لا استطيع!!!!!!!!!!!!!!!!!!!!

[جيفارا*نابلس]

لا استطيع

كم رددتها وقلتها بأعلى صوتي

وكم حبستها داخلي كي اقتلها

لكن دون جدوى


لا استطيع ان انسى الماضي

حياتي متعلقه به تعلقا غريبا

لم اكتب هنا لمجرد الهروب او لشي انما لكي ارى ان كان هناك احد يستطيع

لا ادري ماذا يستطيع ولكن رب كلمه تنسي كل شي

انا انسان لدي ماضي احاول الهرول منه بشتى الوسائل والطرق

ولكن ايضا دون جدوى

في بلدي

اصدقائي اهلي يتناسون وفي حال غضب يذكرون ذاك الماضي امامي

ويجن جنوني لتقليب صفحات كم اتمنى ان تحرق من ذاكرتهم قبل ذاكرتي

هربت خارجا

ووجدت ان كل طريق كل نسمه هواء تذكرني بشيء اريد ان اتناساه تماما او اغير ماهو حاصل

ربما لم تفهم شيء مما قلته

او اذا كنت قد فهمت




ربما ايضا انت لا تستطيع

رسم طريق النسيان



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟:b: :icon9:

[نور الهدى]

والله انا ما بعرف اي مشكلة بتواجهها بعني من اي جهة ؟؟؟

الموضوع غامض بعض الشيء

حبذا لو توضح اكتر ^^

يعني ما تحكي بالالغاز عشان افهم ... الموضوع يظهرلي مهم ^^

بارك الله فيك

[المسلمممه]

عادي وانت ليش تهتم بناس راح يموتون في يوم من الايام وراح ينحشرون بارض المحشر...

خلي عندك ثقه بنفسك شويه...والله المستعان..

[جيفارا*نابلس]

مافهمتو علي

انا الي بدي القى طريقه اهرب فيها من الماضييييييييييييييييييييييييي يييي

[اسيرة النجوم]

بص يا اخي انت اكيد الماضي متعبك اكتير
واكيد متل ما قلت كل شي بيفكر بالماضي
وانا ما بدي اعرف ادا كان هاد الماضي حلو ولا سيء
ولكن يا اخي كلنا نعيش المعاناة
ماضي وماضيك وماضي الناس كلهم قد يكون السبب في تدميرنا
ولا نستطيع نسيانه
لاننا تعلمنا النسيان في كل الامور
الا الامور الي بنتمنى نسيانها للاسف ما بننساها
يمكن لانك لسه في نفس مكان الماضي
ويمكن لانك مع نفس الناس الدين كانو معك ساعتها
بس انت في الاخير انسان
والانسان اكيد ماراح يتحمل الظلم لنفسو
وانت بتظلم نفسك لما بتفكر في الماضي الاليم
مشان هيك يا اخي حاول تقعد مع حالك شي ساعه او ساعتين
حاول تتدكر كل الماضي الاليم
افتكر كل شي
افتكر الحلوة والمرة فيه
راح تتعب اكيد
راح تتعدب كمان اكيد
ولكن بعد ان تتدكر كل شي
خد عهد بينك وبين نفسك في هديك اللحظه وحاول تتدكر الشي اللي حصل
والي ممكن ينقصلك شوي من نار العداب
وبعديها امسح كل داكرتك وان لم تستطع
وحاول اقناع نفسك بانك قوي على مسحها وانه فعلا مسحتها
وحاول ان تظهر انك قوي
وصدقني قوتك تلك ستنعكس على تعاملك مع الناس الدين يدكرونك دايما بالماضي
وكلما تجد نفسك ضعفت اقنع داتك انك قوي وانك قدها وقدود
ويا اخي جيفارا انا من هلا بقنعك انت اقوى من انك تضعف لماضي ظالم
انت قوي انت جبل ما بيهزك ريح
ويلا بتمنى تنسا الماضي متل ما نسيتو أنا والله يعينك يا رب

[قسامي غزة]

اخي الكريم
الماضي شي من حياتنا
وصعب ننسي الماضي
بس مع الزمن ممكن ننساه

[هنا]

لا اسطتيع
انا كمان لا استطيع نسيان الماضي

ولكن احاول دون توقف ولا تردد

اخي العزيز از كان هناك شيئ لا تستطيع نسيانو صدقني ما يستاهل شي من حرئت دمك

ولا من هزت بدنك

حاول ولا تيئس حاول ولا تهرب با العكس اثبت لنفسك انك اقوى من اي شيئ

ادخل وصارع الماضي بكل شجاعة

ونحن معك انشاء اللة از فشلت

تحياتي لك اخي العزيز

[جيفارا*نابلس]

شكرا الكم

وخاصه اختي اسيرة النجوم

بس المشكله انه اقرب الناس لي

اذا حدث بيني وبينه شي مشكله بسيطه

بيسردلي كل الماضي

وبصراحه هاي نقطة ضعفي

[حورية الحريّة]

لكل انسان ماضي مؤلم او مفرح
بس ما دامو ماضي و ماضي ليش ما ننظرلو نظرة ايجابية؟.......لأانو شو ما بتعمل الماضي عمرو ما حيتغير بس ممكن تخدم المستقبل بدروس من الماضي
اخي الي فات مات.......و الهم بيقتل.......و شوف الكأس نص مليان مو نص فاضي و شوف أحلا ايام الماضي و حتى لو كان يوم من بين ميت الف يوم......بيضل يوم حلو من الماضي .....صح؟؟!!!!
و النسيان نعمة من الله
لأنو لو الانسان تذكر كل مصيبة بحياتو كان بيموت من تذكرها.......شو ف لوخيروك..تتذكر كل زغيرة و كبيرة بحياتك ولا تنسى متل كل الناس و تكمل حياتك؟؟شو حتختار؟؟

[جيفارا*نابلس]

شكرا الك حوريه

بس انا شب مو بنت

[اسيرة النجوم]

شكرا الكم

وخاصه اختي اسيرة النجوم

بس المشكله انه اقرب الناس لي

اذا حدث بيني وبينه شي مشكله بسيطه

بيسردلي كل الماضي

وبصراحه هاي نقطة ضعفي

والله احيانا بيآدونه اقرب الناس الينا
وما بيحسو
بس والله لو كانو عن جد قريبين وعارفينا انو بنتالم من هالماضي اللي دايما بيفكرونه بيه
ما كانوا ابدا رجعوا حيوه
بس الله يسامحهم
اخي جيفارا حاول ان تقنع هدا الشخص القريب
قلو انك بتتعدب من هالكلام
وحاول تقنعو بانو بيظلمك لما بيدكرك بشي انت ما بدك تسمعو
قلو انو القريب هو اللي بيعين قريبو وقت الاحتياج
هو اللي بينسيه الالم والعداب مويألموويحسسو انو طريد الماضي والهوان
احكيه وخليه يحس بيك وباللي يفرحك مو يعدبك
وادا ما اهتم فيك فاخي وكل امرك لربنا وحسسو انو انت مبقاش يهمك
هو عشان بيشوفك بتتعدب بيحب يفتحلك الجراح دائما
فوريه قوتك وانو انت ما بيهمك
واتمنى لك التوفيق والنسيان اخي جيفارا نابلس

[جيفارا*نابلس]

اسيره المشكله

ان الموضوع يذكر بطريقه الاستفزاز

يعني انا مع هذا الشخص نختلف كليا بالافكار

دائما على خلاف

ولكن نكن لبعضنا الحمد لله كل الحب

ولكن هو احيانا من باب الاستفزاز يذكرني بماض كم المني

وشكرا الك مره اخرى

[حورية الحريّة]

ههههه
اسف يا جيفارا
هي غيرت جوابي لصيغة مذكر :)

[لولو اليبناوية]

مرحبا جيفارا...............

موضوع كتييير حلو والله......

جيفارا ما في حد ملاك...الانسان خطاء..وكلنا بنخطئ

كل انسان الو ماضي حلو بحب بضلو يستعيده بذاكرته ويحيه ..

وماضي سيء بتمنى يندثر وبحاول يتناساه وبسعى لانو ينسي الناس الي حواليه فيه..

هلأ يا جيفارا الكل الي بزكروك بماضيك الي ما بتحبو...همة الهم كمان ماضي ما بحبوه..

بعدين ليش يجن جنونك...ما تسمح لحد انو يضايقك..

ولو ما قدرت تسمحلهم...عادي هاد ماضي وكل انسان بتغير ما في حدا بضلو متل ما هوا..

سواء للاحسن او للاسوء...

بعدين يا جيفارا اثبتو بعلم النفس انو كل 5 سنين مصفيين...شخصية الانسان بتتغير كليا..

يعني انتا وعمرك 18 سنة...غير هلأ وانتا عمرك 32.........ب 180 درجة...

اقنع حالك انك تنسا...صدقني بتنسى..

جيفارا....خد هالنصيحة....:: ما تحاول انك تتزكر اي شي بضايقك وما بفيدك تذكره...

وكل ما تتزكر شي بضايقك ...على طول اتزكر شي مقابلة بسعدك...

[عبق الياسمين]

يا أخ جيفارا أذا أردت ان ينسى العالم ماضيك
فعليك بالحاضر افعل ما هو صحيح ومشرف ليس فقط للناس بل لنفسك
ان كنت قد اخطأت في الماضي فهذا ماضي لايمكن تغييره اما الحاضر والمستقبل فهو بيدك
انت وانت فقط تستطيع لن تقلب صفحاتك السوداء وتدفنها في ذاكرتك وذاكرة الاخرين وتفتح صفحة جديدة ومشرقة
وموضوعك هذا هو السطر الاول من هذه الصفحة, تلاحظ ردودنا كلنا شاركنا لان جميعنا اخطأ ويخطئ و الله تواب غفور مهما كان ذنبك انت الان الان غير مخطئ انت على صواب ثق بنفسك
وفققك الله اخي واتمنى ان يخلو كتاب حياتك من الصفحات السوداء

[جيفارا*نابلس]

شكرا الكم جميعا

عبق الياسمين منوره

لولو اليبناويه

الله لا يحرمنا منك

[طوني ابو جوده]

يسلمو يا جيفار على مشاركتك ولكن ...
اي ماضي تتكلم عنو .. اسمو ماضي مضى وانتها ودفن بقاروره معثثه .. المهم المستقبل فكر بماذا تريد ان تفعل للمستقبل ...الان علم السرعه والتكنولوجيااا والتقدم الفكري والثقافي والاجتماعي بعيد عن مسميات الماضي متجهاا بسرعه برق الحاضر .. ملما بامور الدين.. متباعداا عن الفكر الهدام .. متيقناا بالفكر البناء ... لا تنظر خلفك وسر بخطى واثقه ..

[جيفارا*نابلس]

طوني

تذكر اننا نحيا بمجتمع عربي

والمجتمع العربي

خلق ليعلق من لسانه

فكم هذا اللسان كان كالسوط

[طوني ابو جوده]

جيفارااا قوة شخصيتك تهدم كل معتقداتك ....وكل من يلوح بلسان الماضي منوط بالفشل ...اعمل وارسم خيوط حياتك وارسمها بريشه فنان .. وعش بفناء الحاضر والمستقبل واقبر اصحاب المجتمع الماضي والماضي سوياا ..واحذفهم من ذاكرتك وعش بفكرك ولا تعش بفكر المجتمع

[lnosh]

النسيان أصعب شي في الوجود ... اذا حاولت ان تنسي سوف تجد كل شي من حولك يذكرك فيما مضي..... لو نستطيع ان نمحو الماضي و الذكريات لعشنا من زمان...
تسلم جيفارا علي الكلمات الحلوة بجد كتير روووعة علي فكرة أنا اول مرة اقرأ الك موضوع بس ما بعرف انك مبدع هيك ..

[جيفارا*نابلس]

هلا لنوش الله يكرمك

[حنان16]

الماضي...
كيف ننساه؟؟
فالنسيان كلمة بسيطة
لكن تطبيقها اصعب من الصعوبة نفسها
اخي جيفارا
تعاني من الماضي
وتطلب الحل
ولكن ان قلت لك النسيان
فانا اخادعك
لانني ايظا اسير في دربك
في الظلمة الحالكة
فكيف انسى الماضي
اذا كان هو حاضري ومستقبلي
كيف انساه وكتابي قد اندثرت اوراقه معه
كيف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كيف انساه وهو معي في كل وقت
صدقوني لكي ننسى الماضي يجب ان ينسانا اولا
والنسيان مستحيل اذا كان ذلك الماضي جزءا منا
اذا كان ذلك الماضي هو المستقبل الذي خططنا له
ليغطي النسيان ذاك النقش الى ان تاتي الرياح
/
/
.
.
؟
مشكور اخي على الموضوع الرائع:s (43):

[جيفارا*نابلس]

شكرا حنان كلماتك انجزت بضع ما اريد

[نبض الأقصى]

بسم الله الرحمن الرحيم
الماضي جزء من الحاضر
فإن كان هذا الماضي صعب فأنه يعطي دفعة إلى الأمام
وإن كان مليء بالسعادة فهو بداية طريق إلى النجاح ومن ثم الرضى

[جيفارا*نابلس]

نبض القصى

كلامك يكفي لتهيئه جيش في حال الفزع

شكرا لك

[ابنة الشتات]

أخي جيفارا نابلس
الي رح أحكيه جمله مقتبسة من كتاب اسمه يمكنك ان تفعلها (you Can Do It!) وهو لكاتب اسمه بول حنا
فعلا من احلى الكتب الي قرأتها بحياتي

" نحن لا نستطيع تغيير ماضينا ... نحن لا نستطيع تغيير العالم من حولنا كل ما نستطيع تغييره هو كل ما يمكننا السيطرة عليه وهو اتجاهنا"

أخي ازا فهمت معنا هالجملة رح تتغير حياتك للأحسن ان شاء الله

[جيفارا*نابلس]

اكيد فهمت المعنى وانشالله رح اجيب الكتاب

[Iemy]

خيو
معلش شكلي جايه متأخر
بس لساني بحكني في عندي كلمتين لازم أحكيهم إزا مابتقل عليكم
خدلك هالدعاء
" ياودود ياذو العرش المجيد يافعال لما تريد أسألك بعزك الذي لا يرام وبملكك الذي لا يضام وبنورك الذي ملأ أركان عرشك أن - واطلب طلبك او مسألتك- يا مغيث أغثني يامغيث أغثني يامغيث أغثني "
بتصلي أربع ركعات ركعتين ركعتين وبتحكي هالدعاء في آخر سجده أو قبل ماتسلم
هاي بسموها صلاة الحاجه إزا سمعت فيها
ماصلاها مكروب أو غير مكروب إلا وفرج الله عنه بإذنه تعالى
الحمد الله لمن يكون عندي شي وأصليها والله برتااااح كتير بحس خلاص كل همي رميته على الله
طولت معلش
لكن لعل وعسى تستفيد
وشكرا

[نهال]

اخي جيفارا انا ممكن ما رح اقدر انصحك متل ما نصحوك هم بس عندي شي بدي احكيه الك
انه انت غلطتت واي انسان بيغلط وخير الخطاؤون التوابون وطالما انك ماشي في الطريق المستقيم فما يهمك من كلام حد
الناس هضل طول عمرها هتحكي ومش هتسكت وهيك هي الطبيعة واحنا لو ضلينا نسمع بكلام الناس حياتنا مش هتمشي وبصراحة يا اخي لو اقرب الناس الك هاد صاحبك فأنا بنصحك انك لا تحتك بيه كتير وحتى لو ما كان صاحبك اي حد
وبصراحة كمان هو لو كان بيحبك بصحيح ما كان كل شوي بذكرك بالعكس كان ساعدك على النسيان
وانا كتير بعتذر منك اذا غلطتت في حق ها القريب منك او زعلت لاني بحكي هيك بس بصراحة انا بحاول انصحك مش اكتر وانت ادرى بمصلحتك
شي تاني اخي اللي بتحكي عنه ماضي يعني خلاص راح وما رح يرجع فلشو تتعب نفسك وتحرق في اعصابك
انت ما رح تستفيد شي لو ضليت تتذكره
واسمحلي اقلك اني انا كمان لي ماضي مؤلم لكن الحمد لله بفضل الله تعالى نسيته
صحيح اني احيانا بتذكره بس نادر وسرعان ما احاول انساه
وفي النهاية بقلك كن مع الله ولا تبالي وادعيله انه ينسيك وانس الماضي وعش حياتك الحاضرة والمستقبلية من دون خوف الا من الله :)
واسفة على الاطالة وبرجو اني ما اكون جرحتك بشي
تحياتي

[ابو العهد]

اخي جيفارا نابلس
لا نستطيع نسيان الماضي
لانه جزء من حياتنا

[زكرياء]

ان لم تستطع نسيانه
عشت سجينا لاهاته,عبدا لدكرياته
مكبلا بأوهام "كان و لم يعد"
محجوزا داخل جدران الندم

ان لم تستطع انت دالك
فمن ضنك يستطيع عوضك
؟؟؟؟؟؟؟