المساعد الشخصي الرقمي

مشاهدة النسخة كاملة : يلا الي بدو يساعدني يفوت والكل يعطي رايو لانو مهم

ameera
03-29-2007, 08:26 PM
السلام عليكم :


ياجماعة بدي رايكو ورايكوووووو كتير مهم شو بتفضلوا من هالتخصصات وليش لاني بدي الردضروري

صحافة واعلام


أدب انجليزي


انجليزي فرنسي


علاقات دولية

علوم سياسية

اخراج تلفزيوني


يلابدنا همتكو بالردود
عبوووش
03-29-2007, 08:31 PM
ولا وااااااااااااااااااااحد
كلهم ما بسوو
ameera
03-29-2007, 08:32 PM
لا جد عم بحكي لازم واحد منهم مافي غيرهم

يلا عبوششششششه همتك
عبوووش
03-29-2007, 08:40 PM
انا برجح اول تنين

صحافة واعلام


أدب انجليزي

بس بدك انتي اللي بتحبيه و اللي الو مجال عندكم
وتحياتي الك
ameera
03-29-2007, 08:41 PM
شكرا كتير عبوش عرايك منور
ameera
03-29-2007, 08:56 PM
وين مساعدتكو ياجماعة هادي المساعدة ..........
أحلى مايا
03-29-2007, 09:34 PM
اكيييييييييييييد ادب انجليزي بعدين ممكن صحافة واعلام

وطبعا شو ما ئالو الاعضاء الراي رايك بضل بالشي الي بترتاحي فيه وعلى فكرررررة انا نفس المشكلة مش عارة شو بدي ادرس بالزبط

يلا هلا المهم هلا الله يوفئنا بالتوجيهي بعدين بنفكر
anos
03-29-2007, 09:46 PM
من وجهة نظري
انجليزي فرنسي

وفي الاخير بيرجع الشي لرغبتك وامكانياتك
نور اليقين
03-29-2007, 10:22 PM
صحافة واعلام


علاقات دولية


اخراج تلفزيوني


:s (43):


أحلى تلاتي و الله

شوفيلك وحدة منهم

:icon15:

حلمي أنا الاخراج التلفيزيوني

يلا

رح تأمري و تشخطي في الناس متل ما بدك


:icon15:


الصحافة كمان حلوة

و أنا صغيرة كنت مصرة أطلع صحفية

و كنت صحفية صغنونة بمدرستنا


:showoff:


أما العلاقات الدولية فما عندي علم بيها

بس اسمها متير

جذبني


:showoff:

و موفقه ان شالله حبوبتي

:icon26:
سيد الظلام
03-30-2007, 12:06 AM
خذي اختي انا مجرب الجامعة ومدعوك فيها دعك وسامع كل شيء فيها

مالك غير توخذي يا
أدب انجليزي

او
انجليزي فرنسي

وسيبيكي من الباقي لانه ماشاء الله التلفزيونات عندنا علشان الواحدة تتوظف فيها لازم تتنازل عن حياءها

وانا بنصحك بكل شيء يتعلق بالانجليش وربنا يوفقك
اسيرة النجوم
03-30-2007, 12:27 PM
صحافه واعلام
لانو عن جد شي رائع تكوني صحفيه كبيرة
ويكون عندك رايك ومكانك
وتشهدي كل الحقائق بنفسك
وتجيبيلنا دياما اخبار رائعه
وتكون في موقع الحدث
هالشي كتير بحبو انا بحب الصحافه كتير
بس صحافه هالوقت ما بقت عنها قيمه
بسبب تبدد حرية الرأي
وبالتالي من الاحسن تختاري ادب فرنسي انجليزي
عشان عن جد لازم تكوني كويسه في اللغات لانهم هما اللي بتحتاجيهم في هذا العصر
وممكن تشتغلي اي شغلي وتروحي اي مكان ادا كانت عندك هاللغتيتين
لانهم هما الطاغيين
وبتمنالك التوفيق حبيتي اميرة وصلي صلاة الاستخارة قبل كل شيء
وربنا راح يوريك الطريق الصح
جربيها وهتشوفي
وبعدين شوفي ميولاتك ايه؟
قوليهالنا واحنا نناقشك فيها
يسلمو يا قمر
القلب الطيب
03-30-2007, 01:44 PM
انا شايف الرأي بالاجماع من الأعضاء في كل رأي في ادب انجليزي
كتير كويس هاد التخصص
طبعا هاد تخصصي
الله يوفقك بتوجيهي
جيفارا*نابلس
03-30-2007, 10:35 PM
صحافة واعلام

ورح تدعيلي
ameera
03-30-2007, 11:03 PM
شكرا للجميعع بس ليش يعني ياجيفارا راح تدعيلي ممكن توضيح سبب اختيارك للصحافة
ameera
03-30-2007, 11:04 PM
شكرا للجميع بس ليش ياجيفارااااااااا راح ادعيلك ممكن توضيح اختيارك للصحافة ليش
قسامي غزة
03-30-2007, 11:55 PM
هاد يعتمد علي شو هواياتك انتي
يعني انتي الي تقرري
جيفارا*نابلس
03-31-2007, 12:03 AM
اكيد رح اجاوبك

اول شي قمه الغلط وضع استشاره في تكوين مستقبلك

لانو انتي بالنهايه الي رح ىتختاري مو الناس

يعني انتي شوفي لشو بترتاحي وفكري منيح وبعديها خدي التخصص

وقمة الغلط حصر مستقبلك في احدى التخصصات المذكوره

يمن انا خيالي بتفكيري بس بحس انه الصح

خلي الاحلام عهي الي تبني مو الواقع

لانه لو جينا على الواقع رح تتركي الدراسه وتحكي ما انا بالنهايه لبيت زوجي وولادي وشهادتي مارح تفيد

هاد تفكير اغلب البنات

انا اخترت الصحافه والاعلام

لانه بصراحه كان من احدى التخصصات المقربه لي ولكن ماصحلي ادرسه

وبعدها فكرت في الطب البيطري
وقررت

ولكن حلمي اخدني لتكنولوجيا المعلومات

لقيتها احلى شي

نرجع لموضوعنا

الصحافه بتغنيك عن اللغات والادب

لانو اكيد اي صحفي لازم يكون ملم باي لغه وقوي في متفرعاتها

يعني رح تغنيك عن اللغه الانجليزيه

واذا عملت في اي مؤسسه غير عربيه على سبيل المثال وكاله فرنسيه رح تتعلمي الفرنسي

يعني الموضوع هو الصحافه

ونيجي للواقع

اليوم الصحافه هي لغة العالم

مين فينا ما بيتابع اخبار

وشوفي كم مؤسسه اعلاميه صدرت في خلال عام او اقل

يعني مستقبلها رائع

وعفكره ثمرت نجاحها اروع

بس الموضوع كما ذكرت لا تردي علي ولا على حد

شوفي انتي لشو بترتاحي

وقرري

ومو غلط لو ما اعجبك التخصص وحولتي

على سبيل المثال ايضا

انا هلؤ بكالوريو تكنولوجيا
بس هل عم بفكر انشالله قريبا ادرس ماحلمت به اولا

الطب البيطري

وانتي فكري منيح

واهم شي

ممكن تعلقي هون

خلي نظرتك للتخصص رأسماليه

لانو النظره المعنويه للاسف اختفت من عالمنا

وانشالله ما اكون طولت عليكي

واهلا وسهلا
ameera
03-31-2007, 12:14 AM
شكرا كتيييييييييييييرقسامي عالرد

جيفارا شوف قصة حصر المستقبل في التخصصات هاي هو انا متقيدة فيهم لانو انا فرع علوم انسانية يعني فيك تقول هدول احسن اشي

وعلى قصة الحلم والله حلمي اكون صحفية من انا وصغييييرة بس الكل عم يحكيلي لا وماعم يشجعني وبيحكيلي الانجلش هو التخصص المطلوب مع انو نص المتخرجين انجليزي ومعبيين البلد لذلك لو تجيني انا راح اختااار صحافة بس مش لاقية تشجيع ولا من حدا

وسلملي على عاشقة الدبة
جيفارا*نابلس
03-31-2007, 12:27 AM
اذا انتي حاسمه امرك

احيانا اراء الناس بتكون مثل هبه الريح

اما تهدم ما بنيت

واحيانا تعطيك دفعه للامام

وان كان التشجيع قليل ياتي من ورائه مليون تفكير ارعن

خلص صلي على النبي وصحافه واعلام من الصبح
حورية الحريّة
03-31-2007, 12:34 PM
علوم سياسية أو أدب انجليزي
ameera
03-31-2007, 12:38 PM
شكرا كتيييييييييييي الك جيفارا عالرد والتوضيح والمساعدة منور وشكرا كتييييييييييير حورية منورة
نـوّارة
03-31-2007, 01:09 PM
انجليزي فرنسي

انا بفضل هاد ،،

ومتل ما حكا انووس .. الشي برجع الك ولامكانياتكـ ^_^
ameera
03-31-2007, 01:12 PM
شكرا نوارة تسلمي عالرد
أحلى مايا
03-31-2007, 02:58 PM
صحيح رديت ابل هيك بس بدي ائول انو كل كلمة ئالها اخي جيفارا صحيحة
وانا بعرف انتي بشو بتفكري او انك انتي كتير محتارة لانو انا هلا بنفس عمرك وبردو محتارة وكل مابسال حدا

بئلي شي اخر شي ئلتو لحالي لما خلص ينحسم الامر واشوف الجامعة وافوت على قسم التسجيل وئتها حيتقرر شو انا واخر شي لازم تعرفيه انو فوء كل هالآراء الي اجتك ما حتاخدي غير رايك انتي لحالك والي انتي مقتنعة فيه

تاخرنا عليكي
أميرة الاحلام المستحيلة
03-31-2007, 03:38 PM
ameera
حبيبتي الأدب الانكليزي أحسن والله...من وجهة نظري...لانو اللغة الانكليزية مطلوبة أكتر شي وبكل المجالات.. يعني الواحد لازم تكون لغته التانية قوية اذا بدو يتوظف بشي وظيفة...
انا هادا رأيي وانتي كمان يلي بتلاقيه مناسب اعمليه...
الله يوفقك يا رب يا عسل وتنجحي بأي مجال انتي بتختاريه...
ابنة الشتات
03-31-2007, 04:03 PM
حبيبتي علوم سياسية لحالها ما بتفع
واعلام لحاله ما بينفع
((علوم سياسية واعلام))
والله يوقك
فلسطيني كح
03-31-2007, 04:21 PM
ولله أنا كمان مش عــارف شو بدي أدرس لحد الآن

بنصحك بالصحــافة و الإعـــلام
ameera
03-31-2007, 08:08 PM
شكرا للجميع عالردوالمرور منورين
ريماس
04-03-2007, 02:38 PM
والله انا من وجهت نظري انك تفوتي ((صحافة واعلام))لأنو كتير حلو انك تكوني صحفية في قناة .....زوالرأي الأهم برجع الك ولأهلك .. الله يوفئك