المساعد الشخصي الرقمي

مشاهدة النسخة كاملة : كم صديق لك ... لا تتسرع ادخل واحكم

القلب النابض
02-28-2007, 04:18 PM
السلام عليكم ورحمة الله وبركاته

مساء الصباح
الصداقة كلمة غالية ...




(كم صـــــديق لك ؟؟؟؟)



الصديق ... الذي يشاركك مســــراتــك وأحــــزانك ...

الصديق ... الذي يبادلك المشاعر في أفراحك وأتراحك ...

الصديق ... الذي يقف معك في حــلــو وقــتــك ومره ...

الصديق ... الذي يصـــــدقك الـــــحب والــــوفاء ...




(كم صـــــديق لك ؟؟؟؟)




الصديق ... الصدوق ...

الصديق ... الأخ ...

الصديق ... الإنسان ...

الصديق ... الوفي ...




(كم صـــــديق لك ؟؟؟؟)



في زمن طغى فيــــه الغـــدر والخيــــانه ...

في زمن انعدم فيــه الصـــــدق والوفـــاء ...

في زمن أظــلم بالكــذب والمـــجــامـــلات ...

في زمن سادت فيه الأنانية والمصالح الشخصية ...

في هذا الزمن ....

لديك مــال ... إذن لديك أصدقاء ...

لديك جــاه ... إذن لديك أصدقاء ...

لديك منـصب ... إذن لديك أصدقاء ...

فجــــــــأة !!!

ذهب المـــال ... فرّ الأصدقاء ...

زال الجـــاه ... رحل الأصدقاء ...

انعدم المنصب ... طار الأصدقاء ...

في هذا الزمن ...

لك عندي مصلحة ... فــأنت صــديقـــي ...

لك عندي حـاجة ... فــأنت أخـــــــي ...

لك عندي غــرض ... فأنت المخلص الوفي ...

انتهت المصلحة ....

مــن أنت ؟؟؟ ... لا أعرفك ؟؟؟ ...

لا أتذكرك ؟؟؟ ... لـم أرك ؟؟؟ ...


انتهت المصلحة ....

انتهى ... معها الكــــــلام ...

انتهى ... معها الســــــلام ...

انتهى ... معها حتى الإبتسام ...




(كم صـــــديق لك ؟؟؟؟)




امـــعن النظر بمن حولك ...

دقق النظر بمن يحيطون بك ...

أعـــــد حســـاباتــــك ...

ثم قلي بـــربــك ...


(كم صـــــديق لك) ؟؟؟؟
أنين
02-28-2007, 04:23 PM
بصراحه ما عندي ......

انا كان عندي اكتير بس بالنهايه انغشيت فيهم

وطلعوا مو زي ما توقعت

مشكله وحده وفرئت بينا


وشكراً على الموضوع القلب النابض
وردة حماه
02-28-2007, 04:29 PM
شكرا القلب النابض بصراااااااااااااااااااااحة أنا ملاقية بهالصفات الحلوة كلها ميمي اللي هي بنت الرملة و دايما بدعي الله يخليلي ياها ويديمها أحلى و اغلى صديقة على قلبي ياااااااااارب ...فعلا شفت فيها معنى الصداقة ا لحقيقية ...شكرا
جيفارا*نابلس
02-28-2007, 04:44 PM
كان في اليوم لاء

يمكن بس ايام الطفوله لانه البرائه بتغلب على الانسان في ذاك العمر

بس اليوم للا سف الكل منافق كذاب

غشاش وما بيحب الا مصلحته

شكرا على الموضوع
القلب النابض
02-28-2007, 04:50 PM
شكرا لكم على مروركم الاكثر من رائع والكلام بصراحة ومروركم السريع دمتم بصحة وعافية
ramzi_90
02-28-2007, 06:26 PM
يمكن حاليا ما الاقي صديق بهاي المواصفات
لانه هادا زمن انعدم فيه الوفاء
ameera
02-28-2007, 09:25 PM
انا مالقيت صديقات فعلا صديقات يكونوا خوات الي الروح بالروح والله كان في عندي بس للاسف عشرة عمر 6سنين وصداقة بلحظة بتروح والتانية طلعت بتعاملني بوجهين اخخخخخخخخخ من هالايام شو غدارة
ابو وطن
02-28-2007, 09:49 PM
1 صديق واحد
شكرا القلب النابض على الموضوع
حورية الحريّة
02-28-2007, 09:59 PM
الصراحة انا هلا تأكدت أكتر من الأول انو صديقتي بجد صديقتي....صديقتي ولاء
انا وياها صحبة و بنعرف بعض من الحضانة يعني تخيلي كم من سنة و نفس المدرسة و قرايب من بعيد شوي بس أعز صحبة....و الدليل انها دايما بتحكيلي انو في من بعض أغراضي الحلو كتير لدرجة انها بتستعيرو و منو البشع كتير و بترميي و انا مش شايفة هههه
هلا انا توجيهي و همي على علاماتها أكتر من همي على علاماتي لأنو فرحتي ما حتكتمل الا لما أتأكد انها فرحانة هي كمان بعلامتها
هاي الصداقة بجد برأي و متل ما حكيت هي بنت وحدة و الباقي صديقات بس مو بمعنى الكلمة
قسامي غزة
02-28-2007, 11:30 PM
انا الحمد لله عندي اصدقاء من هاد النوعية
يشاركونني الاحزان والافراح
وكانت الهم وقفات عمره ما حد يعملها او اني تصورت ممكن حد يعملها
وطبعا انا ما باقصر فيهم
الحمد لله علي هؤلاء الاصدقاء
صحيح الواحد ما يعرف الصديق الحقيقي الا وقت الضيق والازمات
وطبعا الي يكون من ابناء المساجد يعرف معني الصداقة الحقيقة
يكون عندهم الحب لله وليس لمصلحة
aBo SaLeeM
02-28-2007, 11:32 PM
صعب الواحد يلاقى اصدقاء هيك

لكن فيه عندي اصدقاء هيك
هنا
03-01-2007, 12:19 AM
في هاد الوقت صعب ان تلائي صديق في هي المواصفات
الايام صديقك لم بدو مصلحه ولم تنتهي مصلحته بحكيلك روح دور على حالك
واتمنى ان الصداقه تبعد عن المصلحه ........................
لان هي ارقى من هيك؟؟؟؟؟؟؟
ارض فلسطين
03-02-2007, 01:32 PM
شكرا على الموضوع الجميل
والله انا كنت بدي اقلك انه في الي كتير اصدقاء
بس بعد ما قرأت الموضوع
للاسف ما عاد الي ولا صديقه
القلب النابض
03-12-2007, 06:43 PM
شكرا للجميع على المرور الحلو وان شاء الله تلاقو الاصدقاء الحقيقين
نور اليقين
03-13-2007, 12:01 PM
خلينا ساكتين احسن
^^
موضوعك كتير حلو و كلماتو و الله مش عارفة شو اقول
عامة
موضوع حلو
^^
rame
03-13-2007, 02:17 PM
انا ما الي غير صديق واحد
بأعتبرو انا صديق واخ واب
واانا مستعد افديه بروحي
واحنا الاثنين مع بعض على الموت

اما الباقي فأنا بأعتبرهم مصالح ومعارف مش اصحاب

وكمان الي صديق على الانترنت عزيز كتير عليا وهو عارف حالو *_^
rame
03-13-2007, 02:27 PM
انا الحمد لله عندي اصدقاء من هاد النوعية
يشاركونني الاحزان والافراح
وكانت الهم وقفات عمره ما حد يعملها او اني تصورت ممكن حد يعملها
وطبعا انا ما باقصر فيهم
الحمد لله علي هؤلاء الاصدقاء
صحيح الواحد ما يعرف الصديق الحقيقي الا وقت الضيق والازمات
وطبعا الي يكون من ابناء المساجد يعرف معني الصداقة الحقيقة
يكون عندهم الحب لله وليس لمصلحة


صدقت والله اصلا انا صديقي من هادة النوع حبنا لبعض لله