المساعد الشخصي الرقمي

مشاهدة النسخة كاملة : دعوة عامة

صاحبة القلم الحزين
03-25-2007, 08:08 PM
بسم الله الرحمن الرحيم

تتقدم الكتلة الإسلامية في جامعة بيت لحم

بدعوتكم للمشاركة في أسبوع الشهداء

حيث سيتضمن هذا الأسبوع معرض و مهرجان

سيتم افتتاح المعرض غدا...

يوم الاثنين الساعة العاشرة صباحا

و سيضم بإذن الله عدة زوايا

للشهداء و الأسرى و الأقصى و لنصرة الرسول - صلى الله عليه و سلم-

و غير ذلك الكثير من الزوايا

زاوية الأخوات و زاوية الكتاب و الأشرطة

و في يوم الخميس الموافق 29/3

سيكون هناك مهرجان بعنوان

" منارات على طريق الأقصى"

فأهلا و سهلا بكم

حضوركم تشريف لنا

و دعما لمسيرة الإسلام

و نصرة للشهداء و الأقصى
عبوووش
03-25-2007, 09:04 PM
مشكور اختي ان شاء الله بنيجي
بس الامن ما شاء الله عليهم حافزين طلاب الجامعة ما بنادر ندخل
ومشكورة اختي ع الدعوة
lnosh
03-25-2007, 09:10 PM
تسلمي صاحبة القلم الحزين
كان نفسي أحضر بس ما بنفع
صاحبة القلم الحزين
03-25-2007, 09:14 PM
*** عبوووش ***

ولو يا أخي

انت بس تعال على باب الجامعة
و نحنا بندخلك

و كمان ايام المعرض مسموح يدخلوا من خارج الجامعة
و اهلا و سهلا فيك

بتشرفنا يا اخي



*** لنوش ***

اهلا و سهلا فيكي اختي

ان شاء الله راح اصورلكم كم صورة

من المعرض و المهرجان

و بحطهم على المنتدى ان شاء الله

حتى اللي ما بيقدروا يجوا يشوفوا الصور
القلب الطيب
03-25-2007, 10:14 PM
يا ريت بنقدر نحضر
الله يوفقكم
وتسير الأمور على ما يرام
مشكورة اختي صاحبة القلم الحزين
صاحبة القلم الحزين
03-25-2007, 10:16 PM
آمين يا رب

الله يسمع منك يا رب

و ان شاء الله متل ما وعدت

راح انزل صور من المعرض و المهرجان

و ان شاء الله بيجي يوم و بتزور كل مكان بفلسطين

و عن قريب باذن الله

بارك الله فيك أخي
فلســرولاــطين
03-26-2007, 12:51 PM
يا ريتني بقدر اجي بس صعب كتير
هههههههههههه

بمزح معك

انا اول اللي رح يجو
وان شاء الله بيكون معرض ناجح ومهرجان رائع متل ما تعودنا منكو
لانو بالفعل فعالياتكو بالجامعة ولو انها قليلة بس هادفة وحلوة وعنجد بتحرك المشاعر

بس سؤال؟ انا استغربت انو يوم ذكرى الياسين الله يرحمه ما عملتو شي ليش؟؟؟

على كل حال الف شكر الك على هالدعوة وهالاعلان
وان شاء الله الكل بيقدرو يحضروه من الجامعة ومن برة الجامعة

وما تخاف يا عبوش
ولو انت الك واسطة ما انتو اصحاب مركز الجامعة بتقدرو تتوسطو وتفوتو
وازا ما فوتوك بنتوسطلك احنا
والله رجال الامن عنا كتير محترمين
إسراء الفلسطينية
03-26-2007, 01:21 PM
يسلمووو حبيبتي على الدعوة

و يا رييت كاان فيني اجي كنتي بتلاقيني اول وحدة

و الله يوفق الجمييع للي فييه الخيير

يعطيكي الف عافيه
صاحبة القلم الحزين
03-26-2007, 09:21 PM
*** رولا ***

اهلا فيكي يا بنت جامعتي

نورتي المعرض... انا شفتك اليوم فيه

بس كيف لقيتيه؟ حلو؟

اما بالنسبة لذكرى استشهاد الشيخ

فكانت الرايات الخضرا معبية الجامعة

و كمان كان في لوحتين كبار للياسين و الرنتيسي

في نص الساحة بالاضافة للكراتين المعبرة

بس طبعا ما عملنا شي لانه يومها كان في عرس في الجامعه

العرس الشعبي تبع الشبيبة

و طبعا ما بحقلنا نعمل شي عشان ما نخرب عليهم

و كمان شغله

نحنا أجلناها شوي عشان في معرض و مهرجان

و اكيد في المهرجان يوم الخميس راح يكون اله نصيب كبير منه

ان شاء الله طبعا

وما تنسي تشرفينا في المهرجان حبيبتي

و شكرا كتيييير للمرور
صاحبة القلم الحزين
03-26-2007, 09:27 PM
*** اسراء الفلسطينية ***


والله عنجد يا ريت كلكم بتقدرو تيجو

يا ريت لو كل المنتدى بيجي و بيشوف

لانه عنجد رائع كتير و الحمد لله طبعا

بس ان شاء الله راح انزل صورو عن قريب

تسلمي حبيبتي و شكرا كتير للمرور

:s (43):
نور اليقين
03-27-2007, 01:26 PM
حلو ما شالله

شايفه الكم نشاطات كتير حلوة

أسبوع الشهداء


:s (43):


حبيبتي

يوم الاتنين مشغولة شوي

و مش رح أفضى الا يوم الخميس

بلكي باجي لعندكم فيه

أحضر منارات على طريق الأقصى

:showoff:

نيالكم

:icon26:
صاحبة القلم الحزين
03-28-2007, 08:03 PM
ههههههههههههههههه

يا مية ألف مليون أهلا و سهلا

بيت لحم و فلسطين كلها بتنور بوجودك حبيبتي

:s (43): :s (43):

إنتي بس تعالي و بنعملك مهرجان لحالك :showoff:

حبيبتي يا نور

مشكوووورة كتير للمرور

:icon26:
محبة الأقصى
03-29-2007, 11:31 AM
صاحبة القلم الحزين

بارك الله في جهودكم ويعطيكم الف عافية يا رب .....

والله عنجد كان معرض كتير حلو ...وفي اشياء مميزة وهادفه

انا زرتكم امبارح الاربعا مع المدرسة ....يا خسارة لونهم ياخدنا اليوم كمان عشان نحضر المهرجان

ما في نصيب

وان شاء الله رح تشوفيني سنة الجاي معك في الجامعة سنة اولى....عنجد الجامعة رووعة عجبتني كتير والله

سلمي على نبض الأقصى

يلا سلاااااام حبيبتي
*قسامية*
03-29-2007, 11:54 AM
والله ما باقدر اجي

لو باقدر لكنت عندكم من صلاة الفجر



عموما بارك الله في جهودكم ويعطيكم الف عافية يا رب
صاحبة القلم الحزين
03-29-2007, 06:46 PM
حبيبتي محبة الاقصى

والله العظيم اني انبسطت لما تعرفي عليكي

و نبض الاقصى كمان كتير حبتك كتير

و حكتلي بعد ما روحتي

ما ازكاها هالبنت مبينه كتير حبوبة و امورة

يلا يا ستي انبسطي

و يا مية الف اهلا و سهلا فيكي في جامعتنا

و ان شاء الله بتسجلي فيها و بنصير صاحبات على ارض الواقع

و حبيبتي اذا بدك اي شي اي مساعده بخصوص التسجيل او اي شي احكيلي

الله يرضى عنك يا رب

:icon26: :s (43):
صاحبة القلم الحزين
03-29-2007, 06:48 PM
أختي قسامية

والله يا ريت بتقدروا كلكم تيجو

على العموم الله يبارك فيكي يا رب

و مشكووورة كتير اختي العزيزة

:s (43): :icon26:
نور اليقين
03-30-2007, 05:30 PM
http://rooosana.ps/uploading/52f8973965.gif




جيت امبارح عالمعرض



و شفتك



كنتي منورة المعرض ميرو




http://rooosana.ps/uploading/52f8973965.gif



منك مصدقة مو هيك ؟



لا صدقي



نور اليقين بتكدبش



http://rooosana.ps/uploading/52f8973965.gif


من كترة ما فضلت شاغلة بالي بيه حلمت بالمعرض و حلمت اني جيتكم زيارة


:matrix:



بس ما حدا رحب فيني



:matrix:


طلع كابوس منو حلم



:matrix:
ريحانة الهدى
03-30-2007, 09:19 PM
اي اختي المعروض روووووووووعه
ان اجيت من القدس مخصوص على شان اشوفه
الله يعطيكم العافيه يارب
ويجعله في ميزان حسناتكم
صاحبة القلم الحزين
03-31-2007, 05:44 AM
يا حبيبتي يا نور اليقين

حلمتي في المعرض؟!

بس شو هاي ما رحبنا فيكي!!

أي نحنا بالغريب بنرحب فما بالك في حبيبة قلبي نور اليقين؟!

لا لا أكيد مخربشة هادا مش معرضنا

يا أما معرضنا بس قصة عدم الترحيب كانت بحلمة تانية دخلت على الخط

:s (46):

يلا إن شاء الله بتحقق حلمك و بتيجي هون

و ساعتها راح الزق فيكي ومش راح احل عنك

:icon29:

منورة حبيبتي

:s (43): :icon26:
صاحبة القلم الحزين
03-31-2007, 05:49 AM
أختي ريحانة الهدى

أهلا و سهلا فيكي

و الحمد لله انه المعرض أعجبك

و الف الحمد لله انه كان ناجح جدا

بس الله يسامحك كان قلتيلي انك جاي

عشان نرحب فيكي و نتعرف عليكي

يلا خيرها بغيرها ان شاء الله

و على فكرة انا كمان من القدس

:s (43): :icon26: