلــــــــــة ..!!

وكمان يا ايمي مو انت بس اللي مخربطة في فهمها ،، يعني عفوا احنا ما بنكون عند بعض مشايخنا وعلمائنا قداهم بشيء احنا فين وهما فين وحتى الشيوخ محتارين فيها..!!

وشكرا إلكــــــــــــــــــم جزيل الشكر والى الامام انشاالله

[Iemy]

وطبعا بالنسبة للزواج وانواعه في هاي الانواع اللي انا قرأتها وهي:
الفرند : هو حسب ما بفتكر وانشالله راح انزلوا موضعو خاص عالمنتدى ،، وهو يكتمل فيه اهم شرط وركن للزواج وهو في شهود من اولياء امور الطرفين وهو كامل لكن تسقط فيه حق النفقة ، وهاد الزواج بيكثر فيه الشباب والطلاب اللي بعيشوا خارج اوطانهم الاسلامية العربيه .
طبعا خوف من وقوع المحظور الديني ،،ويشمل انهم بعيشوا اذا اتفقوا ما بعد الجامعه انهم يسكنوا في احد منازل الابوين حتى كل واحد يوئمن وظيفة وراتب صالح للحياة وبعد هيك بيسكنوا في بيت يجمعهم خاص فيهم ..
وهاد تقريبا موافق عليه لكن تحتو اكتر من خط .!
والتاني: زواج الدم : وهاد انا مستغرب منو وبضحك كمان ،، بحيث يأتي الرجل والمرأة كل واحد يجيب اصبعه الابهام ويجيب معاه مشرط ويجرح اصبعو واصبعها ويخلطو الدم وبكون هيك متجوزين على سنة الله ورسووله شي غرييب ..!
والتالت: زواج الكاسيت طبعا كمان بيجي الرجل والبنت وكل واحد بيحكي بصوتوا اني زوجتك نفسي امام الله وووالخ.....
وهيك بيتم الزواج ..!!
والرابع : زواج الوشم ، كمان بروحوا عند واحد وشام بيوشم على ما اعتقد على كتفهم الايمن او عند جهة القلب على ما افتكر اسم كل واحد فيهم وهيك ايضا بتم الزوااج .!! مع بعض الكلمات المعتمدة للزواج .!
وكماان في نوع على نوع الطيور اذا جمعوهم مع بعض يعني هيك عقدوا عقد الزواج ولكن هاد مو منتشر عندنا ابدا ..! وفي انواع مو مفتكرها مزبووط ..



ومنكم نستفيد خيووو هههههه
بس بجد و من يعش رجبا يرى عجبا


والله ياختي العزيزة هااد الكلام مو كلاامي انا شخصيا ابدا انا زيك كمان مستغرب من تفسيرات هادي الآية الكل عم بيفتي شكل ،، مرة الازهر بيفتي بطريقة غير مفهومة وبيرجع عن قرار الفتوة اللي اصدرها ،، وعنا في السعوودية المذهب الوهابي و الحنبلي تفسيرهم كتووم كتير ومو مفهوم وقيسي على ذلك كل المذاهب في وطنا ..!!
انا سألت دكتور الشريعة عنا في الجامعة وهو انسان كتييير حبوووب ومتفهم بعد ابتساامة عريضة مالها داااعي هههههههه .. حكالي اسألك بالله انك ما تسألني هذا السؤال ,, وفعلا ما سألتوا ولا سألت غيروا ، لكن ولا يهمك كلها ايام وراح اجيب تفسيرها المزبووط فعلا مدعم بالأدلــــــــــة ..!!

وكمان يا ايمي مو انت بس اللي مخربطة في فهمها ،، يعني عفوا احنا ما بنكون عند بعض مشايخنا وعلمائنا قداهم بشيء احنا فين وهما فين وحتى الشيوخ محتارين فيها..!!



أنا مستغربة كل هالغموض والحيرة حول تفسير الآية لأنها واضحه في كل كتب التفسير وكمان نحنا درسناها في كتب الفقه الإسلامي وإليك تفسيرها منقول من كتاب تيسير الكريم الرحمن في تفسير كلام المنان

يتبع

[Iemy]

تفسير لآية من سورة البقرة نقلا عن كتاب تيسير الكريم الرحمن في تفسير كلام المنان

(ولا جناح عليكم فيما عرضتم به من خطبة النساء أو أكننتم في أنفسكم علم الله أنكم ستذكرونهن ولكن لا تواعدوهن سراً إلا أن تقولوا قولاً معروفاً ولا تعزموا عقدة النكاح حتى يبلغ الكتاب أجله واعلموا أن الله يعلم ما في أنفسكم فاحذروه واعلموا أن الله غفور حليم)
آية رقم 235 من سورة البقرة
هذا حكم المعتده من وفاة, أو المبانة في الحياة , فيحرم على غير مبينها أن يصرح لها في الخطبة, وهو المراد بقولة ( ولكن لا تواعدوهن سراً) وأما التعريض فقد أسقط تعالى فيه الجناح.
والفرق بينهما أن التصريح لا يحتمل غير النكاح, فلهذا حرم خوفاً من استعجالها , وكذبها في انقضاء عدتها رغبة في النكاح, ففيه دلالة على منع وسائل الحرام , وقضاء لحق زوجها الأول بعدم مواعدتها لغيره مدة عدتها.
وأما التعريض وهو الذي يحتمل النكاح وغيره , فهو جائز للبائن, كأن يقول لها : أني أريد التزوج, وإني أحب أن تشاوريني عند انقضاء عدتك, ونحو ذلك , فهذا جائز لأنه ليس بمنزلة الصريح, وفي النفوس داع قوي إليه.
وكذلك إضمار الإنسان في نفسه أن يتزوج من هي في عدتها إذا انقضت, ولهذا قال (أو أكننتم في أنفسكم, علم الله أنكم ستذكرونهن) هذا التفصيل كله في مقدمات العقد.
وأما عقد النكاح فلا يحل (حتى يبلغ الكتاب أجله ) أي نتقضي العدة.