لم اكن ارغب في وضع هذا ابدا ولكن هناك من ارغمني .. ولكن حان وقت الوداع اخواني الاعضاء

[سيد الظلام]

السلام عليكم اخواني اعضاء منتدى شباب فلسطين

اكتب لكم هذه الكلمات وقلبي يعتصر الما على ما حصل بيني وبين ادارة منتدى شباب فلسطين بعد ان اتهمت

بافظع الاتهامات ويشهد الله اني بريء منها تماما

لكن لم تعد الادارة كما اخبرتني انها بحاجة لي وان مواضيعي ومشاركاتي ليس لها المنتدى بحاجة

لذلك ارغب جدا قبل خروجي بتوديع جميع الاخوة الذين قضيت معهم اجمل اللحظات لم ارهم ولم يروني ولكن يشهد الله انني احببتهم كما احب اخوتي واكثر لكن تسري الرياح بما لا تشتهي السفن ويشهد الله اني قد سامحت كل من اساء الي حتى لو ظلمني

وارجو من جميع اخوتي في منتديات شباب فلسطين ان يسامحوني ان اخطات في حقهم

والى لقاء قريب باذن الله


اخوكم سيد الظلام

غزة - فلسطين

[×رمش العين×]

له له له يا سيد الظلااام
ليش شو القصه..
ان شاء الله الك رجعه يارب..

[بنت الرملة]

له له له ...

مش خبــــــريه ...

بس ياريت يا اخي تحكي شو إلي صاير الإداره مستحيل تظلم حد معها :)

هات نشوف احكيلنا واحنا بنحكم ؟؟

الأداره مستحيل تكون ظلماك وبنفس الوقت ممكن انت كمان تكون مظلوم وإلي صاير سوء تفاهم ؟؟

....

[القلب الطيب]

:icon5: :icon5: :icon5: :icon5: :icon5: :icon5:
وين يا سيد الظلام ارجو ان تتراجع عن قرارك
وتضل معنا احنا ما بنقدر نستغني ان اي عضو من الأعضاء
معلش تحمل خلي قلبك واسع

[صرخة أنثى]

من وجهة نظري رح تكون خسارة كبيرة للمنتدى بس المهم راحتك يعني اذا مو مرتاح اكيد اعمل اللي بريحك وقدر الله وماشاء فعل

وعسى ان تكرهو شيئا هو خير لكم

واكيد ربنا اخترلك الاحسن

الله يوفقك وين ماتروح لانك بالفعل عضو مميز

[نور اليقين]

مش مصدقـــــــة



:matrix:



هــــــــاي كمان مزحة



ام شــــــــــور




:matrix:

[اسيرة النجوم]

شو هاد ؟
يعني خلاص رايح لحالك؟
يعني امته راح تنتقم مني؟
مع مين راح اهزر وامزح واعصبو
لاااااااااااا
انا حاسه انها مزحه من مزحك التقيل المعروف انت بيه دايما
هههههههههههه
بص لزو كان مزح الله لا يسامحك
وروح ما بدنا ياك
ولو كان العكس كمان الله لا يسامحك
بقى هيك هنا عليك يا اخي
يعني واحد ورا التاني راح يطلع
وبعدين يا ادارة شو فيه؟
خلاص سامحوه اخر مرة هو مجنون بس كتير طيوب
يلا هو بيحب يلعب ويهزر اكتييييير
يلا سلام ولو هنا مع الف سلامه وبتمنالك حياة سعيده

[سيد الظلام]

ا
انا شايف انو اهتمامكـ الأكبر في منتديات ما الها قيمة ولا تمد بالعطاء للمنتدى ..

الي هي منتديات الضحك والفكاهــة ،،

صح هيي انعملت .. بس مش مشان تكون مرتكز اساسي للمنتدى ،،

بالعكس لتخفيف من الكبت يلي بعيشوه الاعضاء بمزحــة خفيفة ..
..


اعتقد انه الاخوة فهموا السبب الحقيقي لخروجي من المنتدى وان شاء الله نتقابل بايام اسعد من هيك

والله يبارك فيكم جميعا ويحفظكم

[سيد الظلام]

شو هاد ؟
يعني خلاص رايح لحالك؟
يعني امته راح تنتقم مني؟
مع مين راح اهزر وامزح واعصبو
لاااااااااااا
انا حاسه انها مزحه من مزحك التقيل المعروف انت بيه دايما
هههههههههههه
بص لزو كان مزح الله لا يسامحك
وروح ما بدنا ياك
ولو كان العكس كمان الله لا يسامحك
بقى هيك هنا عليك يا اخي
يعني واحد ورا التاني راح يطلع
وبعدين يا ادارة شو فيه؟
خلاص سامحوه اخر مرة هو مجنون بس كتير طيوب
يلا هو بيحب يلعب ويهزر اكتييييير
يلا سلام ولو هنا مع الف سلامه وبتمنالك حياة سعيده

ياريتو كان مزح اختي اسيرة ياريت

بس شو اسوي اذا واحد بقول لك انت وجودك مش لازم

ما ضل شيء بعد هيك ولولا انكم بتعزوا عليا كان عمري ما حطيت هذا الموضوع

وان شاء الله نتقابل في فرس بتكون اروق واحسن

وسلام اختي اسيرة

[.:.!دموع الرحيل!.:.]

والله يا أخي بالكلام الي نقلتو عن المدير

ما في اي شي بزعل ،، ولا ظلم ولا من يحزنون

وكـان المفروض انك تصحح الغلط

مش تنسحب نهائي

يعنـي يا بتكمل على الشكــل الي إنت مــاشي عليــه

يا اما بتنسحب !!

مش حكي ..

كل انسان فينا بيحتاج لنصيحة ومش غلط انه يستمع للنصيحه

ويحسن بحالو

على كل يا اخي

انت صرت منا وفينا

ووالله بعز علينا انت تاخد هيك قرار

يا ريت ترجع تفكر بالموضوع

وتحاول تحسن من طبيعة المشاركات

مش تنسحب

ونخسرك وتخسرنا ^^

وعلى جميع الأحوال

الله يوفقك يا رب

[محمود]

توكل على الله ،،

^_^

لعلمكـ ،، الإدارة ما طردتكـ ,, ولا عمرها بتطرد أي انسان ..

نقلنا لموضوعكـ كان من ضمن قوانين المنتدى ، وازا كل مرة بدك تعملي قصة

ونقاش في منتدى الدعم الفني والشكاوي على كل نقل موضوع ازا ما بدكم اياني احكولي .

فأنا رديت عليك ،، وحكتلك انو منتدى النكت والفكاهة و الألعاب منتديات ثانوية في المنتدى ..

كلامك وشعرك الفاضح بالحب والرومانسية هون ، واهداء الي حبيبتي ,, كمان حكتلك انو الادارة

ما بتسمح الك ولا لغيرك انهم يستخدمو المنتدى في معصية الله ،، لاني انا هون محاسب انا والمشرفين

وكل صانع قرار بهالمنتدى وانتا كمان محاسب ..

انا ما بتحمل آثام غيري ،، هيك القوانين لو تقراها بتقولك انو يحق للادارة حذف وتعديل و نقل اي موضوع

بدون الرجوع الى صاحب الموضوع وهذا من حقنا ،، وما غلطت فيك لما قولت الك تم نقل المووضوع ..

وازا بتزعل مشاني بساوي في صالح المنتدى وبنظم المواعيد فانت حر ،، وازا بتفكر انو كتابتك

لموضوع مخالف مثل مواضيع الوداع انو راح يخلي الادارة تتساهل معاك او مع غيرك فانت غلطان ..

انتا أكثر من مرة غلطتت بحق الادارة وهيي بتشوف شغلها بالمنتدى وخصوصا بمنتدى النكت

لما كنت عاملي قصة السحالي والتماسيح انتا وبعض الاخوان ..

والادارة ما رح تتهاون مع اي خطأ او تجاوز وخصوصا أي تجاوز بجرح في الدين الإسلامي ..

وبعدك بتطلب مني أعتذر مشاني نقلت موضوعك !!

الله يوفقك ،، والمنتدى محل للجميع وقت ما تشوف حالك منتظم في تطبيق قوانين المنتدى

أهلا وسهلا فيك بأي وقت ..

كان المفروض انك تتقبل قوانين المنتدى بصدر رحب ،، ولو الموضوع ما تكرر منك أكثر من مرة

وكل مرة بتعملي قصة على نقل او حذف توقيع ،، راح احكيلك يخوي ليش يعني الادارة ظالماك من دون الاعضاء ؟!

اعرف واسعى لتعرف انو الادارة وخصوصا محمود بدورا على الأفضل دائما للجميع وبحبوا يبسطوا الجميع ..

لكن لما يشوفو الغلط راح يغيروه غصب عن الجميع ..

ولآخر مرة بقولك في آمان الله

[سيد الظلام]

انا مش فاهم ليش كل ما حكيت معك بموضوع بترجع بتلف وبتقول انه انا زعلان من نقلك لموضوع الصورة

انا ما زعلت من هذا الشيء ابدا .. اساسا كله ما كان محطوط في رصيدي

بس اللي زعلني اني بحكي معك وبناقشك وقلت لك انت حاطط ضدي بموقف او شيء نطيت وقلت لي

انت اكتر مواضيعك للضحك والنكت ..اولا هذا شيء مش عيب لانه تبسمك في وجه اخيك صدقة فكيف لما تخليه

هو يبتسم وبالعكس انا سعيد جدا جدا اني قدرت اسعد اخواني ولو لدقيقة

بس انت تيجي تقول لي انه مواضعيك ثانوية والمنتدى مش بحاجة لهم فانت اعلم كيف بكون شعور الانسان

لما ينحكى له كلمة متل هذه

ثانيا انا شلت التوقيع بمجرد اني تاكدت انه مخالف وفيك تشوف لوحدك هذا الكلام

وبعدين انا قريت جميع قوانين المنتدى ما لاحظت وجود اي قانون يطلب مني كتابة مواضيع بكل الاقسام وعدم التطرق لقسم محدد

وانا ما قصرت وفيك تراجع كل المنتديات .. و شيء تاني انت من الصبح بتقول عن الشعر وما الشعر

انا ما قلت لك تحمل اثمي لاني بعرف ايش اللي بحطوا انا وفاهم كل حاجة وخصوصا في هيك امور

وانا حابب اقول لك حاجة انا متاكد منها يقينا

انت يا محمود شايل عليا في قلبك من اليوم اللي حطيت فيه موضوع اهل كوكبة ومع اني اعتذرت للاعضاء

لكن انا باكد لك انك لساتك حامل في قلبك عليا منها

ويسلمو على طيبتك ورحابة صدرك اللي غمرت المنتدى كله

[محمود]

انت يا محمود شايل عليا في قلبك من اليوم اللي حطيت فيه موضوع اهل كوكبة ومع اني اعتذرت للاعضاء

لكن انا باكد لك انك لساتك حامل في قلبك عليا منها

ويسلمو على طيبتك ورحابة صدرك اللي غمرت المنتدى كله

راح احكيلكـ بنقطة مهمــة ،،

لو كان وريتني مدى تسامحكـ في منتدى الدعم الفني والشكاوي ..

أما رحابــة صدري أني أقولكـ الله يسامحكـ على جملـة (( حسبي الله ونعم الوكيل عليك )) ..

بس انا ما بلف وما بدور ،، ولعلمك موضوع كوكبــة مش خاطر ببالي وانتهـــــى وهيك بتذكرني فيـه ..

أنا مجــدولاي ،، وما بفرق بين فلان و الثاني مشان بلده ،، بس كثر المزح مش حلــــو وما بليـــق ..

انك تصنع الابتسامة لأخوك المسلم صدقــــة ،، حكــى ابتسامــة مش مسخـــــــرة ..

انتا حكيتلي كلمـــة ،، انو انتا خايف تدخل انسانة ع المنتدى لأنك خايف عليهــــا !!

وانو هذا اشي بخصك وما أدخـــل فيهـ ،، طيب يا حجـ سؤاليـ وبكل صراحـــــة ،، هون اخواتكـ في المنتدى ..

كمان ما بتخاف عليهمـ ؟! ،، بتقولي اهديتها مواضيع الشعر في المنتدى ..

ما عندك مسئولية من هالمواضيع تجاه خواتكـ في المنتدى ،، سألتك سؤال .. انو عندك خوات ...

افرض حدا بعت الهم هدية ببيت شعر مثل هيكـ ،، ما جاوبتني هنـــاك ..

على العموم ،، ان أنا أخطأت بحقك أو بحق اي انسان فأنا آسف الهـ ..

اما غيرهيكـ قوانين المنتدى بدها تسير عليي قبلك .. وراح أسيرها ع الجميع ..

وحكيتلكـ انو ردي الك في الموضوع ما جبت سيرة انو مش لازما تواجدك في المنتدى وعيب تحكي بلساني

هالحكي ،، كل يلي حكيته انو انتا خالفت شروط المنتدى بعدة أمور ،، وازا شايف حالك مظلوم ،، راجع حالك

وحط بنات المنتدى محل خواتكـ ،، وحط حالك محلي .,

وفي النهاية حكيتلك المنتدى للجميع .. بدك تضلك اهلا وسهلا فيك ،، بدك تطلع ما بقدر امنعكـ ,,

والمنتدى فيك وبالناس الطيبة عامر ..

سلامات ..

[سيد الظلام]

والله يا أخي بالكلام الي نقلتو عن المدير

ما في اي شي بزعل ،، ولا ظلم ولا من يحزنون

وكـان المفروض انك تصحح الغلط

مش تنسحب نهائي

يعنـي يا بتكمل على الشكــل الي إنت مــاشي عليــه

يا اما بتنسحب !!

مش حكي ..

كل انسان فينا بيحتاج لنصيحة ومش غلط انه يستمع للنصيحه

ويحسن بحالو

على كل يا اخي

انت صرت منا وفينا

ووالله بعز علينا انت تاخد هيك قرار

يا ريت ترجع تفكر بالموضوع

وتحاول تحسن من طبيعة المشاركات

مش تنسحب

ونخسرك وتخسرنا ^^

وعلى جميع الأحوال

الله يوفقك يا رب

معلش اختي دموع ما انتبهت لردك

اولا اذا الغلط مني انا جاهز تمام انا كل اللي قكرته انه محمود زعلان مني في حاجة وما توقعت انه شايل كل هذا

بقلبه عليا والصراحة انا انصدمت تماما وما توقعت كل هذا .. وبدك الصراحة انا ما كنت ناوي اشتكي ولا حاجة

بس اللي شدني انه انا الوحيد اللي محمود ومن اول ما شاركت بالمنتدى وانا الوحيد اللي محمود عمره ما دخل

لي على موضوع الا اذا كان ناوي يحذفه او ينقله وهذا حقه كادارة وانا احترم هذا تماما لاني عضو متل اي واحد

ان ما كنت اقلهم . حبيت اصارح محمود في هذه الحاجة وتفاجات تماما انه شن عليا هجمة انا ما توقعتها وهذه الحاجة

ربكتني وانا كل اللي في بالي انه مثلا ممكن يكون زعلان من شيء بسيط او انه مثلا مشغول ومش فاضي

يرد عليا .. بس وحياة ربي ما توقعت انه كل هذا حامله عليا في قلبه وانا اساسا عمري ما توقعت انه هذا الشيء

ممكن يحصل وهذا الشيء اكد انه محمود يا متضايق من وجودي بالمنتدى لربما لسبب انا اجهلو او لاني انا غلطت بشغلات

كبيرة جدا .. بس ويشهد ربي عليا وكل الاعضاء يشهدوا انه عمري ما غلطت بعضو وعمري ما ضايقت حد

وفي اليوم اللي ضايقت فيه الاخوة على السريع اعتذرت لهم لاني انا اساسا ما بحب حد يزعل مني

واساسا لو جاني محمود باسلوب النقاش او اسلوب النصح كنت مشيت الامر وكانه مش صاير

بس اللي قتلني انه محمود ما عرفت بنصح فيا ولا بشتمني وهذا الشيء ضايقني من صميم قلبي

وصدقيني يا اختي اللي صار من محمود مش بسيط بالمرة ولا انه كبير كان عمري ما انسحبت من المنتدى

وبرجع وبقول لعله خير

وسامحيني على التاخر في الرد

والله يوفقكم جميعا

[ameera]

له ياسيد شو مالك مو للهدرجة حتى ولو وصلت بنضل اخوات وفي بينا خبز وملح مالك انت هدي والله مو هيك

[سيد الظلام]

انك تصنع الابتسامة لأخوك المسلم صدقــــة ،، حكــى ابتسامــة مش مسخـــــــرة ..

انتا حكيتلي كلمـــة ،، انو انتا خايف تدخل انسانة ع المنتدى لأنك خايف عليهــــا !!

وانو هذا اشي بخصك وما أدخـــل فيهـ ،، طيب يا حجـ سؤاليـ وبكل صراحـــــة ،، هون اخواتكـ في المنتدى ..

كمان ما بتخاف عليهمـ ؟! ،، بتقولي اهديتها مواضيع الشعر في المنتدى ..

ما عندك مسئولية من هالمواضيع تجاه خواتكـ في المنتدى ،، سألتك سؤال .. انو عندك خوات ...

افرض حدا بعت الهم هدية ببيت شعر مثل هيكـ ،، ما جاوبتني هنـــاك ..

اولا من يوم كوكبة وحتى الان اذا شايف اي موضوع انا اخذت حد فيه مسخرة تعال راجعني وانا جاهز

بالنسبة لبيت الشعر فهذه المرة الرابعة اللي بقول لك بيت الشعر ما كنت حاطه لاي عضوة من عضوات المنتدى

وانت عارف هذا الشيء وقلته لك انما وضعته فقط لاخذ رايهم فيه

وبالعكس جميع اخواتي هنا بمكان اخواتي واكتر كمان واذا اي عضوة شكت مني في اي حاجة او اني ناديتها

بغير كلمة اختي انا جاهز وهذا الشيء كمان قلته ليك

وياريت اخي محمود تتبع اسلوب النصح مش الشتم والتشويه اللي انت ماشي عليه

والله غفر للكل

[rame]

عارفين هالمنتدى عامل كيف
عامل زي شي غامض
بتصير حجات من وراء الكواليس
ما بيعلم في غير الله
ويمكن محمود بيعرفها بس مش متأكد انا

[ملكة الإحساس]

الله معك انشالله ...



وياريت ترجع تفكر بالموضوع

[اريج الورود]

الى سيدالظلالالالالالام
[b] حرام عليك يا سيد الظلام: في ناس بيحبوك كثير..........لماذا تخذلهم ؟ [/b
فاوصيك ان تبتسم عند الهزيمة وتتواضع عند النصر

[أبو يقين]

أخي سيد الظلام ليس وحدك من يخطئ
لذا أريدك أن تتراجع عن الموضوع
واخي محمود معه حق في كل الي حكاه وأنا شاهدت كل الردود
واخي محمود والله انوا يعني أنا لفيت في كتير منتديات والله ما لقيت أحسن من محمود
والقوانين يجب أن تساير على جميع الأعضاء مشرفين وأعضاء ومراقبين مين ما كان قديم ولا جديد



والله ولي التوفيق
أبو يقين