تسونامي عربي

[فلسطيني حتى النخاع]

السلام عليكم والرحمة
شباب انا اكتب الموضوع وانا متضايق من وضعنا المثير للشفقة
انا الصراحة اتمنى لو كنت ميت على اني اعيش في هذا الزمان
يعني في بلدي فلسطين حروب حزبية وعائلات ...وحكومتنا حائرة....والعراق ابادة جماعية يوميا....والصومال تهجير ومجاعات وامريكا وايران في موعد احتدام مرتقب.....و الشيعة قد سنت السيوف في وجه السنة وراية الاسلام نكست واصبح قليل من من يرفعها.....
يعني انا ارى تسونامي هو الحل النهائي لانني ارى رؤوس قد اينعت وقد حان موعد قطافها تسونامي رح يطهرنا
سيرجع عصر السيف والعزة للامة ........واتمنى ما اكون قد ازعجتكم يعني هذه وجهة نظري انا الصراحة اكتب هيك من احباطي من واقع الامة................:icon7: :icon7:

[حورية الحريّة]

لا أخي مادامك مؤمن اذا الإحباك ليس له سبيل الى قلبك و نفسك
أخي كل هاي الأشياء مؤلمة و بشعة و جارحة...........بس هيك الدنيا.......هاي كلها ابتلاءات من الله ليشوف الصابر او متل ما بيحكو "الصالح من الطالح".....و بعدها انت و شطارتك يا بتنجح بهالاختبار يا بترسب..و للأسف بعد الموت ما في اعادة اختبار
و بعدين حال الدنيا الآن كما عرف و كما هو معروف انو من علامات يوم الآخرة و علامات يوم القيامة...الحكام يخونو...ينتشر اللواط والسحاق أعاذكم الله....الولد يتمرد على أبوه..الشعوب تتقاتل....الأمم تتعارك .الفتن الداخلية حتى بين المسلمين تنتشر....بين الشعب الواحد...سنة و شيعة و أكراد..مسحية و مسلمين...بس كمان علينا الأخد بالأسباب و الإبقاء على الدين و الجهاد حتى تعود راية محمد عليه أفضل الصلاة و التسليم..لتعود قوة صلاة الدين و حكمة و شجاعة عز الدين..أخي بكل يوم ينولد رجل لا ولد لحماية الأمة
و انشاء الله الله يبعد عن أمة محمد تسونامي..مو ناقصنا مصايب....و يهدينا بدون عذاب بالدنيا يا رب...
و بعدين لولا انو الحياة صعبة كان ما ولد الطفل و هو يبكي
و أمة محمد لسا بخير أخي لسا بخير

[جيفارا*نابلس]

كل هذا الكلام يدل على ان الاخره قد اقتربت

المصيبه الكبرى ليست هنا

اتعلم ليست لوحدك

والله ليل ونهار بنحكي انا وصحابي على الحرب مع ايران وشو رح يسير فينا

يعني هديك اليوم بقرا بخبر انه اذا ضربت ايران مفاعل ديمونه الاسرائيلي

سيصل امتداد خطره الى عدن

والله الواحد حار واحتار

بالنهايه كل شيء بيريدو ربك رح يسير

واذا ربك بدو شي بيقلو كن فيكون

[صاحبة القلم الحزين]

كلامك يا أخي قمة في التشاؤم و الاحباط

بس ما شاء الله الأخت حورية ما قصرت بالرد

و انا من رأيها

يعني بالرغم من كل هالمصايب اللي بتصير

الخير بالدنيا موجود و راح يضل موجود بإذن الله

بعدين تذكر يا أخي انه الفجر بنوره و رونقه

ما بيطل على الدنيا الا من بعد أحلك لحظه من ظلام الليل

يعني لازم يصير كل هالشي حتى بعدها يجي النصر باذن الله

و هادا الشي كله مكتوب و من علامات الساعه

يعني يا اخي لا تتشاءم و لا تحبط

بالعكس انت دورك هلأ كتير عظيم

انت كفرد يا بتعجل في النصر المرتقب من خلال تمسكك بدينك و التزامك فيه

ومن خلال تربايتك لأولادك و لجيل صالح يحرر الأرض و ينصر الامه

يا بتكون سبب في هزيمتها و خذلانها بابتعادك عن دينك و مجاراة الركب

أنا هذا رأيي

و شكرا للموضوع

[قسامي غزة]

اخي الكريم
هاد الزمن حذر الرسول صلي الله عليه وسلم حكي عنوا
لما قال ( ستتكالب عليكم الامم كما تتكالب الاكلة الي قصعتها ) او كما قال صلي الله عليه وسلم
يعني يا اخي نحن في زمن فتنة وفي زمن انتشر فيه الحرام
وفي زمن الرويبضة الكاذب يصدق والصادق يكذب
وهاد الزمن حكالنا الرسول صلي الله عليه وسلم
وفي احاديث شريفة كثيرة تحكي عن هاذا الزمن زممكن تبحت وستجد ما يثبت كلامي
ياا خي الحق والباطل في صراع دائم الي الي يوم القيامة
وسياتي اليوم الذي يفرق بين الحق والباطل باذن الله
ويا اخي لا تفقد الامل
فالنصر ان شاء الله للاسلام والمسلمين
صحيح احوال المسلمين تبكي ولكن هناك فئة قليلة مؤمنة
تدافع عن دين الله وعن الدعوة الاسلامية
وان شاء النصر للاسلام
وفي هاد الزمن يمكن انت مش عارف شو تعمل لخدمة الدين
(لئن يهدي الله بك رجلا خير لك من الدنيا وما فيها ) او كما قال صلي الله عليه وسلم
لا تفقد الامل فهناك بصيص امل ان شاء الله
اعذرني طولت عليك بكلامي
تحياتي الك اخي الكريم

[Iemy]

معك حق أخي
وهادا حال الكل
أنا لما أجي نت بنسى الدنيا
لكن لما أرجع مكاني المعتاد بتبدأ الأفكار تهلوس براسي
ولما أجلس عند التلفزيون ببدا دمي يفور على أخبار غبيه على حال مزري على انحطاط على كلشي بسم البدن في هالعالم
خيو
نحنا بزمن لا يعلم سواده إلا الله
الله يرحمنا برحمته في هيك زمن
زمن قال فيه الرسول صلى الله عليه وسلم
"موتوا إن استطعتم"
زمن العباده فيه كالهجرة إلى رسول الله صلى الله عليه وسلم
لو حابب تعرف أكتر عن هيك زمن إقرأ كتاب التذكرة في أحوال الموتى وأمور الآخره
هو عنوان الكتاب بخوف بس هو كتاب شامل لكل أمور أواخر الزمان والموت والساعه والفتن والملاحم وغيره

أنا لمن أقرأ هالكتاب بحس حالي وسط الأحداث المذكوره في الأحاديث
على الأقل راح تعرف وين موقعك من هيك أمور

وخيو والله ما أزعجتنا بالعكس كلنا محبطين ومش شايفين خير في زمن حكامه قوم تُبع و الشعب بين نار هيفا وهدف رونالدينو والضحايا مابين بندقية وفقر
والله حاله

[فلسطيني حتى النخاع]

مشكوووووووووووورين شباب على المرور
ورح اوكل امري لله