هل ندمت على صراحتك يوما من الأيام ؟؟!!

[فلســرولاــطين]

.. الســــــــــــلام عليــــــــــكم ..


اطــــرح بيــــن أيديكــم موضـــوع عســــى أن ينــال إعجــــابكم

هل نــــدمت على صــراحتك يــــوماً ؟؟


جميعــــنا نرفــع شــعار الصراحــة في كــل تــعاملاتــنا وعلاقــاتنا..

في أي مكــان لابد من الصــراحه وتكــون الصــراحة على نــور ..


عندمـــا تـبدأ حيــاة زوجيــة أيضاً تركـز على أن تكـون الصــراحة هي أســاس

لحــياتك القــادمه..


حتى بين أصدقــائك تركـز على أن تـكون الـصراحــه هي أسـاس صداقتــك ..



ولكـــن ...



هل تسائـل أحـــدكم ..


مــــا مفــهـــوم الصراحــة لديــــه ... وبمّ تـــــرتبط ؟


إلى أي مـدى تــكـــون الصــراحة مجــــدية ؟


وهل الإفــراط فيــها له أثـر سلبــي ؟


هل لك أن تـقص عــلينا تجـربـــة مــررت بهـا وكان لـها أثـرهـــا في أن بـغضت

معــنى الصــراحـــة لديـــك !!



قد تكــون أحيانــا الصــراحه إيجابــيـــه أو سلبيــه ؟


كيـــف تخــتـــار الوقــت المناســب لهـا ؟


لانه احيانا تكون مخالفــه للمبادئ و أحيــانا تعتــبر قــلة أدب عند بعـض النــاس وأحيانــا تكــون خــطــوه نحــو الامــام ...


لان حيــاتنا في الواقــع تحتـاج الى الجـرأه نوعـا مـــا في الصراحــه ..

[اسيرة النجوم]

هل نــــدمت على صــراحتك يــــوماً ؟؟
نعم وكنت اريد الخير منها فقط

مــــا مفــهـــوم الصراحــة لديــــه ... وبمّ تـــــرتبط ؟
لا هذا سؤال فلسفي ولكن الصراحه هي قول الحق,وترتبط بواقع الانسان


إلى أي مـدى تــكـــون الصــراحة مجــــدية ؟
عندما لاتكون جارحة


وهل الإفــراط فيــها له أثـر سلبــي ؟
نعم


هل لك أن تـقص عــلينا تجـربـــة مــررت بهـا وكان لـها أثـرهـــا في أن بـغضت
نعم كان بيني وبين صاحبتي كنت شفت في شيء ما عجبني وقلت ليها الصراحه وانا عم ابكي لانو حزني وضعها بس هي ما تقبلت مني بس ما كان فيه بغض اكيد

معــنى الصــراحـــة لديـــك !!
ان اقول الحق دون جرح



قد تكــون أحيانــا الصــراحه إيجابــيـــه أو سلبيــه ؟
نعم


كيـــف تخــتـــار الوقــت المناســب لهـا ؟
عندما يكون الشخص يتقبل مني النصيحه ويعلم اني لا يمكن ان اقول شيئا الا لانني احبه

[قسامي غزة]

اختي الكريمة
مشكورة علي سؤالك
ولكن احيانا تكون الصراحة ليست في محلها بمعني ان الصراحة ما يتقبلها اي شخص
يعني مثلا في اشخاص ما بيحبوا الصراحة لانها بتكشف عيوبهم
واذا حكيت الصراحة بتكون عدوه اللدود
ومش من مصلحتي مثلا ان اعمل علاقات سيئة مع الاشخاص او يكرهوني لاني حكيت الصراحة
او حكيت رايي فيهم
في ناس ما يتقبلوا الانتقاد ويرفضوه
انا مش عارف السبب او انه بدو يتغاضي عن عيوبه وهاد شي مؤسف
والي ما يقبل الصراحة علي راحته بس ممكن احكيها اله في وقت مناسب
وممكن ايضا ما يتقبلها او ينكرها
عموما في الختام باحكي انوا الصراحة ما بتكون محمودة في كل الاوقات
وايضا ليس معني كلامي انوا انافق الشخص وابين اله اني بحبه وانا غير هيك
فسياتي يوم اكشف له عن الذي بخاطري
وتسلمي اختي علي السؤال
ارجو تكوني فهمتي قصدي من الكلام لانه ملخبط

[نهال]

مــــا مفــهـــوم الصراحــة لديــــه ... وبمّ تـــــرتبط ؟
والله الصراحة حلوة وكويسة لكن لما تكون في موضعها الصحيح

إلى أي مـدى تــكـــون الصــراحة مجــــدية ؟
لما تيجي تصارح الشخص اللي بدك اياه بينك وبينه وباسلوب رائع وراقي ومحترم لحتى يتقبله


وهل الإفــراط فيــها له أثـر سلبــي ؟
اكيد

هل لك أن تـقص عــلينا تجـربـــة مــررت بهـا وكان لـها أثـرهـــا في أن بـغضت
والله لسة اليوم حصلتلي هاي الحكاية بيني وبين معلمتي لانها هي كانت عملت معي كتير مولقف ضايقتني فرحت صارحتها بس مش متل ما بعمل بالعادة يعني بيني وبين الشخص لا رحت صارحتها قدام البنات والمشكلة انه الموضوع انقلب وهي زعلت ومن ساعتها وانا متنكدة وانا اصلا كنت مش طايقة حالي من الصبح
يعني زاد الطين بلة بس الحمد لله من شوي شوفت خبر حلو بسطتني شوي .

معــنى الصــراحـــة لديـــك !!
حكيتها فوق



قد تكــون أحيانــا الصــراحه إيجابــيـــه أو سلبيــه ؟
نعم


كيـــف تخــتـــار الوقــت المناســب لهـا ؟
ان تكون في وقت الشخص فيه مستعد ليسمعك وانا لاتكون جهرا حتى لا يحزن ولا ينحرج

وشكرا على الموضوع

[فلســرولاــطين]

مشكورين كتير على النقاش الحلو

تحية للجميع

[حورية الحريّة]

مــــا مفــهـــوم الصراحــة لديــــه ... وبمّ تـــــرتبط ؟

الصراحة تحكي كل الي فيك صح أو غلط.........(تعريفه بشكل عام) اما بالنسبة الي...عملية فشة خلق...أو نية بجد حسنة لتحسيين الأمور...في محاولات بالموضوع :b: و بيرتبط بشخصية الشخص..يعني خجل..جريء..هجومي..
إلى أي مـدى تــكـــون الصــراحة مجــــدية ؟
مو لأقصى حد ...بس لحد انو اذا غابت هاي الصراحة حيكون ناتجها أكثر ضررا من لو انها انقالت

وهل الإفــراط فيــها له أثـر سلبــي ؟
طبعا......يعني الانسان يقيس على حسب الظروف و الوقت و الشخص...

هل لك أن تـقص عــلينا تجـربـــة مــررت بهـا وكان لـها أثـرهـــا في أن بـغضت
موقف!!!! مممممم.......عمري بحياتي ما حنسى هالموقف لو موت ميت موتة.......انا كتير مواقف صارت معي بس في موقف صار معي بالمدرسة حيث اني حكيت الصراحة ووقعت في شباكها.......و نصيحة انكم ما دايما تحكو الصراحة .....بس ما تكذبو طبعا بس ما تحكو يعني حاولو خبو اذا كان ناتجها هوا و أكلة هوا كتير


قد تكــون أحيانــا الصــراحه إيجابــيـــه أو سلبيــه ؟

طبعا
كيـــف تخــتـــار الوقــت المناســب لهـا ؟
يعني بوقف بتحس انو الصراحة حتصلح و مش تخرب .....تقرب و مش تبعد و بغير هيك ولا وقت

[فلســرولاــطين]

مشكورة حوية على مرورك

[do3aa]

مشكورة اختى الكريمة على الموضوع الرائع

[فلســرولاــطين]

هلا دعاء

[ادهم اللداوي]

انت عارفة خيتي رولا

هالايام صارت النصيحة
اولا غالية كتير
تانيا
في اغلب الاحيان تافهة

تالتا
ما بتكون للي بيستاهلها

يعني بتروحي تنصحي واحد
بيقولك وانت شو دخلك؟؟؟؟؟؟؟؟

طيب بيجي حد ينصحك بتلاقيه بيقولك بدل ما تتفرج على روتانا سينما روح تفرج على ميلودي افلام؟؟؟


تالتا

لو مقدمة لمقابلة في وظيفة

بتلاقي يلي واقفين على الباب يقولولك
تدفع كام وننصحك شو تسوي؟ظ؟؟؟؟



القصة بطلت زي زمان

انا بيعز على فلان بروح انصحه لوجه الله تعالى
لا صارت الدنيا مصالح

وفي ناس خسارة فيهم النصيحة
لانك لما بتنصحه
زي الى بتصطحه

[فلســرولاــطين]

كلامك صحيح 100% ادهم
شو بدنا نعمل

ما رح يطلع بايدنا نغير الواقع

مشكور على مرورك

[ادهم اللداوي]

عارفة خيتي رولا

موضوعك جميل جدا

وممكن يفتح باب للنقاش طويل كتير

بس يكون في تجاوب من بعض الاعضاء ويطبقو يلي بتناقشو وبيتفقو عليه

يعني

لو طلعو بنتيجة
عدم النصيحة للانسان الى ما بيستاهل النصيحة
بيكون حلو كتير

وبنكون سبب في تغيير مهم في تفكير الشباب

ولو
رفضو يسمعو النصايح التافهة
برضه بيكون حلو كتير

[اريج الورود]

بصراحة ....بصراحة الموضوع في غاية الصراحة وراح اجاوبك يا اخت رولا بكل صراحة
لي صاحب دخل الغرور فؤاده ان الغرور يااخي من اعدائي
اسديته نصحي فزاد تماديا في غيه وازداد فيه بلائي
امسى بي الضنون ولم تسوء لولا الغرور ظنونه بولائي
قد كنت ارجو ان يقيم على الولا ابدا لكن خاب فيه رجائي
اهوى اللقاء به ويهوى ضده فكانما الموت الزئام لقائي
اني لاصاحبه على علاته والبدر من القدم اخو الظلماء
يا صاح ان الكبر خلق سيء هيهات يوجد في سوى الجهلاء
والعجب داء لاينال دواؤه حتى ينال الخاد في الدنياء
فاخفض جناحك للانام تفز بهم ان التواضع شيمة الحكماء
لو اعجب القمر المنير بنفسه لرايته يهوى الى الغبراء
-هذا في ما يخص الصراحة مع الاصدقاء
اما فيما يخص صراحتي للوطن فعلى لسان الشاعر اقول
لو اننا لمندفن الوحدة في التراب
لو لمنمزق جسمها الطري بالحراب
لو بقيت في داخل العيون واداب
لما استباح لحمنل الكـــــــــــــلاب
اما صراحتي لنفسي فانا اقول
اني جئت وامضي وانا لااعلم
انا لغز... وذهابي كمجيئي طلسم
والذي اوجد هذا اللغز لغز مبهم
لاتجادل ذي الحجـا ...من قال اني لست ادري.
هذه هي صراحتي ارجوا ان تتقبلوها لريج الورود

[فلســرولاــطين]

مشكورين كتير على التفاعل مع الموضوع وان شاء الله الكل يتفاعل هيك

[سيد الظلام]

وين يا رولا وين هالغيبة

يا ستي احيانا الصراحة ممكن تضر الانسان وانا من ناحيتي لا اندم على صراحتي لانه هيك انا عايش وبطبعي الصراحة

واللي بده يزعل من صراحتي يبلط البحر

[صاحبة القلم الحزين]

الصراحة بيندرج تحتها كتير امور

ممكن تكون اعتراف

و ممكن تكون نصيحة

و ممكن تكون امر بالمعروف و نهي عن المنكر

و ممكن تكون وشاية

و كتيييير اشياء تانيه

و أنا برأيي انه الموقف هو اللي بحدد درجة الصراحة

و بالاغلب ::: الصراحة راحة :::

و الحمد لله و لا مرة ندمت على صراحتي

لاني بعرف كيف و لمين و ايمتى اكون صريحة

مشكوووورة على هالموضوع الحلو يا بنت جامعتي
:s (43):

[فلســرولاــطين]

مشكورين كتير يا غاليين على المرور الجميل

سيد الظلام اعمل متلي اريحلك
بلا من التوقيع