المساعد الشخصي الرقمي

مشاهدة النسخة كاملة : سؤال فشة خلق.....بس اذا صار معك ....؟؟

حورية الحريّة
02-28-2007, 10:27 PM
هلا انتي و خطيبك بكوفي شوب ولا بمطعم ما أحلاكم و هالعصير و هالكعك و بتحكو ...و خطيبك قاعدة و مكيفة انتي على حالك ...بتتخيلي فستان العرس و زغاريد الأهل و أحلي يوم بحياتك بيت الك و حياة جديدة جديدة.... زوجة و أم ولا أحلى ....و خطيبك قدامك ابتسامتو حلوة و حكيو حلو و شخصيتو حلوة ......يعني مزبطين حالكم
بس بعدين بتنتبهي انو اتصل عليكي بوقت انتي عادة بتكوني نايمة فيه...و لما حكا معاكي ليعزمك على المطعم ما حكالك يلا حبيبتي ..ولا يا حبي..ولا يا ملكتي .....و كمان اشي حكالك بسرعة شوفيلك تكسي و تعالي..ما حكالك انا بجيبكي ...ولا أنا بوصلك.....و شوي بتلاحظي انو هلا وقت الغدا و هو طلبلك كعك...مو وجبة...و فوقها ما سألك شو بدك توكلي.....ولي شو بيصير؟؟!!...........و الأحلى من هيك حكالك تعالي و البسي بسرعة و عادي معلش البسي أواعي مبارح لأنو هو كمان مش حاطط جل على شعرو.....ولا العطر الي أهديتي اياه.....ولي؟؟هاي شكلها صعبة و فجأة...............

يلا ورجونا شطارتكم يا أهل المنتدى.....شو بتتوقعوا يصير؟؟؟؟حلمحلكم بشغلة....انو النهاية بتكون كاسة العصير على بنطلون الزلمة و الكعكة بنص و جهو.........و الخلوي الي كان على الطاولة صار على الأرض مكسور ..........و سمعتو خبطة باب المطعم........هيّ مش صعبة بس فرفشولنا القصة شوي ؟؟؟؟؟؟؟؟؟؟؟؟؟؟؟؟؟؟؟؟
العيون السود
03-01-2007, 12:34 AM
هههههههههههههه
من كتر ما ضحكت مش قادرة اتخيل حالي بهيك وضع
بس وعد الي رجعة
يسلموووووووووو
جيفارا*نابلس
03-01-2007, 12:37 AM
ممممممممممممممم

ما بعرف
العمر ماشي
03-01-2007, 01:44 AM
اول اشي بشكرك جزيل الشكر على الموضوع القوي الي فهلاً بحاجه لمناقشه جديه

المهم
شو بدي اعمل :icon9: :icon9: بدي اموووووووووت من العياط
لأنو ما سئلني شو بدي اكل
وما حط من العطر الي جبتلو اياه

وبعد هااد كلوو بيجي الموقف الأصعب والي بخلي الواحد ينهار وانا بصراحه مو قادره اتخيل

( انها لطامة كبرى)
انو حضرة جنابه يجي و مو حاط جل (( يعني لهون وبكفي ))

سعيتها بفسخ خطبتي معوو لانو انسان تافه يعني كيف يجي ومو حاطط جل

وخلصت الحتوته حبيبتي



انا بدي استغل الفرصه من خلال موضوعك .... بدي اقترح على المنتدى انوا يعملو قسم خاص لمشاكل الزواج والخطبه وما قبل الخطبه وما بعدها ... وعن المشاكل العاطفيه ...... لانو شكلها مسببه ازمه لأخوانا هون بالمنتدى
فمن رأي يعني انو يعملوا قسم على شاان ما يسير في خربطه بين النقشات الجااااده الجاده وغيرها



سلام يا حورية الحريه
هنا
03-01-2007, 02:00 AM
ههههههههههههههههههههههههههه
الله ما يحطني في موقف زي هاد
سيد الظلام
03-01-2007, 09:57 AM
يمكن الشاب صاير فيه مصيبة او حاجة خلته يعمل هيك مو دايما لازم تدلع الخطيبة على خطيبها ولا شو رايكم ههههههههههههه

يسلمو على الموضوع حورية كتير حلو وان شاء الله بنشوف شو رايي العضوات
نور الهدى
03-01-2007, 10:03 AM
هههههههههههههههههههههههه

موقف بضحك و بالنسبة الي عادي ما فيها شي يعني ... باخذها بروح رياضية :showoff:

بعدين هالمغازلات في فترة الخطوبة لا تجوز يعني عادي

و شكرا على الموضوع
صــدى اليمن
03-01-2007, 10:06 AM
اولا شكرا
المعنى في بطن الشاعر
فلســرولاــطين
03-01-2007, 10:16 AM
انا برأيي تتحمل

ما تكبر الموضوع
فلســرولاــطين
03-01-2007, 10:16 AM
انا برأيي تتحمل

ما تكبر الموضوع كتير

لو ما بحبها
فلســرولاــطين
03-01-2007, 10:16 AM
انا برأيي تتحمل

ما تكبر الموضوع كتير

لو ما بحبها ما خطبها

وازا بحبها بدها تتحملو

مشكورة كتير على القصة
فلســرولاــطين
03-01-2007, 10:17 AM
ما بعرف شو قصة المنتدى

كل ما بكتب سطر بيبعتو

مش مني الخلل
هادا خلل تقني
ameera
03-01-2007, 10:18 AM
والله مش بالضرورة خطيبي يكون يحط جل واذا حاطط مو اشكال بس العطر لازم يحط والا بعملوا فضيحة بجلاجل وبعدين لازم يكون مرتب والا بصيرش خير بعدين لازم يحكي كلام حلو بس من قلبو مو مجمالات سواء بالخطبة او بالجيزة
ذكريات
03-01-2007, 12:33 PM
والله شايف القصة كبرت
بس برأيي الخطيب مش بالجل والشياكة والمظهر
الخطيب بكون رجال قادر يتحمل مسؤولية كبيرة حتى يحسس خطيبته بالحماية اكتر
بس اذا حكالها متل ما حكت حورية الحرية وكان بحبها بجد عادي وهي كمان لازم تتحملوا لأنها بتكون تحبه
AnGeLa
03-01-2007, 12:43 PM
ههههههههههههههههههههه لما بصير معي ببقى احكيلكم :P

بس حلو السؤال
حورية الحريّة
03-01-2007, 02:53 PM
يمكن الشاب صاير فيه مصيبة او حاجة خلته يعمل هيك مو دايما لازم تدلع الخطيبة على خطيبها ولا شو رايكم ههههههههههههه

يسلمو على الموضوع حورية كتير حلو وان شاء الله بنشوف شو رايي العضوات

شو المشكلة الوحدة تدلع؟يعني فترة الخطوبة لازم سموها فترة دلع......هههههه....شكرا على المشاركة
حورية الحريّة
03-01-2007, 02:55 PM
ما بعرف شو قصة المنتدى

كل ما بكتب سطر بيبعتو

مش مني الخلل
هادا خلل تقني

مو مشكلة..هاد نوع من الخلل الحلو....شكرا على المشاركة 3 أو 4 مرات :icon15: .......يسلمووو
حورية الحريّة
03-02-2007, 10:00 PM
ههههههههههههههههههههه لما بصير معي ببقى احكيلكم :P

بس حلو السؤال

الله يستر و ما تسير معك..هههههههه......يسلموو:icon31:
أحلى مايا
03-02-2007, 10:32 PM
امممممممممممم ممكن صاير شي بخصهم همي الاتنين وبتحمل تاخير

وشو يعني ازا طلبها هو لحالو بس ازا شي بخرب بينهم بخب بيتو ومش الكيك والعصير والكراسي على راسو

يسلمو الك
قسامي غزة
03-03-2007, 12:11 PM
يا ساتر
هوا البنات تفكيرهم هيك
الله يعينا عليهم
حورية الحريّة
03-03-2007, 01:50 PM
يا ساتر
هوا البنات تفكيرهم هيك
الله يعينا عليهم

بجد الله يعينكم يا قسامي :showoff: شكرا على المرور