عندك ضمير؟؟بتحس فيه؟؟طيب ليش غيرنا ظالم؟؟؟

[حورية الحريّة]

ليش احيانا بنشعر بالذنب مع انو بنكون مش غلطانين
يعني اذا حد بيزعل منك ....مو بالعمدا بنشعر بالذنب و بنفس الوقت ما بتقدر تصالح الشخص
اذا انت معك حق و الشخص التاني غلطان بنشعر احيانا بذنب قاتل مميت
بس ليش كمان احيانا انت بتشعر بضميرك ....بس غيرك ضميرهم ميت؟؟مين بيعيش مرتاح اكتر؟؟؟؟
عمرك تمنيت ضميرك يموت؟؟؟
مو بيحكو احلا اشي تنام و ضميرك مرتاح....هل قتل الضمير راحة أبدية له؟؟؟هل هنالك اوقات لازم نتجرد فيها من الضمير و الانسانية لنتعامل مع ناس فقدو هاي الصفات كمان؟؟؟
ليش احيانا كتير بنحس انو الضمير ظالم؟؟سجن و نفسنا نهرب منو؟؟؟مش قتلو أحسن و نخلص منو؟؟؟


http://www.files.shabab.ps/vb/imagestore/2/21647.imgcache.jpg

[صاحبة القلم الحزين]

نقتل ضميرنا؟!

حرام عليكي يا بنتي

الضمير

أو بالأحرى الوازع الديني و الانساني اللي جواتنا

من أكبر النعم اللي الله انعمها علينا

و هي يللي بتعطي للانسان صفة الانسانية

احكيلي كيف ممكن يعيش الانسان بدون ضمير!؟

بدون ضمير يعني بدون رحمة... بدون انسانية... بدون رادع داخلي

أنا بالنسبة الي

الضمير = الوازع الديني الانساني

و لو راحوا هالشغلات من الانسان ببطل انسان

بيصير وحش او يمكن من البهائم

يغلط و يجرح و يقتل بدون ما يحس انه عمل شي

و صدقيني

بالرغم من الوجع اللي بسببلك اياه ضميرك

و بالرغم من شعورك القاتل بالذنب احيانا

الا انك لولاه و لا شي

****

مشكورة حبيبتي حورية الحرية

على هالطرح الرائع

الله يرضى عنك و يبارك فيكي يا رب

[حورية الحريّة]

صح اختي
بس احيانا اذا كان عندك ضمير حيضيعك
يعني في أشخاص لازم تقتلي الضمير الي فيكي حتى تقدري تتعاملي معهم
خلينا على مثال عالمي
شوفي اسرائيل...نتعامل معها بضمير؟؟طيب مهي قتلت ضميرها...و احنا بضميرنا ما بنقدر عليها شو رأيك..........
الضمير وازع ديني و رقابة داخلية بس لنفسك...يعني غيرك احيانا ما بيهتم
مشكورة كتير على رأيك

[القلب الطيب]

أولا مشكورة اخت حورية الحرية على الموضوع
ثانيا كيف اختي نقتل ضميرنا
اصلا الانسان ما بيعيش الا لما يبقي ضميره حي
يشارك الناس في افراحهم واحزانهم
يقابل الاساءةة بالحسنة
فإذا مات الضمير مات احساس الانسان

[Banbon]

الضمير اليقظ .... صفه كتير حلوه و مهمه لكل انسان ...
لانه بتخليه يراجع نفسه و يحس بأخطائه و يحاول يتجنب عملالخطأ و يتراجع عنه اذا عمله ...
الضمير مو سجن .... لانه لو كان الشي مو غلط ... ما رح يأنبنا أبداً ...و هاد شي أكييييد

ممممممم أغلب الناس ضميرهم نايم و بسابع نومه هاليومين ^_*

شكراً عالمووضوع الحلو .... مميز ..

[حورية الحريّة]

بس لسا بدي حد يحكيلي عن الي قتلو ضميرهم...........مستحيييييل نقدر نتعامل معهم بضمير بإحساس طيب شو نعمل يعني؟؟؟؟؟؟؟؟؟

[زكرياء]

ما من انسان على وجه الخليقة , لا يملك ضميرا
غير أن البعض فقط استطاع ترويض هدا الضلم لرضى الرب
في حين الباقي ,ضميرهم من روضهم لرضى العبد

لكن الضلم لا علاقه له بالضمير
الضلم احيانا قصاص لأنفسنا
"و لكم في القصاص حياة يا أولو الألباب"
و الضلم أحيانا رد اعتبار
و أحيانا تطبيق ل
"السن بالسن و البادئ أضلم"

[حورية الحريّة]

و هون بتكمن المصيبة.......الظلم
شكرا عالمرور