سؤال صريح للشباب..ارجو منهم الدخول وبسرعه!هام جدا [الأرشيف]

مشاهدة النسخة كاملة : سؤال صريح للشباب..ارجو منهم الدخول وبسرعه!هام جدا

اسيرة النجوم

04-13-2007, 05:16 PM

اخواني اتمنى منكم ان تجيبوني على سؤال وجيه
سؤال اتمنى من الجميع المشاركة فيه
شباب
هل تفضلون الزواج بفتاة موظفه؟ ام تفضلونها ربة بيت؟
وفي اي اختيار علل جوابك

وانتم بنات ما ظنكم في الشباب
مادا تظنون شباب هذا الجيل يفضلون؟ هل الفتاة الموظفه ام ربة بيت؟

واكون مشكورة لكم
بانتظار ارائكم

طوني ابو جوده

04-13-2007, 07:41 PM

موضوع بغاية القوه والاهميه : انا اجد الامور انقلبت راسا على عقب .. كنت ارى ان الشباب لا تبحث عن من تحمل الوظيقه و هم بحاجه ماسه لربة البيت المثقفه المتعلمه كي تخرج جيل بناء مثقف ... فقد انقلبت الايه راسا على عقب اني اجد الان الاصدقاء جميعا دون استثناء يريدون من يساعدهم على الحياه الزوجيه فلا يحبذون الا الزواج من موظفه .. اما رايي اجد ان الزواج من الموظقه هي الطريق الانسب لبناء اسره مكتمله بظروف صعبه ... حتى لو حصل
شيئ للزوج .. فتكون قادره على استمرارية الحياه.. ذلك لمن لا يملك اصول ماديه ..

جيفارا*نابلس

04-13-2007, 08:09 PM

انا بفضل الموظفه

اول شي لانها متعلمه

ورح اكون مطمن على مستقبل اولادي

مارح اتعب في تعليمهم لوحدي

وتاني شي ماحد بيعرف شو مخبي الزمن

ممكن نتساعد انا وهي على تحقيق احلامنا

طبعا براحتها

شكرا الموضوع رائع جدا

lnosh

04-13-2007, 08:21 PM

أنا برأي الشباب يحبوا الموظفة أكيد ...
و هو طبعا الافضل انها تكون موظفة لانو الحياة الزوجية مشاركة من الطرفين
و بيساعدوا بعض في ها الحياة الصعبة . وبعدين الموظفة بتكون متعلمة و فاهمة بتعرف كيف تعيش وتتعايش مع زوجها و ابنائها

أحلى مايا

04-13-2007, 10:22 PM

والله انا برايي انو الشباب بحبو الموظفة وخاصة هون بالامارات مو موظفة بس لازم تكون معها شهادة جامعية على اساس تساعدو وعلى اساس انو متعلمة وممكن تفهمو اكتر من الي مو متعلمة

يسلمو الك

نبض الأقصى

04-13-2007, 10:38 PM

بسم الله الرحمن الرحيم
أنا برأيي و بشوف أنه الشباب بفضلوا الزواج من وحدة موظفة وهيك أحسن حتى تستطيع أن تساعد ابنائه في الدراسة وايضاً في التربية ولا يعني ذلك ان الفتاة الغير متعلمة لا تصلح لتربية الابناء

Banbon

04-13-2007, 11:03 PM

بهالوقت أعتقد انه الشباب بفضلوا اللي بتشتغل ....
حتى البنت ..هلأ طبيعي انها تفضل الشغل عن القعده بالبيت
أول شي
... نمط الحياة تغير ...و الطبخ و ترباية الولاد لوحدها بطلت طموح أغلب البنات ....
و تاني شي ...
هلأ الظروف صعبه كتير .... و ايد وحده ما بتسقف ... ((( الله يستر لقدام ...يمكن ندفع حق الهوا كمان ))))
يعني .... راتب واحد .... ما بكفي ..
على القليله ...بتطلع مصروفها ...بلا ما تقعد تستنى لحتى السيد جوزها يتكرم و يعطيها ^_* هههه

شكراً عالموضوع .....

حورية الحريّة

04-14-2007, 09:18 AM

ممكن بيفضلو الي بتشتغل بس مش الكل
لأنو البعض بيحس انو غلط عمل البنت و خاصة المتزوجة في أماكن عامة كموظفة و غيرها
بس لو انا شاب كان اخترت بنت متعلمة حاملة شهادة بحيث انو لو الزمان مخبي بلاوي لا سمح الله وقتها ووقت الحرج تقدر تشتغل و تساعد........
مشكورة على الطرح الحلو

نهال

04-14-2007, 09:42 AM

في ها الزمن اللي بتشتغل ومش الكل طبعا بس اغلب الشباب
وهاد طبعا في نظري افضل للمتزوجين ولتربية ابناءهم :)
وشكرا اسيرة على الموضوع

شمس العروبة

04-14-2007, 11:24 AM

متهيالى ان الزوجة مكانها الطبيعى فى البيت

لتربية اولادها ورعاية شؤون بيتها

واكيد معظم الرجالة بيفضلوا الزوجة تكون ربة منزل

لحن الحياة الفلسطيني

04-14-2007, 02:19 PM

السلام عليكم فعلا سؤال مهم
انا بالنسبة لى انا عاوزها ربة بيت
ويا جماعة ربة البيت مو معنها انها مش متعلمة
معظم ربات البيوت متعلمات فى وقتنا الحالى
يعنى هم بتزوجوا اما بيكونوا بيدرسوا فى الجامعة او فى مرحلة الثانيوى
من وجهة نظرى الموظفة وربة البيت الهم ايجابيات
بس انا مقتنع فى ربة البيت
ممكن الموظفة ما تدى حق الاولاد كامل
من رعاية ومتابعة وتغدية
وحجات كتير
وشكرا ليكي اسيرة على الموضوع الجميل ده
مع تحياتي
لحن الحياة الفلسطيني

حوارى الخلود

04-14-2007, 02:39 PM

اكيد الشباب اليوم ببحثوا عن الزوجة الموظفة ام المتعلمة
لكى تعينه على اعباء الحياة
فالحياة صعبة لا ترحم
فتحتاج الحياة الى مساندتهما لبعضهما البعض لبناء الاسرة وتحمل مسؤولياتها الجسيمة
وكذلك هى حتكون ربة بيت
يعنى
ما فى فرق
بل الاحسن انها تكون موظفة
فالشباب اليوم مو لاقيين وظايف
الله يكون فى عونهم وعوننا

نور الهدى

04-14-2007, 04:16 PM

السلام عليكم و رحمة الله و بركاته

بارك الله فيك اختي لطرح الموضوع ^^

في نظري مكان المراة هو بيتها حتى لو كانت متعلمة ... و الي بفضل المراة الموظفة على الغير موظفة رح ييجي يوم و يندم فيه ...

لانها ما رح تقدر توفق بين بيتها و اولادها و زوجها و شغلها ... حتى لو ساعدها زوجها <<<< امر مستبعد جدا جدا جدا :icon11:

و ان وفقت فهي حتكون خسرت صحتها و جهدها و قربها من اولادها .

هالحكي ما بحكيه ع الفاضي لاني عايشته و شفته في امي الي كانت تشتغل كمدرسة ...

ما في احسن من ربة بيت بتهتم بس ببيتها و زوجها و اولادها ... لانها لما رح تشتغل ما رح تقدر تقرب كتير من اولادها و معظم وقتها في الشغل ... و هادا اله تاثير كبير ع الاولاد ... انا بتزكر لما كنت طفلة و امي في الشغل كنت بحس بفراغ كبير و حزن شديد لما ارجع للبيت من المدرسة و ما بلاقي امي في البيت بس عشان الشغل ... بينما زملائي كلهم برجعوا ليرتموا في احضان امهاتهم ...

و الله ما عمت البلوى الا بخروج المراة من بيتها للشغل ... صحيح انه بجوز انها تشتغل للضرورة ... بس الاغلب بشتغلوا للكماليات الي اي انسان في غنى عنها ...

رح تحكو طب ليش تدرس في هالحالة ازا اصلا ما رح تشتغل ؟

اقول انها تدرس لتفيد اولادها حتى تنشأ اسر متوازنة واعية و مثقفة ... هادا هو الهدف من التعليم ... مش الوظيفة و بس !!

في الاخير اتمنى يرجع التوازن لاسرنا و الحكم بشرع الله تعالى ...

و بارك الله فيك ^^

جيفارا*نابلس

04-14-2007, 04:33 PM

انا بقول كلام نور هو الصح 100 بالميه

قسامي غزة

04-14-2007, 05:56 PM

شو بشوف الكل مجمع علي انوا الشباب يفضل يتزوج الموظفات
بس انا اختلف في رايكم
انا لا افضل الموظفة اطلاقا اطلاقا
طبعا ليش
لانوا صعب المراه انها توفق بين شغلها وبيتها طبعا لانها بتظل قريب العصر وهي في الشغل
وبعد هيك تيجي تعبانة من الشغل ولسا بدها تعمل اكل و من امور البيت
وطبعا انا افضل المتعلمة طبعابس ليست موظفة
يمكن انا اقتنعت بهاد الفكرة من الي قبلي الي اخواتي الاتنين متزوجين موظفات وياعيني علي الموظفات
انا حتي اهلي بيحكولي بدنا نزوجك موظفة وانا رافض بشكل تام
وطبعا انا مقتنع بهاد الفكرة جدا
يمكن انتوا تتخالفوا مع رايي بس انا اتخذت رايي عن تجربة
مشكورة اختي علي سؤالك

اسيرة النجوم

04-14-2007, 07:36 PM

نعم انا موافقاكم
انو المرأه ما الها غير بيتها
بس بشرط تكون متعلمه مشان تفيد اولادها
وهدا ما قمتم بدكرة
ولكن ما رايكم يا شباب هل ادا كانت زوجتكم موظفه
هل سترحمونها ان هي لم تقم بشي عمل في البيت؟
هل ستقومون بمساعدتها في البيت متلما هي تساعدكم في الخارج؟
بعتقد انو قليل متل هيك رجال
لانو اول ماراح يجي راح يدور على الاكل وادا ما لقاه يا ويلها منو
وادا طلبت منو يساعدها اكيد راح يرد ويقول انا تعبان
سبحان الله كانها هي الليمو بتتعب
وهل تعتبرون ان المراه الموظفه هي دائما ناجحه بحكم انها استطاعت ان توفق بين البيت والشغل؟
انا بالنسبه الي بقول انو نجاح نسبي لأنو ابنائها اكيد راح يستفقدوا جانب مهم لعدم وجوده في البيت
اتمنى تتمة النقاش
ومشكورين اخواني اللي ردو علي
وبلاحظ انو الاكتر بيفضلو المراة الموظفه
دمتم بسلام

قسامي غزة

04-14-2007, 08:15 PM

وهل تعتبرون ان المراه الموظفه هي دائما ناجحه بحكم انها استطاعت ان توفق بين البيت والشغل؟

لالالالالالالالالالالالالالالا لا
اختي ممكن تكون المراة الموظفة ناجحة في عملها ولكن سوق تكون فاشلة في بيتها
وبعدين نسيت اذكر انوا في فترة غياب الزوجة عن البيت الاب هوا الي بيكون بيقوم باعمال البيت من غسيل وطبيخ ورعاية الاولاد وما الي ذلك من اعمال
انا لا اؤيد الموظفات ابدا

صاحبة القلم الحزين

04-14-2007, 09:33 PM

أولاً

مشكورة حبيبتي أسيرة النجوم على هالموضوع الحلو و المهم

و تانياً

أنا شايفة إنه رأي نور 100%

عنجد ما شاء الله كلامها كتير متوازن

و طبعا أنا بفضل انه المرأة تكون لبيتها

و تهتم ببيتها و بزوجها أحسنلها ألف مرة من الشغل

لولو اليبناوية

04-14-2007, 09:36 PM

والله موضوع حلو...

اكيد انا عني لو شب راح افضل انها اتكون متعلمة جامعة..

وبحيث اذا كان الزوج وضعو المادي مش منيح...انها تساعدو..

وبهاي الحالة بس بحبذ لانها تشتغل...

لكن فعلا غير هيك...لأ

لانو المرأة راح تتفرغ لبيتها اكتر من لما اتكون موظفة..

راح يكون فوق طاقتها لما تجمع بين الوظيفة والبيت...

وانا عني... ما بتمنى اشتغل ^^

أبو معاذ

04-14-2007, 09:40 PM

بفـــــــــضل البنت اللي مخلصة جامعـــــــــة ..

ولكن .. لما تكون متعلمة وغير موضفة بيكون أحسن ..

وإزا كان البنت موظفــــــــة ما في مشكلة ولكن تكون الوظيفــــــــــة ملائمة للأخوات ..

هـــــــــــــاد بتصوري ..

والحكي في هاد المجال كتير ..

أكتفي بما ذكرته ...

مشكـــــــــورة أسيـــــــــرة النجومـ ..

سيد الظلام

04-14-2007, 10:17 PM

اعتقد انه اللي بتزوج واحدة مشان الفلوس وغيره بكون متخلف وجاهل

اساسا الرسول صلى الله عليه وسلم اوصى ان تكون هناك خادمة للمراة بالبيت وهذا حقها ...فانا اروح اخليها

تشتغل ؟؟ هذا عجب

اولا انا ما بفرق معي موظفة ولا لا .............. بهمني تكون على خلق وطيبة وذكية ودلوووووعة ههههههههههه

ويسلمو اختي اسيرة على الموضوع الطيب

عاشق البندقية

04-14-2007, 11:00 PM

ههههههههههههههههههه

بيطلعلك والله يا سيد..

بس اختي عنا مثل بيقول بما معناة انو البيت للمرة مش للراجل..

يعني الرجل لما يشتري البيت بيكون للست لانو شغلتها هاي..

بس عشان متطلبات الحياة هدي الايام ..

مرات الرجل بيختار المرة الله تساعدة بالامور المادية وهاد مش غلط

اسيرة النجوم

10-18-2007, 01:40 AM

مشكورين اخواني

بنت فلسطين المجروحة

10-18-2007, 04:31 AM